ߞߕߌߖߌ߲߫ ߛߊ߲ߘߐ ߡߍ߲ ߦߋ߫ ߔߙߋߕߏߙߌߦߊ߫߸ ߏ߬ ߓߘߴߊ߬ ߟߊ߫ ߡߙߌߘߐ ߕߊ߬: ߊ߬ ߞߍߣߍ߲߫ ߦߏ߫ ߖ߭ߊ߲ߓߌ߫ ߞߊ߲ߕߌ߯ ߞߘߐ ߍߘߑߜ߭ߊߙ ߟߎ߲ߜ߭ߎ߫ ߛߎ߭ ߓߍߣߊ߬ ߟߊߛߊ߬ߦߌ߲߫ ߊ߬ ߝߊ߬ ߖߡߊߣߊ ߟߋ߬ ߞߣߐ߫ ߡߎ߬ߕߎ߲߬߸ ߣߊߟߌ߬ߡߎ߲߬ ߖ߭ߊ߲ߓߌ߫ ߘߌ߫߸ ߞߊ߬ ߕߊ߯ ߊ߬ ߓߊߘߍ ߞߍ߫ ߦߋ߲߬، ߡߙߌߘߐ ߏ߬ ߡߊ߫ ߕߊ߬ ߦߋ߲߬ ߕߋ߲߬ ߜߊ߲ߛߊ߲߫ ߘߋ߬߸ ߊ߬ߟߎ߬ ߞߊߙߏ߫ ߝߌ߬ߟߊ ߟߋ߬ ߕߋ߲߬߸ ߖ߭ߊ߲ߓߌ߫ ߖߡߊ߬ߣߊ߬ ߞߎ߲ߕߌ߮ ߟߎ߬ ߣߌ߫ ߞߊ߲ߕߌ߯ ߛߊ߬ߓߊ߰ߕߐ ߟߊ߫ ߡߐ߱ ߟߎ߬ ߦߋ߫ ߢߐ߲߯ ߠߊ߫߸ ߏ߬ ߟߎ߬ ߞߊ߲߫ ߞߏ߫ ߛߎ߭ ߕߍ߫ ߟߊߛߊ߬ߦߌ߲߬ ߠߊ߫ ߖ߭ߊ߲ߓߌ߫ ߞߣߐ߫߸ ߞߏ߫ ߞߵߊ߬ ߘߏ߲߬ ߥߙߏ߬ߘߎ߮ ߊߝߙߌߞߌ߬ ߦߋ߲߬߸ ߓߊ߬ߙߌ߬ ߖ߭ߊ߲ߓߌ߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߝߏ߫ ߛߎ߭ ߦߋ߫ ߟߊߛߊ߬ߦߌ߲߫ ߠߋ߬، ߒ߬ߓߊ߬߸ ߏ߬ ߟߋ ߡߙߌߘߐ ߓߘߊ߫ ߕߊ߬ ߥߙߏ߬ߘߎ߰ ߊߝߙߌߞߌ߬ ߞߕߌߖߌ߲߫ ߛߊ߲ߘߐ ߓߟߏ߫ ߣߌ߲߬߸ ߓߊ߬ߙߌ߬ ߡߙߌߘߐ߫ ߘߍ߲߬ߞߍ߬ߕߎ߲߬ߣߍ߲ ߠߋ߬ ߡߎߣߎ߲߬߸ ߊ߬ ߡߊ߫ ߟߊߕߍ߰ ߝߟߐ߫.

ߞߊ߬ߦߌ߯ ߞߊ߲ߕߌ߯ ߞߘߐ ߛߊ߬ ߘߊ߫߸ ߊ߬ ߡߛߏ߬ ߜߐ߮ ߣߴߊ߬ ߘߋ߲ ߠߎ߬ ߞߵߊ߬ ߦߌ߬ߘߊ߬ ߞߏ߫ ߛߎ߭ ߕߍ߫ ߟߊߞߐߛߊ߬ߦߌ߲߬ ߠߊ߫ ߖߡߊ߬ߣߊ ߞߣߐ߫، ߓߊߏ߬߸ ߞߏ߫ ߊ߬ߟߎ߫ ߗߍ߬ ߣߴߊ߬ߟߎ߫ ߝߊ߬ ߍߘߑߜ߭ߊߙ ߟߎ߲ߜ߭ߎ߫ ߞߍ߲ߘߍ ߕߎ߲߬ ߓߊ߯ ߞߍ߫߸ ߊ߬ ߕߎ߲߬ ߕߍ߫ ߛߐ߲߬ ߊ߬ ߟߊߛߊ߬ߦߌ߲߬ ߞߏ ߡߵߊ߬ ߖߎ߮ ߟߎ߬ ߕߍߡߊ߬ ߝߋߎ߫߸ ߊ߬ ߣߌ߫ ߡߍ߲ ߠߎ߬ ߕߍ߬ߘߍ߫ ߛߌ߬ߣߊ߬ߢߐ߲߰ߡߊ ߟߎ߬ ߘߌ߫ ߓߘߍ߬ߓߘߍ߬ߟߌ ߛߍ߬ߘߏ߲ ߘߐ߫ ߞߊ߬ߣߌ߲߬߸ ߏ߬ ߡߍ߲ ߘߏ߫ ߦߋ߫ ߞߊ߲ߕߌ߯ ߤߊߞߍ߲ߘߌ߫ ߤߛ߭ߌߟߋߡߊ߫ ߘߌ߫߸ ߏ߬ ߡߍ߲ ߦߋ߫ ߖ߭ߊ߲ߓߌ߫ ߞߎ߲߬ߠߊ߫ ߕߋ߲߬، ߏ߬ ߟߋ ߘߐ߫߸ ߍߘߑߜ߭ߊߙ ߟߊ߫ ߘߋ߲ߓߦߊ ߞߊ߲߫ ߞߏ߫ ߊ߬ߟߎ߬ ߦߋ߫ ߡߍ߲ ߝߍ߬߸ ߊ߬ߟߎ߫ ߝߊ߬ ߘߊ߲ߘߊ ߕߎ߲߬ ߦߴߌߘߐ߫ ߦߋ߲߬ ߡߍ߲ ߘߐ߫߸ ߊ߬ߟߎ߬ ߦߴߊ߬ ߝߍ߬ ߊ߬ ߛߎ߭ ߦߋ߫ ߘߏ߲߬ ߦߋ߲߬ ߠߋ߬߸ ߣߊߟߌ߬ߡߎ߲߫ ߥߙߏ߬ߘߎ߰ ߊߝߙߌߞߌ߬ ߘߌ߫.

ߥߙߏ߬ߘߎ߰ ߊߝߙߌߞߌ߬ ߞߕߌߘߊ ߞߏ߬ߣߌ߲ ߡߙߌߦߊ ߦߋ߫ ߡߍ߲ ߘߌ߫߸ ߏ߬ ߟߋ߫ ߖ߭ߊ߲ߓߌ߫ ߖߡߊ߬ߣߊ ߤߊߞߍ ߘߌ ߘߴߊ߬ ߡߊ߬، <<ߛߎ߬ߕߌ߮ ߥߟߊ߫ ߛߊ߬ߓߊ߰ߕߐ ߓߘߊ߫ ߡߐ߮ ߟߎ߬ ߛߊ߬ߥߏ߬ߣߊ߲߬ ߞߍ ߕߴߛߋ߫ ߖߡߊ߬ߣߊ ߓߊ߬ߟߌ߬ ߟߴߊ߬ ߟߊ߫ ߓߊߘߍ߫ ߡߐ߬ߟߐ߲߬ߡߊ ߞߍ߫ ߟߴߊ߬ ߞߍ߫ ߢߊ ߡߊ߬.>> ߏ߬ ߟߋ ߝߐ߫ ߘߊ߫ ߞߕߌߕߍ߯ߟߊ ߓߟߏ߫߸ ߞߊ߬ ߓߊ߲߫ ߞߊ߬ ߖߊ߬ߡߊߙߌ ߘߴߌߞߘߐߞߘߐ߫߸ ߞߏ߫ ߞߊ߬ ߝߎ߬ߙߋ ߘߌ߫ ߖ߭ߊ߲ߓߌ߫ ߝߊ߰ߡߊ ߟߎ߫ ߡߊ߬.

ߛߟߊߕߌ߯ ߟߎ߲ߜ߭ߎ߫ ߟߊ߫ ߞߙߎߞߊ߸ ߏ߬ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߝߊ߬ߛߏ߬ ߞߊ߬ߣߌ߲߬ߠߊ ߟߎ߬ ߟߊ߫ ߞߟߊߘߊ߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߘߋ߲ߓߦߊ ߡߊ߫ ߛߐ߲߬ ߞߕߌ ߏ߬ ߡߊ߬، ߞߊ߬ߦߌ߯ ߍߘߑߜ߭ߊߙ ߟߎ߲ߜ߭ߎ߫ ߟߊ߫ ߝߊ߲߬ߞߊ ߕߌߢߍ߫ ߘߊ߫ ߂߀߂߁ ߠߊ߫߸ ߕߍ߮ ߓߘߊ߫ ߞߍ߫ ߊ߬ ߟߊߡߌߣߌ߲ ߡߐ߰ ߛߌߦߊߡߊ߲߫ ߘߐ߫ ߦߙߎ߬ߞߎ߬ߦߙߎ߬ߞߎ߬ ߞߏ ߞߏߛߐ߲߬߸ ߊ߬ ߟߊ߫ ߞߙߎߞߊߘߋ߲ ߠߎ߬ ߣߐ߬ ߏ߬ ߡߍ߲ ߓߛߌ߬ߞߌ߬ ߟߊ߫ ߡߐߣߍߦߊ߫ ߟߊߓߐ ߘߌ߫، ߊ߬ ߘߋ߲ߡߛߏ߫ ߕߊߛߌ߬ߟߊ߬ ߟߎ߲ߜ߭ߎ߫ ߡߌ߬ߘߊ߬ ߘߊ߫ ߓߌ߲ߠߊߥߎߟߋ߲߫ ߕߊ߬ߡߌ߲߬ߣߍ߲ ߠߊ߫߸ ߜߍߟߊߜߍ ߞߏߛߐ߲߬߸ ߊ߬ ߘߏ߲߬߸ ߘߋ߲ߡߛߏ ߏ߬ ߓߊ߬߸ ߊ߬ ߣߊ߫ ߓߊ߬߸ ߊ߬ ߣߴߊ߬ ߘߐ߯ߡߛߏ߫ ߜߘߍ߫ ߝߣߊ߫ ߕߎ߲߬ ߓߘߊ߫ ߛߋ߫ ߛߊ߬ߙߌ߬ߦߊ߬ ߟߊ߫ ߂߀߂߄ ߞߘߐ߬ߡߊ߲߬، ߊ߬ ߡߊ߬ߗߍ߫ ߘߊߟߌߕߑߛߏ߫ ߝߣߊ߫ ߛߎߡߊ߲ߣߍ߲߫ ߠߋ߬ ߛߊ߬ߙߌ߬ߦߊ߬ ߓߟߏ߫ ߕߋ߲߬ ߖߐ߲ߖߐ߲߫߸ ߊ߬ߟߋ߬ ߞߏ߫ ߞߋߟߋ߲ ߘߐ߫߸ ߣߴߏ߬ ߦߋ߫ ߜߍߟߊߜߍ ߘߌ߫.

ߤߊ߲߯ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߕߊ߲ߖ߭ߊߣߌ߫ ߞߊ߲ߕߌ߯ ߞߘߐ ߛߊ߬ߣߍ߲߫ ߞߎ߲߭ ߡߍ߲ ߠߊ߫߸ ߏ߬ ߡߊ߫ ߛߋ߫ ߟߐ߲߫ ߠߊ߫ ߝߟߐ߫.

ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.