ߖߌ߬ߣߍ߬ߞߊ߬ ߊߡߋߙߌߞߌ߬ ߛߌ߰ߓߊ߮ ߟߎ߫ ߦߋ߫ ߛߎ߬ߣߎ߲ ߠߋ߬ ߘߐ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߓߐߓߊ߯ߕߐ߫ ߡߐ߰ ߝߌ߬ߟߊ߫ ߟߊ߫ ߕߏߒߘߐ ߘߌ߫ ߓߏ߲߫ ߥߎߦߊ ߘߏ߫ ߘߐ߫߸ ߏ߬ ߡߍ߲ ߞߍ߫ ߘߊ߫ ߞߎߣߊ߬ߛߌߣߌ߲߬ ߣߍߣߍߓߊ ߕߟߋ߬ ߁߁/߂߀߂߆ ߥߎ߬ߙߊ ߝߍ߬ ߓߙߏߞߑߟߍ߲߫߸ ߣߎ߳ߦߐߞߑߞߎ߬ ߞߊ߬ߝߏ ߞߣߐ߫. ߊ߬ ߞߏ ߟߊߞߏߟߐ߲߫ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߠߋ߬ ߡߊ߬߸ ߣߍߣߍߓߊ ߕߟߋ߬ ߁߃، ߖߌ߬ߣߍ߫ ߘߍ߬ߘߊ ߣߌ߫ ߊߡߋߙߌߞߌ߬ ߟߊ߫ ߟߊ߬ߛߋ߬ߟߌ ߞߣߐߡߊ߬. 

 ߡߐ߰ ߝߌ߬ߟߊ ߡߍ߲ ߣߌ ߕߏ߫ ߘߊ߫ ߣߌ߲߬ ߞߏ ߘߊߞߎ߲ ߘߐ߫߸ ߏ߬ ߟߎ߫ ߟߋ߬ ߦߋ߫ : ߡߊ߲ߡߊ߲ߘߎ߫ ߓߏߦߌ߬ ߓߊߙߌ߫߸ ߊ߬ ߣߌ߫ ߡߊ߲ߡߊ߲ߘߎ߫ ߓߏߦߌ߬ ߒߖߊߦߌ߬. ߊ߬ߟߎ߬ ߟߊ߬ ߡߐ߱ ߟߊߟߐ߲ߠߌ߲ ߞߐߝߍ߬߸ ߛߊ߲߬ߞߊ߬ߝߏ ߘߌ߫ ߞߍ߫ ߞߊ߯ߙߌ߫ ߣߊ߬ߕߐ ߢߌ߲߬ ߁߈ ߕߎߡߊ ߃߀ ߡߊ߬، ߏ߬ ߡߍ߲ ߞߍߕߐ߫ ߓߙߏߞߑߟߍ߲߫ ߡߌ߬ߛߙߌ ߘߎ߬ߕߌߞߊ߬ ߟߊ߫. 

 ߡߛߏ߬ ߜߘߍ߫ ߝߣߊ߫ ߡߊߘߌߡߌ߲߫ ߞߏߖߎ߯ߦߊ߫ ߖߍ߬ߘߍ ߟߋ߬ ߞߍ߫ ߘߊ߫ ߣߌ߲߬ ߞߏ ߘߊߞߎ߲ ߘߐ߫߸ߞߏ߫ ߝߊߕߎߡߊߕߊ߬ ߓߊ ߸ ߛߊ߬ߓߊ߰ߕߐ ߟߎ߬ ߓߊߘߋ߲ ߘߏ߫ ߦߋ߫ ߦߴߊ߬ߟߋ ߘߌ߫߸ ߓߏ߲ ߓߋ߬ ߘߴߊ߬ߟߋ ߞߣߐߡߊ ߟߋ߬ ߞߊ߲߬، ߓߊ߬ߙߌ߬߸ ߏ߬ ߓߍ߯ ߣߴߊ߬ ߕߊ߫߸ ߊ߬ ߓߐ߫ ߘߴߊ߬ ߕߓߌ߫ ߖߌ ߘߐ߫߸ ߞߏ߫ ߘߏ߲߬ ߝߣߊ߫ ߡߴߊ߬ ߘߋ߲ ߛߐ߬ߘߐ߲߬ ߖߎ߯ߡߊ߲߫ ߘߐ߫ :<< ߊߟߊ߫ ߕߊ
ߞߣߐߡߊ߬߸ ߓߐ߬ߟߐ߲߬ߞߊ ߓߊ ߣߴߊ߬ ߘߋ߲ ߓߍ߯ ߞߎ߲߭ ߓߐߣߍ߲߫ ߠߋ߬ ߡߊ߰ߛߎߓߊ ߣߌ߲߬ ߘߐ߫߸ ߊ߬ ߞߏ߬ߣߌ߲ ߡߊߘߌߡߌ߲߫ ߘߊ߫ ߟߋ߬ ߝߋߎ߫، ߊ߬ ߦߋ߫ ߘߊ߲ߘߊߟߌ ߘߊߞߘߐ߫ ߕߋ߲߬ ߘߊ߲ߘߊߛߏ ߟߊ߫߸ ߊ߲ ߧߋ߫ ߘߎ߬ߥߊ߬ߥߎ ߟߋ߬ ߞߍ߫ ߟߊ߫߸ ߊߟߊߡߵߊ߬ ߣߴߊ߬ ߘߋ߲ ߝߊ߬ߘߌ ߘߐߞߍ߲ߘߍߦߊ߫ ߘߊ߫>>، ߖߌ߬ߣߍ߫ ߘߍ߬ߘߊ ߞߵߏ߬ ߟߊߞߊ߬ߟߌ߫.

ߢߊߢߌߣߌ߲ߠߌ߲ ߞߏ߬ߣߌ߲ ߦߋ߫ ߛߋ߲߬ߠߴߊߴߟߎ߬ ߓߟߏ߫߸ ߞߵߊ߬ ߟߐ߲߫ ߓߏ߲߫ ߥߎߙߎ߲ߓߊ ߣߌ߲߬ ߞߊ߬ ߡߊ߰ߛߎߓߊ ߡߍ߲ ߟߴߊ߬ ߘߐ߫.

ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.