ߊ߬ ߤߊߞߍ ߦߋ߫ ߖߐ߲߫
ߓߟߏ߫ ߞߊ߬ ߛߊߣߌ߲ ߛߋ߲߬ ߖߌ߬ߣߍ߫ ߖߡߊ߬ߣߊ ߞߣߐ߫؟ ߏ߬ ߖߋ߬ߓߌ ߦߋ߫ ߘߊ߬ߡߊ߲߬ߞߏ ߛߊ߬ߙߌ߬ߦߊ߬ߛߎ߲߬ߓߊ
ߟߋ߬ ߞߣߐ߫߸ ߡߍ߲ ߛߊ߬ߙߌ߬ߦߊ ߝߙߍߕߍ ߦߋ߫: ߞ/߂߀߁߁/߀߀߆/ߘߞߝ ߂߀߁߁ ߕߎߟߊߝߌ߲ ߉ ߣߴߊ߬ ߡߊߦߟߍ߬ߡߊ߲߬
ߘߊ߫ ߞ/߂߀߁߃/߀߅߃/ߘߞߝ ߟߊ߫ ߂߀߁߁߃ ߞߏ߲ߞߏߘߓߌ ߕߟߋ߬ ߈ ߞߎ߬ߙߎ߲߬ߘߎ߬ߛߎ߲ ߠߊ߫.
ߛߊ߬ߙߌ߬ߦߊ ߣߌ߲߬
ߛߓߍߟߌ ߕߍ߫ ߓߎ߬ ߕߏ߫ ߟߊ߫ ߞߟߏ߫ ߡߊ߬߸ ߊ߬ ߝߐߣߴߊ߬ ߞߣߐ߫ ߞߏ߫: <<ߓߟߏߟߊߓߊ߯ߙߊ
ߘߐ߬ߛߏ߬ߘߏ߲߬ߜߊ߬ߟߌ ߟߊ߬ߘߌ߬ߢߍ߬ߟߌ ߦߋ߫ ߡߐ߰ ߝߊ߬ߘߌ߬ߡߊ߫ ߟߎ߫ ߟߋ߬ ߦߋ߫߸ ߡߍ߲ ߠߎ߬ ߦߋ߫ ߖߌ߬ߣߍ߬ߞߊ
ߘߌ߫؛ ߊ߬ ߣߌ߫ ߡߐ߰ ߝߊ߬ߘߌ߬ߒ߬ߕߊ߲߫ ߠߎ߫ ߦߋ߫߸ ߡߍ߲ ߠߎ߬ ߟߊ߫ ߣߊ߲߬ߝߟߏ ߓߍ߯ ߦߋ߫ ߖߌ߬ߣߍ߬ߞߊ ߟߎ߬
ߓߟߏ߫؛ ߥߟߊ߫ ߞߐߞߊ߲߫ ߡߐ߯ ߟߎ߫ ߦߋ߫߸ ߡߍ߲ ߠߎ߬ ߟߊ߫ ߖߡߊ߬ߣߊ ߦߴߊ߬ ߛߎ߮ ߞߍ߫ ߟߊ߫ ߖߌ߬ߣߍ߬ߞߊ ߟߎ߬
ߦߋ߫.>> ߕߐ߲ߛߋ߲ ߅߃߲ ߞߎߡߦߊߛߋ߲߫ ߝߟߐ.
ߝߐߢߊ߫ ߜߘߍ߫ ߘߐ߫߸ ߖߡߊ߬ߣߊ߬
ߜߘߍ ߡߐ߱ ߕߴߛߋ߫ ߘߊ߬ߡߊ߲ ߛߋ߲߬ ߠߊ߫ ߖߌ߬ߣߍ߬ ߞߣߐ߫ ߝߋߎ߫߸ ߝߏ߫ ߊ߬ ߦߋ߫ ߛߐ߬ߘߐ߲߬ ߊ߬ ߟߊ߫
ߖߡߊ߬ߣߊ ߝߣߊ߫ ߛߐ߲߬ߣߍ߲߬ ߞߏ߫ ߖߌ߬ߣߍ߬ߞߊ ߦߋ߫ ߘߊ߬ߡߊ߲ ߛߋ߲߬ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫.
ߊ߬ ߘߊ߲߬ ߕߍ߫ ߏ߬
ߘߐߙߐ߲߫ ߘߌ߫ ߘߋ߬߸ ߞߏ߫ ߘߊ߬ߡߊ߲߬ߘߎ߰ ߞߏߟߊߘߍ ߟߎ߬ ߣߴߊ߬ߟߎ߫ ߣߌ߬ߕߌ߮ ߟߎ߬߸ ߛߊ߲߬ߠߌ߲ ߝߙߋ߬ߞߏ߲
ߠߎ߬ ߣߌ߫ ߛߊߣߌ߲߫ ߛߊ߲߫ ߛߓߍߘߊ ߟߎ߬߸ ߏ߬ ߟߎ߬ ߛߌ߫ ߕߴߛߋ߫ ߘߊ߬ߡߊ߲ ߘߐߛߏߘߏ߲ߜߊ߫ ߟߊ߫
ߓߟߏߟߊߓߊ߯ߙߊ߫ ߓߟߏ ߡߊ߬ ߝߛߊߦߌ߫، ߞߊ߬ߕߎ߲߯߸ ߞߎߡߊ ߢߊߦߋ߫ ߢߊ ߘߐ߫߸ ߡߍ߲ ߠߎ߬ ߦߋ߫ ߛߊߣߌ߲
ߕߣߐ߬ߓߐ߬ ߟߊ߫ ߛߌߦߊߦߊ߫ ߓߟߏ ߡߊ߬߸ ߥߟߊ߫ ߞߵߊ߬ ߛߊ߲߬߸ ߏ߬ ߟߎ߬ ߕߴߛߋ߫ ߞߍ߫ ߟߊ߫ ߘߊ߬ߡߊ߲߬ߛߋ߲߬ߠߊ
ߘߌ߫ ߓߟߏߟߊߓߊ߯ߙߊ߫ ߓߟߏ ߡߊ߬ ߝߋߎ߫߸ ߦߏ߫ ߘߊ߬ߡߊ߲߬ ߞߣߐ߬ ߡߐ߮ ߕߐ߭ ߟߎ߬.
ߊ߬ ߞߏ ߟߊ߬ߡߊ߮
ߓߏ߲߬ߓߊ߬ ߓߊߟߋ߬، ߞߊ߬ߕߎ߲߯߸ ߂߀߂߆ ߞߊߙߏ߫ ߥߐ߯ߙߐ߫ ߝߟߐ ߣߌ߲߬ ߘߐ߫߸ ߊ߬ ߝߐߣߍ߲߫ ߞߏ߫ ߛߊߣߌ߲
ߞߙߌߕߌ߫ ߄߈،߂߈ ߡߍ߲ ߛߋ߫ ߘߊ߫ ߟߊߝߏߦߌ߫ ߟߊ߫߸ ߓߟߏߟߊߓߊ߯ߙߊ߫ ߘߊߡߊ߲ߛߋ߲ ߞߊ߬ ߞߙߌߕߌ߫ ߂߉،߂߃ ߕߊ߫
ߞߙߌߕߌ߫ ߂߉،߂߃ ߟߋ߬ ߦߴߏ߬ ߘߐ߫߸ ߥߟߊ߫ ߝߐߢߊ߫ ߜߘߍ߫ ߘߐ߫߸ ߛߊߣߌ߲ ߞߙߌߕߌ ߏ߬ ߟߎ߬ ߘߐ߫ %߇߃ ߓߍ߯
ߦߋ߫ ߓߟߏߟߊߓߊ߯ߙߊ ߕߊ ߟߋ߬ ߘߌ߫.
ߌ ߓߊ߯ ߒ߬ ߧߋ߫
ߦߟߌߓߌߟߊߟߌ ߢߌ߲߬ ߞߍ߫ ߟߊ߫߸ ߞߎ߲߭ ߠߋ߬ ߦߴߊ߬ ߟߊ߫، ߓߊߏ߬߸ ߞߊ߬ߦߌ߯ ߣߌߣߌߓߊ ߕߋ߬ߟߋ߫ ߂ ߟߋ߬
ߡߊ߬߸ ߞߎ߲߬ߠߊ߬ߛߌ߮ ߞߊ߬ ߘߊ߬ߡߊ߲߬ ߓߊ߯ߙߊ ߟߊߕߐ߲߫ ߓߟߏߟߊߓߊ߯ߙߊ ߘߐ߫ ߖߡߊ߬ߣߊ ߞߐ߰ߘߎ߰ ߕߟߋߓߐ
ߘߐ߫߸ ߛߌ߯ߙߌ߲߫ ߕߌ߲߬ߞߎߘߎ߲ ߘߐ߫، ߞߊ߬ ߓߊ߲߫ ߝߣߊ߫߸ ߞߏ߫ ߛߊߣߌ߲ ߕߍ߫ ߛߊ߲߬ ߠߊ߫ ߡߐ߰ ߜߘߍ߫ ߟߎ߫
ߓߟߏ߫ ߡߎ߬ߕߎ߲߬߸ ߝߏ߫ ߡߍ߲ ߠߎ߬ ߦߋ߫ ߛߊ߲߬ߠߌ߲ ߝߙߋ߬ߞߏ߲߬ ߠߊߘߌ߬ߢߍ߬ߣߍ߲ ߘߌ߫.
ߊ߬ߟߋ߬ ߞߏߢߊ ߘߏ߲߬
ߝߊ߲߬ߞߊ ߓߘߊ߫ ߥߙߊ߬ ߞߏߛߓߍ߫، ߓߊߏ߬߸ ߣߍߣߍߓߊ ߕߟߋ߬ ߁߁ ߡߊ߬߸ ߓߙߎߞߌߣߞߊ ߡߐ߰ ߃߆ ߀߈߇ ߟߋ߬ ߕߎ߲߬
ߓߘߊ߫ ߛߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߎ߲߬ߠߊ߬ߛߌ߮ ߖߍ߬ߘߍ ߟߊ߫ ߝߐߟߌ߫ ߘߐ߫، ߏ߬ ߟߎ߬ ߓߍ߯ ߕߘߍ߬
ߛߊߣߌ߲߫ ߢߌߣߌ߲ ߠߋ߬ ߟߊ߫ ߖߌ߬ߣߍ߬ ߞߣߐ߫ ߦߊ߲߬، ߞߵߊ߬ ߛߐ߬ߘߐ߲߬ ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸
ߡߊ߬ߟߌ߬ߞߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ ߁߆߀ ߀߀߀ ߓߘߊ߫ ߛߴߊ߬ߟߎ ߝߍ߬ ߦߋ߲߬߸ ߊ߬ߟߎ߫ ߣߐ߬ ߡߍ߲
ߕߐ߮ ߛߓߍ߫ ߟߊ߫، ߜߋ߲ߞߐ߰ߖߌ߬ߘߊ ߝߊ߲߭ ߝߍ߬ ߦߊ߲ߝߏߦߌߟߊ߫߸ ߏ߬ ߟߎ߬ ߝߣߊ߫ ߓߘߊ߫ ߡߐ߰ ߥߊ߯ ߝߌ߬ߟߊ߬
ߣߌ߫ ߞߐ߫ ߞߏߝߐ߫߸ ߡߍ߲ ߠߎ߬ ߦߴߊ߬ߟߎ߫ ߝߍ߬ ߦߋ߲߬߸ ߣߴߊ߬ߟߎ߬ ߦߋ߫ ߓߐ ߞߊ߲߬ ߖߌ߬ߣߍ߬ ߞߣߐ߫.
ߡߏ߬ߙߌ߬ߛߊ߲߬ߘߊ߬
ߞߎߦߊߕߍ߫ ߡߍ߲ ߦߋ߫ ߞߐߞߊ߲ߞߏ ߟߎ߬ ߞߏߕߌ߮ ߘߌ߫߸ ߏ߬ ߞߵߊ߬ ߝߐ߫ ߟߋ߬ ߞߵߊ߬ ߡߊߕߍ߰ ߞߏ߫:
<<ߓߐ߰ߝߍ ߟߊߕߊ߲߬ߞߊ ߕߍ߫ ߘߏ߫ ߜߘߍ߫ ߘߌ߫߸ ߊ߬ ߦߋ߫ ߛߘߊߞߊ ߟߋ߬ ߘߌ߫ ߝߘߊ߬ߝߌ߲߬ߠߊ߬
ߓߊߘߋ߲ߧߊ ߕߐ߯ ߘߐ߫.>>
ߒ߬ߓߊ߬߸ ߞߎߡߊ ߦߋ߫
ߡߌ߲߫ ߛߍߣߍ߲߬ ߞߊ߬ ߓߍ߲߬ ߕߐ߲ߛߋ߲ ߅߃߲ ߡߊ߬: ߖߡߊ߬ߣߊ ߖߐ߲߫ ߦߋ߲߬߸ ߡߍ߲ ߠߎ߬ ߣߐ߬ ߛߊߣߌ߲߫ ߢߌߣߌ߲
ߠߊߘߌ߬ߢߍ߬ ߟߊ߫ ߖߌ߬ߣߍ߬ߞߊ ߟߎ߬ ߦߋ߫ ߊ߬ߟߎ߬ ߟߊ߫ ߘߎ߰ߞߟߏ ߞߊ߲߬߸ ߣߌ߫ ߖߌ߬ߣߍ߬ ߝߣߊ߫ ߘߌ߫ ߘߌ߬ߢߍ߬
ߞߊ߬ ߛߊߣߌ߲߫ ߠߊߘߌ߬ߢߍ߫ ߏ߬ ߟߎ߬ ߦߋ߫؟ ߊ߲ ߞߏ߬ߣߌ߲ ߡߴߏ߬ ߖߡߊ߬ߣߊ ߟߐ߲߫ ߕߋ߲߬.


