ߖߌ ߓߘߊ߫ ߞߊߘߌ߫ ߝߊ߬ߙߊ߲߬ߛߌ߫ ߥߙߏ߬ߘߎ߯ ߕߟߋ߬ߓߐ ߞߊ߲߬ ߞߊ߬ ߝߐ߬ߝߐ ߓߐ߫ ߞߎ߲߬ߢߐ߲߮ ߣߌ߲߬ ߘߊߡߌߣߊ ߟߊ߫߸ ߝߏ߫ ߡߐ߰ ߣߊ߯ߣߌ߲߫ ߖߊ߬ߕߋ߬ ߓߘߊ߫ ߝߊ߰ ߞߊ߬ ߞߋߟߋ߲߫ ߕߎߣߎ߲߫، ߞߎߣߎ߲߬ ߞߎߣߎ߲ߟߏ߲ ߞߏ߲ߓߌߕߌ߮ ߕߋ߬ߟߋ߫ ߂߁ ߛߎ ߝߍ߬߸ ߡߛߏ߬ߞߘߐ߫ ߛߊ߲߬ ߈߆ ߘߏ߫ ߣߴߊ߬ ߡߊ߬ߡߊ߬ߙߋ߲߬ߡߛߏ߫ ߛߊ߲߭ ߂߉ ߘߏ߫ ߛߎ߭ ߟߋ߬ ߦߋߣߍ߲߫ ߥߏ߭ ߘߏ߫ ߘߐ߫، ߏ߬ ߞߍߣߍ߲߫ ߟߎ ߘߏ߫ ߟߋ߬ ߞߣߐ߫߸ ߖߌ ߘߏ߲߬ߣߍ߲߬ ߦߙߐ ߡߍ߲ ߘߐ߫، ߏ߬ ߞߍ߫ ߘߊ߫ ߟߊ߲ߛߐ߲ ߔߙߏߝ߭ߍ߲ߛ ߟߋ߬߸ ߓߎߛ߭ ߘߎ߳ ߙߐߣ ߡߙߊ߬ߘߊ߬ߓߊ ߞߣߐ߫.

ߝߊ߬ߙߊ߲߬ߛߌ߬ ߘߐߞߟߊߦߊߣߍ߲ ߞߐߝߍ߬ ߞߊ߬ߙߊ߲߬ߘߋ߲ ߠߎ߬ ߣߌ߫ ߓߊ߯ߙߊߞߍߟߊ ߟߎ߬ ߓߟߏ߫ ߔߊߞߌߛߦߊ ߟߊ߫߸ ߛߎ߲ߞߎ߲ ߠߊ߫ ߓߟߊ߬ߥߎ ߝߣߊ߫ ߓߘߊ߫ ߣߊ߬ ߢߊ߬ߜߊ ߝߙߏ߬ߕߏ ߟߴߊ߬ߟߎ߬ ߢߊߘߎ߮ ߘߐ߫߸ ߞߵߏ߬ ߞߍ߫ ߞߘߐߓߐߟߌߓߊ߫ ߘߴߊ߬ߟߎ߫ ߞߊ߲߬.

ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߞߐ߬ߓߊ߬ߟߏ߲ ߛߎ ߟߋ߬ ߘߐ߫ ߞߏ߲ߓߌߕߌ߮ ߕߟߋ߬ ߁߉߸ ߞߵߊ߬ ߛߌ߰ ߞߐ߬ߟߏ߲ ߠߊ߫ ߞߊߙߏ ߕߋ߬ߟߋ߫ ߂߀، ߖߌ ߦߟߍ߬ ߘߊ߫ ߟߋ߬ ߟߊ߲ߛߐ߲ ߔߙߏߝ߭ߍ߲ߛ߸ ߞߊ߬ ߖߌ ߛߋ߫ ߞߙߎ߬ߛߌ߬ ߛߘߌ ߟߊ߫، ߞߐ߬ߟߏ߲ ߛߐ߱ߡߊ߬߸ ߗߍ߬ ߛߊ߲߬ ߇߅ ߘߏ߫ ߥߊ߫ ߘߊ߫ ߖߌ ߓߟߏ߫ ߛߍ߲ ߡߌߕߙ ߟߍ߬ ߙߊ߲ߔߊߙ، ߏ߬ ߟߏ߲߫ ߞߋߟߋ߲ ߥߎ߬ߙߊ ߝߍ߬߸ ߡߙߊ߬ߘߊ߬ߓߊ ߡߍ߲ ߕߐ߯ ߞߏ߫ ߝ߭ߊߙ߸ ߗߍ߬ ߛߊ߲߬ ߅߈ ߘߏ߫ ߕߎߣߎ߲߫ ߘߊ߫ ߦߋ߲߬߸ ߓߌ߬ߟߊ߬ߒ߬ߘߐ߬ߖߎ߮ ߞߐߝߍ߬ ߘߎ߰ߞߎߟߎ߲ ߞߣߐ߫߸ ߊ߬ ߕߐ߯ ߞߏ߫ ߡߌߞߊߦߍߟ ߊߡߑߛߊߟߋߡ، ߢߌߣߌ߲ߠߌ߲ ߛߌ߰ ߘߊ߫ ߛߋ߲߬ߠߊ߫ ߞߎߣߎ߲߬߸ ߛߴߊ߬ ߘߌ߫ ߦߋ߫߸ ߊ߬ ߦߋ߫ ߘߊ߫ ߟߋ߬ ߥߟߴߊ߬ ߡߊ߫ ߦߋ߫߸ ߊ߲ ߡߴߊ߲ ߓߟߏ߫ ߟߊ߫ ߏ߬ ߘߐ߫ ߝߟߐ߫.

ߊ߬ߟߎ߬ ߟߊ߫ ߦߙߐ߫ ߛߌߦߊߡߊ߲߫ ߓߘߊ߫ ߕߍ߰ ߦߙߐ ߕߐ߭ ߟߎ߬ ߟߊ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߖߌ ߘߌ߫، ߞߐ߲߬ߛߏ ߟߎ߬ ߓߘߊ߫ ߥߊ߫ ߖߌ ߟߊ߫߸ ߞߌ߲߬ߘߊ߬ ߛߌߦߊߡߊ߲߫ ߝߊߣߍ߲ ߖߌ ߟߊ߫ ߝߊ߬ߙߊ߲߬ߛߌ߫ ߥߙߏ߬ߘߎ߯ ߕߟߋ߬ߓߐ ߘߐ߫.

ߞߏ ߟߎ߬ ߝߟߐ߫ ߘߊ߫ ߣߐ߰ߦߊ߬ ߟߊ߫ ߞߎߣߎ߲ߟߏ߲߸ ߞߏ߬ߣߵߊ߬ ߦߌ߬ߘߊ߬ ߘߊ߫ ߞߏ߫ ߓߌ߬ ߛߌ߬ߣߌ߲߬ߟߏ߲ ߡߍ߲ ߝߣߊ߫ ߦߋ߲߫߸ ߛߊ߲߫ ߡߌߛߍ߲ ߘߏ߫ ߟߎ߫ ߞߊ߫ ߞߊ߲߫ ߞߊ߬ ߣߊ߬.

ߊߟߎ߫ ߘߏ߲߬ ߦߴߊ߬ ߟߐ߲߫߸ ߛߎ߬ߣߎ߲ ߓߘߊ߫ ߡߐ߰ ߦߙߌߞߊ ߡߍ߲ ߓߐ߬ߣߐ߫ ߊ߬ ߣߌ ߘߐ߫ ߖߌ ߞߏߛߐ߲߬ ߣߌ߲߬، ߞߏ߲ߓߌߕߌ߮ ߕߟߋ߬ ߁߇ ߞߟߦߊ߫ ߘߊ߫ ߟߋ߬ ߦߋ߲߬߸ ߡߐ߰ ߈߀߀ ߀߀߀ ߖߊ߬ߕߋ߫ ߟߋ߬ ߓߐ߫ ߘߊ߫ ߛߌߟߊ ߞߊ߲߬߸ ߞߏ߫ ߖߡߊ߬ߣߊ ߓߘߊ߫ ߜߟߍ߬ߦߊ߬߸ ߝߏ߫ ߕߍ߮ ߞߍ߫ ߘߊ߫ ߡߐ߰ ߁ ߂߀߀ ߖߊ߬ߕߋ߬ ߘߐ߫، ߊ߬ߟߋ߬ ߡߐ߰ ߞߋߟߋ߲ ߠߎ߫ ߘߏ߲߬ ߞߊ߲߫ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߓߐ߫ ߞߍ߲ߘߍߟߏ߲߫ ߣߊ߬ߕߐ߸ ߞߏ߲ߓߌߕߌ߮ ߕߋ߬ߟߋ߫ ߂߄߸ ߞߵߏ߬ ߞߍ߫ <<ߓߐߟߌ߫ ߂߲>> ߘߌ߫، ߞߎ߲߬ߠߊ߬ߛߌ߮ ߝߣߊ߫ ߣߐ߬ ߊ߬ߟߎ߬ ߛߊ߲ߕߍ߰ ߟߊ߫ ߏ߬ ߟߋ ߘߐ߫ ߣߌ߲߬߸ ߞߵߊ߬ ߦߌ߬ߘߊ߬ ߞߏ߫ ߔߊߞߌߛߦߊ߫ ߝߏߦߌ߬ ߕߍ߫ ߞߍ߫ ߟߊ߫ ߞߍ߲ߘߍߟߏ߲߸ ߊ߬ ߝߊ߲߭ ߞߏ߫ ߖߡߊ߬ ߟߊ߬ߘߍ߫ ߟߋ߬ ߕߍ߫ ߞߍ߫ ߟߊ߫ ߓߏ߲߬.