<<ߢߊ ߛߙߋߦߊߣߍ߲߫ ߞߏ ߡߍ߲ ߡߊ߬ ߞߣߍ ߞߊ߲߬߸ ߢߊߖߌߓߐ߫ ߞߏ ߟߋ߬، ߞߊ߬ߕߎ߲߯߸ ߡߐ߰ (ߥߊ߯ ߓߌߣߊ߯ߣߌ߲߫) ߄߀ ߀߀߀ ߖߊ߬ߕߋ߫ ߟߋ߬ ߖߊ߬ߕߋ߬ߛߎ ߓߐߣߍ߲߫ ߞߎ߬ߙߋߡߊ߬ߟߋ߲߬߸ ߞߵߊ߬ ߛߐ߬ߘߐ߲߬ ߡߐ߰ ߥߊ߯ ߦߙߌߞߊ߫ ߓߘߊ߫ ߛߋ߫ ߓߡߊ߬ߞߐ߫ ߞߊ߬ ߓߊ߲߫، ߏ߬ ߘߐ߫߸ ߊ߬ ߞߏ ߦߋ߫ ߡߊ߬ߛߎ߬ߓߊ߬ߞߏ ߖߍ߬ߘߍ ߟߋ߬ ߘߌ߫ ߊߘߡߊߦߊ ߘߊߞߎ߲ ߘߐ߫.>> ߡߊ߬ߟߌ ߞߎ߲߬ߠߊ߬ߛߌ߰ߘߊ ߟߊ߫ ߛߓߍߟߌ ߟߋ߬ ߝߟߍ߫ ߏ߬ ߘߌ߫.
ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߞߌ߬ߢߍ߬ߞߏ߲߬ߞߏ߬߬ ߞߊߝߏ ߟߎ߬ ߟߊ߫ ߢߌ߲߬ߘߍ ߞߣߐ߫ ߡߐ߮ ߟߎ߫ ߟߋ߬ ߜߍ߲ߣߍ߲߫ ߖߌ߬ߣߍ߬ ߞߣߐ߫߸ ߡߍ߲ ߠߎ߬ ߕߘߍ߬ ߛߊߣߌ߲߫ ߓߊ߯ߙߊ ߟߊ߫ ߦߋ߲߬، ߏ߬ ߟߋ ߘߐ߫߸ ߞߏߕߌ߯ ߝߟߐ ߕߊ߯ ߘߊ߫ ߛߋ߫ ߡߊߡߊ߬ߙߌ߬ߓߜ߭ߎ߫ ߣߌ߫ ߥߍ߲ߖߍ߲ߓߜ߭ߎ߫߸ ߞߊ߬ ߥߴߊ߬ ߢߊ ߟߊ߫ ߡߐ߱ ߏ߬ ߟߎ߫ ߞߊ߲߬.
ߢߐ߲߯ߦߋ ߏ߬ ߟߋ ߞߐ ߘߐ߫߸ ߟߊ߬ߘߍ߬ ߜߘߍ߫ ߞߍ߫ ߘߊ߫ ߛߌ߰ߞߊ߬ߝߐ߬ ߝߊߘߌ ߘߐ߫߸ ߞߊ߬ ߓߟߏߘߐߓߍ߲߫ ߖߐ߲ߖߐ߲ ߠߎ߬ ߞߍ߫ ߞߊߟߌߦߊ߫ ߓߟߏ ߡߊ߬߸ ߞߊ߬ ߓߌ߲߬ ߣߌ߲߬ ߞߏ ߡߊ߬، ߤߊߟߌ߬ߛߊ߫߸ ߡߊ߬ߟߌ ߞߎ߲߬ߠߊ߬ߛߌ߮ ߟߊ߫ ߝߐߟߌ ߟߋ߬ ߢߌ߲߬ ߠߎ߬ ߘߌ߫، ߞߏ߫ ߊ߬ߟߎ߫ ߞߊ߬ ߓߍ߲߬ߡߊ߬ߞߊ߲ ߡߍ߲ ߠߎ߬ ߛߐ߬ߘߐ߲߫ ߟߊ߬ߘߍ ߏ߬ ߞߣߐ߫߸ ߏ߬ ߟߋ ߞߍ߫ ߘߊ߫߸ ߊ߬ߟߎ߬ ߣߌ߫ ߖߌ߬ߣߍ߫ ߝߊ߰ߡߊ ߟߎ߬ ߦߋ߫ ߞߍ߫ ߢߐ߲߯ ߞߊ߬ߟߊߡߊ߬߸ ߞߊ߬ ߜߍ߲ߠߌ߲ ߢߌ߲߬ ߞߎ߲߭ ߟߐ߲߫.
ߕߊ߯ߡߊ߫ ߞߋߟߋ߲ ߢߌ߲߬ ߘߐ߫߸ ߡߊ߬ߟߌ ߟߊ߬ߞߊ߲߬ߘߊ߬ߟߌ ߞߏߏߕߌ߮ ߓߊ߬߸ ߜߋߙߋ߲ߜߋߙߋ߲ߧߊ ߞߏߕߌ߮ ߓߊ߬߸ ߏ߬ ߟߎ߬ ߓߍ߯ ߕߘߍ߬ ߜߍ ߘߐ߫ ߦߋ߲߬، ߊ߬ ߞߏ ߕߐ߭ ߞߎ߲߭ߘߏ߲߬ ߘߊ߫ ߡߊ߬ߟߌ ߞߏߕߌ߯ߝߟߐߘߊ ߟߋ߬ ߟߊ߫߸ ߞߊ߬ ߥߊ߫ ߢߊ ߡߊߖߌ߰ ߣߌ߲߬ ߞߏ ߝߍ߬߸ ߊ߬ ߘߌ߫ ߛߋ߫ ߡߌ߬ߣߊ߬ ߟߊ߫ ߢߊ ߡߍ߲ ߡߊ߬.
