ߓߌ߬ ߂߀߂߆ ߣߍߣߍߓߊ ߕߋ߬ߟߋ߫ ߂߂ ߡߊ߬߸ ߛߣߌߥߊ ߟߎ߬ ߟߊ߫ ߘߏ߬ߣߌ߲߬ ߡߊ߬ߘߏ߬ߣߌ߲߬ ߞߊ߲ߓߋ߲ ߡߍ߲ ߦߋ߫ ߞߓߊ߫ ߡߊߘߏߣߌ߲ ߞߍ߫ ߟߊ߫، ߏ߬ ߟߎ߫ ߝߌ߬ߟߊ߫ ߟߋ߬ ߣߐ߬ ߢߐ߲߮ ߛߐ߲ߛߐ߲߫ ߠߊ߫߸ ߞߊ߬ ߓߣߐ߬ ߛߌߦߊߡߊ߲߫ ߟߴߊ߬ ߘߐ߫߸ ߞߊ߬ߕߘߍ߬ ߞߓߊ߫ ߡߎ߯ ߛߎ߬ߛߎ߬ߣߍ߲ ߦߋ߫ ߞߋߟߋ߲ ߞߎ߲߬߸ ߊ߬ ߕߐ߬ ߞߋߟߋ߲ ߘߐߞߏߟߏ߲ ߦߋ߫.
ߒ߬ߓߊ߬߸ ߛߊߟߋ߫ ߡߕߊ߫ ߡߊ߯ߘߌ߫ ߞߐ߲ߘߍ߫ ߞߊ߬ ߘߏ߯ߣߍ߲߫ ߝߐ߫ ߊ߲ ߧߋ߫ ߣߌ߲߬ ߞߏߢߊ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ :<< ߛߣߌߥߊ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊ߫ ߡߏ߬ߙߌ߬ߢߎ߬ߡߊ߬ߦߊ߫ ߣߴߊ߬ߟߎ߬ ߦߋ߫ ߞߓߊ߫ ߜߊߛߌ ߞߍ߫ ߟߊ߫߸ ߏ߬ ߟߎ߬ ߟߊ߫ ߞߊ߲ߓߋ߲߲߫ ߝߌ߬ߟߊ߫ ߣߐ߬ ߢߐ߲߮ ߓߍ߲߬ ߠߊ߫߸ ߞߴߊ߬ ߛߊߓߎ ߞߍ߫ ߖߌ߰ߣߌ߬ߦߟߍ ߘߌ߫߸ ߞߓߊ߫ ߡߎ߯ ߛߎ߬ߛߎ߬ߣߍ߲ ߦߋ߫ ߞߋߟߋ߲ ߞߎ߲߬߸ ߊ߬ ߕߐ߬ ߞߋߟߋ߲ ߘߐߞߏߟߏ߲ ߦߋ߫. ߟߊ߬ߓߏ߬ߙߌ߬ߟߌ߬ߟߊ߫ ߝߌ߬ߟߊ ߓߍ߯ ߞߏ߬ߣߌ߲ ߕߊ߬ ߘߊ߫ ߟߋ߬ ߦߌߟߊ ߏ߬ ߘߐ߫ ߞߊ߬ ߞߊ߲ߞߊ߲߫ ߘߊ߲ߘߊߛߏߓߊ ߡߊߜߍ߲߫߸ ߊ߬ ߘߏ߫ ߞߍ߫ ߘߊ߫ ߖߋ߬ߟߌ߬ߓߐ߲ ߖߍ߬ߘߍߖߍ߬ߘߍ ߟߋ߬ ߘߌ߫ ߝߣߊ߫، ߓߊ߸ ߊ߬ߟߎ߬ ߡߊ߫ ߕߊ߯ ߟߌ߬ߤߟߊ߬ ߓߘߍ߬ ߘߐ߫>>، ߊ߬ ߞߵߏ߬ ߦߌ߬ߘߊ߫.
ߝߣߊ߫߸ ߊ߬ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ ߘߐ߫ ߌߞߐߕߎ߯ߣߌ߲߫߸ ߞߏ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߎ߲߭ ߞߍߣߍ߲߫ ߢߡߊߟߐߓߊߟߌߦߊ ߟߋ߬ ߘߌ߫، ߓߊߏ߬߸ ߞߏ߫ ߛߣߌߥߊ ߟߎ߫ ߕߍ߫ ߓߏ߬ߙߌ߬ ߟߊ߫ ߛߌߟߊ ߣߌ߲߬ ߞߊ߲߬ ߊ߬ ߢߌ߬ߡߊ ߟߊ߫ :<< ߣߴߊ߬ߟߎ߬ ߞߍ߫ ߘߊ߫ ߓߏ߬ߙߌ߬ ߟߊ߬ ߛߌߟߊ ߣߌ߲߬ ߞߊ߲߬߸ ߊ߬ߟߎ߫ ߖߍ߬ߘߍ ߝߊ߲߭ ߡߴߊ߬ ߟߐ߲߫ ߞߏ߫ ߊ߬ߟߎ߬ ߣߌ߫ ߡߐ߰ ߜߘߍ߫ ߦߋ߫ ߛߌߟߊ ߞߊ߲߬߸ ߊ߬ߟߎ߬ ߕߍ߫ ߡߐ߰ ߛߌ߫ ߖߊ߬ߕߋ߬ ߟߊ߫، ߡߍ߲ ߞߍ߫ ߘߴߊߟߊ߫ ߕߊ߲ߘߏ߫ ߦߙߐ ߘߌ߫߸ ߏ߬ ߟߋ߬ ߊ߬ ߡߊ߫ ߞߍ߫ ߡߐ߰ ߜߘߍ߫ ߘߌ߫ >> ، ߏ߬ ߞߵߏ߬ ߢߊߝߐ߫.
ߣߴߊ߬ ߞߏ ߕߊ߬ߡߌ߲߬ ߘߊ߫ ߢߊ ߡߍ߲߸ ߊ߲ ߘߴߏ߬ ߝߣߊ߫ ߞߌ߬ߦߵߊߟߎ߫ ߡߊ߬.
ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫߸ ߛߌߟߊߓߐߛߐ߯ߣߊ߫ ߞߐߦߌߘߊ ߛߌ߯ߙߌ߲߫.






