ߜߐ߬ߛߐ߲߬ߞߐ ߟߋ߬ ߦߋ߫ ߋߕߘߞ ߣߌ߫ ߛߎ߳ߔߍߙ ߟߌߜ߭ ߟߊߘߊ߲ߓߊ߮ ߟߎ߬ ߣߌ߫ ߢߐ߲߯ ߕߍ߫ ߕߋ߲߬߸ ߝߏ߫ ߊ߬ߟߎ߬ ߟߊ߫ ߖߊ߰ߙߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫، ߡߙߌߘߐ߫ ߛߌߦߊߡߊ߲߫ ߓߘߊ߫ ߕߊ߬ ߛߊ߬ߙߌ߬ߦߊ߬ ߓߟߏ߫߸ ߡߍ߲ ߠߎ߬ ߓߍ߯ ߦߋ߫ ߘߌߦߊ߫ ߟߊ߫ ߙߋ߬ߦߊߟ ߡߊߘߙߌߘ ߣߌ߫ ߊߝ߭ߍ߲ߘߋ߳ ߛߑߔߐߙ ߟߊ߫߸ ߏ߬ ߟߎ߬ ߡߍ߲ ߠߎ߬ ߞߊ߲߫ ߞߏ߫ ߝߏ߫ ߋߕߘߞ ߦߋ߫ ߥߊߘߌ ߟߋ߬ ߛߊ߬ߙߴߊ߬ߟߎ߬ ߟߊ߫߸ ߊ߬ߟߎ߬ ߟߊ߫ ߘߎ߲߬ߘߎ߬ߡߊ߬ ߛߊ߲ߞߊߢߐ߯ߦߊ ߘߐߛߊ߭ ߞߏߛߐ߲߬.

߂߀߂߁ ߠߋ߬ ߟߊ߫߸ ߋߙߐߔߎ߬ ߞߍߙߍ߲ߘߊ߫ ߕߊ߲ ߣߌ߫ ߝߌ߬ߟߊ߫ ߞߵߊ߬ߟߎ߬ ߟߊߘߍ߬߸ ߝߊ߲߬ߞߊ ߕߘߍ߬ ߡߍ߲ ߠߎ߬ ߟߊ߫ ߏ߬ ߟߏ߲ ߞߊ߲ߠߊ߫߸ ߞߊ߬ ߛߎ߳ߔߍߙ ߟߌߜ߭ ߛߌ߰ ߛߋ߲߬ߠߊ߫߸ ߏ߬ ߡߍ߲ ߦߋ߫ ߛߊ߲ߞߊߢߐ߲߯ߦߊ ߟߊߞߘߎ߬ߣߍ߲ ߘߏ߫ ߘߌ߫߸ ߣߴߊ߬ ߟߊߘߊ߲ߣߴߊ߬ߟߎ߬ ߓߟߏ߫ ߟߌߜ߭ ߘߍ߫ ߛ߭ߊ߲ߔߌߦߐ߲ ߛߊ߲ߞߊߢߐ߲߯ߦߊ߫ ߞߊ߲ߡߊ߬، ߟߊ߬ߢߌߣߌ߲ ߡߍ߲ ߊ߬ߟߎ ߟߊ߫: ߊ߬ߟߎ߬ ߦߋ߫ ߛߋ߫ ߕߣߐ߬ߓߊ߫ ߘߍ߬ߜߍ ߛߐ߬ߘߐ߲߬ ߠߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߡߊ߫ ߕߊ߬ߡߌ߲߬ ߎ߳ߋߝߊ ߟߊ߫ ߛߌߟߊ ߝߍ߬߸ ߏ߬ ߡߍ߲ ߞߘߐ ߦߋ߫ ߞߏ߫ ߋߙߐߔߎ߬ ߕߏ߬ߟߊ߲߬ߕߊ߲߬ ߘߍߞߙߎ ߟߎ߬ ߟߊ߫ ߞߋ߬ߟߋ߲߬ߧߊ (UEFA)، ߒ߬ߓߊ߬߸ ߡߊ߬ߞߕߌ߬ߟߌ߬ ߛߌߦߊߡߊ߲ ߠߎ߬ ߞߐ߫߸ ߞߐߡߊߓߌ߲ߓߌ߲ߓߊ߮ ߟߎ߬ ߟߊ߫ ߞߎ߲߬ߠߊ߫߸ ߕߏ߬ߟߊ߲߬ߕߊ߲߬ߠߊ ߟߎ߬ ߟߊ߫ ߞߎ߲߬ߠߊ߫߸ ߊ߬ ߣߌ߫ ߝߌߝߊ ߣߌ߫ ߎ߳ߋߝߊ ߝߣߊ߫ ߟߊ߫ ߞߎ߲߬ߠߊ߫߸ ߊ߬ߟߋ߬ ߖߊ߬ߕߋ߬ߘߐ߬ߛߌ߮ ߣߊ߬ ߘߊ߫ ߟߊߘߎ߲߫، ߝߏ߫ ߙߋ߬ߦߊߟ ߡߊߘߙߌߘ ߞߋߟߋ߲߫ ߔߋ߫߸ ߊ߬ ߣߴߊ߬ ߞߊ߲ߕߌ߮ ߝߑߟߏߙߊ߲ߕߌߣߏ ߔߋ߯ߙߋ߫߸ ߏ߬ ߟߎ߫ ߟߋ߬ ߘߐߙߐ߲߫ ߦߋ߫ ߛߎ߳ߔߍߙ ߟߌߜ߭ ߞߏ ߣߌ߲߬ ߞߐߡߊߓߌ߲ߓߌ߲߫ ߠߊ߫ ߜߍ ߘߐ߫ ߕߋ߲߬.

ߒ߬ߓߊ߬߸ ߂߀߂߃ ߟߊ߫߸ ߋߙߐߔߎ߬ ߞߋ߬ߟߋ߲߬ߧߊ ߕߋߟߋ߲ߓߊ߯ߦߊ ߞߕߌߖߌ߲ (CJUE) ߞߵߊ߬ ߦߌ߬ߘߊ߬ ߞߏ߫ ߋߕߘߞ (UEFA) ߣߐ߬ ߘߊ߲߬ߠߊ߬ߕߊߡߌ߲ ߠߋ߬ ߞߍ߫ ߟߊ߫߸ ߓߊߏ߬ ߊ߬ ߓߘߴߊ߬ ߦߋ߫ ߓߟߏߞߍ߫ ߦߙߐ ߞߊ߫ ߛߌߦߊ߫߸ ߞߊ߬ ߛߎ߳ߔߍߙ ߟߌߜ߭ ߟߊߘߊ߲ߓߊ߮ ߟߎ߬ ߘߐߛߌߟߊ߲߫، ߏ߬ ߟߋ ߘߐ߫ ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߃ ߡߊ߬߸ ߡߊߘߙߌߘ ߖߊ߬ߥߏ ߞߕߌߘߊ ߞߵߊ߬ ߦߌ߬ߘߊ߬ ߞߏ߫ ߕߎ߬ߢߊ ߟߋ߬ ߝߋߎ߫߸ ߎ߳ߋߝߊ ߣߐ߬ ߕߌߢߍߟߌ ߟߋ߬ ߞߍ߫ ߟߊ߫߸ ߏ߬ ߘߐ߫߸ ߞߏ߫ ߝߏ߫ ߞߊ߬ ߞߕߌ ߛߌ߰ ߛߋ߲߬ߠߊ߫ ߞߊ߬ ߛߎ߳߳ߔߍߙ ߟߌߜ߭ ߟߊߘߊ߲ߓߊ߮ ߟߎ߬ ߓߟߏߢߐ߲߯ߠߊߛߊ߬ߦߌ߲߬.

ߒ߬ߓߊ߬߸ ߙߋ߬ߦߊߟ ߣߐ߬ ߋߙߏ ߥߟߎ߬ߡߊ߬ ߄ ߞߏ ߟߋ߬ ߝߐ߫ ߟߊ߫߸ ߎ߳ߋߝߊ ߞߊ߫ ߞߊ߲߫ ߞߊ߬ ߡߍ߲ ߘߴߊ߬ߟߎ߫ ߡߊ߬ ߕߐ߬ߣߐ ߣߌ߫ ߢߍ߬ߦߌ߲߬ߘߐ߬ߓߍ߲ ߘߌ߫، ߊߛߌߔߊ߲߫ ߞߍߙߍ߲ߘߊ ߣߌ߲߬ ߞߊ߲߫ ߞߏ߫ ߊ߬ߟߎ ߓߣߐ߬ ߘߊ߫ ߘߊ߫ ߋߙߏ ߥߟߎ߬ߡߊ߬ ߄،߆ ߟߋ߬ ߟߊ߫ ߂߀߂߁ ߕߐ߬ߣߐ ߘߐ߫߸ ߊ߬ߟߎ߬ ߟߊ߫ ߖߊ߬ߕߋ߬ߘߐ߬ߛߌ߮߮ ߟߊߟߐ߭ ߡߍ߲ ߞߍ߫ ߘߊ߫ ߞߊ߬ߣߌ߲߬، ߏ߬ ߢߊ߫ ߞߋߟߋ߲ ߠߋ߬ ߝߣߊ߫ ߡߊ߬߸ ߊߝ߭ߍ߲ߘߋ߳ ߛߑߔߐߙ߸ ߏ߬ ߡߍ߲ ߖߍ߬ߘߍ ߦߋ߫ ߛߎ߳ߔߍߙ ߟߌߜ߭ ߞߏ ߣߌ߲߬ ߡߙߌߦߊ ߕߊ߬ߓߊ߮ ߘߌ߫߸ ߏ߬ ߟߎ߬ ߝߣߊ߫ ߓߘߊ߫ ߡߞߊ߬ߛߟߌ߬ ߛߓߍ߬ ߜߘߍ߫ ߛߌ߰ ߛߋ߲߬ߠߊ߫ߟ ߡߍ߲ ߥߊߘߌ ߥߊߣߍ߲߫ ߝߏ߯ ߥߟߎ߬ߡߊ߫ ߛߓߊ߬߸ ߡߍ߲ ߞߊ߫ ߞߊ߲߫ ߞߊ߬ ߛߙߊ߬ ߎ߳ߋߝߊ ߓߟߏ߫.

ߊ߬ߟߋ߬ ߊߝ߭ߍ߲ߘߋ߳ ߞߊ߲߫ ߞߏ߫: <<ߊ߲ߠߎ߬ ߦߋ߫ ߋߙߐߔߎ߬ ߟߊ߫ ߕߐ߬ߣߐ ߟߋ߬ ߡߞߊߘߊ߲߫ ߠߊ߫ ߕߏ߬ߟߊ߲߬ߕߊ߲߬ ߞߏ ߡߊ߬ߘߎ߮ ߘߐ߫߸ ߞߊ߬ ߞߏ ߟߎ߬ ߢߊߞߎߘߦߊ߫߸ ߊ߬ ߣߌ߫ ߞߊ߬ ߓߊ߯ߙߊߢߐ߲߯ߦߊ ߟߎ߫ ߝߊ߲߬ߞߊߘߏ߲߬، ߓߊ߬ߙߌ߬߸ ߌߞߏߡߌ߲߬ ߎ߳ߋߝߊ ߕߴߊ߬ ߝߍ߬ ߞߊ߬ ߞߏ ߟߎ߬ ߢߊߦߋ߫߸ ߛߊ߬ߙߌ߬ߦߊ ߣߐ߬ ߡߍ߲ ߝߐ߫ ߟߊ߫߸ ߊ߬ ߕߴߊ߬ ߝߍ߬ ߞߵߏ߬ ߞߍ߫߸ ߝߏ߫ ߊ߲ ߝߣߊ߫ ߦߋ߫ ߣߘߐ߬ߓߍ߲ ߢߌߣߌ߲߫ ߊ߬ߟߎ߫ ߝߍ߬ ߟߋ߬ ߘߋ߬.>> ߛߌ߲߬ߝߏ߲߬ߘߊ ߏ߬ ߟߋ ߞߊ߲߫ ߕߋ߲߬.

ߘߊߘߐߖߊߥߏ ߕߊ߬ߡߌ߲߬ ߘߊ߫ ߎ߳ߋߝߊ ߣߌ߫ ߊߝ߭ߍ߲ߘߋ߳ ߛߑߔߐߙ ߕߍ߫ ߞߊߕߌ߫߸ ߓߊ߬ߙߌ߬ ߊ߬ߟߎ߬ ߡߊ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߘߐ߫، ߓߊߏ߬߸ ߊߝ߭ߍ߲ߘߋ߳ ߟߊ߫ ߝߐߟߌ߫ ߘߐ߫߸ ߎ߳ߋߝߊ ߣߐ߬ ߕߎ߬ߡߊ ߟߋ߬ ߢߌߣߌ߲߫ ߠߴߊ߬ߟߎ߫ ߞߎ߲߬ ߘߐߙߐ߲߫߸ ߛߴߊ߬ ߘߌ߫ ߖߊ߬ߕߋ߬ߘߐ߬ߛߌ߮ ߟߊߣߐ߯، ߎ߳ߋߝߊ ߞߊ߲߫߸ ߞߏ߫ ߊߛߌߔߊ߲߫ ߞߕߌߘߊ ߝߋ߲߫ ߡߊ߫ ߛߎ߳ߔߍߙ ߟߌߜ߭ ߟߊߘߊ߲߫ ߞߏ ߖߊ߬ߕߋ߬ߘߐ߬ߛߌ߮  ߟߊߘߌ߬ߢߍ߬߸ ߞߎߡߊߕߍ߫ ߞߏ߫ ߜߘߍ߫ ߡߊ߬.

ߊ߬ ߘߏ߲߬߸ ߓߌ߲߬ߓߊ߬ߥߏ߬ ߛߎ߮ ߣߌ߲߬ ߕߍ߫ ߞߏߣߍ߲߫ ߘߌ߫ ߘߋ߬، ߓߊߏ߬߸ ߟߊߒߡߊ߫ ߘߐ߫߸ ߥߊߘߌ߫ ߞߎ߲ ߡߍ߲ ߦߋ߫ ߎ߳ߋߝߊ ߓߟߏ߫ ߞߊ߬ ߂߀߂߅ ߣߌ߫ ߂߀߂߆ ߘߐ߬ߝߊߟߋ߲ ߣߊ߲߬ߝߟߏ߬ߦߊ߫߸ ߏ߬ ߟߋ ߥߟߎ߬ߡߊ߫ ߃،߅ ߘߌ߫، ߐ߲߬ߤߐ߲߫߸ ߣߴߏ߬ ߞߊ߬ ߥߟߎ߬ߡߊ߬ ߦߙߌߞߊ߫ ߛߊ߬ߙߊ߫ ߢߍ߬ߦߌ߲߬ߘߐ߬ߓߍ߲ ߘߌ߫ ߏ߬ ߘߐ߫߸ ߡߍ߲ ߘߌ߫ ߥߊ߫ ߤߊ߲߯ ߥߟߎ߬ߡߊ߬ ߇߸ ߊ߬ߝߐ߫ ߏ߬ ߣߐ߭ ߕߍߣߊ߬ ߦߋ߫ ߞߍߙߍ߲ߘߊ ߟߎ߬ ߝߣߊ߫ ߡߊ߬ ߓߊ߬؟ ߞߵߊ߬ ߓߍ߲߬ ߥߊߘߌ ߡߍ߲ ߦߋ߫ ߘߐߕߟߊ߫ ߟߊ߫ ߏ߬ ߟߎ߬ ߕߍ߫ ߛߐ߲߬؟

ߒ߬ߓߊ߬߸ ߞߕߌ߫ ߞߏ ߣߌ߲߬ ߓߊ߲߫ ߞߊ߲߫ ߕߍ߫ ߣߌ߲߬ ߘߌ߫ ߡߎߣߎ߲߬ ߤߊ߲߫، ߙߋ߬ߦߊߟ ߡߊߘߙߌߘ ߣߌ߫ ߊߝ߭ߍ߲ߘߋ߳ ߦߴߊ߬ ߝߍ߬ ߞߵߊ߬ߟߎ߬ ߤߊߞߍ ߟߊߛߊ߬ߦߌ߲߫ ߊ߬ߟߎ߫ ߡߊ߬߸ ߊ߬ߟߎ߬ ߦߋ߫ ߛߋ߫ ߛߎ߳ߔߍߙ ߟߌߜ߭ ߛߌ߰ ߟߊ߫ ߛߋ߲߬ߠߊ߫߸ ߎ߳ߋߝߊ ߘߏ߲߬ ߕߴߊ߬ ߝߍ߬ ߡߐ߰ ߜߘߍ߫ ߦߋ߫ ߘߏ߲߬ ߞߎߟߎ߲߫ ߞߎ߲ ߞߣߐ߫ ߣߴߊ߬ߟߋ ߞߋߟߋ߲߫ ߕߍ߫، ߒ߬ߓߊ߬߸ ߕߏ߬ߟߊ߲߬ߕߊ߲߬ ߡߙߊ߬ߓߊ߮ ߟߎ߬ ߦߋ߫ ߢߐ߲߯ ߠߊ߫߸ ߊ߬ ߓߊ߯ ߞߍ߫ ߢߊ ߡߍ߲߸ ߊ߲ ߘߴߏ߬ ߞߌ߬ߦߴߊߟߎ߫ ߡߊ߬ ߥߊ߯ߕߌ߫ ߣߊ߬ߕߐ ߟߎ߬ ߘߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.