ߞߊ߲ߓߍ߲ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߕߡߊ߬ߖߌ ߓߐ߫ ߓߍ߯ ߘߐ߫ ߞߊ߬ ߓߍ߲߬ ߖߌ߬ߣߍ߫ ߛߊ߬ߙߌ߬ߦߊ ߡߊߓߏ߲߬ߧߊ߬ ߞߏ ߡߊ߬، ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߣߍ߫ ߡߍ߲ ߺ ߍ ߺ ߡߍ߲߫ ߦߋ߫ ߞߏ߫ ߡߊ߬ ߓߊ߯ߙߊߢߐ߲߯ߦߊ ߛߌߟߊ ߝߍ߬߸ ߊ߬ ߟߊ߫ ߘߊ ߟߊߞߊ߬ߣߍ߲߫ ߏ߬ ߟߎ߬ ߓߍ߯ ߦߋ߫، ߞߏ߬ߣߌ߲߬߸ ߞߏ߫ ߊ߬ ߘߌ߫ ߞߎߡߊ߫ ߞߋߟߋ߲߫ ߝߐ߫ ߞߵߊ߬ ߡߊߜߟߍ߬ߦߊ߬߸ ߌ ߣߌ߫ ߖߌ߬ߣߍ߬ ߘߌߦߊ߫ ߘߊ߫ ߢߊ ߺ ߊ ߺ ߢߊ߫߸ ߊߟߎ߫ ߕߍ ߞߍ߫ ߘߊ߫ ߢߊ߫ ߛߌ߫ ߡߊ߬߸ ߊ߬ ߕߍ߫ ߛߐ߲߬ ߘߐ߯ߦߡߊ ߡߊ߬ ߖߡߊ߬ߣߊ ߛߊ߬ߙߌ߬ߦߊ߬ ߟߊߛߌ߰ߣߍ߲ ߠߊ߫ ߞߏ ߘߐ߫.
ߊ߬ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫: <<ߊߟߎ߫
ߦߋ߫ ߟߊ߫ ߒ߬ ߠߊ߫، ߊ߬ ߕߍ߫ ߞߏ߫ ߡߐ߰ ߘߌߡߊ߲߫ ߒ߬ ߧߋ߫ ߥߟߴߊ߲ ߣߌ߫ ߦߋ߫ ߡߐ߰ ߞߊ߲߬߸ ߊ߲ ߧߋ߫
ߖߡߊ߬ߣߊ߫ ߟߋ߬ ߘߌ߫߸ ߓߟߏ ߦߋ߫ ߛߌ߰ ߟߊ߫ ߓߍ߯ ߞߘߐ߫ ߦߙߐ ߡߍ߲ ߘߐ߫ ߓߏ߲߬ߧߊ ߞߣߐ߫߸ ߛߊ߬ߙߌ߬ߦߊ
ߞߣߐ߫، ߢߌ߬ߣߊ߬ ߡߊ߲߫ ߞߊ߲߫ ߞߊ߬ ߞߍ߫ ߏ߬ ߞߐ߫ ߘߋ߬߸ ߓߟߏ ߦߋ߫ ߛߌ߰ ߟߊ߫ ߓߍ߯ ߞߘߐ߫ ߛߊ߬ߙߌ߬ߦߊ
ߟߋ߬ ߞߊ߲߬، ߌ ߓߴߌ ߞߎߡߊ߫ ߞߊ߲ ߘߌ߫߸ ߌ ߞߊ߫ ߞߊ߲߫ ߞߵߌ ߘߐߖߊ߬ ߞߵߊ߬ ߓߐ߫ ߊ߬ ߛߌߟߊ
ߝߍ߬.>> ߊ߬ ߞߵߏ߬ ߦߌ߬ߘߊ߬.
ߞߊ߲ߕߌ߮ ߞߵߊ߬ ߝߐ߫ ߣߊ߲߬ߝߟߏ߬ߦߊ߬ߟߊ ߟߎ߫ ߡߊ߬߸
ߞߏ߫ ߊ߬ߟߎ߬ ߦߴߊ߬ ߟߐ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߓߘߊ ߟߋ߬߸ ߊ߬ߟߎ߬ ߦߋ߫ ߞߎ߲ߝߊ߲ߓߐߟߌ ߟߎ߬ ߞߍ߫ ߞߊ߬
ߖߡߊ߬ߣߊ ߘߎ߰ߘߐ߬ߝߋ߲ ߠߎ߬ ߕߣߐ߬ߓߐ߬ ߢߊ߫ ߢߌߡߊ߫ ߡߊ߬، ߞߊ߬ߕߎ߲߯߸ ߞߏ߫ ߓߍ߲߬ߒ߬ߛߋ߲߬ߡߊ߬ߓߊ߫ ߟߋ߬ ߣߊ߬ߓߊ߰ߕߐ
ߟߎ߬ ߦߋ߫ ߖߌ߬ߣߍ߬ ߞߣߐ߫ ߦߊ߲߬߸ ߏ߬ ߘߐ߫߸ ߊ߬ߟߎ߬ ߦߴߊ߬ߟߎ߬ ߖߊ߲ߓߊ߲߫ ߏ߬ ߟߎ߬ ߘߐ߫ ߊ߬ ߢߌ߬ߡߊ
ߟߊ߫.
ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߒ
ߘߌ߫ ߡߍ߲ ߝߐ߫ ߣߊ߲߬ߝߟߏ߬ߦߊ߬ߟߊ ߟߎ߬ ߦߋ߫߸ ߊ߬ߟߎ߬ ߦߴߊ߬ ߟߐ߲߫ ߞߏ߫ ߊ߬ߟߎ߬ ߦߴߊ߬ߟߎ߬ ߓߘߊ ߟߋ߬߸
ߊ߬ߟߎ߬ ߦߋ߫ ߞߍ߫ ߖߌ߬ߣߍ߬ߞߊ ߟߎ߬ ߘߌ߫، ߖߌ߬ߣߍ߬ ߦߋ߫ ߖߡߊ߬ߣߊ߬ ߘߌ߬ߡߊ߲߬ߓߊ߫ ߟߋ߬ ߘߌ߫߸ ߡߍ߲ ߞߣߐ
ߘߐߦߙߌߥߊߣߍ߲߫، ߣߴߌ ߥߊ߫ ߘߊ߫ ߘߟߊ߬ߓߊ߬߸ ߌ ߘߴߊ߬ ߟߐ߲߫ ߜߎ ߞߏ߫ ߖߌ߬ߣߍ߫ ߗߋ߲߰، ߣߴߌ ߘߏ߲߬ ߥߊ߫
ߘߊ߫ ߖ߭ߊߟߌ߫߸ ߘߏ߫ ߟߎ߫ ߘߌ߫ ߛߌ߬ߛߌ߬ߞߎߟߎ߲ ߕߊ߬ ߞߊ߬ ߥߊ߫ ߦߋ߲߬߸ ߞߊ߬ ߥߴߊ߬ߟߎ߬ ߢߊ ߟߊ߫ ߛߌߡߊ߲ߘߎ߯
ߞߊ߲߬߸ ߌ ߘߴߊ߬ ߟߐ߲߫ ߦߋ߲߬ ߕߊ߯ߟߌ ߝߍ߬ ߞߏ߫ ߖߡߊ߬ߣߊ߫ ߗߋ߲߱ ߠߋ߬߸ ߡߍ߲ ߕߐ߯ ߞߏ߫
ߖߌ߬ߣߍ߬.>> ߊ߬ ߞߵߏ߬ ߕߡߊ߬ߖߌ ߓߐ߫ ߓߍ߯ ߘߐ߫.
ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬
ߞߏ߫ ߖߌ߬ߣߍ߫ ߕߘߍ߬ ߞߏ߫ ߘߐߣߐ߯ߦߊ߫ ߛߌߦߊߡߊ߲߫ ߞߍ߫ ߟߊ߫ ߞߵߊ߬ ߢߊ ߟߊߜߊ߲߫ ߞߏ ߘߏ߫ ߟߎ߫ ߞߎ߲߬ߠߊ߫
ߝߘߊ߬ߝߌ߲߬ߠߊ߬ߟߊ߲߬ߘߌ߬ߦߊ ߕߐ߯ ߘߐ߫، ߊ߬ ߞߊ߲߫ ߞߏ߫ ߊ߬ ߦߋ߫ ߕߡߊ߬ߖߌ ߣߌ߫ ߛߌߞߊ ߓߐ߫ ߓߍ߯ ߘߐ߫.
<<ߊ߲ ߕߘߍ߬ ߞߏ߫ ߛߌߦߊߡߊ߲߫ ߘߐߣߐ߰ߦߊ߬
ߟߊ߫ ߝߘߊ߬ߝߌ߲߬ߠߊ߬ߟߊ߲߬ߘߌ߬ߦߊ ߕߐ߯ ߘߐ߫߸ ߞߏ߬ߣߌ߲߬ ߞߵߊ߬ ߕߊ߬ ߓߌ߬ ߡߊ߬ ߛߍߣߍ߲߬߸ ߊ߲ ߧߴߊ߲ ߢߊ
ߕߏ߫ ߟߴߊ߲ ߠߊ߫ ߕߐ߲ ߠߊߛߌ߰ߣߍ߲ ߠߎ߫ ߟߋ߬ ߝߍ߬ ߡߎ߬ߕߎ߲߬߸ ߖߡߊ߬ߣߊ ߓߏ߲߬ߧߊ ߞߊ߲߬، ߏ߬ ߟߋ ߘߐ߫߸
ߘߍ߬ߢߐ߲߰ ߕߴߊ߲ ߠߊ߫߸ ߓߘߊ߫ ߡߐ߯ ߕߴߊ߲ ߠߊ߫߸ ߊ߲ ߠߊ߫ ߖߡߊ߬ߣߊ ߣߴߊ߬ ߕߐ߲߫ ߠߊߛߌ߰ߣߍ߲ ߠߎ߫ ߟߵߊ߲
ߢߍߛߌߟߊ ߘߐ߫، ߊ߬ ߓߍ߯ ߟߵߏ߬ ߘߌ߫.>> ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߋ߬ ߞߊ߲߫ ߕߋ߲߬.






