ߜ߭ߊߣߊ߬ ߣߐ߬ ߝߘߊ߬ߝߌ߲߬ߠߊ߫ ߕߟߋ߬ߓߋ߬ߦߊ߬ ߝߊ߲ ߞߎ߲߬ߝߍ߬ ߕߊ߯ߡߟߊ߫ ߁߄ ߠߋ߬ ߟߊߘߊ߲߬ ߠߊ߫ ߛߌߟߊ߫ ߕߍ߫߸ ߏ߬ ߟߎ߬ ߡߍ߲ ߠߎ߬ ߜߍ߲߫ ߘߊ߫ ߞߵߊ߬ߟߎ߬ ߟߊߓߐ߫ ߊߡߙߌߞߌ߫ ߖߡߊߣߊ ߞߣߐ߫߸ ߣߌ߲߬ ߓߘߊ߫ ߞߍ߫ ߜ߭ߊߣߊ߬ ߝߣߊ߫ ߝߙߊ߬ߣߍ߲ ߠߋ߬ ߘߌ߫ ߖߡߊ߬ߣߊ߬ ߜߘߍ߫ ߟߎ߫ ߞߊ߲߬߸ ߦߏ߫ ߙߏߥߊ߲ߘߊ߫߸ ߞߊ߬ ߓߍ߲߬ ߘߏߣߊߟ ߕߐߙߐ߲ߔ ߟߊ߫ ߟߊ߬ߕߍ߰ߦߊ ߕߊ߬ߣߍ߲ ߡߊ߬، ߕߊ߯ߡߟߊ ߡߍ߲ ߠߎ߬ ߟߊߛߋ߬ߦߌ߲߬ ߘߊ߫ ߜ߭ߊߣߊ߬ ߓߟߏ߫ ߕߋ߲߬߸ ߊ߬ߟߎ߫ ߝߊ߲߬ߓߊ ߦߋ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ߬ߘߋ߲ ߠߎ߬ ߟߋ߬ ߘߌ߫߸ ߜ߭ߊߣߊ߬ ߞߊ߲ߕߌ߮ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߊ߬ ߘߏ߲߬ ߖߋ߬ߟߌ߬ߓߊ߬ߟߊ߫ ߡߊ߫ ߛߐ߲߬ ߘߏߣߊߟ ߕߑߙߐ߲ߔ ߟߊ߫ ߟߊ߬ߕߍ߰ߦߊ ߣߌ߲߬ ߡߊ߬߸ ߖߋ߬ߟߌ߬ߓߊ߬ߟߊ߫ ߞߐߞߊ߲ߞߏ ߞߏߕߌ߮ ߟߊ߫ ߞߎߡߊ߫ ߕߊ߬ߡߌ߲߬ߣߍ߲ ߘߏ߫ ߘߐ߫߸ ߞߏ߫ ߘߏߣߊߟ ߕߑߙߐ߲ߔ ߦߴߊ߬ ߞߊ߲߬ ߕߋ߲߬ ߞߊ߬ ߞߏ ߟߎ߬ ߜߟߍ߬ߦߊ߫ ߝߘߊ߬ߝߌ߲߬ߠߊ߫ ߖߡߊߣߊ ߟߎ߬ ߞߊ߲߬߸ ߏ߬ ߡߊ߲߫ ߘߌ߫ ߊ߬ߟߋ ߦߋ߫ ߢߊ߫ ߛߌ߫ ߟߋ߬ ߡߊ߬߸ ߣߴߊ߬ ߦߋ߫ ߕߎ߲ߞߊ߲ߠߊߕߊ߮ ߟߊ߫ ߛߓߍߒߕߊ߲ ߠߎ߬ ߜߍ߲ ߘߌ߫߸ ߒ߬ߓߊ߬߸ ߞߊ߬ߦߌ߯ ߘߏߣߊߟ ߕߑߙߐ߲ߔ ߣߊ߬ ߘߊ߫ ߝߊ߲߬ߞߊ ߟߊ߫ ߕߎ߬ߡߊ߬ߣߊ ߡߍ߲ ߠߊ߫߸ ߛߊ߬ߙߌ߬ߦߊ ߢߌ߲߬ ߠߴߊ߬ ߓߟߏ߫.
ߊ߬ ߘߏ߲߬ ߖߡߊ߬ߣߊ߬ ߜߘߍ߫ ߟߎ߫ ߝߣߊ߫ ߛߐ߲߬ ߘߊ߫ ߟߋ߬ ߊ߬ ߟߊ߫ ߡߙߐߘߐ߫ ߕߊ߬ߣߍ߲ ߣߌ߲߬ ߡߊ߬߸ ߦߏ߫ ߔߊߣߡߊ߫ ߣߌ߫ ߛߎߘߊ߲߫ ߣߌ߫ ߎߜ߭ߊ߲ߘߊ߫߸ ߊ߬ ߣߌ߫ ߘߏ߫ ߜߘߍ߫ ߟߎ߫.
