ߖߋ߬ߣߌ߲߬ߕߊ ߦߋ߫ ߢߌߣߌ߲߫ ߝߋ߲ ߠߋ߬ ߘߌ߫ ߕߋ߲߬ ߡߊ߬ߟߌ ߘߌ߲߬ߞߌߙߊ ߘߏ߫ ߟߎ߫ ߘߐ߫߸ ߊ߬ ߦߋߓߊߟߌߦߊ ߘߊߡߌ߬ߣߊ߬ ߘߊ߫ ߞߊߙߏ߫ ߞߋߟߋ߲߫ ߠߋ߬ ߞߎ߲߬ߕߊ߯ ߞߣߐ߫ ߊߟߑߞߊߦߌߘߊ ߞߍߣߍ߲ ߞߐ߫ ߞߊ߬ ߖߋ߬ߣߌ߲߬ߕߊ ߘߏ߲߬ߠߌ߲ ߟߊߕߐ߲߫ ߡߊ߬ߟߌ ߞߣߐ߫߸ ߞߏ߫ ߊ߬ߟߎ߬ ߕߍ߫ ߛߐ߲߬ ߢߊ߫ ߛߌ߫ ߟߋ߬ ߡߊ߬ ߖߋ߬ߣߌ߲߬ߕߊ ߦߋ߫ ߘߏ߲߬ ߡߊ߬ߟߌ ߞߣߐ߫߸ ߏ߬ ߡߍ߲ ߞߍ ߓߘߊ߫ ߞߊߙߏ߫ ߞߋߟߋ߲߫ ߣߌ߫ ߘߏ߫ ߓߐ߫ ߕߋ߲߬، ߓߊ߰ߓߊ߰ߟߌ߬ߟߊ ߡߍ߲߬ ߠߎ߫ ߖߍ߬ߘߍ ߓߘߊ߫ ߝߊ߯ߞߊ߲ߓߋ߲ ߠߎ߬ ߖߋ߬ߣߌ߲ ߠߋ߬ ߘߊߡߌ߬ߣߊ߬ ߥߊ߯ߕߌ߫ ߣߌ߲߬ ߠߊ߫.
ߊ߬ ߘߏ߲߫ ߡߊ߲߬ߕߙߐ ߘߊ߲߬ ߕߍ߫ ߛߌ߰ߘߟߊ߬ߡߐ߮ ߟߎ߬ ߘߐߙߐ߲߫ ߞߊ߲߬ ߘߋ߬߸ ߤߊߟߌ߬ ߓߡߊ߬ߞߐ߫߸ ߖߋ߬ߣߌ߲߬ߕߊ ߕߍ߫ ߦߋ߫ ߟߊ߫ ߦߋ߲߬، ߓߏ߬ߙߌ߬ߝߋ߲߬ ߕߌ߮ ߘߏ߫ ߟߎ߫ ߖߍ߬ߘߍ ߟߊ߫ ߓߏ߬ߙߌ߬ߝߋ߲ ߟߊߟߐ߬ߣߍ߲߫ ߠߋ߬ ߕߋ߲߬؛ ߖߋ߬ߣߌ߲߬ߕߊ߬ ߡߊ߬ߛߐ߬ߘߐ߲߬ߘߊ߬ ߘߊ߲ߘߐ߫ ߟߋ߬ ߦߋ߫ ߓߊ߯ߙߊ ߟߊ߫ ߓߡߊ߬ߞߐ߫ ߕߋ߲߬߸ ߞߵߊ߬ ߕߊ߬ ߦߙߌߡߊߖߐ߫ ߕߏ߬ߟߊ߲߬ߕߊ߲߬ ߞߣߍߓߊ ߝߊ߲߭ߝߍ߬ ߞߣߊ߬ ߕߙߎߘ-ߊߝߙߌߞߌ߬ ߤߊ߲߯ ߛߍ߲ߓߊ߫ ߝߊ߲߬ߝߍ߬ߟߊ ߘߐ߫߸ ߖߋ߬ߣߌ߲߬ߕߊ߬ ߡߊ߬ߛߐ߬ߘߐ߲߬ߘߊ߬ ߕߘߍ߬ ߕߍ߫ ߓߊ߲߫ ߠߊ߫ ߘߌ߲߬ߞߌߙߊ ߏ߬ ߡߍ߲ ߘߐ߫.
ߓߊ߬ߙߌ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߝߌ߬ߟߊ߬ ߘߐߙߐ߲߫ ߠߋ߬ ߦߋ߫ ߓߊ߯ߙߊ߫ ߟߊ߫ ߦߋ߲߬߸ ߦߙߐ߫ ߏ߬ ߘߏ߲߬ ߦߋ߫ ߓߡߊ߬ߞߐ߬ ߣߌߡߊ߫ ߦߙߐ ߘߏ߫ ߟߋ߬ ߘߌ߫، ߞߋߟߋ߲߫ ߘߐߙߐ߲߫ ߠߋ߬ ߝߣߊ߫ ߦߋ߫ ߓߊ߯ߙߊ߫ ߟߊ߫ ߓߊ߭ߞߌߣߌ߲ߦߊ߲߫ ߝߊ߲߬ߝߍߟߊ ߘߐ߫؛ ߊ߬ ߘߏ߲߬߸ ߖߊ߬ߡߊ ߘߍ߬ߜߍ ߟߋ߬ ߦߋ߫ ߞߍ߫ ߟߊ߫ ߦߋ߲߬ ߠߎ߬ ߝߣߊ߫ ߘߐ߫߸ ߊߟߊߞߏ߬ ߊ߬ߟߎ߬ ߦߋ߫ ߛߋ߫ ߖߋ߬ߣߌ߲߬ߕߊ ߛߐ߬ߘߐ߲߬ ߠߊ߫ ߞߵߊ߬ ߞߍ߫ ߊ߬ߟߎ߬ ߟߊ߫ ߓߏ߬ߙߌ߬ߝߋ߲ ߠߎ߬ ߞߣߐ߫߸ ߓߡߊ߬ߞߐ߫ ߞߣߐ߫.
ߡߐ߰ ߛߌߦߊߡߊ߲߫ ߠߋ߬ ߦߋ߫ ߕߏ߫ ߟߊ߫ ߓߏ߬ߙߌ ߟߊ߫ ߞߵߊ߬ߟߎ߬ ߖߋ߬ߕߌ߲߬ߕߊ ߟߎ߬ ߓߊ߲߫ ߊ߬ߟߎ߬ ߘߌ߫߸ ߊ߲ ߧߴߊ߬ ߦߋ߫ ߟߊ߫ ߖߌ߬ߦߊ߬ ߟߛߊߙߌߣߍ߲ ߘߏ߫ ߟߎ߫ ߘߐ߫߸ ߡߐ߰ ߛߌߦߊߡߊ߲ ߦߴߊ߬ ߞߊ߲߬ ߞߵߊ߬ߟߎ߬ ߟߊ߫ ߔߏߔߏ ߟߎ߬ ߡߊߞߘߎߞߎ߫߸ ߖߋ߬ߣߌ߲߬ߕߊ߬ ߘߛߍ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߘߏ߫ ߟߎ߫ ߞߢߊ߬ ߕߊ߯ ߟߴߊ߬ߟߎ߬ ߟߊ߫ ߓߊ߯ߙߊ ߘߌ߲ߞߌߙߊ ߟߎ߬ ߘߐ߫߸ ߘߏ߫ ߟߎ߬ ߝߣߊ߫ ߦߋ߫ ߕߊ߯ ߟߴߊ߬ߟߎ߫ ߛߋ߲߭ ߠߋ߬ ߡߊ߬߸ ߖߋ߬ߣߌ߲߬ߕߊ߬ ߞߏ ߗߋߕߌ߮ ߟߊ߫ ߞߎߡߊ߫ ߘߐ߫ ߟߐ߯ߞߎ߲ ߕߊ߬ߡߌ߲߬ߣߍ߲ ߡߊ߬.
ߞߏ߫ ߖߋ߬ߣߌ߲߬ߕߊ߬ ߘߛߍ߬ ߝߏߛߌ߬ ߟߋ߬ ߕߍ߫ ߓߡߊ߬ߞߐ߫ ߛߌ߰ߘߊ߬ ߥߐ߯ߙߐ ߛߌ߫ ߟߋ߬ ߞߣߐ߫߸ ߓߊ߬ߙߌ߫߸ ߛߙߋߦߊ ߟߎ߬ ߘߐ߫߸ ߡߊ߲߬ߕߙߐ ߡߊ߫ ߘߊ߲߬ ߓߡߊ߬ߞߐ߫ ߘߐߙߐ߲߫ ߘߐ߫ ߘߋ߬߸ ߡߊ߲߬ߕߙߐ߫ ߡߍ߲߬ ߠߎ߫ ߘߏ߲߬ ߓߍ߯ ߛߐ߬ߘߐ߲߬ ߘߊ߫ ߊߟߑߞߊߦߌߘߊ ߓߏߟߏ߲ߝߘߊ ߟߊ߫ ߜߛߐ ߟߊߛߌ߮ ߟߋ߬ ߘߌ߫ ߖߋ߬ߣߌ߲߬ߕߊ ߘߏ߲߬ߠߌ߲ ߟߊ߫ ߡߊ߬ߟߌ ߞߣߐ߫.
