ߞߎ߲߬ߠߊ߬ߛߌ߮ ߓߍ߯
ߡߊ߲߬ߕߏ߲߬ߕߍ߬ߟߊ߬ߞߊߥߙߏ߬ߘߎ߯ ߝߘߊ߬ߝߌ߲߬ߠߊ߫ ߡߐ߰ ߥߊ߯ ߦߙߌߞߊ߫ ߟߋ߬ ߓߐߣߍ߲߫ ߓߌ߬ ߞߐ߬ߟߏ߲ ߣߌ߲߬ ߡߊ߬ ߥߊ߬ߛߌ߬ߥߙߊ ߕߟߋ߬ ߂߀߸ ߞߊ߬ ߓߐ߫ ߛߌߟߊ ߞߊ߲߬ ߞߵߊ߬ ߦߌ߬ߘߊ߬ ߞߏ߫ ߡߍ߲ ߠߎ߬ ߦߋ߫ ߕߎ߲ߞߊ߲߫ ߠߊ߫ ߛߌ߮ ߟߴߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߵߊ߬ ߛߐ߬ߘߐ߲߬ ߛߓߍ߫ ߕߴߊ߬ߟߎ߬ ߟߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߕߎ߲ߞߊ߲߫ ߠߊ߫ ߕߊ߯ߟߊ߫ ߛߌߦߊߡߊ߲߫ ߟߐ߬ ߊ߬ߟߎ߬ ߟߊ߫ ߖߡߊ߬ߣߊ ߓߌ߬ߟߊ߬ ߟߊ߫.
ߞߍߞߎߘߊߡߐ߰ ߣߊ߯ߣߌ߲߫ ߠߋ߬ ߝߊ߰ߣߍ߲߫ ߔߊߞߌߛߦߊ ߘߏ߫ ߘߐ߫ ߞߋߣߌߦߊ߫ ߞߣߐ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߬ ߡߐ߰ ߃߀ ߖߐߞߌ߫߸ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ߬ ߦߟߍ߬ ߞߏ ߘߐ߫، ߊ߬ߟߋ߬ ߔߊߞߌߛߦߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߝߘߏ߬ߓߊ߬ ߡߊ߬ߘߏ߬ߣߌ߲߬ߠߌ߲ ߓߍ߯ ߛߋ߲߬ߠߊߛߌ߬ߘߌ߫ ߟߋ߬ ߣߊߦߌߙߏߓߌ߫ ߞߣߐ߫.
ߞߍߞߎߘߊߌߙߊ߲߫ ߝߊ߲߬ߞߊߛߌ߬ߣߊ ߟߎ߬ ߘߐ߫ ߛߘߊߡߊ ߓߘߴߊ߬ ߞߊ߲ߠߊߘߌ߫ ߘߏߣߊߟ ߕߑߙߐ߲ߔ ߡߊ߬߸ ߞߏ߫ ߊ߬ ߦߋ߫ ߣߵߊ߬ߟߎ߬ ߓߐ߫ ߓߟߏ߫ ߘߐ߫، ߊ߬ ߓߘߴߊ߬ ߞߐߡߊߓߌ߲ߓߌ߲ߓߊ߮ ߟߎ߬ ߞߟߌ߫߸ ߞߏ߫ ߊ߬ߟߎ߬ ߖߌ߰ ߛߌߟߊ ߞߊ߲߬߸ ߞߊ߬ ߖߊߟߌߞߦߊߟߊ ߟߎ߬ ߜߍ߲߫. ߘߎߢߊ߫ ߓߘߊ߫ ߛߌߞߊ߫ ߞߊ߬ߝߏ߫ ߘߍ߬ߣߍ߲ ߡߊ߬ ߞߏߟߊ߲ߘߌߦߊ ߘߐ߫߸ ߊ߬ ߣߌ߫ ߖߘߍ߬ߞߍ߬ߒ߬ߞߏ߬ߘߌ ߘߐ߫. ߊߟߎ߫ ߦߋ߫ ߛߘߌ߬ߜߋ߲ ߣߌ߲߬ ߛߐ߲߬ߞߌ߫ ߞߵߊ߬ ߕߐ߭ ߞߊ߬ߙߊ߲߬ ߥߍ߫ 👇🏿
ߡߊ߲߬ߕߏ߲߬ߕߍ߬ߟߊ߬ߞߊߊߡߙߌߞߌ߬ ߦߴߊ߬ ߝߍ߬ ߞߊ߬ ߞߍ߫ ߞߎ߬ߛߊ߲ߓߊ߬ߟߌ ߘߌ߫ ߘߎߎߢߊ߫ ߞߣߐ߫، ߊ߬ߟߌ ߞߊߡߣߋߦߌ߫ ߞߊ߲߫ ߞߏ߫ ߌߙߊ߲߫ ߕߍߣߵߊ߬ ߕߏ߫ ߟߊ߫ ߘߕߐ߬ߛߟߌ߬ߟߊ ߟߎ߬ ߘߐ߫ ߝߋߎ߫، ߞߊ߬ߕߎ߲߯߸ ߔߊߞߌߛߦߊ ߡߍ߲ ߠߎ߬ ߦߴߌߘߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߏ߫ ߊ߬ ߘߎ߰ ߞߘߐ߬ ߞߓߊ ߦߋ߫ ߊߡߙߌߞߌ߬ ߟߋ߬ ߘߌ߫. ߊ߬ ߘߏ߲߫߸ ߞߏ߫ ߘߏߣߊߟ ߕߑߙߐ߲ߔ ߣߴߊ߬ ߟߊ߫ ߖߘߍ߬ߘߐ߬ߓߊ߬ߦߊ ߣߌ߲߬߸ ߊ߬ ߘߌ߫ ߟߴߊ߬ ߞߎ߲߭ ߞߊ߲߬ ߟߏ߲ ߘߏ߫ ߖߐ߫.
ߘߍ߭ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ߬ ߓߘߊ߫ ߞߟߌߟߌ ߞߍ߫ ߡߊ߲߬ߞߊ߲ ߘߐߛߎߡߊ ߡߊ߬ ߛߌ߯ߙߌ߲߫ ߞߣߐ߫، ߊ߬ ߞߊ߲߫ ߞߏ߫ ߘߊߘߐߖߊߥߏ ߓߘߊ߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߣߌ߫ ߝߊ߰ߡߊ ߟߎ߬ ߕߍ߫߸ ߊ߬ߟߌ ߗߊߡ ߓߘߊ߫ ߓߌ߬ߟߊ߫ ߕߋ߲߬، ߊ߬ ߞߊ߲߫ ߝߣߊ߫ ߞߏ߫ ߓߍ߯ ߦߋ߫ ߖߛߎ߬ߛߎߡߊ ߢߌߣߌ߲߫.
ߘߍ߭ߛߌ߯ߙߌ߲ߞߊ ߟߎ߬ ߓߘߊ߫ ߕߐ߲ߓߟߏߡߊ ߟߎ߬ ߡߊߝߌ߲߬ ߕߊ߬ߟߌ߬ ߞߏ ߘߏ߫ ߟߎ߫ ߘߐ߫߸ ߖߎ߬ߟߊ ߘߏ߫ ߟߎ߫ ߓߟߏߝߋ߲ ߕߊ߬ ߞߏ ߘߐ߫ ߞߊ߬ߣߌ߲߬، ߞߵߊ߬ ߛߐ߬ߘߐ߲߬ ߡߊ߲߬ߞߊ߲ ߦߴߊ߬ߟߎ߬ ߣߌ߫ ߘߋ߲ߡߌߛߍ߲߫ ߔߊߞߌߛߦߊߟߊ ߘߏ߫ ߟߎ߫ ߕߍ߫ ߊ߬ߟߌ ߗߊߡ ߓߌ߬ߟߊ߬ ߞߏ ߘߐ߫.
ߓߘߍ߬ߓߘߍ߬ߟߌߔߊߞߍߛߦߊ ߟߎ߬ ߦߴߌߘߐ߫ ߞߊߡߋߙߎߣ ߞߣߐ߫ ߕߎ߲߫߸ ߞߊ߬ ߡߐ߱ ߟߎ߬ ߕߏ߫ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߡߊߞߐ߬ߣߐ߲ ߛߌ߱ ߘߐ߫.
ߓߘߍ߬ߓߘߍ߬ߟߌߖߌ߬ߣߍ߬ ߞߙߎߞߓߊ߫ ߛߓߊ߬ ߓߘߊ߫ ߟߊߘߎ߲߫، ߊߟߌߝߊ߫ ߞߐ߲ߘߍ߫ ߟߊ߫ ߞߙߎߞߊ ߦߴߊ߬ ߘߐ߫߸ ߘߊߟߍ߲߬ ߠߊ߫ ߞߙߎߞߊ ߦߴߊ߬ ߘߐ߫، ߡߙߌߘߐ ߏ߬ ߘߏ߲߬ ߕߊ߬ߣߍ߲߫ ߝߎ߬ߙߎ߲߬ߞߎ߬ߟߌ ߘߏ߫ ߟߋ߬ ߡߊߛߎ߬ߘߎ߲߬ߧߊ ߘߐ߫߸ ߡߍ߲ ߞߍߕߐ߫ ߕߎߟߊߝߌ߲ ߕߟߋ߬ ߅ ߣߊ߬ߕߐ ߡߊ߬ ߝߊ߲߬ߞߊߛߌ߬ߣߊ ߘߏ߫ ߟߎ߫ ߓߟߏ߫، ߦߊ߯ߟߊ߫߸ ߊ߬ ߟߊߥߟߌ߬ߣߍ߲߫ ߏ߬ ߞߏ ߛߋ߲߬ߠߊߛߌ߬ߘߌ ߟߋ߬ ߡߊ߬ ߓߊ߬؟
