ߡߍߘߑߤߌ ߛ߭ߊߓߙߊߥߌ߫ ߡߍ߲ ߦߋ߫ ߞߟߌ߫ ߟߊ߫ ߡߐ߰ ߛߌߦߊߡߊ߲߫ ߓߟߏ߫ ߣߌ߲߬ ߞߏ߫ ߞߏߗ ߡߍߘߑߤߌ߫߸ ߏ߬ ߟߊߟߐ߬ ߘߴߊߓߌߖߊ߲߬ ߞߕߌߓߋߟߋ߲ ߠߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߃߀߸ ߞߊ߬ ߓߊ߲߫ ߞߵߊ߬ ߟߊߘߏ߲߬ ߥߛߎ ߟߊ߫ ߊߓߌߖߊ߲߬ ߥߛߎߖߌ߲ߓߊ ߟߊ߫߸ ߔߏ߬ߟߌߛ ߛߋߞߎߙ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬.
ߓߌ߬ߟߊ߬ ߞߍߣߴߊ߬ ߞߐ߫ ߡߊ߬ߝߌ߲߬ߠߌ߲ ߘߏ߫ ߟߋ߬ ߞߏߛߐ߲߬߸ ߏ߬ ߟߋ ߗߍ߬ߣߌ߬ߡߛߏ߬ߦߊ ߓߋ߬ߒ߬ߞߊ߲߬ߠߌ߲߬ ߞߏ ߘߌ߫.
ߊ߬ ߡߊߝߌ߲߭ ߡߍ߲ ߦߋ߫ ߣߌ߲߬߸ ߏ߬ ߞߎߡߊ ߥߟߌ߬ ߘߊ߫ ߘߍ߬ߞߙߏߝߏ ߟߋ߬ ߞߊ߲߬ ߂߀߂߆ ߞߏ߲ߞߏߘߓߌ ߟߊ߫، ߡߛߏ߬ ߛߌߦߊߡߊ߲߫ ߞߊ߬ ߞߎߡߊ ߕߊ߬߸ ߞߵߊ߬ ߡߊߝߌ߲߬ ߓߋ߬ߒ߬ߞߊ߲߬ߠߌ߲߬ ߞߏ ߘߐ߫، ߞߊ߬ߕߎ߲߯߸ ߊ߬ߟߋ ߡߊߟߐ߲ߣߍ߲߫ ߓߊߞߍ߬ ߟߊ߫ ߊ߬ ߟߊ߬ߟߌ߬ߟߌ߬ ߞߎߡߊ ߟߎ߫ ߟߋ߬ ߘߐ߫ ߦߙߊ߬ߓߌ ߞߊ߲߬ ߓߟߐߟߐ ߞߊ߲߬.
ߒ߬ߓߊ߬߸ ߘߋ߲ߣߍ߲ ߠߎ߬ ߣߌ߫ ߘߋ߲ߓߦߊ ߣߌ߫ ߡߏ߬ߛߏ ߟߎ߬ ߟߊ߫ ߞߏߕߌ߯ߘߊ ߝߣߊ߫ ߞߊ߬ ߏ߬ ߟߋ ߞߏ ߢߊߢߌߣߌ߲ ߘߊߡߌ߬ߣߊ߬، ߊ߬ߟߎ߬ ߛߋ߫ ߘߊ߫ ߡߛߏ߬ ߁߇ ߛߐ߬ߘߐ߲߬ ߠߊ߫߸ ߡߍ߲ ߠߎ߬ ߦߋ߫ ߞߊ߬ߛߌ߬ ߟߴߊ߬ ߕߐ߯ ߟߊ߫، ߊ߬ ߣߌ߫ ߞߵߏ߬ ߟߊ߫ ߖߊ߬ߡߊ ߟߊ߫ ߡߞߊ߬ߛߟߌ߬ ߞߋߟߋ߲߫ ߝߣߊ߫ ߞߊ߲߬.
ߏ߬ ߟߋ ߞߏߢߊ ߕߏߣߴߌߘߐ߫߸ ߞߏߗ ߡߍߘߑߤߌ߫ ߞߊ߬ ߜߋ߲ߞߐ߰ߖߌ߬ߘߊ ߓߌ߬ߟߊ߬߸ ߞߊ߬ ߥߊ߫ ߡߊ߬ߟߌ ߟߊ߫.
ߒ߬ߓߊ߬߸ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߀ ߞߣߐߟߊ ߟߋ߬ ߘߐ߫߸ ߕߍ߮ ߞߍ߫ ߘߊ߫ ߛߊߓߙߊߥߌ߫ ߘߐ߫߸ ߡߊ߬ߟߌ ߟߊ߬ߞߊ߲߬ߘߊ߬ߟߌ ߗߋߢߊߕߌ߮ ߣߌ߫ ߜߋ߲ߞߐ߰ߖߌ߬ߘߊ ߕߊ ߟߎ߬ ߟߊ߫ ߓߟߏ߫ ߘߌ߫ ߢߐ߲߰ ߡߊ ߞߣߐߡߊ߬، ߖߡߊ߬ߣߊ߫ ߝߌ߬ߟߊ ߣߐ߬ ߞߏ ߟߎ߬ ߓߐ߫ ߟߴߊ߬ ߛߌߟߊ ߝߍ߬ ߏ߬ ߟߋ ߘߐ߫ ߣߌ߲߬ ߛߊ߫߸ ߞߎ߲߬ߢߐ߲߰ ߦߙߌߞߊ߫ ߕߊ߬ߡߌ߲ ߞߐߝߍ߬߸ ߝߏ߫ ߊ߬ߟߎ߬ ߓߘߴߊ߬ ߟߊߛߊ߬ߦߌ߲߬ ߜߋ߲ߞߐ߰ߖߌ߬ߘߊ ߟߊ߫.
ߓߌߟߏ߲ ߠߋ߬ ߡߊ߬߸ ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߉߸ ߡߊ߬ߟߌ ߝߊ߰ߡߊ ߟߎ߫ ߞߊ߬ ߡߍߘߑߤߌ߫ ߕߊ߬ ߞߵߊ߬ߟߎ߫ ߞߎ߲߬ߛߌ߲߫ ߊ߬ ߘߌ߫ ߜߋ߲ߞߐ߰ߖߌ߬ߘߊ ߝߊ߲߭ ߠߊ߫߸ ߞߊ߬ ߥߴߊ߬ ߡߊߟߐ߬ ߝߏ߯ ߓߐߕߏ߲ ߠߊ߫، ߜߋ߲ߞߐ߰ߖߌ߬ߘߊ ߕߐ߲ߓߟߏߡߊ߫ ߓߟߏߡߊߞߊ߬ߣߍ߲ ߠߎ߬ ߞߵߊ߬ ߕߊ߬ ߜߕߋ߬ߜߕߋ ߘߐ߫ ߦߋ߲߬ ߠߋ߬ ߛߊ߫߸ ߞߊ߬ ߥߴߊ߬ ߘߌ߫ ߊߓߌߖߊ߲߬߸ ߊ߬ ߘߏ߲߬ ߘߊ߫ ߓߌߟߏ߲ ߛߎ ߘߐ߫ ߞߵߊ߬ ߘߎ߰ߛߊ ߜߍ߫ ߛߌ߬ߣߌ߲߬ߟߏ߲ ߠߊ߫.
ߛߐ߰ߡߊ߬ߘߊ ߟߊ߫ ߏ߬ ߘߐ߫߸ ߊ߬ ߥߊ߫ ߘߊ߫ ߟߊߟߐ߬ ߞߕߌߓߋߟߋ߲ ߢߊߞߘߐ߫߸ ߏ߬ ߟߎ߫ ߞߵߊ߬ ߟߊߘߏ߲߬ ߥߛߎ ߟߊ߫، ߊ߬ ߞߵߊ߬ ߟߊ߫ ߛߎ߫ ߝߟߐ ߛߌ߬ ߜߋ߲ߞߐ߰ߖߌ߬ߘߊ ߥߛߎߓߏ߲ ߞߣߐ߫ ߟߋ߬ ߞߎߣߎ߲߬.
ߊ߬ ߟߊ߫ ߞߏ ߞߊ߬ ߡߐ߰ ߛߌߦߊߡߊ߲߫ ߠߋ߬ ߕߙߐ߫ ߘߍ߬ߞߙߏߝߏ ߞߊ߲߬، ߒ߬ߓߊ߬߸ ߏ߬ ߟߋ ߓߘߊ߫ ߛߋ߫ ߛߊ߬ߙߌ߬ߦߊ߬ ߓߟߏߞߘߐ߫ ߣߌ߲߬ ߛߍߣߍ߲߬߸ ߞߵߊ߬ ߕߏ߫ ߞߕߌ ߡߊ߬، ߞߏߗ ߡߍߘߑߤߌ߫ ߞߏ߬ߣߌ߲ ߦߋ߫ ߛߐ߲߬ߒ߬ߕߊ߲߬ ߓߛߌߞߌ߫ ߟߋ߬ ߘߌ߫ ߡߎߣߎ߲߬߸ ߤߊ߲߯ ߊ߬ ߟߊ߫ ߞߕߌ ߦߋ߫ ߕߍ߰ ߕߎ߬ߡߊ ߡߍ߲ ߠߊ߫، ߞߊ߬ߕߎ߲߯߸ ߞߕߌߘߊ ߟߋ߬ ߘߐߙߐ߲߫ ߘߌ߫ ߛߴߊ߬ ߝߐ߫ ߟߊ߫ ߡߎ߬ߕߎ߲߬߸ ߞߏ߫ ߞߊ߲ ߡߍ߲ ߠߎ߬ ߝߐߣߍ߲߫߸ ߊ߬ ߛߐ߲߭ ߠߋ߬ ߥߟߴߊ߬ ߛߐ߲߬ ߕߍ߫.
ߞߕߌ,ߜߋ߲ߞߐ߰ߖߌ߬ߘߊ,ߡߊ߬ߟߌ,ߞߏߗ ߡߍߘߑߤߌ߫,ߛߊߓߙߊߥߌ߫,ߗߍ߬ߣߌ߬ߡߛߏ߬ߦߊ ߓߋ߬ߒ߬ߞߊ߲߬ߠߌ߲,ߟߊ߬ߞߊ߲߬ߘߊ߬ߟߌ ߓߊ߯ߙߊߢߐ߲߯ߦߊ,ߊߓߌߖߊ߲߬
