ߣߊ߲߬ߕߌ߮ ߟߎ߫ ߟߊ߫ ߦߙߍߞߍߟߌ ߘߏ߫ ߟߋ߬ ߛߋ߲߭ߝߍ߬߸ ߡߍ߲ ߞߍ߫ ߘߊ߫ ߓߌߟߏ߲߫ ߕߊ߬ߡߌ߲߬ߣߍ߲ ߣߍߣߍߓߊ ߕߟߋ߬ ߁߂/߂߀߂߆߸ ߊ߬ߟߎ߫ ߞߊ߬ ߕߌߢߍߟߌ߫ ߞߙߎ ߘߏ߫ ߟߋ߬ ߕߍ߯ߕߊ߬، ߡߍ߲ ߠߎ߬ ߡߊߝߌ߲߬ߣߍ߲߫ ߓߌ߲߬ߘߌ߲߬ߓߊ߲߬ߘߊ߲߬ ߖߎ߬ߟߊ߬ߦߊ߬ߞߏ ߘߐ߫ ߜ߭ߥߊߟ ߣߌ߫ ߟߊߓߋ߬ ߕߍߟߊ ߘߐ߫.
ߒ߬ߓߊ߬߸ ߟߊ߬ߛߋ߬ߟߌ ߣߌ߲߬ ߞߍ߫ ߘߊ߫ ߜ߭ߥߊߟ ߞߊ߲ߓߍ߲ ߞߕߌߞߊ߲ߘߊ ߟߋ߬ ߓߟߏ߫߸ ߣߊߟߌ߬ߡߎ߲߬ ߡߊ߲ߡߊ߲ߘߎ߫ ߕߊߦߑߙߎ߬ ߓߊߟߑߘߋ߬ ߘߌ߫، ߟߊ߬ߛߋ߬ߟߌ ߏ߬ ߞߍ߫ ߘߊ߫ ߢߌ߲߬ ߕߟߋ߬ ߁߃ ߟߋ߬ ߡߊ߬.
ߞߕߌߓߋߟߋ߲ ߕߊ߫ ߝߐߟߌ߫ ߘߐ߫߸ ߞߏ߫ ߦߙߍߞߍߟߌ ߣߌ߲߬ ߢߍߡߌ߬ߘߊ߬ߣߍ߲߫ ߕߘߍ߬ ߞߕߌߞߊ߲ߘߊ ߖߍ߬ߘߍ ߟߋ߬ ߓߟߏ߫߸ ߞߵߏ߬ ߟߊ߫ ߕߐ߲ߓߟߏߡߊ ߘߏ߫ ߟߎ߫ ߞߊ߲߬، ߏ߬ ߞߍ߫ ߘߊ߫ ߛߊߓߎ߫ ߘߌ߫߸ ߕߍ߮ ߞߍ߫ ߘߊ߫ ߡߐ߰ ߄ ߘߐ߫߸ ߞߋߟߋ߲ ߦߋ߫ ߓߐ߫ ߟߊ߫ ߜ߭ߥߊߟ߸ ߊ߬ ߕߐ߬ ߛߊ߬ߓߊ ߦߋ߫ ߓߐ߫ ߟߊ߫ ߞߎ߲ߛߌߕߍߟ.
ߒ߬ߓߊ߬߸ ߝߊ߰ߡߊ ߟߎ߫ ߞߊ߬ ߕߍ߮ ߞߍ߫ ߝߋ߲߫ ߞߙߌߞߙߊ߫ ߛߌߦߊߡߊ߲߫ ߘߐ߫߸ ߕߙߊߡߊߘߐߟ ߣߌ߫ ߛߙߊߓߊ ߣߌ߫ ߓߊߛߌ߫ ߞߌߛߍ߫ ߟߊߕߐ߲ߣߍ߲ ߣߌ߫ ߥߊߘߌ߫ ߛߌߦߊߡߊ߲߫ ߡߌ߬ߣߊ߬ ߘߊ߫߸ ߞߵߏ߬ ߟߴߊ߬ߟߎ߬ ߟߊ߫ ߓߊ߯ߙߊ߫ ߡߎߙߊ߲ ߠߎ߫ ߞߊ߲߬.

ߒ߬ߓߊ߬߸ ߡߊ߬ߝߌ߲߬ߓߊ߰ߕߐ߬ ߞߋߟߋ߲߫ ߦߋ߲߬߸ ߏ߬ ߣߐ߬ߝߍ߬ߜߍ߲ߠߌ߲߫ ߓߟߏߟߊߝߍߣߍ߲ߞߏ ߣߌ߫ ߣߊ߲߬ߕߌ߰ ߝߊ߰ߣߌ߲߬ ߘߏ߲ ߘߐ߫߸ ߞߊ߬ߕߘߍ߬ ߣߊ߲߬ߕߌ߰ ߕߴߊ߬ ߘߌ߫. ߛߊ߲߬ߘߊ ߞߊ߲߫ ߏ߬ ߟߋ߬ ߡߊ߬ ߞߏ߫:<< ߞߵߌ ߖߘߍ߬ ߞߍ߫ ߞߏ߲߫ ߘߌ߫߸ ߞߊ߬ߕߘߍ߬ ߌ ߡߊ߫ ߘߟߊ߫ ߞߙߊߕߊ߫ ߓߐ߫>>، ߡߊ߲߬ߘߋ߲߫ ߛߊ߲߬ߘߊ.
ߞߕߌߞߊ߲ߘߊ ߕߊ߫ ߝߐߟߌ߫ ߘߐ߫߸ ߞߏ߫ ߞߙߏ߬ߝߏ ߢߌ߲߬ ߠߋ߬ ߦߋ߫ ߓߌ߲߬ߘߌߓߊ߲߬ߘߊ߲ ߘߐߕߟߊ߫ ߜ߭ߥߊߟ ߣߌ߫ ߟߊߓߋ߬ ߣߌ߫ ߝߊ߲߬ ߛߌߦߊߡߊ߲߫ ߠߊ߫، ߊ߬ ߞߊ߲߫ ߞߏ߫ ߊ߬ ߦߋ߫ ߞߙߎ߫ ߛߌ߲߬ߝߏ߲߬ߧߊ߬ߣߍ߲߬ߓߊ ߟߋ߬ ߘߌ߫، ߝߣߊ߫߸ߞߏ߫ ߛߙߊ߬ߟߏ߲߬ߞߊ߬ ߡߛߏ ߘߏ߫ ߖߍ߬ߘߍ ߓߘߴߊ߬ ߓߏ߬ߙߌ߫ ߕߋ߲߬ ߞߊ߬ ߕߎߣߎ߲߫ ߖߋߎ߲߫. ߓߊ߬ߙߌ߬߸ ߊ߬ ߟߊ߫ ߞߏ ߢߌߣߌ߲ ߜߊ߬ߣߍ߲߫ ߕߋ߲߬ ߞߏߛߓߍ߫.
ߡߊ߲ߡߊ߲ߘߎ߫ ߕߊߦߑߙߎ߬ ߓߊߟߑߘߋ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߞߎ߲߬ߘߏ߲ ߘߐ߫߸ ߞߏ߫ ߊ߬ߟߎ߬ ߘߌ߫ ߝߍ߬ߙߍ ߛߎ߮ ߓߍ߯ ߟߊߘߍ߬ߣߍ߲ ߞߍ߫ ߞߊ߬ ߞߏߢߊ ߣߌ߲߬ ߠߊߜߍ߫߸ ߊ߬ ߣߌ߫ ߞߊ߬ ߡߐ߰ ߟߎ߬ ߞߕߌ߫߸ ߝߋ߲߫ ߺ ߋ߲߫ ߺ ߝߋ߲߫ ߕߐ߮ ߜߊ߬ߛߌ߬ ߘߴߊ߬ ߞߏ ߟߊ߫. ߊ߬ ߞߵߊ߬ ߦߌ߬ߘߊ߫ ߏ߬ ߟߋ߬ ߘߐ߫߸ ߞߏ߫ ߝߐ߫ ߡߌ߬ߙߌ߲߬ߘߌ ߦߋ߫ ߞߍ߫ ߞߎ߲߬ߠߊ߬ߛߌ߮ ߢߊ ߣߴߊ߬ ߕߟߏ ߟߋ߬ ߘߌ߫߸ ߞߊ߬ ߘߍ߬ߡߍ߲߬ ߞߍ߫ ߛߊ߫ ߡߐ߰ ߞߏߙߏ߲ ߢߌ߲߬ ߠߎ߬ ߘߌ߫ ߡߌ߬ߣߊ߬߸ ߊ߬ ߣߌ߫ ߞߵߊ߬ߟߎ߬ ߟߊ߫ ߞߙߎ ߘߐߖߍ߲ߛߍ߲߫ ߛߎߋ߫.
ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫߸ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.




