ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߡߊ߬ߟߌ ߝߊ߬ߥߏ߬ߟߊ߬ߓߐ߬ߟߊ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߑߟߊ߬ߓߊ߸ ߣߴߊ߬ ߘߍ߰ ߛߎ߬ߛߎ߬ ߕߐ߮ ߦߋ߫ ߟߊ߬ߡߌߣ ߛߡߊ߬ߞߍ ߘߌ߫߸ ߏ߬ ߓߌ߬ߟߊ߬ ߘߊ߫ ߓߌߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߃ ߢߌ߲߬ ߡߊ߬، ߡߞߊ߬ߛߌ߬ߟߌ߫ ߟߋ߬ ߞߍߣߍ߲߫ ߕߍ߬ߘߍ߫ ߊ߬ ߞߊ߲߬߸ ߣߴߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ ߟߊߘߏ߲߬ ߥߛߎ ߟߊ߫߸ ߏ߬ ߟߋ ߛߓߍ ߟߊߓߐߣߍ߲߫، ߒ߬ߓߊ߬߸ ߓߟߏߓߐߣߴߊ߬ ߘߐ߫ ߏ߬ ߕߟߋ߬ ߘߊ߲ߘߐ ߟߋ߬ ߡߊ߬ ߣߌ߲߬.
ߕߍߓߊ߯ߦߊߛߣߍ߬ߜ߭ߊߟߌ߫ ߞߊ߲ߕߌ߮߸ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬ ߓߘߊ߫ ߞߙߍߞߙߍ߫ ߞߵߊ߬ ߞߍ߫ ߛߘߋߦߊߥߏ ߞߊ߬ߝߏ߬ ߞߎ߲ߕߌ߮ ߟߎ߬ ߟߊ߫ ߜߊ߬ߙߊ ߞߊ߲ߕߌ߮ ߘߌ߫، ߏ߬ ߡߍ߲ ߞߎߡߊ ߝߐ߫ ߘߊ߫ ߞߊ߯ߙߌߟߏ߲ ߡߊ߬߸ ߂߀߂߆ ߞߊ߬ߙߌ߬ߝߐ ߕߟߋ߬ ߁߉߸ ߛߌ߲߬ߝߏ߲߬ߘߊ ߟߊ߫ ߘߋ߬ߙߌ߬ߣߊ߲߬ ߜߙߊ ߆߉߲ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߝߌ߬ߙߌߕߐ߲߬߸ ߛߙߊ߬ߟߏ߲߫ ߖߡߊ߬ߣߊ ߞߊ߲߬.
ߓߘߍ߬ߓߘߍ߬ߟߌߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߛߐ߬ߘߐ߲߬ ߛߘߋߦߊߥߏ (ߝߕߞߡߘ) ߡߙߊ߬ߓߊ߮ ߟߎ߬ ߟߊ߫ ߜߊ߬ߙߊ ߘߐ߫، ߒ߬ߓߊ߬߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ ߛߘߋߦߊߥߏ ߛߎ߮ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߘߊ߲ߣߍ߲߫ ߛߐ߬ߘߐ߲ ߠߋ߬ ߓߊߛߌ߰ ߞߊ߲ߡߊ߬߸ ߞߊ߬ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍߒߘߌߦߊ ߓߌ߬ߟߊ߬ ߢߍߝߍ߬، ߊ߬ ߞߊ߬ ߓߌ߲߬ߓߊ߬ߥߏ߬ ߞߏ ߘߐߜߏߦߊ߫ ߟߋ߬ ߔߐ߫߸ ߞߊ߬ߕߎ߲߯߸ ߞߏ߫ ߓߌ߲߬ߓߊߥߏ ߡߊ߲߬ߕߙߐ ߡߍ߲ ߦߋ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߏ߬ ߕߍ߫ ߞߊ߲ߕߌ߮ ߟߎ߫ ߞߊ߲߬߸ ߓߌ߲߬ߓߊߥߏ ߦߋ߫ ߓߋ߬ ߟߴߏ߬ ߟߎ߬ ߡߍ߲ ߠߎ߬ ߞߊ߲߬.
ߞߍߞߎߘߊߘߏߣߊߟ ߕߑߙߐ߲ߔ ߞߵߊ߬ ߛߐ߬ߘߐ߲ ߛߊ߲߬ ߈߀ ߢߊ߰ߢߊ߮ ߞߍ߫ ߞߊ߯ߙߌ߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄ߣߌ߲߬ ߡߊ߬ ߓߏ߲ߜߍ ߡߊ߲߬ߛߊ߬ߓߌ߲ ߞߊ߲߬ ߥߙߏ߬ߘߎ߰ ߝߊ߲ ߝߍ߬، ߊ߬ ߞߎߡߊ߫ ߘߊ߫ ߌߙߊ߲߫ ߞߟߍ ߞߏߢߊ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߓߍ߲߬ߞߊ߲߫ ߞߎ߲߬ߝߟߐ ߟߎ߬ ߓߘߊ߫ ߝߟߐ߫ ߛߐ߬ߘߐ߲߬ ߠߊ߫߸ ߛߊ߫ ߘߊ߲߬ ߘߌ߫ ߛߌ߰ ߞߍ߬ߟߍ ߟߊ߫.
ߞߍߞߎߘߊߖߌ߬ߣߍ߬ ߤߖߌߘߋ߲ ߠߎ߬ ߟߊ߫ ߕߐ߲߬ߕߐ߲ ߂߁߲ ߕߘߍ߬ ߛߊ߲ߡߊߞߎߟߎ߲ ߡߍ߲ ߞߣߐ߫߸ ߏ߬ ߟߋ ߞߘߊߡߊߣߍ߲߫ ߛߌߟߊ ߡߙߎ߫ ߟߊ߫ ߞߵߊ߬ ߞߎ߲߬ߛߌ߲߫ ߓߡߊ߬ߞߐ߬ ߟߊ߫߸ ߜߊ߬ߛߌ߬ߣߍ߲ ߞߐ߫ ߛߊ߲ߡߊߞߎߟߎ߲ ߣߌߘߐ ߘߏ߫ ߟߊ߫، ߡߊ߬ߘߌ߬ߡߌ߲߬ ߞߏ߫ ߣߌ߫ ߖߎ߫ߡߊ߲߫ ߜߘߍ߫ ߞߏ߬ߣߌ߲߬ ߡߊ߫ ߝߐ߫ ߊ߬ ߞߏ ߘߐ߫.
ߓߘߍ߬ߓߘߍ߬ߟߌߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߓߘߊ߫ ߛߌ߯ߙߌ߲߫ ߡߙߊ߬ߘߊ߬ߓߊ ߞߏߟߊߕߍ߯ ߡߐ߰ ߣߊ߯ߣߌ߲߫ ߠߊߘߎ߲߫ ߊ߬ߟߎ߬ ߟߊ߫ ߓߊ߯ߙߊ ߘߐ߫߸ ߡߙߊ߬ߓߊ߮ ߖߘߍ߬ߓߊ߬ߞߎ߲ ߦߴߏ߬ ߟߋ ߘߐ߫߸ ߛߋߣߌ߬ ߛߌߟߑߝ߭ߍߙ ߞߡߊ߬ߙߊ߬. ߡߙߌߘߐ߫ ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߂ ߟߋ߬ ߡߊ߬ ߞߐߣߊߞߙߌ߫، ߊ߬ߟߋ߬ ߟߊ߬ߘߎ߲߬ߓߊ߰ߕߐ ߟߎ߬ ߟߊ߫ ߗߋߘߊ ߞߊ߬ߙߌ߬ߝߊ߬ ߘߊ߫ ߡߐ߰ ߜߘߍ߫ ߟߎ߫ ߟߋ߬ ߟߊ߫ ߡߎߣߎ߲߬ ߘߍ߲߬ߞߍ߬ߕߎ߲߬ ߓߟߏ ߡߊ߬.
ߕߋߟߋ߲ߓߊ߯ߦߊߗߍ߬ ߛߊ߲߬ ߓߌߣߊ߯ߣߌ߲ ߘߏ߫ ߟߋ߬ ߟߊ߫ ߞߕߌ ߕߎ߲߬ ߦߴߌߘߐ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߣߌ߲߬ ߡߊ߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ ߟߎ߬ ߟߊ߫ ߓߏ߲ߘߋ߲ ߖߏߣߡߊߞߕߌߘߓߊ ߟߊ߫، ߊ߬ߟߋ ߡߊߝߌ߲߬ߣߍ߲߫ ߞߏ߫ ߊ߬ ߣߐ߬ ߓߌ߲ߝߊ߯ߟߊ߲ ߠߋ߬ ߞߍ߫ ߟߴߊ߬ߟߎ߬ ߟߊ߫ ߖߌ߲ߘߊ߯ߓߊ ߘߐ߫߸ ߛߴߊ߬ ߘߴߊ߬ ߝߊ߬ ߝߊ߰ ߢߊ ߡߍ߲ ߡߊ߬߸ ߊ߬ ߖߍ߬ߘߍ ߛߐ߬ߘߐ߲߬ ߝߊ ߞߊ߬ߣߌ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߘߍ߭ߖߍ߬ߣߍ߫ ߡߊ߬ߙߋ߬ߣߊ߬ ߦߋ߫ ߕߌ߲ߘߌߥߎߟߋ߲߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߟߋ߬ ߘߌ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫، ߖߌ߫ ߞߏ ߟߋ߬ ߜߍ߬ߟߍ߲߬ߡߊ߲߫ ߏ߬ ߟߎ߫ ߝߍ߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߥߙߏ߬ߝߋ߫ ߝߌ߬ߟߊ߬ ߘߐߙߐ߲߫ ߠߋ߬ ߊ߬ߟߎ߫ ߝߍ߬ ߦߋ߲߬߸ ߛߏ ߡߎ߰ߡߍ ߛߌ߰ߣߍ߲߫ ߏ߬ ߟߋ ߡߊ߬߸ ߊ߬ߟߎ߬ ߞߊ߲߫ ߞߏ߫ ߖߌ߫ ߞߏߏ߫ ߜߟߍߦߊ ߦߴߊ߬ߟߎ߫ ߟߐ߬ ߟߊ߫ ߖߌ߫ ߡߌ߲߬ ߠߊ߫ ߕߎ߬ߡߊ ߘߏ߫ ߟߎ߫ ߟߊ߫߸ ߡߍ߲ ߠߎ߬ ߛߊߣߌ߲ߡߊ߲߫ ߕߍ߫ ߝߋߎ߫.
ߞߌ߬ߓߊ߬ߙߏߜߐ߲߬ߞߐ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߊ߬ߙߊ ߟߎ߬ ߘߐ߫߸ ߡߍ߲ ߛߌ߰ߓߊ߮ ߘߌ߫ ߡߐ߰ ߁߂ ߀߀߀ ߢߐ߲߰ ߓߐ߫، ߒ߬ߓߊ߬߸ ߏ߬ ߟߎ߫ ߞߎ߲߬ߢߐ߲߰ ߦߙߌߞߊ ߟߋ߬ ߘߓߌ߬ ߞߎ߬ߘߎ߲߬ ߘߍ߲ߘߍ߲ ߘߐ߫ ߞߟߌߟߌ߫ ߞߏ ߛߌߟߊ ߝߍ߬ ߣߌ߲߬߸ ߞߙߏ߬ߝߏ߬ ߖߐ߲ߖߐ߲߫ ߕߴߊ߬ߟߎ߫ ߝߍ߬، ߊ߬ߟߎ߬ ߕߍ߫ ߛߋ߫ ߟߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߟߎ߬ ߢߊߓߐ߫ ߟߴߊ߬ ߢߌ߬ߡߊ ߟߊ߫߸ ߊ߬ߟߎ߬ ߟߊ߫ ߖߎ߬ߟߊ߬ߦߊ ߟߎ߬ ߓߍ߫ ߢߌߣߌ߲߫ ߞߊ߬ ߝߍ߭ ߛߐ߬ߘߐ߲߬߸ ߞߌ߬ߓߊ߬ߙߏ߬ ߞߏ ߕߎߣߎ߲ߣߍ߲߫ ߠߴߊ߬ߟߎ߫ ߡߊ߬ ߦߋ߲߬ ߕߋ߲߬ ߖߋ߲ߎ߲߫.
ߓߘߍ߬ߓߘߍ߬ߟߌߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߥߛߊ߬ߘߋ߲߬ ߛߎߥߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫߸ ߊ߬ ߦߋ߫ ߘߊ߫ ߞߏ߫ ߖ߭ߋߍߡߑߘߋ ߟߋ߬ ߦߟߍ߬ߣߍ߲߫ ߛߊ߲ߝߍ߬ ߦߙߐ ߝߊ߲߬ߓߊ ߘߐ߫. ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߡߍ߲ ߦߋ߫ ߣߌ߲߬߸ ߖ߭ߋߍߡߑߘߋ߸ ߊ߬ߟߋ ߟߋ߬ ߣߐ߬ ߦߙߐ ߓߍ߯ ߕߊ߬ ߟߊ߫ ߝߊߦߌߘߊ߫߸ ߝߏ߫ ߞߎ߲ߘߊߙߊ߬ ߣߌ߫ ߜߋ߬ߛߌ߬ߦߊ߬ ߘߐߙߐ߲߫߸ ߏ߬ ߟߎ߫ ߟߋ߬ ߕߟߊߣߴߊ߬ ߓߟߏߥߏ ߟߊ߫.
ߞߍߞߎߘߊߓߌߟߏ߲߫ ߕߊ߬ߡߌ߲߬ߣߍ߲߸ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߞߍ߫ ߘߊ߫ ߝ߭ߑߟߊߘߡߌߙ ߔߎߕߌߣ ߞߎ߲߬߸ ߊ߬ ߡߊ߫ ߛߐ߲߬ ߏ߬ ߖߋ߬ߓߌ߬ ߟߊ߫، ߏ߬ ߟߋ ߞߍ߫ ߘߴߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߘߌ߫ ߂߀߃߀ ߟߊ߫، ߊ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߢߌ߬ߣߌ߲߬ߞߊ߬ߟߌ ߏ߬ ߓߘߊ߫ ߓߊ߬ߙߴߊ߬ ߘߐ߫ ߞߏߖߎ߯ߦߊ߫߸ ߊ߬ ߦߟߌ߫ ߕߴߏ߬ ߛߎ߮ ߞߍߟߌ ߡߵߊ߬ ߞߎ߲߬ ߣߌ߲߬ ߥߊ߯ߕߌ ߢߌ߲߬ ߠߊ߫.
ߞߌ߬ߓߊ߬ߙߏߞߏߥߍߕ ߖߡߊ߬ߣߊ ߖߌ߬ߦߊ߬ߞߊ߲߬ߛߏ ߢߣߊߓߊ߯ߦߊߟߌߟߊ ߘߏ߫ ߓߍ߫߸ ߞߏ߫ ߖ߭ߋߣߊߓ ߘߊߛ߭ߑߕߌ߫߸ ߏ߬ ߟߋ ߓߌ߬ߟߊ߬ߣߍ߲߫ ߛߊ߲߭ ߛߓߊ߬ ߥߛߎ ߟߊ߫߸ ߞߏ߫ ߊ߬ ߓߘߴߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌ߬ߘߊ߬ ߌߙߊ߲߫ ߞߏ ߘߐ߫ ߘߍ߬ߞߙߏߝߏ ߞߊ߲߬߸ ߌߙߊ߲߫ ߣߐ߬ ߊ߬ ߕߊߛߊ߬ߙߊ ߡߍߠ߲ ߞߍ߫ ߟߊ߫ ߌߛߌ߬ߙߊ߬ߌߟߊ߫ ߣߴߊߡߙߌߞߌ߬ ߟߊ߫ ߥߊ߬ߟߏ߲߬ߠߌ߲ ߞߐ ߘߐ߫ ߞߊ߬ߣߌ߲߬، ߞߏߥߍߕ ߞߕߌ߫ ߡߛߊߦߌ߲ߘߊ ߝߣߊ߫ ߓߘߊ߫ ߛߊ߲߬ ߛߓߊ߬ ߥߛߎ ߏ߬ ߟߤߊߕߍߦߊ߫، ߏ߬ ߞߏ߬ߣߌ߲ ߞߍߣߍ߲߫ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߬ ߟߊ߫ ߜߊ߲߫ ߖߎ ߓߐ߬ߣߍ߲ ߠߋ߬ ߘߌ߫ ߝߛߊߦߌ߫.
ߡߍ߲ߠߌ߲ߊߓߘߎߟߊߦߌ߬ ߛߋ߬ߙߌߝ ߣߐ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߟߊ߫ ߝߍߛߑߓߎߞ ߟߊ߫߸ ߊ߬ߟߋ ߡߍ߲ ߦߴߊ߬ ߤߊߞߟߌߣߊ߲ ߘߌ߫ ߟߊ߫ ߞߏ߫ ߛߌߦߊߡߊ߲߫ ߞߊ߲߬ ߛߐ߲߬، ߊ߬ߟߋ ߞߊ߲߫ ߞߏ߫ ߜߏ߲߬ߛߊ߲ ߠߋ߬ ߞߊ߫ ߞߊ߲߫ ߞߍ߫ ߡߊ߬ߛߌ߬ߟߊ߲߬ߠߌ߲߬ ߝߋ߲ ߘߌ߫ ߡߊ߬ߙߊ ߞߣߐ߫߸ ߏ߬ ߓߊ߯ ߓߐ߫ ߊ߬ ߘߐ߫ ߕߎ߲߫߸ ߊ߬ ߓߘߊ߫ ߕߌߢߍ߫.
ߓߘߍ߬ߓߘߍ߬ߟߌߞߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲߬ ߢߣߊߕߊߟߌ ߞߐߝߟߌ߫ ߟߊߓߐߣߍ߲ ߡߊ߬߸ ߓߊߛߓߊ߬ߕߌ߫ ߛߘߌ߬ߓߋ߫ ߣߴߊ߬ ߟߊ߫ ߖߊ߬ߡߊ ߣߐ߬ ߛߌ߰ߟߊ߲߫ ߞߐ߬ߣߐ߲߬ߘߐ߫ ߟߋ߬ ߛߐ߬ߘߐ߲߬ ߠߊ߫߸ ߊ߬ ߝߣߊ߫ ߓߘߊ߫ ߦߟߌߣߐ ߏ߬ ߞߏ ߞߊ߲߬، ߢ߃ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߞߊ߲߫ ߞߏ߫ ߊ߬ ߦߴߊ߬ ߛߎߥߊ߲ߘߌߓߊ߮ ߟߎ߬ ߞߟߌ߫ ߟߊ߫߸ ߊ߬ ߣߴߊ߬ ߟߊ߫ ߞߙߎߞߊ ߟߊߘߌߦߊߢߍߓߊ߮ ߟߎ߬߸ ߞߏ߫ ߓߍ߯ ߦߋ߫ ߖߛߎ߬ߛߎߡߊ ߓߌ߬ߟߊ߬ ߢߍߝߍ߬߸ ߞߊ߬ ߘߊߘߐߖߊߥߏ ߓߌ߬ߟߊ߬ ߢߍߝߍ߬߸ ߞߊ߬ ߕߏߏ߫ ߢߣߊߕߊߟߌ ߞߎ߲߬ߠߊ߬ߛߌ߮ ߟߎ߬ ߞߐ߫.
ߓߘߍ߬ߓߘߍ߬ߟߌ߂߀߂߆ ߞߊ߬ߝߏ߬ߙߋ߲߬ ߢߣߊߕߊߟߌ ߡߍ߲ ߕߊ߬ߡߌ߲߬ ߘߊ߫ ߕߐ߲߬ߓߊ߬ ߞߊ߲ߛߊ߫߸ ߏ߬ ߞߏ ߓߘߊ߫ ߞߟߊߦߊ߫ ߦߋ߲߬ ߞߏߛߓߍ߫، ߝߊ߬ߛߏ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߣߐ߬ ߞߐߝߟߌ ߡߍ߲ ߝߐ߫ ߟߊ߫߸ ߓߐ߬ߟߐ߲߬ߞߊ߫ ߞߊ߬ߡߊߙߊ߬ ߖ߭ߋߣߊߓ ߕߎ߬ߙߋ߸ ߖ߭ߋ.ߍߡ.ߘߋ ߟߋ߬ ߛߊ߲ߝߍ߬ ߏ߬ ߘߐ߫ ߦߋ߲߬ ߝߙߋߟߋ߲߫߸ ߛߌ߰ߟߊ߲߬ ߁߀ ߠߋ߬ ߛߐ߬ߘߐ߲߬ߣߍ߲߫ ߏ߬ ߓߟߏ߫ ߁߇ ߘߐ߫.
ߓߘߍ߬ߓߘߍ߬ߟߌ߂߀߂߆ ߘߓߊ߬ߕߊ ߃߁ ߥߛߊ߬ߘߋ߲߬ ߢߣߊߕߊߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߓߘߊ߫ ߥߛߊ߬ߘߋ߲߬ ߄߉ ߛߙߍߘߍ ߟߊߓߐ߫ ߝߊ߬ߛߏ߬ ߛߙߍߘߍ ߞߊ߲߬߸ ߡߍ߲ ߕߘߍ߬ߒ߬ߘߐ߬ߟߋ ߗߡߍ߬ߘߐ߬ߦߊ ߦߋ߫ ߅߂،߈߇ ߘߐ߫، ߎ߳ߍߡߑߔߋ ߞߙߎߞߊ ߟߋ߬ ߦߋ߫ ߢߍ ߘߐ߫߸ ߞߊ߬ ߍߣ.ߘߋ ߕߎ߲߰ ߏ߬ ߟߊ߫߸ ߊ߬ ߣߌ߫ ߍߙߑߖ߭ߋߑߕߋ.
ߞߍߞߎߘߊߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߸ ߞߕߌߘߊ ߞߊ߬ ߜߋ߲ߞߐ߰ߖߌ߬ߘߊ ߕߐ߯ߟߡߊ߫ ߛߑߕߋߝߊߣ ߊ߬ߜߙߋ߫ (ߊߔߎ߬ߗߎ) ߣߌ߫ ߟߌߦߐߣߍߟ ߊߞߏߓߋ߫ (ߟߌߦߐߣߍߟ ߔߋ.ߛߋ.ߍߛ) ߖߊ߲߬ߞߌ߲߬، ߥߛߎߖߌ߲߫ ߘߊߕߎ߲߯ߣߍ߲߫ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߣߌ߫ ߘߏ߬ߣߌ߲߬ ߜߌ߬ߟߌ߲߬ߓߊ߫ ߟߋ߬ ߝߣߊ߫ ߦߋ߫߸ ߣߊߟߌ߬ߡߎ߲߫ ߢߍ߬ߢߌ߲߬ߘߐ߬ߓߍ߲߬ ߛߙߊ ߘߌ߫߸ ߞߵߊ߬ߟߎ߬ ߓߟߏߝߋ߲ ߠߎ߬ ߡߊߣߡߊߙߴߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߓߐߟߌ ߟߊߕߐ߲߫ ߊ߬ߟߎ߫ ߡߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬.
ߓߘߍ߬ߓߘߍ߬ߟߌߊߤߑߡߊߘߎ߫ ߊ߬ߟ ߊߡߌߣߎ߫ ߡߏ߬ߤߊ߬ߡߍ߬ߘ ߟߏ ߓߌ߬ߟߊ ߞߐ ߘߐ߫ ߛߣߍ߬ߜ߭ߊߟߌ߫ ߞߎ߲߬ߠߊ߬ߛߌ߮ ߞߎ߲߬ߠߊ߫ ߞߊ߬ ߞߍ߫ ߞߏߕߌ߯ ߝߟߐ ߘߌ߫߸ ߏ߬ ߕߟߋ߬ ߕߊ߲ ߠߋ߬ ߕߋ߲߬، ߒ߬ߓߊ߬߸ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߀߁߭߸ ߛߣߍ߬ߜ߭ߊߟߌ߫ ߞߊ߬ ߞߎ߲߬ߠߊ߬ߛߌ߰ ߞߎߘߊ߫ ߛߐ߬ߘߐ߲߬߸ ߡߍ߲ ߘߐߞߍߣߍ߲߫ ߞߏߕߌ߯ ߃߀ ߟߊ߫، ߔߊߛߑߕߍߝ ߓߘߴߊ߬ ߦߌ߬ߘߊ߬ ߜߍ ߘߐ߫ ߞߏ߫ ߊ߬ߟߎ߬ ߡߊ߫ ߛߐ߲߬ ߞߎ߲߬ߠߊ߬ߛߌ߰ ߞߎߘߊ ߣߌ߲߬ ߡߊ߬߸ ߊ߬ߟߎ߬ ߕߴߊ߬ ߘߐ߫، ߓߊ߬ߙߌ߬߸ ߡߐ߰ ߛߌߦߊߡߊ߲߫ ߦߋ߫ ߞߏߕߌ߯ ߞߎߘߊ ߢߌ߲߬ ߠߎ߬ ߘߐ߫߸ ߔߊߛߑߕߍߝ ߛߎߡߊ ߦߴߏ߬ ߟߎ߫ ߝߍ߬ ߟߋ߬ ߝߋߎ߫، ߞߎ߲߬ߠߊ߬ߛߌ߰ ߞߎߘߊ ߢߌ߲߬ ߠߎ߫ ߘߏ߲߬ ߦߋ߫ ߖߊ߬ߕߋ߬ ߟߊ߫ ߛߓߍߘߟߊߛߋߒߞߏߟߊ ߟߎ߬ ߣߌ߫ ߓߘߍ߬ߓߘߍ߬ߟߌ߬ ߞߙߎ ߟߎ߫ ߟߋ߬ ߘߌ߫ ߝߋߎ߫.
ߓߘߍ߬ߓߘߍ߬ߟߌߕߋ߬ߟߋ߫ ߝߌ߬ߟߊ߫ ߟߋ߬ ߢߣߊߕߊߟߌ ߟߊ߫ ߡߎ߬ߕߎ߲߬߸ ߣߊߟߌ߬ߡߎ߲߫ ߥߛߊ߬ߘߋ߲߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߘߌ߫ ߂߀߂߆ ߘߓߊ߬ߕߊ ߃߁ ߣߊ߬ߕߐ ߣߌ߲߬ ߡߊ߬، ߒ߬ߓߊ߬߸ ߓߊ߯ߙߟߊ ߡߍ߲ ߠߎ߬ ߦߋ߫ ߢߣߊߕߊߟߌ ߛߌ߲߬ߝߏ߲߬ߧߊ߬ߟߌ ߞߊߡߊ߲ ߞߣߐ߫ ߏ߬ ߘߐ߫߸ ߏ߬ ߟߎ߫ ߞߊ߬ ߟߊ߬ߞߐ߰ߟߌ߬ ߕߏ߲ߜߏ ߘߏ߫ ߟߋ߬ ߘߊߡߌ߬ߣߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߖߐ߲߰ߛߊ߫ ߢߣߊߕߊߟߌ ߜߍߦߊ ߣߴߊ߬ ߟߊ߫ ߓߘߍ߬ߦߊ ߘߌ߫ ߓߊ߲ߓߊ߲߫ ߢߊ ߡߍ߲ ߡߊ߬.
ߞߍߞߎߘߊߘߐ߲߬ߞߌ߲߬ ߛߊߟߌ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߘߍ߭ ߝߊ߬ߛߏ߬ߟߊ߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ ߘߐ߫ ߟߋ߬ ߝߛߊߦߌ߫߸ ߞߊ߬ ߟߊߞߊ߲ߘߓߊߟߌߦߊ ߞߟߍ߬، ߊ߬ߟߎ߫ ߞߵߊ߬ߟߎ߬ ߘߡߊߞߊ߬ߛߌ߬ ߡߍ߲ ߠߊ߫߸ ߏ߬ ߟߋ ߝߋ߲߫ ߦߋ ߘߌ߫ ߊ߬ߟߎ߬ ߘߐ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߦߋ߫ ߘߏ߫ ߞߍ߫ ߟߊ߫ ߟߊߞߊ߲ߘߊ ߟߊߛߓߊ߬ߕߌ ߘߐ߫߸ ߊ߬ ߣߌ߫ ߖߐ ߟߊߘߏ߲߭ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊߕߊ߲߬ߞߊ ߘߐ߫.
ߘߌ߯ߣߊߓߙߎߞߌߣߊ߫ ߝߊ߰ߡߊ ߟߎ߬ ߓߘߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߊߓߐ߫ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߈߸ ߞߊ߬ ߥߊ߱ߘߎ߰ ߛߎߣߊ߫ ߕߏ߯ߝߏ ߟߊ߫ ߕߌ߲ߓߌߘߌ߲ߘߓߊ ߘߊߕߎ߲߯، ߡߙߌߘߐ ߣߌ߲߬ ߕߊ߬ߣߍ߲߫ ߞߵߊ߬ ߟߊߥߟߌ߬ ߝߙߋߞߋ ߘߏ߫ ߟߎ߫ ߟߋ߬ ߢߍߓߍ߲߭ ߡߊ߬߸ ߛߊ߫ ߝߛߏ߬ߝߛߊ ߞߊߣߊ߬ ߘߏ߲߬ ߛߏ ߞߣߐ߫ ߢߊ ߡߍ߲ ߡߊ߬.
ߘߌ߯ߣߊ߂߀߂߆ ߤߖߌ ߞߕߎ߬ߓߊ ߝߊ߲߬ߓߊ ߘߟߊߡߌ߬ߣߊ߬ ߘߊ߫ ߞߊ߲߫ ߃߅ ߟߋ߬ ߘߐ߫߸ ߖߐ߲߰ߛߊ߫ ߤߖߌߟߊ ߡߐ߱ ߞߋ߲߬ߥߟߎ ߡߍ߲ ߠߎ߬ ߕߊ߯ߣߍ߲߫ ߡߊ߬ߓߊߕߏ ߟߊ߫ ߞߊ߬ ߓߐ߫ ߘߎߢߊ߫ ߝߊ߲߬ ߕߊ߲ ߣߌ߫ ߣߊ߯ߣߌ߲ ߘߐ߫߸ ߏ߬ ߟߎ߬ ߘߌ߫ ߛߋ߫ ߛߌ߬ߟߡߊ߬ߦߊ ߦߙߐ߫ ߓߛߍ ߢߌ߲߬ ߠߎ߬ ߞߎߡߊ ߟߎ߬ ߢߊߦߋ߫ ߟߊ߫، ߏ߬ ߡߙߌߦߊ ߕߊ߬ߣߍ߲߫ ߡߌ߬ߛߙߌ߬ ߟߊ߬ߕߏߣߍ߲ ߣߌ߫ ߞߋߟߊ ߟߊ߫ ߕߌ߲ߓߌߘߌ߲ߘߊ ߘߌ߯ߣߊ߫ ߞߏߢߊ ߟߎ߬ ߞߊ߲ߕߌ߮ ߟߋ߬ ߓߟߏ߫.
ߓߘߍ߬ߓߘߍ߬ߟߌߞߐ߬ߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߎߛߑߡߊߣߌ߲߫ ߛߐ߲ߞߏ߫ ߛߎߥߊ߲ߘߌ߫ ߘߊ߫ ߞߊ߬ ߞߍ߫ ߛߣߍ߬ߜ߭ߊߟߌ߫ ߝߊ߬ߛߏ߬ ߜߙߊ ߞߊ߲ߕߌ߮ ߘߌ߫، ߞߏߕߌ߯ ߝߟߐ߫ ߞߘߐ ߣߌ߲߬ ߞߊ߬ ߞߊ߲ߢߊ߫ ߁߃߂ ߟߋ߬ ߛߐ߬ߘߐ߲߬.
ߞߍߞߎߘߊߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߅߸ ߞߊ߲ߞߊ߲߫ ߕߌ߲߬ߞߎߘߎ߲ ߝߊ߰ߡߊ ߟߎ߫ ߞߊ߬ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߓߏ߬ߙߌ ߞߍߢߊ ߡߍ߲ ߠߎ߬ ߦߴߌߘߐ߫ ߞߊ߲ߞߊ߲߫ ߣߌ߫ ߞߙߎ߬ߛߊ߬ ߕߍ ߥߙߊߞߘߊ ߞߊ߲߬߸ ߏ߬ ߗߋ߲߰ ߕߍ߫، ߏ߬ ߟߋ ߘߐ߫߸ ߔߏߔߏߕߌ߮ ߟߎ߬ ߣߌ߫ ߞߕߊ߬ߞߕߊ߬ߣߍ߲߬ߕߌ߮ ߟߎ߬߸ ߓߍ߯ ߦߋ߫ ߓߏ߬ߙߌ߫ ߊ߬ ߟߊ߫ ߛߌߟߊ߫ ߞߊ߲߬߸ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߝߣߊ߫ ߦߋ߫ ߕߏ߫ ߊ߬ߟߎ߬ ߕߊ ߞߊ߲߬، ߡߐ߰ ߛߌ߫ ߞߊ߬ ߣߌ߲߬ ߛߊ߬ߙߌ߬ߦߊ ߓߊ߬ߟߌ߬߸ ߊ߬ߟߎ߬ ߘߌ߫ ߞߏߟߊߕߐ߲߫ ߏ߬ ߕߌ߰ ߟߊ߫، ߓߊߏ߬߸ ߓߌ߲߬ߓߊ߬ߥߏ߬ ߜߌߟߌ߲߫ ߠߋ߬ ߊ߬ ߘߊ ߝߍ߬.
ߓߘߍ߬ߓߘߍ߬ߟߌߎ߳ߍߡߑߔߋ ߒߞߏ ߟߊ߬ߥߊ߲߬ߞߊ߲߬ߠߌ߲ ߥߛߊ߬ߓߊ߰ߦߊ ߦߋ߫ ߗߋߦߊߟߌ߫ ߓߟߋߓߟߋ߫ ߞߊ߲ ߖߌ߬ߣߍ߬ ߛߊ߲ߘߐߟߊ ߘߐ߫߸ ߊ߬ߟߎ ߡߍ߲ ߠߎ߬ ߣߌ߫ ߖ߭ߋߍߡߑߘߋ ߦߋ߫ ߢߌ߲߬ߢߐ߲߰ߡߊ ߘߌ߫، ߒ߬ߓߊ߬߸ ߊ߬ߟߎ߬ ߣߌ߫ ߞߊ߲ߞߊ߲߫ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߫ ߟߋ߬ ߣߐ߬ ߢߐ߲߯ߦߋ߫ ߟߊ߫، ߟߊ߬ߢߌ߬ߣߌ߲߬ ߞߋߟߋ߲߫ ߔߋ߫: ߞߊ߬ ߛߋ߫ ߒߞߏ ߞߊߙߊ߲ߠߊ ߟߎ߬ ߟߊߛߐ߲߬ ߠߊ߫ ߞߊ߬ ߢߊߝߐߟߌ߫ ߞߟߊߒߞߋ߫ ߞߍ߫ ߊ߬ߟߎ߬ ߦߋ߫ ߞߊ߬ ߓߍ߲߬ ߎ߳ߍߡߑߔߋ ߞߐߡߊߓߌ߲ߓߌ߲߫ ߞߏ ߡߊ߬ ߞߵߊ߬ ߛߎߥߊ߲ߘߌ߫ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߘߐ߫.
ߞߌ߬ߓߊ߬ߙߏߛߌ߯ߙߌ߲߫ ߞߣߐ߫߸ ߡߐ߰ ߥߐߙߐ߲ߝߌ߬ߟߊ߫ ߟߋ߬ ߓߣߐ߬ߣߴߊ߬ ߣߌ ߘߐ߫ ߓߌ߬ߟߊ߬ߒ߬ߘߐ߬ߖߎ߰ ߞߍߣߍ߲߫ ߢߐ߲߰ ߞߐ ߟߎ߬ ߘߐ߫ ߘߐ߲߬ߞߌ߲ ߊߞߘߐߟߊ ߣߌ߲߬ ߘߐ߫߸ ߂߀߂߆ ߘߓߊ߬ߕߊ ߕߟߋ߬ ߁߆ ߣߴߊ߬ ߂߃ ߕߍߟߊ ߘߐ߫ ߞߊ߬ߣߌ߲߬، ߞߍ߲ߘߍߦߊ ߝߊ߰ߡߊ ߟߎ߬ ߓߘߊ߫ ߘߏ߫ ߝߐ߫ ߊ߬ ߞߏ ߞߊ߲߬߸ ߞߊ߬ ߓߍ߲߬ ߛߌߟߊ߫ ߞߊ߲߫ ߓߏߙߌ ߡߌ߬ߣߊ߬ ߢߊ ߡߊ߬.
ߞߍߞߎߘߊߓߐߛߎ߲߫ ߛߌߦߊߡߊ߲߫ ߓߘߴߊ߬ ߦߌ߬ߘߊ߬ ߞߏ߫ ߖߌ ߓߘߊ߫ ߝߟߐ߫ ߢߡߊߟߐ߬ ߟߊ߫ ߥߊ߲ߛߌ߲ߕߐ߲߫ ߣߌ߫ ߕߤߋߙߊ߲߫ ߕߍ߫߸ ߡߍ߲ ߞߎߡߊ ߓߍߣߊ߬ ߝߐ߫ ߔߊߞߌߛߑߕߊ߲߫ ߓߟߏ߫. ߘߊߘߐߖߊߥߏ߫ ߜߘߍ ߡߍ߲ ߞߊ߫ ߞߊ߲߫ ߞߊ߬ ߞߍ߫߸ ߏ߬ ߞߍߕߐ߫ ߥߊ߬ߛߌ߬ߥߙߊ߫ ߣߊ߬ߕߐ ߟߋ߬ ߡߊ߬߸ ߞߊ߬ ߢߊ߬ߡߊ߲ ߓߐ߫ ߊ߬ ߞߏ ߟߊ߫ ߛߍߣߍ߲߬ ߝߋߎ߫.
ߞߍߞߎߘߊߓߟߏ߫ ߗߍ߬ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߋ߬ ߣߐ߬ ߡߎ߮ ߛߏ߲ߛߙߏߡߊ߫ ߟߴߊ߬ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬ ߥߊ߲ߛ߭ߌ߲ߕߐ߲߫߸ ߓߏ߲ߜߍ ߘߊߝߍ߬ ߌߞߘߐ߫، ߜߎ߲߬ߘߎ߬ ߗߋߢߊߘߋ߲ ߠߎ߬ ߞߵߊ߬ ߞߍ߫ ߛߎ߭ ߘߴߊ߬ ߣߐ߭ ߘߐ߫ ߦߋ߲߬؛ ߊ߬ ߞߊ߬ ߕߊ߬ߡߌ߲߬ߓߊ߰ߕߐ߬ ߞߋߟߋ߲߫ ߖߐߞߌ߫ ߟߋ߬߸ ߊ߬ ߞߏ߬ߣߌ߲ ߡߊ߫ ߛߋ߫ ߞߊ߲ߕߌ߯ ߘߏߣߊߟ ߕߑߙߐ߲ߔ ߡߊ߬، ߣߴߏ߬ ߕߍ߫߸ ߞߏ ߞߍ߫ ߥߊ߯ߕߌ ߞߵߊ߬ ߛߐ߬ߘߐ߲߫ ߠߋ߬߸ ߏ߬ ߦߋ߫ ߓߏ߲ߜߍ ߟߊ߫ ߦߋ߲߬.
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߓߘߍ߬ߓߘߍ߬ߟߌߊ߬ ߜߍ߲ ߞߐ ߡߌ߬ߛߍ߲߬ ߘߊ߲ߘߐ ߞߏߕߌ߯ ߝߟߐߦߊ ߟߊ߫߸ ߎߛߑߡߊߣߌ߲߫ ߛߐ߲ߞߏ߫ ߞߊ߬ ߟߊ߬ߖߍ߲߬ߛߍ߲߬ߠߌ߲ ߞߍ߫ ߊ߬ ߟߊ߫ ߌߞߛ ߖߊ߬ߕߋ߬ߘߊ ߟߊ߫ ߛߎ߬ߘߎ߲߬ߧߊ߬ ߓߟߏ ߡߊ߬ ߕߋ߲߬ ߜߍߜߘߍ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌߘߐߝߎߟߋ߲ߣߍ߲ ߠߋ߬ ߕߋ߲߬، ߊ߬ ߟߊ߫ ߕߊ߯ߟߌ ߡߍ߲ ߦߋ߫ ߣߌ߲߬߸ ߊ߬ ߡߙߌߘߐߕߊ߬ߣߍ߲߫ ߞߊ߲ߕߌ߮ ߟߋ߬ ߓߟߏ߫ ߓߊ߬ߛߌߙߎ߬ ߖߏ߬ߡߊߦߌ߬ ߝߊߦߌ߬߸ ߏ߬ ߡߍ߲ ߞߍߣߍ߲߫ ߕߙߎ߬ ߘߌ߫ ߞߊ߬ ߞߎ߲߬ߠߊ߬ߛߌ߮ ߡߎ߰ߡߍ ߟߐ߬ ߓߙߐߕߐ߫ ߟߊ߫.
ߓߘߍ߬ߓߘߍ߬ߟߌߛߣߍ߬ߜ߭ߊ߬ߟߌ߬ ߞߊ߲ߕߌ߮ ߣߐ߬ ߟߊ߬ߕߍ߰ߦߊ߫ ߟߋ߬ ߟߊߛߋ߬߫ ߟߊ߫ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߏ߫ ߊ߬ ߓߘߊ߫ ߘߊ߲߭ߛߌ߰ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߓߊ߯ߙߊ ߟߊ߫߸ ߎߛߑߡߊߣߌ߲߫ ߛߐ߲ߞߏ߫، ߕߙߌߘߐ ߏ߬ ߡߍ߲ ߞߍߣߍ߲߫ ߞߎ߲߬ߠߊ߬ߛߌ߮ ߡߎ߰ߡߍ ߟߊߥߟߏߣߍ߲ ߘߌ߫߸ ߞߊ߬ ߛߌߟߊ ߟߊߞߊ߬ ߞߏߕߌ߯ ߝߟߐ߫ ߜߘߍ߫ ߦߋ߫߸ ߡߍ߲ ߞߊ߫ ߞߊ߲߫ ߞߊ߬ ߓߌ߬ߟߴߊ߬ ߣߐ߭ ߘߐ߫߸ ߣߴߏ߬ ߡߊ߫ ߟߐ߲߫ ߡߎߣߎ߲߬.
ߓߘߍ߬ߓߘߍ߬ߟߌߓߌߟߏ߲ ߣߌ߲߬ ߡߊ߬߸ ߒߖߊߡߋߣߊ߫ ߞߕߌߖߌ߲ ߛߊ߲ߘߐߕߊ ߞߊ߬ ߝߊ߲߬ߞߊߛߌ߬ߣߊ ߛߎ߳ߞߑߛߍ߫ ߡߊߛߑߙߊ߫ ߟߊ߫ ߛߊ߲߭ ߂߀ ߖߊ߲߬ߞߌ߬ߟߌ ߟߤߊߕߍߦߊ߫߸ ߞߵߊ߬ߟߎ߫ ߓߊ߲߬ ߊ߬ ߟߊ߫ ߞߕߌߡߛߊߦߌ߲߫ ߞߏ ߘߐ߫ ߞߕߌߥߦߊߘߊ ߟߊ߫، ߡߙߌߘߐ ߏ߬ ߓߘߴߊ߬ ߦߌ߬ߘߊ߬ ߞߏ߫ ߡߙߌߘߐ߫ ߓߊ߲ߝߟߍ߬ߟߍ ߟߵߏ߬ ߘߌ߫ ߛߍߣߍ߲߬߸ ߞߊ߬ ߞߏߕߌ߯ ߝߟߐ߫ ߞߘߐ ߢߌ߲߬ ߠߊߡߊ߲߬ߘߌ߬ ߝߘߊ ߟߊ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߟߊ߬ߞߊ߲߬ߘߊ߬ߟߌߛߊ߲߬ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߓߘߴߊ߬ ߟߊߛߋ߫ ߞߏ߫ ߞߵߊ߬ ߘߊߡߌ߬ߣߊ߬ ߂߀߂߆ ߘߓߊ߬ߕߊ ߕߟߋ߬ ߁߈ ߡߊ߬߸ ߘߎ߰ߞߎߟߎ߲ ߠߎ߬ ߣߌ߫ ߔߏߔߏ ߟߎ߬ ߟߊ߫ ߛߎ߫ ߘߐ߫ ߓߏߙߌ ߓߘߊ߫ ߟߊߕߐ߲߫. ߞߵߊ߬ ߕߊ߬ ߂߁ߕߎߡߊ߃߀ ߡߊ߬ ߞߵߊ߬ ߛߌ߰ ߀߆ߕߎߡߊ߀߀ ߠߊ߫߸ ߓߏ߬ߙߌ߬ ߕߍ߫ ߞߍ߫ ߟߊ߫ ߏ߬ ߞߣߐ߫، ߞߵߏ߬ ߞߎ߲߭ ߞߍ߫ ߟߊ߬ߞߊ߲߬ߘߊ߬ߟߌ߬ ߝߛߏ߬ߝߛߊ ߘߌ߫.
ߞߍߞߎߘߊߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ) ߓߘߊ߫ ߞߕߌߓߏ߲߫ ߞߎߘߊ߫ ߟߊߘߊ߲߫ ߞߏ ߝߐ߫߸ ߡߍ߲ ߞߍߕߐ߫ ߛߋ߲߬ߕߊ߬ ߞߎߘߊ߫ ߘߴߊ߬ߟߎ߬ ߟߊ߫ ߘߍ߭ ߣߌ߲߬ ߞߣߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߡߙߌߦߊ ߡߍ߲ ߦߴߊ߬ߟߎ߬ ߟߊ߫߸ ߣߴߊ߬ߟߎ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߕߍ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ (CPI) ߘߐ߫߸ ߊ߬ߟߎ߬ ߦߴߏ߬ ߛߌߟߊ ߟߋ߬ ߞߊ߲߬ ߤߊ߲߯ ߕߋ߲߬.
ߞߍߞߎߘߊߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫߸ ߘߏߣߊߟ ߕߑߙߐ߲ߔ ߕߐ߮ ߦߋ߫ ߡߊ߬ߝߌ߲߬ߠߌ߲߬ ߞߎߘߊ߫ ߟߋ߬ ߘߐ߫ ߣߌ߲߬߸ ߘߟߊ߫ ߞߋ߲߬ߥߟߎ߫ ߂߀߀ ߟߕߊ߬ߡߌ߲߬ߡߊ߬ߟߌ ߦߋߣߍ߲ ߞߐ߫ ߊ߬ ߣߐ߬ ߘߐ߫ ߓߟߐߟߐ ߞߊ߲߬، ߊߡߙߌߞߌ߬ ߓߍ߯ߦߊߟߞߊ ߟߎ߬ ߟߊ߫ ߡߐ߰ߘߐ߬ߜߍ ߟߎ߬ ߓߘߴߊ߬ ߡߊߓߎ߬ߙߎ߲߬ߕߌ߬ ߞߏߛߓߍ߫.
ߞߍߞߎߘߊߥߛߎߟߊߘߋ߲߫ ߛߐ߯ߓߌ߫ ߂߄ ߠߋ߬ ߘߐߕߟߊߣߍ߲߫ ߞߊ߲ߞߊ߲߫ ߥߛߎߖߌ߲ߓߊ ߟߊ߫ ߓߌ߬ ߂߀߂߆ ߘߓߊ߬ߕߊ ߕߟߋ߬ ߁߇ ߣߌ߲߬ ߡߊ߬، ߡߍ߲ ߡߙߌߦߊ ߝߘߊ߫ ߘߊ߫ ߞߊ߲ߞߊ߲߫ ߝߘߏ߬ߓߊ߬ ߞߕߌߓߋߟߋ߲ ߠߊ߫߸ ߖߐ߲߰ߛߊ߫ ߥߛߎߟߊߘߋ߲ ߠߎ߬ ߦߋߝߊߘߌ ߘߌ߫ ߟߊߓߘߍ߬ߦߊ߫߸ ߞߊ߬ ߔߏ߬ߘߏ߬ߞߌ߬ߟߌ ߝߣߊ߫ ߡߊߕߊ߲߬ߞߊ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.
ߞߌ߬ߓߊ߬ߙߏߛߏߡߊߟߌ߫ ߞߊ߲ߕߌ߮ ߤߊߛߊ߲߫ ߛ߭ߍߞ ߡߏߤߊߡߎߘ ߟߊ߫ ߟߐ߬ߒ߬ߞߋ߬ߟߊ ߕߎ߬ߡߊ ߓߘߊ߫ ߕߊ߬ߡߌ߲߬߸ ߢߣߊߕߊߟߌ߫ ߡߊ߫ ߞߍ߫߸ ߓߘߍ߬ߓߘߍ߬ߟߌ ߓߍ߲߬ߞߊ߲߬ ߞߋߟߋ߲߫ ߡߊ߫ ߟߊߕߍ߰߸ ߏ߬ ߘߌ߫ ߢߌߣߌ߲߫ ߞߊ߬ ߛߏߡߊߟߌ߫ ߓߌ߬ߟߊ߫ ߞߎ߲߬ߠߊ߬ߛߌ߰ߟߌ ߞߏߖߊ߫ ߞߎߘߊ߫ ߘߐ߫، ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߞߏ߫ ߝߊ߲߬ߞߊ߬ ߟߊߖߊ߲߯ߧߊ ߞߍߢߊ ߣߌ߲߬ ߗߋ߲߰ ߕߍ߫߸ ߊ߬ ߕߍ߫ ߛߊ߬ߙߌ߬ߦߊ߬ ߘߌ߫، ߛߏߡߊߟߌ߫ ߘߏ߲߬ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߟߊ߬ߞߊ߲߬ߘߊ߬ߟߌ߬ ߞߏ ߜߍߣߍ߲߫ ߕߍ߫߸ ߞߙߎ߫ ߓߐߣߍ߲߫ ߢߐ߲߰ ߡߊ ߟߎ߫ ߟߋ߬ ߘߏ߲߬ ߞߊ߫ ߛߌߦߊ߫ ߝߣߊ߫.
ߞߍߞߎߘߊߙߎ߬ߛߌ߬ ߞߊ߲ߕߌ߮ ߝ߭ߑߟߊߡߘߌߙ ߔߎߕߌߣ ߞߊ߫ ߞߊ߲߫ ߞߊ߬ ߥߊ߫ ߛߌ߯ߣߌ߲߬ ߘߓߊ߬ߕߊ ߕߋ߬ߟߋ߫ ߂߀ ߣߊ߬ߕߐ ߣߌ߲߬ ߡߊ߬߸ ߞߵߊ߬ ߛߐ߬ߘߐ߲߬ ߘߏߣߊߟ ߕߑߙߐ߲ߔ ߓߐ ߦߋ߲߬߸ ߏ߬ ߕߟߋ߬ ߘߊ߲ߘߐ ߟߋ߬ ߕߋ߲߬، ߔߎߕߌߣ ߠߊ߫ ߕߊ߯ߟߌ ߣߌ߲߬ ߢߐ߲߯ߦߋ ߟߎ߬ ߓߍߣߊ߬ ߓߎ߲ߓߎ߲߫ ߖߡߊ߬ߣߊ߫ ߝߌ߬ߟߊ ߕߍߟߊ ߟߋ߬ ߞߊ߲߬߸ ߊ߬ ߣߌ߫ ߘߎߢߊ߫ ߜߟߍ߬ߦߊ ߟߎ߬.
ߕߋߟߋ߲ߓߊ߯ߦߊߜ߭ߊ߯ߣߊ߬ ߥߛߊ߬ߘߋ߲ ߡߍ߲ ߕߐ߯ ߞߏ߫ ߞߑߥߊߡߋ߫ ߏߤߍߣ ߝߌߙߌ߲ߔߐ߲߫߸ ߏ߬ ߟߋ ߡߌ߬ߣߊ߬ ߘߊ߫ ߛ߭ߌߔߐߟ ߛߊ߲ߡߊߘߊ߲ ߠߊ߫߸ ߊߡߛߑߕߍߙߑߘߊߡ ߘߎ߱ ߞߣߐ߫߸ ߞߊ߬ ߓߍ߲߬ ߞߘߛ ߟߊ߫ ߢߊߢߌߢߌ߲ߠߌ߲ ߘߏ߫ ߡߊ߬، ߜ߭ߊ߯ߣߊ߬ ߝߊ߰ߡߊ ߟߎ߬ ߦߋ߫ ߣߌ߲߬ ߞߏ ߢߊߢߌߣߌ߲ ߞߊ߲߬ ߡߎߣߎ߲߬߸ ߞߵߊ߬ ߟߐ߲߫ ߊ߬ ߡߌ߬ߣߊ߬ ߘߊ߫ ߡߎ߲߬ ߞߏߛߐ߲߬.
ߕߋߟߋ߲ߓߊ߯ߦߊߞߕߏߣߎ߫ ߞߣߐ߫ ߓߡߞߟߞ ߣߐ߬ ߛߊ߲߬ ߟߏ߯ߟߎ߫ ߥߛߎ߫ ߟߋ߬ ߝߐ߫ ߟߊ߫ ߞߋߡߌ߫ ߛߋߓߊ߫ ߞߙߍ߬ߝߍ߬ ߡߐ߮ ߘߏ߫ ߝߍ߬ ߞߐ߬ߓߊ߬ߟߏ߲߸ ߂߀߂߆ ߘߓߊ߬ߕߊ ߕߟߋ߬ ߁߁، ߞߏ߫ ߊ߬ ߓߘߊ߫ ߡߐ߱ ߟߎ߬ ߡߊߞߟߌ߫ ߡߙߎߕߟߌ ߡߊ߬߸ ߊ߬ ߣߌ߫ ߞߊ߬ ߞߊ߬ߙߏ߲߬ߕߍ߮ ߞߍ߫ ߓߟߐߟߐ ߞߊ߲߬، ߊ߬ ߟߊ߫ ߞߕߌ ߕߍ߱ ߡߊߞߐ߬ߣߐ߲ ߦߴߌߘߐ߫ ߘߓߊ߬ߕߊ ߕߋ߬ߟߋ߫ ߂߉ ߣߊ߬ߕߐ ߣߌ߲߬ ߡߊ߬.
ߞߍߞߎߘߊߓߍ߯ߦߊ ߝߊ߲߬ߞߊ߬ ߟߊߞߊ߬ߝߏ߬ߣߍ߲ ߠߎ߬ ߟߊ߫ ߞߟߍ߬ߞߍ߬ߘߋ߲ ߡߍ߲ ߠߎ߬ ߣߌ߫ ߛߌ߬ߟߡߊ߬ ߝߊߕߐ ߟߎ߬ ߓߟߏ߫ ߦߋ߫ ߢߐ߲߯ ߓߟߏ߫߸ ߏ߬ ߟߎ߫ ߣߐ߬ ߡߐ߰ ߝߊ߰ ߡߙߊߒߡߊߟߌ ߘߏ߫ ߟߎ߫ ߟߋ߬ ߞߍ߫ ߢߐ߲߮ ߞߐ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߕߟߋ߬ߓߐ ߘߐ߫߸ ߎߜ߭ߊ߲ߘߊ߫ ߓߐߕߏ߲ ߡߊ߬ߛߎߘߎ߲ߧߊ ߘߐ߫، ߘߌ߲߬ߞߌߙߊ ߣߊ߲߬ߒ߬ߞߊ߲߬ ߘߍ ߟߊ߫ ߝߐߟߌ߫ ߘߐ߫߸ ߡߐ߰ ߄߀ ߠߋ߬ ߝߊ߰ ߘߊ߫.
ߓߘߍ߬ߓߘߍ߬ߟߌߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ ߞߙߎߞߊ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ߸ ߡߊ߬ߡߊ߬ߘߌ߬ ߞߋߕߊ߬ ߡߍ߲ ߦߋ߫ ߞߙߎߞߊ߫ ߞߋߟߋ߲ ߣߌ߲߬ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߣߌ߲߬ ߛߙߍߘߍ߫ ߝߊ߬ߛߏ߬ߟߊ߬ߞߊ ߞߊ߲߬߸ ߏ߬ ߞߊ߬ ߘߏ߫ ߢߊߝߐ߫ ߊ߬ߟߎ߬ ߟߊ߫ ߞߙߎߞߊ ߢߌߣߌ߲ߞߏ ߟߎ߬ ߣߴߊ߬ ߟߊ߬ߢߌߣߌ߲ ߠߎ߬ ߘߐ߫ ߓߌߟߏ߲ ߣߌ߲߬ ߡߊ߬߸ ߏ߬ ߡߍ߲ ߢߍߡߌ߬ߣߊ߬ߣߍ߲߫ ߡߏ߬ߤߊ߬ߡߍߘ ߣߊ߬ߓߋ ߓߟߏ߫، ߊ߬ ߟߊ߫ ߢߊߝߐߟߌ ߟߎ߬ ߘߐ߫߸ ߟߊ߬ߞߟߏ߬ߞߟߏ߬ߟߌ߸ ߛߍ߬ߣߍ߸ ߦߙߎ߬ߞߎ߬ߦߙߎߞߎ ߞߍ߬ߟߍ߸ ߊ߬ ߣߌ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߸ ߏ߬ ߟߎ߫ ߟߋ߬ ߝߟߐߦߊ ߟߴߊ߬ߟߎ߬ ߓߟߏ߫.
ߞߍߞߎߘߊߞߎߣߎ߲ߟߏ߲ ߘߓߊ߬ߕߊ ߕߟߋ߬ ߆ ߣߌ߲߬ ߡߊ߬߸ ߓߍ߲߬ߞߊ߲ ߘߏ߫ ߞߟߊ߬ߣߐ߬ߦߊ߬ ߘߊ߫ ߓߊߥߎ ߥߌ߯ߣߌ߲ ߞߐ߲ߛߐߙߑߛߌߦߐߡ ߛߌߡߊ߲ߘߎ߯ ߗߋߕߌ߯ߘߊ ߣߌ߫ ߓߊ߯ߙߊߞߍߘߋ߲ ߠߎ߬ ߕߍ߫߸ ߕߟߋ߬ ߘߊ߲ߘߐ߫ ߝߎ߬ߙߎ߲߬ߞߎ߬ߟߌ ߞߐ ߣߌ߲߬ ߘߐ߫، ߓߊ߯ߙߊ ߟߎ߬ ߞߊ߫ ߞߊ߲߫ ߞߊ߬ ߘߊߡߌ߬ߣߊ߬ ߏ߬ ߘߎ߰ߛߊ߬ߜߍ ߡߊ߬ ߌߞߘߐ߫߸ ߓߊ߯ߙߊ߫ ߦߙߐ ߡߎ߰ߡߍ ߘߐ߫.
ߞߌ߬ߓߊ߬ߙߏߙߎ߬ߛߌ߬ ߟߊ߫ ߘߐ߬ߝߏ߬ߘߏ߲߬ߠߌ߲ ߓߘߊ߫ ߞߍ߫ ߡߐ߰ ߂߆ ߝߊ߱ ߕߎ߬ߙߎ ߘߌ߫ ߎ߳ߞߑߙߍߣߌ߲߬ ߞߣߐ߫߸ ߊ߬ ߕߌ߯ߕߌ߯ ߖ߭ߊߔߏߙߌߖ߭ߌߦߊ߫ ߘߎ߱ ߞߣߐ߫߸ ߊ߬ ߣߌ߫ ߞߙߊߡߊߕߐߙߛߞ، ߎ߳ߞߑߙߍߣߌ߲߬ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߝߊ߰ߓߊ߰ߕߐ ߦߙߌߞߊ ߘߌ߫ ߛߋ߫ ߥߙߊ߬ ߟߊ߫߸ ߞߵߏ߬ ߞߎ߲߭ ߞߍ߫ ߢߌߣߌ߲ߠߌ߲ ߘߌ߫ ߜߊ߲ߜߘߊ ߟߎ߬ ߞߘߐ߫ ߡߎߣߎ߲߬.
ߞߍߞߎߘߊߜ߭ߊߓߐ߲߫ ߞߎ߲߬ߠߊ߬ߛߌ߮ ߓߘߊ߫ ߓߍ߲߬ ߞߊ߲ ߘߏ߫ ߡߊ߬ ߞߏ߲ߞߏߘߓߌ ߕߟߋ߬ ߃߀ ߣߌ߲߬ ߡߊ߬ ߞߏߕߌ߯ ߟߊߘߍ ߛߋ߲߭ߝߍ߬ ߟߌߓߙߋߝ߭ߌߟ߸ ߞߊ߬ ߟߊ߬ߕߍ߰ߦߊ߬ ߟߊߓߐ߫ ߏ߬ ߘߐ߫߸ ߡߍ߲ ߦߴߊ߬ ߞߍ߫ ߟߊ߫ ߛߋ߲ߛߋߘߋ߲ ߘߌ߫ ߝߘߏ߬ߓߊ߬ ߡߊ߬ߡߙߊ߬ߟߌ ߓߊ߯ߙߊߞߍߟߊ ߓߍ߯ ߡߊ߬߸ ߞߊ߬ ߝߘߊ߬ߝߌ߲߬ ߝߊߘߌߦߊߓߐ ߘߏ߲߬ ߛߌ߬ߣߌ߲߬ߟߏ߲ ߠߎ߬ ߘߐ߫ ߛߐ߲߬ ߘߌߦߊߜߏߦߊ ߟߊ߫. ߡߙߌߘߐ ߣߌ߲߬ ߕߊ߬ ߞߎ߲ ߠߵߊ߬ߟߎ߬ ߓߟߏ߫߸ ߞߏ߫ ߞߊ߬ ߝߊ߲߬ߞߊ߬ ߘߌ߫ ߝߊ߬ߛߏ ߟߐ߲ߠߌ߲ߦߊ ߟߎ߫ ߡߊ߬߸ ߞߵߏ߬ ߞߍ߫ ߞߎ߲߬ߠߊ߬ߛߌ߮ ߟߊ߫ ߡߊ߬ߜߍ߲ ߘߏ߫ ߘߌ߫ ߖߡߊ߬ߣߊ ߞߣߐ߫ ߝߋ߲ ߠߎ߬ ߓߊ߯ߙߟߊ ߟߎ߬ ߦߋ߫.
ߞߍߞߎߘߊߊ߬ ߓߘߊ߫ ߦߌ߬ߘߊ߬ ߢߌߣߌߣߌ߲ߠߌ߲ ߠߎ߬ ߞߐ ߘߐ߫ ߞߏ߫ ߞߐߟ ߊߟߍ߲߫ ߞߊ߬ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߝߊ߰ ߞߏ ߟߋ߬ ߘߐߓߍ߲߬ ߝߋߎ߫، ߞߊ߬ߕߎ߲߯߸ ߊ߬ߟߋ ߞߏߢߊ ߞߍ߫ ߛߊ߲ ߠߋ߬ ߕߋ߲߬߸ ߝߏ߫ ߕߐ߲ߓߟߏߡߊ ߘߏ߫ ߖߍ߬ߘߍ ߡߊߘߌߡߌ߲߫ ߘߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߡߊ߫ ߘߌߦߊ߫ ߏ߬ ߟߏ߲ ߝߋߎ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߣߐ߫߸ ߞߏ߲ߞߏߘߐߕߊ ߥߎߢߊ߲ߖߍ߲ߛߍ߲ ߞߊ߬ ߞߟߊ߬ߓߋ ߟߋ߬ ߞߍ߫ ߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߞߊ߬ ߓߍ߲߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߕߊ߬ߡߌ߲߫ ߢߐ߲߰ ߢߍ ߡߊ߬ ߓߙߊߡߊߖߊ߲ߓߊ߲ ߝߐ߰ߓߍ ߘߐ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߣߌ߲߬ ߘߐ߫، ߖߊ߲߬ߖߏ߲ ߘߊߡߌ߬ߣߊ߬ ߘߴߊ߬ ߢߌ߬ߡߊ ߟߊ߫߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߟߊ߫ ߜߋ߬ߟߎ߲߬ߠߌ߲ ߞߣߐߡߊ߬.
ߜߘߍ ߟߎ߬ߣߌ߲߬ ߞߍ߫ ߘߊ߫ ߒߞߎߥߊߕߌߦߊ߫ ߘߎ߱ ߟߋ߬ ߞߣߐ߫߸ ߜ߭ߊ߯ߣߊ߬ ߖߡߊ߬ߣߊ ߞߣߐ߫، ߘߊ߲ߘߊߛߏ ߘߏ߫ ߟߋ߬ ߣߐ߬ ߝߊ߲߬ߝߘߊ ߘߏ߫ ߡߊߗߍ߲߬ ߠߊ߫߸ ߊ߬ߟߎ߬ ߓߊ߲ߣߍ߲߫ ߖߊ߲߬ߞߊ߬ߙߏ߬ߕߐ ߟߋ߬ ߘߊ߲ߘߊ߫ ߟߊ߫߸ ߊ߬ ߟߊ߫ ߡߐ߱ ߟߎ߬ ߓߘߊ߫ ߕߎߣߎ߲߫ ߘߊ߲ߘߊߛߏ ߡߊ߬߸ ߊ߬ߟߎ߬ ߡߴߊ߬ߟߎ߬ ߟߊ߫ ߥߊߘߌ ߛߐ߬ߘߐ߲߬، ߒ߬ߓߊ߬߸ ߊ߬ߟߎ߬ ߝߣߊ߫ ߞߊ߬ ߖߊ߲߬ߞߊ߬ߙߏ߬ߕߐ ߟߊߘߏ߲߬ ߓߏ߲ ߘߏ߫ ߞߣߐ߫߸ ߞߵߊ߬ ߛߊ߲߬ߞߊ ߟߊߕߋ߬ ߊ߬ ߟߊ߫ ߡߐ߱ ߟߎ߬ ߟߊ߫߸ ߛߴߊ߬ߟߎ߬ ߘߴߊ߬ߟߎ߬ ߟߊ߫ ߥߊߘߌ ߛߐ߬ߘߐ߲߬.
ߜߘߍ ߟߎ߬ߝߊ߰ߟߌ ߓߌ߲߬ߓߊߥߏ ߟߊߣߍ߲߫ ߗߍ߭ ߘߏ߫ ߟߋ߬ ߞߎ߲߬ ߞߊ߲ߔߟߊ߫߸ ߊ߬ߟߋ ߦߋ߫ ߎߜ߭ߊ߲ߘߊ߫ ߣߌ߫ ߊߡߙߌߞߌ߬ ߝߊ߬ߛߏ߬ߦߊ߬ ߕߌ߮ ߟߋ߬ ߘߌ߫، ߞߵߏ߬ ߞߎ߲߭ ߞߍ߫ ߘߋ߲ߣߍ߲߫ ߡߐ߰ ߣߊ߯ߣߌ߲߫ ߝߊ߱ ߘߌ߫ ߘߋ߲ߘߐߡߌߣߊߛߏ ߘߏ߫ ߟߊ߫، ߞߊ߬ ߓߍ߲߬ ߞߏ ߟߊ߫ ߖߎ߯ߦߊ ߡߊ߬ ߛߊ߫߸ ߊ߬ ߜߊ߬ ߘߊ߫ ߡߐ߰ ߛߌߦߊߡߊ߲߫ ߠߊ߫߸ ߝߏ߫ ߊ߬ ߞߏ ߟߊ߲߬ߓߏ߲ ߥߙߊ߬ ߘߊ߫.
ߞߍߞߎߘߊߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߞߊ߬ ߡߙߊ߬ߒ߬ߡߊ߬ߟߌ߬ ߓߟߋߓߟߋ ߞߍ߫ ߡߊ߬ߟߌ ߞߐ߰ߘߎ߮ ߘߐ߫߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߣߌ߫ ߞߍߒߞߊ߲ߠߌ߲ߠߊ ߏ߬ ߟߎ߬ ߓߊ߯ߙߊ߫ ߘߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߣߊ߬ ߢߊߓߏ߫ ߞߎߘߊ߫ ߘߌ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߢߊ ߟߊ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߞߕߌߕߍ߯ ߟߋ߬ ߞߍ߫ ߟߊ߫ ߓߌߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߟߋ߬ ߃߀߸ ߡߞߊ߬ߛߟߌ߬ ߁߈ ߡߍ߲ ߠߊߘߏ߲߬ ߘߴߊ߬ߟߎ߫ ߞߊ߲߬߸ ߞߊ߬ ߓߍ߲߬ ߏ߬ ߟߎ߬ ߞߐߝߟߌ ߦߌ߬ߘߊ ߡߊ߬، ߛߙߍߘߍ߫ ߕߊ߲ ߣߌ߫ ߟߏ߯ߟߎ߫ ߟߊߘߌ߬ߢߍ߬ ߘߊ߫߸ ߞߊ߬ ߓߊ߲߬ ߞߍ߫ ߛߓߊ߬ ߘߐ߫ ߤߊߞߕߍ߫ ߟߊߓߋ ߛߕߊ ߓߊ߲ ߞߏߛߐ߲߬.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߞߍߞߎߘߊߒߞߏ ߓߊߛߌߦߊ ߕߌߙߌ߲ߠߌ߲ ߘߍ߭ ߛߌ߲߬ߝߏ߲ ߠߎ߬ ߞߵߊ߬ߟߎ߬ ߟߊߘߍ߬ ߊ߬ߟߎ߬ ߟߊ߫ ߝߊ߲ߓߊ ߟߋ߬ ߟߊ߫ ߞߊ߬ߙߊ߲߬ߕߊ߫ ߛߌ߬ߘߊ߬ߝߊ߫ ߛߊ߬ߣߐ߬߸ ߞߵߊ߬ ߦߌ߬ߘߊ߬ ߞߎߣߎ߲ߟߏ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߕߍ߫ ߞߙߎߝߓߊ߫ ߝߏߦߌ߬ ߛߌ߲߬ߝߏ߲߬ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ > ߕߍ߫ ߛߌ߲߬ߝߏ߲߬ߘߊ ߏ߬ ߟߊ߫ ߖߍ߬ߘߍ.
ߞߍߞߎߘߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߞߎߡߊ߫ ߘߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߞߏ߲ߞߏߘߓߌ ߕߋ߬ߟߋ߫ ߂߈ ߣߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߞߐ ߘߐ߫ ߖߡߊ߬ߣߊ ߝߊ߲߬ ߛߌߦߊߡߊ߲߫ ߠߎ߫ ߝߍ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߓߘߊ߫ ߛߋ߫ ߞߏ ߟߎ߬ ߡߊߣߐ߬ ߟߊ߫.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
ߞߍߞߎߘߊߡߐ߰ ߁߄ ߠߋ߬ ߓߣߐ߬ߣߴߊ߬ ߣߌ ߘߐ߫ ߓߊ߲ߜ߭ߑߟߊߘߍߛ߸ ߛߊ߲ߖߌ߫ ߥߎ߬ߣߊ߲߬ߞߏߙߏ߲ ߠߋ߬ ߣߊ߬ ߘߊ߫߸ ߞߵߏ߬ ߞߘߐߞߍ߫ ߛߊ߲߫ ߡߍߣߍ߲ߡߍߣߍ߲ ߠߊ߫߸ ߞߵߏ߬ ߟߊߓߊ߲߫ ߛߊ߲ߜߊߟߌߡߊ ߖߌ߱ ߡߊ߬، ߊ߬ ߝߊ߰ߓߊ߰ߕߐ ߝߊ߲߬ߓߊ ߦߋ߫ ߛߣߍ߬ߞߍ߬ߟߊ ߟߎ߬ ߣߌ߫ ߓߊ߯ߙߟߊ ߟߎ߫ ߟߋ߬ ߘߌ߫ ߞߣߍߡߊ߬ ߛߊ߲ ߞߘߐ߫.
ߞߍߞߎߘߊߘߟߊ߬ ߞߏ߬ ߡߊ߲ߞߊ߲ ߠߋ߬ ߘߏ߲߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߱ ߘߏ߫ ߣߌ߫ ߖߌ߬ߣߍ߫ ߘߎ߱ ߘߏ߫ ߕߍ߫ ߘߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉ ߣߌ߲߬ ߡߊ߬߸ ߞߊ߬ ߡߐ߰ ߁߅ ߖߐߞߌ߫ ߝߊ߲߭ ߝߌ߬ߟߊ ߓߍ߯ ߟߊߞߊ߬ߝߏ߬ߣߍ߲ ߘߐ߫، ߊ߬ߟߋ߬ ߘߊ߬ߟߊ ߕߐ߯ ߟߋ߬ ߞߏ߫ ߘߟߊ߬ߜߍ߬ߓߊ߫.
ߞߍߞߎߘߊߞߎ߲߬ߕߌ߰ ߞߎ߬ߘߊ߬ ߟߊ߬ߛߌ߮ ߡߍ߲ ߞߍߣߍ߲߫ ߘߏ߲߬ߛߏ ߟߎ߬ ߟߊ߫ ߕߙߊߓߊ ߂߆ ߟߊ߬ߘߍ ߘߐ߫ ߞߊ߲ߞߊ߲߫ ߞߣߐ߫߸ ߏ߬ ߟߋ ߞߎߡߊ ߓߘߴߊ߬ ߞߐߕߊ߲߫، ߓߊߏ߬߸ ߞߘߐ߬ߡߊ߲ ߡߍ߲ ߠߥߟߌ߬ߣߍ߲߫ ߣߴߊ߬ߟߋ߫ ߖߍ߬ߘߍ ߢߊ ߕߘߍ߬ ߜߍ ߘߐ߫߸ ߣߊߟߌ߬ߡߎ߲߬ ߞߎߟߎ߲ߝߊ߲߫ ߘߋ߲ߓߊ߫ ߘߌ߫، ߏ߬ ߟߋ ߞߊ߲߫ ߞߏ߫ ߊ߬ ߡߊ߫ ߛߐ߲߬ ߊ߬ ߟߊߥߟߌ߬ ߞߏ ߡߊ߬. ߒ߬ߓߊ߬߸ ߛߌ߲߬ߓߏ߲߫ ߡߊ߬ߡߊ߬ߘߌ߬ ߞߊ߲߫ ߞߏ߫ ߌߞߏߡߌ߲߬ ߊ߬ ߓߘߴߊ߬ ߞߐߡߊߓߌ߲ߓߌ߲ߠߊ߫ ߛߐ߬ߘߐ߲߬ ߞߏߕߌ߯ߘߊ ߟߊ߫߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߊ߬ ߟߊߥߟߌ߬ ߞߏ ߡߊ߬.
ߞߍߞߎߘߊߕߍ߮ ߓߘߊ߫ ߞߍ߫ ߞߋߡߌ߫ ߛߋߓߊ߫ ߘߐ߫ ߥߙߏ߬ߘߎ߰ ߊߝߙߌߞߌ߬߸ ߊ߬ ߓߍߣߊ߬ ߘߌ߫ ߓߋߣߍ߲߫ ߝߊ߰ߡߊ ߟߎ߬ ߡߊ߬ ߞߊߟߌߦߊ߫ ߘߐ߫، ߞߊ߬ߕߎ߲߯߸ ߓߋߣߍ߲߫ ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ ߣߐ߬ ߡߐ߱ ߟߎ߬ ߞߟߌ߫ ߟߊ߫ ߡߙߎߕߟߌ ߟߋ߬ ߡߊ߬߸ ߊ߬ ߣߌ߫ ߞߊ߬ ߥߊ߬ߥߎߟߋ ߢߌߣߌ߲߫ ߖߡߊ߬ߣߊ ߞߊ߲ߡߊ߬.
ߞߍߞߎߘߊߞߊ߲ߞߊ߲߫ ߞߣߐ߫߸ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߓߟߏߘߏ߲߭ ߦߴߌߘߐ߫ ߞߊ߬ ߞߐ߲߰ ߢߣߊߕߊߟߌ ߛߋ ߢߍ߫، ߖߐ߲߰ߛߊ߫ ߝߐߢߐ߲߯ߞߐ ߟߎ߬ ߘߌ߫ ߛߋ߫ ߡߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.
