ߓߌ߬ ߂߀߂߆ ߥߊ߬ߛߌߥߊ߬ߙߊ ߕߟߋ߬ ߅ ߡߊ߬ ߸ ߛߍߡߊ߫ ߞߎ߲ߠߊߛߌ߯ߟߊ ߓߊߖ߭ߌߟ ߜߟߌߡߎ߫ ߡߍ߲ ߦߋ߫ ߢߍߡߍ߲߫ ߣߐ߬ߘߎ߮ ߘߊ߲ߘߊߟߌ߫ ߕߊ߲ߓߊ߲ ߞߎ߲߬ߕߌ߮ ߘߌ߫ ߸ߛߏ ߏ߬ ߡߍ߲ ߦߋ߫ ߞߎ߬ߙߎ-ߞߘߐ߫ ߡߙߊ߬ߘߊ߬ߘߎ߯ߟߊ ߘߏ߫ ߘߌ߫ ߞߙߎ߬ߛߊ߫ ߡߊ߬ߙߊ ߘߐ߫ ߸ ߏ߬ ߣߐ߬ ߓߊ߯ߙߊ߫ ߡߎߙߊ߲߫ ߞߏ ߞߟߌߟߌ ߟߋ߬ ߟߐ߬ ߟߊ߫ ߞߎ߲߬ߠߊ߬ߛߌ߮ ߣߌ߫ ߛߏ߫ ߡߐ߰ߓߊ ߟߎ߫ ߡߊ߬ ߞߵߊ߬ ߓߍ߲߬ ߞߍ߲ߘߍߦߊ ߝߊ߲߬ߞߊߘߏ߲߬ ߡߊ߬ ߢߍߡߍ߲߫ ߣߴߊ߬ ߟߊߡߌߣߌ߲ ߘߐ߫߸ߊ߬ ߞߊ߲߫ ߞߏ߫ ߊ߬ ߞߋߟߋ߲߫ ߔߋ߫ ߟߋ߬ ߘߐ߱ߘߏ߲߬ߣߍ߫ ߖߊ߲߬ߞߊ߬ߙߏ߬ߕߐ ߟߎ߬ ߟߊ߫ ߞߴߏ߬ ߞߎ߲߭ ߞߍ߫ ߡߐ߰ߕߊ߲߬ߒ߬ߧߊ ߘߌ߫߸ ߊ߬ ߘߏ߲߬ ߘߊ߲ߘߊߟߌ߫ ߕߊ߲ߓߊ߲ ߦߋ߫ ߓߏ߲ߘߋ߲߫ ߈ ߠߋ߬ ߘߌ߫߸ ߡߍ߲ ߠߎ߬ ߞߣߐߟߊ ߘߐߞߏߟߏ߲ߧߊߣߍ߲߫ ߓߊ߯ߙߊ߫ ߡߎߙߊ߲߫ ߠߎ߬ ߟߊ߫، ߦߏ߫ : ߛߓߍߘߊ ߸ ߞߏ ߟߎ߬ ߦߋ߫ ߡߊߡߙߊ߬ ߟߊ߫ ߞߣߐ߫ ، ߟߊߝߋ߲߫ ߞߏ ߝߣߊ߫ ߡߴߊ߬ ߓߐ߫ ߡߎ߰ߡߍ߫ ߖߊ߬ߡߊ ߘߌ߫ ߛߴߊ߬ ߡߝߊ߫ ߟߊ߫ ߡߍ߲ ߠߎ߬ ߘߐ߫ ߞߊ߬ߣߌ߲߬ ،ߊ߬ߟߎ߬ ߘߐ߫ ߞߘߎ߬ߜߍߟߍ߲ ߦߋ߫ "ߓߊߛߌ" ߟߋ߬ ߘߌ߫ ߸ ߏ߬ ߡߍ߲ ߞߏߖߊ ߓߘߊ߫ ߖߊ߲߬ߞߊ߬ߙߏ߬ߕߐ ߟߎ߬ ߓߌ߬ߟߊ߫ ߖߐ߬ߘߐ ߘߐ߫. ߞߵߊ߬ ߓߍ߲߬ ߖߊ߬ߡߊ ߟߊ߫ ߛߌߦߊߦߊ ߡߊ߬ ߸ ߛߟߊߕߌ߮ ߓߊߖ߭ߌߟ ߜߟߌߡߎ߫ ߡߏ߬ߛߏ ߟߋ߬ ߦߴߊ߬ ߓߟߏߡߊߘߍ߬ߡߍ߲߬ ߠߊ߫ ߛߐ߲߬ ߸ ߏ߬ ߝߣߊ߫ ߦߋ߫ ߛߍߡߊ߫ ߞߎ߲ߠߊߛߌ߯ߟߊ ߟߋ߬ ߘߌ߫ ،ߓߊ߬ߙߌ߬ ߏ߬ ߓߍ߯ ߣߴߊ߬ ߕߊ߫ ߸ߊ߬ߟߎ߬ ߕߍ߫ ߛߋ߫ ߟߊ߫ ߖߊ߲߬ߞߊ߬ߙߏ߬ߕߐ ߓߍ߯ ߣߊ߬ߕߊ ߡߝߊ߫ ߟߊ߫ ߕߎ߬ߡߊ߬ ߖߐ߲ߖߐ߲ ߠߊ߫ ߸ߊ߬ ߖߍ߬ߘߍ ߞߵߊ߬ ߦߌ߬ߘߊ߬ ߞߏ߫ <<ߊ߲ ߕߍ߫ ߛߋ߫ ߟߴߊ߲ ߘߐ߱ߘߏ߲߬ ߠߊ߫ ߡߎ߬ߕߎ߲߬ ߖߊ߲߬ߞߊ߬ߙߏ߬ߕߐ ߓߍ߯ ߟߴߊ߬ ߕߎ߬ߡߊ߬ ߖߐ߲ߖߐ߲ ߠߊ߫ ߸ߏ߬ ߘߏ߲߬ ߛߍ߱ ߟߋ߬ ߘߌ߫ ߒ߬ ߣߌ߫ ߖߊ߲߬ߞߊ߬ߙߏ߬ߕߐ ߟߎ߬ ߓߍ߯ ߞߊ߲߬ >>߸ ߢߍߡߍ߲߫ ߘߊ߲ߘߊߟߌ߫ ߕߊ߲ߓߊ߲ ߞߎ߲߬ߕߌ߮ ߟߋ߬ ߞߊ߲߫ ߕߋ߲߬. ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߘߊ߫ ߡߞߊ߬ߛߌ߬ߟߌ ߞߍ߫ ߞߊ߬ ߛߌߦߊߦߊ߫ ،ߓߊ߬ߙߌ߬ ߝߐߛߌ߬ ߡߊ߫ ߓߐ߫ ߊ߬ ߘߐ߫ ߸ ߊ߬ ߞߏ ߖߍ߬ߘߍ ߦߋ߫ ߕߊ߬ߡߌ߲߬ ߠߊ߫ ߜߟߍ߬ߦߊ߫ ߟߊ߫ ߟߋ߬ ߛߌߛߍ߲߬ ߸ ߊ߬ ߞߊ߬ ߞߟߌߟߌ ߟߐ߬ ߞߍ߲ߘߍߦߊ ߞߏߕߌ߮ ߟߎ߬ ߣߌ߫ ߘߍ߬ߞߙߎ ߟߎ߬ ߣߌ߫ ߛߏ ߛߌ߰ߓߊ߮ ߣߴߊ߬ ߓߐߓߊ߮ ߟߎ߫ ߡߊ߬ ߸ ߊ߬ ߞߵߊ߬ ߦߌ߬ߘߊ߬ ߞߏ߫ :<<ߒ ߧߋ߫ ߡߍ߲ ߦߌ߬ߘߊ߬ ߟߊ߫ ߒ ߠߊ߫ ߞߎߡߊ߫ ߟߊߓߊ߲ ߘߐ߫ ߸ ߏ߬ ߟߋ ߦߋ߫ ߓߍ߲߭ ߘߌ߫ ،ߓߊ߸ ߓߊ߯ߙߊ߫ ߡߎߙߊ߲߫ ߕߴߊ߲ ߓߟߏ߫ ߦߊ߲߬ ߝߋߎ߫ ߊ߬ ߜߋ߲ߜߋ߲߫ ߓߊߛߌ ߖߍ߬ߘߍ ߸ ߏ߬ ߘߐ߫ ߊ߲ ߧߋ߫ ߡߊ߬ߜߍ߲߬ߠߌ߲߬ ߞߊߟߌߡߊ߲ ߠߋ߬ ߢߌߣߌ߲߫ ߠߊ߫ ߡߐ߱ ߟߎ߬ ߝߍ߬ ߓߊ߯ߙߊ߫ ߡߎߙߊ߲߫ ߞߏ ߘߐ߫ ߘߊ߲ߘߊߟߌ߫ ߕߊ߲ߓߊ߲ ߢߌ߲߬ ߠߊ߫ ߸ߛߊ߫ ߡߐ߱ ߟߎ߬ ߣߌ ߘߌ߫ ߟߊߞߊ߲ߘߊ߫ ߢߊ ߡߍ߲ >> ߛߍߡߊ߫ ߞߎ߲ߠߊߛߌ߯ߟߊ߫ ߓߊߖ߭ߌߟ ߜߟߌߡߎ߫ ߟߋ߬ ߞߊ߬ ߞߎߡߊ ߏ߬ ߝߐ߫ ߸ ߢߊ߫ ߖߐ߲ߖߐ߲߫ ߞߏ߬ߣߌ߲ ߛߐ߬ߘߐ߲߬ߣߍ߲߫ ߕߍ߫ ߡߎߣߎ߲߬ ߞߏ ߟߎ߫ ߡߌ߬ߣߊ߬ߢߊ ߡߊ߬ ،ߣߴߊ߬ ߞߏ ߞߏ߬ߣߌ߲ ߕߊ߬ߡߌ߲߬ ߘߊ߫ ߢߊ ߡߍ߲ ߸ߊ߲ ߘߴߊߟߎ߫ ߟߊߞߍ߫ ߊ߬ ߞߊ߬ߟߊߡߊ߬.