ߡߐ߰ ߃߈ ߠߋ߬ ߝߊ߰ ߘߊ߫߸ ߊ߬ ߣߌ߫ ߞߊ߬ ߛߌߦߊߡߊ߲߫ ߜߘߍ߫ ߟߎ߫ ߖߐߞߌ߫߸ ߞߏߢߊ ߣߌ߲߬ ߞߍ߫ ߘߊ߫ ߡߙߊ߬ߒ߬ߡߊ߬ߟߌ߬ߟߊ ߘߏ߫ ߟߎ߫ ߟߋ߬ ߓߟߏ߫߸ ߡߍ߲ ߠߎ߬ ߟߌ߬ߤߟߊ߬ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߝߟߐ߫߸ ߞߏߢߊ ߣߌ߲߬ ߞߍ߫ ߘߊ߫ ߕߟߌߡ ߡߙߊ߫ ߟߋ߬ ߘߐ߫ ߕߋߙߊ߫ ߞߍ߬ߙߍߝߍ߬߸ ߡߊ߬ߟߌ ߣߌ߫ ߓߙߎߞߌߣߊ߫ ߡߊߜߍ߲߫ ߘߐ߫، ߞߏߕߐ ߟߎ߬ ߘߐ߫߸ ߡߏ߬ߛߏ ߟߎ߬߸ ߊ߬ ߣߌ߫ ߘߋ߲ߡߌߛߍ߲߫ ߘߏ߫ ߟߎ߫، ߟߌ߬ߤߟߊ ߣߌ߲߬ ߟߊߛߋ߫ ߘߊ߫ ߡߊ߬ߙߊ ߣߌ߲߬ ߢߍߡߐ߮ ߟߎ߬ ߣߌ߫ ߘߎ߰ߘߋ߲ ߠߎ߬ ߟߋ߬ ߓߟߏ߫. 
ߡߐ߰ ߃߈/߃߇߸ ߏ߬ ߟߋ߬ ߝߊ߰ ߘߊ߫ ߡߙߊ߬ߒ߬ߡߊ߬ߟߌ ߣߌ߲߬ ߘߊߞߎ߲ ߘߐ߫ ߦߋ߲߬ ߌߞߘߐ߫߸ ߊ߬ ߣߌ߫ ߞߊ߬ ߛߌߦߊߡߊ߲߫ ߜߘߍ߫ ߟߎ߫ ߝߣߊ߫ ߖߐߞߌ߫، ߣߌ߲߬ ߦߋ߫ ߡߊ߬ߙߊ ߣߌ߲߬ ߞߣߐ߫ ߡߐ߮ ߘߏ߫ ߟߎ߫ ߟߊ߬ ߟߊ߬ߛߙߋ߬ߦߊ߬ߟߌ߫ ߞߊ߲ ߠߋ߬ ߘߌ߫߸ ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߡߙߊ߬ߒ߬ߡߊ߬ߟߌ ߣߌ߲߬ ߞߍ߫ ߘߊ߫ ߞߊ߬ ߘߎ߰ߘߋ߲ ߠߎ߬ ߕߏ߫ ߟߐ߯ߟߐ߫ ߛߌߟߊ ߟߋ߬ ߞߊ߲߬ ߕߋߙߊ߫߸ ߊ߬ߟߎ߬ ߟߊ߫ ߘߎ߱ ߣߌ߫ ߕߋߙߊ߫ ߕߍ ߦߋ߫ ߞߎߘߍ߫ ߁߅ ߢߐ߲߰ ߠߋ߬ ߘߌ߫߸ ߟߊߞߊ߲ߘߊߟߌߦߊ ߞߏߛߐ߲߬߸ ߟߐ߯ߟߐ߫ ߟߊ ߟߎ߬ ߓߌ߬ߟߊ߬ߛߌ߬ߟߊ߬ߣߍ߲߫ ߕߍ߬ߘߍ߫ ߦߋ߫ ߖߘߍ߬ ߟߊ߬ߞߊ߲߬ߘߊ߫ ߞߙߎ ߘߏ߫ ߟߎ߫ ߟߋ߬ ߓߟߏ߫߸ ߓߊ߬ߙߌ߫߸ ߏ߬ ߟߎ߬ ߛߌ߫ ߟߋ߬ ߡߊ߫ ߛߋ߫ ߊ߬ߟߎ߬ ߕߟߊ߫ ߟߊ߫߸ ߛߙߋ ߘߏ߫ ߞߊ߲߫ ߕߋ߲߬، ߛߙߋ ߘߏ߫ ߟߊ߫ ߝߐߟߌ߫ ߘߐ߫߸ ߖߘߍ߬ ߟߊ߬ߞߊ߲߬ߘߊ߫ ߞߙߎ ߣߌ߲߬ ߡߐ߰ ߁߁ ߠߋ߬ ߦߋ߫ ߝߊ߰ߓߊ߰ߕߐ ߟߎ߬ ߕߍߡߊ߬߸ ߡߛߏ߬ ߇߸ ߊ߬ ߣߌ߫ ߗߍ߭ ߂߀، ߊ߬ ߘߏ߲߬ ߝߣߊ߫ ߘߋ߲ߡߌߛߍ߲ ߘߏ߫ ߟߎ߫ ߦߴߊ߬ߟߎ߬ ߘߐ߫߸ ߛߙߋ߫ ߞߋߟߋ߲߫ ߣߌ߲߬ ߠߊ߫ ߞߎߡߊ߫ ߘߐ߫߸ ߖߐߞߌߓߊ߯ߕߐ ߟߎ߬ ߝߣߊ߫ ߛߌߦߊߦߊ߫ ߘߊ߫ ߟߋ߬ ߞߏߛߓߍ߫߸ ߏ߬ ߟߎ߬ ߡߍ߲ ߠߎ߬ ߕߊ߬ ߘߊ߫ ߞߊ߬ ߕߊ߯ ߊ߬ߟߎ߬ ߘߌ߫ ߕߋߙߊ߫ ߘߊ߲ߘߊߛߏ ߟߊ߫. 
ߦߙߐ ߣߌ߲߬ ߦߋ߫ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߬ ߓߐߕߏ߲ ߠߋ߬ ߟߊ߫߸ ߏ߬ ߦߙߐ ߡߍ߲ ߓߘߊ߫ ߞߍ߫ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߘߊ߯ ߦߌߟߊ ߘߌ߫߸ ߛߊ߲߬ ߦߙߌߞߊ߫ ߞߎ߲߬ߕߊ߰ ߞߣߐ߫߸ ߘߍ߬ߡߍ߲߬ ߞߙߎ ߊߛߋߟߍߛ ߟߊ߫ ߖߊ߬ߕߋ߫ ߡߌ߬ߣߊ߬ߣߍ߲ ߠߎ߬ ߘߐ߫߸ ߞߏ߫ ߛߊ߲߬ ߁߀ ߟߊߓߊ߲߫ ߡߍ߲߬ ߠߎ߬ ߟߊ߫߸ ߛߌߦߊߡߊ߲߫ ߠߋ߬ ߓߘߊ߫ ߝߙߊ߬ ߡߙߊ߬ߒ߬ߡߊ߬ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߞߊ߲߬ ߡߊ߬ߙߊ ߣߌ߲߬ ߞߣߐ߫.