ߞߊ߬ ߞߎ߲߬ߝߍ߬ߕߊ߰ߟߊ߫ ߟߎ߬ ߟߊߓߍ߲߬ ߞߙߎ ߞߍ߬ߟߍ߫߸ ߞߊ߬ ߘߏ߫ ߝߙߊ߬ ߓߐߕߏ߲߫ ߖߡߊߣߊ ߟߎ߬ ߟߊ߫ ߓߟߏߘߌߢߐ߲߰ߡߊ ߞߊ߲߬߸ ߖߐ߲߰ߛߊ߫ ߞߊ߬ ߞߎ߲߬ߝߍ߬ߕߊ߰ߟߊ ߟߎ߬ ߟߊߓߍ߲߬ ߞߙߎ ߞߟߍ߬߸ ߊ߬ ߣߌ߫ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊߞߊ߲ߘߊ߫، ߏ߬ ߟߋ߬ ߦߋ߫ ߔߙߏߛߎ߳ߛ ߘߋ߬ ߘߊ߬ߞߊ߯ߙߎ߫ ߟߊ߫ ߟߊ߬ߘߍ ߟߊ߬ߢߌߣߌ߲ ߘߌ߫߸ ߏ߬ ߡߍ߲ ߛߌ߰ ߘߊ߫ ߛߋ߲߬ߠߊ߫ ߕߋ߬ߟߋ߫ ߝߌ߬ߟߊ߬ ߞߣߐ߫߸ ߘߊ߬ߞߊ߯ߙߎ߫ ߖߡߊ߬ߣߊ߬ ߁߅ ߓߟߏ߫، ߊ߬ ߛߌ߰ ߘߊ߫ ߛߋ߲߬ߠߊ߫ ߛߣߍ߬ߜ߭ߊ߬ߟߌ߫ ߖߡߊ߬ߣߊ ߣߌ߫ ߕߎ߲ߞߊߙߊ߲ߒߞߋ ߟߎ߬ ߟߊ߫ ߘߍ߬ߡߍ߲߬ߠߌ߲߬ ߞߙߎ ߟߋ߬ ߓߟߏ߫.
ߦߟߍ߬ߡߊ߲߫ ߛߌߦߊߡߊ߲߫ ߠߋ߬ ߓߍߣߊ߬ ߘߏ߲߬ ߣߌ߲߬ ߞߏ ߘߐ߫߸ ߡߍ߲ ߘߌ߫ ߞߍ߫ ߕߙߎ߬ ߘߌ߫ ߞߊ߬ ߓߍ߯ ߟߊ߫ ߦߋߕߊ ߞߍ߫ ߞߋߟߋ߲ߘߌ߫߸ ߖߐ߲߰ߛߊ߫ ߞߊ߬ ߕߎ߲ߞߊߙߊ߲ߒߞߋ߫ ߞߎߡߊ ߟߎ߬ ߢߊߓߐ߫ ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ߫߸ ߏ߬ ߘߌ߫ ߞߍ߫ ߕߎ߬ߙߎ߫ ߘߌ߫ ߞߊ߬ ߘߏ߫ ߓߐ߫ ߡߊ߲߬ߞߊ߲ ߠߎ߬ ߟߊ߫߸ ߖߋ߬ߓߌ߬ߦߊ߬ߟߊ ߘߏ߫ ߟߊ߫ ߞߎߡߊ߫ ߘߐ߫߸ <<ߗߍ߭ ߟߎ߬ ߟߋ߬ ߕߘߍ߬ ߦߋ߫ ߓߐ߫ ߟߊ߫߸ ߓߊ߬ߙߌ߫߸ ߡߏ߬ߛߏ ߟߎ߬ ߝߣߊ߫ ߓߘߴߊ߬ߟߎ߫ ߛߋ߲߭ ߓߌ߬ߟߴߊ߬ ߘߐ߫߸ ߡߐ߰ߓߊ߬ߞߘߐ ߟߎ߬ ߖߍ߬ߘߍ ߝߣߊ߫ ߓߘߴߊ߬ߟߎ߫ ߛߋ߲߭ ߓߌ߬ߟߴߊ߬ ߘߐ߫߸ ߏ߬ ߓߟߏߡߊ߬߸ ߝߏ߫ ߊ߲ ߧߋ߫ ߛߊ߲ߛߑߓߌߟߑߛߌߦߊߛߐ߲ ߠߋ߬ ߝߐߙߑߛߋ߫.
ߔߙߏߛߎ߳ߛ ߘߊߞߊ߯ߙߎ߸ ߊ߬ ߞߎ߲߭ ߠߴߏ߬ ߘߌ߫، ߊ߲ ߞߊ߫ ߞߊ߲߫ ߞߵߊ߲ ߠߊ߫ ߖߡߊ߬ߣߊ߬ߘߋ߲ ߠߎ߬ ߛߊ߲ߛߑߓߟߌߛߋ߫ ߢߊ߫ ߡߍ߲ ߡߊ߬߸ ߖߡߊ߬ߣߊ߬ ߣߌ߫ ߖߡߊ߬ߣߊ߬ ߕߍ߫߸ ߘߏ߫ ߓߊ߯ ߓߐ߫ ߟߊ߬ߖߌ߬ߣߍ߫߸ ߞߏ߫ ߊ߬ ߥߊߕߐ߫ ߘߊ߬ߞߊ߯ߙߎ߫߸ ߊ߬ ߓߊ߯ ߛߋ߫ ߘߊ߬ߞߊ߯ߙߎ߫߸ ߛߣߍ߬ߜ߭ߊ߬ߟߌ߫ ߞߊ߫ ߞߊ߲߫ ߞߵߊ߬ ߔߙߏߕߑߛߋ߫ ߢߊ߫ ߡߍ߲ ߡߊ߬߸ ߖߐ߲߰ߛߴߊ߬ ߞߣߊ߫ ߡߊ߲߬ߕߙߐ ߛߐ߬ߘߐ߲߬߸ ߊ߲ ߧߋ߫ ߏ߬ ߟߋ߬ ߓߟߏߡߊ߬ ߕߋ߲߬>> ߣߌ߲߬ ߦߋ߫ ߖߋ߬ߓߌ߬ߦߊ߬ߟߊ ߘߏ߫ ߟߋ߬ ߞߎߡߊ߫ ߞߊ߲߫ ߘߌ߫.
ߘߊ߬ߞߊ߯ߙߎ߫ ߟߊ߫ ߟߊ߬ߘߍ ߣߌ߲߬߸ ߏ߬ ߡߍ߲ ߦߋ߫ ߝߘߊ߬ߝߌ߲߬ ߖߡߊߣߊ ߛߌߦߊߡߊ߲߫ ߞߎ߲߬ߞߊ߲߬ߞߏ ߘߌ߫߸ ߏ߬ ߞߏ ߦߴߊ߬ ߞߊ߲߬ ߕߎ߬ߡߊ ߟߋ߬ ߟߊ߫߸ ߡߍ߲ ߜߍ߬ߟߍ߲߬ߡߊ߲߫ ߛߣߍ߬ߜ߭ߊ߬ߟߌ߫ ߖߍ߬ߘߍ ߝߍ߬ ߞߏߛߓߍ߫߸ ߞߊ߬ߕߎ߲߯߸ ߟߐ߯ߞߎ߲߫ ߞߋߟߋ߲߫ ߢߐ߲߰ ߞߣߐ߫߸ ߞߎ߲߬ߝߍ߬ߕߊ߰ߟߊ߫ ߄߀ ߢߐ߲߰ ߠߋ߬ ߣߌ ߕߏ߫ ߘߴߊ߬ ߘߐ߫.






