ߞߎ߲߬ߢߐ߲߯ ߝߌ߬ߟߊ߬ ߞߣߐ߫߸ ߛߣߍ߬ߜ߭ߊ߬ߟߌ߫ ߖߌ߫ ߞߊ߲߫ ߣߊ߲ߕߌ߮ ߟߎ߬ ߣߐ߬ ߛߌߟߊ ߕߍ߰ ߟߊ߫ ߞߎ߲߬ߝߍ߬ߕߊ߰ߟߊ߫ ߁߀߀߀ ߣߌ߫ ߞߐ߫ ߟߋ߬ ߢߍ߫߸ ߡߍ߲ ߠߎ߬ ߞߎ߲߭ ߟߐ߬ߣߍ߲߫ ߕߍ߬ߘߍ߫ ߝߘߊ߬ߜߍ߬ ߟߊ߫. 
ߕߐ߲߫ ߓߟߏߡߊ ߟߎ߬ ߟߊ߫ ߞߙߐ߬ߛߌ߬ߟߌ ߝߊ߲߬ߞߊߘߏ߲߬ߠߌ߲߸ ߊ߬ ߣߌ߫ ߞߵߏ߬ ߟߊ߫ ߞߎߟߎ߲߫ ߞߊߛߙߊ ߡߍ߲߬ ߠߎ߫ ߞߊ߲߬߸ ߏ߬ ߛߌ߫ ߟߋ߬ ߕߍ߫ ߡߐ߰ ߟߎ߬ ߟߐ߬ ߟߊ߫ ߖߌ߫ ߞߊ߲߫ ߕߊ߯ߟߌ ߓߟߏߞߊ߬ ߟߊ߫. 
ߟߊ߬ߓߊ߲ ߞߍ߫ ߘߊ߫ ߛߣߍ߬ߜ߭ߊ߬ߟߌ߫ ߞߟߍ߬ߡߐ߮ ߟߎ߬ ߟߊ߫ ߦߙߍߞߍߟߌ ߘߏ߫ ߟߋ߬ ߛߋ߲߭ߝߍ߬ ߝߊߕߌߞ ߣߌ߫ ߕߌߤߍߛ، ߏ߬ ߦߙߍߞߍߟߌ ߟߋ߬ ߛߋ߲߭ߝߍ߬߸ ߕߍ߮ ߟߊ߫ ߘߊ߫ ߞߎ߲߬ߝߍ߬ߕߊ߰ߟߊ߫ ߁߀߃ ߖߊ߬ߕߋ߬ ߘߐ߫߸ ߞߟߍ߬ߡߐ߮ ߟߎ߬ ߟߊ߫ ߟߊ߬ߛߋ߬ߟߌ߬ ߘߐ߫߸ ߞߏߢߊ ߣߌ߲߬ ߞߍ߫ ߘߊ߫ ߞߐ߬ߓߊ߬ߟߏ߲ ߣߌ߫ ߞߐ߬ߟߏ߲ ߕߍߟߊ ߟߋ߬ ߘߐ߫، ߟߊ߬ߛߋ߬ߟߌ߬ ߜߘߍ߫߸ ߡߍ߲ ߝߘߊ߫ ߘߊ߫ ߖߡߊ߬ߣߊ ߣߌ߲߬ ߖߌ߫ ߞߊ߲߫ ߣߊ߲ߕߌ߮ ߟߎ߬ ߟߊ߫ ߞߎߣߎ߲ߟߏ߲ ߕߊ߬ߡߌ߲߬ߣߍ߲߫ ߡߊ߬߸ ߞߏ߫ ߊ߬ߟߎ߫ ߞߊ߬ ߞߎ߲߬ߝߍ߬ߕߊ߰ߟߊ߫ ߁߅߀߀ ߣߌ߫ ߞߐ߫ ߟߋ߬ ߟߊߛߊ߬ߦߌ߲߫ ߖߌ߫ ߞߊ߲߫ ߕߊ߯ߟߌ߫ ߟߊ ߟߎ߬ ߘߐ߫، ߏ߬ ߓߊ߯ߙߊ ߟߎ߬ ߞߍ߫ ߘߊ߫ ߞߎ߲߬ߢߐ߲߯ ߝߌ߬ߟߊ߫ ߟߋ߬ ߞߣߐ߫، ߦߙߍߞߍߟߌ߫ ߝߟߐ ߟߎ߬ ߛߋ߲߭ߝߍ߬، ߡߍ߲ ߠߎ߬ ߞߍ߫ ߘߊ߫ ߒߓߎߙ ߣߌ߫ ߘߊ߬ߞߊ߯ߙߎ߫ ߡߊߜߍ߲ ߘߐ߫߸ ߏ߬ ߟߋ߬ ߛߋ߲߭ߝߍ߬߸ ߡߐ߰ ߇߅߉ ߡߌ߬ߣߊ߬ ߘߊ߫߸ ߞߵߊ߬ߟߎ߬ ߕߏ߫ ߞߎߟߎ߲߫ ߣߊ߯ߣߌ߲߫ ߢߐ߲߰ ߞߣߐ߫. 
ߞߊ߬ ߞߐ߲߰ ߏ߬ ߢߍ߫߸ ߕߍ߮ ߕߎ߲߬ ߟߊ߫ ߘߊ߫ ߡߐ߰ ߈߁߇ ߢߐ߲߰ ߝߣߊ߫ ߘߐ߫߸ ߞߵߊ߬ߟߎ߬ ߟߊߕߊ߯ ߛߍ߲ߕ-ߟߎ߳ߛߌ߫߸ ߛߣߍ߬ߜ߭ߊ߬ߟߌ߫ ߖߌ߫ ߞߊ߲߫ ߣߊ߲ߕߌ߮ ߟߎ߬ ߟߊ߫ ߝߐߟߌ߫ ߘߐ߫. 
ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߞߎ߲ߝߍ߬ߕߊ߰ߟߊ ߟߎ߬ ߟߊ߫ ߞߊ߬ߛߙߊ ߘߏ߫ ߟߋ߬ ߞߐ ߘߐ߫߸ ߏ߬ ߡߍ߲ ߞߍ߫ ߘߊ߫ ߞߋߓߡߍߙ߸ ߞߊ߬ ߡߐ߰ ߄߃ ߓߐ߬ߣߐ߫ ߊ߬ ߣߌ ߘߐ߫، ߛߊߔߍߙ ߔߐ߲ߔߋ ߟߊ߫ ߖߊ߬ߕߋ߬ߡߌ߬ߣߊ߬ ߟߊ߬ߓߊ߲ ߘߐ߫. 
 ߞߎߣߎ߲ߟߏ߲ ߂߀߂߆ ߣߍߣߍߓߊ ߕߟߋ߬ ߁߁ ߕߊ߬ߡߌ߲߬ߣߍ߲ ߣߌ߲߬ ߡߊ߬، ߡߏߙߌߕߊߣߌ߫ ߖߌ߫ ߞߊ߲߫ ߣߊ߲ߕߌ߮ ߟߎ߬ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߎ߲߬ߝߍ߬ߕߊ߰ߟߊ߫ ߁߃߀ ߣߌ߫ ߞߐ߫ ߟߋ߬ ߟߊߞߛߌ߫ ߣߎߥߊߘߌߓߎ߫، 
ߛߣߍ߬ߜ߭ߊ߬ߟߌ߫ ߊߘߡߊ ߤߊߞߍ ߡߞߊߘߊ߲߫ ߞߙߎ ߟߊ߫ ߝߐߟߌ߫߸ ߣߌ߲߬ ߞߏ ߡߊ߲߫ ߞߊ߲߫ ߞߊ߬ ߘߊ߲߬ ߖߌ߫ ߞߊ߲߫ ߕߊ߯ ߟߊ ߟߎ߬ ߘߐߙߐ߲߫ ߞߟߍ߬ ߞߊ߲ߡߊ߬ ߘߋ߬߸ ߞߏ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߡߙߌߘߐ ߣߌ߲߬ ߕߊ߬ ߣߊ߲߬ߒߕߊ߲ ߠߎ߬ ߟߊ߫ ߓߊ߯ߙߊ ߕߊ߯ߓߟߏ ߞߊ߲߬߸ ߞߙߎ ߢߍߡߐ߯ ߜߘߍ߫ ߟߊ߫ ߞߎߡߊ߫ ߘߐ߫߸ ߊ߬ߟߎ߬ ߓߍߣߊ߬ ߡߞߊ߬ߛߌ߬ߟߌ߫ ߛߓߍ ߘߏ߫ ߟߊߘߏ߲߬ ߝߊ߬ߛߏ߬ ߜߙߊ ߢߊ ߞߘߐ߫.