ߘߐ߬ߛߙߋ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫ ߂߀߂߅ ߣߍߣߍߓߊ ߕߟߋ߬ ߁߃ ߡߊ߬߸ ߟߢߊ߬ߟߌ ߣߌ߫ ߘߍ߲߬ߞߍ߬ߕߎ߲߬ߠߌ߲ ߣߌ߫ ߘߐ߬ߛߏ߰ߙߋ߬ߟߌ ߣߌ߫ ߞߏߟߊߒߞߘߐߢߐ߯ߦߊ ߕߐ߰ߕߐ߰ߟߌ߬ ߕߏ߯ߝߏ ߛߓߍߘߊ (ߟ.ߘ.ߞ.ߕ.ߛ)/ߡߏߕߊ ߊ߲ߖ߭ߌߟ ߖߌ߬ߣߍ߬ ߛߌߡߊ߲ߘߎ߯ ߓߟߏ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߊߓߊ߰ߓߊ߰߸ ߞߵߊ߬ߟߎ߬ ߟߊ߫ ߛߊߛߋ߫ ߞߏ ߓߍ߲߬ߞߊ߲߬ߡߊ ߟߎ߬ ߜߊ߬ߛߌ߫ ߘߎ߱ ߟߊ߫߸ ߊ߬ߟߎ߫ ߘߏ߲߬ ߕߍ߫ ߓߊ߯ߙߊ߫ ߟߊ߫ ߟߌ߬ߤߟߊ߬ ߢߌߡߊ߫ ߘߐ߫.
ߡߏߕߊ߫ ߊ߲ߖ߭ߌߟ ߡߍ߲ ߦߋ߫ ߛߌߡߊ߲ߘߎ߯߸ ߏ߬ ߓߊ߯ߙߊߘߋ߲ ߠߎ߬ ߟߋ߬ ߓߘߊ߫ ߥߌ߬ߟߌ߫ ߝߎ߬ߙߎ߲߬ߞߎ߬ߟߌ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߜ߭ߙߎߔ ߓߋ.ߛߋ.ߋ.ߌ.ߔߋ ߦߋ߫ߘߊ߲߬ߠߕߊ߬ߡߌ߲߬ ߓߊ߯ߙߊ ߘߏ߫ ߞߍ ߞߊ߲߬ ߊ߬ߟߎ߬ ߟߊ߫߸ ߡߍ߲ ߓߍ߲߬ߣߍ߲߬ ߕߍ߫ ߓߊ߯ߙߊ ߥߊ߫ ߢߊ ߡߊ߬ ߡߎ߰ߡߍ߫.
ߞߊ߬ߕߎ߲߯߸ ߊ߬ߟߎ߫ ߣߐ߬ ߘߐ߬ߛߙߋ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߫ ߞߊ߬ ߝߎ߬ߙߎ߲߬ߞߎ߬ߟߌ߬ ߞߏ ߖߊ߲߬ߓߌ߬ߟߊ߬ ߛߓߍ ߘߏ߫ ߟߋ߬ ߟߊߘߏ߲߬ ߣߍߣߍߓߊ ߕߟߋ߬ ߁߭ ߤߊ߲߯ ߕߟߋ߬ ߁߂، ߌߞߏߡߌ߲߬ ߕߎ߬ߡߊ߬ߘߊ ߏ߬ ߕߊ߬ߡߌ߲߬ ߘߊ߫ ߜߟߋ߬ߞߋ߬ ߡߊ߫ ߦߋ߫ ߥߊߟߌߘߊ ߣߌ߲߬ ߞߎ߲߬ߕߌ߮ ߟߎ߬ ߢߌ߲ ߝߍ߬ ߞߊ߬ ߓߊ߯ߙߊߘߋ߲ ߠߎ߬ ߖߋ߬ߓߌ߬߸ ߏ߬ ߞߊ߬ ߓߊ߯ߙߊߘߋ߲ ߠߎ߬ ߟߊߘߏ߲߬ ߣߌ ߘߐ߫ ߞߏߛߓߍ߫، ߓߊ߯ߙߊߘߋ߲ ߠߎ߬ ߞߊ߲߫ ߞߏ߫ ߜ߭ߙߎߔ ߓߋ.ߛߋ.ߋ.ߌ.ߔߋ ߞߏߟߊߕߍ߮ ߟߎ߬ ߓߘߴߊ߬ߟߎ߫ ߡߊ߬ߞߏ ߓߐ߫ ߊ߬ߟߎ߬ ߟߊ߫ ߕߐ߰ߕߐ߰ߟߌ߬ߘߊ ߟߊ߫߸ ߞߵߊ߬ߟߎ߬ ߡߊߛߌߟߊ߲߫߸ ߞߵߊ߬ߟߎ߬ ߡߊߓߊ߰ߓߊ߰ ߜߋߟߋ߲ߜߋߟߋ߲ ߠߊ߫߸ ߊ߬ ߣߌ߫ ߞߊ߬ ߟߊ߬ߛߋ߬ߟߌ ߘߏ߫ ߟߎ߫ ߞߍ ߜߍ ߘߐ߫ ߖߍ߬ߘߍ߸ ߓߊ߯ߙߊߘߋ߲ ߠߎ߬ ߦߋ߫ ߟߊ߬ߛߋ߬ߟߌ ߡߍ߲ ߦߋ߫ ߟߊ߫ ߥߎߦߊ ߘߌ߫، ߏ߬ ߞߍ߫ ߘߴߊ߬ߟߎ߬ ߟߊ߫ ߗߋߕߌ߯ߓߊ ߟߋ߬ ߓߟߏ߫߸ ߡߊ߲߬ߛߊ߬ ߡߎߛߊ߫ ߛߘߌ߬ߓߋ߬.
ߊ߬ߟߎ߬ ߟߊ߫ ߡߞߊ߬ߛߟߌ߬ ߞߊ߲ ߠߎ߬ ߘߐ߫߸ ߊ߲ ߧߋ߫ ߞߏ ߘߏ߫ ߟߎ߫ ߦߋ߫ ߟߊ߫:
- ߛߊ߲߬ ߞߋߟߋ߲߫ ߓߘߊ߫ ߕߊ߬ߡߌ߲߬߸ ߓߊ߯ߙߊߘߋ߲ ߠߎ߬ ߡߊ߫ ߛߋ߫ ߟߊߕߊ߬ߡߌ߲߬ ߠߊ߫ ߞߏߟߊߘߍ߫ ߡߊ߬߸ ߊ߬ߟߎ߬ ߦߋ߫ ߓߊ߯ߙߊ߫ ߟߊ߫ ߡߍ߲ ߠߎ߬ ߓߟߏ߫.
- ߝߊ߲߬ߞߊ߬ ߟߊ߬ߖߊ߲ߞߏ ߕߊ߬ߣߍ߲ ߞߵߊ߬ ߟߊ߫ ߕߋߟߋ߲ߓߊߟߌߦߊ ߞߊ߲߬ ߊ߬ߟߎ߫ ߛߙߊ߬ ߞߏ ߘߐ߫.
- ߛߊߛߋ߫ ߟߊߕߍ߰ߓߊߟߌ߸ ߡߍ߲ ߖߍ߬ߘߍ ߣߌ߫ ߖߌ߬ߣߍ߬ ߓߊ߯ߙߟߊ ߟߎ߬ ߟߊ߫ ߞߎ߬ߙߎ߲߬ߘߎߎ ߕߍ߫ ߥߊ߫ ߟߊ߫ ߛߌߟߊ߫ ߞߋߟߋ߲߫ ߞߊ߲߬.
- ߛߊ߬ߙߊ ߟߊ߫ ߘߐ߯ߦߊ߫ ߝߐߍ߲߸ ߊ߬ ߣߌ߫ ߓߊ߯ߙߊ߫ ߞߏߛߊ߫ ߕߣߐ߬ߒ߬ߕߊ߲.
- ߥߊߘߌ ߡߍ߲ ߦߋ߫ ߓߌ߬ߟߊ߬ ߟߊ߫ ߓߊ߯ߙߊߘߋ߲ ߠߎ߬ ߟߊ߫ ߊߘߡߊߦߊ ߟߊߞߊ߲ߘߊ ߝߛߎߞߎ߫ ߝߊ߬ߛߏ߬ߟߊ߬ߞߊ ߞߎ߲߬ߡߙߎ߬ߟߌ ߣߌ߫ ߜߍߦߊ߫ ߕߍ߫.
- ߤߊߟߌ߬ ߕߣߐ߬ߣߍ߲ ߡߍ߲ ߠߎ߬ ߦߋ߫ ߛߐ߬ߘߐ߲߬ ߠߊ߫ ߟߊ߬ߞߐ߰ߟߌ ߟߎ߬ ߘߐ߫ ߞߊߙߏ ߟߊ߫ ߛߐ߲߬߸ ߓߊ߯ߙߟߊ ߟߎ߬ ߕߍ߫ ߛߐ߬ߘߐ߲߬ ߠߴߏ߬ ߛߌ߫ ߘߐ߫.
- ߊ߬ߟߎ߬ ߟߊ߫ ߟߊߒߠߦߊ߫ ߝߣߊ߫ ߕߍ߫ ߓߋ.ߛߋ.ߋ.ߌ.ߔߋ ߘߐ߫ ߟߋ߬ ߡߎ߬ߕߎ߲߬ ߘߍ߯.
ߏ߬ ߟߋ ߞߏߛߐ߲߬߸ ߕߐ߰ߕߐ߰ߟߌ߬ߟߊ ߟߎ߬ ߟߊ߫ ߕߏ߰ߝߏ ߣߌ߲߬ ߞߵߊ߬ ߦߌ߬ߘߊ߬ ߞߏ߫߸ ߞߏ߫ ߊ߬ߟߎ߫ ߓߌ߭ ߣߴߊ߬ߟߎ߬ ߛߌߣߌ߲ ߕߍ߫ ߓߋ.ߛߋ.ߋ.ߌ.ߔߋ ߟߊ߫ ߞߏ߫ ߘߐ߫ ߟߋ߬ ߡߎ߬ߕߎ߲߬ ߘߍ߯߸ ߞߏ߫ ߝߏ߫ ߊ߬ߟߎ߬ ߦߋ߫ ߥߊ߫ ߟߋ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
