ߞߊ߬ ߛߌߟߊߓߛߎߣߊ ߟߊ߫ ߞߎ߲߬ߠߊ߬ߛߌ߰ߟߌ ߟߎ߬ ߦߋ߫
ߞߊ߬ ߞߊߙߏ߫ ߞߎ߬ߘߊ߲߬ ߞߊ߬ ߞߎ߲߬ߠߊ߬ߛߌ߰ߟߌ ߟߎ߬ ߦߋ߫
ߞߍߞߎߘߊߖߋ߬ߣߌ߲߬ߓߊ߬ ߞߏ ߘߓߌ߬ߘߓߌ ߟߊ߫ ߥߊ߬ߙߊ ߕߊ߬ߣߍ߲ ߞߵߊ߬ ߟߊ߫ ߛߌߞߊ߫ ߞߍ ߡߊ߬ ߖߌߥߎߘߊ߫ ߓߊ߯ߙߊߞߍߟߊ ߛߌߦߊߡߊ߲߫ ߡߊ߬߸ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߘߊ߫ ߗߏ ߟߊߥߌ߬ߟߌ߫ ߡߐ߰ ߟߎ߬ ߞߐ߫߸ ߛߌߞߊ߫ ߞߍߣߍ߲߫ ߡߍ߲ ߠߎ߬ ߡߊ߬߸ ߊ߬ ߣߌ߫ ߞߵߊ߬ߟߎ߫ ߣߐ߬ߝߍ߬ߜߍ߲߬ ߞߏ ߖߊ߬ߡߊߙߌ ߘߌ߫ ߒߞߘߐߣߌ߲߬.
ߡߊ߲߬ߕߏ߲߬ߕߍ߬ߟߊ߬ߞߊߥߙߏ߬ߘߎ߯ ߝߘߊ߬ߝߌ߲߬ߠߊ߫ ߡߐ߰ ߥߊ߯ ߦߙߌߞߊ߫ ߟߋ߬ ߓߐߣߍ߲߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߥߊ߬ߛߌ߬ߥߙߊ ߕߟߋ߬ ߂߀߸ ߞߊ߬ ߓߐ߫ ߛߌߟߊ ߞߊ߲߬ ߞߵߊ߬ ߦߌ߬ߘߊ߬ ߞߏ߫ ߡߍ߲ ߠߎ߬ ߦߋ߫ ߕߎ߲ߞߊ߲߫ ߠߊ߫ ߛߌ߮ ߟߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߵߊ߬ ߛߐ߬ߘߐ߲߬ ߛߓߍ߫ ߕߴߊ߬ߟߎ߬ ߟߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߕߎ߲ߞߊ߲߫ ߠߊ߫ ߕߊ߯ߟߊ߫ ߛߌߦߊߡߊ߲߫ ߟߐ߬ ߊ߬ߟߎ߬ ߟߊ߫ ߖߡߊ߬ߣߊ ߓߌ߬ߟߊ߬ ߟߊ߫.
ߓߊ߲ߓߋߞߊ߬ ߓߍ߲߬ ߡߊ߲߬ߘߋ߲߬ ߞߊ߲ ߢߊߓߐ ߡߊ߬߸ ߞߊ߬ ߞߎߡߊߘߋ߲ ߠߎ߬ ߝߐߛߎ߲ ߟߐ߲߫߸ ߞߵߊ߬ ߟߐ߲߫ ߞߏ߫ ߓߋ߲ߓߊ ߟߎ߬ ߡߊ߫ ߝߋ߲ ߠߎ߬ ߣߌ߫ ߦߙߐ ߟߎ߬ ߕߐ߯ߟߊ߫ ߦߋ߲߬ ߕߋ߲߬ ߜߊ߲ߛߊ߲߫߸ ߊ߬ ߓߍ߯ ߕߐ߯ߟߊߣߍ߲߫ ߞߊ߬ ߓߍ߲߬ ߊ߬ߟߎ߬ ߘߐߞߏ ߟߋ߬ ߡߊ߬، ߒ߬ߓߊ߬߸ ߊߟߎ߫ ߦߋ߫ ߓߊ߲ߓߋ ߣߌ߲߬ ߝߣߊ߫ ߞߊ߬ߙߊ߲߬߸ ߡߍ߲ ߝߘߊߣߍ߲߫ ߥߎ߬ߦߊ߲߬ߞߌ߬ߟߌ ߝߊ߬ ߟߊ߫߸ ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߍߣߊ߬ ߡߊ߲߬ߘߋ߲߬ ߝߏߘߋ߫ ߟߊ߫ ߞߏߢߊ ߞߕߌߕߍ߰ ߞߊ߬ߙߌ߬ߝߐ ߕߋ߬ߟߋ߫ ߃ ߣߊ߬ߕߐ ߡߊ߬߸ ߞߊ߬ ߓߍ߲߬ ߊ߬ ߣߌ߫ ߟߊ߬ ߟߌߦߐߣ ߕߍߟߊ ߡߊ߬، ߞߕߌߞߊ߲ߘߊ ߞߏ߬ߣߌ߲ ߓߘߴߊ߬ ߟߊ߫ ߡߌ߬ߘߊ߬ߞߊ߲߬ߝߐ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߞߵߊ߬ ߓߌ߬ߟߊ߬ ߞߊߙߏ߫ ߥߐ߯ߙߐ߫ ߥߛߎ ߟߊ߫߸ ߊ߬ ߣߌ߫ ߞߊ߬ ߞߋ߲߬ߥߟߎ߬ ߞߋߟߋ߲߫ ߝߣߊ߫ ߛߊ߬ߙߊ ߟߴߊ߬ ߞߎ߲߬ ߢߍ߬ߢߌ߲߬ߘߐ߬ߓߍ߲ ߘߌ߫.
ߞߌ߬ߓߊ߬ߙߏߘߎ߰ߦߙߍߦߙߍ߫ ߝߌ߬ߟߊ ߡߍ߲ ߞߍߣߍ߲߫ ߝ߭ߣߋߖ߭ߎߥߋߟߊ߫ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬߸ ߊ߬ ߝߊ߰ߓߊ߰ߕߐ ߓߘߊ߫ ߛߋ߫ ߡߐ߰ ߁ ߇߁߉ ߘߐ߫߸ ߖߐߞߌߓߊ߯ߕߐ ߦߋ߫ ߡߐ߰ ߅ ߀߃߄ ߘߐ߫߸ ߡߊ߲߬ߕߙߐ ߛߋߣߍ߲߫ ߘߋ߲ߓߦߊ ߡߍ߲ ߡߊ߬߸ ߏ߬ ߦߙߌߞߊ ߦߋ߫ ߡߐ߰ ߁߅ ߈߆߆ ߟߋ߬ ߘߐ߫߸ ߦߙߊߞߎߦߌ߫ ߞߊ߬ߝߏ ߞߣߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߡߐ߰ ߕߊ߲߫ ߢߐ߲߰ ߓߘߊ߫ ߓߐ߬ߣߐ߫ ߊ߬ ߣߌ ߘߐ߫ ߊߓߌߖߊ߲߬ ߞߣߐ߫ ߖߌߓߐ ߞߏߛߐ߲߬߸ ߡߐ߰ ߞߐ߬ߣߐ߲߬ߘߐ߫ ߖߍ߬ߘߍ ߦߴߊ߬ ߘߐ߫߸ ߏ߬ ߟߎ߬ ߓߍ߯ ߦߋ߫ ߟߎ߫ ߞߋߟߋ߲ ߞߣߐ߫ ߡߐ߮ ߟߋ߬ ߘߌ߫، ߖߌ ߟߋ߬ ߘߏ߲߬ߣߍ߲߫ ߊߓߌߖߊ߲߬ ߞߣߐ߫߸ ߞߊ߬ ߓߐ߰ ߔߕߐߔߕߐ ߛߌ߰ ߊߕߋߞߎߓߋ߫ ߣߌ߫ ߦߋ߬ߔߎߜ߭ߐ߲߬ ߠߎ߬ ߘߐ߫.
ߓߘߍ߬ߓߘߍ߬ߟߌ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߉ ߣߌ߲߬ ߞߍ߫ ߘߊ߫ ߞߎ߲ߖߊ߲߫ ߡߙߊ߬ߘߊ߬ߙߋ߲ ߞߣߐ߫ ߡߙߊ߬ߓߊ߰ߘߎ߰ߟߊ߬ ߟߊ߬ߛߌ߮ ߟߋ߬ ߘߌ߫، ߞߊ߬ߕߎ߲߯߸ ߊ߬ ߡߊ߫ ߡߍ߲߫ ߡߎߣߎ߲߬߸ ߝߊ߲ߞߊ߲ ߘߏ߫ ߟߊߓߐ߫ ߘߊ߫ ߕߊ߲ߓߊ߲ߓߐߟߌ ߞߏߕߌ߯ߘߊ ߓߟߏ߫ ߞߊ߬ ߡߙߊ߬ߓߊ߰ߘߎ߯ߟߊ ߟߎ߬ ߡߊߝߊ߬ߟߋ߲߬، ߒ߬ߓߊ߬߸ ߞߎ߲ߖߊ߲߫ ߕߊ߫ ߡߙߊ߬ߓߊ߰ߘߎ߰ߟߊ߬ ߞߎߘߊ ߏ߬ ߟߊߛߌ߰ ߘߊ߫ ߓߌ߬.
ߞߌ߬ߓߊ߬ߙߏߞߊ߲ߞߊ߲߫ ߞߣߐ߫߸ ߡߊ߬ߡߌ߬ߘߊ߬ߟߌ߬ߟߊ߫ ߅ ߂߀߂ ߟߋ߬ ߣߐ߬ ߂߀߂߆ ߓߊߘߎ߲ ߘߊߡߌ߬ߣߊ߬ ߟߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߡߛߏ߬ߡߊ߲߬ ߁ ߇߈߃ ߦߋ߫ ߖߊ߬ߕߋ ߏ߬ ߘߐ߫، ߊ߬ ߝߐߣߍ߲߫ ߠߋ߬ ߢߌ߬ߣߊ߲߫ ߞߵߊ߬ ߡߊߜߟߍ߬ߦߊ߬ ߘߐ߬ߞߏ߬ߦߊ߬ߕߏ߬ߟߌ߬ ߕߴߊ߬ ߘߐ߫߸ ߞߘߐߓߐߟߌ ߞߍߕߐ߫ ߜߍߦߊ ߘߝߊߣߍ߲ ߠߋ߬ ߞߣߐ߫.
ߟߊ߬ߞߟߏ߬ߞߟߏ߬ߟߌߡߊ߬ߡߌ߬ߘߊ߬ߟߌ߬ߟߊ߫ ߁ ߉߇߀ ߏ߬ ߟߎ߬ ߘߐ߫ ߸ ߡߏ߬ߛߏ߫ ߆߄߆ ߟߴߏ߬ ߟߎ߬ ߘߐ߫߸ߞߘߐߓߐߟߊ߲ ߞߎ߲߬ߝߟߐ ߞߍߣߍ߲߫ ߡߍ߲ ߠߎ߬ ߞߎ߲߬ ߓߌ߬ ߞߐ߬ߓߊ߬ߟߏ߲ ߂߀߂߆ ߖߍ߰ߝߙߍ ߘߐ߫ ߞߊ߬ߣߌ߲߬.
ߕߟߋ߬ߓߐ ߕߍߡߟߊ ߝߐߢߐ߲߯ߞߐߡߐ߰ ߃߆ ߖߊ߬ߕߋ߫ ߟߋ߬ ߝߊ߰ߣߍ߲߫ ߊߝߑߜ߭ߊߣߌߛߑߕߊ߲߫ ߞߣߐ߫ ߔߊߞߌߛߑߕߊ߲߫ ߠߊ߫ ߥߊ߬ߟߏ߲߬ߠߌ߲ ߘߏ߫ ߘߐ߫ ߖߡߊ߬ߣߊ ߕߟߋ߬ߓߐ ߘߐ، ߊ߬ߟߎ߫ ߣߐ߬ ߏ߬ ߟߋ ߞߍ߫ ߟߊ߫ ߕߊߢߐ߲߯ߓߐ ߘߌ߫߸ ߞߵߏ߬ ߞߎ߲߭ ߞߍ߫ ߡߙߊ߬ ߞߍ ߘߴߊ߬ߟߎ߬ ߝߣߊ߫ ߡߊ߬ ߞߊ߯ߙߊߛ߭ߌ߫ ߘߊ߮ ߞߣߐ߫ ߞߍ߲ߘߍߟߏ߲߫ ߕߊ߬ߡߌ߲߬ߣߍ߲.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߝ߭ߣߋߖ߭ߎߥߋߟߊ߫ ߞߣߐ߫ ߕߋ߲߬߸ ߘߎ߰ߦߙߍߦߙߍ ߓߘߊ߫ ߡߐ߰ ߁߄߅߀ ߟߋ߬ ߝߊ߰߸ ߡߐ߰ ߥߊ߯ ߦߙߌߞߊ߫ ߦߋߣߍ߲߫ ߕߍ߫ ߡߎߣߎ߲߬߸ ߞߐߙߍ߫ ߥߊ߯ ߦߙߌߞߊ߫ ߟߋ߬ ߝߣߊ߫ ߦߋ߫ ߡߊ߬ߢߌ߬ߡߊ߬ߞߏ ߘߐ߫ ߕߋ߲߬߸ ߥߊ߫ ߦߙߐ߫ ߕߴߊ߬ߟߎ߬ ߟߊ߫.
ߞߌ߬ߓߊ߬ߙߏߛߌߞߊ߫ ߞߍߣߍ߲߫ ߗߍ߭ ߘߏ߫ ߟߋ߬ ߡߊ߬ ߞߊ߬ߝߏ߬ߢߐ߲߰ߦߊ ߓߋ߬ߒ߬ߞߊ߲߬ߠߌ߲߬ ߞߏ ߘߐ߫ ߘߋ߲ߡߛߏߣߍ߲߫ ߛߊ߲߬ ߁߄ ߘߏ߫ ߞߊ߲߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߕߌߘߊ ߦߌߟߡߊ߫ ߝߟߐ߫ ߓߏ߲߬ߓߊ ߓߘߊ߫ ߞߕߌ ߕߍ߱ ߟߊߕߊ߯ ߞߊ߬ߙߌ߬ߝߐ ߕߟߋ߬ ߁߃ ߣߊ߬ߕߐ ߘߐ߫ ߂߀߂߆ ߢߌ߲߬ ߠߊ߫.
ߓߌ߬ߟߊ߬ߒ߬ߘߐ߬ߖߎ߮ߡߐ߰ ߕߊ߲ߣߌߞߋߟߋ߲߫ ߢߐ߲߰ ߠߋ߬ ߝߊ߰ߣߍ߲߫ ߓߌ߬ ߞߊ߯ߙߌ ߣߌ߲߬ ߡߊ߬ ߣߊ߲߬ߒ߬ߕߊ߲߬ ߛߊ߲ߡߊߞߎߟߎ߲߫ ߓߋ ߘߏ߫ ߘߐ߫ ߣߊ߲ߛߌ߫ ߡߊߜߍ߲ ߘߐ߫߸ ߡߊ߬ߛߎߓߊ ߏ߬ ߡߍ߲ ߣߐ߬ ߝߊ߬ߙߊ߲߬ߛߌ߬ ߖߎߙߊ߲ߞߊߡߊ߲ߕߌ߮ ߟߎ߫ ߓߌ߬ߟߊ߬ ߟߊ߫ ߛߎ߬ߣߎ߲ ߘߝߊߣߍ߲ ߘߐ߫ ߕߋ߲߬.
ߡߊ߲߬ߕߏ߲߬ߕߍ߬ߟߊ߬ߞߊߓߐ߬ߟߐ߲߬ߞߊ ߢߌ߲߬ ߣߌ߫ ߞߕߌߘߊ ߢߊ ߥߟߏߣߍ߲߫ ߢߐ߲߮ ߢߊ ߘߐ߫ ߞߘߐ߬ߡߊ߲߬߸ ߞߵߏ߬ ߞߎ߲߭ ߞߍ߫ ߦߙߎ߬ߞߎ߬ߦߙߎߞߎ ߣߌ߫ ߓߟߏߟߊߡߌߣߊ ߘߌ߫، ߊ߬ ߘߏ߲߬ ߘߊ߫ ߛߊ߲߬ ߄ ߥߛߎ߫ ߟߊ߫ ߏ߬ ߞߏߛߐ߲߬، ߒ߬ߓߊ߬߸ ߊ߬ ߓߘߊ߫ ߓߌ߬ߟߊ߫ ߛߊ߲߬ ߥߐߙߐ߲ߝߌ߬ߟߊ߫ ߟߋ߬ ߝߣߊ߫ ߥߛߎ ߟߊ߫ ߕߋ߲߬ ߥߙߏ߬ߛߐ߲߬ߞߐ߬ ߡߌߣߊ ߞߏߛߐ߲߬߸ ߊ߬ ߣߌ߫ ߝߏ߲߬ߝߏ߲߬ߠߊ߬ ߟߊ߬ߓߊ߯ߙߊ.
ߕߍߓߊ߯ߦߊߓߙߎߞߌߣߊ߫ ߝߊ߬ߛߏ߫ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆߸ ߞߏ߫ ߊ߬ߟߎ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߕߍ߰ ߓߌ߬ ߞߵߊ߬ ߘߐߓߎ߲ߘߊ߲߫ ߝߛߊߦߌ߫، ߝߊ߬ߙߊ߲߬ߛߌ߬ ߞߊ߲ߓߍ߲ ߠߋ߬ ߞߏ߫ ߦߋ߫ ߣߌ߲߬ ߖߐ߫، ߊ߬ߟߎ߬ ߞߊ߲߫ ߞߏ߫ ߥߙߎߣߍߦߊ ߞߍ ߝߊ߬ߙߊ߲߬ߛߌ߬ ߓߟߏ߫߸ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲ ߊ߬ߟߎ߬ ߓߟߏ߫߸ ߊ߬ߟߎ߫ ߛߋ߲߬ߓߐ߫ ߞߎ߲ ߠߴߏ߬ ߘߌ߫ ߊ߬ߟߎ߫ ߛߋ߲߬ߘߐ߫ ߝߋߎ߫، ߓߙߎߞߌߣߊ߫ ߓߘߊ߫ ߘߐ߬ߝߐ ߟߊߖߌ߲߯ߛߊ߫ ߓߌ߬ ߞߏߞߎߘߊ߫.
ߞߓߊߞߏ ߟߎ߬ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆߸ ߗߍ߬ߓߊ߬ߟߋ߲߬ߣߍ߲߫ ߛߊ߲߬ ߈ ߘߏ߫ ߟߋ߬ ߛߎ߭ ߟߊߦߟߍ߬ߣߍ߲߫ ߕߏ߬ߝߊ߬ ߜߊ߬ߛߌ߬ߟߊ ߟߎ߬ ߟߊ߫ ߖߌ߫ ߕߊ߫ ߞߐߟߐ߲ ߘߏ߫ ߞߣߐ߫߸ ߊ߬ߟߋ ߡߍ߲ ߕߎߣߎ߲߫ ߘߊ߫ ߞߊ߬ߦߌ߯ ߞߎߣߎ߲߬ ߓߌߟߏ߲ ߁߄ߕߎߡߊ ߟߊ߫، ߝߊ߰ߡߊ ߟߎ߬ ߓߘߴߊ߬ ߛߎ߭ ߟߊߕߊ߬ߡߌ߲߬ ߞߐߙߍ ߡߊ߬߸ ߛߎ߬ߘߏ߲ ߓߘߊ߫ ߞߍ߫ ߖߎߡߊ߫ ߛߊߟߌ߫ ߞߐ ߢߌ߲߬ ߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߘߎ߰ߦߙߍߦߙߍ߫ ߝߌ߬ߟߊ߫ ߟߋ߬ ߞߎߣߎ߲߫ ߝ߭ߣߋߖ߭ߎߥߋߟߊ߫ ߞߐ߰ߘߎ߮ ߘߐ߫ ߞߎߣߎ߲ߟߏ߲ ߥߊ߬ߛߌ߬ߥߙߊ ߕߋ߬ߟߋ߫ ߂߄ ߡߊ߬߸ ߞߊ߬ ߞߊ߬ߛߙߊ ߟߊߛߋ߫ ߡߐ߰ߦߊ߫ ߡߊ߬߸ ߞߊ߬ ߓߟߏߏߝߋ߲߫ ߛߌߦߊߡߊ߲߫ ߕߌߢߍ߫، ߝߊ߰ߡߊ ߟߎ߬ ߞߊ߲߫ ߞߏ߫ ߡߐ߰ ߅߈߉ ߢߐ߲߰ ߠߋ߬ ߓߘߊ߫ ߝߊ߰߸ ߞߊ߬ ߥߊ߯ ߦߙߌߞߊ߫ ߡߊߘߌߡߌ߲߫߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߓߘߊ߫ ߓߐ߫ ߘߎߢߊ߫ ߝߊ߲߬ ߛߌߦߊߡߊ߲߫ ߘߐ߫ ߞߊ߬ ߣߊ߬ ߡߐ߱ ߟߎ߬ ߢߌߣߌ߲߫ ߞߊ߲ߡߊ߬ ߜߊ߲ߜߘߊ ߞߘߐ߫.
ߘߌ߯ߣߊߓߟߐߟߐ߫ ߞߊ߲ߠߊ ߣߊ߬ߕߐ߫ ߞߎ߲߬ߢߐ߲߰ ߞߋߟߋ߲ ߠߋ߬ ߡߊ߬ ߕߋ߲߬߸ ߊ߬ ߕߴߛߋ߫ ߛߎߡߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߏ߬ ߞߎ߲߭ ߞߍ߫ ߞߊ߬ߙߊ߲߬ߡߐ߮ ߟߎ߬ ߟߊ߫ ߢߐ߲߯ ߡߊߞߘߎ ߘߌ߫ ߘߌ߯ߣߊ ߕߐ߯ ߘߐ߫، ߒ߬ߓߊ߬߸ ߖߐ߲߬ߡߊߛߌߣߌ߲ߟߐ߲߫ ߣߌ߭ ߦߋߣߍ߲߫ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߞߎߡߊ ߘߏ߫ ߟߋ߬ ߘߐ߫߸ ߊ߬ ߡߊ߫ ߖߋ߬ߓߟߌ߬ ߛߌ߫ ߞߍ߫߸ ߝߏ߫ ߞߵߊ߬ ߟߊ߫ ߞߝߊ߬ ߓߟߋߓߟߋ ߘߏ߫ ߖߌ߬ߦߊ߬ߓߍ ߟߊߖߍ߲ߛߍ߲߫ ߓߟߐߟߐ ߞߊ߲߬ ߕߋ߲߬، ߡߐ߰ ߛߌߦߊߡߊ߲߫ ߣߐ߬ ߏ߬ ߦߋ߫ ߟߊ߫ ߞߊ߬ߙߊ߲߬ߡߐ߯ ߛߏ߬ߟߏ ߖߋ߬ߓߌ ߟߋ߬ ߘߌ߫.
ߘߌ߯ߣߊߞߎߣߎ߲߬ ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߅ ߡߊ߬߸ ߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߘߐ߫ ߞߊ߬ ߣߊ߬߸ ߊ߬ ߣߌ߫ ߡߊ߬ߟߌ ߟߊ߫߸ ߡߍ߲ ߠߎ߬ ߦߋ߫ ߣߎߙߑߘߌߣ ߞߊ߬ߣߌ߲߬ߓߊ߮ ߟߎ߬ ߘߌ߫߸ ߞߵߊ߬ߟߎ߬ ߢߐ߲߯ߓߍ߲߬ ߖߊ߲߬ߞߊ߰ߣߊ߬ ߛߏ ߞߣߐ߫ ߛߊ߲߬ ߞߎߘߊ ߘߎ߬ߥߊ߬ߥߎ ߟߊߡߌ߬ߣߊ߬ ߞߊ߲ߡߊ߬߸ ߥߊߟߖߟߌ߫ ߟߊ߱ߖߌ߬ ߛ߭ߍߞ ߛߎ߬ߟߋ߬ߡߊߣ ߛߘߌ߬ߓߋ߫ ߖߌ߲߬ߓߊ߲ ߞߘߐ߫.
ߘߍ߭ߡߊ߬ߛߎ߬ߓߊ߬ ߞߏ ߟߋ߬ ߕߍ߰ߣߍ߲߫ ߖߟߊߞߘߐ߫ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߅ ߣߌ߲߬ ߡߊ߬، ߘߋ߲ߡߛߏ ߘߏ߫ ߟߋ߬ ߣߐ߬ ߊ߬ ߖߍ߬ߘߍ߫ ߛߐ߰ ߟߊ߫ ߡߎ߬ߙߎ ߟߊ߫߸ ߞߏ߫ ߊ߬ ߕߍ߫ ߘߏ߲߬ ߠߊ߫ ߝߘߎ߫ ߘߐ߫߸ ߊ߬ ߝߊ߬ ߣߐ߬ ߊ߬ ߞߘߊߡߊ߫ ߟߊ߫ ߝߘߎ ߡߍ߲ ߘߐ߫، ߊ߬ ߖߐߞߌߓߊ߯ߕߐ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߘߊ߲ߘߊߛߏ ߡߊߜߍ߲߫߸ ߊ߬ ߡߊ߫ ߛߴߊ߬ ߖߐߞߟߌ ߞߘߐ߫، ߊ߬ ߛߊ߬ ߘߊ߫ ߦߋ߲߬ ߊ߬ ߟߊ߫ ߕߊ߯ߟߌ ߕߎ߬ߡߊ߬ߙߋ߲߫ ߝߌ߬ߟߊ ߡߊ߬، ߞߢߐߡߊߟߐ ߕߎ߲߬ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߞߍ߲ߘߍߟߏ߲ ߠߊ߫߸ ߥߊ߬ߛߌ߬ߥߙߊ ߕߋ߬ߟߋ߫ ߂߇ ߣߊ߬ߕߐ.
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߞߍߞߎߘߊߖߐ߲߭ߓߍ߲߬ߘߍ ߕߟߋ߬ ߁߀ ߦߋ߫ ߟߏ߲ߓߊ߫ ߘߌ߫ ߘߎߢߊ߫ ߛߌ߬ߟߡߊ߬ ߖߡߊߣߊ ߟߎ߬ ߓߟߏ߫߸ ߊ߬ߟߎ߬ ߦߋ߫ ߓߘߊߡߐ߯ ߟߝߊ ߞߍ߫ ߟߊ߫ ߟߏ߲ ߡߍ߲ ߡߊ߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬ ߸ߞߴߏ߬ ߞߎ߲߭ ߞߍ߫ ߛߊ߲߬ ߞߘߐ ߕߊ߯ ߘߌ߫ ߞߊ߬ ߞߎߘߊ ߛߣߍ߫.
ߘߍ߭ߛߊ߬ߡߊ ߦߋ߫ ߣߊ߬ ߟߊ߫ ߛߐ߲߬ߖߊ ߟߋ߬ ߘߌ߫ ߘߏ߫ ߡߊ߬߸ ߔߏߔߏ߫ ߕߌ߮ ߟߎ߬߸ ߘߎ߰ߞߎߟߎ߲ ߠߎ߬߸ ߛߋ߲߬ߠߊ߬ߡߊ ߟߎ߬߸ ߛߊ߬ߡߊ ߓߊ߯ ߓߊ߲߫ ߘߏ߲߬ ߠߊ߫߸ ߓߍ߯ ߟߋ߬ ߟߊ߫ ߕߊ߯ߡߊ ߦߋ߫ ߖߐ߬ߘߐ ߘߐ߫ ߏ߬ߘߌ߫ ߓߎ߬ߕߎ߲߫߸ ߛߌߟߊ߫ ߘߊߝߍ߫ ߛߌ߱ ߟߊ ߟߎ߬߸ ߝߏߟߏ߲ ߞߙߍ߬ߝߍ߬ ߛߌ߰ ߟߊ ߟߎ߬߸ ߛߐ߲߬ߖߊ ߞߏ߬ߣߌ߲ ߦߋ߫ ߏ߬ ߟߎ߬ ߕߊ ߟߋ߬ ߘߌ߫.
ߞߍߞߎߘߊSߝߟߐ ߸ߖߌ߬ߣߍ߬ ߛߌߟߊ ߟߎ߫ ߕߘߍ߬ ߕߍ߫ ߟߌ߬ߤߟߊ߬ ߢߌߡߊ߫ ߘߐ߫ ߡߎ߰ߡߍ߫ ߸ ߛߌߟߊ ߟߎ߬ ߘߏ߲߬ ߕߘߍ߬ ߡߊ߲߫ ߛߌߦߊ߫ ߌߞߐ߫، ߒ߬ߞߊ߬ ߓߌ߬ ߝߊߘߌ ߘߐ߫ ߡߎ߬ߕߎ߲߬ ߛߊ߫߸ ߖߡߊ߬ߣߊ ߛߌߟߊ ߟߎ߬ ߦߋ߫ ߘߐߓߍ߲߭ ߞߊ߲߬߸ ߊ߬ ߣߌ߫ ߞߊ߬ ߛߌߟߊ߫ ߞߎߘߊ߫ ߛߘߍߡߊ߲߫ ߠߎ߬ ߟߊ߫߸ ߖߐ߲߰ߛߊ߫ ߕߌ߲߬ߞߎߘߎ߲ ߠߎ߬ ߟߊ߫ ߕߊ߯ߣߌߛߊߦߌ߫ ߣߐ߰ߦߊ߫.
ߕߋߟߋ߲ߓߊ߯ߦߊߕߎ߲ߞߊߙߊ߲ߞߋ߫ ߘߓߌߘߓߌ ߞߍ߬ߟߍ ߞߐ߬ߡߐ߲߬ߞߐߡߐ߲߫ ߝߊ߬ߛߏ߬ߟߊ߬ߞߊ ߡߍ߲ ߦߋ߫ ߗߍ߬ߘߎ߯߸ ߏ߬ ߟߋ ߣߐ߬ ߊ߬ ߕߍ߯ ߞߍ߫ ߟߊ߫ ߞߙߏ߬ߝߏ߬ ߓߟߋߓߟߋ߫ ߡߊ߲߬ߕߏ߲߬ߕߍ߬ߟߊ߬ߞߊ ߘߏ߫ ߘߐ߫߸ ߡߊ߬ߞߘߐ߬ߦߊ߬ ߓߊ߯ߙߊ ߖߍ߬ߘߍߖߍ߬ߘߍ ߦߋ߫ ߞߍ߫ ߟߊ߫ ߡߍ߲ ߠߎ߬ ߓߟߏ߫߸ ߏ߬ ߞߍߍ߫ ߘߊ߫ ߞߊ߯ߙߊߞߋߣߊ߫ ߘߎ߰ߣߍ߲ ߠߋ߬ ߞߣߐ߫، ߦߙߍߞߍߟߌ ߟߋ߬ ߛߌ߰ ߘߊ߫ ߛߋ߲߬ߠߴߊ߬ߟߎ߬ ߞߊ߲ߡߊ߬ ߥߊ߬ߛߌ߬ߥߙߊ ߕߋ߬ߟߋ߫ ߂߁ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߍ߯ ߞߍ߫ ߊ߬ߟߎ߬ ߟߊ߫ ߞߙߏ߬ߝߏ ߡߊ߬ߞߘߐ߬ ߞߎ߲ߕߌ߮ ߘߐ߫߸ ߞߵߊ߬ ߛߐ߬ߘߐ߲߬ ߖߋ߬ߟߌ߬ߓߟߊ߬ߞߊ߬ ߘߋ߲ߡߛߏߣߍ߲߫ ߡߐ߰ ߣߊ߯ߣߌ߲߫ ߦߴߊ߬ߟߎ߬ ߓߟߏ߫ ߦߋ߲߬߸ ߏ߬ ߟߎ߫ ߖߍ߬ߘߍ ߓߘߊ߫ ߓߌ߬ߟߊ߬، ߡߐ߰ ߣߊ߯ߣߌ߲ ߏ߬ ߘߐ߫߸ ߘߋ߲ߣߍ߲߫ ߡߐ߰ ߝߌ߬ߟߊ߬ ߦߴߏ߬ ߘߐ߫.
ߞߓߊߞߏ ߟߎ߬ߓߌ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߄߸ ߕߊ ߟߋ߬ ߥߟߌ߬ߣߍ߲߫ ߞߊ߲ߓߋ߲ ߘߏ߫ ߟߊ߫ ߛߌ߯ߙߌ߲߫ ߛߏ ߞߣߐ߫߸ ߞߵߊ߬ ߥߊߕߐߟߊ߫ ߕߏ߫ ߕߊ߯ߡߊ ߘߐ߫، ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߞߊ߬ߛߙߊ߬߸ ߞߊ߬ ߕߊ ߥߟߌ߬ ߘߏ ߟߎ߫ ߟߴߊ߬ ߟߊߡߌߣߌ߲ ߘߐ߫.
ߟߊ߬ߞߊ߲߬ߘߊ߬ߟߌߡߊ߲߬ߕߏ߲߬ ߠߊߘߍ߬ߣߍ߲ ߠߎ߫ ߛߌ߲߬ߝߏ߲߬ߧߊ߬ ߟߊ߬ߞߊ߲߬ߘߊ߬ߟߌ ߞߏߟߊߕߍ߮ ߡߎ߰ߡߍ ߓߍ߲߬ ߘߴߊ߬ ߡߊ߬ ߞߐ߬ߟߏ߲ ߡߊ߬߸ ߞߊ߬ ߂߀߂߆ ߝߙߋߞߋߝߎߟߋ߲ ߝߙߍߕߍ߫ ߂߈߂߃ ߕߊ߬߸ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߘߏ߫ ߓߐ߫ ߟߋ߬ ߓߊ߰ߒ߬ߡߊ ߟߊ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߞߊ߲ߡߊ߬߸ ߖߎ߯ߡߊ߲ ߡߍ߲ ߦߋ߫ ߟߐ߬ ߟߴߊ߬ߟߎ߬ ߟߊ߫ ߖߐ ߣߊ߲߬ߕߌ߮ ߟߎ߫ ߡߊ߬ ߛߐ߲߬߸ ߞߏ߫ ߝߏ߫ ߞߵߏ߬ ߟߎ߬ ߟߊߕߐ߲߫ ߠߋ߬ ߜߘߋߜߘߋ߫.
ߘߌ߯ߣߊߛߌ߬ߟߊ߬ߡߊ ߟߎ߬ ߟߊ߫ ߛߊ߲߬ ߦߟߍߡߊ߲ ߠߋ߬ ߛߋߕߐߟߊ ߦߋ߫ ߕߋ߲߬߸ ߓߟߏߘߐߓߍ߲ߓߊ߫ ߦߴߌߘߐ߫ ߖߊ߲߬ߞߊ߬ߣߊ߫߸ ߞߊ߬ߙߊ߲߬ߡߐ߯ ߛߏ߬ߟߏ ߣߴߊ߬ ߟߊ߫ ߡߐ߱ ߟߎ߬ ߦߋ߫ ߡߍ߲ ߞߍ߫ ߟߊ߫ ߘߌ߯ߣߊ ߢߊߝߐ ߟߊ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߦߋ߫، ߒ߬ߓߊ߬߸ ߏ߬ ߟߋ ߛߐ߰ߡߊ ߞߍߣߴߊ߬ߟߎ߬ ߓߟߏ߫ ߘߍ߰ ߛߎߛߎ ߘߌ߫ ߞߊ߲ߞߊ߲߫ ߞߣߐ߫߸ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߟߎ ߡߊ߬.
ߡߊ߲߬ߕߏ߲߬ߕߍ߬ߟߊ߬ߞߊߖߋ߬ߟߌ߬ߓߊ߬ߘߎ߯ ߓߘߊ߫ ߛߌߌߟߊ߫ ߞߎߘߊ߫ ߕߊ߬߸ ߡߍ߲ ߕߍ߫ ߞߐߛߊߦߌ߲ ߛߌߟߊ߫ ߘߌ߫، ߊ߬ߟߎ߬ ߓߘߊ߫ ߛߓߍ ߗߋ߫ ߓߌ߲߬ߓߊ߬ߥߏ߬ߟߋ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߡߊ߬߸ ߞߏ߫ ߊ߬ߟߎ߬ ߓߘߴߊ߬ߟߎ߫ ߛߋ߲߬ߓߐ߫ ߛߌ߲߬ߝߏ߲߬ߘߊ ߏ߬ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߟߊ߫ ߕߊ߯ߛߌߟߊ ߝߏ߬ߘߏ ߘߌ߫ ߝߊ߯ߙߌ߫، ߓߐߟߌ߫ ߞߏ ߣߌ߲߬ ߓߍߣߊ߬ ߟߊߕߍ߰ ߂߀߂߇ ߥߊ߬ߛߌ߬ߥߙߊ ߕߟߋ߬ ߁߈ ߠߋ߬ ߡߊ߬.
ߜߋߙߋ߲ߜߋߙߋ߲ߧߊߘߊ߲ߘߊߟߌߟߊ ߘߏ߫ ߟߋ߬ ߕߊ߯ߣߍ߲߫ ߕߘߍ߬ ߡߐ߰ߦߊ ߗߋߦߊߟߌ ߟߊ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߏ߬ ߓߘߊ߫ ߡߊߝߟߍ߫ ߞߵߊ߬ ߦߋ߫ ߞߏ߫ ߋߓߏߟߊ߫ ߓߊ߰ߙߋ߲ ߦߴߊ߬ ߝߊ߬ߘߌ ߞߘߐ߫، ߊ߬ߟߋ ߟߋ߬ ߞߍߣߍ߲߫ ߋߓߏߟߊߕߐ߫ ߝߟߐ ߘߌ߫ ߝߊ߬ߙߊ߲߬ߛߌ߬ ߞߣߐ߫ ߋߓߏߟߊ ߥߟߌ߬ ߞߏ߬ ߞߐߟߕߊ ߢߌ߲߬ ߘߐ߫߸ ߏ߬ ߞߎߡߊ ߝߐ߫ ߘߊ߫ ߜߋߙߋ߲ߜߋߙߋ߲ߧߊ ߞߏߕߌ߯ߘߊ ߟߋ߬ ߓߟߏ߫ ߓߌ߬ ߞߎߣߎ߲ߟߏ߲ ߢߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߄.
ߓߊ߲ߓߋߞߊ߬ ߓߍ߲߬ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߞߎߡߊ߫ ߝߐߣߍ߲ ߡߊ߬ ߒߞߏ ߡߊ߬߸ ߒߞߏ ߞߊߙߊ߲ߡߐ߯ ߞߝߊ߬ ߛߓߍ߬ߟߊ߬ߓߊ ߘߏ߫ ߡߊ߬، ߤߖߌ߫ ߟߊߕߊ߯ߟߊ ߘߏ߫ ߡߊ߬، ߛߌߞߊ߫ ߞߍߣߍ߲߫ ߞߏ߫ ߞߊ߬ߙߊ߲߬ߝߊ߬ ߡߏߙߌ ߟߋ߬ ߞߏ߫ ߦߋ߫ (ߞߊ߬ ߓߍ߲߬ ߒߞߏ ߘߏ߲߬ߞߏ ߟߎ߬ ߟߊ߫ ߖߌ߰ߟߌ ߡߊ߬)، ߒ߬ߓߊ߬߸ ߓߊ߬ߕߙߎ߬ ߟߊ߯ߦߌ߫ ߛߌ߬ߛߋ ߡߍ߲ ߦߋ߫ ߒߞߏ ߛߍ߬ߘߏ߲߬ߠߊ߬ߓߊ ߘߏ߫ ߘߌ߫߸ ߏ߬ ߓߘߊ߫ ߘߏ߫ ߝߐ߫ ߞߏߢߊ ߏ߬ ߟߋ ߞߊ߲߬߸ ߞߊ߬ ߢߐߝߐߟߌ߫ ߘߐߞߣߍߣߍ߲ߓߊ߫ ߞߍ߫ ߊ߬ ߞߊ߲߬.
ߓߊ߲ߓߋߛߏߘߌߦߊ߫ ߕߍ߬ߘߍ߫ ߝߊ߬ߘߌ ߡߍ߲ ߘߐ߫ ߝߟߐ߫ ߕߊ߬ߡߌ߲߬ߣߍ߲߸ ߊ߬ ߣߴߊ߬ ߓߌ߬ߡߊ ߟߌ߬ߤߟߊ ߟߎ߬ ߕߍ߫ ߞߋߟߋ߲߫ ߘߌ߫ ߢߊ߫ ߛߌ߫ ߡߊ߬، ߏ߬ ߟߋ ߘߐ߫߸ ߛߏ߬ߙߌ߫ ߡߊ߲߬ߘߋ߲߬ߞߊ ߡߍ߲ ߦߋ߫ ߝߊ߲߬ߡߙߎ ߞߐ߲ߘߐ߲߫ ߕߌ߮ ߘߌ߫ ߥߎ߬ߦߊ߲߬ߞߌ߬ߟߌ ߝߊ߬ߦߊ ߘߐ߫߸ ߏ߬ ߓߘߊ߫ ߢߊߝߐߟߌ߫ ߘߐߞߣߍߣߍ߲߫ ߞߍ߫ ߞߊ߬ ߓߍ߲߬ ߛߏߘߌߦߊ߫ ߛߌ߰ ߞߎ߲ ߡߊ߬ ߛߋ߲߬ߠߊ߫߸ ߊ߬ ߣߴߊ߬ ߕߐ߬ߣߐ، ߊ߬ ߣߌ߫ ߛߏߘߌߦߊ߫ ߦߋ߫ ߞߌ߬ߣߌ߲߬ߞߌߣߌ߲ ߡߍ߲ ߕߍߡߊ߬ ߓߌ߬߸ ߞߊ߬ ߓߍ߲߬ ߢߌߣߌ߲ߞߏ ߝߏ߬ߘߏ ߡߊ߬، ߊߟߎ߫ ߦߋ߫ ߥߎ߬ߦߊ߲߬ߞߟߌ߬ߟߊ ߡߙߌߦߊ ߞߊ߬ߙߊ߲߬ ߥߍ߫.
ߞߍߞߎߘߊߞߊ߬ ߓߍ߲߬ ߡߊ߲߬ߘߋ߲߬ ߝߏߘߋ߫ ߟߊ߫ ߘߐ߲߬ߞߟߌ߬ ߞߎߘߊ߫ ߟߊߓߐߣߍ߲ ߡߊ߬߸ ߞߕߌ ߟߋ߬ ߓߐߣߴߏ߬ ߘߐ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߃، ߡߙߊߡߊ߫ ߛߙߋ߫ ߟߊ߬ ߟߌߦߐߣ ߞߊ߬ߓߊ ߟߋ߬ ߞߵߊ߬ ߡߊߞߊ߬ߛߌ߫ ߊ߬ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߘߐ߲߬ߞߟߌ ߣߌ߲߬ ߟߊߣߴߊ߬ߟߌ ߟߋ߬ ߡߊ߬.
ߡߍ߲ߠߌ߲ߣߌ߲߬ ߦߋ߫ ߞߎߡߊ߫ ߟߊ߫ ߡߐ߰ߝߍ߬ߡߐ߰ߦߊ ߟߋ߬ ߞߊ߲߬ ߖߡߊ߬ߣߊ ߟߎ߬ ߓߟߏ߫
ߟߐ߲ߠߌ߲ߦߊߟߐ߲ߠߌ߲ߦߊ߫ ߘߍߞߙߎ ߡߍ߲ ߕߐ߯ ߞߏ߫ "ߞߊ߬ߝߊ ߞߊ߬ߣߌ߲߬ߓߊ߮ ߟߎ߬"߸ ߏ߬ ߟߎ߫ ߞߊ߬ ߞߐ߲ߘߐ߲߫ ߘߐߜߍ߫ ߟߋ߬ ߛߐ߬ߘߐ߲߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߞߊ߲ߞߊ߲߫ ߞߎ߲߬ߠߊ߬ߛߌ߰ߟߊ߫، ߊ߬ߟߎ߬ ߟߊ߫ ߕߘߍ߬ߒ߬ߘߐ߬ߟߌ߬ ߞߐߟߌߞߐߟߌ ߞߏߛߐ߲߬ ߟߐ߲ߠߌ߲ߦߊ ߣߌ߫ ߞߎ߬ߛߊ߲߬ߧߊ ߖߌ߲ߘߊ߲ߓߊ߫ ߝߊ߬ߛߏ߬ߟߊ߬ߞߊ ߞߍߞߏ߫ ߂߀߲ ߘߐ߫، ߊ߬ߟߎ߫ ߞߊ߬ ߕߏ߲ߘߋ߫ ߇،߇߈ ߛߐ߬ߘߐ߲߫ ߏ߬ ߡߍ߲ ߞߎ߲߬ߝߊ߮ ߝߍ߬߸ ߣߴߊ߬ߟߎ߬ ߟߊ߫ ߞߙߎ ߢߍߡߌ߬ߣߊ߬ߣߍ߲߫ ߕߍ߬ߘߍ߫ ߛߣߊ߬ߛߌ߬ ߒߓߋ߲ߓߊ߬ ߞߡߊ߬ߙߊ߬ ߓߟߏ߫، ߊ߬ ߞߍ߫ ߘߊ߫ ߖߡߊ߬ߣߊ ߞߣߐ߫ ߡߐ߰ ߝߌߟߊߣߊ߲ ߠߋ߬ ߘߌ߫ ߕߏ߬ߟߌ߬ߟߊ ߘߐ߫.
ߞߍߞߎߘߊߦߏ߫ ߓߍ߯ ߟߊߘߍ߬ߣߍ߲ ߞߵߊ߬ ߟߐ߲߫ ߢߊ ߡߍ߲ ߡߊ߬߸ ߛߌ߬ߣߌ߲߬ߟߏ߲ ߡߍ߲ ߓߍ߲߬ ߘߊ߫ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߡߊ߲߬ߘߋ߲߬ ߝߏߘߋ߫ ߕߘߍ߬ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫߸ ߞߊ߬ ߓߍ߲߬ ߡߞߊ߬ߛߟߌ߬ ߞߍ ߡߵߊ߬ ߞߊ߲߬ ߊ߬ ߟߊ߫ ߘߐ߲߬ߞߟߌ߬ ߞߎߘߊ߫ ߟߊߓߐߣߍ߲ ߞߏߛߐ߲߬߸ ߡߍ߲ ߕߐ߯ ߊ߬ ߓߟߏ߫ ߞߏ߫ ߟߊ߬ ߜ߭ߑߙߊ߲ߘ ߘߎ߳ ߞߊߙߑߕߌߦߋ. ߒ߬ߓߊ߬߸ ߏ߬ ߟߋ ߟߊ߬ߥߟߌ߬ߟߌ ߦߴߌߘߐ߫ ߓߌ߬ ߞߕߌ߫ ߛߘߊߡߊ ߘߌ߫.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߓߙߊߣߡߊ߬ ߣߌ߫ ߛߊߣߊ߲ߠߊ߫ ߕߍߟߊ ߡߊ߲߬ߞߊ߲ ߞߕߌ ߟߋ߬ ߕߍ߰ ߟߊ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߂߸ ߡߍ߲ ߖߊ߲߬ߞߌ߬ߟߌ ߘߏ߫ ߟߎ߫ ߕߊ߯ߣߍ߲߫ ߤߊ߲߯ ߛߊ߲߬ ߂߀ ߖߊ߬ߕߋ߬، ߖߊ߲߬ߞߌ߬ߓߊ߰ߕߐ ߟߎ߬ ߟߊߘߍ߬ߣߍ߲߫ ߥߊߘߌ ߡߍ߲ ߛߊ߬ߙߊ ߟߊ߫߸ ߏ߬ ߥߊߣߍ߲߫ ߠߋ߬ ߝߏ߯ ߖߌ߬ߣߍ߬ ߕߊߡߊ߲ ߥߟߎ߬ߡߊ߬ ߣߊ߯ߣߌ߲߫ ߖߊ߬ߕߋ߬߸ ߞߵߏ߬ ߞߍ߫ ߓߟߏߢߐ߲߯ߠߛߊߦߌ߲ ߣߌ߫ ߕߐ߬ߣߐ ߘߌ߫، ߘߏ߫ ߟߎ߫ ߞߊ߲߫ ߞߏ߫ ߊ߬ߟߎ߬ ߡߊ߫ ߓߍ߲߬ ߞߕߌ ߡߊ߬߸ ߊ߬ ߡߊߛߊ߬ߦߌ߲߬ ߟߐ߮ ߟߋ߬ ߦߴߏ߬ ߟߎ߬ ߟߊ߫.
ߟߊ߬ߞߟߏ߬ߞߟߏ߬ߟߌ߂߀߂߆ ߛߐ߬ߟߐ ߞߘߐߓߐߟߌ ߘߊߡߌ߬ߣߊ߬ ߘߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߖߌ߬ߣߍ߫ ߝߊ߲߭ ߓߍ߯ ߘߐ߫، ߞߊ߲ߞߊ߲߫ ߕߊ ߕߊߟߊ߲ ߜߊ߬ߛߌ߬ ߘߊ߫ ߝߊ߰ߡߊ ߟߎ߫ ߟߋ߬ ߓߟߏ߫ ߡߊߙߌߦߍ߲߫ ߒߜ߭ߎ߬ߥߊ߬ߓߌ߫ ߞߊ߬ߙߊ߲߬ߘߊ߬ߓߊ ߟߊ߫، ߢߌ߬ߣߊ߲߬ ߕߊ ߣߌ߲߬ ߘߐ߫߸ ߞߊ߬ߙߊ߲߬ߘߋ߲߬ ߁߄ ߉߆߃ ߟߋ߬ ߞߘߐߓߐߟߌ ߘߊߞߘߐ߫߸ ߡߛߏ߬ߡߊ߲߬ ߅ ߁߂߂ ߦߴߏ߬ ߘߐ߫߸ ߞߎߡߊ ߕߍ߫ ߝߌ߬ߟߊ߬ ߘߌ߫߸ ߞߋߟߋ߲߫ ߔߋ߫: ߓߍ߯ ߦߴߌ ߓߊ߫ ߓߟߏ߫ ߟߋ߬߸ ߘߐ߬ߞߏ߬ߦߊ߬ߟߌ߬ ߕߴߊ߬ ߘߐ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲Sߟߊ߬ߘߍ߬ߓߊ߫ ߟߋ߬ ߕߎ߲߬ ߦߴߌߘߐ߫ ߞߐߣߊߞߙߌ߫ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߛߊߣߌ߲߫ ߓߊ߯ߙߟߊ ߟߎ߬ ߣߌ߫ ߞߊ߲ߕߌ߮ ߟߋ߬ ߞߊ߬ ߢߐ߲߯ߦߋ߫ ߞߍ߫، ߞߊ߲ߕߌ߮ ߞߊ߬ ߕߛߊ ߘߊ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߛߊߣߌ߲߫ ߢߊߘߊ߲ ߕߍ߫ ߓߐ߫ ߟߊ߫ ߡߎ߬ߕߎ߲߬، ߣߴߏ߬ ߡߊ߫ ߓߍ߲߬ ߡߍ߲ ߡߊ߬߸ ߏ߬ ߟߊ߫ ߓߊ߯ߙߊ߫ ߖߡߊߙߌ߫ ߛߓߍ ߘߌ߫ ߡߌ߬ߣߴߊ߬ ߟߊ߫، ߊߟߎ߫ ߦߋ߫ ߞߊ߲ߕߌ߮ ߟߊ߫ ߓߋߟߋ߲ߠߊ ߘߝߊߣߍ߲ ߘߐߞߊ߬ߙߊ߲߬ ߥߍ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߲ߓߍ߲ ߞߊ߲ߕߌ߮ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߢߐ߲߯ߦߋ߫ ߘߏ߫ ߟߋ߬ ߞߎ߲߬ߠߊߛߌ߰ ߛߌ߬ߣߌ߲߬ߟߏ߲ ߥߊ߬ߛߌ߬ߥߙߊ ߕߟߋ߬ ߁߉ ߢߌ߲߬ ߡߊ߬߸ ߊ߬ߟߎ߬ ߣߌ߫ ߛߊߣߌ߲߫ ߓߊ߯ߙߟߊ ߟߎ߫ ߞߊ߬ ߢߐ߲߯ߦߋ߫ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߊߣߌ߲߫ ߢߊߘߊ߲ ߕߍ߫ ߟߊߓߐ߫ ߟߊ߫ ߡߎ߬ߕߎ߲߬߸ ߊ߬ ߓߍ߯ ߘߐߖߏ߲ߕߐ߫ ߖߡߊ߬ߣߊ ߞߣߐ߫ ߟߋ߬ ߛߍߣߍ߲߬، ߏ߬ ߓߊ߯ߙߊ ߘߏ߲߬ߣߍ߲߫ ߣߌ߲߬ߓߊ߬ ߛߊߣߌ߲߫ ߘߐߖߏ߲ߘߊ ߟߋ߬ ߓߟߏ߫، ߊ߬ߟߎ߬ ߞߊ߲߫ ߞߏ߫ ߣߌ߲߬ ߦߋ߫ ߖߡߊ߬ߣߊ ߟߊ߫ ߛߐ߬ߘߐ߲ ߠߊ߫ ߖߘߍ߬ߕߌ߰ߦߊ ߡߎ߬ߙߊ߲߬ ߞߟߏߡߊ ߘߏ߫ ߟߋ߬ ߘߌ߫.
ߒߞߏߒߞߏ ߛߍ߬ߘߏ߲߬ߠߊ ߘߏ߫ ߟߎ߫ ߟߋ߬ ߣߐ߬ ߊ߬ߟߎ߬ ߟߊߘߍ߬ ߟߊ߫ ߟߊ߬ߘߍ߬ ߓߟߋߓߟߋ߫ ߞߊ߲ߡߊ߬ ߒߞߊ߬ߙߊ߲߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߬ ߓߘߊ، ߟߊ߬ߘߍ ߓߍ߲߬ ߘߊ߫ ߘߍ߬ߘߊ ߘߏ߫ ߟߊߘߊ߲߫ ߞߏ ߡߊ߬߸ ߡߍ߲ ߠߎ߬ ߘߌ߫ ߒߞߏ ߟߊ߫ ߘߎ߱ ߟߎ߬ ߡߊߡߊ߬ߙߊ߫ ߖߡߊ߬ߣߊ ߞߣߐ߫.
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߘߍ߭ߊ߬ ߛߊ߲߬ ߦߙߌߞߊ ߟߋ߬ ߕߋ߲߬߸ ߕߎ߬ߡߙߎ߫ ߛߌ߰ߓߊ߮ ߟߎ߬ ߦߋ߫ ߡߊ߲߬ߕߙߐ߬ߓߊ߫ ߘߐ߫، ߛߊ߬ߡߊ ߓߊ߯ ߘߏ߲߬ ߢߊ ߡߍ߲ ߌߞߘߐ߫߸ ߕߎ߬ߡߙߎ߬ߞߊ ߟߎ߬ ߟߊ߫ ߤߙߍ ߓߊ߲ߣߍ߲߫ ߠߵߏ߬ ߘߌ߫ߛߌߟߊ ߣߌ߲߬ ߞߊ߲߬߸ ߞߵߏ߬ ߞߎ߲߭ ߞߍ߫ ߥߏߙߏ߲ߞߏ߲ߕߏ߲ ߘߌ߫، ߕߎ߬ߡߙߎ߫ ߣߌ߲߬ ߦߋ߫ ߞߎ߬ߙߎ ߺ ߞߘߐ߫ ߟߋ߬ ߘߐ߫߸ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߛߊ߲ߖߌ߫ ߕߐ߲ߞߐߟߐ߲ߡߊ ߟߋ߬ ߖߌ߰ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߛߎ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߀ ߢߌ߲߬ ߠߊ߫߸ ߡߍ߲ ߝߢߐߞߏߙߏ߲ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߞߊ߬ ߘߋ߲ߣߍ߲߫ ߛߊ߲߬ ߁߀ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߞߍ߫ ߘߊ߫ ߝߙߊ߬ߣߍ߲ ߺ ߞߐ߫ ߟߋ߬߸ ߞߎ߲ߖߊ߲߫ ߛߏ ߞߣߐ߫߸ ߞߎߘߍ߫ ߅߀ ߖߊ߬ߕߋ߬ ߟߊ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߊ߬ ߛߌ߰ߓߊ߮ ߟߎ߬ ߢߌߣߌ߲ߣߍ߲߫ ߝߊ߰ߡߊ ߟߎ߬ ߣߌ߫ ߓߟߏߘߐߢߌ߲ ߠߎ߬ ߟߊ߫ ߘߍ߬ߡߍ߲ ߡߊ߬ ߕߋ߲߬ ߞߏߛߓߍ߫.
ߞߌ߬ߓߊ߬ߙߏߟߊ߬ ߟߌߦߐߣ ߣߐ߬ ߊ߬ ߡߊߞߊ߬ߛߌ߬ ߟߊ߫ ߘߐ߲߬ߞߟߌ߬ߟߊ߬ߟߊ߫ ߡߊ߲߬ߘߋ߲߬ ߝߏߘߋ߫ ߟߋ߬ ߞߊ߲߬߸ ߡߊ߬ߞߛߌ߬ߟߌ ߏ߬ ߞߐ ߘߐ߫߸ ߊ߬ߟߎ߬ ߦߋ߫ ߘߊ߫ ߞߊ߲ߞߊ߲߫ ߞߕߌߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߊ߬ ߘߏ߲߬ߞߏ ߟߎ߬ ߞߊ߲߫ ߞߏ߫ ߊ߬ߟߎ߬ ߡߊ߫ ߡߐ߰ ߞߘߐߡߊߕߍ߰߸ ߊ߬ߟߎ߬ ߡߊ߫ ߡߐ߰ ߕߐ߯ ߝߐ߫، ߣߌ߫ ߡߍ߲ ߞߵߊ߬ ߖߌ߰ ߖߘߍ߬ ߞߏ߫ ߘߌ߫߸ ߏ߬ ߓߘߊ߫ ߦߋ߫ ߞߊߙߏߜߍ ߟߋ߬ ߟߊ߫ ߏ߬ ߘߌ߫.
ߘߍ߭ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߞߊ߲ߞߊ߲ߞߊ߲߫ ߞߊ߬ ߗߋߦߊߟߌ߫ ߓߟߋߓߟߋ߫ ߟߋ߬ ߟߊߛߣߍ߫߸ ߡߍ߲ ߠߎ߬ ߣߊ߬ ߘߊ߫ ߡߊ߬ߞߍ߬ ߦߙߐ߬ ߁ ߀߀߀ ߟߐ߬ ߞߏ߬ ߞߎߡߊ ߝߐ߫߸ ߞߵߏ߬ ߞߍ߫ ߖߡߊ߬ߣߊ߬ߘߋ߲ ߠߎ߬ ߖߌ߰ߡߝߊ߬ ߦߙߐ ߘߏ߫ ߘߌ߫ ߓߏ߲߫ ߞߏ ߘߐ߫߸ ߡߍ߲ ߛߐ߬ߘߐ߲ ߞߊ߫ ߞߊ߲߫ ߞߊ߬ ߟߊߣߐ߰ߦߊ߬ ߓߍ߯ ߡߊ߬، ߓߊ߬ߙߌ߬߸ ߗߋߘߊߕߌ߮ ߟߎ߫ ߟߋ߬ ߢߍ ߘߐ߫ ߖߡߊ߬ߣߊ߬ߘߋ߲ ߕߐ߭ ߟߎ߬ ߢߍ߫.
ߕߋߟߋ߲ߓߊ߯ߦߊߕߍ߮ ߞߍߣߍ߲߫ ߡߐ߰ ߗߡߍ߬ ߡߊ߬ߜߍ߲߫ ߠߋ߬ ߘߐ߫߸ ߡߍ߲ ߠߎ߬ ߡߌ߬ߣߊ߬ߣߍ߲߫ ߛߊߣߌ߲ ߢߌߣߌ߲߫ ߢߊ߫ ߖߎ߮ ߘߐ߫ ߛߌ߯ߙߌ߲߫ ߞߣߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬، ߡߌ߬ߣߊ߬ߓߊ߰ߕߐ ߟߎ߬ ߘߐ߫߸ ߓߙߎߞߌߣߞߊ ߦߴߊ߬ ߘߐ߫߸ ߜ߯ߊߣߞߊ ߣߌ߫ ߛߣߍ߬ߜ߭ߊ߬ߟߌ߬ߞߊ ߟߎ߬ ߓߍ߯ ߘߏ߫ ߦߴߊ߬ ߘߐ߫، ߞߊ߬ߕߎ߲߯߸ ߗߋߦߊߟߌ ߟߋ߬ ߥߟߌ߬ߣߍ߲߫ ߞߊ߬ ߝߘߊ߫ ߞߊ߲ߞߊ߲߫ ߞߕߌߡߛߊߦߌ߲ߘߊ ߟߊ߫߸ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߎ߬ߕߊ߬ߞߏ ߟߎ߬ ߟߊߕߐ߲ ߞߕߌߖߌ߲ ߠߊ߫߸ ߞߊ߬ ߥߴߊ߬ߟߎ߬ ߢߊ ߟߊ߫ ߘߊ߬ߡߊ߲߬ߘߊ ߘߏ߫ ߟߎ߫ ߞߊ߲߬ ߛߌ߯ߙߌ߲߫ ߞߣߐ߫߸ ߓߐ߰ߝߍ ߘߐߖߊߛߌ߫ ߢߊ߫ ߛߎ߮ ߡߍ߲ ߠߎ߬ ߦߋ߫ ߛߋ߲߬ߠߊ߫ ߦߋ߲߬߸ ߞߵߏ߬ ߟߎ߬ ߡߊߝߟߍ߫߸ ߊ߬ ߣߌ߫ ߕߍ߮ ߞߍߣߍ߲߫ ߕߙߏ߬ߞߏ߬ ߓߟߏߓߊ ߡߍ߲ ߠߎ߬ ߘߐ߫߸ ߞߵߏ߬ ߟߎ߬ ߝߣߊ߫ ߡߌ߬ߣߊ߬ ߞߏ ߕߎ߬ߢߊ߬ߦߊ ߛߍ߯ߛߍ߯.
ߞߍߞߎߘߊߦߏ߫ ߓߍ߯ ߟߊߘߍ߬ߣߍ߲ ߞߊ߬ ߓߟߐߟߐ߫ ߞߊ߲ߠߊ ߟߎ߬ ߘߐߞߟߦߊ߫ ߢߊ ߟߐ߲߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߢߊ ߡߍ߲ ߡߊ߬߸ ߞߊ߬ ߓߍ߲߬ ߡߊ߲߬ߘߋ߲߬ ߝߏߘߋ߫ ߟߊ߫ ߘߐ߲߬ߞߟߌ߬ ߞߎߘߊ ߡߊ߬߸ ߡߍ߲ ߕߐ߯ ߞߏ߫ ߟߊ߬ ߜ߭ߑߙߊ߲ߘ، ߒ߬ߓߊ߬߸ ߏ߬ ߞߎߡߊ ߓߘߊ߫ ߛߋ߫ ߛߊ߬ߙߌ߬ߦߊ߬ ߢߊߞߘߐ߫ ߕߋ߲߬.
ߞߍߞߎߘߊߕߊ ߣߌ߲߬ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߊ߬ ߞߊ߬ߛߙߊ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߗߍ߭ ߘߏ߫ ߟߐ߬ ߊ߬ ߖߍ߬ߘߐ߫ ߛߐ߰ ߟߊ߫ߟ ߛߙߋ߫ ߛߌߦߊߡߊ߲߫ ߖߍ߬ߘߍ ߦߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫.
ߞߓߊߞߏ ߟߎ߬ߞߊ߬ߛߙߊ߬ߓߊ߫ ߟߋ߬ ߣߐ߬ ߖߎ߬ߟߊ߬ ߛߌߦߊߡߊ߲߫ ߡߊߛߐ߬ߘߐ߲߬ ߠߊ߫ ߒߛߙߍߜߘߍ߬ ߟߐ߯ߝߍߓߊ ߘߐ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߢߌ߲߬ ߡߊ߬، ߛߐ߰ߡߊ߬ߟߊ ߄ߕߎߡߊ ߣߌ߫ ߅ߕߎߡߊ ߕߍߟߊ ߟߋ߬ ߞߍߣߍ߲߫ ߕߊ ߥߟߌ߬ ߢߊ ߘߌ߫ ߟߐ߯ߝߍߓߊ ߟߊ߫߸ ߞߊ߬ ߝߎ߲ߞߎ߲߫ ߛߌߦߊߡߊ߲߫ ߣߌ߫ ߡߣߐ߬ߓߏ߲߬ ߛߌߦߊߡߊ߲߫ ߖߋ߬ߣߌ߲߬߸ ߊ߬ߟߎ߬ ߣߴߊ߬ߟߎ߬ ߞߣߐ߫ ߝߋ߲ ߠߎ߬، ߕߊߓߐ ߣߌ߲߬ ߞߎ߲߬ ߟߐ߲ߣߍ߲߫ ߕߍ߫ ߝߟߐ߫.
ߞߓߊߞߏ ߟߎ߬ߞߵߊ߬ ߕߊ߬ ߛߐ߰ߡߊ߬ߟߊ ߄ߕߎߡߊ ߣߌ߫ ߅ ߕߎߡߊ ߕߍߟߊ ߡߊ߬ ߤߊ߲߯ ߕߋ߲߬߸ ߕߊ ߦߋ߫ ߒߛߙߍߜߘߍ߬ ߟߐ߯ߝߍߓߊ ߟߊ߫، ߡߍ߲ ߓߘߊ߫ ߝߎ߲ߞߎ߲߫ ߛߌߦߊߡߊ߲߫ ߣߌ߫ ߡߣߐ߬ߓߏ߲߬ ߛߌߦߊߡߊ߲߫ ߣߴߊ߬ ߞߣߐ߫ ߝߋ߲ ߖߋ߬ߣߌ߲߬߸ ߞߊ߬ ߖߎ߬ߟߊ ߦߙߌߞߊ ߓߌ߬ߟߊ߫ ߞߣߐ߬ߘߐ߬ߝߟߌ ߘߐ߫، ߟߐ߯ ߞߣߐ߫ ߡߐ߮ ߟߎ߬ ߣߌ߫ ߕߊߟߛߊߟߊ ߟߎ߫ ߞߵߊ߬ߟߎ߬ ߛߋߞߏ ߞߍ߫، ߊ߬ ߞߏ߬ߣߌ߲߸ ߕߊߓߐ ߣߌ߲߬ ߞߎ߲߬ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߡߎߣߎ߲߬.
ߒߞߏߞߊ߬ߙߊ߲߬ߝߊ߬ ߡߏߙߌ߬ ߖߐ߲߬ߡߊߛߌߣߌ߲ߟߐ߲߫ ߞߡߊ߬ߙߊ߫ ߞߵߊ߬ ߟߊ߫ ߤߖߌ ߕߊ߯ߡߊ ߟߊߘߏ߲߬ ߛߏ߫ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߖߊߟߏ߲߫ ߘߎ߱ ߞߣߐ߫߸ ߊ߬ ߥߟߏߛߟߎ، ߛߏ ߡߐ߰ߓߊ ߟߎ߬ ߣߌ߫ ߟߏߟߊ߲߫ ߣߊ߬ߓߊ߰ߕߐ߬ ߛߌߦߊߡߊ߲߫ ߕߘߍ߬ ߡߍ߲ ߞߣߍ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߊ߬ ߞߝߊ߬ ߛߓߍ ߘߊߡߌ߬ߣߊ߬ ߂߀߁߅ ߟߋ߬ ߟߊ߫߸ ߊ߬ ߛߋ߫ ߘߊ߫ ߞߊ߬ߝߊ߫ ߂߀߀ ߛߓߍ߫ ߟߊ߫ ߛߊ߲߬ ߛߋߦߌ߲߫ ߞߣߐ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߖߏߙߌ ߤߡߊߣߌ߫ ߞߣߐ߫ ߢߊߡߍ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߛߋ߫ ߘߊ߫ ߣߐ߭ߛߐ߬ߘߐ߲߬ ߠߊ߫߸ ߛߛߞߞ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߡߐ߰ ߁߃ ߟߋ߬ ߝߊ߰ ߘߴߊ߬ߟߎ߬ ߟߊ߫ ߡߐ߱ ߟߎ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߁߁߸ ߊ߬ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߛߋ߫ ߘߊ߫ ߞߍߒߞߊ߲ߓߊ߯ ߡߐ߰ ߂߂ ߝߊ߰ ߟߊ߫، ߞߎ߲߬ߠߊ߬ߛߌ߮ ߣߐ߬ ߝߊ߬ߙߊ߲߬ߛߌ߫ ߟߋ߬ ߡߊߝߌ߲߬ ߠߊ߫ ߌߞߘߐ߸ ߞߏ߫ ߊ߬ߟߋ ߟߋ߬ ߦߙߍߞߍߟߌ ߣߌ߲߬ ߞߐߝߍ߬ ߛߎߋ߫.
ߞߌ߬ߓߊ߬ߙߏߞߘߐߓߐߟߌ ߕߊߟߊ߲߫ ߞߊ߲ ߓߘߊ߫ ߜߊ߬ߛߌ߫ ߖߌ߬ߣߍ߬ ߞߣߐ߫ ߦߌߟߡߊ ߇߲ ߡߊߛߐ߬ߘߐ߲߬ ߞߊ߲ߡߊ߬، ߞߊ߲ߞߊ߲߫ ߕߊ ߖߎ߭ߛߌ߰ ߘߊ߫ ߓߌ߬ ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߠߋ߬ ߡߊ߬ ߞߊ߬ߙߊ߲߬ߕߊ߫ ߘߙߊ߬ߡߋ ߎߡߊߙ ߟߊ߫، ߡߙߊ߬ߓߊ߮ ߟߋ߬ ߞߊ߬ ߝߙߏߞߏ߫ ߝߟߐ ߘߊߦߟߍ߬
ߞߍߞߎߘߊߞߊ߬ ߓߍ߲߬ ߝߊ߬ߛߏ ߞߎ߲ߝߊ߲ߓߐ ߣߌ߫ ߤߖߌ ߕߊ߯ߡߊ ߟߊߘߏ߲߭ ߡߊ߬ ߛߏ߫߸ ߞߟߊ߬ߘߏ߲ߛߏ ߟߎ߬ ߘߐ߫ ߓߏ߲߬ߓߊ ߡߏߙߌ߫ ߞߊ߬ߡߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ ߕߏ߲ ߕߊ߬ ߞߊ߬ ߞߎߣߊߘߎ߯ ߖߊߟߏ߲߫ ߡߊߜߍ߲߫߸ ߦߋ߲߬ ߡߍ߲ ߦߴߊ߬ ߥߟߏߛߟߎ ߘߌ߫، ߊ߬ ߟߊߓߍ߲߬ ߘߊ߫ ߘߋ߲ߡߌߛߍ߲ ߠߎ߫ ߓߟߏ߫ ߞߎߘߍ߫ ߁߅ ߖߊ߬ߕߋ߫ ߟߋ߬ ߟߊ߫.
ߝߊ߬ߘߌ߬ߡߊ߬ߞߟߏߌߙߊ߲߫ ߕߍߟߐ߫ ߝߜ߭ߊ߬ߣߌ ߡߍ߲ ߞߊ߬ ߝߊ߬ߙߊ߲߬ߛߌ߬ ߣߌ߫ ߛߣߍ߬ߜ߭ߊߟߌ߫ ߟߊ߫ ߝߎ߬ߟߋ ߝߍ߫ ߣߌߦߙߐߑߞߎ߬߸ ߡߐ߰ ߛߌߦߊߡߊ߲߫ ߓߘߴߊ߬ ߡߊߓߎ߬ߙߎ߲߬ߕߌ߬، ߓߊߏ߬߸ ߕߊ߲ߞߎ߲ ߘߏ߫ ߞߊ߫ ߞߊ߲߫ ߕߍ߬ߘߍ߫ ߞߊ߬ ߘߌ߫ ߒߓߊߔߋ߫ ߡߊ߬߸ ߊ߬ ߡߴߏ߬ ߝߍ߫، ߞߊ߬ߕߎ߲߯߸ ߓߟߏߡߊߞߊߓߊ߮ ߟߎ߫ ߞߵߊ߬ ߟߊ߫ ߡߙߌߘߐ ߏ߬ ߦߋ߫ ߖߐ߲ߖߐ߲߫ ߕߍ߫، ߥߊ߫ ߞߍ߫ ߘߊ߫ ߟߋ߬ ߝ߭ߊߙ ߟߊ߫ ߝߛߊߦߌ߫߸ ߞߏ߬ߣߌ߲߬ ߕߍߟߐ ߡߊ߫ ߛߐ߲߬ ߊ߬ ߟߊ߫ ߡߙߌߘߐ ߛߊߞߍ߫ ߞߏ ߡߊ߬.
ߒߞߏߞߊ߬ߙߊ߲߬ߝߊ߬ ߡߏߙߌ߫ ߞߊ߬ߡߙߊ߫ ߖߐ߲߬ߡߊߛߌߣߌ߲ߟߐ߲߫߸ ߊ߬ߟߋ ߡߍ߲ ߦߋ߫ ߞߊ߬ߝߊ߫ ߂߀߀ ߛߓߍߓߊ߮ ߘߌ߫ ߛߊ߲߬ ߛߋߦߌ߲߫ ߞߘߐ߫߸ ߊ߬ߟߋ ߞߊ߲߫ ߞߏ߫ ߛߓߍߟߌ ߦߴߊ߬ߟߋ ߘߊ߲߫ ߢߊ ߟߋ߬ ߘߴߊߟߊ߫ ߓߟߏ߫، ߊ߬ ߓߘߊ߫ ߛߓߍߟߌ߫ ߛߌߦߊߡߊ߲߫ ߞߍ߫ ߒߞߏ ߘߐ߫߸ ߊ߬ ߞߊ߲߫ ߞߏ߫ ߊ߬ ߦߴߊ߬ ߞߊ߲߬ ߝߣߊ߫ ߤߊߟߌ߬ߛߊ߫، ߊ߬ߟߋ ߟߋ߬ ߣߐ߬ ߊ߬ ߦߌ߬ߘߊ߬ ߟߊ߫ ߞߏ߫߸ ߞߊ߬ ߕߋ߬ߟߋ ߓߐ߫ ߞߊ߬ ߓߋ߬ ߊ߬ ߡߊ߫ ߛߓߍߟߌ߫ ߞߍ߫߸ ߏ߬ ߦߴߊ߬ߟߋ ߡߊ߬ ߟߋ߬ ߦߏ߫ ߡߐ߱ ߡߏߦߌߓߊ߮ ߛߊ߲߬ߞߊ ߓߊ߯ ߟߊߕߋ߬ ߌ ߟߊ߫.
ߜߘߍ ߟߎ߬ߟߎ߫ ߞߋߟߋ߲ ߞߣߐ߫ ߡߐ߯ ߝߌ߬ߟߊ߫ ߟߋ߬ ߛߎ߭ ߦߋߣߴߊ߬ߟߎ߬ ߟߊ߫ ߓߏ߲ ߞߣߐ߫ ߞߊ߯ߙߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄߸ ߊ߬ߟߎ߬ ߟߊ߫ ߟߎ ߞߣߐ߫ ߊ߬ߟߑߓߊߙߌߞߊ߬ ߞߌ߲߬ߘߊ ߟߊ߫، ߡߐ߰ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߞߏ߫ ߗߍ߭ ߣߴߊ߬ ߘߋ߲ߞߍ߫ ߞߊ߬ ߢߊ߰ߙߌ߬ ߛߎ ߟߋ߬ ߘߊߥߎ߲߫، ߘߏ߫ ߟߎ߫ ߝߣߊ߫ ߞߊ߲߫ ߞߏ߫ ߓߊ߱ ߟߋ߬ ߞߍߣߍ߲߫ ߛߎ߬ߡߊ߲ ߠߊ߫، ߐ߲߸ ߘߊ߲ߘߊߟߌߟߊ ߟߎ߫ ߞߏ߬ߣߌ߲ ߠߊ߫ ߖߋ߬ߓߟߌ߬ ߡߊ߫ ߟߐ߲߫ ߡߎߣߎ߲߬.
ߦߋߟߌߦߊߦߊ߯ߟߊ߫߸ ߓߍ߯ߦߊ ߡߍ߲ ߦߋ߫ ߕߋ߲߬߸ ߊ߲ ߧߋ߫ ߥߴߊ߬ ߘߌ߫ ߢߊ ߏ߬ ߡߊ߬ ߓߊ߰߸ ߥߟߴߊ߲ ߧߴߊ߬ ߛߊߞߍ߫ ߞߵߊ߬ ߘߐߓߍ߲߬ ߞߵߊ߬ ߓߍ߲߬ ߝߘߊ߬ߝߌ߲ ߣߌ߫ ߝߘߊ߬ߝߌ߲߬ߠߊ߫ ߡߊ߬؟ ߣߴߏ߬ ߜߎ ߕߍ߫߸ ߊ߲ ߧߴߊ߲ ߕߊ߫ ߟߋ߬ ߟߊߘߊ߲߫؟
ߒߞߏߞߐ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߆ ߡߊ߬߸ ߞߊ߬ߙߊ߲߬ߝߊ߬ ߡߏߙߌ߫ ߞߡߊ߬ߙߊ߬ ߟߊ߫ ߡߞߊ߫ ߕߊ߮ ߞߐ ߣߌ߲߬ ߘߐ߫߸ ߊ߬ ߟߊߓߍ߲߬ ߘߊ߫ ߞߊ߲ߞߊ߲ߞߊ ߟߎ߬ ߓߟߏ߫ ߞߎߘߍ߫ ߦߙߌߞߊ߫ ߟߋ߬ ߟߊ߫߸ ߞߵߊ߬ ߖߌ߰ߦߊ߬ߘߊ ߡߊߜߍ߲߫، ߡߏߙߌ߫ ߞߡߊ߬ߙߊ߫ ߖߐ߲߬ߡߊߛߌߣߌ߲ߟߐ߲߫ ߡߍ߲ ߦߋ߫ ߣߌ߲߬߸ ߝߘߊ߬ߝߌ߲߬ߠߊ߫ ߞߟߊ߬ߘߏ߲ߛߏ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߦߴߊ߬ ߘߌ߫߸ ߡߍ߲ ߛߋ߫ ߘߊ߫ ߞߊ߬ߝߊ߫ ߂߀߀ ߛߓߍ߫ ߟߊ߫ ߛߊ߲߬ ߛߋߦߌ߲߫ ߞߎ߲߬ߕߊ߯ ߞߣߐ߫، ߒ߬ߓߊ߬߸ ߊ߬ ߟߊߓߍ߲߬ ߘߊ߫ ߛߊ߲ߖߌ ߟߋ߬ ߞߘߐ߫߸ ߏ߬ ߡߍ߲ ߡߴߊ߬ ߟߊߓߍ߲߬ߓߊ߮ ߟߎ߬ ߕߐ߰ߘߐߝߊ߰ ߢߊ߫ ߛߌ߫ ߡߊ߬߸ ߝߏ߫ ߞߵߊ߬ ߛߌ߰ ߊ߬ ߖߌ߰ߦߊ߬ߘߊ ߟߊ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ ߡߍ߲ ߛߌ߰ ߛߋ߲߬ߠߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߅ ߡߊ߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߱ ߘߏ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߝߊ߰ ߘߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߕߌߢߍ߫߸ ߝߌ߬ߟߊ߬ ߦߋ߫ ߞߌߙߑߣߌߦߊ߫ ߘߎ߰ߣߍ߲ ߡߊ߬ߛߎߘߎ߲ߧߊ ߘߐ߫߸ ߣߊ߯ߣߌ߲߫ ߦߴߊ߬ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ ߟߋ߬ ߘߌ߫ ߛߋߝ߭ߊߙߋ߫.
ߘߍ߭ߘߎ߰ ߞߏ߬ ߡߊ߲ߞߊ߲ ߠߋ߬ ߦߴߌߘߐ߫ ߘߊ߬ߟߊ ߺ ߟߊ߫ ߣߌ߫ ߛߋ߬ߞߘߐ߬ ߕߍ߫߸ ߞߎ߲ߓߊ߲ ߡߙߊ߬ߘߊ߬ߙߋ߲ ߘߐ߫، ߊ߬ߟߋ߬ ߡߊ߲߬ߞߊ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߡߐ߰ ߟߏ߯ߟߎ߫ ߟߋ߬ ߡߊߘߌߡߌ߲߫ ߝߊ߲߭ ߝߌ߬ߟߊ ߟߊߞߊ߬ߝߏ߬ߣߍ߲ ߘߐ߫߸ ߊ߬ߟߎ߬ ߛߌߦߊߡߊ߲߫ ߦߋ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫، ߡߙߊ߬ߓߊ߮ ߝߣߊ߫ ߡߊ߫ ߕߏ߫ ߛߌ߰ ߘߐ߫߸ ߏ߬ ߞߊ߬ ߗߋߦߊߟߌ ߟߊߥߌ߬ߟߌ߫ ߞߊ߬ ߕߊ߯ ߡߐ߱ ߟߎ߬ ߖߎ߬ߛߎ ߡߊߖߌ߰߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߞߊ߲ ߦߴߌߘߐ߫ ߦߙߐ ߡߍ߲ ߝߍ߫ ߏ߬ ߘߌ߫߸ ߞߏ߫ ߡߐ߰ ߛߌ߫ ߞߊߣߊ߬ ߛߋ߫ ߦߋ߲߬.
ߘߍ߭ߛߌߟߊ߫ ߓߊ߯ߙߊ ߣߌ߲߬ ߞߍߣߍ߲߫ ߛߌߟߊ߫ ߘߊߝߍ߫ ߛߌ߯ ߟߊ ߟߎ߫ ߡߊ߬ ߛߍߥߊ ߟߋ߬ ߘߌ߫ ߊ߬ ߜߋ߲ߜߋ߲ ߝߙߋ߬ߟߌ߬ߟߊ ߟߎ߬߸ ߞߊ߲ߞߊ߲߫ ߥߙߊߞߘߊߓߊ ߡߍ߲ ߟߊ߫ ߛߊ߲ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߕߋ߲߬߸ ߞߊ߬ ߡߐ߰ ߟߎ߬ ߟߊ߫ ߖߌ߰ߣߌ߬ߞߊ߬ߦߟߍ ߟߊߣߐ߰ߦߊ߫߸ ߊ߬ ߣߌ߫ ߞߊ߬ ߡߐ߱ ߟߎ߬ ߕߊ߲߬ߞߊ߫ ߛߌߟߊ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߡߊ߬߸ ߏ߬ ߛߍߥߊ߫ ߖߍ߬ߘߍߖߍ߬ߘߍ ߟߋ߬ ߞߍߣߍ߲߫ ߡߐ߰ ߛߌߦߊߡߊ߲߫ ߠߊ߫.
ߕߟߋ߬ߓߐ ߕߍߡߟߊ ߝߐߢߐ߲߯ߞߐSߌߙߊ߲߫ ߣߊ߲߬ߕߌ߮ ߟߎ߬ ߟߊ߫ ߓߋߟߋ߲ߕߌ߮ ߞߟߍ߬ߕߌߌ߯ ߡߏ߬ߤߊ߲ߡߡߊߘ ߊߞߙߊߡߌ߫ ߢߊ߫ ߞߴߊ߬ ߟߊߛߋ߫ ߞߎߣߎ߲߬ ߞߐ߬ߓߊ߬ߟߏ߲ ߛߎ ߘߐ߫߸ ߞߏ߫ ߦߟߌߓߌߟߊߛߓߍ ߡߍ߲ ߞߟߊ߬ߣߐ߬ߦߊ߬ߕߐ߫ ߔߊߞߌߛߑߕߊ߲߫ ߣߌ߲߬߸ ߏ߬ ߛߌ߬ߕߊ߬ߙߌ߬ ߞߋߟߋ߲߫ ߓߊ߯ ߛߐ߬ߛߐ߬ ߢߊ ߡߍ߲ ߌߞߘߐ߫߸ ߊ߬ߟߎ߬ ߘߌ߫ ߞߍ߬ߟߍ ߛߏ߲ߛߙߏߡߴߊ߬ ߘߐ߫، ߊ߬ ߞߊ߲߫ ߞߏ߫ ߌߙߊ߲߫ ߣߐ߬ ߖߐ ߟߋ߬ ߞߟߊ߬ߣߐ߬ߦߊ߬ ߟߊ߫߸ ߓߊ߬ߙߌ߬ ߊ߬ ߖߊ߲߬ ߦߴߊ߬ ߖߘߍ߬ ߞߐ߫ ߛߎ ߣߌ߬ ߕߋ߬ߟߋ.
ߡߊ߲߬ߕߏ߲߬ߕߍ߬ߟߊ߬ߞߊߔߊߞߌߛߑߕߊ߲߫ ߞߏߕߌ߯ ߝߟߐ ߛ߭ߋߤߑߓߊߖ߭ ߞߵߊ߬ ߟߊߛߋ߫ ߞߎߣߎ߲߬ ߞߐ߬ߓߊ߬ߟߏ߲ ߡߊ߬ ߞߏ߫ ߌߙߊ߲߫ ߣߌ߫ ߊߡߙߌߞߌ߬ ߟߊ߫ ߢߐ߲߯ ߠߊߡߍ߲ ߦߟߌߓߌߟߊߛߓߍ ߓߍ߲߬ߘߐ߫ ߞߎ߲߬ߝߟߐ ߓߍߣߊ߬ ߞߟߊ߬ߣߐ߬ߦߊ߫ ߖ߭ߋߣߍߝ߭ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߣߊ߬ߕߐ ߣߌ߲߬ ߡߊ߬، ߏ߬ ߦߋ߫ ߕߍߓߊ߯ߦߊ ߛߋ߲߬ߕߊ߬ ߓߟߋߓߟߋ߫ ߟߋ߬ ߘߌ߫߸ ߡߍ߲ ߦߋ߫ ߔߊߞߌߛߑߕߊ߲߫ ߠߊ߫ ߞߊߙߏ߫ ߦߙߌߞߊ ߕߍߝߐ߫ ߞߏߢߌߡߊ ߞߐߝߟߌ ߘߌ߫، ߝߊߦߌߘߊ߫߸ ߊ߬ߟߋ ߟߋ߬ ߞߍߕߐ߫ ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߟߊ߫ ߕߍߜߟߍߦߊ߫ ߓߊ߲ߓߊߟߌ ߟߊߟߐ߬ ߟߊ߫ ߣߌ߲߬ ߛߍߣߍ߲߬ ߝߋߝߋ߫.
ߦߋߟߌߦߊߝߘߊ߬ߝߌ߲ ߠߊ߫ ߖߌ߰ߟߌ߬ߓߊ ߣߴߊ߬ ߟߊ߫ ߡߙߌߓߊ ߞߊ߫ ߞߊ߲߫ ߞߊ߬ ߞߍ߫ ߜߍߘߐߞߏ ߘߌ߫ ߡߎ߬ߕߎ߲߬، ߞߊ߬ ߡߙߌ ߓߟߏߞߊ߬ ߞߏ ߟߎ߬ ߞߍߢߊ߫ ߡߊ߬߸ ߡߍ߲ ߕߍߣߊ߬ ߞߍ߫ ߟߊ߫، ߡߊ߬ߞߏ ߓߘߊ߫ ߛߋ߫ ߛߌ߲߬ߝߏ߲߬ߧߊ߬ߟߌ ߡߊ߬߸ ߞߊ߬ ߟߐ߲ߠߌ߲ ߢߌߣߌ߲߫ ߞߵߊ߬ ߟߊߓߊ߯ߙߊ߫߸ ߞߊ߬ ߛߋ߫ ߝߘߊ߬ߝߌ߲߬ߠߊ߫ ߛߋ߲߭ ߓߐ߫ ߟߴߊ߬ ߣߐ߭ ߘߐ߫ ߛߍߣߍ߲߬ ߥߊ߯ߟߌߥߊ߯ߟߌ߫.
ߟߊ߬ߞߟߏ߬ߞߟߏ߬ߟߌߞߊ߬ߙߊ߲߬ ߞߎ߲߬ߝߊ߰ ߞߘߐߓߐߟߌ ߡߍ߲ ߦߴߌߘߐ߫ ߛߋߒߞߏߟߊ߫ ߟߞߊߙߊ߲ߠߌ߲ ߣߌ߫ ߓߊ߯ߙߊ߫ ߡߞߊߙߊ߲ߘߊ ߟߎ߬ ߟߊ߫߸ ߏ߬ ߘߊߡߌ߬ߣߊ߬ ߘߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߲ߞߊ߲߫ ߡߊ߬ߡߙߊ߬ߟߌ ߕߌ߲߬ߞߎߘߎ߲ ߘߐ߫، ߡߊ߬ߡߌ߬ߘߊ߬ߟߌ߬ߟߊ߫ ߃߀߀߀ ߢߐ߲߰ ߠߋ߬ ߕߊ߲ߓߊ߲߫ ߥߐߙߐ߲ߝߌ߬ߟߊ ߞߣߐ߫߸ ߡߍ߲ ߠߎ߬ ߘߐߕߟߊߣߍ߲߫ ߡߙߊ߬ߘߊ߬ߓߊ߫ ߛߓߊ߬ ߕߍ߫߸ ߜߍߦߊ ߞߣߐ߫߸ ߊ߬ ߣߴߊ߬ ߦߌ߬ߘߊ߬ ߦߌ߬ߘߊ߬ ߞߏ߫ ߘߐ߬ߞߏ߬ߦߊ߬ߕߏ߬ߟߌ߬ ߕߴߊ߬ ߘߐ߫ ߞߊ߬ߙߏ߲ ߡߊ߬ߝߊ߲ ߝߍ߬ ߝߋߎ߫.
ߕߋߟߋ߲ߓߊ߯ߦߊSߗߍ߬ ߛߊ߲߬ ߄߉ ߘߏ߫ ߟߋ߬ ߘߋ߲ߣߍ߲ ߠߎ߬ ߟߊߓߌ߬ߟߊ߬ ߟߊ߫ ߛߊߟߌ߫ ߛߎ߯ߙߊ ߟߎ߬ ߟߊ߫ ߕߋ߲ߞߏߘߜ߭ߏ߫ ߕߌ߲ߓߌߘߌ߲ߘߊ ߟߊ߫߸ ߏ߬ ߟߋ ߡߌ߬ߣߊ߬ߞߏ߲߫ ߞߵߊ߬ ߞߕߌ߫߸ ߞߏ߫ ߊ߬ ߓߘߊ߫ ߓߋ߬ ߘߋ߲ߣߍ߲߫ ߛߊ߲߬ ߛߊ߲߬ ߈ ߘߏ߫ ߞߊ߲߬ ߡߌ߬ߛߙߌ ߟߊ߫ ߦߋ߲߬ ߛߋ߲߬ߢߊ߬ ߛߌߦߊߡߊ߲߫، ߊ߬ ߟߊ߫ ߞߕߌ ߓߍߣߊ߬ ߕߍ߰ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬.
ߞߍߞߎߘߊߘߏߣߊߟ ߕߑߙߐ߲ߔ ߞߵߊ߬ ߛߐ߬ߘߐ߲ ߛߊ߲߬ ߈߀ ߢߊ߰ߢߊ߮ ߞߍ߫ ߞߊ߯ߙߌ߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄ߣߌ߲߬ ߡߊ߬ ߓߏ߲ߜߍ ߡߊ߲߬ߛߊ߬ߓߌ߲ ߞߊ߲߬ ߥߙߏ߬ߘߎ߰ ߝߊ߲ ߝߍ߬، ߊ߬ ߞߎߡߊ߫ ߘߊ߫ ߌߙߊ߲߫ ߞߟߍ ߞߏߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߓߍ߲߬ߞߊ߲߫ ߞߎ߲߬ߝߟߐ ߟߎ߬ ߓߘߊ߫ ߝߟߐ߫ ߛߐ߬ߘߐ߲߬ ߠߊ߫߸ ߛߊ߫ ߘߊ߲߬ ߘߌ߫ ߛߌ߰ ߞߍ߬ߟߍ ߟߊ߫.
ߓߘߍ߬ߓߘߍ߬ߟߌߖߊ߲߬ߖߏ߲ ߣߌ߲߬ ߞߍߣߍ߲߫ ߞߟߍ߬ߕߌ߯ ߛߋߞߎߓߊ ߞߏ߬ߣߊ߬ߕߍ߫ ߜߙߊ߬ ߝߏ߮ ߟߋ߬ ߞߣߐ߫ ߛߌ߯ߙߌ߲߫ ߡߙߊ߬ߘߊ߬ߓߊ ߟߊ߫ ߸ ߏ߬ ߡߍ߲ ߞߏߢߊ ߢߍߡߌ߬ߘߊ߬ߣߍ߲ ߕߘߍ߬ ߞߎ߲߬ߠߊ߬ߛߌ߰ߟߊ߫ ߊ߬ߟߌ ߓߊߘߙߊ߫ ߞߐ߲ߘߍ߫ ߓߟߏ߫߸ ߏ߬ ߞߍߣߍ߲߫ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߣߊߟߌ߬ߡߎ߲߫ ߓߙߌ߬ߝߐߝߐ ߟߎ߬ ߟߊ߫ ߟߞߟߍ߬ߕߌ߮ ߌߓߙߊߤߌߡߊ߫ ߞߊߟߌߟ ߞߐ߲ߘߍ߫ ߟߊ߫ ߡߙߌߘߐ ߟߋ߬ ߞߣߐߡߊ߬.
ߦߋߟߌߦߊߝߘߊ߬ߝߌ߲߬ߠߊ߫ ߡߊ߬ߞߏ ߓߘߊ߫ ߛߋ߫ ߞߎߣߎ߲ ߡߊ߬߸ ߞߊ߬ ߛߋ߫ ߛߊߞߍߟߌ ߞߍ߫ ߟߊ߫، ߞߊ߬ ߛߋ߫ ߡߙߌ߫ ߢߊ ߟߎ߬ ߡߊߝߊ߬ߟߋ߲߬ ߠߊ߫، ߞߊ߬ ߛߋ߫ ߞߏ ߟߎ߬ ߓߘߍ߬ ߦߋ ߞߍ߫ ߟߊ߫، ߞߊ߬ ߟߊ߫ ߖߘߍ߬ ߞߏ ߟߎ߬ ߟߊ߫.
ߞߍߞߎߘߊߗߍ߬ ߞߋߟߋ߲ ߡߍ߲ ߛߋߣߍ߲߫ ߞߊ߬ߝߊ߫ ߂߀߀ ߛߓߍ߫ ߟߊ߫ ߛߊ߲߬ ߛߋߦߌ߲߫ ߞߘߐ߫߸ ߣߴߊ߬ ߢߐ߲߰ ߞߟߊ߬ߘߏ߲ߛߏ߫ ߕߍ߫ (ߝߘߊ߬ߝߌ߲߬ߠߊ߫) ߘߐ߬ߝߐ ߞߣߐ߫، ߞߊ߬ߙߊ߲߬ߝߊ߬ ߡߏߙߌ߬ ߖߐ߲߬ߡߊߛߌߣߌ߲ߟߐ߲߫ ߞߡߊ߬ߙߊ߬ ߛߣߌߡߊߕߐ߫ ߖߌ߬ߣߍ߫ ߘߎ߰ߞߟߏ ߞߊ߲߬ ߞߐ߬ߟߏ߲߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߆ ߡߊ߬߸ ߞߊ߲ߞߊ߲߫ ߣߊ߬ߓߊ߰ߦߊ߫ ߘߎ߱ ߞߣߐ߫. ߘߍ߰ߡߎ߲߬ ߓߟߋߓߟߋ߫ ߣߌ߫ ߕߊ߯ߡߊ߫ ߘߌߡߊ߲߫ ߦߴߊ߬ ߞߏ ߘߐ߫߸ ߞߵߊ߬ ߝߊ߬ߛߏ ߡߊߜߍ߲߫.
ߞߍߞߎߘߊߖߌ߬ߣߍ߬ ߤߖߌߘߋ߲ ߠߎ߬ ߟߊ߫ ߕߐ߲߬ߕߐ߲ ߂߁߲ ߕߘߍ߬ ߛߊ߲ߡߊߞߎߟߎ߲ ߡߍ߲ ߞߣߐ߫߸ ߏ߬ ߟߋ ߞߘߊߡߊߣߍ߲߫ ߛߌߟߊ ߡߙߎ߫ ߟߊ߫ ߞߵߊ߬ ߞߎ߲߬ߛߌ߲߫ ߓߡߊ߬ߞߐ߬ ߟߊ߫߸ ߜߊ߬ߛߌ߬ߣߍ߲ ߞߐ߫ ߛߊ߲ߡߊߞߎߟߎ߲ ߣߌߘߐ ߘߏ߫ ߟߊ߫، ߡߊ߬ߘߌ߬ߡߌ߲߬ ߞߏ߫ ߣߌ߫ ߖߎ߫ߡߊ߲߫ ߜߘߍ߫ ߞߏ߬ߣߌ߲߬ ߡߊ߫ ߝߐ߫ ߊ߬ ߞߏ ߘߐ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߋ߬ߟߋ߫ ߃ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߓߊ߰ߓߊ߰ߟߌ߬ߟߊ߫ ߖߘߍ߬ߘߌ߬ߟߊ ߟߎ߬ ߟߊ߫ ߡߊ߬ߞߟߐ ߘߏ߫ ߞߍ߫ ߛߎ߭ ߘߌ߫ ߡߎߢߊ߲߫߸ ߖߍ߬ߣߍ߫ ߕߟߋ߬ߓߋ ߘߐ߫ ߞߎߘߍ߫ ߄߅ ߖߊ߬ߕߋ߬ ߟߊ߫، ߣߊ߲߲߬ߕߌ߮ ߟߎ߫ ߟߋ߬ ߞߵߊ߬ ߟߊ߫ ߞߏ߫ ߟߊߓߊ߲߫ ߞߎߟߎ߲ߞߎߟߎ߲ ߠߊ߫ ߛߎߡߊ߲߫ ߖߐ߲ߖߐ߲ ߘߏ߫ ߘߐ߫.
ߕߟߋ߬ߓߐ ߕߍߡߟߊ ߝߐߢߐ߲߯ߞߐߊߡߙߌߞߌ߬ ߦߴߊ߬ ߞߊ߲߬ ߞߊ߬ ߟߌ ߞߍ߫ ߊ߬ ߖߘߍ߬ ߕߟߏ ߘߐ߫ ߕߎ߬ߡߊ ߡߍ߲ ߠߊ߫ ߞߊ߬ ߓߍ߲߬ ߊ߬ ߣߌ߫ ߌߙߊ߲߫ ߠߊ߫ ߓߍ߲߬ߘߐ߬ ߞߏ ߡߊ߬، ߌߛߌ߬ߙߊ߬ߌߟߊ߫ ߓߘߊ߫ ߥߊ߫ ߖߌ ߟߊߘߏ߲߬ ߊ߬ߟߎ߬ ߟߊ߫ ߗߍ߬ߓߏ߲ ߠߊ߫ ߞߊ߯ߙߌ ߣߍ߲߬ ߡߊ߬߸ ߞߊ߬ ߥߊ߫ ߓߊ߰ ߟߌߓߊ߲߫ ߡߊ߬ ߝߎ߯ߝߊߘߌ߫߸ ߞߊ߬ ߡߐ߰ ߛߊ߬ߓߊ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߓߘߊ߫ ߜߊ߬ ߕߑߙߐ߲ߔ ߟߊ߫ ߞߏߛߓߍ߫߸ ߞߏ߫ ߊ߬ ߞߊ߲߫ ߞߏ߫ ߌߛߌ߬ߙߊ߬ߌߟߊ߫ ߓߘߴߊ߬ߟߎ߬ ߟߊ߫ ߛߋ߲߬ߓߊ߬ ߝߊ߰ ߡߎ߮ ߜߊ߬ߛߌ߬ ߕߎ߫ ߟߊߞߏߟߏ߲ ߠߊ߫، ߌߙߊ߲߫ ߘߏ߲߬ ߝߣߊ߫ ߓߘߊ߫ ߞߎߡߊ߫ ߞߵߊ߬ ߦߌ߬ߘߊ߬ ߞߏ߫ ߊߡߙߌߞߌ߬ ߕߍߣߵߊ߬ ߞߎߡߊ߫ ߞߊ߲ ߡߊߓߏ߲߬ߧߊ߬ ߟߊ߫ ߝߏ߫ ߞߊ߬ ߘߎߢߊ߫ ߓߊ߲߫.
ߓߌ߬ߟߊ߬ߒ߬ߘߐ߬ߖߎ߮ߓߌ߬ ߞߊ߯ߙߌ ߣߌ߲߬ ߡߊ߬߸ ߡߐ߰ ߥߐ߯ߙߐ߫ ߖߊ߬ߕߋ߫ ߟߋ߬ ߓߕߐ߬ߣߴߊ߬ ߣߌ ߘߐ߫ ߓߙߋߖ߭ߌߟ߸ ߛߊ߲ߡߊߞߎߟߎ߲߫ ߝߌ߬ߟߊ ߟߋ߬ ߣߐ߬ ߊ߬ ߛߌ߰ ߟߊ߫ ߢߐ߲߮ ߞߎ߲߬ ߙߌ߬ߦߏ ߘߌ߬ ߖ߭ߊߣߋߦߌߙߏ߫ ߛߊ߲ߡߊ߬߸ ߞߊ߬ ߣߊ߬ ߖߌ߰ ߘߎ߰ߞߎ߬ߟߎ߲߬ ߠߊ߬ߟߐ߬ ߖߛߊ ߘߏ߫ ߞߣߐ߫߸ ߞߊ߬ ߕߊ ߟߊߥߌ߬ߟߌ߫ ߦߋ߲߬߸ ߞߊ߬ ߘߎ߰ߞߎߟߎ߲߫ ߡߎ߬ߥߊ߲߬ ߣߌ߫ ߞߐ߫ ߖߋ߬ߣߌ߲߬، ߛߊ߲ߡߊߞߎߟߎ߲ ߞߣߐ߫ ߡߐ߯ ߛߌ߫ ߡߊ߫ ߓߐ߫ ߊ߬ ߘߐ߫.
ߟߊ߬ߞߟߏ߬ߞߟߏ߬ߟߌߝߘߏ߬ߓߊ߬ ߓߊ߯ߙߊ ߟߞߊ߬ߙߊ߲߬ߠߌ߲ ߛߊߛߋ߫ ߓߊ߯ߙߟߊ߫ ߞߘߐ߫ ߕߊ߬ߓߊߟߌ ߟߎ߬ ߓߘߊ߫ ߞߎߡߊ ߕߊ߬ ߞߊ߯ߙߌ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄، ߞߊ߲ߞߊ߲߫ ߞߣߐ߫ ߏ߬ ߘߐ߫߸ ߊߊ߬ߟߎ߬ ߟߊ߫ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ ߣߌ߫ ߓߋߟߋ߲ߕߌ߯ ߛߙߍߞߍ߫ ߝߊ߬ߛߏ߬ߟߊ߬ߞߊ ߡߎߛߊ߫ ߖߊ߬ߞߌ߬ߕߋ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߜߍ߫ ߘߐ߫ ߡߊߝߟߍߟߌ߫ ߞߏ ߣߌ߲߬ ߛߋ߲߬ߠߊ߬ߞߊߟߌߦߊ߫ ߟߋ߬߸ ߞߵߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߘߐߜߍ߫، ߣߴߏ߬ ߕߍ߫߸ ߞߏ߫ ߊ߬ߟߎ߬ ߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߣߴߊ߬ ߞߏ ߛߋ߲߬ߠߊ߬ߛߎߡߦߊ߫ ߘߊ߫ ߞߊ߬ߣߌ߲߬، ߓߊߏ߬߸ ߓߟߏߞߓߊ ߓߘߊ߫ ߛߋ߫.
ߝߊ߬ߘߌ߬ߡߊ߬ߞߟߏߊ߬ ߝߐߣߍ߲߫ ߕߘߍ߬ ߞߏ߫ ߊ߬ ߞߊ߫ ߞߊ߲߫ ߞߊ߬ ߂߀߂߆ ߖߊ߯ߓߊ߫ ߖߌߟߊߝߍ ߝߎ߬ߟߋ ߝߍ߫، ߓߊ߬ߙߌ߬߸ ߊ߬ ߟߊߕߊ߲߬ߞߌ߲߬ ߘߊ߫ ߡߌߦߊߡߌ߫ ߛߊ߲ߡߊߘߊ߲ ߠߊ߫ ߞߊ߬ߝߏ߫ ߘߍ߬ߣߍ߲ ߓߟߏ߫، ߒ߬ߓߊ߬߸ ߎߡߊߙ ߊߕߊ߲߫ ߛߊ߬ߙߊ ߡߍ߲ ߝߐߣߍ߲߫ ߕߘߍ߬߸ ߣߴߊ߬ ߞߊ߬ ߝߎ߬ߟߋ ߝߍ߫߸ ߝߌߝߊ ߞߊ߲߫ ߞߏ߫ ߊ߬ ߘߴߏ߬ ߘߴߊ߬ ߡߊ߬ ߝߛߊߦߌ߫߸ ߊ߬ ߘߝߊߣߍ߲ ߞߊ߬ߣߌ߲߬. ߊߟߎ߫ ߦߴߊ߬ ߟߐ߲߫߸ ߋߙߐߔߎ߬ ߕߏ߬ߟߊ߲߬ߕߊ߲߬ ߘߍߞߙߎ ߟߎ߬ ߟߊ߫ ߞߋ߬ߟߋ߲߬ߧߊ (UEFA) ߟߋ߬ ߝߟߐ߫ ߛߐ߰ ߘߴߊ߬ ߝߐ ߡߊ߬ ߡߎߣߎ߲߬߸ ߞߏ߫ ߊ߬ ߦߋ߫ ߎ߳ߋߝߊ ߟߊ߫ ߕߏ߬ߟߊ߲ ߝߎ߬ߟߋ ߝߍ߫ ߘߓߊ߬ߓߌߟߊ ߕߟߋ߬ ߁߂ ߣߊ߬ߕߐ ߡߊ߬߸ ߡߍ߲ ߕߊ߲ߕߐ߫ ߛߊߟߖ߭ߑߓߎߙ.
ߦߋߟߌߦߊߣߴߊ߲ ߧߴߊ߬ ߝߍ߬ ߝߘߊ߬ߝߌ߲߬ߠߊ߫ ߦߋ߫ ߥߊ߫ ߢߍ߫: ߏ߬ ߦߋ߫ ߘߊߡߌ߬ߣߊ߬ ߟߴߊ߲ ߠߊ߫ ߟߎ ߟߋ߬ ߞߣߐ߫ ߡߎߣߎ߲߬
ߜߋߙߋ߲ߜߋߙߋ߲ߧߊߞߣߐߡߦߊ ߞߊߙߏ߫ ߉ ߕߎ߬ߜߍ߬ߕߎ߬ߜߍ ߣߴߊ߬ ߘߐߞߏ ߟߎ߬ ߘߐߞߊ߬ߙߊ߲߬ ߘߍ߫߸ ߞߊ߬ߙߊ߲߬ߝߊ ߡߏߙߌ߫ ߖߐ߲߬ߡߊ߬ߛߌߣߌ߲ߟߐ߲߫ ߞߡߊ߬ߙߊ߬ ߟߊ߫ ߞߊ߬ߟߊ ߞߣߐ߫.
ߒߞߏߞߍ߲ߘߍߟߏ߲ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߁߄ ߣߌ߲߬ ߡߊ߬ ߞߐߣߊߞߙߌ߫ ߸ߒߞߏ ߓߟߏߘߐߢߌ߲ ߘߏ߫ ߟߋ߬ ߣߐ߬ ߘߎ߰ߕߍ߬ߟߍ߲߬ ߄ ߢߌ߲߬ ߠߊ߫ ߒߞߏ ߟߊ߫ ߓߊ߲߬ߜ߭ߎ߬ߦߊ߫ ߞߌ߲߬ߘߊ ߟߊ߫.
ߕߟߋ߬ߓߐ ߕߍߡߟߊ ߝߐߢߐ߲߯ߞߐߊߦߌߕߏߟߊ߫ ߛߊ߬ߦߌߘ ߞߊߡߣߋߦߌ߫ ߓߊߘߍ߫ ߟߏ߲ ߣߴߊ߬ ߛߎ߭ ߘߏ߲߬ ߟߏ߲ ߓߘߊ߫ ߟߐ߲߫ ߡߎ߬ߕߎ߲߬، ߊ߬ ߓߊߘߍ ߓߍߣߊ߬ ߞߍ߫ ߕߤߋߙߊ߲߫ ߣߌ߫ ߞߐߡ߸ ߞߣߊ߬ߕߏ߫ ߊ߬ ߛߎ߭ ߘߏ߲߬ ߠߊ߫ ߡߛ߭ߊߘ ߞߊ߬ߙߌ߬ߝߐ ߕߋ߬ߟߋ߫ ߉ ߡߊ߬߸ ߌ߬ߡߊ߬ߡ ߙߋߖ߭ߊ߬ ߞߊߓߙߎߘߊ ߟߊ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߝߛߎߞߎ ߣߌ߫ ߣߊ߲߬ߝߟߏ߬ߦߊ߬ߟߌ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߮߸ ߡߊߙߌߦߊߡ ߛߌߙߋ߬ ߛߌ߬ߟߊ ߣߐ߬ ߘߟߊߦߟߍߟߌ߫ ߟߋ߬ ߞߍ߫ ߟߊ߫ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߃߸ ߣߊߟߌ߬ߡߎ߲߫ ߞߊ߲ߞߊ߲߫ ߞߏ߲߬ߘߏ߬ߓߏ߲ ߞߊ߬ߙߌ߬ߝߊ߬ߘߊ ߟߎ߫ ߖߋ߬ߕߌ߰ߘߊ ߘߌ߫، ߛߌ߲߬ߝߏ߲߬ߘߊ ߞߎߘߊ ߏ߬ ߟߋ ߞߍߕߐ߫ ߞߎ߲߬ߠߊ߬ߛߌ߮ ߟߊ߫ ߣߊ߲߬ߝߟߏ߬ߦߊ߬ߟߌ ߞߏߢߊ ߟߎ߬ ߡߊߘߏ߲߬ ߠߊ߫ ߢߐ߲߮ ߠߊ߫߸ ߞߊ߬ ߓߊ߲߫ ߞߊ߬ ߞߏ ߟߎ߬ ߕߊ߲ߓߊ߲ߦߊߟߌ ߝߊ߲߬ߞߊߘߏ߲߬.
ߞߌ߬ߓߊ߬ߙߏߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߞߍߣߍ߲߫ ߞߊߙߋߝߎߙ ߡߊ߲߬ߘߋ߲߬߸ ߛߌ߯ߙߌ߲ߞߎߘߊ߫ ߁߭ ߞߌ߲߬ߘߊ ߟߊ߫߸ ߞߊ߬ ߡߐ߰ ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߝߌ߬ߟߊ߬ ߡߊߘߌߡߌ߲߫ ߞߏߖߎ߯ߦߊ ߞߍ߫، ߊ߲ ߠߊ߫ ߟߌ߬ߤߟߊ߫ ߞߎ߲߬ߝߟߐ ߟߎ߬ ߘߐ߫߸ ߞߊ߲ߓߋ߲ ߠߋ߬ ߞߊ߬ ߛߌߟߊ ߓߌ߬ߟߊ߫ ߞߊ߬ ߥߴߊ߬ ߛߌ߰ ߞߕߊ߬ߞߕߊ߬ߣߍ߲߬ ߕߌ߮ ߞߎ߲߬߸ ߞߊ߬ ߕߊ߬ߡߌ߲߫ ߏ߬ ߡߊ߬ ߞߵߊ߬ ߛߌ߰ ߡߣߐ߬ߓߏ߲ ߘߏ߫ ߞߎ߲߬.
ߓߘߍ߬ߓߘߍ߬ߟߌߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߓߘߊ߫ ߛߌ߯ߙߌ߲߫ ߡߙߊ߬ߘߊ߬ߓߊ ߞߏߟߊߕߍ߯ ߡߐ߰ ߣߊ߯ߣߌ߲߫ ߠߊߘߎ߲߫ ߊ߬ߟߎ߬ ߟߊ߫ ߓߊ߯ߙߊ ߘߐ߫߸ ߡߙߊ߬ߓߊ߮ ߖߘߍ߬ߓߊ߬ߞߎ߲ ߦߴߏ߬ ߟߋ ߘߐ߫߸ ߛߋߣߌ߬ ߛߌߟߑߝ߭ߍߙ ߞߡߊ߬ߙߊ߬. ߡߙߌߘߐ߫ ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߂ ߟߋ߬ ߡߊ߬ ߞߐߣߊߞߙߌ߫، ߊ߬ߟߋ߬ ߟߊ߬ߘߎ߲߬ߓߊ߰ߕߐ ߟߎ߬ ߟߊ߫ ߗߋߘߊ ߞߊ߬ߙߌ߬ߝߊ߬ ߘߊ߫ ߡߐ߰ ߜߘߍ߫ ߟߎ߫ ߟߋ߬ ߟߊ߫ ߡߎߣߎ߲߬ ߘߍ߲߬ߞߍ߬ߕߎ߲߬ ߓߟߏ ߡߊ߬.
ߕߟߋ߬ߓߐ ߕߍߡߟߊ ߝߐߢߐ߲߯ߞߐߣߌ߫ ߞߏ ߟߎ߬ ߥߊ߫ ߘߴߊ߬ ߢߊ ߡߊ߬߸ ߕߤߋߙߊ߲߫ ߣߌ߫ ߣߌ߫ ߥߊ߲ߛ߭ߌ߲ߕߐ߲߫ ߘߌ߫ ߛߋ߫ ߓߍ߲߬ ߠߊ߫ ߞߋߟߋ߲߫ ߘߐ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫، ߞߟߊ߬ߣߐ߬ߦߊ߬ߟߌ ߏ߬ ߟߋ ߞߍߕߐ߫ ߕߙߎ߬ ߘߌ߫߸ ߞߊ߬ ߕߟߋ߬ ߆߀ ߘߊߘߐߖߊߥߏ ߛߌߟߊ ߟߊߞߊ߬߸ ߛߴߊ߬ߟߎ߬ ߘߌ߫ ߞߎߡߊ߫ ߞߊ߬ ߓߍ߲߬ ߌߙߊ߲߫ ߓߟߏߓߐ߫ ߞߏ ߡߊ߬ ߡߎ߯ߖߎ߮ ߘߐ߫߸ ߊ߬ ߣߌ߫ ߓߌ߲߬ߓߊߥߏ ߟߊߥߌ߬ߟߌ ߌߙߊ߲߫ ߞߊ߲߬߸ ߊ߬ ߣߴߌߙߊ߲߫ ߝߣߊ߫ ߞߍ ߞߵߊ߬ ߓߟߏߓߐ߫ ߐߙߑߡߎߖ߭ ߖߌߓߐߟߐ߲ ߞߊ߲ ߘߐ߫.
ߒߞߏߜߍߟߊߜߍ ߦߋ߫ ߥߊߘߌ ߓߐߛߎ߲ ߘߏ߲߭ ߠߋ߬ ߘߌ߫߸ ߞߊ߬ ߥߊߘߌ߫ ߛߐ߬ߘߐ߲߬ ߢߊ߬ ߖߎ߮ ߥߟߊ߫ ߛߐ߬ߘߐ߲߬ ߢߊ߬ ߣߐ߯ߣߍ߲ ߛߐ߬ߘߐ߲߬ ߢߊ ߘߏ߲߰ ߗߙߎ߫߸ ߞߵߊ߬ ߞߍ߫ ߡߐ߱ ߟߎ߬ ߢߣߊ߫ ߛߊߣߌ߲ߡߊ߲، ߏ߬ ߟߋ ߜߍߓߟߎ߫ ߟߊߜߍ ߘߌ߫ (ߜߍߟߊߜߍ)، ߒ ߞߊ߬ ߞߎߡߊߘߋ߲ ߣߌ߲߬ ߦߋ߫ ߡߊ߲߬ߘߋ߲߬ߞߊ ߟߊ߫ ߞߊ߬ߝߊ ߟߋ߬ ߞߣߐ߫߸ ߊ߬ ߞߏ߬ߣߌ߲ ߞߵߊ߬ ߝߊ߬ߛߊߙߌ߫ ߢߊ ߡߍ߲ ߦߋ߲߬߸ ߒ ߡߴߏ߬ ߟߐ߲߫ ߕߋ߲߬، ߒ ߖߊ߲߬ ߦߋ߫ ߞߎߡߊߘߋ߲ ߠߋ߬ ߘߐߙߐ߲߫ ߞߐ߫.
ߦߋߟߌߦߊߞߊ߬ ߟߊ߬ߘߍ߲߰ߠߌ߲ ߞߍ߫ ߦߋ߲߬ ߕߋ߲߬ ߣߌ߫ ߖߊ߬ߕߋ߬ߡߌߣߊ߫ ߕߍ߫߸ ߏ߬ ߦߋ߫ ߥߙߎߞߌ ߛߋ߲߬ߠߊߛߘߌ߬ ߟߊ߫ ߟߋ߬، ߝߘߊ߬ߝߌ߲߬ߠߊ߫ ߞߊ߫ ߞߊ߲߫ ߞߊ߬ ߞߏ ߟߎ߬ ߓߍ߲߬ ߊ߬ ߖߍ߬ߘߍ ߟߌ߬ߤߟߊ ߟߋ߬ ߡߊ߬߸ ߞߊ߬ ߛߋ߫ ߟߊ߬ߘߊ߲߬ߠߌ߲ ߠߎ߬ ߞߍ߫ ߟߊ߫߸ ߞߊ߬ ߓߊ߯ߙߊ߫ ߞߊ߬ ߓߍ߲߬ ߜߙߋ ߣߌ߫ ߡߌ߬ߙߌ߲߬ߘߌ ߛߌ߰ߝߊߘߌ ߟߋ߬ ߡߊ߬.
ߓߘߍ߬ߓߘߍ߬ߟߌSߖߌ߬ߣߍ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ߫ ߘߊ߲ߜ߭ߏߕߋ߫ ߟߋ߬ ߟߊߞߢߐ߬ߡߊ߬ ߟߊ߫ ߞߎߓߋ߫ ߡߊ߬ߤߊ߬ߡߍ߬ߘ ߅߲ ߠߊ߫߸ ߞߵߊ߬ߟߎ߬ ߟߊ߫ ߘߊߘߐߖߊߥߏ ߕߐ߭ ߘߊߓߊ߲߫ ߖߌߛߎ߲ߞߋߡߎ߲ ߣߌ߫ ߛߍ߬ߣߍ ߣߌ߫ ߜߟߐߡߌ߲ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫. ߛߊ߫ ߖߌ߬ߣߍ߫ ߘߎ߰ߘߐ߬ߝߋ߲ ߠߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߐ߫ ߞߊ߬ ߥߴߊ߬ ߘߌ߫ ߝߊ߲߬ ߜߘߍ߫.
ߒߞߏߝߊ߬ߙߊ߲߬ߛߌ߫ ߞߊ߲ ߝߙߍߙ߸ ߣߴߏ߬ ߞߘߐߢߐ߲߮ ߦߋ߫ ߓߊߘߋ߲ ߥߟߊ߫ ߓߊߘߋ߲ߡߊ ߘߌ߫ ߒߞߏ ߘߐ߫߸ ߏ߬ ߞߘߐߟߐ߲ߘߐߦߊ ߓߐߣߍ߲߫ ߡߎ߲߬ ߘߐ߫ ߝߊ߬ߙߊ߲߬ߛߌ߫ ߞߊ߲ ߓߐߛߎ߲ ߘߐ߫؟ ߊߟߎ߫ ߦߋ߫ ߎߛߑߡߊߣߌ߲߬ ߓߎ߬ߣߊߝߎ߬ ߒߞߏ ߞߊ߬ߓߊ ߟߊ߫ ߘߐ߬ߞߣߍ߬ߟߌ ߘߐߞߊ߬ߙߊ߲߬ ߘߍ߫
ߜߘߍ ߟߎ߬ߟߓߌ߫ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߴߊ߬ߟߎ߬ ߓߟߏ ߟߊ߫ ߞߊ߲ߡߋߙߋ߲ ߘߏ߫ ߕߎߣߎ߲߫ ߞߏ ߞߌ߬ߛߍ ߘߐ߫߸ ߡߍ߲ ߕߎߣߎ߲߫ ߘߊ߫ ߞߊ߬ߦߌ߯ ߂߀߁߇ ߟߊ߫ ߓߊߕߕߊ߫ ߕߌ߲߬ߞߎߘߎ߲ ߘߐ߫߸ ߊ߬ߟߑߛߊߤߍߟ ߡߊ߬ߙߊ ߘߐ߫، ߊ߬ ߞߟߏ߫ ߓߘߎߓߘߎ ߟߎ߫ ߟߋ߬ ߦߋߣߍ߲߫ ߊ߬ ߞߐߙߍ ߟߊ߫ ߛߌ߬ߛߍ߬ߡߙߊ߬ ߦߙߐ߬ ߟߊߓߌ߬ߟߊ߬ߣߍ߲ ߘߏ߫ ߘߐ߫.
ߛߋߒߞߏߟߊߘߐߦߊߘߎߢߊ߫ ߡߎ߰ߡߍ ߓߌ߬ߟߊ߬ ߘߊ߫ ߝߍߛߑߓߎߞ ߡߊߛߐ߬ߘߐ߲ ߜߟߍ߬ߦߊ ߘߐ߫ ߕߎ߬ߡߊ߬ߙߋ߲߬ ߞߋߟߋ߲߫ ߖߊ߬ߕߋ߬ ߞߘߐ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߂، ߊ߬ ߞߋߟߋ߲߫ ߘߏ߲߬ ߕߎ߲߬ ߕߍ߫ ߘߋ߬߸ ߡߋߛߊ߲ߖ߭ߍߙ ߓߊ߬߸ ߍ߲ߛߑߕߊߜߵߙߊߡ ߓߊ߬߸ ߊ߬ ߓߍ߯ ߟߋ߬ ߕߘߍ߬.
ߓߘߍ߬ߓߘߍ߬ߟߌSߊ߬ ߞߍ߫ ߘߊ߫ ߥߊ߬ߛߌ߬ߥߙߊ ߕߟߋ߬ ߁߂ ߘߏ߫ ߟߋ߬ ߡߊ߬߸ ߁߉߆߄ ߠߊ߫، ߙߌߝ߭ߏߣߌߦߊ߫ ߡߌ߬ߣߊ߬ߓߊ߰ߕߐ ߟߎ߬ ߞߕߌ ߛߋ߲߭ߝߍ߬، ߞߊ߬ߕߎ߲߯߸ ߁߉߆߂ ߘߓߊ߬ߓߌߟߊ ߕߟߋ߬ ߅ ߟߋ߬ ߡߊ߬߸ ߣߍߟߑߛߐ߲߫ ߡߊ߲ߘߋߟߊ߫ ߕߍ߯ߕߊ߬ ߘߊ߫߸ ߞߏ߫ ߊ߬ ߓߘߊ߫ ߝߎ߬ߙߎ߲߬ߞߎ߬ߟߌ ߘߏ߲߬ ߛߌ߲߬ߝߏ߲߬ߧߊ߫ ߁߉߆߁ ߠߊ߫߸ ߊ߬ ߣߴߊ߬ ߓߘߊ߫ ߓߐ߫ ߖߡߊ߬ߣߊ ߞߐߞߊ߲߬ ߘߏ߲߰ߠߌ߲߬ ߓߟߏ ߡߊ߬، ߊ߬ߟߎ߫ ߞߵߊ߬ ߖߊ߲ߞߌ߲߫ ߛߊ߲߭ ߏ߬ ߟߊ߫߸ ߞߊ߬ ߛߊ߲߬ ߟߏ߯ߟߎ߫ ߥߛߎߖߌ߲߫ ߓߊߟߊ߲ߣߍ߲ ߟߴߊ߬ ߞߎ߲߬ ߞߏ߲ߓߌߕߌ߮ ߕߋ߬ߟߋ߫ ߂߅ ߡߊ߬،
ߕߋߟߋ߲ߓߊ߯ߦߊߗߍ߬ ߛߊ߲߬ ߓߌߣߊ߯ߣߌ߲ ߘߏ߫ ߟߋ߬ ߟߊ߫ ߞߕߌ ߕߎ߲߬ ߦߴߌߘߐ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߣߌ߲߬ ߡߊ߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ ߟߎ߬ ߟߊ߫ ߓߏ߲ߘߋ߲ ߖߏߣߡߊߞߕߌߘߓߊ ߟߊ߫، ߊ߬ߟߋ ߡߊߝߌ߲߬ߣߍ߲߫ ߞߏ߫ ߊ߬ ߣߐ߬ ߓߌ߲ߝߊ߯ߟߊ߲ ߠߋ߬ ߞߍ߫ ߟߴߊ߬ߟߎ߬ ߟߊ߫ ߖߌ߲ߘߊ߯ߓߊ ߘߐ߫߸ ߛߴߊ߬ ߘߴߊ߬ ߝߊ߬ ߝߊ߰ ߢߊ ߡߍ߲ ߡߊ߬߸ ߊ߬ ߖߍ߬ߘߍ ߛߐ߬ߘߐ߲߬ ߝߊ ߞߊ߬ߣߌ߲߬.
ߝߊ߬ߘߌ߬ߡߊ߬ߞߟߏߌߙߊ߲߫ ߓߘߊ߫ ߝߌߝߊ ߟߊߛߏ߬ߓߌ߬߸ ߞߏ߫ ߊ߬ߟߎ߬ ߘߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߠߊ ߟߊߟߐ߬ ߞߏ ߟߊߢߌߣߌ߲߫ ߂߀߂߆ ߖߊ߯ߓߊ߫ ߖߌߟߊߝߍ ߣߌ߲߬ ߘߐ߫ ߝߛߊߦߌ߫، ߣߴߊ߬ ߓߍ߲߬ ߘߴߊ߬ߟߎ߬ ߡߊߓߎ߬ߙߎ߲߬ߕߌ ߡߊ߬ ߓߘߍ߬ߓߘߍ߬ߟߌ ߘߊߞߘߐߓߐߟߌ߫ ߞߎߡߊ ߘߏ߫ ߟߊ߫߸ ߥߟߴߊ߬ߟߎ߬ ߦߋ߫ ߖߏ߲߬ߖߏ߲߬ ߦߋ߫ ߓߊ߲ߓߋ ߞߣߐ߫ ߞߏ߫ ߌߙߊ߲߫ ߖߏ߲߬ߖߏ߲߸ ߞߵߊ߬ ߕߘߍ߬ ߏ߬ ߟߊߕߐ߲ߣߍ߲߫ ߠߋ߬ ߊ߬ߟߎ߬ ߓߟߏ߫.
ߦߋߟߌߦߊߝߘߊ߬ߝߌ߲߬ ߞߊ߲ ߠߎ߬ ߕߍ߫ ߞߐ ߘߐ߫ ߝߋߎ߫، ߓߊ߬ߙߌ߬ ߝߘߊ߬ߝߌ߲ ߠߎ߬ ߟߋ߬ ߝߎ߬ߥߊ߬ߙߋ߫ ߊ߬ߟߎ߫ ߖߘߍ߬ ߞߏ ߞߘߐ߫، ߏ߬ ߘߏ߲߬ ߕߎ߬ߙߎ ߞߍߣߍ߲߫ ߞߊ߲ ߡߊ߲߬ߕߊߣߌ߲ ߣߴߊ߬ ߡߊ߬ߛߎߓߊ ߟߋ߬ ߘߌ߫، ߓߊߏ߬߸ ߕߌߢߍߟߌ߫ ߡߊ߫ ߞߍ߫ ߝߘߊ߬ߝߌ߲ ߠߴߊ߬ ߞߏߟߊߘߍߢߐ߲߮ ߠߎ߬ ߓߟߏ߫߸ ߡߍ߲ ߛߋߣߍ߲߫ ߞߊ߲߫ ߞߏ ߘߐ߫، ߞߊ߬ߕߎ߲߯߸ ߏ߬ ߘߐߝߌ߲߬ ߘߊ߫ ߝߘߊ߬ߝߌ߲ ߡߊ߬ ߟߋ߬ ߡߌߡߐ߫، ߞߵߊ߬ ߛߐ߬ߘߐ߲߬߸ ߞߊ߲ ߏ߬ ߟߋ ߊ߲ ߟߊ߲߬ߓߋ ߘߌ߫߸ ߊ߲ ߧߴߊ߬ ߡߙߌ߫ ߟߴߊ߬ߟߋ ߟߋ߬ ߘߐ߫، ߊ߬ߟߋ ߟߋ߬ ߞߊ߫ ߞߊ߲߫ ߞߊ߬ ߟߊߘߊ߬ߙߏ߬ ߊ߲ ߓߟߏ߫߸ ߞߵߊ߬ ߝߐ߫ ߦߙߐ ߓߍ߯ ߘߐ߫߸ ߊ߲ ߠߊ߫ ߢߣߊߡߦߊ ߣߴߊ߬ ߞߍߒߘߌߦߊ ߘߍ߲ߣߍ߲߫ ߞߊ߲ ߠߋ߬ ߟߊ߫.
ߡߍ߲ߠߌ߲ߝߢߐߞߏߙߏ߲ ߠߋ߬ ߕߍ߰ߣߍ߲߫ ߞߎ߬ߟߌ߬ߓߊ߬ߟߌ߬ߘߎ߯ ߖߟߊߞߘߐ߫߸ ߊ߬ߟߋ ߦߋ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߡߙߊ߬ߘߊ߬ߙߋ߲ ߘߏ߫ ߟߋ߬ ߘߌ߫، ߓߌ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߁ ߠߋ߬ ߡߊ߬߸ ߛߊ߲߫ ߝߢߐ ߟߋ߬ ߥߟߌ߬ ߘߊ߫ ߞߊ߬ ߡߐ߱ ߟߎ߬ ߕߏ߫ ߛߊ߲ߠߊߕߍ߮ ߟߊ߫ ߜߊ߮ ߞߘߐ߫، ߝߢߐ߫ ߥߎ߬ߣߊ߲߬ߞߏߙߏ߲ ߞߵߊ߬ ߘߊߡߌ߬ߣߊ߬߸ ߝߏ߫ ߞߊ߬ߓߊ߲ߓߋ ߝߟߊߝߟߊ ߟߊߥߌ߬ߟߌ߫ ߊ߬ ߞߎ߲߬ߠߊ߫، ߞߊ߬߬ߕߎ߲߯߸ ߛߊ߲ߖߌ߫ ߥߎ߬ߣߊ߲߬ߞߏߙߏ߲ ߠߋ߬ ߕߍ߬ߘߍ߫ ߣߊ߭ ߞߊ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߘߊ߫ ߢߎߡߍ߫ ߡߟߊߡߟߊ߫ ߛߏ߲ߧߊ߫ ߞߏ ߞߕߌߕߍ߰، ߊ߬ ߝߐߣߍ߲߫ ߞߏ ߢߎߡߍ ߡߍ߲ ߞߊ߫ ߞߊ߲߫ ߞߊ߬ ߛߏ ߟߊߡߍߣߍ߲߫߸ ߏ߬ ߡߟߊߡߟߊ ߟߋ߬ ߕߍ߬ߘߍ߫ ߛߏ߲߬ߧߊ߬ ߟߊ߫، ߕߍ߮ ߞߍ߫ ߘߊ߫ ߊߓߎߓߞߊߙ ߞߡߊ߬ߙߊ߬ ߣߌ߫ ߢߍߓߊ߯ ߟߊ߱ߖߌ߬ ߡߊ߬ߡߘߎ ߞߐ߲ߘߍ߫ ߘߐ߫ ߏ߬ ߟߋ ߞߊߡߊ߲ ߞߣߐ߫، ߒ߬ߓߊ߬߸ ߊߓߎߓߞߊߙ ߞߡߊ߬ߙߊ߫ ߖߊ߲߬ߞߌ߲߬ ߘߊ߫ ߞߊߙߏ߫ ߁߈ ߥߛߎ ߟߊ߫߸ ߊ߬ ߣߌ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߞߋߟߋ߲߫ ߛߊ߬ߙߊ ߟߊ߫ ߛߏ߲߬ߧߊ߬ߟߌ߬ߓߊ ߞߏߛߐ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߜߘߍ ߟߎ߬ߣߌ߲߬ ߞߍߣߍ߲߫ ߖߡߊߖߍߣ ߛߌߞߊߔ ߒߓߊߥߎ߬ ߟߋ߬߸ ߗߍ߭ ߘߏ߫ ߟߋ߬ ߣߐ߬ ߊ߬ ߖߘߍ߬ ߦߋ߫ ߖߌ߰ߕߍ߰ߞߏ߬ߓߊ߫ ߕߍߡߊ߬، ߊ߬ ߣߐ߬ ߊ߬ ߟߊ߫ ߜߋߟߋ߲ߜߋߟߋ߲ ߠߋ߬ ߘߌ߫ ߟߴߊ߬ ߟߊ߫ ߓߏ߲߫ ߛߎߝߙߎߟߊ ߘߏ߫ ߡߊ߬߸ ߞߏ߫ ߞߊ߬ ߟߥߊߟߌߟߊ߲ ߘߏ߫ ߡߊߞߍ߫ ߊ߬ ߞߎ߲߬، ߏ߬ ߝߣߊ߫ ߞߵߏ߬ ߟߋ ߓߍ߲߬ߒ߬ߛߋ߲߬ߡߊ ߕߣߐ߬ߓߐ߫߸ ߞߵߊ߬ ߟߊ߫ ߛߎ߬ߕߙߊ߬ ߖߌߦߊߖߟߎ ߓߍ߯ ߟߊߘߏ߲߬ ߊ߬ ߞߎ߲߬߸ ߞߵߏ߬ ߞߍ߫ ߞߐ߲߬ߞߐ߲߬ߒ߬ߡߊ߬ߟߌ߬ ߝߋ߲ ߘߌ߫ ߛߍߣߍ߲߬، ߖߊ߲߬ߝߊ߬ ߖߎ߮ ߏ߬ ߘߏ߲߬ ߥߟߏߣߴߊ߬ ߞߍߓߊ߮ ߟߋ߬ ߞߊ߲߬ ߞߟߋ߫߸ ߝߏ߫ ߊ߬ ߓߘߊ߫ ߡߌ߬ߣߊ߬ ߞߵߊ߬ ߟߊߘߏ߲߬ ߥߛߎ ߟߊ߫߸ ߞߕߌ߫ ߡߊߞߐߣߐ߲߫ ߥߛߎ.
ߦߋߟߌߦߊߝߘߊ߬ߝߌ߲߬ߠߊ߬ ߞߊ߫ ߞߊ߲߫ ߞߵߊ߬ ߟߊ߫ ߞߘߐ߬ߡߊ߲ ߠߎ߬ ߟߐ߲߫، ߘߋ߲ߣߍ߲ ߡߍ߲ ߡߴߊ߬ ߝߊ߬ ߘߎ߮ ߢߊ߬ߕߣߐ ߟߐ߲߫߸ ߏ߬ ߛߌߞߊ߫ ߘߌߡߊ߲߫ ߊ߬ ߖߍ߬ߘߍ ߟߋ߬ ߡߊ߬ ߡߎߣߎ߲߬߸ ߞߎߡߊߕߍ߫ ߝߊ߬ߛߏ ߞߏ߫ ߜߘߍ߫ ߡߊ߬.
ߒߞߏߞߍ߲ߘߍߟߏ߲ ߂߀߂߆ ߘߓߊ߬ߕߊ ߕߋ߬ߟߋ߫ ߂߉ ߡߊ߬߸ ߖߌ߬ߓߙߌ߬ߟߊ߲߬ ߞߐ߲ߘߍ߫ ߡߊ߲߬ߘߋ߲߫ ߡߟߍ߬ߞߊ ߞߊ߬ ߓߐߒߝߘߎߘߐ߫ ߓߟߋߓߟߋ߫ ߞߍ߫ ߊ߬ߟߎ߬ ߟߊ߫ ߛߏ ߦߋ߫߸ ߓߊ߯ߙߏ߫، ߓߊ߯ߙߏ߫ ߣߌ߲߬ ߦߋ߫ ߡߙߊ߬ߘߊ߬ߙߋ߲ ߠߋ߬ ߘߌ߫ ߞߙߎ߬ߛߊ߫ ߡߙߊ߬ߘߊ߬ߓߊ ߘߐ߫، ߊ߬ ߣߐ߬ ߝߟߊ ߟߋ߬ ߕߘߎ߫ ߟߊ߫ ߛߏ ߘߏ߲߬ߘߊ ߟߊ߫߸ ߡߍ߲ ߡߎ߰ߡߍ ߞߍߣߍ߲߫ ߒߞߏ ߛߓߍߟߌ ߘߍ߫߸ ߞߊ߬ ߡߊ߲߬ߘߋ߲߫ ߡߐ߬ߟߐ߲ ߟߊ߫ ߞߣߍ ߞߊ߲߬߸ ߊ߬ ߣߌ߫ ߒߞߏ ߛߊ߲ߞߘߐߕߊ߬.
ߓߊ߲ߓߋߟߊ߲߱ߛߌ߬ߣߍ߬ ߝߏߝߣߊ߫ ߦߋ߫ ߒߞߏ ߞߊߙߊ߲ߡߐ߮ ߟߋ߬ ߘߌ߫߸ ߡߍ߲ ߦߋ߫ ߒߞߏ ߞߐߡߊߓߌ߲ߓߌ߲ ߓߊ߯ߙߊ߫ ߛߌߦߊߡߊ߲߫ ߞߍ߫ ߟߊ߫، ߏ߬ ߟߋ ߣߐ߬ ߊ߬ ߦߌ߬ߘߊ߬ ߟߊ߬߸ ߞߏ߫ "ߞߏ߲߬ߞߏ߬ߝߍ߬ ߞߊ߲ߓߏߟߏ߲" ߠߎ߬ ߟߋ߬ ߢߐ߲߰ ߕߍ߫ ߞߎߡߊߘߋ߲߫ ߞߘߐ ߟߘߊߙߏ ߘߐ߫ ߡߊ߲߬ߘߋ߲߬ ߞߣߐ߫ ߕߋ߲߬.
ߘߍ߭ߊ߬ߟߌ ߖߊߥߙߊ߫ ߦߋ߫ ߞߊ߲ߡߋߙߋ߲߫ ߛߊ߲߭ ߂߉ ߟߋ߬ ߘߌ߫߸ ߡߍ߲ ߦߋ߫ ߛߣߍ߬ߞߍ߬ߟߊ߫ ߘߌ߫ ߓߟߊߕߏ߫، ߊ߬ ߕߘߍ߬ ߛߊߣߌ߲߫ ߢߌߣߌ߲ ߠߋ߬ ߟߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߓߎ߬ߙߋ߫ ߝߊ߬ߕߐ߬ߦߊ߫߸ ߊ߬ ߛߎ߭ ߟߋ߬ ߦߋߣߍ߲߫ ߛߊߣߌ߲߫ ߓߊ߯ߙߊ ߦߌߟߊ ߘߏ߫ ߘߐ߫߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫.
ߓߘߍ߬ߓߘߍ߬ߟߌߞߊ߲ߕߌ߮ ߟߊ߫ ߟߊ߬ߕߍ߰ߦߊ ߡߍ߲ ߘߐߞߊ߬ߙߊ߲߬ ߘߊ߫ ߝߊ߬ߛߏߏ ߖߌ߬ߦߊ߬ߞߊ߲߬ߛߏ߬ߓߊ ߟߊ߫ ߞߐ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߉ ߡߊ߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߘߐ߬ߦߟߍ߬ߡߊ߲߬ߠߌ߲ ߠߋ߬ ߞߍ߫ ߖߌ߬ߣߍ߫ ߖߌߞߏ ߞߏߟߊߘߍ ߟߊ߫ (ߛߍߜ߭).
ߦߋߟߌߦߊߝߘߊ߬ߝߌ߲߬ߠߊ߬ ߟߊ߫ ߥߙߎߞߌ ߦߋ߫ ߘߊߡߌ߬ߣߊ߬ ߟߊ߫ ߖߘߍ߬ߟߐ߲ ߠߋ߬ ߡߊ߬، ߊ߲ ߝߊ߬ߛߏ߬ ߞߊ߲ ߠߎ߬߸ ߊ߲ ߠߊ߫ ߟߐ߲ߠߌ߲ߦߊ ߟߎ߬ ߣߴߊ߲ ߠߊ߫ ߘߐ߬ߝߐ ߟߎ߫ ߟߋ߬ ߊ߲ ߝߊ߲߬ߞߊ ߘߌ߫߸ ߜߟߍ߬ߦߊ߬ ߕߴߏ߬ ߘߌ߫ ߘߋ߬.
ߦߋߟߌߦߊߖߍ߬ߣߍ߫ ߡߊ߬ߙߌ߬ߣߊ߬ ߦߋ߫ ߕߌ߲ߘߌߥߎߟߌ߲߫ ߡߙߊ߬ߘߊ߬ߙߋ߲ ߠߋ߬ ߘߐ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫ ߞߎߘߍ߫ ߓߌߛߊ߬ߓߊ߫ ߖߊ߬ߕߋ߬ ߟߊ߫، ߖߌ߫ ߞߏ ߟߋ߬ ߜߍ߬ߟߍ߲߬ߡߊ߲߫ ߊ߬ߟߎ ߝߍ߬ ߦߋ߲߬ ߞߏߛߓߍ߫.
ߘߍ߭ߛߊߣߌ߲߫ ߢߌߣߌ߲߫ ߕߙߏߞߏ߫ ߔߏߞߑߟߍ߲߫ ߠߊߓߊ߯ߙߊ߫ ߢߊ߫ ߖߎ߮ ߡߍ߲ ߦߴߌߘߐ߫ ߛߌ߯ߙߌ߲߫ ߞߣߐ߫߸ ߖߊ߰ߘߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏ ߘߐ߫، ߞߊ߬ߕߎ߲߯߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߘߏ߲߬ߞߏ ߘߏ߫ ߟߎ߫ ߟߋ߬ ߣߊ߬ߣߍ߲߫ ߛߌ߯ߙߌ߲߫ ߞߣߐ߫߸ ߞߊ߬ ߣߊ߬ ߡߐ߰ ߛߌߦߊߡߊ߲߫߸ ߊ߬ ߣߌ߫ ߛߏ ߝߊ߰ߡߊ ߘߏ߫ ߟߎ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߡߍ߲ ߠߎ߬ ߡߊ߬، ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߝߊ߰ߡߊ߬ ߞߎ߲ߘߊ߫ ߡߎߣߎ߲߬߸ ߞߵߊ߬ ߞߏ ߟߤߊߕߍߦߊ߫ ߓߘߍߞߍ߭.
ߘߍ߭ߦߋߒߓߋߟ ߘߎ߱ ߞߣߐ߫ ߸ ߘߋ߲ߓߦߊ ߕߌ߮ ߘߏ߫ ߟߋ߬ ߟߊߟߐ߬ߣߍ߲ ߞߕߌߓߏ߲ ߢߊߞߘߐ ߞߐ߬ߓߊ߬ߟߏ߲ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߈ ߣߌ߲߬ ߡߊ߬. ߞߏ ߢߊߢߌߣߌ߲ߠߊ ߟߎ߬ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߦߋ߫ ߟߴߏ߬ ߟߎߕߌ߮ ߘߏ߫ ߟߊ߫ ߜߋߟߋ߲ߜߋߟߋ߲߫ ߞߣߐ߫ ߞߵߏ߬ ߟߊ߫ ߖߌ߬ߦߊ߬ߓߍ ߟߎ߬ ߞߊ߲߬ ߸ߏ߬ ߟߎ߬ ߡߍ߲ ߕߍ߬ߘߍ߫ ߊ߬ ߖߘߍ߬ߞߊߣߌ߲ ߛߐ߬ߘߐ߲߬ ߘߋ߲ ߡߛߏ߬ߡߊ߲߬ߣߍ߲ ߛߊ߲߬ ߁߄ ߘߌ߫ ߸ ߊ߬ ߡߊߝߌ߲߬ߣߍ߲ ߗߍ߬ߣߌ߬ߡߛߏ߬ߦߊ߬ ߖߌߦߊߖߟߎ ߣߌ߫ ߖߌ߬ߦߊ߬ߓߍ ߟߎ߫ ߟߋ߬ ߞߏߛߐ߲߬ ߞߵߊ߬ ߟߐ߬ ߘߋ߲߫ ߡߛߏ߬ߡߊ߲߬ߣߍ߲ ߡߊ߬.
ߘߍ߭ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߭ ߂ ߘߏ߫ ߟߋ߬ ߕߎߣߎ߲ߣߍ߲߫ ߞߊ߯ߙߌߟߏ߲߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߊߡߌߣߊ߫ ߞߎ߲߬ߘߊ ߃߲ ߞߣߐ߫߸ ߛߌ߯ߙߌߣߌ߲߫ ߡߙߊ߬ߘߊ߬ߙߋ߲ ߘߐ߫، ߒ߬ߓߊ߬߸ ߘߋ߲ߣߍ߲ ߏ߬ ߛߎ߭ ߟߋ߬ ߦߋߣߍ߲߫ ߊ߬ ߕߎߣߎ߲߫ ߟߏ߲ ߘߎ߰ߛߊ߬ߜߍ ߡߊ߬ ߘߊ߬ߡߊ߲߬ ߞߏߙߏ߲ ߘߏ߫ ߞߣߐ߫، ߊ߬ ߞߏ߬ߣߌ߲ ߦߋ߫ ߘߊ߫ ߞߏ߫ ߛߦߊ߬ ߛߎ߲ߞߎ߲ߡߊ ߟߋ߬.
ߡߊ߲߬ߕߏ߲߬ߕߍ߬ߟߊ߬ߞߊߌߙߊ߲߫ ߓߘߊ߫ ߊߡߙߌߞߌ߬ ߟߊ߫ ߞߟߍ߬ߞߍ߬ ߣߊ߯ߣߊ߯ ߡߊߟߐ߲ߣߍ߲ߓߊ ߘߏ߫ ߘߐߝߏߘߏ߲߫ ߣߴߊ߬ ߦߋ߫ ߊߔߊߛ ߘߌ߫߸ ߐߙߡߎ߳ߖ߭ ߖߌߓߐߟߐ߲ ߘߌ߲߬ߞߌߙߊ ߘߐ߫
ߘߍ߭ߖߌߥߎ߫ ߞߏ ߓߘߊ߫ ߞߍ߫ ߥߙߊ߬ߒ߬ߘߊ߬ߡߊ ߘߌ߫ ߖߌ߬ߣߍ߬ ߞߣߐ߫߸ ߘߊߓߏߟߊ߫ ߖߌߥߎ߫ ߛߐ߲ߞߐ ߥߊߣߍ߲߫ ߠߋ߬ ߕߋ߲߬ ߝߊ߯ ߖߕ ߂߀ ߀߀߀ ߤߊ߲߯ ߆߀ ߀߀߀
ߘߍ߭À Matoto, l’adjudant-chef Adama Koulibaly a sauvé une famille menacée par un incendie d’origine électrique. En tenue civile, le militaire a coupé le circuit et ouvert l’accès à une pièce en feu, évitant un drame.
ߘߍ߭ߖߍ߬ߣߍ߫ ߡߊ߬ߙߋ߬ߣߊ߬ ߦߋ߫ ߕߌ߲ߘߌߥߎߟߋ߲߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߟߋ߬ ߘߌ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫، ߖߌ߫ ߞߏ ߟߋ߬ ߜߍ߬ߟߍ߲߬ߡߊ߲߫ ߏ߬ ߟߎ߫ ߝߍ߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߥߙߏ߬ߝߋ߫ ߝߌ߬ߟߊ߬ ߘߐߙߐ߲߫ ߠߋ߬ ߊ߬ߟߎ߫ ߝߍ߬ ߦߋ߲߬߸ ߛߏ ߡߎ߰ߡߍ ߛߌ߰ߣߍ߲߫ ߏ߬ ߟߋ ߡߊ߬߸ ߊ߬ߟߎ߬ ߞߊ߲߫ ߞߏ߫ ߖߌ߫ ߞߏߏ߫ ߜߟߍߦߊ ߦߴߊ߬ߟߎ߫ ߟߐ߬ ߟߊ߫ ߖߌ߫ ߡߌ߲߬ ߠߊ߫ ߕߎ߬ߡߊ ߘߏ߫ ߟߎ߫ ߟߊ߫߸ ߡߍ߲ ߠߎ߬ ߛߊߣߌ߲ߡߊ߲߫ ߕߍ߫ ߝߋߎ߫.
ߞߌ߬ߓߊ߬ߙߏߞߙߊߟߌߟߊ߫ ߛߊ߬ ߇߃ ߘߏ߫߸ ߞߏ߫ ߊߟߌߝߊ߫ ߡߊߡߎߘߎ߬ ߖߊ߬ߞߌ߬ߕߋ߫߸ ߏ߬ ߟߋ߬ ߛߊ߬ߣߍ߲߫ ߞߊ߯ߙߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߓߊ߲ߕߡߊߦߊ߫ ߛߏ ߞߣߐ߫߸ ߎߙߋߞߊߓߊ߬ ߞߊ߬ߝߏ߬ߙߋ߲ ߘߐ߫߸ ߡߊ߯ߡߎ߲߫ ߡߙߊ߬ߓߊ߰ߘߊ ߘߐ߫، ߊ߬ ߣߐ߬ ߡߊ߬ߙߌ߬ߝߊ ߟߋ߬ ߕߋ߬ ߟߴߊ߬ ߖߘߍ߬ ߟߊ߫߸ ߊ߬ ߞߎ߲߭ ߘߐ߫ ߞߊ߬ߣߌ߲߬، ߝߍ߬ ߘߏ߲߬ ߕߴߊ߬ ߤߊ߲ߞߟߌ ߟߊ߫߸ ߊ߬ ߡߊ߫ ߕߐ߬ߡߊ߬ߛߙߋ߬ ߛߌ߫ ߕߏ߫ ߝߣߊ߫ ߞߊ߬ ߓߍ߲߬ ߊ߬ ߟߊ߫ ߛߦߊ߬ ߞߏ ߣߌ߲߬ ߡߊ߬، ߏ߬ ߟߋ ߣߐ߬ ߊ߬ ߞߏ ߘߐߝߌ߲߬ ߠߊ߫ ߡߌߡߐ߫.
ߘߍ߭ߖߌߥߎ߫ ߞߏߖߊ ߓߍ߫ ߢߌߣߌ߲߫ ߞߊ߬ ߞߍ߫ ߥߙߊ߬ߒ߬ߘߊ߬ߡߊ ߘߌ߫ ߖߌ߬ߣߍ߬ ߞߣߐ߫، ߓߊߏ߬߸ ߕߌ߲߬ߞߎߘߎ߲ ߝߊ߲߬ߓߋ ߓߍ߯ ߓߘߴߊ߬ ߜߟߍ߬ߦߊ ߟߊߞߏߟߐ߲߫߸ ߊ߬ ߝߋ߲߫ ߘߏ߲߬ ߕߴߦߋ߲߬߸ ߝߊ߰ߡߊ ߟߎ߬ ߞߎߡߊߣߍ߲߫ ߡߍ߲ ߘߐ߫ ߡߎߣߎ߲߬. ߖߌߥߎ ߦߋ߫ ߂߀ ߀߀߀ ߣߌ߫ ߃߀ ߀߀߀ ߟߋ߬ ߕߍߟߊ ߘߐ߫ ߞߛߌ߬ߘߎ߯߸ ߞߊ߲ߞߊ߲߫.
ߞߌ߬ߓߊ߬ߙߏߜߐ߲߬ߞߐ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߊ߬ߙߊ ߟߎ߬ ߘߐ߫߸ ߡߍ߲ ߛߌ߰ߓߊ߮ ߘߌ߫ ߡߐ߰ ߁߂ ߀߀߀ ߢߐ߲߰ ߓߐ߫، ߒ߬ߓߊ߬߸ ߏ߬ ߟߎ߫ ߞߎ߲߬ߢߐ߲߰ ߦߙߌߞߊ ߟߋ߬ ߘߓߌ߬ ߞߎ߬ߘߎ߲߬ ߘߍ߲ߘߍ߲ ߘߐ߫ ߞߟߌߟߌ߫ ߞߏ ߛߌߟߊ ߝߍ߬ ߣߌ߲߬߸ ߞߙߏ߬ߝߏ߬ ߖߐ߲ߖߐ߲߫ ߕߴߊ߬ߟߎ߫ ߝߍ߬، ߊ߬ߟߎ߬ ߕߍ߫ ߛߋ߫ ߟߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߟߎ߬ ߢߊߓߐ߫ ߟߴߊ߬ ߢߌ߬ߡߊ ߟߊ߫߸ ߊ߬ߟߎ߬ ߟߊ߫ ߖߎ߬ߟߊ߬ߦߊ ߟߎ߬ ߓߍ߫ ߢߌߣߌ߲߫ ߞߊ߬ ߝߍ߭ ߛߐ߬ߘߐ߲߬߸ ߞߌ߬ߓߊ߬ߙߏ߬ ߞߏ ߕߎߣߎ߲ߣߍ߲߫ ߠߴߊ߬ߟߎ߫ ߡߊ߬ ߦߋ߲߬ ߕߋ߲߬ ߖߋ߲ߎ߲߫.
ߜߘߍ ߟߎ߬Sߊ߬ ߛߌߞߊߣߴߊ߬ ߡߏ߬ߛߏ ߟߋ߬ ߡߊ߬߸ ߞߏ߫ ߏ߬ ߣߴߊ߬ ߘߍ߬ߢߐ߲߰ߞߍ߬ ߦߋ߫ ߢߐ߲߯ ߝߍ߬߸ ߓߍߙߑߣߊߙ ߎߡߊ߫ ߣߐ߬ ߏ߬ ߟߋ ߞߏ ߛߌ߰ ߟߴߊ߬ ߞߎ߲߬ ߘߏ߬ߣߌ߲߬ ߘߌ߫߸ ߞߊ߬ ߥߊ߫ ߞߍߓߊߟߌ ߞߍ߫، ߊ߬ ߝߣߊ߫ ߓߌ߬ߟߊ߬ߣߍ߲߫ ߛߊ߲߬ ߟߏ߯ߟߎ߫ ߥߛߎ߫ ߟߊ߫ ߏ߬ ߟߋ ߘߐ߫߸ ߊ߬ ߦߴߊ߬ ߟߊ߫ ߥߛߎ ߞߊ߲߬ ߕߋ߲߬ ߞߏߖߜ߭ߊ߫ ߥߛߎߖߌ߲ߓߊ ߟߊ߫.
ߦߋߟߌߦߊߞߊ߲߬ߞߎߡߊ ߣߌ߲߬ ߘߐ߫߸ ߘߋ߲ߡߌߛߍ߲ ߘߏ߫ ߟߎ߫ ߟߋ߬ ߦߌ߬ߘߊ߬ ߟߴߊߟߎ߫ ߟߊ߫߸ ߡߍ߲ ߠߎ߬ ߦߋ߫ ߓߏ߬ߙߌ߬ߝߋ߲߬ ߡߊ߬ߞߏ ߞߍ߫ ߟߊ߫߸ ߞߵߊ߬ߟߎ߫ ߡߎ߬ߛߊ߬ߞߊ ߟߎ߬ ߢߌߣߌ߲߫ ߏ߬ ߘߐ߫߸ ߞߊ߬ ߛߴߊ߬ߟߎ߬ ߟߊ߫ ߞߏ ߟߎ߬ ߞߍ߫ ߟߴߊ߬ߟߎ߫ ߖߘߍ߬ ߦߋ߫ ߞߵߊ߬ ߛߐ߬ߘߐ߲߬ ߊ߬ ߡߊ߫ ߘߍ߲߫ ߡߐ߰ ߜߘߍ߫ ߟߊ߫.
ߟߊ߬ߞߟߏ߬ߞߟߏ߬ߟߌߢߍߡߍ߲߫ ߣߌ߲߬ ߦߋ߫ ߞߙߎ߬ߛߊ߫ ߡߙߊ߬ߘߊ߬ߓߊ ߟߋ߬ ߞߣߐ߫߸ ߊ߬ ߞߊ߬ߙߊ߲߬ߕߊ߬ ߓߊߖߎߟߞߊ ߦߋ߫ ߜߟߍ߬ߦߊ߬ߓߊ߫ ߟߋ߬ ߕߍߡߊ߬ ߕߋ߲߬߸ ߣߌ߫ ߞߌ߬ߦߊ߬ ߡߊ߫ ߞߍ߫߸ ߊ߬ ߘߌ߫ ߞߍ߫ ߦߏ߫ ߊ߬ ߞߊ߬ߙߊ߲߬ߕߊ ߘߊ ߦߋ߫ ߕߎ߲߯ ߘߟߊߞߊ߫ ߣߊ߬ߕߐ ߣߌ߲߬ ߡߊ߬.
ߜߘߍ ߟߎ߬ߘߊ߬ߡߊ߲߬ߓߋ߬ ߜߘߍ߫ ߟߋ߬ ߞߍߣߍ߲߫ ߛߌ߯ߙߌ߲߫ ߓߎ߬ߙߋ߬ ߛߋߕߌ߯ߦߊ߫ ߞߊ߯ߙߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬ ߓߎ߬ߙߋ߫ ߞߌ߲߬ߕߌ߬ߢߊ߲߫߸ ߝߌߘߌ߬ ߘߊ߬ߡߊ߲߬ߝߍ ߘߐ߫߸ ߞߊ߬ ߡߐ߰ ߁߁ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߄ ߖߐߞߌ߫߸ ߞߊ߬ ߓߍ߲߬ ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߦߙߐ ߘߐ߫ ߦߋ߲߬ ߌߞߘߐ߫.
ߓߟߏߟߊߓߊ߯ߙߊߔߏߔߏ ߣߌ߫ ߞߐ߲߬ߛߏ ߟߎ߬ ߡߊߞߏ߭ ߦߋ߫ ߘߋ߲ߡߌߛߍ߲߫ ߞߊ߬ߙߊ߲߬ߘߋ߲ ߘߏ߫ ߟߎ߫ ߓߟߏ߫ ߛߐ߬ߘߐ߲߬ߘߊ߫ ߟߋ߬ ߘߌ߫ ߓߌ߬߸ ߡߍ߲ ߦߴߊ߬ߟߎ߫ ߘߍ߬ߡߍ߲߬ ߠߴߊ߬ߟߎ߫ ߡߎ߬ߛߊ߬ߞߊ ߟߎ߫ ߛߐ߬ߘߐ߲߬ ߠߊ߫، ߞߊ߬ߙߊ߲߬ ߛߙߊ߬ ߞߏ߸ ߝߊߘߌߦߊߓߐ߫ ߞߏ߸ ߞߵߏ߬ ߟߊ߫ ߞߐߙߍ ߖߍ߬ߘߍ ߓߟߏߡߊߘߍ߬ߡߍ߲ ߞߊ߲߬߸ ߓߊ߫ߙߊ ߣߌ߲߬ ߦߴߊ߬ߟߎ߫ ߘߍ߬ߡߍ߲߬ ߠߴߏ߬ ߓߍ߯ ߡߊ߬߸ ߞߵߊ߬ߟߎ߬ ߞߟߌ߫ ߓߊ߯ߙߓߊߟߌߦߊ ߛߌ߰ߒߖߘߍ߬ߡߊ ߡߊ߬.
ߓߘߍ߬ߓߘߍ߬ߟߌߞߊ߬ߝߏ߬ߙߋ߲߬ ߢߣߊߕߊߟߌ ߞߍ ߌߞߘߐ߫߸ ߡߐ߰ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ ߖߘߍ߬ ߡߊߢߌ߬ߣߌ߲߬ߞߊ߬ ߟߊ߫߸ ߞߏ߫ ߊ߬ߝߐ߫ ߛߙߍߘߍ߫ ߢߍߟߐ ߟߎ߫ ߟߋ߬ ߞߍߕߐ߫ ߞߊ߬ߝߏ߬ߙߋ߲߬ߕߌ߮ ߟߎ߫ ߘߌ߬ ߓߊ߬، ߒ߬ߓߊ߬߸ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߓߐ߬ߟߐ߲߬ߞߊ߫ ߖ߭ߋߣߊߓߎ߬ ߕߎ߬ߙߋ ߞߊ߬ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ߫ ߟߋ߬ ߖߏߣߊ߫߸ ߞߵߊ߬ ߦߌ߬ߘߊ߬ ߞߏ߫ ߞߐߝߟߌ ߢߌ߲߬ ߠߎ߬ ߟߊߓߐ ߞߘߐ߫ ߕߍ߫ ߞߊ߬ߝߏ߬ߙߋ߲߬ߕߌ߮ ߟߐ߲ ߘߌ߫ ߘߋ߬. ߊ߬ ߟߊ߫ ߝߐߟߌ߫ ߘߐ߫߸ ߞߊ߬ߝߏ߬ߙߋ߲ ߞߣߐ߫ ߡߐ߮ ߟߎ߫ ߟߋ߬ ߛߎߥߊ߲ߘߌ߫ ߟߊ߫ ߖߊ߬ߡߊ ߓߟߏ߫߸ ߏ߬ ߟߎ߫ ߜߊ߲߰ߛߊ߲ ߝߣߊ߫ ߘߌ߫ ߢߣߊߕߊߟߌ߫ ߜߘߍ߫ ߞߍ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߞߵߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߟߊߛߌ߰.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߊ߯ߙߌ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߘߊ߬ߡߊ߲߬ ߓߊ߰ߙߊ߬ ߦߌߟߊ ߘߏߘߐ߫ ߞߌ߲߬ߞߌ߬ߢߊ߲߫߸ ߞߏ߫ ߝߌߘߌ߬ ߺ ߘߐ߫، ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.
ߓߘߍ߬ߓߘߍ߬ߟߌߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߥߛߊ߬ߘߋ߲߬ ߛߎߥߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫߸ ߊ߬ ߦߋ߫ ߘߊ߫ ߞߏ߫ ߖ߭ߋߍߡߑߘߋ ߟߋ߬ ߦߟߍ߬ߣߍ߲߫ ߛߊ߲ߝߍ߬ ߦߙߐ ߝߊ߲߬ߓߊ ߘߐ߫. ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߡߍ߲ ߦߋ߫ ߣߌ߲߬߸ ߖ߭ߋߍߡߑߘߋ߸ ߊ߬ߟߋ ߟߋ߬ ߣߐ߬ ߦߙߐ ߓߍ߯ ߕߊ߬ ߟߊ߫ ߝߊߦߌߘߊ߫߸ ߝߏ߫ ߞߎ߲ߘߊߙߊ߬ ߣߌ߫ ߜߋ߬ߛߌ߬ߦߊ߬ ߘߐߙߐ߲߫߸ ߏ߬ ߟߎ߫ ߟߋ߬ ߕߟߊߣߴߊ߬ ߓߟߏߥߏ ߟߊ߫.
ߞߍߞߎߘߊߓߌߟߏ߲߫ ߕߊ߬ߡߌ߲߬ߣߍ߲߸ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߞߍ߫ ߘߊ߫ ߝ߭ߑߟߊߘߡߌߙ ߔߎߕߌߣ ߞߎ߲߬߸ ߊ߬ ߡߊ߫ ߛߐ߲߬ ߏ߬ ߖߋ߬ߓߌ߬ ߟߊ߫، ߏ߬ ߟߋ ߞߍ߫ ߘߴߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߘߌ߫ ߂߀߃߀ ߟߊ߫، ߊ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߢߌ߬ߣߌ߲߬ߞߊ߬ߟߌ ߏ߬ ߓߘߊ߫ ߓߊ߬ߙߴߊ߬ ߘߐ߫ ߞߏߖߎ߯ߦߊ߫߸ ߊ߬ ߦߟߌ߫ ߕߴߏ߬ ߛߎ߮ ߞߍߟߌ ߡߵߊ߬ ߞߎ߲߬ ߣߌ߲߬ ߥߊ߯ߕߌ ߢߌ߲߬ ߠߊ߫.
ߘߍ߭ߟߓߌߞߊ ߡߐ߰ ߗߡߍ߬ ߦߙߌߞߊ߫ ߟߋ߬ ߓߐ߫ ߘߊ߫ ߛߌߟߊ ߞߊ߲߬ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߄ ߡߊ߬ ߕߙߌߔߏߟߌ߫߸ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߞߎ߲߬ߞߊ߬ߙߌ߬ߝߊ߬ߓߊ߰ߕߐ ߟߎ߬ ߟߊ߫ ߕߐ߲ߕߌ߯ߟߊ߫ ߛߊ߲ߘߐߕߊ ߛߓߍߘߊ ߘߊߞߘߐߟߊ ߘߐ߫، ߊ߬ߟߎ߬ ߟߊ߫ ߓߐߟߌ ߞߎ߲߭ ߦߋ߫ ߡߎ߲߬ ߘߌ߫߸ ߞߏ߫ ߕߊ߯ߡߊߘߋ߲߫ ߛߌߦߊߡߊ߲߫ ߠߋ߬ ߦߋ߫ ߊ߬ߟߎ߬ ߟߊ߫ ߞߎߓߋߘߊ ߞߌ߲߬ߘߊ ߟߎ߬ ߞߣߐ߫߸ ߡߍ߲ ߠߎ߬ ߕߍ߫ ߛߊ߬ߙߌ߬ߦߊ߬ ߞߣߐ߫، ߏ߬ ߘߐ߫߸ ߞߏ߫ ߝߏ߫ ߞߵߏ߬ ߟߎ߬ ߟߊߓߐ߫ ߟߋ߬ ߟߓߌ߫ ߘߎ߰ߞߟߏ ߞߊ߲߬ ߝߋߝߋ߫.
ߜߘߍ ߟߎ߬ߓߋ߬ ߞߍߣߍ߲߫ ߛߙߎߓߊ߲ߣߍ߲߫ ߛߊ߲߬ ߁߄ ߘߏ߫ ߟߋ߬ ߞߊ߲߬ ߞߎߖߋߟ ߘߎ߱ ߞߣߐ߫߸ ߏ߬ ߞߏ ߓߘߊ߫ ߟߊ߬ߡߊ߮ ߟߊߘߏ߲߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߘߋ߲ߡߛߏߣߍ߲ ߣߌ߲߬ ߦߋ߫ ߞߊ߬ߙߊ߲߬ߘߊ ߟߋ߬ ߟߊ߫߸ ߊ߬ ߘߍ߬ߢߐ߲߮ ߘߏ߫ ߟߋ߬ ߦߋ߲߬ ߛߍߣߍ߲߬߸ ߗߍ߬ߡߊ߲߬ߣߍ߲߫ ߛߊ߲߬ ߁߇ ߟߵߏ߬ ߘߌ߫߸ ߏ߬ ߟߋ ߓߋ߬ߣߴߊ߬ ߞߊ߲߬، ߘߋ߲ߡߛߏߣߍ߲ ߣߌ߲߬ ߘߏ߲߬ ߦߋ߫ ߝߊߙߌߕߊߣߍ߲߫ ߘߌ߫߸ ߊ߬ ߡߊ߬ ߝߣߊ߫ ߣߐ߬ ߥߊߘߌ ߟߋ߬ ߡߌ߬ߣߊ߬ ߞߊ߲ߡߋߙߋ߲ ߏ߬ ߟߊ߫ ߡߐ߱ ߟߎ߬ ߟߊ߫߸ ߞߵߊ߬ ߡߊߞߎ߲߬ ߓߋ߬ߒ߬ߞߊ߲߬ߠߌ߲߬ ߞߏ ߣߌ߲߬ ߡߊ߬ ߜߘߎ߫߸ ߛߊ߫ ߞߊ߬ ߝߎ߯ߘߌ ߞߍ߫ ߊ߬ ߢߍߡߊ߬.
ߞߌ߬ߓߊ߬ߙߏߞߏߥߍߕ ߖߡߊ߬ߣߊ ߖߌ߬ߦߊ߬ߞߊ߲߬ߛߏ ߢߣߊߓߊ߯ߦߊߟߌߟߊ ߘߏ߫ ߓߍ߫߸ ߞߏ߫ ߖ߭ߋߣߊߓ ߘߊߛ߭ߑߕߌ߫߸ ߏ߬ ߟߋ ߓߌ߬ߟߊ߬ߣߍ߲߫ ߛߊ߲߭ ߛߓߊ߬ ߥߛߎ ߟߊ߫߸ ߞߏ߫ ߊ߬ ߓߘߴߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߌߙߊ߲߫ ߞߏ ߘߐ߫ ߘߍ߬ߞߙߏߝߏ ߞߊ߲߬߸ ߌߙߊ߲߫ ߣߐ߬ ߊ߬ ߕߊߛߊ߬ߙߊ ߡߍߠ߲ ߞߍ߫ ߟߊ߫ ߌߛߌ߬ߙߊ߬ߌߟߊ߫ ߣߴߊߡߙߌߞߌ߬ ߟߊ߫ ߥߊ߬ߟߏ߲߬ߠߌ߲ ߞߐ ߘߐ߫ ߞߊ߬ߣߌ߲߬، ߞߏߥߍߕ ߞߕߌ߫ ߡߛߊߦߌ߲ߘߊ ߝߣߊ߫ ߓߘߊ߫ ߛߊ߲߬ ߛߓߊ߬ ߥߛߎ ߏ߬ ߟߤߊߕߍߦߊ߫، ߏ߬ ߞߏ߬ߣߌ߲ ߞߍߣߍ߲߫ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߟߊ߫ ߜߊ߲߫ ߖߎ ߓߐ߬ߣߍ߲ ߠߋ߬ ߘߌ߫ ߝߛߊߦߌ߫.
ߡߍ߲ߠߌ߲ߊߓߘߎߟߊߦߌ߬ ߛߋ߬ߙߌߝ ߣߐ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߟߊ߫ ߝߍߛߑߓߎߞ ߟߊ߫߸ ߊ߬ߟߋ ߡߍ߲ ߦߴߊ߬ ߤߊߞߟߌߣߊ߲ ߘߌ߫ ߟߊ߫ ߞߏ߫ ߛߌߦߊߡߊ߲߫ ߞߊ߲߬ ߛߐ߲߬، ߊ߬ߟߋ ߞߊ߲߫ ߞߏ߫ ߜߏ߲߬ߛߊ߲ ߠߋ߬ ߞߊ߫ ߞߊ߲߫ ߞߍ߫ ߡߊ߬ߛߌ߬ߟߊ߲߬ߠߌ߲߬ ߝߋ߲ ߘߌ߫ ߡߊ߬ߙߊ ߞߣߐ߫߸ ߏ߬ ߓߊ߯ ߓߐ߫ ߊ߬ ߘߐ߫ ߕߎ߲߫߸ ߊ߬ ߓߘߊ߫ ߕߌߢߍ߫.
ߓߘߍ߬ߓߘߍ߬ߟߌߞߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲߬ ߢߣߊߕߊߟߌ ߞߐߝߟߌ߫ ߟߊߓߐߣߍ߲ ߡߊ߬߸ ߓߊߛߓߊ߬ߕߌ߫ ߛߘߌ߬ߓߋ߫ ߣߴߊ߬ ߟߊ߫ ߖߊ߬ߡߊ ߣߐ߬ ߛߌ߰ߟߊ߲߫ ߞߐ߬ߣߐ߲߬ߘߐ߫ ߟߋ߬ ߛߐ߬ߘߐ߲߬ ߠߊ߫߸ ߊ߬ ߝߣߊ߫ ߓߘߊ߫ ߦߟߌߣߐ ߏ߬ ߞߏ ߞߊ߲߬، ߢ߃ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߞߊ߲߫ ߞߏ߫ ߊ߬ ߦߴߊ߬ ߛߎߥߊ߲ߘߌߓߊ߮ ߟߎ߬ ߞߟߌ߫ ߟߊ߫߸ ߊ߬ ߣߴߊ߬ ߟߊ߫ ߞߙߎߞߊ ߟߊߘߌߦߊߢߍߓߊ߮ ߟߎ߬߸ ߞߏ߫ ߓߍ߯ ߦߋ߫ ߖߛߎ߬ߛߎߡߊ ߓߌ߬ߟߊ߬ ߢߍߝߍ߬߸ ߞߊ߬ ߘߊߘߐߖߊߥߏ ߓߌ߬ߟߊ߬ ߢߍߝߍ߬߸ ߞߊ߬ ߕߏߏ߫ ߢߣߊߕߊߟߌ ߞߎ߲߬ߠߊ߬ߛߌ߮ ߟߎ߬ ߞߐ߫.
ߘߍ߭ߊ߲ ߕߍ߫ ߛߋ߫ ߟߴߊ߲ ߘߐ߱ߘߏ߲߬ ߠߊ߫ ߡߎ߬ߕߎ߲߬ ߖߊ߲߬ߞߊ߬ߙߏ߬ߕߐ ߓߍ߯ ߟߴߊ߬ ߕߎ߬ߡߊ߬ ߖߐ߲ߖߐ߲ ߠߊ߫ ߸ߏ߬ ߘߏ߲߬ ߛߍ߱ ߟߋ߬ ߘߌ߫ ߒ߬ ߣߌ߫ ߖߊ߲߬ߞߊ߬ߙߏ߬ߕߐ ߟߎ߬ ߓߍ߯ ߞߊ߲߬
ߞߌ߬ߓߊ߬ߙߏߡߞߊߛߌߦߊ߫ ߕߙߊߥߟߋ߫ ߦߋ߫ ߡߏ߬ߛߏ߫ ߛߊ߲߭ ߡߎ߬ߥߊ߲߬ ߣߌ߬ ߞߐ ߟߋ߬ ߘߌ߫߸ ߡߍ߲ ߓߣߐ߬ߣߴߊ߬ ߣߌ ߘߐ߫ ߘߞߏ߫ ߓߎ߬ߙߋ߬ ߛߓߍߒߕߊ߲ ߘߏ߫ ߟߊ߫߸ ߛߌ߯ߙߌ߲߫ ߡߙߊ߬ߓߊ߰ߘߊ ߘߐ߫، ߞߏ߲߬ߓߏ ߊߓߘߎߟߊߦߌ߫ ߓߊߛߌߙߎ߬ ߞߐ߲ߘߍ߫ ߟߊߟߐ߲ߠߌ߲߫ ߘߊ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߄ ߠߋ߬ ߡߊ߬߸ ߂߁ߕߎߡߊ ߣߌ߫ ߂߂ߕߎߡߊ ߕߍߟߊ ߘߐ߫߸ ߊ߬ߟߋ߫ ߣߐ߬ ߊ߬ ߦߌ߬ߘߊ߬ ߟߊ߫ ߞߏ߫ ߛߊ߬ߦߊ߫ ߟߋ߬ ߘߋ߲ߡߛߏ ߟߊ߫ ߛߊ߬ߦߊ ߘߌ߫߸ ߡߍ߲ ߜߊ߲ߛߊ߲߫ ߕߍ߫߸ ߊ߬ ߛߊ߬ߣߍ߲߬ ߓߊߛߌ ߟߋ߬ ߓߟߏ߫.
ߓߊ߲ߓߋߛߊߟߌߝߊ߬ߣߊ ߓߊ߲ ߛߊߟߌ߫ ߟߴߊ߲ ߓߟߏ߫ ߛߐ߬ߕߐ ߟߊ߫ ߣߊߟߌ߬ߡߎ߲߫ ߊ߬ߟߌ߬ߞߊ߯ߓߊ߫ ߘߌ߫ ߸ ߒ ߞߊ߬ ߒ ߠߊ߫ ߞߊߦߘߌ ߣߌ߫ ߒ ߠߊ߫ ߞߊ߬ߟߊ ߟߊߓߐ߫ ߞߊ߬ ߒ ߘߋ߬ߙߌ߬ ߞߏ ߘߊߡߌ߬ߣߊ߬ ߣߴߊ߬ ߦߋ߫ ߛߓߍߟߌ ߘߌ߫، ߔߊߞߌߛߑߕߊ߲ߗߍ ߡߍ߲ ߛߌ߰ߣߍ߲߫ ߒ ߘߊߝߍ߬ ߸ ߊ߬ ߞߵߊ߬ ߞߍ߫ ߒ ߡߊߝߟߍ߫ ߘߌ߫ ߛߓߍߟߌ ߘߐ߫ ߸ ߞߵߊ߬ ߕߊ߬ ߞߊߦߘߌ ߞߎ߲߭ ߠߊ߫ ߛߊ߲ߝߍ߬ ߞߊ߬ ߣߵߊ߬ ߓߌ߬ߟߵߊ߬ ߞߎ߲߭ ߠߊ߫ ߘߎ߱ ߡߊ߬ ߸ ߒ ߡߊ߫ ߒ ߓߟߏ ߟߊߟߐ߬.
ߓߊ߲ߓߋߥߊߟߌ߫ ߞߊ߲ ߠߎ߬ ߝߏ߲߬ߝߏ߲߬ߠߊ ߡߍ߲ ߦߋ߫ ߟߊ߫ ߟߊ߫ ߞߊ߲߫ ߘߎ߯ߙߋ߲ ߠߎ߬ ߞߊ߲߬ ߛߐ߲߬߸ ߞߵߊ߬ߟߎ߬ ߝߐ߫ ߛߌߟߊ߫ ߓߘߍ ߘߏ߫ ߟߎ߫ ߝߘߏ߬ ߘߋ߬ߙߌ ߝߏ߲߬ߝߏ߲߬ߠߊ ߓߟߏ߫߸ ߛߟߊߕߌ߯ ߛߣߊ߬ߓߊ߬ ߛߏߙߌ߫ ߡߊ߲߬ߘߋ߲߬ߞߊ ߟߊ߫ ߕߌߙߌ߲ߠߌ߲ ߓߏ߬ߙߌ߬ߣߍ߲߫ ߏ߬ ߘߏ߫ ߟߋ߬ ߞߊ߲߬ ߕߋ߲߬، ߣߊ ߟߋ߬ ߕߐ߮ ߦߋ߫ ߟߊ߫ ߟߊ߫ ߘߋ߲ ߞߊ߲߬ ߓߊ߰ ߥߟߊ߫ ߘߋ߲ ߠߋ߬ ߕߐ߮ ߦߋ߫ ߟߊ߫ ߟߊ߫ ߣߊ߭ ߞߊ߲߬ ߤߊߡߊ߲ߕߍ߫ ߝߊ߭߸ ߊߟߎ߫ ߦߴߏ߬ ߘߐ߬ߞߣߍ߬ߟߌ ߝߟߍ߫.
ߓߘߍ߬ߓߘߍ߬ߟߌ߂߀߂߆ ߞߊ߬ߝߏ߬ߙߋ߲߬ ߢߣߊߕߊߟߌ ߡߍ߲ ߕߊ߬ߡߌ߲߬ ߘߊ߫ ߕߐ߲߬ߓߊ߬ ߞߊ߲ߛߊ߫߸ ߏ߬ ߞߏ ߓߘߊ߫ ߞߟߊߦߊ߫ ߦߋ߲߬ ߞߏߛߓߍ߫، ߝߊ߬ߛߏ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߣߐ߬ ߞߐߝߟߌ ߡߍ߲ ߝߐ߫ ߟߊ߫߸ ߓߐ߬ߟߐ߲߬ߞߊ߫ ߞߊ߬ߡߊߙߊ߬ ߖ߭ߋߣߊߓ ߕߎ߬ߙߋ߸ ߖ߭ߋ.ߍߡ.ߘߋ ߟߋ߬ ߛߊ߲ߝߍ߬ ߏ߬ ߘߐ߫ ߦߋ߲߬ ߝߙߋߟߋ߲߫߸ ߛߌ߰ߟߊ߲߬ ߁߀ ߠߋ߬ ߛߐ߬ߘߐ߲߬ߣߍ߲߫ ߏ߬ ߓߟߏ߫ ߁߇ ߘߐ߫.
ߞߌ߬ߓߊ߬ߙߏ߂߀߂߆ ߘߓߊ߬ߕߊ ߕߟߋ߬ ߃߀ ߡߊ߬߸ ߛߊ߲ߞߊߙߊ߲߫ ߖߟߊߡߊ߲߫ ߣߝߊ߬ߖߌ߫ ߞߊ߬ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲߬ ߜߙߊ߫ ߟߋ߬ ߟߊߞߢߐ߬ߡߊ߫߸ ߒߞߏ ߞߊߙߊ߲ ߝߊ߲߬ߞߊߘߏ߲߬ ߞߊ߲ߡߊ߬߸ ߊ߬ ߣߌ߫ ߡߊ߲߬ߘߋ߲߬ ߟߐ߲ߠߌ߲ߦߊ ߟߎ߬ ߡߐ߬ߟߐ߲ ߞߘߐߕߊ߬ ߞߊ߲ߡߊ߬߸ ߞߊ߬ ߞߟߌߟߌ ߞߍ߫ ߞߊ߬ߙߊ߲ ߡߊ߬߸ ߊ߬ ߣߌ߫ ߞߋ߬ߟߋ߲߬ߧߊ ߡߊ߬߸ ߞߵߏ߬ ߟߊ߫ ߝߘߊ߬ߝߌ߲߬ߠߊ߫ ߞߏ߫ ߞߘߐ ߟߎ߬ ߟߊߘߊ߬ߙߏ ߞߊ߲߬.
ߦߋߟߌߦߊߘߍ߰ߡߎ߲߸ ߟߐ߲ߠߌ߲ߦߊ߸ ߞߐ߲ߘߐ߲߫ ߠߕߊߡߌ߲߸ ߏ߬ ߓߍ߯ ߟߋ߬ ߕߎ߲߬ ߦߴߌߘߐ߫ ߛߏ ߣߌ߲߬ ߞߣߐ߫߸ ߞߊ߬ ߒߞߏ ߝߊ߲߬ߞߊߘߏ߲߬
ߓߘߍ߬ߓߘߍ߬ߟߌ߂߀߂߆ ߘߓߊ߬ߕߊ ߃߁ ߥߛߊ߬ߘߋ߲߬ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߥߛߊ߬ߘߋ߲߬ ߄߉ ߛߙߍߘߍ ߟߊߓߐ߫ ߝߊ߬ߛߏ߬ ߛߙߍߘߍ ߞߊ߲߬߸ ߡߍ߲ ߕߘߍ߬ߒ߬ߘߐ߬ߟߋ ߗߡߍ߬ߘߐ߬ߦߊ ߦߋ߫ ߅߂،߈߇ ߘߐ߫، ߎ߳ߍߡߑߔߋ ߞߙߎߞߊ ߟߋ߬ ߦߋ߫ ߢߍ ߘߐ߫߸ ߞߊ߬ ߍߣ.ߘߋ ߕߎ߲߰ ߏ߬ ߟߊ߫߸ ߊ߬ ߣߌ߫ ߍߙߑߖ߭ߋߑߕߋ.
ߛߊ߲߬ߞߟߊ߬ߕߋߓߌ߬ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߄ ߡߊ߬ ߸ ߝߏߣߌ߲ߞߋ ߦߊߦߊ߬ ߞߊ߬ߡߙߊ߬ ߡߍ߲ ߓߣߊ߬ߓߊ߰ߕߐ ߢߊߖߌߞߎߘߎ߲ߕߐ ߕߘߍ߬ ߦߴߊ߬ ߟߊ߫ ߓߣߊ߬ ߞߏ ߞߎߡߊ ߝߐ ߞߊ߲߬ ߸ ߏ߬ ߟߋ ߣߐ߬ ߟߊ߬ߕߍ߮ ߞߍ߫ ߟߊ߫ ߓߌ߬ ߞߏߣߊߞߙߌ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߊ߬ ߣߊ߬ߕߐ߫ ߞߊߙߏ߫ ߝߌ߬ߟߊ ߟߋ߬ ߡߊ߬ ߕߋ߲߬߸ ߞߊ߲ߞߊ߲߫ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߛߏ߫ ߞߣߐ߫ ߡߐ߮ ߟߎ߫ ߛߍ߰ ߞߐߝߌ߫߸ ߞߊ߬ ߓߊ߯ߙߊ ߓߍ߯ ߛߋ߲߬ߠߊߛߘߌ߬߸ ߞߊ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߝߣߊ߫ ߛߌߦߊߦߊ߫، ߌ ߓߊ߯ ߛߋ߫ ߖߌߥߎߘߊ ߟߎ߬ ߟߊ߫߸ ߖߊ߬ߡߊ ߦߋ߫ ߥߊ߫ ߟߊ߫ ߖߎ߬ߟߎߡߊ߬ ߞߘߊߥߎ߫߸ ߓߍ߯ ߞߏ߬ߣߌ߲ ߦߋ߫ ߞߊ߬ߛߌ߬ ߟߊ߫ ߡߍ߲ ߞߐ߫ ߕߋ߲߬߸ ߏ߬ ߟߋ ߞߎ߲߬ߠߊ߬ߛߌ߮ ߟߊ߫ ߞߎߡߊ ߘߌ߫.
ߓߘߍ߬ߓߘߍ߬ߟߌߞߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲߬ ߢߣߊߕߊߟߌ ߞߐߝߟߌ߫ ߟߊߓߐߣߍ߲ ߡߊ߬ ߘߍ߲߬ߞߍ߬ߕߎ߲߬ ߓߟߏ ߡߊ߬߸ ߓߛߓߊ߬ߕߌ߫ ߛߘߌ߬ߓߋ߫ ߟߋ߬ ߣߊ߬ߣߍ߲߫ ߝߌߟߊߣߊ߲ߦߊ ߟߊ߫߸ ߞߊ߬ ߞߊ߲ߢߊ߫ ߁߆ ߆߅߉ ߛߐ߬ߘߐ߲߬߸ ߊ߬ ߣߌ߫ ߛߌ߰ߟߊ߲߫ ߉ ߖߊ߬ߕߋ߬߸ ߞߊ߬ ߕߎ߲߰ ߖ߭ߋߍߡߑߘߋ ߟߊ، ߞߊ߬ ߝߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߟߊ߫ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲߫ ߝߊ߲߬ߞߋ߬ߟߋ߲߬ߡߊ ߟߊ߫.
ߟߊ߬ߞߟߏ߬ߞߟߏ߬ߟߌߞߏ߬ߙߌ߬ߦߊ߬ߟߋ߲߫ ߞߊ߬ߙߊ߲߬ߕߊ߬ ߓߊߖߎߟߞߊ ߣߐ߬ ߥߛߊ߬ߛߙߋ߬ ߟߕߊߡߌ߲ ߠߋ߬ ߞߍ߫ ߟߊ߫ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߃ ߣߌ߲߬ ߡߊ߬߸ ߞߊ߬ ߞߊ߬ߙߊ߲߬ߘߋ߲ ߘߏ߫ ߟߎ߫ ߛߐ߫ ߥߛߊ߬ߛߙߋ ߟߴߊ߬ߟߎ߬ ߞߣߐߘߐߘߌߦߊ߫ ߞߊ߲ߡߊ߬߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߘߐߖߊ߬ ߥߟߊ߬ߟߊ߬ߓߐ ߘߐ߫، ߢߌ߲߬ ߠߊߥߟߌ߬ߣߍ߲߫ ߞߊ߬ߙߊ߲߬ߕߊ ߞߎߎ߲߬ߠߊ߬ߛߌ߰ߓߊ߮ ߟߎ߬ ߓߟߏ߫ ߟߋ߬߸ ߛߴߊ߬ߟߎ߬ ߘߌ߫ ߞߊ߬ߙߊ߲ ߘߌߦߊߘߏ߲߬ ߘߋ߲ߣߍ߲ ߠߎ߬ ߘߐ߫.
ߜߘߍ ߟߎ߬ߣߌ߲߬ ߞߍߣߍ߲߫ ߞߐߣߊߞߙߌ߫ ߟߊ߫߸ ߊ߲ߕߊ ߍߛ.ߏ.ߍߛ ߞߌ߲߬ߘߊ ߟߊ߫، ߕߍ߬ߣߍ߲߫ ߞߡߊ߬ߙߊ߫ ߟߋ߬ ߝߊ߰ߣߍ߲߫ ߞߌ߬ߛߍ ߟߊ߫߸ ߞߵߊ߬ ߞߣߐ ߕߏ߫ ߞߊߙߏ߫ ߛߋߦߌ߲߫ ߘߐ߫ (ߞߣߐߡߦߊ)، ߡߋߘߌߦߊߖߌߣߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߣߌ߲߬ ߓߏ߲߫ ߘߊ߫ ߞߌ߬ߛߍ ߟߋ߬ ߟߊ߫߸ ߊ߬ ߟߊ߫ ߓߏ߲ ߞߣߐ߫߸ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߞߐ ߘߐ߫ ߊ߬ ߟߊ߫ ߟߎ ߘߊߝߍ߬.
ߓߊ߲ߓߋߘߐ߬ߝߐ ߞߣߐ߫ ߞߟߊ߬ߘߏ߲ߛߏ ߟߎ߬ ߘߐ߫ ߓߟߋ߬ߓߟߋ߸ ߡߏߙߌ߫ ߞߡߊ߬ߙߊ߫ ߖߐ߲߬ߡߊߛߌߣߌ߲ߟߐ߲߫ ߓߘߊ߫ ߛߙߍߘߍ߫ ߞߐ߬ߣߐ߲߬ߘߐ߬ ߟߊߓߐ߫߸ ߊ߬ ߟߊ߫ ߝߐߟߌ߫ ߘߐ߫߸ ߊ߬ ߞߊ߬ ߡߍ߲ ߠߎ߬ ߟߊߞߙߐ߬ߛߌ߫ ߊ߬ ߟߊ߫ ߡߞߊ߫ ߕߊ߮ ߣߌ߲߬ ߝߍ߬߸ ߣߴߊ߬ߟߎ߬ ߦߋ߫ "ߥߎߦߊ߫ ߞߘߐߓߐߣߍ߲߫ ߞߐ߬ߣߐ߲߬ߘߐ߬" ߘߌ߫߸ ߞߊ߬ ߓߍ߲߬ ߟߊ߬ߞߙߐ߬ߛߟߌ߬ ߞߍߣߍ߲ ߠߎ߬ ߣߌ߫ ߕߌߙߌ߲ߠߌ߲߫ ߞߍߣߍ߲ ߘߏ߫ ߟߎ߫ ߞߐߝߟߌ ߡߊ߬ ߡߞߊ߫ ߞߣߐ߫.
ߜߘߍ ߟߎ߬ߗߍ߭ ߘߏ߫ ߟߋ߬ ߡߏ߬ߛߏ ߞߊ߬ ߕߟߎ߫ ߞߟߊߡߊ߲ ߠߊߓߐ߲߬ ߊ߬ ߞߊ߲߬ ߞߍ߲ߘߍߟߏ߲߸ ߂߀߂߆ ߘߓߊ߬ߕߊ ߕߟߋ߬ ߃߀ ߛߎ ߘߐ߫ ߕߎߓߊ߫، ߊ߬ ߡߏ߬ߛߏ ߛߌ߬ߞߛߊߓߌ ߦߋ߫ ߛߊ߲߭ ߂߆ ߟߋ߬ ߘߐ߫߸ ߊ߬ ߓߊ߲߫ ߘߊ߫ ߕߌߢߍߟߌ ߟߋ߬ ߞߍ߫ ߟߊ߫ ߞߵߊ߬ ߓߏ߬ߙߌ߬߸ ߕߍ߮ ߓߘߊ߫ ߞߍ߫ ߊ߬ ߘߐ߫ ߞߟߍ߬ߡߐ߮ ߟߎ߬ ߓߟߏ߫.
ߞߍߞߎߘߊߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߸ ߞߕߌߘߊ ߞߊ߬ ߜߋ߲ߞߐ߰ߖߌ߬ߘߊ ߕߐ߯ߟߡߊ߫ ߛߑߕߋߝߊߣ ߊ߬ߜߙߋ߫ (ߊߔߎ߬ߗߎ) ߣߌ߫ ߟߌߦߐߣߍߟ ߊߞߏߓߋ߫ (ߟߌߦߐߣߍߟ ߔߋ.ߛߋ.ߍߛ) ߖߊ߲߬ߞߌ߲߬، ߥߛߎߖߌ߲߫ ߘߊߕߎ߲߯ߣߍ߲߫ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߣߌ߫ ߘߏ߬ߣߌ߲߬ ߜߌ߬ߟߌ߲߬ߓߊ߫ ߟߋ߬ ߝߣߊ߫ ߦߋ߫߸ ߣߊߟߌ߬ߡߎ߲߫ ߢߍ߬ߢߌ߲߬ߘߐ߬ߓߍ߲߬ ߛߙߊ ߘߌ߫߸ ߞߵߊ߬ߟߎ߬ ߓߟߏߝߋ߲ ߠߎ߬ ߡߊߣߡߊߙߴߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߓߐߟߌ ߟߊߕߐ߲߫ ߊ߬ߟߎ߫ ߡߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬.
ߓߘߍ߬ߓߘߍ߬ߟߌߊߤߑߡߊߘߎ߫ ߊ߬ߟ ߊߡߌߣߎ߫ ߡߏ߬ߤߊ߬ߡߍ߬ߘ ߟߏ ߓߌ߬ߟߊ ߞߐ ߘߐ߫ ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߞߎ߲߬ߠߊ߫ ߞߊ߬ ߞߍ߫ ߞߏߕߌ߯ ߝߟߐ ߘߌ߫߸ ߏ߬ ߕߟߋ߬ ߕߊ߲ ߠߋ߬ ߕߋ߲߬، ߒ߬ߓߊ߬߸ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߀߁߭߸ ߛߣߍ߬ߜ߭ߊߟߌ߫ ߞߊ߬ ߞߎ߲߬ߠߊ߬ߛߌ߰ ߞߎߘߊ߫ ߛߐ߬ߘߐ߲߬߸ ߡߍ߲ ߘߐߞߍߣߍ߲߫ ߞߏߕߌ߯ ߃߀ ߟߊ߫، ߔߊߛߑߕߍߝ ߓߘߴߊ߬ ߦߌ߬ߘߊ߬ ߜߍ ߘߐ߫ ߞߏ߫ ߊ߬ߟߎ߬ ߡߊ߫ ߛߐ߲߬ ߞߎ߲߬ߠߊ߬ߛߌ߰ ߞߎߘߊ ߣߌ߲߬ ߡߊ߬߸ ߊ߬ߟߎ߬ ߕߴߊ߬ ߘߐ߫، ߓߊ߬ߙߌ߬߸ ߡߐ߰ ߛߌߦߊߡߊ߲߫ ߦߋ߫ ߞߏߕߌ߯ ߞߎߘߊ ߢߌ߲߬ ߠߎ߬ ߘߐ߫߸ ߔߊߛߑߕߍߝ ߛߎߡߊ ߦߴߏ߬ ߟߎ߫ ߝߍ߬ ߟߋ߬ ߝߋߎ߫، ߞߎ߲߬ߠߊ߬ߛߌ߰ ߞߎߘߊ ߢߌ߲߬ ߠߎ߫ ߘߏ߲߬ ߦߋ߫ ߖߊ߬ߕߋ߬ ߟߊ߫ ߛߓߍߘߟߊߛߋߒߞߏߟߊ ߟߎ߬ ߣߌ߫ ߓߘߍ߬ߓߘߍ߬ߟߌ߬ ߞߙߎ ߟߎ߫ ߟߋ߬ ߘߌ߫ ߝߋߎ߫.
ߕߍߓߊ߯ߦߊߓߋߣߍ߲߫ ߞߊ߲ߕߌ߯ ߞߎߘߊ ߙߏߡߎߥߊߟߘ ߥߘߊߢߌ߫ ߕߊ߯ ߞߏ ߓߘߊ߫ ߝߐ߫ ߓߙߎߞߌߣߊ߫ ߝߊ߬ߛߏ߬߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂ ߣߌ߲߬ ߡߊ߬، ߞߊ߬ߝߏ߬ ߞߎ߲ߕߌ߮ ߓߍߣߊ߬ ߛߐ߰ ߥߊ߱ߘߎ߰ ߟߋ߬ ߡߊ߬߸ ߞߊ߬ ߓߐ߫ ߊߓߎߖߊ߫ ߞߊ߬ ߕߊ߯ ߦߋ߲߬، ߞߊ߬ߕߎ߲߯߸ ߊ߬ ߛߐ߰ ߘߊ߫ ߦߋ߲߬ ߠߋ߬ ߡߊ߬ ߥߊ߬ߛߌ߬ߥߙߊ ߕߟߋ߬ ߁߭ ߣߌ߲߬ ߡߊ߬.
ߜߘߍ ߟߎ߬ߞߋߣߌߦߊ߫ ߞߌ߬ߓߊ߬ߙߏ߬ߘߊ ߡߍ߲ ߕߐ߯ ߞߏ߫ ߕߎߞߏ߫߸ ߏ߬ ߞߊ߲߫ ߞߏ߫ ߡߏ߬ߛߏ߫ ߛߊ߲߬ ߃߀ ߘߏ߫ ߟߋ߬ ߞߵߊ߬ ߝߐ߫ ߊ߬ ߦߋ߫ ߞߏ߫ ߡߛߏ߬ ߝߌ߬ߟߊ߬ߣߊ߲߬ ߕߊ߬ ߟߐ߮ ߦߴߊ߬ ߟߊ߫، ߒ߬ߓߊ߬߸ ߡߏ߬ߛߏ ߡߐߣߍߣߍ߲߫ ߏ߬ ߟߋ ߘߐ߫ ߞߊ߬ ߕߊ ߛߎ߫ ߊ߬ߟߎ߬ ߟߊ߫ ߟߎ ߟߊ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߘߋ߲߫ ߡߐ߰ ߝߌ߬ߟߊ ߦߋ߫ ߓߏ߲ ߠߊ߫߸ ߏ߬ ߟߎ߬ ߕߏ߫ ߘߴߊ߬ ߘߐ߫ ߟߋ߬، ߊ߬ߟߋ߫ ߖߍ߬ߘߍ ߝߣߊ߫ ߛߎ߭ ߟߋ߬ ߦߋߣߍ߲߫ ߤߏߡߊ߫ ߓߊߦߌ߬ ߘߎ߱ ߞߣߐ߫߸ ߞߋߣߌߦߊ߫ ߕߟߋ߬ߓߋ ߘߐ߫.
ߓߊ߲ߓߋ"ߌ ߓߊ߯ ߛߴߊ߲ߠߎ߬ ߓߘߊ߸ ߝߏߦߌ߬ ߕߴߦߋ߲߬، ߕߎ߬ߓߊ߬ߓߎ ߟߎ߬ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫ ߦߊ߲߬، ߊ߬ߙߊ߬ߓߎ ߟߎ߫ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫، ߞߊ߬ߦߌ߯ ߛߌ߬ߟߡߊ߬ߦߊ߬ ߘߌ߯ߣߊ ߣߊ߬ ߘߊ߫߸ ߊ߲ ߡߊ߬ߞߏߛߊ߬ ߘߊ߫߸ ߊ߲ ߕߊ ߕߌߢߍ߫ ߘߊ߫، ߊ߬ ߓߍ߯ ߥߎߦߊ߫." ߖߐ߲߬ߡߊߛߌߣߌ߲ߟߐ߲߫ ߓߕߐ ߡߞߊ߫߸ ߊ߬ ߛߙߊ߬ߣߎ߲߬ ߞߊ߲ ߠߵߏ߬ ߘߌ߫.
ߓߘߍ߬ߓߘߍ߬ߟߌߖߌ߬ߣߍ߬ߞߊ ߟߎ߬ ߦߋ߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߞߐߖߋߓߌ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߡߎ߬ߕߎ߲߬߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߞߊ߯ߙߌ ߣߌ߲߬ ߡߊ߬ ߖߡߊ߬ߣߊ ߝߊ߲߭ ߓߍ߯ ߘߐ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߣߐ߫߸ ߛߊ߬ߙߌ߬ߦߊ߬ߦߊ߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߟߏ߲ ߕߎ߲߬ ߦߋ߫ ߂߀߂߆ ߘߓߊ߬ߕߊ ߃߁ ߡߍ߲ ߘߌ߫߸ ߊ߬ ߢߣߊߕߊߟߌߟߊ ߟߎ߬ ߟߊ߫ ߓߐߟߌ ߕߜߋߦߊ߫ ߘߊ߫ ߟߋ߬ ߝߛߊߦߌ߫، ߞߵߏ߬ ߕߊ߬ ߞߵߏ߬ ߟߊ߫ ߢߣߊߕߊߟߌ߫ ߖߐ߯ߙߊ߲ ߠߎ߬ ߟߊ߫ ߘߛߍ ߞߊ߲߬ ߢߣߊߕߊߟߌ߫ ߛߓߍߘߊ߫ ߛߌߦߊߡߊ߲߫ ߞߣߐ߫ ߛߌ߯ߙߌ߲߫ ߛߏ ߖߍ߬ߘߍ ߞߣߐ߫.
