ߒߞߏ ߘߎ߲ߓߎ ߛߌ߲ߘߌ ߛߊ߲߬ ߂߀ ߘߝߊ ߞߐ߫ ߊ߲ ߠߊ߫ ߞߊ߲ ߣߴߊ߲ ߡߟߋߞߎߦߊ ߟߊߢߊ߭ ߣߌ߫ ߞߘߐߝߐߟߊ߲߫ ߡߞߊߝߏ ߓߊ߯ߙߊ ߟߎ߬ ߘߐ߫ ߸ ߞߊ߬ ߞߊ߲ ߝߐߞߊ߲߫ ߘߌߡߊ߲ ߠߎ߬ ߣߌ߫ ߝߐߣߐ߲߮ ߠߎ߬ ߘߐߞߏߦߊߕߏ߫ ߡߟߋߞߎߦߊ ߦߋ߫ ߑ ߞߊ߬ ߞߎߡߊߘߋ߲ ߠߎ߬ ߝߐߛߎ߲ ߣߴߊ߬ ߝߐߓߏߟߏ߲ ߠߎ߬ ߣߌ߫ ߞߎߡߊߘߋ߲߫ ߢߌ߬ߣߊ߬ߒ߬ߞߐ߬ߕߊ ߟߎ߬ ߜߊ߲ߜߊ߲߫ ߞߘߐߝߐߟߊ߲ ߞߣߐ߫ ߑ ߏ߬ ߟߋ ߞߏߛߐ߲߬ ߒߞߏ ߘߎ߲ߓߎ ߦߴߊߟߎ߫ ߡߊߞߟߌ߫ ߟߊ߫ ߒߞߏ ߝߌ߬ߘߓߊ߬ ߝߟߐ ߡߊ߬߸ ߏ߬ ߡߍ߲ ߞߍߕߐ߫ ߂߀߂߆ ߞߏߟߌ߲ߞߏߟߌ߲ ߕߟߋ߬ ߅ ߡߊ߬ ߞߐߣߊߞߙߌ߫ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫ .
ߒ߬ߓߊ߬ ߞߊ߬ ߓߍ߲߬ ߟߌ߬ߤߟߊ߬ ߓߟߏߟߊߕߎ߰ߕߊ ߟߎ߫ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߞߘߐ߫߸ ߘߎ߲ߓߎ ߟߊ߫ ߢߣߊߡߦߊ ߛߊ߲߬ߞߎ߲߬ߓߍ߲ ߂߀߲ ߣߌ߲߬ ߞߍߕߐ߫ ߒߞߏ ߡߟߋߞߎߦߊ ߓߏߟߏ߲߫ ߝߟߐ ߟߋ߬ ߞߊ߲߬߸ ߣߴߊ߬ ߦߋ߫ ߕߏ߬ߟߌ ߘߌ߫. ߊ߬ ߘߏ߲߬ ߕߏߕߐ߫ ߓߐ߫ ߟߴߊ߬ ߘߊߕߐߡߊ߬ ߕߋ߲߬ ߠߋ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫ ߞߎߘߊߦߌ߫ ߸ ߝߏ߫ ߓߏߟߏ߲߫ ߁߀ ߓߍ߯ ߘߌ߫ ߟߊߞߎߙߊ߲߫، ߣߌ߫ ߛߊ߲ ߓߟߌ߫ ߡߊ߯ߙߌ ߘߌ߬ߢߍ߬ ߘߊ߫. ߢߌ߬ߣߊ߫ ߜߊ߬ߛߊ ߞߍߕߐ߫ ߕߏ߬ߟߌ ߛߎ߯ߦߊ߫ ߢߌ߲߬ ߠߎ߫ ߟߋ߬ ߞߊ߲߬:
߁߭ - ߕߏ߬ߟߌ ߡߍ߲ ߟߐ߬ߣߍ߲߫ ߡߊ߲߬ߛߊ߬ߦߊ ߡߊ߬.
߂߲ - ߕߏ߬ߟߌ ߡߍ߲ ߟߐ߬ߣߍ߲߫ ߟߐ߲ߠߌ߲ ߣߊ߬ߝߊ ߡߊ߬.
߃߲ - ߕߏ߬ߟߌ ߡߍ߲ ߟߐ߬ߣߍ߲߫ ߘߏ߲߬ߛߏ߬ߦߊ ߡߊ߬.
߄߲ - ߕߏ߬ߟߌ ߡߍ߲ ߟߐ߬ߣߍ߲߫ ߞߏߢߌߡߊߟߐ߲ ߡߊ߬.
߅߲ - ߕߏ߬ߟߌ ߡߍ߲ ߦߋ߫ ߞߎߡߊ߫ ߟߊ߫ ߝߊߙߌߕߊߣߍ߲ߧߊ ߞߊ߲߬.
߆߲ - ߕߏ߬ߟߌ ߡߍ߲ ߟߐ߬ߣߍ߲߫ ߡߏߦߌߓߊ߯ ߓߙߊߞߊ߫ ߢߌߣߌ߲ ߡߊ߬.
߇߲ - ߥߟߊ߫ ߞߎ߲߬ߕߐ߰ ߡߊߘߊ߲ߣߍ߲ ߢߌ߲߬ ߠߎ߬ ߓߍ߯ ߓߊ߬ߛߊ߲߬ߣߍ߲߫ ߕߏ߬ߟߌ ߡߍ߲ ߘߐ߫.
ߊߟߎ߫ ߦߴߊ߬ ߟߐ߲߫ ߞߏ߫ ߢߣߊߕߐߡߐ߲ߠߌ߲ߘߊ߫ ߞߙߍߞߙߍߣߍ߲ ߘߏ߫ ߓߘߊ߫ ߛߌ߰ ߛߋ߲߬ߠߊ߫ ߡߍ߲ ߛߌ߲߬ߝߏ߲ ߠߎ߬ ߞߍߕߐ߫ ߒߞߏ ߡߐ߰ߓߊ߫ ߞߟߊߒߞߋ߫ ߛߓߍߦߟߊ߫ ߡߊߟߐ߲ߣߍ߲߫ ߜߊ߲߰ߛߊ߲ ߘߌ߫߸ ߏ߬ ߟߎ߬ ߡߍ߲ ߠߎ߬ ߞߍߕߐ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߕߏ߬ߟߌ߬ ߟߊߣߊ߬ߣߍ߲ ߠߎ߫ ߓߎ߰ߓߎ߰ ߟߊ߫ ߞߵߊ߬ߟߎ߬ ߘߐ߫ ߛߏ߬ߘߊ߲߬ߛߏ ߟߎ߬ ߟߊ߫ ߞߣߍ ߞߊ߲߬.
ߒߞߏ ߘߎ߲ߓߎ ߘߌ߫ ߕߏ߬ߟߌ߬ ߟߊߣߊ߬ߣߍ߲ ߠߎ߬ ߓߍ߯ ߜߌ߬ߙߌ߲߬ߘߌ߫ ߞߝߊ߬ ߞߋߟߋ߲߫ ߞߣߐ߫ ߸ ߞߊ߬ ߕߏ߬ߟߌ߬ߟߊ߬ߟߊ ߏ߬ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߕߐ߮ ߣߴߊ߬ ߖߊ߬ߡߎ߲ ߛߓߍ߫ ߊ߬ ߕߊ ߞߘߐ߫.
ߛߏ߬ߘߊ߲߬ߛߏ߬ ߃ ߝߟߐ ߞߏ߬ߣߌ߲ ߘߌ߫ ߖߊ߲߬ߛߊ߬ߟߌ߬ ߞߙߍߞߙߍߣߍ߲ ߛߐ߬ߘߐ߲߫ ߛߊ߲߬ߞߎ߲߬ߓߍ߲ ߣߌ߲߬ ߝߌ߬ߘߊ߬ ߘߊߞߎ߲ ߘߐ߫. ߡߊ߬ߡߌ߬ߘߊ߬ߟߌ߬ߟߊ ߟߎ߬ ߘߌ߫ ߡߊ߬ߡߌ߬ߘߊ߬ߟߌ ߞߍ ߘߊߡߌ߬ߘߊ߬ ߤߊ߲߯
߂߀߂߆ ߣߍߣߍߓߊ ߕߋ߬ߟߋ߫ ߂߅ ߡߊ߬߸ ߊ߬ ߣߴߊ߬ߟߎ߬ ߞߎߡߊߕߐ߫ ߞߎ߲߬ߕߐ߮ ߡߍ߲ ߞߊ߲߬ ߞߎ߲߬ߕߐ߰ ߡߊߘߊ߲ߣߍ߲ ߠߎ߬ ߘߐ߫ ߛߊ߲ߝߍ߫ ߞߎ߲ߕߐ߮ ߟߎ߬ ߘߐ߫ ، ߕߎ߬ߡߊ߬ߘߊ ߏ߬ ߡߍ߲ ߦߋ߫ ߡߊ߬ߡߌ߬ߘߊ߬ߟߌ ߞߎ߲߬ߝߊ߮ ߘߌ߫.
ߒߞߏ ߘߎ߲ߓߎ ߦߟߌ߫ ߦߴߊߟߎ߫ ߟߊ߫ ߝߊ߰ߡߎ߲߬ߧߊ߬ߟߌ߲߬ ߞߏ߬ߢߌ߲ ߠߋ߫ ߡߊ߬.
ߒߞߏ ߝߌ߬ߘߊ߬ߓߊ ߑ ߒߞߏ ߟߊ߫ ߛߋ߲߬ߕߊ ߣߌ߫ ߡߊ߲߬ߘߋ߲߬ ߟߐ߲ߣߌ߲ߦߊ ߟߊߥߊ߲߬ߞߊ߲ ߟߏ߲߹߹߹
ߊߟߎ߯ ߣߵߊ߲ ߧߋ߫ ߦߟߍ߬ߘߐ߬ߞߍ߫ ߂ ߞߎ߲߬ߞߍ߲߬ߘߍ߬ߦߊ ߣߴߊ߬ ߘߙߎ߬ߞߕߐ ߣߴߊ߬ ߟߐ߲ߞߏ ߣߴߊ߬ ߟߐ߲ߣߌ߲ߦߊ ߞߎ߲߬ߠߊ߬ߦߋߙߋ߲ ߝߌ߬ߘߊ ߞߍ߫ ߢߐ߲߮ ߝߍ߬.
ߒߞߏ ߑ ߊ߲ ߠߊ߫ ߞߊ߲ ߹
ߒߞߏ ߑ ߊ߲ ߝߊ߲߬ߞߊ ߹
ߒߞߏ ߑ ߊ߲ ߠߊ߫ ߛߓߍߟߌ ߹
ߒߞߏ ߑ ߊ߲ ߠߊ߫ ߞߎ߲߬ߠߊ߬ߦߋߙߋ߲߹
ߒߞߏ ߕߍ߫ ߛߓߍߛߎ߲߫ ߜߊ߯ߛߊ߲߫ ߘߌ߫ ߘߋ߬ ߑ ߝߘߊ߬ߝߌ߲߬ߠߊ߬ ߦߋߟߋ߲ ߠߋ߬ ߹
ߊߟߎ߯ ߣߵߊ߲ ߧߋ߫ ߒߞߏ ߝߌ߬ߘߊ߬ߓߊ ߞߍ߫ ߢߐ߲߯ ߝߍ߬ ߹߹߹
