ߓߌ߬ ߞߍ߲ߘߍߟߏ߲ ߢߌ߲߬ ߡߊ߫ ߘߌߦߊ߫ ߝߊ߬ߙߊ߲߬ߛߌ߬ ߞߣߐ߫ ߌߞߐ߫߸ ߞߵߏ߬ ߞߎ߲߭ ߞߍ߫ ߕߐ߲ߓߟߏߡߊ ߟߎ߬ ߣߌ߫ ߔߊߞߌߛߦߊߟߊ ߟߎ߬ ߝߘߌ ߘߌ߫ ߢߐ߲߮ ߘߐ߫ ߔߊ߬ߙߌ߬߸ ߖߊ߬ߡߊ߫ ߘߍ߬ߜߍ ߓߐߣߍ߲ ߞߐߝߍ߬ ߞߊ߬ ߓߐߟߐ߲ߓߐߟߐ߲ ߠߎ߬ ߟߊߝߌ߲߬߸ ߞߊ߬ ߓߍ߲߬ ߖߡߊ߬ߣߊ ߜߟߍ߬ߦߊ ߣߌ߫ ߝߊ߬ߙߊ߲߬ߛߌ߫ ߛߌ߱ ߜߏߦߊ ߡߊ߬߸ ߊ߬ ߣߌ߫ ߞߊ߬ߙߊ߲߬ߛߏ ߟߎ߬ ߝߣߊ߫ ߟߊ߫ ߖߛߎ߬ߡߊ߬ߞߛߊ ߟߊߣߍ߲ ߏ߬ ߘߟߊ߫، ߊ߬ߟߎ߬ ߟߊ߫ ߞߣߐߟߊ ߞߏߕߌ߯ߘߊ ߟߊ߫ ߝߐߟߌ߫ ߘߐ߫߸ ߖߊ߬ߡߊ ߡߍ߲ ߓߐߣߍ߲߫߸ ߊ߬ ߘߌ߫ ߡߐ߰ ߄߁߀ ߀߀߀ ߖߊ߬ߕߋ߬ ߘߐ߫ ߝߊ߬ߙߊ߲߬ߛߌ߫ ߡߎ߰ߡߍ ߞߣߐ߫، ߔߊ߬ߙߌ߬ ߛߏ߫ ߞߣߐߟߊ ߞߋߟߋ߲߫ ߘߐ߫߸ ߡߐ߰ ߁߁߀ ߀߀߀ ߖߊ߬ߕߋ߫ ߟߋ߬ ߓߐ߫ ߘߊ߫ ߞߎߓߋߘߊ ߟߊ߫ ߦߋ߲߬.

ߖߊ߬ߡߊ ߢߌ߲߬ ߠߎ߬ ߟߊ߫ ߓߐߟߌ ߞߎ߲߭ ߦߋ߫ ߡߎ߲߬ ߘߌ߫؟ ߞߊ߲߫ ߘߊ߲ߘߐ ߡߍ߲ ߦߴߊ߬ߟߎ߬ ߘߊ߫߸ ߏ߬ ߞߐߣߐ߲ߞߎ߲ߓߊ ߝߟߍ߫:

·       ߓߍ߯ ߦߋ߫ ߘߐߞߢߊ߫ ߖߡߊ߬ߣߊ ߞߣߐ߫߸ ߞߊ߬ ߝߙߍ߬ ߞߍ߫ ߓߍ߯ ߟߊ߫ ߓߊ߯ߙߊ ߦߋ߫ ߛߴߊ߬ ߓߐ߫ ߟߊ߫ ߞߏ߫ ߘߐ߫߸ ߊ߬ ߣߌ߫ ߞߊ߬ ߤߊߞߍ߫ ߡߞߊߣߌ߲ ߔߊߞߌߛߦߊ ߛߌߟߊ ߟߊߞߊ߬ ߓߍ߯ ߦߋ߫.

·       ߕߐ߲ߓߟߏߡߊ ߟߎ߬ ߦߋ߫ ߜߊ߰ߢߊ߬ߜߊ߯ߢߊ ߡߍ߲ ߟߊ߫ ߟߊ߫ ߔߊߞߌߛߦߊߟߊ ߟߎ߫ ߞߊ߲߬߸ ߏ߬ ߦߋ߫ ߛߴߊ߬ ߘߊ߲߭ ߠߊ߫، ߞߌ߬ߛߍ߬ߜߘߊ ߞߊߣߊ߬ ߟߊߓߊ߯ߙߊ߫߸ ߞߌ߬ߛߍ߬ ߡߣߊߟߡߊ ߞߊߣߊ߬ ߟߊߓߊ߯ߙߊ߫ ߔߊߞߌߛߦߊߟߊ ߟߎ߬ ߞߊ߲ߡߊ߬ ߝߋߎ߫.

·       ߞߊ߬ ߡߌ߬ߣߊ߬ߟߌ߬ ߓߊ߲ߓߊߟߌ ߟߊߟߐ߬߸ ߞߊ߬ ߘߋ߲ߣߍ߲ ߠߎ߬ ߟߊߘߊ߬ߙߏ ߓߟߏߞߊ߬.

·       ߞߊ߬ ߞߊߘߊ߲߫ ߞߍ߫߸ ߋߡߊߣߎ߳ߍߟ ߡߊߞߐߙߐ߲߫ ߦߋ߫ ߓߙߐߕߐ߫

ߞߊ߲ ߢߌ߲߬ ߠߎ߫ ߟߋ߬ ߓߍ߯ ߦߴߊ߬ߟߎ߬ ߘߊ߫، ߓߌ߬ ߕߊ ߢߌ߲߬ ߘߐ߫߸ ߕߐ߲ߓߟߏߡߊ ߟߎ߬ ߣߌ߫ ߔߊߞߌߛߦߊߟߊ ߟߎ߬ ߞߵߊ߬ ߟߊ߫ ߢߐ߲߮ ߕߍ߫ ߞߐߙߑߕߍߖ߭ ߔߊߙߌߖ߭ߌߦߍ߲ ߘߌ߲߬ߞߌߙߊ ߟߋ߬ ߘߐ߫߸ ߖߊ߬ߡߊ ߞߊ߬ ߝߋ߲߫ ߠߊߝߟߌ ߞߍ߫ ߕߐ߲ߓߟߏߡߊ ߟߎ߫ ߡߊ߬ ߦߋ߲߬ ߠߋ߬، ߏ߬ ߟߎ߬ ߝߣߊ߫ ߞߵߊ߬ߟߎ߬ ߟߊߓߍ߲߬ ߢߊߖߌߓߐߥߊߦߌ߲ ߠߊ߫߸ ߊ߬ ߣߌ߫ ߞߊ߬ ߖߌ ߟߛߊߙߌ߫ ߊ߬ߟߎ߬ ߕߎ߫ ߘߐ߫.

ߟߌߦߐ߲߫ ߝߊ߲߭ ߝߍ߬߸ ߕߐ߲ߓߟߏߡߊ ߟߎ߫ ߞߊ߬ ߢߊߖߌߓߐߥߊߦߌ߲ ߠߊߝߌ߬ߟߌ߫ ߟߋ߬ ߔߊߞߌߛߦߊߟߊ߫ ߡߐ߰ ߁߅߀ ߕߎ߫ ߘߐ߫ ߦߋ߲߬߸ ߊߍߝߑߔߋ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.

ߞߊ߬ߕߎ߲߯߸ ߞߏ߫ ߡߐ߱ ߏ߬ ߟߎ߬ ߟߊߘߍ߬ߣߍ߲߫ ߕߘߍ߬ ߦߙߐ ߡߍ߲ ߘߐ߫߸ ߊ߬ ߝߐߣߍ߲߫ ߠߋ߬ ߞߏ߫ ߔߊߞߌߛߦߊߟߊ߫ ߞߊߣߊ߬ ߛߋ߫ ߦߋ߲߬߸ ߣߴߏ߬ ߦߋ߫ ߕߐ߲ߓߟߏߡߊߛߏ ߘߏ߫ ߘߊߞߘߐߟߊ ߣߌ߫ ߖߊ߯ߓߘߊ ߘߏ߫ ߘߊߞߘߐߟߊ ߘߌ߫.

ߤߊߞߍߕߏ߫ ߝߊ߬ߙߊ߲߬ߛߌ߬ ߞߣߐߟߊ ߞߏߕߌ߮ ߛߌߟߊ߲ߣߍ߲߫ ߕߘߍ߬ ߓߐߟߌ߫ ߞߏ ߣߌ߲߬ ߢߍ߫߸ ߊ߬ ߞߊ߲߫ ߞߏ߫ ߊ߬ߟߎ߫ ߞߊ߬ ߕߐ߲ߓߟߏߡߊ߫ ߇߀ ߀߀߀ ߟߋ߬ ߟߊߖߌ߰߸ ߛߴߊ߬ߟߎ߬ ߘߌ߫ ߛߋ߫ ߝߛߏ߬ߝߛߊ ߓߍ߯ ߟߊߘߊ߲߬ ߠߊ߫ ߢߊ ߡߍ߲ ߡߊ߬.

ߟߏߙߊ߲ ߣߎߣߍߖ߭ ߟߋ߬ ߦߋ߫ ߞߣߐߟߊ ߞߏߕߌ߮ ߘߌ߫߸ ߏ߬ ߞߊ߲߫ ߞߏ߫ ߕߐ߲ߓߟߏߡߊ߫ ߛߌߦߊߡߊ߲ ߠߊ߫ ߓߐߟߌ ߟߋ߬ ߞߍߕߐ߫ ߕߙߎ߬ ߘߌ߫߸ ߕߌߢߍߟߌ ߘߌ߫ ߡߊߓߍ߲߬߸ ߦߙߐ߫ ߕߋ ߘߌ߫ ߡߊߓߍ߲߬، ߊ߬ ߞߊ߲߫ ߞߏ߫ ߊ߬ ߞߏ߬ߣߌ߲ ߘߌ߫ ߡߍ߲ ߝߐ߫߸ ߊ߬ߟߎ߬ ߓߘߊ߫ ߔߊߞߌߛߦߊ ߟߊߕߐ߲߫، ߣߌ߫ ߡߍ߲ ߠߎ߬ ߘߏ߲߬ ߡߊ߫ ߢߊ߬ ߞߏ߫ ߝߏ߫ ߊ߬ߟߎ߬ ߦߋ߫ ߓߐ߫߸ ߏ߬ ߟߎ߬ ߦߴߊ߬ߟߎ߬ ߞߊߘߊ߲߫ <<ߊ߬ ߞߊߣߊ߬ ߟߊߛߌ߰ ߕߌߢߍߟߌ߫ ߞߊ߲߬߸ ߊ߬ ߘߏ߲߬ ߞߊߣߊ߬ ߖߊ߬ߡߊ ߟߊ߫ ߖߛߎ߬ߛߎߡߊ ߘߐߞߛߐ߫.>>

ߊ߬ߟߎ߫ ߞߵߊ߬ ߝߐ߫ ߞߏ߫ ߊ߬ ߝߕߐ߫ ߛߌ߲߬ߝߏ߲߬ߧߊ߬ߟߌ߬ߟߊ ߡߍ߲ ߠߎ߬ ߡߊ߬ ߞߏ߫ <<ߖ߭ߌ߬ߟߍ߫ ߗ߭ߋߣ>>߸ ߏ߬ ߟߎ߬ ߞߊߣߊ߬ ߓߐ߫߸ ߊ߬ ߣߌ߫ ߞߊ߬ߙߊ߲߬ߠߊ߬ߘߋ߲ ߝߋ߲߫ ߞߊߣߵߊ߬ߟߎ߬ ߟߊߘߍ߬ ߞߎ߲߬ߠߊ߬ߛߌ߮ ߟߊ߫ ߞߊ߬ߙߊ߲߬ߓߏ߲߬ ߝߏߦߌ߬ ߘߊ ߞߘߐ߫.

ߊ߬ߟߎ߫ ߞߏ߬ߣߌ߲ ߛߐ߲߬ ߘߊ߫߸ ߞߏ߫ ߕߐ߰ߕߐ߰ߟߌ߬ߟߊ ߟߎ߬ ߘߌ߫ ߛߋ߫ ߓߐ߫ ߟߊ߫߸ ߣߴߏ߬ ߦߋ߫ ߓߊ߯ߙߟߊ ߟߎ߬ ߟߊ߫ ߝߘߏ߬ߓߊ߬ ߞߙߎߝߊߢߐ߲߯ߦߊ ߘߌ߫߸ ߏ߬ ߟߎ߬ ߟߊ߫ ߓߐߟߌ ߝߣߊ߫ ߘߐ߫߸ ߞߵߊ߬ ߕߊ߬ ߓߊߛߑߕߌߟ ߡߊ߬ ߞߵߊ߬ ߛߌ߰ ߔߑߟߊߛ ߘߋ ߟߊ߫ ߣߊߛߌߦߐ߲ ߠߊ߫߸ ߞߊ߬ ߛߏ߫ ߕߍߡߟߊ ߕߏ߫ ߦߋ߲߬ ߝߋߎ߫߸ ߊ߬ ߣߌ߫ ߖߎ߬ߟߊ ߟߎ߬ ߟߊ߫ ߦߙߐ.

ߝߊ߬ߙߊ߲߬ߛߌ߬ߞߊ ߟߎ߬ ߥߊ߯ߕߌ߫ ߦߙߌߞߊ ߟߋ߬ ߓߐߟߌ ߘߊߞߘߐ߫ ߣߌ߲߬߸ ߘߋ߲ߡߌߛߍ߲ ߠߎ߬ ߟߋ߬ ߝߟߐ߫ ߞߵߊ߬ ߘߊߡߌ߬ߣߊ߬ ߞߏ߫ ߊ߬ߟߎ߬ ߟߊ߫ ߞߊ߬ߙߊ߲߬ ߞߏ ߛߌ߰ߝߊߘߌ ߜߍ߬ߟߍ߲߬ߡߊ߲߬، ߏ߬ ߟߋ ߟߊߓߊ߲ߣߍ߲߫ ߡߌ߬ߙߌ߲߬ߘߌ ߝߊ߲߬ ߞߋߟߋ߲ ߝߣߊ߫ ߓߐߟߌ ߡߊ߬ ߣߌ߲߬߸ ߞߏ߫ ߞߏ ߟߎ߬ ߓߘߊ߫ ߜߟߍ߬ߦߊ߬.

ߏ߬ ߟߊ߬ߡߊ߮ ߟߋ߬ ߖߍ߬ߘߍ ߞߊ߬ ߝߊ߬ߙߊ߲߬ߛߌ߫ ߝߊ߰ߡߊ ߟߎ߫ ߟߐ߬ ߛߎ߫ ߘߐ߫ ߡߊߕߊ߯ߡߓߊߟߌߦߊ ߛߌ߰ ߟߊ߫ ߛߋ߲߬ߠߊ߫ ߔߊ߬ߙߌ߬ ߞߣߐ߫߸ ߊ߬ ߣߌ߫ ߘߎ߰ ߛߌߦߊߡߊ߲߫ ߜߘߍ߫ ߟߎ߫߸ ߦߏ߫ ߟߌߦߐ߲߫ ߣߌ߫ ߡߊ߬ߙߑߛߍߦ߸ ߏ߬ ߟߎ߬ ߡߍ߲ ߠߎ߬ ߦߋ߫ ߖߡߊ߬ߣߊ ߘߎ߰ߓߊ߬ ߝߌߟߊߣߊ߲ ߣߴߊ߬ ߛߓߊߣߊ߲ ߘߌ߫.

ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߡߐ߰ ߂ ߄߀߀ ߠߋ߬ ߡߌ߬ߣߊ߫ ߕߋ߲߬߸ ߡߐ߰ ߥߊ߯ ߞߋߟߋ߲߫ ߖߊ߬ߕߋ߬ ߓߘߊ߫ ߡߊߘߌߡߌ߲߫ ߕߐ߲ߓߟߏߡߊ ߟߎ߬ ߘߐ߫.