ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߞߋ߬ߟߋ߲߬ߧߊ߫ ߝߊ߬ߛߏ߬ߟߊ߬ߞߊ (ߖߘߞߝ) ߣߌ߫ ߞߎ߲߬ߠߊ߬ߛߌ߮ ߓߘߊ߫ ߛߊ߲߭ ߛߓߊ߬ ߛߊߛߋ߫ ߞߟߊ߬ߣߐ߬ߦߊ߬߸ ߏ߬ ߞߍߣߍ߲߫ ߊ߬ߟߎ߬ ߣߌ߫ ߓߐ߰ߝߍ ߞߏߕߌ߯ߘߊ ߟߋ߬ ߕߍ߫߸ ߛߴߊ߬ߟߎ߬ ߝߣߊ߫ ߘߴߊ߬ߟߎ߬ ߛߋߞߏ ߞߍ߫ ߥߊ߭ ߟߊߞߊ߲ߘߊ ߘߐ߫߸ ߊ߬ ߣߌ߫ ߥߊ߬ߘߐ߬ ߓߌߦߊ߲ ߠߎ߬ ߟߊߕߊ߲߬ߞߊ ߘߐ߫، ߒ߬ߓߊ߬߸ ߊ߬ߟߎ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߞߟߊ߬ߣߐ߬ߦߊ߬ߟߌ ߏ߬ ߞߐߝߍ߬ ߞߎ߲߬ߢߐ߲߰ ߘߊ߲ߘߐ߫ ߟߊ߫߸ ߡߏߙߌ߫ ߞߐ߲ߘߍ߫ ߝߣߊ߫ ߞߵߊ߬ ߛߐ߲߬ ߊ߬ߟߎ߬ ߟߊ߫ ߝߊ߬ߦߊ ߡߊ߬ ߞߏ߲ߓߌߕߌ߮ ߕߟߋ߬ ߁߉.

ߊߟߎ߫ ߦߴߊ߬ ߟߐ߲߫߸ ߘߏ߲߬ߛߏ ߟߎ߬ ߣߌ߫ ߞߎ߲߬ߠߊ߬ߛߌ߮ ߞߊ߬ ߞߟߊ߬ߣߐ߬ߦߊ߬ߟߌ ߡߍ߲ ߞߍ߫ ߣߌ߲߬ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߏ߬ ߞߍ߫ ߘߊ߫ ߕߎߟߊߝߌ߲ ߕߋ߬ߟߋ߫ ߂߁ ߠߋ߬ ߡߊ߬ ߞߐߣߊߞߙߌ߫، ߛߓߍ ߡߍ߲ ߦߋ߫ ߘߴߊ߲ ߓߟߏ߫߸ ߥߙߎߞߌ߫ ߓߟߏߕߍ߰ߓߊߟߌ ߣߌ߫ ߓߐ߰ߝߍ ߞߏߕߌ߮߸ ߝߊ߬ߛߎ߫ ߕߋ߬ߦߊ߫ ߖߘߍ߬ߓߊ߬ߞߎ߲ ߞߵߏ߬ ߞߟߊ߬ߣߐ߬ߦߊ߫ ߟߋ߬߸ ߊ߬ ߣߌ߫ ߡߎߛߊ߫ ߞߎ߬ߟߌߓߊ߬ߟߌ߫ ߖߍ߬ߘߍ߸ ߊ߬ߟߋ ߡߍ߲ ߦߋ߫ ߘߏ߲߬ߛߏ ߟߎ߬ ߟߊ߫ ߘߍ߭ ߞߎ߲߬ߠߊ߫߸ ߊ߬ߟߎ߫ ߝߌ߬ߟߊ ߓߍ߯ ߟߋ߬ ߓߟߏߣߐ ߕߘߍ߬ ߛߓߍ ߣߌ߲߬ ߞߣߐ߫.

ߕߎ߬ߢߊ߬ ߝߐ߬ ߓߟߏ ߡߊ߬߸ ߣߌ߲߬ ߕߐ߬ߣߐ߫ ߢߌ߬ߡߊ߲߬ ߛߋߕߐ߫ ߘߏ߲߬ߛߏ ߟߎ߫ ߡߊ߬؟

ߘߏ߲߬ߛߏ ߟߎ߬ ߣߌ߫ ߞߎ߲߬ߠߊ߬ߛߌ߮ ߞߍ ߞߊ߬ ߛߓߍ ߣߌ߲߬ ߞߟߊ߬ߣߐ߬ߦߊ߫߸ ߏ߬ ߞߘߐ ߟߋ߬ ߞߏ߫ ߛߊ߲߭ ߛߊ߬ߓߊ ߡߍ߲ ߣߊ߬ߕߐ߫ ߕߋ߲߬߸ ߘߏ߲߬ߛߏ ߟߎ߬ ߟߊ߫ ߘߍ߭ ߓߘߊ߫ ߟߊ߬ߤߘߌ ߕߊ߬ ߞߎ߲߬ߠߊ߬ߛߌ߮ ߦߋ߫߸ ߞߏ߫ ߊ߬ߟߎ߬ ߘߌ߫ ߥߊ߭ ߟߊߞߊ߲ߘߊ߫߸ ߞߊ߬ ߦߙߌ߫ ߕߘߎ ߞߍ߫߸ ߞߊ߬ ߛߋ߫ ߛߏ߫ ߞߣߐ߫ ߡߐ߮ ߟߎ߬ ߤߊ߲ߞߟߌ ߟߊߞߊ߬ ߟߊ߫ ߥߊ߬ ߞߣߐ߬ ߛߓߏ ߟߎ߬ ߟߊߕߏ ߘߐ߫߸ ߡߍ߲ ߠߎ߬ ߦߋ߫ ߕߎߣߎ߲ ߘߊߞߘߐ߫.

ߊ߬ߟߎ߬ ߟߊ߫ ߓߟߏ߫ ߘߌ߫ ߢߐ߲߰ ߡߊ ߣߌ߲߬ ߞߐߝߍ߬߸ ߏ߬ ߘߌ߫ ߞߍ߫ ߛߊߓߎ߫ ߘߌ߫߸ ߞߏߕߌߘߊ ߘߌ߫ ߛߓߍ ߘߏ߫ ߟߎ߫ ߓߌ߬ߟߊ߫ ߘߏ߲߬ߛߏ ߟߎ߫ ߛߊ߬ߥߏ߬ ߘߐ߫߸ ߞߊ߬ ߟߐ߲ߠߌ߲ ߘߏ߫ ߟߎ߫ ߞߍ߫ ߊ߬ߟߎ߫ ߞߎ߲߬߸ ߡߍ߲ ߘߴߊ߬ ߞߍ߫ ߊ߬ߟߎ߬ ߘߌ߫ ߟߊ߬ߡߌߣߌ߲ ߟߊߞߊ߲ߘߊ߫ ߢߊ ߟߐ߲߫߸ ߞߊ߬ ߟߊߡߌߣߌ߲ ߘߐߓߍ߲߬ ߢߊ ߝߣߊ߫ ߟߐ߲߫، ߘߏ߲߬ߛߏ ߟߎ߬ ߝߣߊ߫ ߘߌ߫ ߕߏ߫ ߘߊ߲߬ߕߍ߰ߟߌ ߞߍ߫ ߟߊ߫ ߞߎ߲߬ߠߊ߬ߛߌ߮ ߦߋ߫ ߛߐ߲߬، ߏ߬ ߛߌߟߊ߫ ߞߋߟߋ߲ ߝߣߊ߫ ߝߍ߬߸ ߊ߬ߟߎ߬ ߣߌ߫ ߟߊ߬ߡߌߣߌ߲ ߟߊߞߊ߲ߘߊ ߡߐ߱ ߟߎ߬ ߘߴߊ߬ߟߎ߬ ߡߊߘߏ߲߬ ߢߐ߲߮ ߠߊ߫߸ ߞߊ߬ ߛߋ߫ ߖߊ߲߬ߕߏ߬ ߞߍ߫ ߟߊ߫ ߓߊ߯ߙߊ ߥߊ߫ ߢߊ ߟߎ߬ ߘߐ߫.

ߢߌ߲߬ ߠߋ߬ ߞߍߣߍ߲߫ ߛߊߓߎ߫ ߘߌ߫ ߣߌ߲߬߸ ߞߵߊ߬ ߦߌ߬ߘߊ߬ ߜߍ ߘߐ߫ ߥߛߊߞߙߊ߫߸ ߞߏ߫ ߡߎߛߊ߫ ߞߎ߬ߟߌߓߊ߬ߟߌ߬ ߣߴߊ߬ ߟߊ߫ ߖߊ߬ߡߊ ߝߣߊ߫ ߓߘߊ߫ ߘߊ߲ߞߎ߲߫ ߞߎ߲߬ߠߊ߬ߛߌ߮ ߓߟߏ߫߸ ߊ߬ߟߎ߬ ߟߊ߫ ߓߟߏ߫ ߘߌ߫ ߢߐ߲߰ ߡߊ ߣߌ߲߬ ߞߐߝߍ߬، ߡߍ߲ ߞߏ߬ߣߌ߲ ߟߐ߬ߣߍ߲߬ ߥߊߘߌ߫ ߞߏ ߡߊ߬ߝߊ߲ ߡߊ߬ ߘߏ߲߬ߛߏ ߟߎ߬ ߟߊ߫ ߞߎ߬ߠߊ߫߸ ߏ߬ ߞߎߡߊ߫ ߡߊ߫ ߝߐ߫ ߛߓߍ ߣߌ߲߬ ߞߣߐ߫.

ߏ߬ ߟߋ ߞߐߝߍ߬߸ ߡߏߙߌ߫ ߞߐ߲ߘߍ߫ ߝߣߊ߫ ߞߊ߬ ߘߏ߲߬ߛߏ ߟߎ߬ ߕߟߏ ߘߌߦߊߣߊ߲߫ ߞߊ߲ ߝߐ߫ ߊ߬ߟߎ߬ ߦߋ߫

ߞߏ߲ߓߌߕߌ߮ ߕߟߋ߬ ߁߉ ߡߊ߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߞߋ߬ߟߋ߲߬ߧߊ ߞߵߊ߬ ߝߐ߫߸ ߞߏ߫ ߞߏߕߌ߯ ߞߘߐ ߡߏߙߌ߫ ߞߐ߲ߘߍ߫ ߓߘߊ߫ ߛߐ߲߬ ߊ߬ߟߎ߬ ߟߊ߫ ߝߊ߬ߦߊ ߡߊ߬، ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߘߐ߫߸ ߞߏ߫ ߊ߬ߟߎ߫ ߣߐ߬ ߡߏߙߌ߫ ߞߐ߲ߘߍ߫ ߞߍ߫ ߟߴߊ߬ߟߎ߬ ߟߊ߫ ߝߊ߭ ߘߌ߫ ߊ߬ ߥߊߟߢߌߡߊߟߐ߲ ߠߋ߬ ߡߊ߬߸ ߊ߬ ߓߘߊ߫ ߡߍ߲ ߞߍ߫ ߘߏ߲߬ߛߏ ߟߎ߬ ߦߋ߫߸ ߊ߬ ߓߘߊ߫ ߡߍ߲ ߞߍ߫ ߖߛߎ߬ߛߎߡߊ ߟߊߛߓߊ߬ߕߌ ߘߐ߫߸ ߊ߬ ߣߴߊ߬ ߞߍ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߡߐ߰ߓߊ߬ߞߘߐ ߟߎ߬ ߣߌ߫ ߓߋ߲ߓߊ ߟߎ߬ ߞߐߛߌߟߊ ߟߊߓߊ߬ߕߏ߬ߓߊ߮ ߟߋ߬ ߘߌ߫.

ߏ߬ ߘߐ߫߸ ߛߍߥߊ߫ ߝߌ߬ߟߊ߫ ߟߋ߬ ߣߐ߬ ߢߐ߲߯ߓߍ߲߬ ߠߊ߫߸ ߊ߬ߟߎ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߛߓߍ ߞߟߊ߬ߣߐ߬ߦߊ ߞߐߝߍ߬߸ ߡߏߙߌ߫ ߞߐ߲ߘߍ߫ ߝߣߊ߫ ߓߘߴߊ߬ ߞߎ߲߭ ߛߌ߰ ߊ߬ߟߎ߬ ߟߊ߫ ߝߊ߬ߦߊ ߞߘߐ߫.

ߏ߬ ߘߐ߫߸ ߘߏ߬ߣߌ߲߫ ߝߌ߬ߟߊ߫ ߟߋ߬ ߛߌ߰ߣߍ߲߫ ߘߏ߲߬ߛߏ ߟߎ߫ ߞߎ߲߬ ߕߋ߲߬: ߞߊ߬ ߡߊ߲߬ߘߋ߲߫ ߟߊ߲߬ߘߊ߬ ߞߘߐ ߟߎ߬ ߟߊߕߊ߲߬ߞߊ߫ ߞߵߊ߬ߟߎ߬ ߟߊߞߛߌ߫ ߕߎߣߎ߲ ߡߊ߬߸ ߞߊ߬ ߓߊ߲߫ ߞߊ߬ ߖߡߊ߬ߣߊ ߥߊ߭ ߣߴߊ߬ ߛߓߏ߬ ߕߎߣߎ߲ߕߐߟߊ ߟߎ߬ ߟߊߞߊ߲ߘߊ߫، ߒ߬ߓߊ߬߸ ߊ߬ ߕߏߣߍ߲߫ ߓߊ߯ߙߊ ߟߋ߬ ߡߊ߬ ߛߍߣߍ߲߬߸ ߡߍ߲ ߝߐߣߍ߲߫ ߞߵߏ߬ ߞߍ߫߸ ߖߐ߲߰ߛߊ߫ ߛߌߣߌ߲߫ ߘߋ߲ߡߌߛߍ߲߫ ߥߟߌ߬ߕߐ ߟߎ߬ ߘߴߊ߬ ߟߐ߲߫ ߞߏ߫ ߊ߬ߟߎ߫ ߞߊ߬ ߘߏ߫ ߞߍ߫.