ߞߊ߬ ߓߍ߲߬ ߛߊ߬ߙߌ߬ߦߊ߬ ߛߐ߬ߛߐ߬ ߛߊߣߌ߲߫ ߢߌߣߌ߲ߠߊ ߟߎ߬ ߟߊߞߢߐ߬ߡߊ ߡߊ߬ ߡߊ߬ߟߌ ߟߊ߫߸ ߡߊ߬ߟߌ ߞߏߖߊ߫ ߡߊߡߙߊ߫ ߘߏ߲߬ߖߟߎ߬ߡߊ߬ߟߌ ߕߊ߲ߓߊ߲ ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫ ߞߎߣߎ߲߬ ߞߍ߲ߘߍߟߏ߲ ߣߍߣߍߓߊ ߕߟߋ߬ ߇/߂߀߂߆߸ ߞߵߊ߬ ߦߌ߬ߘߊ߬ ߞߏ߫ ߡߊ߬ߟߌ ߞߎ߲߬ߠߊ߬ߛߌ߮ ߞߊ߬ ߘߐ߬ߘߏ߲߬ߠߌ߬ ߞߏ߬ߢߌߡߊ ߖߍ߬ߘߍߖߍ߬ߘߍ ߟߋ߬ ߞߍ߫ ߛߣߍߓߊ߯ߕߐ ߟߎ߬ ߟߊ߫ ߊ߬ߟߎ߬ ߓߘߊ.


ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߁߀߀ ߀߀߀ (ߥߊ߯ ߗߡߍ߬) ߦߋ߫ ߓߡߊ߬ߞߐ߫߸ ߆߀ ߀߀߀ ߦߋ߫ ߡߊ߬ߟߌ߫ ߞߎ߬ߙߋߡߊ߬ߟߌ߬. ߡߐ߰ ߛߌߦߊߡߊ߲߫ ߡߊߘߌߡߌ߲ߣߍ߲߫ ߏ߬ ߟߎ߬ ߘߐ߫߸ ߡߍ߲ ߠߎ߬ ߡߊ߬ߞߏ ߦߋ߫ ߘߊ߲ߘߊߟߌ ߟߊ߫ ߕߋ߲߭ߕߋ߲߬.


ߡߊ߬ߟߌ ߞߎ߲߬ߠߊ߬ߛߌ߮ ߞߵߊ߬ ߦߌ߬ߘߊ߬ ߞߏ߫ ߡߐ߰ ߆ ߟߋ߬ ߓߘߊ߫ ߛߊ߬ ߣߌ߲߬ ߞߏ ߘߐ߫ ߝߟߐ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߕߏ߫߸ ߞߏ߫ ߊ߬ߟߎ߬ ߘߌ߫ ߓߏ߭ ߞߏ߬ ߛߎ߯ߣߊ߫ ߟߊ߫߸ ߛߊ߫ ߡߐ߱ ߏ߬ ߢߌ߲߬ ߠߎ߬ ߘߌ߫ ߟߊߞߊ߲ߘߊ߫ ߢߊ ߡߍ߲߸ ߞߵߊ߬ߟߎ߫ ߝߊ߬ ߓߘߊ ߡߊߛߐ߬ߘߐ߲߬ ߞߊ߬ߕߘߍ߬ ߖߎ߯ߡߊ߲߫ ߡߊ߫ ߡߐ߰ ߛߐ߬ߘߐ߲߬.


ߡߐ߱ ߟߎ߬ ߟߊ߫ ߤߙߍ߫ ߛߐߘߐ߲߫ ߡߞߊߘߊ߲ ߘߐ߫߸ ߞߎ߲߬ߠߊ߬ߛߌ߮ ߞߵߊ߬ߟߎ߬ ߟߊߖߌ߰ߦߊ߫ ߦߙߐ߫ ߢߣߊߡߊ ߘߏ߫ ߘߐ߫ ߞߍ߲ߖ߭ߌߓߎ߯. ߒ߬ߓߊ߬߸ ߓߙߎߞߌߣߞߊ ߟߎ߬ ߟߊߕߊ߮ ߘߐ߫ ߊ߬ߟߎ߫ ߝߊ߬ߛߏ ߟߊ߫߸ ߡߊ߬ߟߌ ߡߙߊ߬ߓߊ߮ ߟߎ߫ ߞߵߊ߬ ߦߌ߬ߘߊ߬ ߞߏ߫ ߓߙߎߞߌߣߊ߫ ߞߊ߬ ߖߌ߰ߖߊ߰ ߄߇ ߟߊߣߊ߬߸ ߡߊ߬ߟߌ ߝߣߊ߫ ߞߊ߬ ߘߎ߰ߞߎߟߎ߲߫ ߝߌ߬ߟߊ߬ ߟߴߊ߬ ߞߊ߲߬، ߏ߬ ߟߋ ߞߍߣߍ߲߫ ߡߐ߰ ߃ ߄߃߀ ߟߊߕߊ߯ߢߊ ߘߌ߫ ߓߙߎߞߌߣߊ߫ ߣߍߣߍߓߊ ߕߟߋ߬ ߅ ߡߊ، ߏ߬ ߘߎ߬ߛߊ߬ߜߍ߸ ߡߊ߬ߟߌ ߞߊ߬ ߞߊ߲ߓߋ߲߫ ߇߄ ߣߌ߫ ߘߎ߰ߞߎߟߎ߲߫ ߂߄ ߘߌ߫߸ ߞߊ߬ ߡߐ߰ ߁߅ ߀߀߀ ߡߊߘߏ߬ߣߌ߲߬ ߓߙߎߞߌߣߊ߫ ߝߊ߬ߛߏ߬. ߤߊߟߌ߬ ߛߊ߫߸ ߏ߬ ߘߎ߬ߛߊ߬ߜߍ߬ ߝߌߟߊߣߊ߲ ߣߍߣߍߓߊ ߕߟߋ߬ ߇߸ ߡߊ߬ߟߌ ߞߎ߲߬ߠߊ߬ߛߌ߮ ߞߊ߬ ߞߊ߲ߓߋ߲߫ ߆߀ ߣߌ߫ ߖߌ߰ߖߊ߰ ߁߀ ߘߌ߫ ߓߙߎߞߌߣߊ߫ ߡߊ߬ ߕߎ߲߯، ߓߙߎߞߌߣߊ߫ ߖߍ߬ߘߍ ߝߣߊ߫ ߖߌ߰ߖߊ߰ߟߋ߲߬ ߄߈ ߓߐ߫. ߏ߬ ߟߎ߬ ߓߍ߯ ߞߵߊ߬ߟߎ߫ ߘߏ߲߬ߠߌ߲߫ ߓߙߎߞߌߣߞߊ ߟߎ߬ ߘߐ߫ ߞߊ߬ ߕߊ߯ ߊ߬ߟߎ߬ ߓߘߊ.


ߞߊ߬ ߓߍ߲߬ ߞߍ߲ߘߍߦߊ ߡߊ߬ߝߊ߲ ߡߊ߬߸ ߡߊ߬ߟߌ ߞߎ߲߬ߠߊ߬ߛߌ߮ ߞߵߊ߬ ߟߐ߬ ߡߐ߰ ߄߁߃ ߟߋ߬ ߘߊ߲ߘߊ ߟߊ߫ ߓߡߊ߬ߞߐ߫. ߌߞߏߡߌ߲߬ ߊ߬ ߞߏߢߊ ߦߋ߫ ߛߋ߲߬ߠߊ߫ ߝߟߐ߫߸ ߣߴߊ߬ ߞߏ ߞߎ߲߭ߘߏ߬ ߘߊ߫ ߢߊ ߡߍ߲߸ ߊ߲ ߘߴߏ߬ ߞߌ߬ߦߴߊߟߎ߫ ߡߊ߬ ߝߣߊ߫.


ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.