ߞߵߊ߬ ߓߍ߲߬ ߢߊ߯ߡߊ߫ ߡߎ߯ ߞߏߖߊ ߘߏ߲߭ ߡߊ߬ ߖߌ߬ߣߍ߬ ߞߣߐ߫ ߥߊ߯ߕߌ߫ ߕߊ߬ߡߌ߲߬ߣߍ߲ ߘߏ߫ ߟߎ߫ ߟߊ߫߸ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߙߎ߫ ߜߊߛߌߟߊ ߟߎ߫ ߟߐ߬ ߘߏ߫ ߟߊ߫ ߟߊ߫ ߓߙߎ߫ ߞߟߊ߫ ߞߋߟߋ߲ ߛߐ߲߬ߞߐ ߞߊ߲߬ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߘߐ߫߸ ߞߵߊ߬ ߞߍ߫ ߖߕ ߅ ߀߀߀ ߘߌ߫، ߣߴߏ߬ ߕߍ߫߸ ߊ߬ ߕߍ߬ߘߍ߫ ߝߙߋ߬ ߟߊ߫ ߖߕ ߃ ߀߀߀ ߟߋ߬ ߟߊ߫.
ߊ߲ ߘߏ߲߬ ߞߍ߫ ߘߴߊ߬ ߞߊ߬ߟߊߡߊ߬ ߖߎ߬ߟߊ ߘߏ߫ ߟߎ߫ ߝߍ߬߸ ߞߏ߫ ߢߊ߯ߡߊ߫ ߡߎ߮ ߛߐ߲߬ߞߐ ߕߎ߲߬ ߓߘߊ߫ ߦߟߍ߬߸ ߞߊ߬ ߓߐ߫ ߃߅߀ ߀߀߀ ߘߐ߫߸ ߞߊ߬ ߛߋ߫ ߅߀߀ ߀߀߀ ߘߐ߫߸ ߤߊ߲߯ ߏ߬ ߛߊ߲ߘߐ߫.
ߓߊ߬ߙߵߊ߲ ߧߋ߫ ߘߊߞߎ߲ ߡߍ߲ ߘߐ߫ ߕߋ߲߬߸ ߖߎ߬ߟߊ ߘߏ߫ ߟߎ߫ ߞߵߊ߬ ߦߌ߬ߘߴߊ߲ ߠߊ߫߸ ߡߍ߲ ߕߐ߮ ߦߋ߫ ߜߎ߬ߕߙߎ ߘߐ߫، ߞߏ߫ ߢߊ߯ߡߊ߫ ߡߎ߮ ߛߐ߲߬ߞߐ ߓߘߊ߫ ߖߌ߰ ߣߍ߲ߞߍ߫، ߓߊߏ߬߸ ߌ ߓߊ߯ ߞߊ߲ߞߊ߲߫ ߡߊߝߟߍ߫߸ ߢߊ߯ߡߊߡߎ߮ ߛߎ߯ߦߊ ߡߍ߲ ߕߐ߯ ߞߏ߫ ߓߙߊߝ߭ߏ߸ ߏ߬ ߦߋ߫ ߖߕ ߃߇߅ ߀߀߀ ߣߌ߫ ߃߈߀ ߀߀߀ ߠߋ߬ ߕߍߟߊ ߘߐ߫، ߣߴߌ ߘߏ߲߬ ߞߊ߬ ߋߟߋߝߊ߲ ߕߊ߬߸ ߏ߬ ߦߋ߫ ߖߕ ߄߀߀ ߀߀߀ ߠߋ߬ ߘߌ߫.
ߒ߬ߓߊ߬߸ ߘߎ߰ߘߋ߲ ߠߎ߬ ߦߴߊ߬ߟߎ߫ ߖߘߍ߬ ߡߊߢߌ߬ߣߌ߲߬ߞߊ ߟߋ߬ ߞߊ߲߬ ߛߍߣߍ߲߬߸ ߞߏ߫ ߢߊ߯ߡߊߡߎ߮ ߛߐ߲߬ߞߐ ߓߐ ߞߐ߫ ߅߀߀ ߀߀߀ ߘߐ߫߸ ߏ߬ ߡߍ߲ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߏ߫ ߟߊ߫ ߓߙߎ ߛߐ߲߬ߞߐ ߞߊ߲߬، ߏ߬ ߓߘߊ߫ ߖߌ߰ ߞߊ߬ ߣߊ߬ ߄߀߀ ߀߀߀ ߘߐ߫߸ ߤߊߟߌ߬ߛߊ߫ ߝߋ߲߫ ߡߊ߫ ߓߐ߫ ߓߙߎ߫ ߞߟߊ߫ ߞߋߟߋ߲ ߅ ߀߀߀ ߟߊ߫.
ߏ߬ ߟߋ ߞߏߛߐ߲߬߸ ߛߌߟߊߓߐߛߐ߯ߣߊ߫ ߞߵߊ߬ ߛߋ߲߬ ߝߊ߫ ߞߊ߬ ߕߊ߯ ߛߋ߫ ߞߊ߲ߞߊ߲߫ ߓߙߎ߫ ߜߊߛߌߟߊ ߟߎ߬ ߟߊ߫ ߞߎ߲߬ߕߌ߮ ߡߊ߬߸ ߊ߬ߟߋ ߡߍ߲ ߕߐ߯ ߞߏ߫ ߊ߬ߟߌ ߓߊߘߊ߬ߙߊ ߕߙߊߥߟߋ߫، ߊ߬ߟߋ ߡߊ߫ ߛߐ߲߬ ߊ߬ ߞߣߐߘߐߘߌߦߊ߫ ߟߊ߫ ߞߏ ߟߎ߬ ߥߊ߭ ߟߊߞߊ߭ ߘߐ߫ ߛߊ߫، ߓߊ߬ߙߌ߬߸ ߊ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ߠߎ߬ ߕߴߛߋ߫ ߝߏߦߌ߬ ߝߐ߫ ߟߊ߫ ߓߙߎ ߛߐ߲߬ߞߐ߬ ߞߏ ߞߊ߲߬ ߡߎߣߎ߲߬߸ ߝߊ߬ߣߌ߫ ߞߎ߲߬ߠߊ߬ߛߌ߮ ߡߊ߫ ߖߊ߬ߡߊߙߌ ߘߌ߫ ߊ߲ߠߎ߬ ߓߙߎߜߊߛߌߟߊ ߟߎ߫ ߡߊ߬، ߓߊߏ߬ߟ ߊ߲ߠߎ߬ ߝߣߊ߫ ߦߋ߫ ߓߊ߯ߙߊ߫ ߟߊ߫ ߞߵߊ߬ ߓߍ߲߬ ߖߌ߬ߣߍ߫ ߕߌ߲߬ߞߎߘߎ߲ ߕߐ߭ ߟߎ߬ ߥߊ߫ ߢߊ ߟߋ߬ ߡߊ߬، ߣߴߏ߬ ߟߎ߫ ߞߊ߬ ߞߏ ߟߎ߬ ߟߊߣߐ߰ߦߊ߬ ߘߐߙߐ߲߫߸ ߊ߲ ߝߣߊ߫ ߘߴߊ߬ ߟߊߣߐ߰ߦߊ߬.>> ߊ߬ߟߎ߬ ߟߊ߫ ߞߎ߲߬ߕߌ߮ ߟߋ߬ ߞߵߏ߬ ߦߌ߬ߘߴߊ߲ ߠߊ߫.
ߒ߬ߓߊ߬߸ ߝߎ߬ߙߎ߲߬ߞߎ߬ߟߌ߬ ߞߏ ߟߋ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߦߋ߫ ߛߋ߲߬ߘߐ߫ ߡߎ߬ߕߎ߲߬ ߛߊ߫߸ ߓߊߏ߬ ߓߙߎ߫ ߡߊ߫ ߜߊ߬ߛߌ߬ ߞߊ߲ߞߊ߲߫ ߘߌ߲߬ߞߌߙߊ ߘߏ߫ ߟߎ߫ ߘߐ߫ ߓߌ߬ ߞߐ߬ߟߏ߲ ߣߌ߲߬ ߡߊ߬߸ ߕߎߟߊߝߌ߲ ߕߋ߬ߟߋ߫ ߂.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߣߌ߫ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
