ߛߊ߬ߙߌ߬ߦߊ߬ ߛߐ߬ߛߐ߬ ߛߊߣߌ߲߫ ߢߌߣߌ߲ߠߊ߫ ߁ ߅߅߇߸ ߡߍ߲ ߠߎ߬ ߘߐߞߍߣߍ߲߫ ߖߡߊ߬ߣߊ߬ ߛߌߦߊߡߊ߲߫ ߡߐ߰ ߟߊ߫߸ ߏ߬ ߟߎ߫ ߟߋ߬ ߡߊߘߏ߬ߣߌ߲߬ ߘߊ߫ ߞߎߣߎ߲߬ ߞߍ߲ߘߍߟߏ߲ ߂߀߂߆ ߣߍߣߍߓߊ ߕߟߋ߬ ߁߄߸ ߞߊ߬ ߥߴߊ߬ߟߎ߬ ߘߌ߫ ߖߌ߬ߣߍ߬ ߣߌ߫ ߡߊ߬ߟߌ ߓߐߕߏ߲ ߠߊ߫߸ ߞߎ߬ߙߋߡߊ߬ߟߋ߲߬، ߏ߬ ߞߍߣߍ߲߫ ߖߌ߬ߣߍ߫ ߞߎ߲߬ߠߊ߬ߛߌ߮ ߓߟߏ߫ ߞߏߘߐߣߐ߲߯ߦߊ ߘߝߊߣߍ߲ ߠߋ߬ ߘߌ߫߸ ߖߐ߲߰ߛߊ߫ ߟߏ߲ߟߏ߲ ߓߍ߯ ߘߴߊ߬ ߟߊ߫ ߖߡߊ߬ߣߊ߬ ߡߊߛߐ߬ߘߐ߲߬.

ߕߐ߲߬ߕߐ߲ ߥߟߌ߬ ߘߊ߫ ߞߐߣߊߞߙߌ߫ ߟߋ߬߸ ߘߎ߰ߞߎ߬ߟߎ߲߬ ߄߄ ߖߊ߬ߕߋ߬߸ ߡߍ߲ ߠߎ߬ ߥߟߌ߬ ߘߊ߫ ߛߌ߬ߣߌ߲߬ߟߏ߲ ߣߍߣߍߓߊ ߕߟߋ߬ ߁߃، ߌ ߕߎ߲߬ ߓߊ߯ ߢߌ߲߬ ߠߎ߫ ߕߐ߲߬ߕߐ߲߬ߣߍ߲ ߦߋ߫ ߢߐ߲߮ ߞߐ߫߸ ߊ߬ ߘߌ߫ ߡߐ߰ ߢߊߞߘߐߛߋ߫ ߞߏߛߓߍ߫߸ ߘߎ߰ߞߎߟߎ߲ ߠߎ߬ ߝߍߚߍ߫ ߢߐ߲߮ ߞߐ߫߸ ߛߊ߲ߡߊߞߎߟߎ߲߫ ߣߊ߯ߣߊ߯ ߛߓߊ߬ ߝߣߊ߫ ߦߋ߫ ߛߊ߲ߝߍ߬߸ ߤߊ߲߯ ߊ߬ߟߎ߬ ߛߋ߫ ߦߙߐ ߘߐ߫.

ߕߍ߮ ߞߍ߫ ߘߊ߫ ߖߊ߬ߡߊ ߏ߬ ߟߎ߬ ߘߐ߫ ߖߡߊ߬ߣߊ ߘߊ߬ߡߊ߲߬ߝߍ ߟߎ߫ ߟߋ߬ ߘߐ߫߸ ߞߵߊ߬ߟߎ߬ ߞߕߌ߫ ߞߐߣߊߞߙߌ߫߸ ߞߵߊ߬ߟߎ߫ ߖߊ߲߬ߞߌ߲߫߸ ߞߊ߬ ߓߊ߲߫ ߞߵߊ߬ߟߎ߬ ߡߊߞߕߏ߫ ߞߵߊ߬ߟߎ߬ ߟߊߕߊ߯ ߓߐߕߏ߲ ߠߊ߫.

ߞߊ߬ ߓߐ߫ ߞߐߣߊߞߙߌ߫ ߤߊ߲߯ ߞߎ߬ߙߋߡߊ߬ߟߋ߲߬߸ ߓߙߎߞߌߣߊ߫ ߟߊ߬ߛߌ߰ߘߊ ߡߐ߱ ߕߘߍ߬ ߖߡߊ߬ߞߙߎ ߢߌ߲߬ ߠߎ߬ ߟߊ߫ ߕߐ߲߬ߕߐ߲ ߘߐ߫ ߟߋ߬، ߊ߬ߟߎ߬ ߛߋ ߞߎ߬ߙߋߡߊ߬ߟߋ߲߬߸ ߊ߬ߟߎ߫ ߞߵߊ߬ ߛߐ߬ߘߐ߲߬ ߡߊ߬ߟߌ ߞߎ߲߬ߠߊ߬ߛߌ߮ ߣߌ߫ ߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߟߎ߫ ߓߘߊ߫ ߓߐ߫ ߞߵߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߡߊߞߐ߬ߣߐ߲߬.

ߟߕߊ߬ߡߌ߲߬ߒ߬ߡߊ߬ߟߌ ߞߍ߫ ߘߊ߫ ߓߏ߲߬ߧߊ ߣߌ߫ ߞߍߢߊ߫ ߢߌߡߊ߫ ߘߐ߫، ߖߌ߬ߣߍ߫ ߕߐ߲߬ߕߐ߲ ߢߍߡߌ߬ߣߊ߬ߣߍ߲߫ ߣߍ߬ߘߍ ߝߊ߲߬ߞߊ߬ ߓߟߏߡߊߞߊ߬ߣߍ߲ ߡߙߊ߬ߓߊ߮ ߘߏ߫ ߟߋ߬ ߓߟߏ߫߸ ߏ߬ ߟߋ ߞߊ߬ ߖߊ߬ߡߊ ߘߊ߲߭ߕߍ߰ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߫ ߝߊ߰ߡߊ ߟߎ߬ ߦߋ߫:

<<ߊ߲ ߣߊ߬ߣߍ߲߫ ߠߋ߬ ߞߊ߬ ߣߊ߬ ߞߐߞߊ߲߫ ߡߐ߮ ߢߌ߲߬ ߠߎ߫ ߓߌ߬ߟߴߊߟߎ߫ ߓߊ߫ ߓߟߏ߫ ߞߊ߲߬߸ ߖߡߊ߬ߣߊ߬ ߛߌߦߊߡߊ߲߫ ߡߐ߰ ߦߋ߫ ߡߍ߲ ߠߎ߬ ߘߐ߫߸ ߊ߬ߟߎ ߟߋ߬ ߦߊ߲߬ ߣߌ߲߬، ߘߌ߬ߢߍ߬ ߞߍߣߍ߲߫ ߠߴߊ߬ߟߎ߬ ߓߍ߯ ߡߊ߬ ߞߵߊ߬ߟߎ߬ ߡߊߞߕߏ߫ ߖߌ߬ߣߍ߫ ߘߎ߰ߞߟߏ ߞߊ߲߬߸ ߊ߬ߟߎ߬ ߞߊ߫ ߞߊ߲߫ ߞߵߊ߬ߟߎ߬ ߟߊ߫ ߓߌ߲߬ߓߊߏ ߡߊߜߏ߬ߙߏ߫ ߊ߬ߟߎ߬ ߟߊ߫ ߖߡߊ߬ߣߊ ߟߋ߬ ߞߣߐ߫.>>.

ߒ߬ߓߊ߬߸ ߘߊ߬ߡߊ߲߬ߛߋ߲߬ߠߊ ߡߍ߲ ߠߎ߬ ߕߍ߬ߘߍ߫ ߛߊ߬ߙߌ߬ߦߊ߬ ߛߐߛߐ ߞߣߐ߫߸ ߡߌ߬ߣߊ߬ ߘߊ߫ ߞߵߊ߬ߟߎ߬ ߞߕߌ߫߸ ߏ߬ ߟߎ߬ ߣߌ߫ ߛߍߥߊ ߟߋ߬ ߕߘߍ߬ ߞߎߣߎ߲߬߸ ߞߊ߬ ߖߌ߬ߣߍ߬ ߞߊ߲ߕߌ߮ ߕߐ߮ ߟߊߖߊ߲ߞߏ߫߸ ߛߍߥߊ ߞߣߐ߫.

ߊ߬ߟߎ߫ ߞߊ߬ ߖߌ߬ߣߍ߬ߞߊ ߟߎ߬ ߟߊ߫ ߤߌߣߊ ߣߴߊ߬ߟߎ߬ ߟߊ߫ ߟߏ߲ߟߊ߲߫ ߓߏ߲ߧߊ ߝߐ߫߸ ߞߎߡߊߕߍ߫ ߞߊ߲ߕߌ߮ ߟߊ߫ ߛߣߐ߬ߦߊ ߝߣߊ߫ ߡߊ߬. ߊ߬ߟߎ߫ ߕߘߍ߬ ߛߍߥߊ߫ ߟߊ߫ ߏ߬ ߟߋ ߘߐ߫ ߘߎ߲߬ߓߎߦߊ߬߬ ߕߐ߮ ߟߊ߫.

ߓߐߕߏ߲߫ ߠߊ߫ ߡߐ߮ ߝߣߊ߫ ߞߊ߬ ߕߐ߲߬ߕߐ߲ ߠߊߓߍ߲߬ ߏ߬ ߛߍߥߊ߫ ߞߋߟߋ߲ ߠߋ߬ ߘߐ߫، ߡߊ߬ߟߌ ߝߊ߰ߡߊ ߟߎ߬ ߣߌ߫ ߓߙߎߞߌߣߊ߫ ߝߊ߬ߛߏ߫ ߝߊ߰ߡߊ ߡߍ߲ ߠߎ߬ ߕߍ߬ߘߍ߫ ߦߋ߲߬߸ ߏ߬ ߟߎ߬ ߛߍߥߊ߫ ߘߊ߫ ߞߏߛߓߍ߫߸ ߞߏ߫ ߣߌ߲߬ ߓߘߊ߫ ߘߌߦߴߊ߬ߟߎ߬ ߦߋ߫.

ߖߌ߬ߣߍ߫ ߞߎ߲߬ߠߊ߬ߛߌ߮ ߞߏ߬ߣߌ߲ ߓߘߴߊ߬ ߛߍ߬ߓߍ ߦߌ߬ߘߊ߬ ߢߊ߫ ߝߌ߬ߟߊ߫ ߡߊ߬: ߘߊ߬ߡߊ߲ ߠߊߟߐ߭ ߓߐ ߊ߬ ߛߌߟߊ ߝߍ߬߸ ߊ߬ ߣߌ߫ ߡߌ߬ߣߊ߬ߓߊ߰ߕߐ ߟߎ߬ ߝߣߊ߫ ߞߕߌ ߞߊ߬ ߛߊ߬ߙߌ߬ߦߊ ߟߊߕߊ߯ߡߊ߫.

ߏ߬ ߘߐ߫߸ ߡߐ߰ ߁ ߅߅߇ ߢߌ߲߬ ߠߎ߬ ߓߘߊ߫ ߖߌ߬ߣߍ߫ ߓߌ߬ߟߊ߬߸ ߞߊ߬ ߘߏ߲߬ ߡߊ߬ߟߌ ߞߣߐ߫.