ߖߡߊ߬ߣߊ ߡߍ߲ ߠߎ߬ ߦߋ߫ ߝߊ߬ߙߊ߲߬ߛߌ߬ ߞߊ߲ ߝߐ߫ ߟߊ߫ ߘߎߢߊ߫ ߘߐ߫߸ ߏ߬ ߟߎ߬ ߦߴߊ߬ߟߎ߬ ߟߊ߫ ߜߊ߬ߙߊ ߛߋ߲߬ߧߊ߬ ߂߀߲ ߠߋ߬ ߞߊ߲߬ ߓߌ߬ ߞߊ߲ߓߐߖ߭ ߖߡߊ߬ߣߊ ߘߐ߫، ߓߊ߬ߙߌ߬߸ ߊ߬ ߞߍߣߍ߲߫ ߛߊ߬ߡߊ߲߬ߢߐ߰ߕߍ ߖߍ߬ߘߍߖߍ߬ߘߍ ߟߋ߬ ߘߌ߫߸ ߞߵߏ߬ ߛߊߓߎ ߞߍ߫ ߘߍ߬ߞߙߎ ߟߊ߫ ߝߘߏ߬ߓߊ߬ ߞߟߊ߬ߕߌ߰ߦߊ߬ߞߏ ߘߌ߫߸ ߥߟߴߊ߬ ߞߎ߲߬ߕߌ߰ߞߏ. ߓߊߏ߬߸ ߖߡߊ߬ߣߊ߫ ߝߌ߬ߟߊ߫ ߟߋ߬ ߢߐ߲߮ ߛߊ߬ߡߊ߲߬ ߠߴߊ߬ ߞߏߢߊ ߝߍ߬߸ ߣߊߟߌ߬ߡߎ߲߬ ߙߏߥߊ߲ߘߊ߫ ߣߌ߫ ߞߏ߲ߜ߭ߏ߫ ߘߌ߫.

ߒ߬ߓߊ߬߸ ߝߊ߬ߙߊ߲߬ߛߌ߬ ߞߊ߲߬ ߝߐ߬ ߖߡߊߣߊ ߟߎ߫ ߟߊ߫ ߜߊ߬ߙߊ ߛߏ߯ߙߏߣߍ߲߫ ߖߡߊ߬ߣߊ߫ ߂߀ ߠߋ߬ ߘߌ߫߸ ߡߍ߲ ߠߎ߬ ߞߍߕߐ߫ ߕߋ߬ߟߋ߫ ߝߌ߬ߟߊ߬ ߞߍ߫ ߟߊ߫ ߟߊ߬ߘߍ ߟߊ߫. ߏ߬ ߘߐ߫߸ ߙߏߥߊ߲ߘߊ߫ ߡߛߏ ߡߍ߲ ߕߐ߯ ߞߏ߫ ߟߎ߳ߖ߭ ߡߎߛ߭ߌߞߌߥߊߕߏ߫߸ ߏ߬ ߓߘߊ߫ ߟߐ߬ߒ߬ߗߋ߬ߟߊ߫ ߝߌ߬ߟߊ߬ ߞߍ߫ ߛߊ߲߬ ߛߋߦߌ߲߫ ߞߘߐ߫، ߏ߬ ߓߍ߯ ߣߴߊ߬ ߕߊ߫߸ ߊ߬ ߦߴߊ߬ ߝߍ߬ ߞߊ߬ ߣߊ߬ ߝߘߏ߬ߓߊ߬ ߞߟߊ߬ߕߌ߰ߦߊ ߟߊ߫ ߕߎ߲߯، ߒ߬ߓߊ߬߸ ߏ߬ ߟߋ ߘߎߡߊ߲߫ ߕߍ߫ ߞߏ߲ߜ߭ߏ߫ ߖߡߊ߬ߣߊ ߦߋ߫ ߡߎ߰ߡߍ߫، ߞߏ߫ ߓߊߏ߬߸ ߙߏߥߊ߲ߘߊ߫ ߟߋ߬ ߦߋ߫ ߍߡ߂߃ ߞߐߡߊߓߌ߲ߓߌ߲߫ ߠߊ߫ ߞߏ߲ߜ߭ߏ߫ ߞߎ߲߬ߠߊ߬ߛߌ߮ ߡߊ߬. ߓߊ߬ߙߌ߬߸ ߙߏߥߊ߲ߘߊ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߙߏߥߊ߲ߘߊ߫ ߟߊ߫ ߞߎߡߊ ߏ߬ ߦߋ߫ ߕߎ߬ߢߊ ߛߌ߬ߣߊ ߟߋ߬ ߘߌ߫، ߏ߬ ߓߟߏߡߊ߬߸ ߝߊ߬ߙߊ߲߬ߛߌ߬ ߞߊ߲ߕߌ߮ ߋߡߊߣߎ߳ߦߍߟ ߡߊߞߐߙߐ߲߫ ߞߊ߲߫ ߞߏ߫:<< ߒ ߖߊ߬ߛߙߋ߫ ߞߊ߬ߛߙߋ߫، ߒ ߕߍ߫ ߝߘߊߟߌ߫ ߝߍ߬ ߝߋߎ߫ ߝߊߙߊ߲ߞߏߝߏߣߌ߲ ߘߐ߫، ߏ߬ ߘߐ߫߸ ߙߏߥߊ߲ߘߊ߫ ߟߊ߫ ߦߴߊ߬ ߡߊ߬ߡߌ߬ߘߊ߬ߟߌ ߓߐ߫ ߛߙߍߘߍ ߘߐ߫ >>، ߊ߬ ߞߵߏ߬ ߦߌ߬ߘߊ߫.

ߝߊ߬ߙߊ߲߬ߛߌ߬ ߞߊ߲ߕߌ߮ ߟߊ߫ ߞߎߡߊ ߏ߬ ߖߋ߬ߓߌ ߘߐ߫߸ ߙߏߥߊ߲ߘߊ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߝߊ߬ߙߊ߲߬ߛߌ߬ ߓߘߊ߫ ߢߌ߲߬ ߣߌ߫ ߖߎ߰ ߓߐ߫ ߘߊߡߌ߬ߣߊ߬. ߒ߬ߓߊ߬߸ ߞߏ߲ߜ߭ߏ߫ ߣߐ߬ ߊ߬ ߕߊ߫ ߡߊ߬ߡߌ߬ߘߊ߬ߟߌ߬ߟߊ ߡߍ߲ ߓߐ߫ ߟߊ߫߸ ߏ߬ ߕߐ߯ ߞߏ߫ ߗ߭ߎ߳ߟߌߦߣߊ߫ ߟߎߡߎ߲ߓߊ߫߸ ߔߊߕߙߌߛ ߟߎߡߎ߲ߓߊ߫ ߘߋ߲ߡߛߏ߫، ߊ߬ ߝߊ߬ ߞߍ߫ ߘߊ߫ ߞߟߏߞߕߏ ߣߌ߫ ߣߊ߲߬ߞߌ߲ ߠߋ߬ ߘߌ߫ ߝߘߊ߬ߝߌ߲߬ߠߊ߫ ߡߞߊߘߊ߲ ߘߐ߫.

ߒ߬ߓߊ߬߸ ߞߏ߲ߜ߭ߏ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߣߌ߫ ߙߏߥߊ߲ߘߊ߫ ߡߛߏ߬ߣߍ߲ ߣߊ߬ ߘߊ߫ ߞߎ߲߬ߕߌ߰ߦߊ ߟߊ߫߸ ߌߞߐ߫߸ ߞߏ߫ ߊ߬ߟߎ ߘߌ߫ ߓߐ߫ ߝߊ߬ߙߊ߲߬ߛߌ߬ ߞߊ߲߬ ߝߐ߬ ߖߡߊߣߊ ߟߎ߫ ߟߊ߫ ߘߍ߭ ߘߐ߫، ߊ߬ ߘߏ߲߬߸ ߞߏ߲ߜ߭ߏ߫ ߟߋ߬ ߢߐ߲߰ ߖߡߊ߬ߕߌ߯ ߕߍ߫ ߘߍ߭ ߢߌ߲߬ ߘߐ߫ ߝߊ߬ߙߊ߲߬ߛߌ ߖߍ߬ߘߍ ߓߐ߲߯ߕߍ߫. ߓߊߏ߬߸ ߊ߬ ߡߐ߱ ߦߋ߫ ߞߋ߲߬ߥߟߎ߫ ߁߁߀ ߠߋ߬ ߘߌ߫.

ߏ߬ ߘߐ߫߸ ߣߌ߫ ߞߏ߲ߜ߭ߏ߫ ߓߐ߫ ߘߊ߫ ߝߊߙߊ߲ߞߏߝߏߣߌ ߘߐ߫߸ ߏ߬߫ ߦߋ߫ ߝߙߋߞߋߓߊ ߟߋ߬ ߘߌ߫ ߘߍ߭ ߡߊ߬، ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߊ߫߸ ߡߊ߬ߟߌ ߣߌ߫ ߣߌߖ߭ߍߙ ߓߘߴߊ߬ߟߎ߬ ߓߐ߫ ߝߊ߬ߙߊ߲߬ߛߌ߬ ߞߊ߲߬ ߝߐ߬ ߖߡߊߣߊ ߟߎ߫ ߟߊ߫ ߜߊ߬ߙߊ ߘߐ߫ ߞߊ߬ߦߌ߯ ߂߀߂߆ ߕߙߊߓߊ ߝߍ߬.

ߒ߬ߓߊ߬߸ ߜߊ߬ߙߊ ߣߌ߲߬ ߘߊߦߟߍߟߌ ߞߍ߫ ߘߊ߫ ߝߐߢߐ߲߯ߞߐ ߣߌ߫ ߢߐ߲߯ ߛߊߡߊ߲ ߏ߬ ߟߋ߬ ߘߐ߫ ߓߌ߬߸ ߞߟߊ߬ߕߌ߰ߦߊ߬ߞߏ ߘߐ߫ ߝߊ߬ߙߊ߲߬ߛߌ߬ ߞߊ߲߬ ߝߐ߬ ߖߡߊߣߊ߫ ߝߌ߬ߟߊ ߓߟߏ߫.