ߞߎ߲߬ߠߊ߬ߛߌ߮ ߓߍ߯
ߞߍߞߎߘߊSߡߊ߲߬ߕߡߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߫ ߝߘߏ߬ߓߊ߬ ߜߙߊ ߈߁߲ ߟߊ߬ߘߍ ߛߋ߲߭ߝߍ߬߸ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߖߌ߬ߣߍ߫ ߖߡߊ߬ߣߊ ߟߊ߫ ߖߘߍ߬ߕߌ߰ߦߊ ߟߋ߬ ߡߊߞߊ߲ߞߊ߲߫߸ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߦߋ߫ ߓߍ߯߸ ߛߊ߬ߥߏ ߟߋ߬ ߘߐ߫߸ ߌ ߞߍ߫ ߘߊ߫ ߤߊߟߌ߬ ߞߐߞߊ߲߫ ߡߐ߯ ߘߌ߫، ߞߏ߬ߣߌ߲߬߸ ߞߏ߫ ߥߙߎߞߌ ߣߌ߫ ߡߊ߬ߙߊ ߡߍ߲ ߺ ߍ ߺ ߡߍ߲߫ ߓߊ߯ ߞߍ߫ ߞߍ߫ ߟߊ߫߸ ߊ߬ ߓߍ߯ ߞߍߕߐ߫ ߞߵߊ߬ ߓߍ߲߬ ߖߌ߬ߣߍ߫ ߖߍ߬ߘߍ ߥߊ߫ ߢߊ ߣߴߊ߬ ߘߌߦߊߣߊ߲ ߠߋ߬ ߡߊ߬.
ߓߘߍ߬ߓߘߍ߬ߟߌߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫ ߛߐ߬ߘߐ߲߬ ߛߘߋߦߊߥߏ (ߝߕߞߡߘ) ߡߙߊ߬ߓߊ߮ ߟߎ߬ ߟߊ߫ ߜߊ߬ߙߊ ߘߐ߫، ߒ߬ߓߊ߬߸ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߞߊ߬ ߛߘߋߦߊߥߏ ߛߎ߮ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊߘߊ߲ߣߍ߲߫ ߛߐ߬ߘߐ߲ ߠߋ߬ ߓߊߛߌ߰ ߞߊ߲ߡߊ߬߸ ߞߊ߬ ߓߊ߯ߙߊߢߐ߲߯ߦߊ ߝߊ߲߬ߞߊߘߏ߲߬߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߞߍߒߘߌߦߊ ߓߌ߬ߟߊ߬ ߢߍߝߍ߬، ߊ߬ ߞߊ߬ ߓߌ߲߬ߓߊ߬ߥߏ߬ ߞߏ ߘߐߜߏߦߊ߫ ߟߋ߬ ߔߐ߫߸ ߞߊ߬ߕߎ߲߯߸ ߞߏ߫ ߓߌ߲߬ߓߊߥߏ ߡߊ߲߬ߕߙߐ ߡߍ߲ ߦߋ߫ ߖߡߊ߬ߣߊ߬ߘߋ߲ ߠߎ߬ ߞߊ߲߬߸ ߏ߬ ߕߍ߫ ߞߊ߲ߕߌ߮ ߟߎ߫ ߞߊ߲߬߸ ߓߌ߲߬ߓߊߥߏ ߦߋ߫ ߓߋ߬ ߟߴߏ߬ ߟߎ߬ ߡߍ߲ ߠߎ߬ ߞߊ߲߬.
ߛߊ߲߬ߞߟߊ߬ߕߋߖߌ߬ߣߍ߬ ߞߊ߲ߓߍ߲ ߜߊ߬ߕߌ߰ ߝߟߐߝߟߐ ߣߌ߫ ߞߊ߲ߕߌ߯ ߊߤߑߡߍߘ ߛߋߞߎ߫ ߕߎ߬ߙߋ߫ ߡߛߏ߬ ߜߐ߮߸ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߓߘߊ߫ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߣߊ߬ ߞߎߣߎ߲ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߈߸ ߡߊ߬ߙߐߞߎ߬، ߡߐ߰ ߛߌߦߊߡߊ߲߫ ߓߘߊ߫ ߞߎߡߊ߫߸ ߞߊ߬ ߓߍ߲߬ ߊ߬ ߟߊ߫ ߛߊ߬ߦߊ ߣߌ߲߬ ߡߊ߬߸ ߞߵߏ߬ ߞߎ߲߭ ߞߍ߫߸ ߊ߬ ߦߋ߫ ߖߌ߬ߣߍ߫ ߘߐ߬ߝߐ ߞߣߐ߫ ߕߐ߯ߕߌ߮ ߘߏ߫ ߟߋ߬ ߘߌ߫ ߊ߬ ߗߍ߬ ߡߊ߬ߣߊߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲Sߟߊ߬ߘߍ߬ߓߊ߫ ߟߋ߬ ߕߎ߲߬ ߦߴߌߘߐ߫ ߞߐߣߊߞߙߌ߫ ߛߌ߬ߣߌ߲߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬߸ ߛߊߣߌ߲߫ ߓߊ߯ߙߟߊ ߟߎ߬ ߣߌ߫ ߞߊ߲ߕߌ߮ ߟߋ߬ ߞߊ߬ ߢߐ߲߯ߦߋ߫ ߞߍ߫، ߞߊ߲ߕߌ߮ ߞߊ߬ ߕߛߊ ߘߊ ߝߐ߫ ߊ߬ߟߎ߬ ߦߋ߫߸ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߛߊߣߌ߲߫ ߢߊߘߊ߲ ߕߍ߫ ߓߐ߫ ߟߊ߫ ߡߎ߬ߕߎ߲߬، ߣߴߏ߬ ߡߊ߫ ߓߍ߲߬ ߡߍ߲ ߡߊ߬߸ ߏ߬ ߟߊ߫ ߓߊ߯ߙߊ߫ ߖߡߊߙߌ߫ ߛߓߍ ߘߌ߫ ߡߌ߬ߣߴߊ߬ ߟߊ߫، ߊߟߎ߫ ߦߋ߫ ߞߊ߲ߕߌ߮ ߟߊ߫ ߓߋߟߋ߲ߠߊ ߘߝߊߣߍ߲ ߘߐߞߊ߬ߙߊ߲߬ ߥߍ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߲ߓߍ߲ ߞߊ߲ߕߌ߮ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߢߐ߲߯ߦߋ߫ ߘߏ߫ ߟߋ߬ ߞߎ߲߬ߠߊߛߌ߰ ߛߌ߬ߣߌ߲߬ߟߏ߲ ߥߊ߬ߛߌ߬ߥߙߊ ߕߟߋ߬ ߁߉ ߢߌ߲߬ ߡߊ߬߸ ߊ߬ߟߎ߬ ߣߌ߫ ߛߊߣߌ߲߫ ߓߊ߯ߙߟߊ ߟߎ߫ ߞߊ߬ ߢߐ߲߯ߦߋ߫ ߡߍ߲ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߛߊߣߌ߲߫ ߢߊߘߊ߲ ߕߍ߫ ߟߊߓߐ߫ ߟߊ߫ ߡߎ߬ߕߎ߲߬߸ ߊ߬ ߓߍ߯ ߘߐߖߏ߲ߕߐ߫ ߖߡߊ߬ߣߊ ߞߣߐ߫ ߟߋ߬ ߛߍߣߍ߲߬، ߏ߬ ߓߊ߯ߙߊ ߘߏ߲߬ߣߍ߲߫ ߣߌ߲߬ߓߊ߬ ߛߊߣߌ߲߫ ߘߐߖߏ߲ߘߊ ߟߋ߬ ߓߟߏ߫، ߊ߬ߟߎ߬ ߞߊ߲߫ ߞߏ߫ ߣߌ߲߬ ߦߋ߫ ߖߡߊ߬ߣߊ ߟߊ߫ ߛߐ߬ߘߐ߲ ߠߊ߫ ߖߘߍ߬ߕߌ߰ߦߊ ߡߎ߬ߙߊ߲߬ ߞߟߏߡߊ ߘߏ߫ ߟߋ߬ ߘߌ߫.
ߓߘߍ߬ߓߘߍ߬ߟߌSߖߌ߬ߣߍ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߐ߬ ߖߋ߬ߟߌ߬ߓߊ߬ߟߊ߫ ߥߟߎ߬ߡߊ߬ߕߌ߮ ߊߟߌߞߏ߫ ߘߊ߲ߜ߭ߏߕߋ߫ ߟߋ߬ ߟߊߞߢߐ߬ߡߊ߬ ߟߊ߫ ߞߎߓߋ߫ ߡߊ߬ߤߊ߬ߡߍ߬ߘ ߅߲ ߠߊ߫߸ ߞߵߊ߬ߟߎ߬ ߟߊ߫ ߘߊߘߐߖߊߥߏ ߕߐ߭ ߘߊߓߊ߲߫ ߖߌߛߎ߲ߞߋߡߎ߲ ߣߌ߫ ߛߍ߬ߣߍ ߣߌ߫ ߜߟߐߡߌ߲ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫. ߛߊ߫ ߖߌ߬ߣߍ߫ ߘߎ߰ߘߐ߬ߝߋ߲ ߠߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߊ߬ ߛߐ߬ߘߐ߲߬ ߊ߬ ߡߊ߫ ߓߐ߫ ߞߊ߬ ߥߴߊ߬ ߘߌ߫ ߝߊ߲߬ ߜߘߍ߫.
ߓߘߍ߬ߓߘߍ߬ߟߌߖߌ߬ߣߍ߬ߞߊ ߟߎ߬ ߦߋ߫ ߞߊ߬ߝߏ߬ߙߋ߲߬ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߞߐߖߋߓߌ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߡߎ߬ߕߎ߲߬߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߞߊ߯ߙߌ ߣߌ߲߬ ߡߊ߬ ߖߡߊ߬ߣߊ ߝߊ߲߭ ߓߍ߯ ߘߐ߫.
ߘߌ߯ߣߊߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߊߟߌߝߎߥߊ ߞߍ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߟߋ߬ ߟߊ߫، ߊ߬ ߣߴߊ߬ ߝߊ߬ߛߏ ߡߐ߱ ߟߎ߫ ߟߋ߬ ߞߊ߬ ߛߊߟߌߝߎߥߊ ߢߊ߰ߢߊ߮ ߏ߬ ߞߍ߫ ߢߐ߲߯ ߝߍ߬ ߓߌ߬.
ߓߘߍ߬ߓߘߍ߬ߟߌߒߞߏ ߛߍ߬ߘߏ߲߬ߠߊ ߟߎ߬ ߟߊ߫ ߗߋߘߋ߲߫ ߓߟߋߓߟߋ߫ ߟߋ߬ ߕߘߍ߬ ߞߊ߲ߓߍ߲ ߞߏߕߌ߯ ߝߟߐߘߊ ߟߊ߫ ߂߀߂߆ ߘߓߊ߬ߕߊ ߕߟߋ߬ ߁߁߄ ߡߊ߬߸ ߞߊ߬ ߕߊ߯ ߞߐ߲ߘߐ߲߫ ߞߋߟߋ߲߫ ߘߌ߫ ߞߊ߲ߕߌ߮ ߡߊ߬߸ ߞߊ߬ ߥߛߊ߬ߛߙߋ߬ ߞߋߟߋ߲߫ ߣߌ߫ ߞߎ߬ߙߊ߬ߣߊ ߘߋ߲߫ ߆߀ ߣߌ߫ ߜߋ߲߬ߞߝߊ ߘߋ߲߫ ߅߀ ߘߏ߲߬ ߞߏߕߌ߮ ߓߟߏ߫߸ ߒߞߏ ߘߊ߲ߞߎ߲ ߞߏߛߐ߲߬ ߞߏߕߌ߯ߝߟߐߘߊ ߟߊ߫ ߞߵߊ߬ ߓߌ߬ߟߊ߬ ߞߍߦߙߐ ߞߊ߲߬߸ ߞߊ߬ ߝߐ߰ߓߍ߬ ߞߙߍߞߙߍ߫ ߒߞߏ ߘߐ߫ ߦߋ߲߬، ߊ߬ ߣߌ߫ ߞߊ߲ߕߌ߮ ߝߣߊ߫ ߞߍ ߘߐ߫ ߞߊ߬ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߐߞߘߐߓߌ߲ߓߌ߲߫.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߓߊ߲ߓߋߛߟߊߕߌ߯ ߓߊ߬ߕߙߎ߬ ߟߊ߯ߦߌ߫ ߛߌ߬ߛߋ߫ (ߖߌ߯ߓߊ߫ ߥߊ߲߬ߞߙߊ) ߣߐ߬ ߊ߬ ߡߙߌߦߊ ߟߋ߬ ߘߌ߫ ߟߊ߫ ߞߊ߬ ߓߍ߲߬ ߖߌ߬ߣߍ߬ ߞߊ߲ߕߌ߯ ߕߊ߬ߡߌ߲߬ߣߍ߲ ߠߎ߬ ߣߴߊ߬ ߓߌ߲߭ߕߊ ߟߎ߬ ߟߊ߫ ߒߞߏߞߏ ߡߌ߬ߣߊ߬ ߢߊ ߡߊ߬، ߊߟߎ߫ ߦߴߊ߬ ߛߓߍߟߌ߫ ߞߍߣߍ߲ ߞߎ߲ߝߊ߲ߓߐ߫.
ߓߘߍ߬ߓߘߍ߬ߟߌߛߛߞ ߓߘߊ߫ ߞߊ߲ߕߌ߮ ߝߏ߬ ߞߵߊ߬ ߞߎߟߎ߲ߖߋ߫ ߝߊ߬ߛߏ߬ ߞߊ߲ ߠߎ߬ ߟߊߘߏ߲߭ ߘߐ߫ ߞߊ߲ߕߌ߯ߘߊ ߓߌ߬ߟߊ߬ߢߐ߲߰ߡߊ ߘߐ߫. ߊ߬ߟߎ߬ ߞߊ߲߫ ߞߏ߫ ߣߌ߲߬ ߞߍߣߍ߲߫ ߞߏߓߊ߫ ߘߝߐ߬ߡߊ ߟߋ߬ ߘߌ߫߸ ߝߊ߬ߛߏ ߟߐ߲ߠߌ߲ߦߊ ߡߐ߬ߟߐ߲߬ߡߊ߬ߦߊ ߘߐ߫߸ ߞߎ߲߬ߠߊ߬ߛߌ߰ߟߌ߬ ߞߏ߬ߢߌ߲ ߘߐ߫߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߝߣߊ߫ ߕߊߕߘߍ߬ ߞߏ߫ ߘߐ߫.
ߟߐ߲ߠߌ߲ߦߊߞߐߣߊߞߙߌ߫ ߞߣߐ߫߸ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߛߐ߬ߘߐ߲߬ ߘߊ߫ ߟߋ߬ ߒߞߏ ߛߌ߲ߘߌ ߛߊ߲߬ ߇߇߲ ߢߊ߰ߢߊ߮ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߒߞߏߡߐ߮ ߟߎ߬ ߦߋ߫ ߓߊ߯ߙߊߞߍߟߊ ߟߎ߫ ߟߋ߬ ߘߌ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߞߍߞߎߘߊߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߊ߬ ߞߊ߲ߕߌ߯ ߣߊ߬ߣߍ߲ ߠ߬ߎ ߕߐ߮ ߦߋ߫߸ ߞߊ߬ ߖߊ߲߬ߖߏ߲ ߖߍ߬ߘߍ ߞߐߣߐ߲ߞߎ߲ߓߊ ߘߏ߫ ߟߊߡߍ߲߫.
ߞߍߞߎߘߊߟߊ߬ߕߍ߰ߦߊ ߘߏ߫ ߓߘߊ߫ ߟߊߓߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߢߣߊߕߊߟߌ ߘߏ߲߬ߞߏ ߟߎ߬ ߛߎߥߊ߲ߘߟߌ ߡߊ߬ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬߸ ߞߊ߬ ߓߊ߲߫ ߞߊ߬ ߢߣߊߕߊߟߌ ߕߎ߬ߡߊ ߟߎ߬ ߟߊߕߍ߰: ߇ߙߋ߲-߁߈ߙߋ߲.
ߞߍߞߎߘߊߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߝߟߍ߬ߟߌ ߞߐ ߘߐ߫ ߘߊ߲ߘߊߛߏ ߟߊ߫߸ ߊ߬ ߣߴߊ߬ ߟߊ߫ ߓߙߊߡߊߖߊ߲ߓߊ߲ ߗߋߕߌ߮ ߟߎ߬ ߕߐ߯ߦߊߣߍ߲ ߞߐ ߘߐ߫߸ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߛߌߞߊ ߓߘߊ߫ ߓߐ߫ ߓߍ߯ ߟߊߘߍ߬ߣߍ߲ ߘߐ߫ ߡߎ߬ߕߎ߲߬ ߞߵߊ߬ ߓߍ߲߬ ߊ߬ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߡߊ߬.
ߞߍߞߎߘߊߞߊ߲ߞߊ߲߫ ߘߊ߲ߘߊߛߏߓߊ ߞߏߟߊߕߍ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߍߣߵߊ߬ߟߎ߫ ߝߎ߬ߙߎ߲߬ߞߎ߬߸ ߣߌ߫ ߘߎ߲߬ߓߎߦߊ߬ ߡߊ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߢߣߊߕߊߟߌ߫ ߣߊ߬ߕߐ ߘߐ߫، ߏ߬ ߘߏ߲߬ ߜߎ ߕߍ߫ ߓߍ߲߬ ߠߴߊ߬ߟߎ߬ ߟߊ߫ ߓߊ߯ߙߊ ߛߊ߬ߙߌ߬ߦߊ ߡߊ߬ ߝߛߊߦߌ߫. ߊߟߎ߫ ߦߋ߫ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߊ߲ ߡߙߌߦߊ ߞߊ߬ߙߊ߲߬
ߞߍߞߎߘߊߖߌ߬ߣߍ߬ ߞߊ߲ߕߌ߯ ߢߣߊߕߊߟߌ ߘߌ߫ ߞߍ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬، ߓߊ߬ߙߌ߬ ߛߌߟߊ ߓߘߊ߫ ߟߊߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫߸ ߏ߬ ߓߘߊ߫ ߣߊ߬ ߛߌߞߊ ߘߌ߫ ߡߐ߱ ߟߎ߬ ߘߐ߫߸ ߞߏ߫ ߣߊ߲߬ߕߌ߮ ߢߌ߲߬ ߠߎ߬ ߕߴߊ߬ ߝߍ߬ ߞߵߊ߬ߟߎ߫ ߥߟߌ߬ ߞߊ߲ߕߌ߯ߦߊ ߟߊ߫ ߝߋߎ߫.
