ߕߊߓߐ ߘߏ߫ ߟߋ߬ ߞߍߣߍ߲߫ ߞߎߣߎ߲߬ ߞߐ߬ߓߊ߬ߟߏ߲ ߛߎ ߃ ߕߎߡߊ ߞߵߊ߬ ߘߎ߰ߛߊ߬ߜߍ߫ ߓߌ߬ ߞߐ߬ߟߏ߲ ߣߍߣߍߓߊ ߕߟߋ߬ ߁߇/ ߂߀߂߆߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߊ߯ߙߊ߫ ߦߙߐ߫ ߝߌ߬ߟߊ߬ ߞߍ߫ ߞߎ߲߫. ߊ߬ߟߎ߫ ߕߌ߱ ߦߋ߫ ߡߊ߲ߡߊ߲ߘߎ߫ ߓߏߦߌ߬ ߓߊߙߌ߫ ߣߌ߫ ߡߊ߲ߡߊ߲ߘߎ߫ ߦߊߦߊ߬ ߛߏ ߡߍ߲ ߠߎ߬ ߘߌ߫، ߏ߬ ߟߎ߬ ߞߊ߲߫ ߞߏ߫ ߡߐ߰ ߡߊ߫ ߝߊ߰ ߝߋߎ߫، ߓߊ߬ߙߌ߬߸ ߥߊߘߌ߫ ߕߌߢߍߣߍ߲ ߖߊ߬ߕߋ ߘߌ߫ ߞߋ߲߬ߥߟߎ߬ ߃߀ ߓߐ߫߸ ߡߍ߲ ߞߊ߬ߛߙߊ߫ ߘߊ߫ ߖߋ߬ߣߌ߲߬ߠߌ߲ ߣߌ߲߬ ߛߋ߲߭ߝߍ߬ ߖߊ߰ߓߌ߬ߦߊ߫.


ߓߌ߬ ߣߍߣߍߓߊ ߕߟߋ߬ ߁߇/߂߀߂߆߸ ߕߊߓߐ ߡߍ߲ ߞߍ߫ ߘߊ߫ ߖߊ߰ߓߌ߬ߦߊ߫߸ ߣߴߊ߬ ߞߍ߫ ߘߊ߫ ߦߙߐ߫ ߝߌ߬ߟߊ߬ ߟߊߝߍ߭ ߘߌ߫، ߡߊ߲ߡߊ߲ߘߎ߫ ߓߏߦߌ߬ ߓߊߙߌ߫ ߡߍ߲ ߕߊ߫ ߦߋ߫ ߝߍߙߍ߲߫ ߛߊ߫ ߦߙߐ ߘߌ߫߸ ߏ߬ ߞߎߡߊ߫ ߘߊ߫ ߞߏߢߊ ߣߌ߲߬ ߟߐ߲ߢߊ ߣߴߊ߬ ߓߣߐ߬ ߛߐ߬ߘߐ߲߬ߣߍ߲ ߞߊ߲߬ :<< ߄ ߕߎߡߊ ߝߊ߲߭ ߠߋ߬ ߝߍ߬߸ ߛߊ߬ߣߌ߲߬ߠߊ߫ ߞߘߐ ߘߏ߫ ߞߊ߬ ߒ ߞߟߌ߫ ߜߋߟߋ߲ߜߋߟߋ߲ ߠߊ߫، ߞߵߊ߬ ߝߐ߫ ߒ ߢߍ߫ ߞߏ߫ ߕߊ ߓߘߊ߫ ߒ ߠߊ߫ ߡߌ߬ߣߊ߬. ߒ ߝߣߊ߫ ߞߍߢߊ ߟߴߏ߬ ߘߌ߫ ߒߞߘߐ߫ ߞߊ߬ ߒ ߓߏ߬ߙߌ߬ ߞߊ߬ ߕߊ߯ ߓߐ߫ ߦߙߐ ߡߊ߬߸ ߒ ߞߵߊ߬ ߛߐ߬ߘߐ߲߬߸ ߒ ߘߋ߲ ߠߎ߬ ߣߌ߫ ߒ ߠߊ߫ ߛߎߝߙߎ߫ ߟߊ߫ ߡߐ߮ ߦߋ߫ ߕߊ ߟߊߛߊ߭ ߞߊ߲߬، ߒ ߝߣߊ߫ ߞߵߊ߬ߟߎ߬ ߡߊߘߍ߬ߡߍ߲߬. ߝߋ߲ ߡߍ߲ ߠߎ߬ ߕߌߢߍߣߍ߲߫߸ ߏ߬ ߘߏ߫ ߟߋ߬ ߞߏ߲ ߠߎ߬ ߘߌ߫߸ ߊ߬ ߣߌ߫ ߞߏ߲ߕߏ߸ ߡߍ߲ ߕߎ߲߬ ߓߘߊ߫ ߓߌ߫ ߟߊ߫ ߟߊߕߊ߯ ߞߊ߲ߡߊ߬(ߟߌߝ߭ߙߋ߫) . ߥߊߘߌ߫ ߕߌߢߍߣߍ߲ ߖߊ߬ߕߋ ߘߌ߫ ߞߋ߲߬ߥߟߎ߬ ߁߀ ߓߐ߫߸ ߒ ߞߏ߬ߣߌ߲ ߘߌ߫ ߊߟߊ߫ ߕߊ߲߬ߘߏ߫، ߓߊߏ߬߸ ߡߐ߰ ߡߊ߫ ߝߊ߰߸ ߞߊ߬ߕߎ߲߯߸ ߕߊ ߦߋ߫ ߓߏ߫ ߟߊ߫ ߕߎ߬ߡߊ ߡߍ߲߸ ߏ߬ ߞߊ߬ ߒ ߠߊ߫ ߡߞߊ߬ߙߊ߲߬ߘߋ߲ ߘߏ߫ ߟߎ߫ ߛߐ߬ߘߐ߲߬ ߓߏ߲ ߠߊ߫߸ ߘߏ߫ ߖߍ߬ߘߍ ߕߎ߲߬ ߟߊߣߍ߲߫ ߘߏ߬ߝߙߏ ߡߍ߲ ߞߊ߲߬߸ ߕߊ ߞߵߏ߬ ߡߌ߬ߣߊ߫ ߟߋ߬߸ ߏ߬ ߝߣߊ߫ ߥߟߌ߫ ߘߴߏ߬ ߟߋ߬ ߡߊ߬. ߊ߲ ߞߏ߬ߣߌ߲ ߡߴߊ߬ ߟߐ߲߫ ߡߎߣߎ߲߬߸ ߣߌ߫ ߕߊߓߐ߫ ߣߌ߲߬ ߞߎ߲߭ ߞߍߣߍ߲߫ ߢߎߡߍ ߟߊ߫ ߕߊ߬ߡߌ߲߬ ߞߏ߬ ߞߋߟߋ߲ ߠߋ߬ ߘߌ߫ ߥߟߊ߫ ߘߏ߫ ߜߘߍ߫>>، ߊ߬ ߞߵߏ߬ ߢߊߝߐ߫.


ߡߊ߲ߡߊ߲ߘߎ߫ ߦߊߦߊ߬ ߛߏ ߝߣߊ߫ ߞߵߊ߬ ߕߊ߫ ߞߊ߬ߛߙߊ߫ ߛߐ߬ߘߐ߲߬ߣߍ߲ ߝߐ߫߸ ߊ߬ߟߋ ߡߍ߲ ߕߊ ߦߋ߫ ߡߌ߲߬ߓߏ߲ ߘߌ߫، ߥߊߘߌ߫ ߕߌߢߍߣߍ߲ ߘߏ߲߬ ߘߌ߫ ߕߊ߯ ߝߐ߫ ߞߋ߲߬ߥߟߎ߬ ߁߅ ߢߐ߲߰ ߊ߬ ߖߍ߬ߘߍ ߟߊ߫ ߝߐߟߌ߫ ߘߐ߫<< ߣߌ߲߬ ߞߏ ߞߍߣߍ߲߫ ߟߊ߬ߕߍ߮ ߟߋ߬ ߘߌ߫߸ ߊ߲ ߡߊ߬ ߝߏߦߌ߬ ߡߊߛߐ߬ߘߐ߲߬߸ ߊ߬ ߓߍ߯ ߖߋ߬ߣߌ߲߬ߣߍ߲߫ ߠߋ߬ ߞߐߚߐ߫. ߥߊߘߌ ߡߍ߲ ߕߌߢߍߣߍ߲߫߸ ߏ߬ ߘߌ߫ ߕߊ߬ߡߌ߲߫ ߞߋ߲߬ߥߟߎ߬ ߕߊ߲ ߣߌ߫ ߟߏ߯ߟߎ߫ ߟߊ߫. ߒ ߕߎ߲߬ ߦߋ߫ ߕߍ߱ ߘߏ߫ ߝߣߊ߫ ߥߊߘߌ ߟߊߡߙߊ߬ ߟߊ߫ ߦߊ߲߬߸ ߏ߬ ߘߊ߬ߡߊ ߦߋ߫ ߞߋ߲߬ߥߟߎ߬ ߟߏ߯ߟߎ߫ ߟߋ߬ ߘߌ߫، ߒ ߠߊ߫ ߞߙߊ߬ߖߊߥߏ ߣߌ߫ ߒ ߠߊ߫ ߓߊ߯ߙߊߝߋ߲ ߠߎ߬. ߊ߲ ߞߏ߬ߣߌ߲ ߦߴߊ߲ ߞߊ߲ߠߊߘߌ߫ ߟߊ߫ ߓߍ߯ ߡߊ߬ ߘߍ߬ߡߍ߲߬ߞߏ ߘߐ߫ >>، ߊ߬ ߖߎ߬ߛߎߞߊ߬ߛߌ߬ߣߍ߲ ߠߋ߬ ߞߊ߬ ߞߎߡߊ ߣߌ߲߬ ߝߐ߫.


ߖߋ߬ߣߌ߲߬ߠߌ߲ ߣߌ߲߬ ߞߍߣߍ߲߫ ߕߎ߬ߙߎ߫ ߟߋ߬ ߘߌ߫߸ ߞߊ߬ ߞߐߙߍ߫ ߝߌ߬ߟߊ ߣߌ߲߬ ߓߌ߬ߟߊ߫ ߓߊ߯ߙߊ߫ ߡߎߙߊ߲߫ ߞߏߖߊ ߣߌ߫ ߞߣߐ߬ߘߐ߬ߝߟߌ ߣߌ߫ ߦߌߟߊ߲ߦߌߟߊ߲ ߕߍߡߊ߬߸ ߡߍ߲ ߠߎ߫ ߖߌ߱ ߘߍ߬ߡߍ߲߬ߠߌ߲߬ ߞߏ߬ߢߌߡߊ ߞߊ߲߬ ߕߋ߲߬، ߛߴߊ߬ߟߎ߬ ߘߴߊ߬ߟߎ߬ ߟߊ߫ ߓߊ߯ߙߊ ߘߊߡߌ߬ߣߊ߬ ߌߞߐߕߎ߯ߣߌ߲߫.


ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.