ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߴߊ߬ ߞߊ߲߲ߠߊߘߌ߫ ߜߋ߲ߞߐ߰ߖߌ߬ߘߊ ߡߊ߬ ߔߊߞߌߛߊ߫߸ ߞߵߊ߬ ߡߊߞߟߌ߫ ߞߵߊ߬ ߞߍ߫ ߞߎ߲߬ߠߊ߬ߦߋ߬ߙߋ߲߬ ߖߡߊߣߊ ߘߌ߫ ߖߌ߬ߣߍ߬ ߟߊ߫ ߖߘߍ߬ߕߌ߰ߦߊ߬ ߛߊߟߌ߫ ߣߊ߬ߕߐ ߢߌ߲߬ ߘߐ߫߸ ߦߏ߫ ߙߎߥߊ߲ߘߊ߫ ߝߣߊ߫ ߡߊߞߟߌߣߍ߲߫ ߏ߬ ߢߊ ߡߊ߬ ߢߊ ߡߍ߲، ߊ߬ߟߎ߬ ߦߋ߫ ߣߊ߬ ߛߐ߬ߘߐ߲߫ ߖߌ߬ߣߍ߫ ߖߡߊ߬ߣߊ ߟߊ߫ ߢߊ߰ߢߊ߰ߓߊ ߘߐ߫߸ ߏ߬ ߡߍ߲ ߞߍߕߐ߫ ߞߏ߲ߓߌߕߌ߯ ߣߊ߬ߕߐ ߟߊ߫.

ߡߊ߬ߞߟߌ߬ߟߌ߬ ߞߏ ߢߌ߲߬ ߠߊߛߋ߫ ߘߊ߫ ߜߋ߲ߞߐ߰ߖߌ߬ߘߊ ߞߊ߲ߕߌ߮ ߊߟߛߊߣ ߥߊߕߙߊ߫ ߡߊ߬ ߞߊ߯ߙߌߟߏ߲ ߠߋ߬߸ ߂߀߂߆ ߕߎߟߊߝߌ߲ ߕߟߋ߬ ߁߃߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߊߟߛߊߣ ߧߊ߫ ߢߐ߲߯ߦߋ ߛߋ߲߭ߝߍ߬߸ ߛߌ߰ߢߐ߲߰ ߖߡߊߣߊ߫ ߝߌ߬ߟߊ ߟߊ߫ ߕߋߙߌߦߊ ߣߌ߫ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߭ ߢߐ߲߯ߦߋ ߘߐ߫.

ߞߊ߬ߕߎ߲߯߸ ߘߎ߲߬ߓߎߦߊ߬ ߣߌ߫ ߊߟߛߊߣ ߦߴߊ߬ ߝߍ߬ ߟߋ߬߸ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߵߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬ ߛߐ߬ߘߐ߲ ߛߌߟߊ ߝߍ߬߸ ߖߊ߬ߥߏ ߛߌߟߊ ߝߍ߬߸ ߓߘߍ߬ߓߘߍ߬ߟߌ ߛߌߟߊ ߝߍ߬߸ ߟߊ߬ߞߊ߲ߘߊ߬ߟߌ ߣߌ߫ ߟߊ߬ߞߐ߰ߟߌ ߛߌߟߊ ߝߍ߬.

ߊ߬ߟߎ߬ ߟߊ߫ ߢߐ߲߯ߦߋ ߘߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߥߊߕߙߊ߫ ߝߏ߬ ߊ߬ ߞߍ ߘߐ߫ ߞߵߊ߬ ߘߍ߬ߡߍ߲߫ ߟߊ߬ߟߌ߬ߟߌ߬ ߓߘߍ ߟߎ߬ ߟߊ߫ ߢߣߊߕߊߟߌ ߝߍ߬߸ ߝߏ߫ ߊ߬ߟߋ ߛߎߘߊ߲߫ ߘߊ߫ ߞߊ߬ ߛߌ߰ ߖߡߊ߬ߣߊ ߞߎ߲߬ߠߊ߫߸ ߞߏ߫ ߊ߬ ߦߋ߫ ߥߊߕߙߊ߫ ߝߏ߬ ߟߴߏ߬ ߟߊ߫.

ߊ߬ ߞߊ߬ ߝߏ߬ߟߌ ߟߊߛߋ߫ ߜߋ߲ߞߐ߰ߖߌ߬ߘߊ ߡߊ߬ ߝߣߊ߫߸ ߖߌ߬ߣߍ߫ ߣߊ߲߬ߕߌ߮ ߡߍ߲ ߠߎ߬ ߕߊ߯ ߘߊ߫ ߖߘߍ߬ߕߌ߰ߦߊ߬ ߛߊߟߌ ߓߙߊߓߐ ߘߐ߫ ߦߋ߲߬ ߘߓߊ߬ߓߌߟߊ ߕߟߋ߬ ߇ ߡߊ߬ ߊߓߌߖߊ߲߬ ߞߣߐ߫߸ ߏ߬ ߟߎ߬ ߟߊߓߍ߲߬ ߘߊ߫ ߢߊ ߡߍ߲ ߡߊ߬߸ ߏ߬ ߘߌߦߊ߫ ߘߊ߫ ߘߎ߲߬ߓߎߦߊ߬ ߦߋ߫߸ ߊ߬ ߞߵߏ߬ ߝߏ߬ߟߌ ߟߊߛߋ߫ ߜߋ߲ߞߐ߰ߖߌ߬ߘߊ ߡߊ߬߸ ߞߏ߫ ߊ߬ߟߎ߬ ߟߊ߫ ߛߊ߲߬ ߆߆߲ ߘߍߒߖߘߍߟߦߊ߫ ߛߊߟߌ ߞߍ߫ ߘߊ߫ ߞߎ߲߬ߠߊ߬ߦߋߙߋ߲ ߠߋ߬ ߘߌ߫ ߖߌ߬ߣߍ߫ ߞߊ߲߬߸ ߟߊ߬ߓߍ߲߬ߠߌ߲߬ ߞߏ߬ߢߌߡߊ ߣߌ߫ ߘߊ߲ߞߎ߲ߠߌ߲ ߘߐ߫.

ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߟߊ ߝߍ߬߸ ߖߌ߬ߣߍ߬ ߞߊ߲ߕߌ߮ ߞߊ߲ߕߌ߮ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߣߌ߫ ߜߋ߲ߞߐ߰ߖߌ߬ߘߊ ߦߋ߫ ߓߊ߯ߙߊ߫ ߖߎ߬ߟߊ߬ߦߊ ߘߊߞߎ߲ ߘߐ߫߸ ߘߊ߬ߡߊ߲߬ ߞߏ ߘߊߞߎ߲ ߘߐ߫߸ ߊ߬ ߣߌ߫ ߛߣߍ߬ߞߍ߬ ߞߏ ߡߊ߬ߘߎ߮ ߘߐ߫، ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߟߊߢߌߣߌ߲߫ ߥߊߕߙߊ߫ ߝߍ߬߸ ߞߏ߫ ߞߊ߬ ߜߋ߲ߞߐ߰ߖߌ߬ߘߊ ߣߌ߫ ߖߌ߬ߣߍ߬ ߟߊ߫ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬߸ ߊ߬ ߣߌ߫ ߝߘߊ߬ߝߌ߲߬ ߖߡߊߣߊ ߕߐ߭ ߟߎ߬ ߝߣߊ߫߸ ߖߐ߲߰ߛߴߊߝߙߌߞߌ߬ ߖߍ߬ߘߍ ߘߌ߫ ߛߴߊ߬ ߟߊ߫ ߝߙߋߞߋ ߟߎ߬ ߝߎߟߋ߲߫ ߠߊ߫߸ ߦߊ߬ߣߴߊ߬ ߦߋ߫ ߕߏ߫ ߡߐ߰ ߡߊ߬ߞߐߣߐ߲ ߡߊ߬߸ ߡߍ߲ ߠߎ߬ ߓߘߊ߫ ߓߊ߲߫ ߥߙߎߞߌ߫ ߟߊ߫ ߞߊ߬ ߓߊ߲߫، ߓߊߏ߬ߑ߸ ߡߍ߲ ߠߎ߬ ߦߋ߫ ߝߋ߲߫ ߞߋߟߋ߲߫ ߢߌߣߌ߲ ߞߊ߲߬߸ ߏ߬ ߟߎ߫ ߟߋ߬ ߘߌ߫ ߛߋ߫ ߛߌ߬ ߟߴߊ߬ߟߎ߬ ߢߣߊ߫ ߢߐ߯ ߝߍ߬.

ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߦߌ߬ߘߊ߬߸ ߞߏ߫ ߖߌ߬ߣߍ߬ ߣߌ߫ ߜߋ߲ߞߐ߰ߖߌ߬ߘߊ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬߸ ߞߊ߬ ߘߏ߲߰ߠߌ߲߬ߘߏ߲߰ߣߌ߲߬ ߛߊߣߌ߲߫ ߛߋ߲ ߞߟߍ߬߸ ߊ߬ ߣߌ߫ ߛߊ߬ߙߌ߬ߦߊ߬ ߛߐ߬ߛߐ߬ ߘߊߡߊ߲ߛߋ߲، ߊ߬ߟߎ߬ ߦߋ߫ ߓߟߏ ߟߎ߬ ߘߌ߫ ߢߐ߲߮ ߡߊ߬ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫߸ ߞߊ߬ ߛߋ߫ ߞߎ߲߬ߠߊ߬ߝߎߟߋ߲ ߠߎ߬ ߘߌ߫ ߟߊ߫ ߢߐ߲߮ ߡߊ߬߸ ߞߊ߬ ߛߋ߫ ߢߐ߲߯ ߠߊߛߏ߬ߓߌ߬ ߟߊ߫.

ߊ߬ ߞߵߊ߬ ߝߐ߫ ߝߣߊ߫߸ ߞߏ߫ ߥߙߎߞߌ߫ ߓߟߏߕߍ߰ߓߊߟߌ ߕߍ߫ ߛߐ߬ߘߐ߲߬߸ ߣߌ߫ ߖߛߎ߬ߛߎߡߊ ߕߍ߫߸ ߣߌ߫ ߓߊߛߌ߮ ߕߍ߫، ߏ߬ ߘߐ߫߸ ߞߏ߫ ߊ߬ߟߎ߬ ߦߋ߫ ߘߍ߬ ߞߊ߬ ߟߊ߬ߞߊ߲߬ߘߊ߬ߟߌ ߛߋ߲߬ߠߊ߬ߛߘߌ߬ ߞߏ ߟߎ߫ ߞߍ߬ߟߍ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߡߎ߰ߡߍ ߘߐ߫.

ߊ߬ߟߎ߬ ߟߊ߫ ߢߐ߲߯ߦߋ ߣߌ߲߬ ߘߐ߫߸ ߜߋ߲ߞߐ߰ߖߌ߬ߘߊ ߞߏߕߌ߯ ߝߟߐ ߕߍ߬ߘߍ߫ ߦߋ߲߬߸ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߕߣߋ߫ ߓߌߙߊߤߌߡߊ ߥߊߕߙߊ߫ ߕߍ߬ߘߍ߫ ߦߋ߲߬߸ ߞߐߞߊ߲ߞߏ ߟߎ߬ ߞߏߕߌ߮ ߕߍ߬ߘߍ߫ ߦߋ߲߬߸ ߊߘߡߊ߫ ߘߏ߬ߛߏ߫߸ ߞߵߏߏ߬ ߟߊ߫ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߞߊ߲߬߸ ߡߊ߬ߛߋߙߋ߬ ߕߎ߬ߙߋ ߞߏߣߋ߫߸ ߞߎߡߊߕߍ߫ ߖߌ߬ߣߍ߫ ߟߊ߬ߛߌ߰ߘߋ߲ ߡߊ߬߸ ߓߊ߬ߛ߭ߌߙ ߖߊߟߏ߫.