ߡߐ߰ ߣߊ߯ߣߌ߲߫ ߠߋ߬ ߓߣߐ߬ ߘߴߊ߬ ߣߌ߫ ߘߐ߫ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߟߊ߫ ߓߊ߰ߓߊ߰ߟߌ ߛߊߓߎ߫ ߟߊ߫߸ ߊ߬ ߣߌ߫ ߞߊ߬ ߡߐ߰ ߜߘߍ߬ ߟߎ߬ ߖߐߞߌ߫، ߘߋ߲ߡߌߛߍ߲߫ ߝߌ߬ߟߊ߬ ߦߴߏ߬ ߡߍ߲ ߘߐ߫߸ ߕߐ߲ ߓߟߏߡߊ ߟߎ߬ ߟߊ߫ ߛߍ߬ߘߏ߲ ߠߎ߬ ߛߋ߲߭ߝߍ߬߸ ߛߙߋ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ߟߎ߬ ߝߣߊ߫ ߞߊ߬ ߘߊ߲߭ߛߌ߰ ߓߊ߰ߓߊ߰ߟߌ߬ߟߊ߫ ߡߐ߰ ߃ ߟߊ߫ ߢߣߊߡߦߊ ߟߊ߫ ߟߋ߬.
ߛߙߋ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߓߊ߰ߓߊ߰ߟߌ߬ߟߊ ߡߍ߲߬ ߠߎ߬ ߛߌߦߊߡߊ߲߫ ߠߋ߬ ߘߏ߲߬ ߘߊ߫ ߞߌ߲߬ߘߊ߫ ߄ ߞߣߐ߫ ߞߋߟߋ߲ߘߌ߫߸ ߊ߬ߟߎ߫ ߞߊ߬ ߡߎ߯ ߕߋ ߟߋ߬ ߞߍ߫߸ ߊ߬ ߣߌ߫ ߞߊ߬ ߘߎ߱ ߣߌ߫ ߝߙߋ߬ ߦߙߐ ߟߎ߬ ߓߍ߯ ߟߊߝߏ߬، ߞߏ ߞߍ߫ ߥߊ߯ߕߌ߫ ߡߐ߰ ߛߌߦߊߡߊ߲߫ ߠߋ߬ ߞߵߊ߬ߟߎ߫ ߛߌ߰ ߦߙߐ ߓߌ߬ߟߊ߬߸ ߊ߬ߟߎ߫ ߞߎ߲߬ ߢߌ߬ߣߌ߲߬ߕߐ߬ߟߊ.
ߡߐ߰ ߄ ߠߋ߬ ߣߌ ߕߏ߫ ߘߴߊ߬ ߘߐ߫߸ ߝߊ߰ߓߊ߰ߕߐ ߏ߬ ߟߎ߬ ߘߐ߫߸ ߘߎ߱ ߡߐ߰ߓߊ ߘߏ߫ ߣߴߊ߬ ߘߋ߲ߞߍ߫ ߘߏ߫ ߦߴߏ߬ ߘߐ߫، ߊ߬ߟߎ߫ ߞߊ߬ ߘߎ߰ߘߋ߲ ߛߓߊ߬ ߜߘߍ߫ ߡߊߘߌߡߌ߲߫ ߠߋ߬ ߞߊ߬ ߥߴߊ߬ߟߎ߬ ߢߍ߫.
ߞߏߢߊ ߣߌ߲߬ ߞߍ ߡߌ߬ߛߍ߲߬ ߃߀ ߞߎ߲߬ߕߊ߰ ߞߘߐ߫߸ ߞߵߊ߬ߟߎ߬ ߞߐߛߊߦߌ߲ߕߐߟߊ ߕߏ߫߸ ߊ߬ߟߎ߬ ߣߌ߫ ߕߐ߲߫ ߓߟߏߡߊ ߟߎ߬ ߞߵߊ߬ ߟߊ߫ ߢߐ߲߮ ߕߍ߰߸ ߏ߬ ߟߋ߬ ߛߋ߲߭ߝߍ߬ ߓߊ߰ߓߊ߰ߟߌ߬ߟߊ ߡߐ߰ ߃ ߝߊ߰ ߘߊ߫߸ ߕߐ߲߫ ߓߟߏߡߊ߫ ߛߙߋ ߘߏ߫ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߓߊ߰ߓߊ߰ߟߌ ߣߌ߲߬ ߞߍ ߕߟߋ߬ ߞߋߟߋ߲߫ ߞߐߝߍ߬߸ ߘߎ߰ߘߋ߲ ߠߎ߬ ߦߋ߫ ߟߊ߬ߞߊ߲߬ߘߊ߬ߟߌ ߞߏ ߖߐ߬ߘߐ ߟߋ߬ ߘߐ߫ ߕߋ߲߬߸ ߤߊߟߌ߬ ߣߴߊ߬ ߦߵߊ߬ ߛߐ߬ߘߐ߲߬ ߞߏ߫ ߞߙߎ ߘߏ߫ ߦߋ߫ ߛߋ߲߬ߠߊ߫ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߭ ߘߐ߫ ߊ߬ߟߎ߫ ߟߊ߫ ߡߊ߬ߙߊ ߞߣߐ߫߸ ߓߊ߬ߙߌ߫߸ ߏ߬ ߟߎ߬ ߝߣߊ߫ ߘߛߍߣߍ߲߫ ߠߋ߬ ߊ߬ߟߎ߬ ߟߊ߫ ߓߊ߯ߙߊ ߟߊ߫ ߞߵߊ߬ ߛߊߓߎ ߞߍ߫ ߓߊ߯ߙߊ߫ ߝߋ߲ߒߕߊ߲ߧߊ ߘߌ߫، ߏ߬ ߟߋ߬ ߖߍ߬ߘߍ ߞߏߛߐ߲߬߸ ߊ߬ߟߎ߬ ߓߘߊ߫ ߞߟߌߟߌ ߓߌ߬ߟߊ߬ ߞߎ߲߬ߠߊ߬ߛߌ߮ ߟߎ߬ ߡߊ߬߸ ߞߊ߬ ߟߊ߬ߞߊ߲߬ߘߊ߬ߟߌ߬ ߝߙߍ ߟߎ߬ ߝߊ߲߬ߞߊߘߏ߲߬ ߡߊ߬ߙߊ ߣߌ߲߬ ߞߣߐ߫.
