ߛߌ߯ߙߌ߲߫ ߕߌ߲߬ߞߎߘߎ߲ ߝߊ߰ߡߊ ߟߎ߬ ߓߘߊ߫ ߥߌ߬ߟߌ߫ ߘߊ߬ߡߊ߲߬ ߞߎ߬ߘߎ߲߬ߣߍ߲߬ ߓߊ߰ߙߊ߬ߟߊ ߟߎ߬ ߞߐ߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬ ߛߊߣߌ߲߫ ߢߌߣߌ߲߫ ߞߏ ߡߊ߬ߝߊ߲ ߝߍ߬، ߞߊ߬ߕߎ߲߯߸ ߊ߬ߟߎ߬ ߟߊ߫ ߓߊ߯ߙߊ ߞߍߢߊ ߖߊ߬ߕߋ߬ߣߍ߲߫ ߝߊ߰ߡߊ ߟߎ߬ ߓߟߏ߫ ߓߐ߰ߝߍ ߘߐߞߛߐ߫ ߞߏ ߟߋ߬ ߘߌ߫߸ ߏ߬ ߟߋ ߣߐ߬ ߊ߬ߟߎ߫ ߥߟߌ߬ ߟߴߊ߬ߟߎ߬ ߞߊ߲ߡߊ߬߸ ߛߊ߫ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߘߌ߫ ߟߊߞߊ߲ߘߊ߫ ߢߊ ߡߍ߲ ߡߊ߬.
ߟߊ߬ߛߋ߬ߟߌ߫ ߟߋ߬ ߟߊߖߍ߲ߛߍ߲߫ ߘߊ߫ ߞߵߊ߬ ߓߌ߬ߟߊ߫ ߖߊ߬ߡߊ ߓߟߏߟߊ߫ ߂߀߂߆ ߞߏ߲ߓߌߕߌ߱ ߕߋ߬ߟߋ߫ ߂߉ ߡߊ߬، ߛߓߍ ߏ߬ ߡߍ߲ ߞߟߊ߬ߣߐ߬ߦߊ߬ߣߍ߲߫ ߞߎ߲߬ߠߊ߬ߛߌ߰ߟߊ߫ ߘߍ߲߬ߞߍ߲߬ߕߎ߲߬ߣߍ߲߫ ߝߊߙߌ߲߫ ߝߊ߬ߖߌ߲ߓߊ߫ ߡߊ߰ߙߊ ߓߟߏ߫، ߒ߬ߓߊ߬߸ ߖߊ߬ߡߊߙߌ ߘߌߣߍ߲߫ ߛߓߍ ߏ߬ ߟߋ ߞߣߐ߫߸ ߘߏ߫ ߞߊ߬ ߛߊߣߌ߲߫ ߢߌߣߌ߲ ߞߍߢߊ ߓߍ߯ ߟߊߕߐ߲߫ ߘߊ߬ߡߊ߲߬ ߞߎ߬ߘߎ߲߬ߣߍ߲߬ ߓߊ߯ߙߊ ߛߌߟߊ ߝߍ߬ ߛߌ߯ߙߌ߲߫ ߕߌ߲߬ߞߎߘߎ߲ ߘߎ߰ߞߟߏ ߡߎ߰ߡߍ ߘߐ߫߸ ߤߊ߲߯ ߖߡߊ߬ߙߌ߬ ߞߎߘߊ߫ ߦߋ߫ ߕߊ߬ ߟߏ߲ ߡߍ߲.
ߞߎ߲߭ ߡߍ߲ ߠߎ߬ ߝߐߣߍ߲߫߸ ߣߴߏ߬ ߟߎ߬ ߞߍߣߍ߲߫ ߟߊ߬ߟߐ߬ߟߌ ߢߌ߲߬ ߛߓߊߓߎ ߘߌ߫߸ ߊ߬ ߝߐߣߍ߲߫ ߏ߬ ߘߏ߫ ߟߋ߬ ߞߏ߫ ߕߙߏ߬ߞߏ߬ ߘߓߊ ߟߎ߬ ߟߊߓߊ߯ߙߊ ߓߘߊ߫ ߘߊߡߌ߬ߣߊ߫ ߘߊ߬ߡߊ߲߬ ߛߌߦߊߡߊ߲߫ ߞߣߐ߫߸ ߟߊ߬ߡߌߣߌ߲ ߘߐߖߊߛߌ ߓߘߊ߫ ߥߙߊ߬߸ ߖߌ߫ ߛߌߟߊ ߟߎ߬ ߤߟߊ߬ߞߌ ߦߴߌߘߐ߫.
ߝߊ߰ߡߊ ߟߎ߫ ߞߵߊ߬ߟߎ߬ ߘߊ ߟߊߛߋ߫ ߦߙߐ ߘߏ߫ ߝߣߊ߫ ߡߊ߬߸ ߖߡߊ߬ߣߊ߬ ߓߐߣߍ߲߫ ߢߐ߲߰ ߡߊ ߟߎ߫ ߡߐ߰ ߛߌߦߊߡߊ߲߫ ߠߋ߬ ߘߊ߬ߡߊ߲߬ߘߊ ߟߎ߬ ߞߣߐ߫ ߕߋ߲߬߸ ߡߍ߲ ߘߌ߫ ߛߋ߫ ߞߍ߫ ߟߊ߫ ߕߙߎ߬ ߘߌ߫ ߞߊ߬ ߟߊ߬ߞߊ߲߬ߘߊ߬ߟߌ ߤߊߡߌ߲߫ ߛߌ߰ ߡߐ߰ ߟߊ߫߸ ߊ߬ ߣߌ߫ ߛߌ߱ ߘߐߞߛߊ߫ ߞߏ.
ߟߊ߬ߞߊ߲߬ߘߊ߬ߟߌ ߛߌߟߊ ߣߌ߫ ߓߐ߰ߝߍ߬ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߎ߲߬ߠߊ߬ߛߌ߰ߟߊ ߞߵߊ߬ ߦߌ߬ߘߊ߬ ߞߏ߫ ߘߊ߬ߡߊ߲߬ ߓߊ߯ߙߊ ߞߍߢߊ ߣߌ߲߬ ߦߋ߫ ߖߘߍ߬ߓߊߟߏ ߡߊߣߐ߯ ߞߏ ߟߋ߬ ߘߌ߫߸ ߏ߬ ߡߍ߲ ߛߌߟߊ ߛߊ ߦߴߌߘߐ߫ ߝߊ߰ߡߊ߬ ߛߊ߲ߘߐߕߊ ߟߎ߬ ߓߟߏ߫.
ߛߊ߫ ߕߐ߲߫ ߛߌ߰ߣߍ߲ ߢߌ߲߬ ߘߌ߫ ߕߏ߫ ߊ߬ ߡߊ߬ ߢߊ ߡߍ߲ ߡߊ߬߸ ߞߎ߲߬ߠߊ߬ߛߌ߰ߟߊ ߞߵߊ߬ ߞߊ߲ߠߊߘߌ߫ ߡߙߊ߬ߓߊ߮ ߟߎ߬ ߣߌ߫ ߡߙߊ߬ߓߊ߰ߘߎ߯ߟߊ ߟߎ߬ ߣߌ߫ ߘߎ߰ߕߌ߮ ߟߎ߬ ߣߌ߫ ߣߊ߲߬ߕߌ߮ ߟߎ߬ ߣߌ߫ ߞߟߍ߬ߡߐ߮ ߟߎ߬ ߣߌ߫ ߕߐ߲ߓߟߏߡߊ ߟߎ߫ ߡߊ߬߸ ߞߏ߫ ߓߍ߯ ߦߴߊ߬ ߖߊ߲߬ߕߏ߬ ߕߐ߲ ߢߌ߲߬ ߘߐ߫߸ ߛߴߊ߬ ߞߊߣߊ߬ ߡߊߣߐ߯ ߢߊ ߡߍ߲ ߡߊ߬.
ߞߎ߲߬ߠߊ߬ߛߌ߰ߟߊ ߓߊ߲߫ ߘߊ߫ ߞߵߊ߬ ߞߊ߲ߠߊߘߌ߫ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߣߌ߲߬ ߞߏ ߢߊߦߋ߫߸ ߞߵߊ߬ ߟߐ߲߫ ߊ߬ ߟߊߥߟߌ߬ߣߍ߲߫ ߡߍ߲ ߡߊ߬.
ߊ߬ ߘߏ߲߸ ߕߐ߲ ߡߍ߲ ߛߌ߰ߣߍ߲߫ ߘߊ߬ߡߊ߬ ߓߊ߯ߙߊ ߟߊ߫ ߣߌ߲߬߸ ߊ߬ ߦߋ߫ ߛߓߍ ߣߌ߲߬ ߞߣߐ߫߸ ߞߏ߫ ߊ߬ ߞߏ ߦߋ߫ ߛߋ߲߬ߠߊ߫ ߟߋ߬ ߤߊ߲߯ ߘߊ߬ߡߊ߲߬ ߓߊ߯ߙߊ ߛߌ߰ ߞߟߊ߬ ߖߐ߲ߖߐ߲߫ ߞߊ߲߬ ߕߎ߬ߡߊ ߡߍ߲ ߠߊ߫ ߛߌ߯ߙߌ߲߫ ߞߣߐ߫.
