ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߡߊ߬ߟߌ ߝߊ߬ߥߏ߬ߟߊ߬ߓߐ߬ߟߊ ߡߍ߲ ߦߋ߫ ߞߟߌ߫ ߟߊ߫ ߞߏ߫ ߞߑߟߊ߬ߓߊ߸ ߣߴߊ߬ ߘߍ߰ ߛߎ߬ߛߎ߬ ߕߐ߮ ߦߋ߫ ߟߊ߬ߡߌߣ ߛߡߊ߬ߞߍ ߘߌ߫߸ ߏ߬ ߓߌ߬ߟߊ߬ ߘߊ߫ ߓߌߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߃ ߢߌ߲߬ ߡߊ߬، ߡߞߊ߬ߛߌ߬ߟߌ߫ ߟߋ߬ ߞߍߣߍ߲߫ ߕߍ߬ߘߍ߫ ߊ߬ ߞߊ߲߬߸ ߣߴߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ ߟߊߘߏ߲߬ ߥߛߎ ߟߊ߫߸ ߏ߬ ߟߋ ߛߓߍ ߟߊߓߐߣߍ߲߫، ߒ߬ߓߊ߬߸ ߓߟߏߓߐߣߴߊ߬ ߘߐ߫ ߏ߬ ߕߟߋ߬ ߘߊ߲ߘߐ ߟߋ߬ ߡߊ߬ ߣߌ߲߬.
ߟߊ߬ߞߊ߲߬ߘߊ߬ߟߌߞߙߎ߫ ߝߌ߬ߟߊ߫ ߟߋ߬ ߣߐ߬ ߊ߬ߟߎ߬ ߞߍ߫ ߟߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߎ߫ ߞߊ߲߬ ߊߜ߭ߍߟߑߘߐߞ߸ ߊߣߋߝߌߛ߸ ߜ߭ߊ߬ߥߏ߫߸ ߊ߬ ߣߌ߫ ߛߋߝ߭ߊߙߋ߫، ߒ߬ߓߊ߬߸ ߞߙߎ߫ ߝߌ߬ߟߊ ߡߍ߲ ߦߋ߫ ߣߌ߲߬߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ (ߊߞߞ) ߣߌ߫ ߊߟߑߞߊߦߌߘߊ ߓߏߟߏ߲ߝߘߊ߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߞߊ߬ߛߙߊ ߟߊߘߏ߲߬ߣߍ߲߫ ߏ߬ ߟߎ߫ ߟߋ߬ ߞߎ߲߬ ߣߊ߲߬ߕߌ߮ ߟߎ߬ ߓߟߏ߫.
ߞߌ߬ߓߊ߬ߙߏߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߓߊ߰ߓߊ߰ߟߌ߬ߟߊ ߟߎ߫ ߕߎ߲߬ߕߎ߲ ߘߊߡߌ߬ߣߴߊ߬ ߢߊ ߖߍ߬ߘߍߖߍ߬ߘߍ ߡߊ߬ ߞߎߣߎ߲߬ ߞߍ߲ߘߍߟߏ߲ ߞߊ߬ߙߌ߬ߝߐ ߕߟߋ߬ ߄ ߡߊ߬ ߞߐߣߊ߫ ߣߌ߫ ߛߏߡߊߘߜ߭ߎ߫ ߟߎ߫ ߘߐ߫߸ ߖߡߊ߬ߣߊ ߕߊ߲ߓߊ߲ ߘߐ߫، ߡߍ߲ ߝߐ߫ ߘߊ߫ ߟߊ߬ߛߋ߬ߟߌ ߘߐ߫ ߞߊ߬ ߝߘߊ߫ ߡߊ߬ߟߌ ߟߊ߫߸ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߊ߬ ߝߊ߰ߡߊ ߟߎ߫ ߝߏ߬ ߊ߬ߟߎ߬ ߟߊ߫ ߞߎ߬ߛߊ߲߬ߧߊ ߣߌ߫ ߢߊߟߐ߲ ߓߊ߯ߙߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ߫ ߜߘߍ߫ ߕߍ߫ ߝߊ߰ߡߊ ߟߎ߬ ߟߊ߫߸ ߖߡߊ߬ߣߊ ߟߊߞߊ߲ߘߊ ߞߐ߫.
ߕߋߟߋ߲ߓߊ߯ߦߊߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߏ߬ ߟߎ߬ ߓߘߴߊ߬ ߦߌ߬ߘߊ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߍ߬ߟߊ߬ߞߊ ߟߊ߫ ߛߍߣߍ߲߬ ߔߊߞߌߛߊ߫߸ ߞߏ߫ ߊ߬ߟߎ߬ ߕߴߊ߬ ߘߐ߫ ߡߎ߬ߕߎ߲߬، ߊ߬ߟߎ߬ ߥߊߣߍ߲߫ ߖߋ߬ߟߌ߬ߓߊ߬ߘߎ߯ ߛߋ߲߬ߣߐ ߟߋ߬ ߞߊ߲߬ ߏ߬ ߘߌ߫، ߞߊ߬ߕߎ߲߯߸ ߡߙߌߦߊ ߣߌ߲߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߟߊ߫ ߞߎߡߊ ߘߏ߫ ߛߍ߲ߓߍߘߏ߲߬ ߠߊ߫߸ ߊ߬ߟߎ߫ ߞߵߊ߬ ߝߐ߫ ߡߍ߲ߞߍ߬ ߂߀߂߅ ߕߎߟߊߝߌ߲ ߠߊ߫߸ ߞߏ߫ ߊ߬ߟߎ߬ ߦߋ߫ ߞߕߌ ߘߐ߫ ߖߘߍ߬ߕߌ߰ߦߊ ߟߋ߬ ߝߣߊ߫ ߝߍ߬ ߡߎ߬ߕߎ߲߬، ߒ߬ߓߊ߬߸ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ ߖߡߊ߬ߣߊ߫ ߛߊ߬ߓߊ ߓߘߴߊ߬ ߣߍ߰ߓߐ߫ ߘߋ߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ ߡߍ߲ ߛߌ߰ ߛߋ߲߬ߠߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߅ ߡߊ߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߱ ߘߏ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߝߊ߰ ߘߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߕߌߢߍ߫߸ ߝߌ߬ߟߊ߬ ߦߋ߫ ߞߌߙߑߣߌߦߊ߫ ߘߎ߰ߣߍ߲ ߡߊ߬ߛߎߘߎ߲ߧߊ ߘߐ߫߸ ߣߊ߯ߣߌ߲߫ ߦߴߊ߬ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ ߟߋ߬ ߘߌ߫ ߛߋߝ߭ߊߙߋ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߋ߬ߟߋ߫ ߃ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߓߊ߰ߓߊ߰ߟߌ߬ߟߊ߫ ߖߘߍ߬ߘߌ߬ߟߊ ߟߎ߬ ߟߊ߫ ߡߊ߬ߞߟߐ ߘߏ߫ ߞߍ߫ ߛߎ߭ ߘߌ߫ ߡߎߢߊ߲߫߸ ߖߍ߬ߣߍ߫ ߕߟߋ߬ߓߋ ߘߐ߫ ߞߎߘߍ߫ ߄߅ ߖߊ߬ߕߋ߬ ߟߊ߫، ߣߊ߲߲߬ߕߌ߮ ߟߎ߫ ߟߋ߬ ߞߵߊ߬ ߟߊ߫ ߞߏ߫ ߟߊߓߊ߲߫ ߞߎߟߎ߲ߞߎߟߎ߲ ߠߊ߫ ߛߎߡߊ߲߫ ߖߐ߲ߖߐ߲ ߘߏ߫ ߘߐ߫.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߕߍߓߊ߯ߦߊߙߎ߬ߛߌ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߋ߬ ߞߍ߫ ߎ߳ߞߑߙߍߣߌ߲߬߸ ߊߟߌߖ߭ߋߙߌ߫ ߟߊ߬ߛߌ߰ߘߋ߲ ߡߍ߲ ߦߋ߫ ߦߋ߲߬߸ ߏ߬ ߕߊ߯ ߘߊ߫ ߓߐߒߡߊߟߌ ߟߊ߫ ߞߌߦߍߝ߭߸ ߡߊ߬ߤߌ߬ߣߊ߬ ߟߊ߬ߡߌߣߊ ߝߏ߬ߟߌ߬ ߓߛߌߞߌ߫ ߘߌ߫، ߒ߬ߓߊ߬߸ ߏ߬ ߟߋ ߓߘߴߊ߬ ߦߌ߬ߘߊ߬ ߞߏ߫ ߊߟߌߖ߭ߋߙߌ߫ ߣߌ߫ ߙߎ߬ߛߌ߬ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߘߐߦߏߙߏ߲߫߸ ߞߵߊ߬ ߛߐ߬ߘߐ߲߬ ߡߊ߬ߟߌ ߞߏߢߊ ߛߎߡߊ ߘߎ߲߬ߘߎ߬ߣߍ߲߫ ߊ߬ ߞߏ ߝߍ߬ ߞߎߚߎߕߎߕߎ߫.
ߞߍߞߎߘߊߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ) ߓߘߊ߫ ߞߕߌߓߏ߲߫ ߞߎߘߊ߫ ߟߊߘߊ߲߫ ߞߏ ߝߐ߫߸ ߡߍ߲ ߞߍߕߐ߫ ߛߋ߲߬ߕߊ߬ ߞߎߘߊ߫ ߘߴߊ߬ߟߎ߬ ߟߊ߫ ߘߍ߭ ߣߌ߲߬ ߞߣߐ߫، ߞߊ߬ߕߎ߲߯߸ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߡߙߌߦߊ ߡߍ߲ ߦߴߊ߬ߟߎ߬ ߟߊ߫߸ ߣߴߊ߬ߟߎ߫ ߞߵߊ߬ ߝߐ߫ ߞߏ߫ ߊ߬ߟߎ߬ ߕߍ߫ ߓߌ߲߬ߓߊ߬ߥߏ߬ߟߌ߬ ߞߕߌߖߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ (CPI) ߘߐ߫߸ ߊ߬ߟߎ߬ ߦߴߏ߬ ߛߌߟߊ ߟߋ߬ ߞߊ߲߬ ߤߊ߲߯ ߕߋ߲߬.
ߟߊ߬ߞߊ߲߬ߘߊ߬ߟߌߞߍ߲ߘߍߟߏ߲ ߡߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߮ ߓߊ߬ߛߌߙߏ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߞߏ߫ ߓߍ߯ ߖߎ߬ߛߎ ߦߋ߫ ߦߍ߬ߟߍ߫ ߓߊ߰ߓߊ߰ߟߌ ߞߊ߲ߡߊ߬ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊߟߌߦߊ߫ ߓߟߏ ߡߊ߬ ߕߋ߲߬ ߌߞߘߐ߫߸ ߞߵߊ߬ߟߎ߬ ߞߍߕߊ ߞߍ߫.
ߞߍߞߎߘߊߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߞߊ߬ ߡߙߊ߬ߒ߬ߡߊ߬ߟߌ߬ ߓߟߋߓߟߋ ߞߍ߫ ߡߊ߬ߟߌ ߞߐ߰ߘߎ߮ ߘߐ߫߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߣߌ߫ ߞߍߒߞߊ߲ߠߌ߲ߠߊ ߏ߬ ߟߎ߬ ߓߊ߯ߙߊ߫ ߘߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߣߊ߬ ߢߊߓߏ߫ ߞߎߘߊ߫ ߘߌ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߢߊ ߟߊ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߞߍߞߎߘߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߞߎߡߊ߫ ߘߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߞߏ߲ߞߏߘߓߌ ߕߋ߬ߟߋ߫ ߂߈ ߣߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߞߐ ߘߐ߫ ߖߡߊ߬ߣߊ ߝߊ߲߬ ߛߌߦߊߡߊ߲߫ ߠߎ߫ ߝߍ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߓߘߊ߫ ߛߋ߫ ߞߏ ߟߎ߬ ߡߊߣߐ߬ ߟߊ߫.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߥߙߍ߫ ߕߎ߰ߣߍ߲߫ ߢߐ߲߮ ߠߊ ߞߐ ߘߐ߫ ߖߡߊ߬ߣߊ ߣߌߡߊ߫ ߦߙߐ ߟߎ߬ ߘߐ߫ ߡߊ߬ߟߌ ߞߣߐ߫߸ ߝߏ߫ ߊ߬ߟߎ߬ ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߣߌ ߕߏ߫ ߘߴߊ߬ ߘߐ߫߸ ߊ߬ ߣߌ߫ ߞߊ߬ ߞߌ߬ߘߊߟ ߓߐ߬ߛߌ߫ ߖߡߊ߬ߣߊ ߗߍ߬ߘߋ߲ ߠߎ߬ ߟߊ߫ ߞߵߊ߬ ߘߏ߲߬ ߖߎ߮ ߟߎ߬ ߓߟߏ߫، ߡߟߛ ߓߘߴߏ߬ ߞߏ ߘߐߜߏߦߊ߫ ߔߐߕߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߏߕߌ߯ ߝߟߐ ߓߘߊ߫ ߥߴߊ߬ ߢߊ ߟߊ߫ ߞߊ߬ߕߌ߫ ߡߙߊ߬ߒ߬ߡߊ߬ߟߌ ߖߐߞߌߓߊ߯ߕߐ ߟߎ߫ ߞߊ߲߬߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߦߋ߫ ߕߟߋ߬ ߝߌ߬ߟߊ߬ ߝߙߌߦߊ߫ ߘߐ߫ ߞߟߍ߬ߕߌ߰ ߛߊ߯ߖߐ߬ ߟߊ߫ ߛߊ߬ߦߊ ߞߐ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߡߍ߲ ߠߎ߬ ߖߐߞߌߣߍ߲߫߸ ߊ߬ߟߎ߬ ߘߴߊ߬ߟߎ߫ ߟߐ߬ ߏ߬ ߟߎ߬ ߟߊ߫ ߞߏ ߟߊ߫߸ ߡߍ߲ ߠߎ߬ ߝߣߊ߫ ߣߐ߬ ߡߊ߲߬ߕߙߐ߫ ߛߐ߬ߘߐ߲߬ ߠߊ߫ ߡߊ߬ߞߍ߬ ߦߙߐ߬ ߞߏ ߞߊ߬ߘߊ߲ ߞߣߐ߫߸ ߊ߬ߟߎ߬ ߓߘߊ߫ ߦߙߐ߫ ߢߌߣߌ߲߫ ߏ߬ ߟߎ߬ ߦߋ߫ ߏ߬ ߕߎ߬ߡߊ.
ߓߘߍ߬ߓߘߍ߬ߟߌߊߟߌߖ߭ߋߙߌ߫ ߓߘߴߊ߬ ߟߊߛߋ߫ ߞߏ߫ ߊ߬ ߦߋ߫ ߡߊ߬ߟߌ ߞߐߡߊߓߌ߲ߓߌ߲߫ ߠߊ߫߸ ߊ߬ ߘߏ߲߬ ߕߍ߫ ߓߊ߰ߓߊ߰ߟߌ ߝߍ߬ ߝߊ߬ߘߌ߬ ߛߌ߫ ߘߐ߫، ߊ߬ ߞߊ߬ ߞߎߡߊ ߣߌ߲߬ ߝߐ߫ ߊ߬ߟߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߟߋ߬ ߞߙߊ߫ ߘߐ߫߸ ߊߤߑߡߍߘ ߊߕߊߝ، ߊߟߌߖ߭ߋߙߌ߫ ߓߘߴߊ߬ ߦߌ߬ߘߊ߫ ߜߟߍ߬ߦߊ ߕߎ߬ߡߊ ߢߌ߲߬ ߠߊ߫ ߞߏ߫ ߊ߬ ߦߋ߫ ߡߊ߬ߟߌ ߟߋ߬ ߞߐߡߊߓߌ߲ߓߌ߲߫ ߠߊ߫߸ ߞߵߊ߬ ߞߊ߲ߠߊߘߌ߫ ߊ߬ߟߎ߫ ߡߊ߬ ߝߣߊ߫ ߞߏ߫ ߊ߬ߟߎ߬ ߦߋ߫ ߓߍ߲߬߸ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ > ߟߎ߬ ߓߘߊ߫ ߥߴߊ߬ߟߎ߬ ߞߍ߫ ߊ߬ߟߎ߬ ߟߊ߫ ߘߊ߯ ߛߌߦߊߡߊ߲߫ ߞߊ߲߬ ߛߐ߱ ߢߌ߲߬ ߡߊ߬ ߖߡߊ߬ߣߊ ߞߎߓߋߘߊ ߟߊ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߦߙߐ ߘߏ߫ ߟߎ߫ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊߖߌ߰ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߛߋߞߏ ߞߍ ߞߊ߲߬، ߏ߬ ߘߐ߫߸ ߞߏ߫ ߖߡߊ߬ߣߊ߬ߘߋ߲ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߣߐ߬ ߛߊ߲ߡߊ߫ ߦߙߍߞߍߟߌ߫ ߕߣߐ߬ߡߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߖߎߙߊ߬߸ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߓߌߥߐ߯ߙߐ߫ ߞߍ߫ ߛߎ߭ ߘߌ߫߸ ߞߵߊ߬ߟߎ߬ ߡߊߞߍ߫ ߦߌߟߊ ߡߎ߰ߡߍ ߞߍ߫ ߞߎߜߋ߫.
ߓߊ߯ߙߘߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ߬ߟߊ ߟߎ߬ ߦߋ߫ ߞߊ߬ߛߌ ߟߊ߫ ߕߍ߬ߡߍߞߘߎ߬ߡߊ ߡߊ߲߬ߕߙߐ ߞߏߛߐ߲߬߸ ߥߊ߬ߦߌ ߟߎ߬ ߞߊ߲߫ ߞߏ߫ ߣߌ߬ ߕߍ߬ߡߍߞߘߎ߬ߡߊ ߟߎ߬ ߕߍ߫߸ ߛߏ߬ߓߏ ߛߐ߲߬ߞߐ ߕߴߛߋ߫ ߖߌ߰ ߟߊ߫، ߒ߬ߓߊ߬߸ ߛߏ߬ߓߏ ߓߘߊ߫ ߓߐ߫ ߖߕ ߄߅ ߀߀߀ ߘߐ߫߸ ߞߊ߬ ߞߍ߫ ߖߕ ߇߀ ߀߀߀ ߤߊ߲߯ ߈߀ ߀߀߀ ߘߌ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߕߍߓߊ߯ߦߊߝߊ߯ߞߊ߲ߓߋ߲߫ ߈߀ ߢߐ߲߰ ߠߋ߬ ߓߐߣߍ߲߫ ߖߋ߬ߟߌ߬ߓߊ߬ߘߎ߯ ߞߵߊ߬ߟߎ߬ ߟߊߣߊ߬ ߡߊ߬ߟߌ ߟߊ߫߸ ߡߊ߬ߜߍ߲ ߣߌ߫ ߘߍ߬ߡߍ߲ ߘߌ߫ ߖߋ߬ߣߌ߲߬ߕߊ߬ ߞߏ ߟߊߣߐ߰ߦߊ߬ ߞߊ߲ߡߊ߬، ߞߎߘߍ߫ ߁ ߄߀߀ ߠߋ߬ ߓߏ߬ߙߌ߬ ߘߴߊ߬ߟߎ߬ ߓߟߏ߫߸ ߡߍ߲ ߠߎ߬ ߟߊߞߊ߲ߘߊߣߍ߲߫ ߕߍ߬ߘߍ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߟߎ߬ ߟߊ߫ ߢߌ߲߬ߘߍ ߣߊ߲߬ߕߌ߮ ߟߎ߬ ߓߟߏ߫.
ߘߍ߭ߡߊ߬ߟߌ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߓߘߊ߫ ߝߊ߬ߙߊ߲߬ߛߌ߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߘߊߣߍ߰ ߞߏ ߖߊ߬ߡߊߙߌߌ ߘߌ߫߸ ߞߏ߫ ߊ߬ߟߎ߬ ߓߘߊ߫ ߘߊ߲ߕߌߢߍߟߌ߫ ߞߎߡߊ ߘߏ߫ ߟߎ߫ ߣߌ߫ ߕߊߛߎ߫ ߞߎߡߊ ߘߏ߫ ߟߎ߫ ߟߊߛߋ߫ ߊ߬ߟߎ߬ ߟߊ߫ ߞߌ߬ߓߊ߬ߙߏ߬ߘߊ ߞߊ߲߬߸ ߡߍ߲ ߠߊߕߐ߲ߣߍ߲߫ ߡߊ߬ߟߌ ߛߊ߬ߙߌ߬ߦߊ ߓߟߏ߫.
ߟߊ߬ߞߊ߲߬ߘߊ߬ߟߌߊߓߘߎߟߊߦߌ߫ ߖߐߔ ߓߘߊ߫ ߞߎ߲߬ߘߐ߬ߕߌ߰ ߞߎߡߊ ߓߍ߯ ߞߐ ߞߊߘߎ߫߸ ߞߵߊ߬ ߓߍ߲߬ ߓߡߊ߬ߞߐ߫ ߡߌ߬ߘߊ߬ ߞߏ ߡߊ߬ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫، ߊ߬ ߓߘߊ߫ ߡߊ߬ߝߌ߲߬ߠߌ߲ ߞߍ߫ ߞߏ߫ ߞߣߐߘߐߛߏߙߏ߲ߞߏ߫ ߞߟߍ ߟߋ߬ ߦߴߌߘߐ߫ ߡߊ߬ߟߌ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߌ߫ ߖߋ߬ߟߌ߬ߓߊ߬ߟߊ߫ ߓߘߴߊ߬ߟߎ߬ ߟߊ߫ ߕߍߓߊ߯ߦߊ ߖߎ߬ߟߎ ߘߐߞߙߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߞߊߡߊ߲ ߞߣߐ߫߸ ߓߊߡߍߞߛ ߂߀߂߅ ߜߙߊ߬ߓߊ ߝߍ߬߸ ߛߴߊ߬ߟߎ߬ ߘߌ߫ ߛߋ߫ ߘߍ߬ ߟߊ߫ ߞߊ߬ ߟߊߞߊ߲ߘߊ ߖߐ߬ߘߐ ߟߎ߬ ߜߍ߲߫ ߞߌ߬ߢߍ߬ߞߏ߲ߞߏ߫ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߊ߫ ߥߊ߬ߟߏ߲߬ߠߌ߲ ߘߏ߫ ߛߌ߰ ߛߋ߲߬ߠߊ߫ ߛߏ߬ߙߌ߬ߓߜ߭ߎ߫ (ߞߌ߬ߕߊ߬)߸ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߯ߡߊߞߍ ߘߏ߫ ߥߦߊ߬ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߕߊ߬.
ߕߍߓߊ߯ߦߊߡߊ߬ߤߑߡߎ߬ߘ ߊ߬ߟߌ߬ ߦߎ߯ߛߎߝ ߡߍ߲ ߦߋ߫ ߊߝߙߌߞߌ߬ ߞߋ߬ߟߋ߲߬ߧߊ ߥߛߊ߬ߓߊ߰ߦߊ ߞߊ߲ߕߌ߮ ߘߌ߫߸ ߏ߬ ߓߘߴߊ߬ ߞߊ߲ߠߊߘߌ߫ ߘߎߢߊ߫ ߡߊ߬ ߞߵߊ߬ ߓߍ߲߬ ߡߊ߬ߟߌ ߜߟߍ߬ߦߊ ߣߌ߲߬ ߡߊ߬߸ ߖߐ߲߰ߛߴߊ߬ߟߎ߬ ߦߴߊ߬ߟߎ߬ ߢߊ߫ ߞߍ߫ ߊ߬ߟߎ߬ ߢߊ߫ ߘߌ߫ ߞߊ߬ ߟߊ߬ߞߊ߲߬ߘߊ߬ߟߌ ߓߊߛߌ߰ ߞߊ߬ ߡߐ߰ߦߊ ߞߛߌ߫ ߖߊ߬ߥߟߌ ߡߊ߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߞߵߏ߬ ߟߊ߫ ߖߋ߬ߟߌ߬ߓߊ߬ߘߎ߯ ߞߊ߲߬߸ ߏ߬ ߖߡߊ߬ߣߊ߫ ߛߊ߬ߓߊ ߓߘߴߊ߬ߟߎ߬ ߟߊ߫ ߝߊ߲߬ߞߊ߬ ߟߊ߬ߞߊߝߏ ߘߍ߬ ߟߊ߬ߘߊ߲ ߛߋ߲߬ߠߊ߬ߞߊߟߌߦߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ ߟߊ߫ ߘߍ߬ߒ߬ߠߊ ߘߐ߫ ߞߌ߬ߢߍ߬ߞߏ߲ߞߏ߫ ߞߊ߲߬߸ ߞߵߊ߬ߟߎ߬ ߟߊ߫ ߡߊ߬ߓߊ߰ߓߊ߰ߟߌ ߣߴߊ߬ߟߎ߬ ߟߊ߫ ߖߘߐ߬ߞߏ ߟߎ߬ ߢߍߓߍ߲߬ ߞߊߟߌߦߊ߫ ߘߐ߫߸ ߏ߬ ߡߍ߲ ߡߊ߲߬ߕߙߐ ߦߋ߫ ߡߊ߬ߟߌ ߞߊ߲߬ ߖߌߥߎ߫ ߞߏߖߊ ߘߌ߫ ߕߋ߲߬.
ߞߍߞߎߘߊߞߏ߲߬ߓߏ ߡߊ߬ߖߊߛߊ߬ ߡߊߖߌߙߜ߭ߊ߫ ߡߍ߲ ߞߍ߫ ߘߊ߫ ߝߘߊ߬ߝߌ߲߬ ߝߟߐߝߟߐ ߘߌ߫ ߡߍ߲ ߕߊ߬ ߘߊ߫ ߣߊ߯ߖ߭ߊ ߟߊ߫߸ ߏ߬ ߓߘߊ߫ ߝߊߕߏ߫ ߊ߬ ߛߊ߲߬ ߈߂ ߡߊ߬، ߊ߬ ߞߍ߫ ߘߊ߫ ߟߐ߲ߠߌ߲ ߓߏ߲߬ߘߏ߲ ߘߏ߫ ߟߋ߬ ߘߌ߫ ߝߘߊ߬ߝߌ߲߬ߠߊ߬ ߞߣߐ߫߸ ߞߎߡߊߕߍ߫ ߡߊ߬ߟߌ ߡߊ߬. 🔹silabosoona.com
ߕߍߓߊ߯ߦߊߡߊ߬ߟߌ ߓߘߊ߫ ߕߊ߬ߡߌ߲߬ߛߓߍ߬ ߢߎߡߍߙߋ߲ߡߊ߫ ߞߎߘߊ ߘߏ߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߣߌ߫ ߛߌ߯ߣߌ߲ߞߊ ߟߎ߬ ߟߊ߫ ߞߏߟߊߘߍߢߐ߲߯ߦߊ ߞߣߐߡߊ߬، ߊ߬ ߖߊ߲߬ߖߏ߲ ߞߍ߫ ߘߊ߫ ߞߎߣߎ߲߬ ߞߐ߬ߓߊ߬ߟߏ߲ ߠߋ߬ ߡߊ߬߸ ߏ߬ ߡߍ߲ ߠߊߓߊ߯ߙߊߕߐ߫ ߞߞߢ ߖߡߊ߬ߣߊ ߟߎ߬ ߓߟߏ߫.
ߕߋߟߋ߲ߓߊ߯ߦߊߡߎߛߊ߫ ߡߊ߰ߙߊ ߓߘߊ߫ ߓߌ߬ߟߊ߫ ߛߊ߲߭ ߝߌ߬ߟߊ߬ ߥߛߎ ߟߊ߫߸ ߛߊ߲߬ ߞߋߟߋ߲ ߦߋ߫ ߥߛߎ߫ ߘߊߕߎ߲߯ߣߍ߲ ߠߋ߬ ߘߌ߫߸ ߊ߬ ߕߐ߬ ߛߊ߲߬ ߞߋߟߋ߲ ߘߐ߲ߘߕߐ߫ ߊ߬ ߡߊ߬ ߟߋ߬، ߞߵߏ߬ ߞߎ߲߭ ߞߍ߫ ߊ߬ ߟߊ߫ ߡߊ߬ߞߕߌ߬ߟߌ߬ ߞߍߣߍ߲ ߘߏ߫ ߘߌ߫ ߘߍ߬ߞߙߏߝߏ ߟߎ߫ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߊ߫ ߡߊ߬ߙߊ߫ ߓߊ߰ߓߊ߰ߟߌ߬ ߞߙߎ ߘߏ߫ ߟߎ߫ ߡߊ߬߸ ߏ߬ ߟߎ߬ ߡߍ߲ ߠߎ߬ ߕߍ߬ߘߴߊ߬ ߝߍ߬ ߞߵߊ߬ߟߎ߬ ߞߍ߫ ߖߋ߬ߣߌ߲߬ߕߊ߬ ߡߊ߬ߘߏ߬ߣߌ߲߬ ߕߐ߲ߕߐ߲ ߘߏ߫ ߞߊ߲߬ ߞߐ߬ߟߐ߲߬ߖߍ߬ߓߊ߫، ߊ߬ߟߎ߬ ߓߘߊ߫ ߟߊ߬ߤߘߌ ߕߊ߬߸ ߞߏ߫ ߊ߬ߟߎ߬ ߘߴߊ߬ߟߎ߬ ߞߊߘߊ߲߫߸ ߖߋ߬ߣߌ߲߬ߕߊ߬ ߞߏ ߘߌ߫ ߟߊߛߊ߲߬ߦߌ߲߫ ߊ߬ ߢߊ ߡߊ߬ ߞߵߊ߬ ߖߐ߬ߘߐ ߓߊ߲߫.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߡߊ߬ߟߌ ߣߊ߲߬ߕߌ߮ ߘߏ߫ ߓߘߊ߫ ߡߙߎߕߌ߫ ߞߵߊ߬ ߓߏ߬ߙߌ߫ ߞߊ߬ ߓߐ߫ ߖߡߊ߬ߣߊ ߣߊ߲߬ߕߌ߮ ߟߎ߫ ߞߊ߲߬߸ ߞߊ߬ ߥߊ߫ ߝߙߊ߬ ߊߖ߭ߥߊߘ ߞߟߍ߬ߞߍ߬ߟߊ ߟߎ߬ ߟߊ߫ ߞߙߎ ߞߊ߲߬، ߊ߬ ߥߊߕߐߟߊ ߥߊ߫ ߘߊ߫ ߜߋ߬ߕߋߜߋ߭ ߘߏ߫ ߘߴߊ߬ ߓߟߏ߫߸ ߡߍ߲ ߣߌ߫ ߞߌ߬ߛߍ߬ߝߙߎ߬ߟߊ߲ ߦߋ߫ ߝߛߊߦߌ߫.
ߕߍߓߊ߯ߦߊߣߌߦߐߙߑߞߎ߬ ߞߣߐ߫߸ ߞߞߢ ߞߏߕߌ߯ ߝߟߐ ߟߎ߬ ߣߌ߫ ߊ߬ߟߎ߬ ߟߊ߫ ߕߎ߲ߞߊߙߊ߲ߞߋ ߟߎ߬ ߓߘߊ߫ ߞߎߡߊߢߐ߲߯ߦߊ߫ ߞߊ߬ ߕߊ߬ߡߌ߲߬ ߞߙߎߝߊߢߐ߲߯ߦߊ ߡߙߌߦߊ ߟߎ߬ ߞߐߡߊߓߌ߲ߓߌ߲߫ ߠߊ߫ ߦߋ߲߬ ߓߘߍߞߍ߭.
ߟߐ߲ߠߌ߲ߦߊߒߞߏ ߟߊ߫ ߡߊ߲߬ߕߏ߲߬ߕߍ߬ ߜߙߊ ߓߘߊ߫ ߞߎ߲߭ߝߊ߰ ߊߓߌߖߊ߲߬߸ ߕߋ߬ߟߋ߫ ߛߓߊ߬ ߘߊߘߐߖߊߥߏ ߣߌ߫ ߡߙߌߦߊ߫ ߦߌߘߊ ߟߎ߬ ߞߐߝߍ߬߸ ߛߊ߫ ߒߞߏ ߘߌ߫ ߞߍ߫ ߝߘߊ߬ߝߌ߲߬ߠߊ߬ ߟߊ߫ ߛߌߣߌ߲ߢߍߛߌ߮ ߘߌ߫ ߞߊ߲ ߠߎ߬ ߛߓߍ ߘߐ߫.
ߟߐ߲ߠߌ߲ߦߊߊߓߌߖߊ߲߬ ߞߣߐ߫߸ ߒߞߏ ߟߊ߫ ߡߊ߲߬ߕߏ߲߬ߕߍ߬ ߜߙߊ ߟߏ߲߫ ߝߌߟߊߣߊ߲ ߞߊ߬ ߕߐ߲߫ ߕߊ߲߫ ߣߌ߫ ߞߐ߫ ߟߋ߬ ߟߊߘߍ߬ ߦߙߐ߫ ߞߋߟߋ߲߫ ߘߐ߫ ߞߊ߬ ߝߘߊ߫ ߡߊ߲߬ߘߋ߲߫ ߘߎ߰ ߛߌߦߊߡߊ߲߫ ߠߊ߫߸ ߞߊ߬ ߒߞߏ ߟߊ߫ ߜߟߍ߬ߦߊ߫ ߛߐ߬ߘߐ߲߬ߣߍ߲ ߠߎ߬ ߣߴߊ߬ ߛߋ߲߬ߘߐ߬ ߥߊߣߌ߲ ߘߏ߫ ߟߎ߫ ߢߊߝߐ߫߸ ߞߵߊ߬ߟߎ߬ ߓߐ߲ߘߊ ߟߎ߬ ߝߣߊ߫ ߦߌ߬ߘߊ߬.
ߞߍߞߎߘߊߊߓߌߖߊ߲߬ ߞߣߐ߫߸ ߒߞߏ ߟߊ߫ ߡߊ߲߬ߕߏ߲߬ߕߍ߬ ߜߙߊ ߟߏ߲߫ ߝߟߐ ߞߍ߫ ߡߊ߫ ߢߌ߬ߣߊ߫ ߝߘߊ߬ߝߌ߲߬ ߘߊ߲ߘߊߟߌ ߞߐ߫߸ ߊ߬ ߣߌ߫ ߝߘߊ߬ߝߌ߲ ߛߎ߮ ߦߌ߬ߘߊ ߣߌ߫ ߞߊ߲߫ ߞߏ ߥߎ߬ߦߊ߲߬ߞߌ߬ߟߌ ߟߎ߬.
ߕߋߟߋ߲ߓߊ߯ߦߊߡߊ߬ߟߌ ߞߏߕߌ߯ ߝߟߐ߫ ߞߘߐ ߛ߭ߏߖߍߟ ߡߊ߬ߦߌߜ߭ߊ߬ ߓߘߊ߫ ߓߌ߬ߟߊ߬ ߢߟߊߥߛߎ ߟߊ߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߘߓߊ߬ߓߌߟߊ ߕߟߋ߬ ߁߂߸ ߊ߬ ߟߊߥߟߍ ߞߐߝߍ߬ ߘߓߊ߬ߓߌߟߊ ߣߌ߲߬ ߕߟߋ߬ ߁߭ ߕߊ߬ߡߌ߲߬ߣߍ߲ ߡߊ߬، ߢߊߢߌߣߌ߲ߠߌ߲ ߘߏ߫ ߟߋ߬ ߦߴߌߘߐ߫ ߊ߬ ߣߐ߬ ߘߐ߫߸ ߞߵߊ߬ ߓߍ߲߬ ߣߊ߲߬ߝߟߏ߬ ߖߊߛߌ ߘߏ߫ ߟߎ߫ ߡߵߊ߬ ߕߋ߬ߟߋ ߘߐ߫.
ߟߊ߬ߞߊ߲߬ߘߊ߬ߟߌߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߓߘߊ߫ ߝߊ߰ ߜ߭ߊ߬ߥߏ߬ ߣߌ߫ ߘߎߥߋ߲ߕߑߖߊ߫ ߞߣߐ߫ ߣߊ߲߬ߕߌ߮ ߟߎ߬ ߟߊ߫ ߕߊߢߐ߲߯ߓߐ ߘߏ߫ ߛߋ߲߭ߝߍ߬، ߓߊߏ߬߸ ߓߊ߰ߓߊ߰ߟߌ߬ߟߊ ߟߎ߫ ߓߋ߬ ߘߊ߫ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߘߏ߫ ߟߋ߬ ߞߊ߲߬ ߥߓߊߙߌߦߊ߫߸ ߏ߬ ߟߋ ߡߐߣߍߦߊ ߣߐ߬ ߣߊ߲߬ߕߌ߮ ߟߎ߫ ߟߐ߬ ߟߊ߫ ߜߊ߬ߟߏ ߟߊ߫ ߟߴߊ߬ߟߎ߫ ߞߊ߲߬ ߣߌ߲߬ ߢߊ߸ ߝߏ߫ ߊ߬ߟߎ߬ ߓߘߴߊ߬ߟߎ߬ ߞߐߟߊ߫ ߓߏ߬ߙߌ ߘߌ߫.
ߓߘߍ߬ߓߘߍ߬ߟߌߡߊ߬ߟߌ ߞߏߕߌ߯ ߝߟߐ߫ ߞߘߐ ߡߎߛߊ߫ ߡߊ߰ߙߊ ߓߘߊ߫ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߓߡߊ߬ߞߐ߫߸ ߊ߬ ߟߊ߫ ߟߊ߬ߖߍ߲߬ߛߍ߲߬ߠߌ߲ ߘߏ߫ ߞߐߝߍ߬ ߘߍ߬ߞߙߏߝߏ߫ ߌߞߛ ߞߊ߲߬ ߊ߬ ߖߍ߬ߘߍ ߟߊ߫ ߖߊ߬ߕߋ߬ߘߊ ߟߊ߫، ߊ߬ ߞߊ߬ ߖߡߊ߬ߣߊ ߞߎ߲߬ߠߊ߬ߛߌ߮ ߟߎ߬ ߡߊߓߎ߬ߙߎ߲߬ߕߌ߬ ߡߍ߲ ߘߐ߫߸ ߞߵߊ߬ߟߎ߬ ߟߊ߫ ߥߊߘߌ߫ ߞߏ߫ ߟߊߕߊ߯ߡߊ߫ ߢߊ ߘߏ߫ ߘߐߕߐ߰ߛߌ߫، ߒ߬ߓߊ߬߸ ߓߌ߬ߟߊ߬ ߞߍߣߴߊ߬ ߞߐ߫ ߏ߬ ߟߋ ߘߐ߫ ߓߟߐߟߐ߫ ߞߊ߲߫ ߞߎ߲ߞߏߕߐߦߊ ߞߏߛߐ߲߬.
ߟߊ߬ߞߟߏ߬ߞߟߏ߬ߟߌߡߊ߬ߟߌ ߓߘߊ߫ ߥߛߊ߬ߓߊ߰ߦߊ ߘߏ߫ ߟߊߘߊ߲߫ ߞߎ߲߬ߠߊ߬ߛߌ߰ ߞߊ߲߬ ߞߏ ߝߙߋߞߋ ߟߎ߬ ߝߎߟߋ߲߫ ߞߊ߲ߡߊ߬߸ ߞߊ߬ ߞߟߊ߬ߡߊ߬ߓߊ߮ ߟߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߢߌߣߌ߲߫߸ ߡߍ߲ ߠߎ߬ ߘߌ߫ ߖߡߊ߬ߣߊ ߞߎ߲߬ߠߊ߬ߛߌ߰ ߞߊ߲߬ ߞߏ ߞߎ߬ߙߎ߲߬ߘߎ߫ ߛߌ߲߬ߝߏ߲߬ߠߊ߬ߞߊ ߟߊߘߊ߲߫߸ ߒߞߏ ߘߏ߲߬ߞߏ ߟߎ߬ ߟߊ߫ ߞߙߎߝߊ ߦߴߊ߬ ߥߛߊ߬ߓߊ߰ߦߊ ߘߐ߫߸ ߊ߬ ߣߌ߫ ߓߊߟߌߞߎ߫ ߛߓߍߟߌ ߘߍ߬ߞߙߎ ߘߏ߫ ߟߎ߫.
ߓߘߍ߬ߓߘߍ߬ߟߌߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߛߐ߲߬ ߘߐ߬ߕߊߡߌ߲ ߞߏߟߊߕߍ߯ߘߊ߫ ߝߊ߬ߛߏ߬ߟߊ߬ߞߊ ߟߊ߫ ߛߊ߬ߙߌ߬ߦߊ߬ ߞߏߝߐߣߍ߲ ߡߊ߬߸ ߝߏ߫ ߊ߬ ߓߘߊ߫ ߞߍ߫ ߡߊ߬ߟߌ߬ ߞߊ߲ߓߍ߲ ߞߊ߲ߕߌ߮ ߘߌ߫ ߛߊ߲߬ ߟߏ߯ߟߎ߫ ߢߐ߲߰ ߞߣߐ߫߸ ߡߍ߲ ߘߌ߫ ߛߋ߫ ߟߊߞߎߘߦߊ߫ ߟߊ߫ ߣߌ߫ ߢߣߊߕߊߟߌ߫ ߕߍ߫، ߞߎ߲߬ߠߊ߬ߛߌ߮ ߞߊ߲߫ ߘߟߊߡߌߘߊߞߎ߲ߧߊ ߘߐ߫߸ ߞߏ߫ ߊ߬ߟߎ߬ ߟߊ߫ ߖߡߊ߬߬ߣߊ ߕߍ߫ ߟߊ߬ߞߊ߲߬ߘߊ߬ߟߌ߬ ߖߐ߲ߖߐ߲߫ ߞߣߐ߫߸ ߞߏ߫ ߊ߬ߟߎ߬ ߕߍߣߊ߬ ߛߋ߫ ߟߊ߫ ߢߣߊߕߊߟߌ߫ ߜߍߣߍ߲߫ ߞߍ߫ ߟߴߏ߬ ߞߘߐ߫߸ ߊ߬ ߣߌ߫ ߞߏ߫ ߊ߬ߟߎ߬ ߟߊ߫ ߛߌ߰ߞߊ߬ߝߐ߫ ߝߊ߬ߛߏ߬ߟߊ߬ߟߊ ߞߵߏ߬ ߟߋ ߝߣߊ߫ ߝߐ߫.
ߕߍߓߊ߯ߦߊߟߊ߬ߛߋ߬ߟߌ߬ ߛߓߍ ߘߏ߫ ߓߘߊ߫ ߞߟߊ߬ߣߐ߬ߦߊ߬ ߞߊ߲ߕߌ߯ ߊߛߡߌ߫ ߜ߭ߏ߬ߦߌ߬ߕߊ߬ ߓߟߏ߫߸ ߞߞߢ ߞߙߏߝߊߢߐ߲߯ߦߊ ߦߴߊ߬ ߟߊߛߋ߫ ߟߊ߫ ߡߍ߲ ߞߣߐ߫ ߞߏ߫ ߊ߬ߟߎ߬ ߟߊ߫ ߞߊ߫ ߞߊ߲߫ ߞߵߊ߬ߟߎ߬ ߟߊ߫ ߞߊ߬ߝߏ߬ ߞߎ߲ߕߌ߮ ߟߎ߬ ߟߊ߫ ߢߐ߲߯ߓߍ߲߫ ߝߌߟߊߣߊ߲ ߞߍ߫ ߓߡߊ߬ߞߐ߫ ߂߀߂߅ ߞߏߟߌ߲ߞߏߟߌ߲ ߠߊ߫.
ߓߘߍ߬ߓߘߍ߬ߟߌߘߊ߲߬ ߕߍ߫ ߊߛߡߌ߫ ߟߊ߫ ߞߊ߲ߕߌ߯ߦߊ ߟߊ߫ ߡߎ߬ߕߎ߲߬߸ ߝߏ߫ ߖߡߊ߬ߣߊ ߓߊ߯ ߓߊߛߌ߰ ߕߎ߬ߡߊ ߡߍ߲ ߠߊ߫، ߊ߬ߟߎ߬ ߟߊ߫ ߘߐ߬ߕߊߡߌ߲ ߞߏߟߊߕߍ߯ߘߊ ߓߘߊ߫ ߛߊ߲߬ ߟߏ߯ߟߎ߫ ߘߴߊ߬ ߡߊ߬߸ ߏ߬ ߘߏ߲߬ ߘߌ߫ ߛߋ߫ ߟߊߞߎߘߦߊ߫ ߟߊ߫، ߊ߬ ߘߌ߫ ߛߋ߫ ߓߐ߫ ߟߊ߫ ߞߊ߲ߕߌ߯ߦߊ ߞߐ߫ ߖߡߊ߬ߣߊ ߞߣߐ߫ ߏ߬ ߞߐ߫߸ ߏ߬ ߓߘߊ߫ ߞߍ߫ ߞߏ߫ ߞߎߘߊ߫ ߘߌ߫ ߡߊ߬ߟߌ ߞߣߐ߫ ߌߞߐ߫.
ߓߊ߲ߓߋߍߙߍߝߌ ߟߊ߫ ߞߎߡߘߊ ߘߏ߫ ߞߊ߬ߙߊ߲ ߞߐߝߍ߬ ߊ߲ ߓߟߏ߫ ߓߌ߬ ߂߀߂߅ ߞߊ߬ߙߌ߬ߝߐ ߕߟߋ߬ ߁߭ ߣߌ߲߬ ߡߊ߬߸ ߞߵߊ߬ ߓߍ߲߬ ߓߊ߰ߓߊ߰ߟߌ߬ߟߊ ߟߎ߬ ߡߙߊ߬ߒ߬ߡߊ߬ߟߌ ߡߊ߬ ߡߊ߬ߟߌ ߟߊ߫߸ ߊ߲ ߞߵߊ߬ ߦߋ߫ ߞߏ߫ ߊ߬ ߞߎߡߊ ߟߎ߬ ߡߊ߫ ߛߓߍ߫ ߞߣߐߜߍߦߊ߫ ߞߊ߲߬، ߞߵߏ߬ ߞߎ߲߭ ߞߍ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߞߏ ߓߌ߬ߟߊ ߘߌ߫ ߢߍߝߍ߬߸ ߞߊ߬ ߣߊ߲߬ߕߌ߮ ߟߎ߬ ߟߊ߫ ߛߍ߰ ߞߍߣߍ߲ ߠߎ߬ ߝߐ ߕߏ߫ ߞߐ ߟߊ߫߸ ߊߟߎ߬ ߡߊ߫ ߕߎߡߊ߫ ߣߊ߲߬ߒ߬ߕߊ߲ ߠߎ߬ ߟߊ߫ ߞߏ ߞߊ߲߬ ߡߎ߰ߡߍ߫، ߏ߬ ߟߋ ߞߵߊ߲ ߟߐ߬ ߏ߬ ߞߏ ߢߊߝߐ߫ ߟߊ߫ ߣߍ߲ߞߍ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߊ߫ ߓߊ߰ߓߊ߰ߟߌ߬ߟߊ߫ ߡߐ߰ ߈߀ ߝߊ߰ ߦߙߍߞߍߟߌ ߘߏ߫ ߘߐ߫ ߡߊ߬ߟߌ ߞߐ߬ߘߎ߮ ߘߐ߫، ߡߙߊ߬ߒ߬ߡߊ߬ߝߋ߲ ߠߎ߬ ߣߌ߫ ߘߎ߰ߞߎ߬ߟߎ߲߬ ߛߌߦߊߡߊ߲߫ ߠߋ߬ ߝߣߊ߫ ߡߌ߬ߣߊ߬ߣߴߊ߬ߟߎ߬ ߓߟߏ߫، ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߌߣߍ߲߫ ߖߡߊ߬ߣߊ ߟߊߞߊ߲ߘߊ ߟߊ߫ ߕߎ߬ߡߊ߬ ߓߍ߯߸ ߛߊ߫ ߓߊߛߌ߮ ߘߌ߫ ߘߏ߲߬.
ߟߊ߬ߞߊ߲߬ߘߊ߬ߟߌߡߙߊ߬ߒ߬ߡߊ߬ߝߋ߲߬ߕߌ߮ ߟߎ߫ ߣߐ߬ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ߦߋ߬ ߣߌ߫ ߢߐ߯ߙߐ߫ ߞߣߐ߫߸ ߡߊ߬ߟߌ ߖߡߊ߬ߣߊ ߞߊ߲߬ ߓߌ߬ ߞߊ߬ߙߌ߬ߝߐ ߕߟߋ߬ ߁߭ ߣߌ߲߬ ߡߊ߬، ߡߊ߬ߟߌ ߣߊ߲߬ߕߌ߰ ߝߊ߲ߞߊ ߛߋ߫ ߘߴߊ߬ߟߎ߫ ߕߎ߲߬ߕߎ߲߬ ߠߊ߫ ߕߎ߲߬ߕߎ߲߬ߠߌ߲߬ ߤߏߞߌ ߟߊ߫߸ ߞߊ߬ ߛߌߦߊߡߊ߲߫ ߝߊ߰ ߊ߬ߟߎ߬ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߓߐ߫ ߘߊ߫ ߞߵߊ߬ߟߎ߬ ߟߊ߫ ߛߍߥߊ ߦߌ߬ߘߊ߫ ߣߊ߲߬ߕߌ߮ ߟߎ߬ ߟߊ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߣߐ߬ ߞߌ߬ߢߍ߬ߞߏ߲ߞߏ߫ ߓߊ߰ߓߊ߰ߟߌ߬ ߞߙߎ ߞߎ߲߬ߕߌ߮ ߘߏ߫ ߟߋ߬ ߝߊ߰ ߟߊ߫߸ ߡߍ߲ ߦߋ߫ ߞߐߞߊ߲߫ ߡߐ߮ ߘߏ߫ ߘߌ߫، ߏ߬ ߞߍ߫ ߘߊ߫ ߦߙߍߞߍߟߌ ߘߏ߫ ߟߋ߬ ߛߋ߲߭ߝߍ߬ ߛ߭ߡߊߣߋ߫߸ ߡߋߣߞߊ߫ ߘߊߝߍ߬.
ߕߍߓߊ߯ߦߊߊ߬ ߟߊ߫ ߓߋߟߋ߲ߠߊ ߘߐ߫ ߛߘߋߦߊߥߏ ߞߎ߲߬ߕߌ߰ߦߊ ߟߊߓߊ߲߫ ߕߎߡߊ ߢߌ߲߬ ߠߴߊ߬ ߓߟߏ߫߸ ߓߏ߬ߟߊ ߊߤߑߡߍߘ ߕߌ߬ߣߎ߬ߓߎ߫ ߞߵߊ߬ ߦߌ߬ߘߊ߬ ߓߙߎߞߌߣߊ߫ ߝߊ߬ߛߏ߬ ߣߌ߫ ߡߊ߬ߟߌ ߣߌ߫ ߖߋ߬ߟߌ߬ߓߊ߬߬ߘߎ߯ ߟߎ߫ ߟߊ߫߸ ߞߏ߫ ߊ߬ߟߎ߬ ߦߴߊ߬ߟߎ߬ ߞߐߛߊ߬ߦߌ߲߬ ߛߘߋߦߊߥߏ ߘߐ߫، ߊ߬ߟߎ߬ ߞߊ߫ ߞߊ߲߫ ߞߊ߬ ߛߊ߬ߦߌ߲߫ ߓߍ߲߭ ߠߋ߬ ߞߣߐ߫߸ ߊ߬ ߣߌ߫ ߕߟߋ߬ߓߋ߬ ߊߝߙߌߞߌ߬ ߟߊ߫ ߞߋ߬ߟߋ߲߬ߧߊ ߞߘߎ߬ߛߌ߰ߒ߬ߞߊ߲߬ߠߊ ߘߌ߫.
