ߞߎ߲߬ߠߊ߬ߛߌ߮ ߓߍ߯
ߞߌ߬ߓߊ߬ߙߏߖߎ߬ߟߊ ߘߏ߫ ߟߋ߬ ߦߋ߫ ߜ߭ߙߊ߲߫ ߦߐߝ߸ ߏ߬ ߟߋ ߣߐ߬ ߊ߬ ߟߊ߫ ߘߏߝߙߍߕߍ ߘߌ߫ ߟߊ߫ ߛߊ߲߬ߠߌ߲߬ߠߊ ߘߏ߫ ߡߊ߬߸ ߏ߬ ߞߵߊ߬ ߟߊߓߣߐ߬ ߓߣߐ߬ߣߍ߲߫ ߛߍߝߊ ߁߅߈ ߀߀߀ ߠߊ߫، ߏ߬ ߕߍ߬ߘߴߊ߬ ߝߍ߬ ߞߵߊ߬ ߟߊ߫ ߛߊ߲߬ߠߌ߲߬ ߞߍߣߍ߲ ߠߎ߬ ߥߊߘߌ ߛߙߊ߬߸ ߡߍ߲ ߓߍ߲߬ߣߍ߲߫ ߕߘߍ߬ ߛߍߝߊ ߂߀߀ ߘߐߙߐ߲߫ ߡߊ߬.
ߞߍߞߎߘߊߓߌ߬ ߟߋ߬ ߣߍߣߍߓߊ ߕߋ߬ߟߋ߫ ߂߃ ߘߌ߫߸ ߒߞߏ ߛߌ߲ߘߌߓߊ߮ ߟߊ߫ ߛߊ߬ߦߊ ߓߘߊ߫ ߛߊ߲߬ ߃߈ ߓߐ߫، ߊ߬ ߞߊ߬ ߛߊ߲߬ ߃߈ ߢߣߡߦߊ߫ ߟߋ߬ ߞߍ߫ ߒߞߏ ߟߊߓߐߣߍ߲ ߞߐߝߍ߬߸ ߊ߬ ߟߊ߫ ߛߊ߬ߦߊ ߝߣߊ߫ ߓߘߊ߫ ߛߊ߲߬ ߃߈ ߓߐ߫، ߟ.ߞ.ߝ ߞߊ߬ ߛߌ߲߬ߓߏ߲ ߛߌ߲߬ߓߏߛߌ߬ ߞߎߣߎ߲߬߸ ߘߎ߲ߓߎ ߝߣߊ߫ ߦߴߊ߬ ߞߊ߲߬ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫ ߕߋ߲߬، ߛߌ߯ߙߌ߲߫ ߟ.ߞ.ߝ ߝߣߊ߫ ߦߴߊ߬ ߞߊ߲߬ ߕߋ߲߭ߕߋ߲߭ ߣߌ߲߬ ߘߐ߫، ߒߞߏ ߘߏ߲߬ߞߏ ߟߎ߬ ߦߴߊ߬ ߟߊ߫ ߛߊ߬ߦߊ ߞߍ߫ ߟߴߊ߬ ߟߊ߫ ߞߏߓߊ߫ ߞߍߣߍ߲ ߠߎ߬ ߝߐ߫ ߟߏ߲ ߠߋ߬ ߘߌ߫߸ ߞߵߏ߬ ߞߍ߫ ߝߊߘߌ߲ߧߊ ߡߌ߲߬ߝߋ߲ ߘߌ߫ ߓߍ߯ ߟߊߘߍ߬ߣߍ߲ ߥߍ߬ߣߍ ߘߐ߫.
ߞߍߞߎߘߊߓߙߎ߫ ߡߊ߫ ߜߊ߬ߛߌ߬ ߞߊ߲ߞߊ߲߫ ߦߙߐ߫ ߛߌߦߊߡߊ߲߫ ߘߐ߫ ߓߌ߬߸ ߝߎ߬ߙߎ߲߬ߞߎ߬ߟߌ ߞߏ ߝߌߙߌ߲ߝߌߙߌ߲߫ ߠߴߊ߬ߟߎ߬ ߓߟߏ߫، ߊ߬ߟߎ ߘߏ߲߬ ߠߊ߫ ߝߎ߬ߙߎ߲߬ߞߎ߬ߟߌ ߕߍ߫ ߛߌߟߊ߫ ߞߊ߲߫ ߓߐߟߌ߫ ߘߌ߫߸ ߊ߬ߟߎ߬ ߦߴߊ߬ߟߎ߫ ߓߊ߲߬ ߠߊ߫ ߓߙߎ߫ ߜߊߛߌ ߟߋ߬ ߡߊ߬، ߝߣߊ߫߸ ߘߏ߫ ߓߘߊ߫ ߓߐ߫ ߢߊ߯ߡߊߡߎ߮ ߛߐ߲߬ߞߐ ߟߊ߫߸ ߓߊ߬ߙߌ߬ ߓߙߎ߫ ߞߟߊ߫ ߞߋߟߋ߲ ߦߋ߫ ߖߕ ߅߀߀߀ ߘߐ߫ ߡߎߣߎ߲߬.
