ߞߎ߲߬ߠߊ߬ߛߌ߮ ߓߍ߯
ߟߊ߬ߞߊ߲߬ߘߊ߬ߟߌߓߌߟߏ߲߫ ߕߊ߬ߡߌ߲߬ߣߍ߲߸ ߓߙߎߞߌߣߊ߫ ߘߐ߬ߕߊߡߌ߲ ߞߊ߲ߕߌ߮ ߞߊ߬ ߓߋߟߋ߲ߠߊ ߘߏ߫ ߞߍ߫ ߦߊ߯ߘߑߜ߭ߊ߫ ߕߌ߲߬ߞߎߘߎ߲ ߘߐ߫߸ ߊ߬ ߞߊ߬ ߞߟߌߟߌ ߞߍ߫ ߛߌ߬ߟߡߊ߬ߦߊ ߘߐߣߐ߰ߦߊ ߟߋ߬ ߡߊ߬߸ ߞߊ߬ ߜߘߋߜߘߋߦߊ ߓߟߏߞߊ߬، ߞߊ߬ߕߎ߲߯߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߜߋ߬ߟߎ߲߬ߠߌ߲ ߖߍ߬ߘߍߖߍ߬ߘߍ ߟߊߥߟߌ߬ ߓߙߎߞߌߣߞߊ߫ ߗߡߍ߬ ߦߙߌߞߊ߫ ߞߐ߫߸ ߡߍ߲ ߠߎ߬ ߟߊߕߊ߯ߣߍ߲߫ ߛ߭ߊ߬ߙߌ߬ߦߊ ߞߊ߬ߙߊ߲߬ ߞߊ߲ߡߊ߬ ߞߐߞߊ߲߬، ߞߏ߫ ߞߊ߬ ߖߊ߲߬ߕߏ߬ ߞߍ߫ ߏ߬ ߟߎ߬ ߘߐ߫ ߞߏߛߓߍ߫.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߞߟߊ߬ߝߟߌ߬ߟߊ߬ߞߊ ߘߏ߫ ߝߊ߱ ߞߐ ߛߊ߲߬ ߞߋߟߋ߲ ߣߌ߲߬ ߡߊ߬߸ ߡߍ߲ ߕߎ߬ߙߎ ߦߋ߫ ߘߎ߰ߞߏ߬ ߥߦߐ ߘߌ߫، ߏ߬ ߟߋ ߡߊ߲߬ߞߊ߲ ߥߟߌ߬ߣߍ߲߫ ߞߎ߲߬ߢߐ߲߮ ߣߌ߲߬ ߡߊ߬ ߞߏߞߎߘߊ߫߸ ߞߟߊ߬ߝߟߌ߬ߟߊ߫ ߘߋ߲ߡߌߛߍ߲ ߠߎ߬ ߣߌ߫ ߕߐ߲ߓߟߏߡߊ ߟߎ߬ ߟߊ߫ ߞߍߢߐ߲߯ߘߐ ߞߏߛߐ߲߬߸ ߡߍ߲ ߠߎ߬ ߟߊߕߊ߯ߣߍ߲߫ ߘߌ߲߬ߞߌߙߊ ߏ߬ ߘߐ߫ ߦߋ߲߬، ߝߊ߲߭ ߝߌ߬ߟߊ ߓߍ߯ ߦߴߊ߬ ߝߐ ߞߊ߲߬ ߊ߬ ߕߊ߫ ߢߊ߫ ߡߊ߬߸ ߡߍ߲ ߠߎ߬ ߝߘߏ߬ߣߍ߲߬ ߢߐ߲߮ ߡߊ߬ ߝߊ߯ߙߌ߫.
ߟߊ߬ߞߊ߲߬ߘߊ߬ߟߌߞߙߎ߫ ߝߌ߬ߟߊ߫ ߟߋ߬ ߣߐ߬ ߊ߬ߟߎ߬ ߞߍ߫ ߟߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߎ߫ ߞߊ߲߬ ߊߜ߭ߍߟߑߘߐߞ߸ ߊߣߋߝߌߛ߸ ߜ߭ߊ߬ߥߏ߫߸ ߊ߬ ߣߌ߫ ߛߋߝ߭ߊߙߋ߫، ߒ߬ߓߊ߬߸ ߞߙߎ߫ ߝߌ߬ߟߊ ߡߍ߲ ߦߋ߫ ߣߌ߲߬߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ (ߊߞߞ) ߣߌ߫ ߊߟߑߞߊߦߌߘߊ ߓߏߟߏ߲ߝߘߊ߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߞߊ߬ߛߙߊ ߟߊߘߏ߲߬ߣߍ߲߫ ߏ߬ ߟߎ߫ ߟߋ߬ ߞߎ߲߬ ߣߊ߲߬ߕߌ߮ ߟߎ߬ ߓߟߏ߫.
ߞߌ߬ߓߊ߬ߙߏߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߓߊ߰ߓߊ߰ߟߌ߬ߟߊ ߟߎ߫ ߕߎ߲߬ߕߎ߲ ߘߊߡߌ߬ߣߴߊ߬ ߢߊ ߖߍ߬ߘߍߖߍ߬ߘߍ ߡߊ߬ ߞߎߣߎ߲߬ ߞߍ߲ߘߍߟߏ߲ ߞߊ߬ߙߌ߬ߝߐ ߕߟߋ߬ ߄ ߡߊ߬ ߞߐߣߊ߫ ߣߌ߫ ߛߏߡߊߘߜ߭ߎ߫ ߟߎ߫ ߘߐ߫߸ ߖߡߊ߬ߣߊ ߕߊ߲ߓߊ߲ ߘߐ߫، ߡߍ߲ ߝߐ߫ ߘߊ߫ ߟߊ߬ߛߋ߬ߟߌ ߘߐ߫ ߞߊ߬ ߝߘߊ߫ ߡߊ߬ߟߌ ߟߊ߫߸ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߊ߬ ߝߊ߰ߡߊ ߟߎ߫ ߝߏ߬ ߊ߬ߟߎ߬ ߟߊ߫ ߞߎ߬ߛߊ߲߬ߧߊ ߣߌ߫ ߢߊߟߐ߲ ߓߊ߯ߙߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ߫ ߜߘߍ߫ ߕߍ߫ ߝߊ߰ߡߊ ߟߎ߬ ߟߊ߫߸ ߖߡߊ߬ߣߊ ߟߊߞߊ߲ߘߊ ߞߐ߫.
ߞߓߊߞߏ ߟߎ߬ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߆߸ ߗߍ߬ߓߊ߬ߟߋ߲߬ߣߍ߲߫ ߛߊ߲߬ ߈ ߘߏ߫ ߟߋ߬ ߛߎ߭ ߟߊߦߟߍ߬ߣߍ߲߫ ߕߏ߬ߝߊ߬ ߜߊ߬ߛߌ߬ߟߊ ߟߎ߬ ߟߊ߫ ߖߌ߫ ߕߊ߫ ߞߐߟߐ߲ ߘߏ߫ ߞߣߐ߫߸ ߊ߬ߟߋ ߡߍ߲ ߕߎߣߎ߲߫ ߘߊ߫ ߞߊ߬ߦߌ߯ ߞߎߣߎ߲߬ ߓߌߟߏ߲ ߁߄ߕߎߡߊ ߟߊ߫، ߝߊ߰ߡߊ ߟߎ߬ ߓߘߴߊ߬ ߛߎ߭ ߟߊߕߊ߬ߡߌ߲߬ ߞߐߙߍ ߡߊ߬߸ ߛߎ߬ߘߏ߲ ߓߘߊ߫ ߞߍ߫ ߖߎߡߊ߫ ߛߊߟߌ߫ ߞߐ ߢߌ߲߬ ߘߐ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߖߏߙߌ ߤߡߊߣߌ߫ ߞߣߐ߫ ߢߊߡߍ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߛߋ߫ ߘߊ߫ ߣߐ߭ߛߐ߬ߘߐ߲߬ ߠߊ߫߸ ߛߛߞߞ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߡߐ߰ ߁߃ ߟߋ߬ ߝߊ߰ ߘߴߊ߬ߟߎ߬ ߟߊ߫ ߡߐ߱ ߟߎ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߁߁߸ ߊ߬ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߛߋ߫ ߘߊ߫ ߞߍߒߞߊ߲ߓߊ߯ ߡߐ߰ ߂߂ ߝߊ߰ ߟߊ߫، ߞߎ߲߬ߠߊ߬ߛߌ߮ ߣߐ߬ ߝߊ߬ߙߊ߲߬ߛߌ߫ ߟߋ߬ ߡߊߝߌ߲߬ ߠߊ߫ ߌߞߘߐ߸ ߞߏ߫ ߊ߬ߟߋ ߟߋ߬ ߦߙߍߞߍߟߌ ߣߌ߲߬ ߞߐߝߍ߬ ߛߎߋ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ ߡߍ߲ ߛߌ߰ ߛߋ߲߬ߠߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߅ ߡߊ߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߱ ߘߏ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߝߊ߰ ߘߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߕߌߢߍ߫߸ ߝߌ߬ߟߊ߬ ߦߋ߫ ߞߌߙߑߣߌߦߊ߫ ߘߎ߰ߣߍ߲ ߡߊ߬ߛߎߘߎ߲ߧߊ ߘߐ߫߸ ߣߊ߯ߣߌ߲߫ ߦߴߊ߬ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ ߟߋ߬ ߘߌ߫ ߛߋߝ߭ߊߙߋ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߋ߬ߟߋ߫ ߃ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߓߊ߰ߓߊ߰ߟߌ߬ߟߊ߫ ߖߘߍ߬ߘߌ߬ߟߊ ߟߎ߬ ߟߊ߫ ߡߊ߬ߞߟߐ ߘߏ߫ ߞߍ߫ ߛߎ߭ ߘߌ߫ ߡߎߢߊ߲߫߸ ߖߍ߬ߣߍ߫ ߕߟߋ߬ߓߋ ߘߐ߫ ߞߎߘߍ߫ ߄߅ ߖߊ߬ߕߋ߬ ߟߊ߫، ߣߊ߲߲߬ߕߌ߮ ߟߎ߫ ߟߋ߬ ߞߵߊ߬ ߟߊ߫ ߞߏ߫ ߟߊߓߊ߲߫ ߞߎߟߎ߲ߞߎߟߎ߲ ߠߊ߫ ߛߎߡߊ߲߫ ߖߐ߲ߖߐ߲ ߘߏ߫ ߘߐ߫.
ߘߍ߭ߛߊߣߌ߲߫ ߢߌߣߌ߲߫ ߕߙߏߞߏ߫ ߔߏߞߑߟߍ߲߫ ߠߊߓߊ߯ߙߊ߫ ߢߊ߫ ߖߎ߮ ߡߍ߲ ߦߴߌߘߐ߫ ߛߌ߯ߙߌ߲߫ ߞߣߐ߫߸ ߖߊ߰ߘߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏ ߘߐ߫، ߞߊ߬ߕߎ߲߯߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߘߏ߲߬ߞߏ ߘߏ߫ ߟߎ߫ ߟߋ߬ ߣߊ߬ߣߍ߲߫ ߛߌ߯ߙߌ߲߫ ߞߣߐ߫߸ ߞߊ߬ ߣߊ߬ ߡߐ߰ ߛߌߦߊߡߊ߲߫߸ ߊ߬ ߣߌ߫ ߛߏ ߝߊ߰ߡߊ ߘߏ߫ ߟߎ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߡߍ߲ ߠߎ߬ ߡߊ߬، ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߝߊ߰ߡߊ߬ ߞߎ߲ߘߊ߫ ߡߎߣߎ߲߬߸ ߞߵߊ߬ ߞߏ ߟߤߊߕߍߦߊ߫ ߓߘߍߞߍ߭.
ߜߘߍ ߟߎ߬ߣߌ߲߬ ߞߍߣߍ߲߫ ߞߐߣߊߞߙߌ߫ ߟߊ߫߸ ߊ߲ߕߊ ߍߛ.ߏ.ߍߛ ߞߌ߲߬ߘߊ ߟߊ߫، ߕߍ߬ߣߍ߲߫ ߞߡߊ߬ߙߊ߫ ߟߋ߬ ߝߊ߰ߣߍ߲߫ ߞߌ߬ߛߍ ߟߊ߫߸ ߞߵߊ߬ ߞߣߐ ߕߏ߫ ߞߊߙߏ߫ ߛߋߦߌ߲߫ ߘߐ߫ (ߞߣߐߡߦߊ)، ߡߋߘߌߦߊߖߌߣߋ ߟߊ߫ ߝߐߟߌ߫ ߘߐ߫߸ ߝߊ߰ߓߊ߰ߕߐ ߣߌ߲߬ ߓߏ߲߫ ߘߊ߫ ߞߌ߬ߛߍ ߟߋ߬ ߟߊ߫߸ ߊ߬ ߟߊ߫ ߓߏ߲ ߞߣߐ߫߸ ߡߊ߬ߙߌ߬ߝߊ߬ ߡߊ߲ߞߊ߲ ߡߍ߲ ߞߐ ߘߐ߫ ߊ߬ ߟߊ߫ ߟߎ ߘߊߝߍ߬.
ߕߍߓߊ߯ߦߊߓߋߣߍ߲߫ ߞߊ߲ߕߌ߯ ߞߎߘߊ ߙߏߡߎߥߊߟߘ ߥߘߊߢߌ߫ ߕߊ߯ ߞߏ ߓߘߊ߫ ߝߐ߫ ߓߙߎߞߌߣߊ߫ ߝߊ߬ߛߏ߬߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߞߊ߲߬ ߥߊ߬ߛߌ߬ߥߙߊ ߕߋ߬ߟߋ߫ ߂ ߣߌ߲߬ ߡߊ߬، ߞߊ߬ߝߏ߬ ߞߎ߲ߕߌ߮ ߓߍߣߊ߬ ߛߐ߰ ߥߊ߱ߘߎ߰ ߟߋ߬ ߡߊ߬߸ ߞߊ߬ ߓߐ߫ ߊߓߎߖߊ߫ ߞߊ߬ ߕߊ߯ ߦߋ߲߬، ߞߊ߬ߕߎ߲߯߸ ߊ߬ ߛߐ߰ ߘߊ߫ ߦߋ߲߬ ߠߋ߬ ߡߊ߬ ߥߊ߬ߛߌ߬ߥߙߊ ߕߟߋ߬ ߁߭ ߣߌ߲߬ ߡߊ߬.
ߞߍߞߎߘߊߘߐ߲߬ߞߌ߲߬ ߛߊߟߌ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߘߍ߭ ߝߊ߬ߛߏ߬ߟߊ߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ ߘߐ߫ ߟߋ߬ ߝߛߊߦߌ߫߸ ߞߊ߬ ߟߊߞߊ߲ߘߓߊߟߌߦߊ ߞߟߍ߬، ߊ߬ߟߎ߫ ߞߵߊ߬ߟߎ߬ ߘߡߊߞߊ߬ߛߌ߬ ߡߍ߲ ߠߊ߫߸ ߏ߬ ߟߋ ߝߋ߲߫ ߦߋ ߘߌ߫ ߊ߬ߟߎ߬ ߘߐ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߦߋ߫ ߘߏ߫ ߞߍ߫ ߟߊ߫ ߟߊߞߊ߲ߘߊ ߟߊߛߓߊ߬ߕߌ ߘߐ߫߸ ߊ߬ ߣߌ߫ ߖߐ ߟߊߘߏ߲߭ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊߕߊ߲߬ߞߊ ߘߐ߫.
ߘߌ߯ߣߊߓߙߎߞߌߣߊ߫ ߝߊ߰ߡߊ ߟߎ߬ ߓߘߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߊߓߐ߫ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߈߸ ߞߊ߬ ߥߊ߱ߘߎ߰ ߛߎߣߊ߫ ߕߏ߯ߝߏ ߟߊ߫ ߕߌ߲ߓߌߘߌ߲ߘߓߊ ߘߊߕߎ߲߯، ߡߙߌߘߐ ߣߌ߲߬ ߕߊ߬ߣߍ߲߫ ߞߵߊ߬ ߟߊߥߟߌ߬ ߝߙߋߞߋ ߘߏ߫ ߟߎ߫ ߟߋ߬ ߢߍߓߍ߲߭ ߡߊ߬߸ ߛߊ߫ ߝߛߏ߬ߝߛߊ ߞߊߣߊ߬ ߘߏ߲߬ ߛߏ ߞߣߐ߫ ߢߊ ߡߍ߲ ߡߊ߬.
ߞߍߞߎߘߊߓߟߏ߫ ߗߍ߬ ߡߙߊ߬ߒ߬ߡߊ߬ߝߋ߲߬ߕߌ߮ ߘߏ߫ ߟߋ߬ ߣߐ߬ ߡߎ߮ ߛߏ߲ߛߙߏߡߊ߫ ߟߴߊ߬ ߘߐ߫ ߞߍ߲ߘߍߟߏ߲ ߣߌ߲߬ ߡߊ߬ ߥߊ߲ߛ߭ߌ߲ߕߐ߲߫߸ ߓߏ߲ߜߍ ߘߊߝߍ߬ ߌߞߘߐ߫، ߜߎ߲߬ߘߎ߬ ߗߋߢߊߘߋ߲ ߠߎ߬ ߞߵߊ߬ ߞߍ߫ ߛߎ߭ ߘߴߊ߬ ߣߐ߭ ߘߐ߫ ߦߋ߲߬؛ ߊ߬ ߞߊ߬ ߕߊ߬ߡߌ߲߬ߓߊ߰ߕߐ߬ ߞߋߟߋ߲߫ ߖߐߞߌ߫ ߟߋ߬߸ ߊ߬ ߞߏ߬ߣߌ߲ ߡߊ߫ ߛߋ߫ ߞߊ߲ߕߌ߯ ߘߏߣߊߟ ߕߑߙߐ߲ߔ ߡߊ߬، ߣߴߏ߬ ߕߍ߫߸ ߞߏ ߞߍ߫ ߥߊ߯ߕߌ ߞߵߊ߬ ߛߐ߬ߘߐ߲߫ ߠߋ߬߸ ߏ߬ ߦߋ߫ ߓߏ߲ߜߍ ߟߊ߫ ߦߋ߲߬.
ߟߊ߬ߞߊ߲߬ߘߊ߬ߟߌߛߊ߲߬ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߓߘߴߊ߬ ߟߊߛߋ߫ ߞߏ߫ ߞߵߊ߬ ߘߊߡߌ߬ߣߊ߬ ߂߀߂߆ ߘߓߊ߬ߕߊ ߕߟߋ߬ ߁߈ ߡߊ߬߸ ߘߎ߰ߞߎߟߎ߲ ߠߎ߬ ߣߌ߫ ߔߏߔߏ ߟߎ߬ ߟߊ߫ ߛߎ߫ ߘߐ߫ ߓߏߙߌ ߓߘߊ߫ ߟߊߕߐ߲߫. ߞߵߊ߬ ߕߊ߬ ߂߁ߕߎߡߊ߃߀ ߡߊ߬ ߞߵߊ߬ ߛߌ߰ ߀߆ߕߎߡߊ߀߀ ߠߊ߫߸ ߓߏ߬ߙߌ߬ ߕߍ߫ ߞߍ߫ ߟߊ߫ ߏ߬ ߞߣߐ߫، ߞߵߏ߬ ߞߎ߲߭ ߞߍ߫ ߟߊ߬ߞߊ߲߬ߘߊ߬ߟߌ߬ ߝߛߏ߬ߝߛߊ ߘߌ߫.
ߞߌ߬ߓߊ߬ߙߏߛߏߡߊߟߌ߫ ߞߊ߲ߕߌ߮ ߤߊߛߊ߲߫ ߛ߭ߍߞ ߡߏߤߊߡߎߘ ߟߊ߫ ߟߐ߬ߒ߬ߞߋ߬ߟߊ ߕߎ߬ߡߊ ߓߘߊ߫ ߕߊ߬ߡߌ߲߬߸ ߢߣߊߕߊߟߌ߫ ߡߊ߫ ߞߍ߫߸ ߓߘߍ߬ߓߘߍ߬ߟߌ ߓߍ߲߬ߞߊ߲߬ ߞߋߟߋ߲߫ ߡߊ߫ ߟߊߕߍ߰߸ ߏ߬ ߘߌ߫ ߢߌߣߌ߲߫ ߞߊ߬ ߛߏߡߊߟߌ߫ ߓߌ߬ߟߊ߫ ߞߎ߲߬ߠߊ߬ߛߌ߰ߟߌ ߞߏߖߊ߫ ߞߎߘߊ߫ ߘߐ߫، ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߞߏ߫ ߝߊ߲߬ߞߊ߬ ߟߊߖߊ߲߯ߧߊ ߞߍߢߊ ߣߌ߲߬ ߗߋ߲߰ ߕߍ߫߸ ߊ߬ ߕߍ߫ ߛߊ߬ߙߌ߬ߦߊ߬ ߘߌ߫، ߛߏߡߊߟߌ߫ ߘߏ߲߬ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߟߊ߬ߞߊ߲߬ߘߊ߬ߟߌ߬ ߞߏ ߜߍߣߍ߲߫ ߕߍ߫߸ ߞߙߎ߫ ߓߐߣߍ߲߫ ߢߐ߲߰ ߡߊ ߟߎ߫ ߟߋ߬ ߘߏ߲߬ ߞߊ߫ ߛߌߦߊ߫ ߝߣߊ߫.
ߞߍߞߎߘߊߓߍ߯ߦߊ ߝߊ߲߬ߞߊ߬ ߟߊߞߊ߬ߝߏ߬ߣߍ߲ ߠߎ߬ ߟߊ߫ ߞߟߍ߬ߞߍ߬ߘߋ߲ ߡߍ߲ ߠߎ߬ ߣߌ߫ ߛߌ߬ߟߡߊ߬ ߝߊߕߐ ߟߎ߬ ߓߟߏ߫ ߦߋ߫ ߢߐ߲߯ ߓߟߏ߫߸ ߏ߬ ߟߎ߫ ߣߐ߬ ߡߐ߰ ߝߊ߰ ߡߙߊߒߡߊߟߌ ߘߏ߫ ߟߎ߫ ߟߋ߬ ߞߍ߫ ߢߐ߲߮ ߞߐ߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߕߟߋ߬ߓߐ ߘߐ߫߸ ߎߜ߭ߊ߲ߘߊ߫ ߓߐߕߏ߲ ߡߊ߬ߛߎߘߎ߲ߧߊ ߘߐ߫، ߘߌ߲߬ߞߌߙߊ ߣߊ߲߬ߒ߬ߞߊ߲߬ ߘߍ ߟߊ߫ ߝߐߟߌ߫ ߘߐ߫߸ ߡߐ߰ ߄߀ ߠߋ߬ ߝߊ߰ ߘߊ߫.
ߜߘߍ ߟߎ߬ߡߐ߰ ߝߊ߰ ߕߊߓߐ ߟߋ߬ ߞߍߣߍ߲߫ ߞߎߣߎ߲߬ ߞߐ߬ߟߏ߲ ߡߊ߬ ߕߤߋߙߊ߲߫ ߕߟߋ߬ߓߋ ߖߊ߬ߥߏ߬ ߕߊ߲ߓߊ߲ ߘߏ߫ ߞߣߐ߫ ߊ߲ߘߌߛ߭ߋ߫߸ ߊ߬ߟߋ߬ ߖߊ߬ߥߏ߬ ߕߊ߲ߓߊ߲ ߕߐ߯ ߞߏ߫ ߊߙߑߜ߭ߊߝ߭ߊ߲߫، ߞߕߌߓߋߟߋ߲ ߓߘߊ߫ ߘߐ߬ߛߏ߰ߙߋ߬ߟߌ ߟߊߥߟߌ߬ ߞߊ߬ ߡߌ߬ߣߊ߬ߟߌ߬ ߛߓߍ ߓߌ߬ߟߊ߬ ߓߏ߲ ߟߐ߬ߓߊ߮ ߞߐ߫.
ߞߍߞߎߘߊߊ߬ ߓߘߊ߫ ߦߌ߬ߘߊ߬ ߢߌߣߌߣߌ߲ߠߌ߲ ߠߎ߬ ߞߐ ߘߐ߫ ߞߏ߫ ߞߐߟ ߊߟߍ߲߫ ߞߊ߬ ߊߡߙߌߞߌ߬ ߞߊ߲ߕߌ߮ ߘߏߣߊߟ ߕߑߙߐ߲ߔ ߝߊ߰ ߞߏ ߟߋ߬ ߘߐߓߍ߲߬ ߝߋߎ߫، ߞߊ߬ߕߎ߲߯߸ ߊ߬ߟߋ ߞߏߢߊ ߞߍ߫ ߛߊ߲ ߠߋ߬ ߕߋ߲߬߸ ߝߏ߫ ߕߐ߲ߓߟߏߡߊ ߘߏ߫ ߖߍ߬ߘߍ ߡߊߘߌߡߌ߲߫ ߘߊ߫߸ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߡߊ߫ ߘߌߦߊ߫ ߏ߬ ߟߏ߲ ߝߋߎ߫.
ߟߊ߬ߞߊ߲߬ߘߊ߬ߟߌߞߍ߲ߘߍߟߏ߲ ߡߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߮ ߓߊ߬ߛߌߙߏ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߞߏ߫ ߓߍ߯ ߖߎ߬ߛߎ ߦߋ߫ ߦߍ߬ߟߍ߫ ߓߊ߰ߓߊ߰ߟߌ ߞߊ߲ߡߊ߬ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊߟߌߦߊ߫ ߓߟߏ ߡߊ߬ ߕߋ߲߬ ߌߞߘߐ߫߸ ߞߵߊ߬ߟߎ߬ ߞߍߕߊ ߞߍ߫.
ߞߍߞߎߘߊߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߞߊ߬ ߡߙߊ߬ߒ߬ߡߊ߬ߟߌ߬ ߓߟߋߓߟߋ ߞߍ߫ ߡߊ߬ߟߌ ߞߐ߰ߘߎ߮ ߘߐ߫߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߣߌ߫ ߞߍߒߞߊ߲ߠߌ߲ߠߊ ߏ߬ ߟߎ߬ ߓߊ߯ߙߊ߫ ߘߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߣߊ߬ ߢߊߓߏ߫ ߞߎߘߊ߫ ߘߌ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߢߊ ߟߊ߫.
ߞߍߞߎߘߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߞߎߡߊ߫ ߘߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߞߏ߲ߞߏߘߓߌ ߕߋ߬ߟߋ߫ ߂߈ ߣߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߞߐ ߘߐ߫ ߖߡߊ߬ߣߊ ߝߊ߲߬ ߛߌߦߊߡߊ߲߫ ߠߎ߫ ߝߍ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߓߘߊ߫ ߛߋ߫ ߞߏ ߟߎ߬ ߡߊߣߐ߬ ߟߊ߫.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߏߕߌ߯ ߝߟߐ ߓߘߊ߫ ߥߴߊ߬ ߢߊ ߟߊ߫ ߞߊ߬ߕߌ߫ ߡߙߊ߬ߒ߬ߡߊ߬ߟߌ ߖߐߞߌߓߊ߯ߕߐ ߟߎ߫ ߞߊ߲߬߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߦߋ߫ ߕߟߋ߬ ߝߌ߬ߟߊ߬ ߝߙߌߦߊ߫ ߘߐ߫ ߞߟߍ߬ߕߌ߰ ߛߊ߯ߖߐ߬ ߟߊ߫ ߛߊ߬ߦߊ ߞߐ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߡߍ߲ ߠߎ߬ ߖߐߞߌߣߍ߲߫߸ ߊ߬ߟߎ߬ ߘߴߊ߬ߟߎ߫ ߟߐ߬ ߏ߬ ߟߎ߬ ߟߊ߫ ߞߏ ߟߊ߫߸ ߡߍ߲ ߠߎ߬ ߝߣߊ߫ ߣߐ߬ ߡߊ߲߬ߕߙߐ߫ ߛߐ߬ߘߐ߲߬ ߠߊ߫ ߡߊ߬ߞߍ߬ ߦߙߐ߬ ߞߏ ߞߊ߬ߘߊ߲ ߞߣߐ߫߸ ߊ߬ߟߎ߬ ߓߘߊ߫ ߦߙߐ߫ ߢߌߣߌ߲߫ ߏ߬ ߟߎ߬ ߦߋ߫ ߏ߬ ߕߎ߬ߡߊ.
ߓߘߍ߬ߓߘߍ߬ߟߌߊߟߌߖ߭ߋߙߌ߫ ߓߘߴߊ߬ ߟߊߛߋ߫ ߞߏ߫ ߊ߬ ߦߋ߫ ߡߊ߬ߟߌ ߞߐߡߊߓߌ߲ߓߌ߲߫ ߠߊ߫߸ ߊ߬ ߘߏ߲߬ ߕߍ߫ ߓߊ߰ߓߊ߰ߟߌ ߝߍ߬ ߝߊ߬ߘߌ߬ ߛߌ߫ ߘߐ߫، ߊ߬ ߞߊ߬ ߞߎߡߊ ߣߌ߲߬ ߝߐ߫ ߊ߬ߟߎ߬ ߟߊ߫ ߞߐߞߊ߲ߞߏ ߟߎ߬ ߞߏߕߌ߮ ߟߋ߬ ߞߙߊ߫ ߘߐ߫߸ ߊߤߑߡߍߘ ߊߕߊߝ، ߊߟߌߖ߭ߋߙߌ߫ ߓߘߴߊ߬ ߦߌ߬ߘߊ߫ ߜߟߍ߬ߦߊ ߕߎ߬ߡߊ ߢߌ߲߬ ߠߊ߫ ߞߏ߫ ߊ߬ ߦߋ߫ ߡߊ߬ߟߌ ߟߋ߬ ߞߐߡߊߓߌ߲ߓߌ߲߫ ߠߊ߫߸ ߞߵߊ߬ ߞߊ߲ߠߊߘߌ߫ ߊ߬ߟߎ߫ ߡߊ߬ ߝߣߊ߫ ߞߏ߫ ߊ߬ߟߎ߬ ߦߋ߫ ߓߍ߲߬߸ ߞߵߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ > ߟߎ߬ ߓߘߊ߫ ߥߴߊ߬ߟߎ߬ ߞߍ߫ ߊ߬ߟߎ߬ ߟߊ߫ ߘߊ߯ ߛߌߦߊߡߊ߲߫ ߞߊ߲߬ ߛߐ߱ ߢߌ߲߬ ߡߊ߬ ߖߡߊ߬ߣߊ ߞߎߓߋߘߊ ߟߊ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߦߙߐ ߘߏ߫ ߟߎ߫ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊߖߌ߰ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߛߋߞߏ ߞߍ ߞߊ߲߬، ߏ߬ ߘߐ߫߸ ߞߏ߫ ߖߡߊ߬ߣߊ߬ߘߋ߲ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߣߐ߬ ߛߊ߲ߡߊ߫ ߦߙߍߞߍߟߌ߫ ߕߣߐ߬ߡߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߖߎߙߊ߬߸ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߓߌߥߐ߯ߙߐ߫ ߞߍ߫ ߛߎ߭ ߘߌ߫߸ ߞߵߊ߬ߟߎ߬ ߡߊߞߍ߫ ߦߌߟߊ ߡߎ߰ߡߍ ߞߍ߫ ߞߎߜߋ߫.
ߕߋߟߋ߲ߓߊ߯ߦߊߢߊߢߌߣߌ߲ߠߌ߲ߠ߫ߌ߲ ߠߋ߬ ߛߌ߰ߣߍ߲߫ ߛߋ߲߬ߠߊ߫ ߕߋ߲߬߸ ߡߐ߰ ߘߊ߲ߘߐ߫ ߡߊߝߌ߲߭ ߞߏߛߐ߲߬߸ ߞߏ߫ ߊ߬ߟߎ߬ ߓߘߊ߫ ߓߋ߬ ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߬ ߁߂ ߘߏ߫ ߞߊ߲߬ ߏߡߊߙߌߦߊߣ ߕߌ߲ߓߌߘߌ߲ߘߓߊ ߞߣߐߘߐߞߊߙߊ߲ߕߊ ߟߊ߫، ߡߐ߰ ߟߏ߯ߟߎ ߏ߬ ߟߎ߬ ߘߐ߫߸ ߘߋ߲ߣߍ߲ ߠߎ߬ ߞߊ߬ߙߊ߲߬ߡߐ߰ ߞߋߟߋ߲߫ ߦߴߊ߬ ߘߐ߫߸ ߊ߬ߟߎ߬ ߦߋ߫ ߢߟߊߥߛߎ ߟߊ߫ ߕߋ߲߬، ߓߊߏ߬߸ ߘߊ߲ߘߊߟߌߟߊ ߟߎ߬ ߓߘߴߊ߬ ߞߏ ߟߊߛߙߋߦߊ߫߸ ߘߊ߬ߟߎ߬ ߜߘߍ߫ ߟߎ߫ ߝߣߊ߫ ߓߘߊ߫ ߛߐ߬ߘߐ߲߬ ߢߊߢߌߣߌ߲ߠߌ߲ߠߊ ߟߎ߬ ߓߟߏ߫߸ ߞߊ߬ ߓߍ߲߬ ߊ߬ ߞߏ ߘߊߡߌ߬ߣߊ߬ ߢߊ ߡߊ߬.
ߕߋߟߋ߲ߓߊ߯ߦߊߛߏ߲߬ ߞߙߎ ߘߏ߫ ߟߎ߫ ߟߊ߫ ߞߙߏ߬ߝߏ ߓߘߊ߫ ߟߊߞߏߟߐ߲߫߸ ߊ߬ߟߎ ߓߟߏߡߊߞߊ߬ߣߍ߲߫ ߔߏߔߏ߫ ߛߏ߲ߧߊ ߟߋ߬ ߞߊ߲ߡߊ߬، ߊ߬ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߛߏ߲߬ߧߊ߬ߟߌ ߞߍ߫ ߟߊ߫ ߥߊߘߌ߫ ߞߏߖߊ ߟߋ߬ ߞߏߛߐ߲߬. ߊ߬ߟߎ߫ ߡߐ߰ ߥߐ߯ߙߐ߫ ߓߘߊ߫ ߛߋ߫ ߕߐ߲ߓߟߏߡߊ ߟߎ߬ ߕߍ߯ ߞߘߐ߫߸ ߊ߬ߟߎ߫ ߕߐ߭ ߟߎ߬ ߢߌߣߌ߲ ߦߴߌߘߐ߫، ߊ߬ߟߎ߬ ߦߋ߫ ߔߏߔߏ ߘߏ߫ ߟߎ߫ ߛߏ߲߬ߧߊ߬ ߟߊ߫ ߞߊ߬ ߥߴߊ߬ ߝߋ߬ߙߋ߫ ߛߣߍ߬ߜ߭ߊߟߌ߫ ߟߋ߬.
ߓߘߍ߬ߓߘߍ߬ߟߌߞߊ߲ߕߌ߯ ߢߣߊߕߊߟߌ߫ ߞߏ߫ ߞߎߡߊ ߓߘߊ߫ ߝߐ߫ ߥߙߏ߬ߘߎ߮ ߛߎߘߊ߲߫ ߞߣߐ߫ ߞߏߟߌ߲ߞߏߟߌ߲߫ ߣߊ߬ߕߐ ߟߊ߫، ߏ߬ ߞߎߡߊ ߝߐߟߌ ߦߋ߫ ߖߌ߰ߡߊ߬ߝߊ ߟߋ߬ ߘߌ߫߸ ߣߴߊ߬ ߕߏ߫ ߘߴߊ߬ ߡߊ߬، ߓߊߏ߬߸ ߖߡߊ߬ߣߊ ߓߍ߲߬ߣߍ߲߬ ߕߍ߫ ߢߊ߫ ߛߌ߫ ߡߊ߬ ߟߊ߬ߞߊ߲߬ߘߊ߬ߟߌ ߡߊ߬ߘߎ߮ ߘߐ߫، ߡߙߊ߬ߒ߬ߡߊ߬ߝߋ߲߬ ߠߊ߬ ߞߟߍ ߟߎ߬ ߦߴߌߘߐ߫߸ ߓߍ߲߬ߞߊ߲ ߠߎ߬ ߡߊߓߏ߲߬ߧߊ߬ߓߊߟߌߦߊ ߦߴߌߘߐ߫߸ ߢߣߊߕߊߟߌ߫ ߞߏ ߢߊߓߐ߫ ߜߏߡߊ߲߫ ߏ߬ ߞߣߐ߫.
ߜߘߍ ߟߎ߬ߛߎ߲ߞߎߘߎ߲ߓߊ߫ ߝߊߕߎ ߘߏ߫ ߛߎ߭ ߓߘߊ߫ ߦߋ߫ ߟߊ߬ ߔߍ ߖߌ߰ߦߊ߬ߓߏ߲ ߞߣߐ߫ ߊߛߋߌ ߂߀߀߀ ߟߊ߫߸ ߊ߬ߟߋ ߡߊ߫ ߟߐ߲߫، ߓߊߏ߬ ߛߓߍ߫ ߡߊ߫ ߦߴߊ߬ ߞߎ߲߬، ߊ߬ ߝߊ߰ߓߊ߮ ߝߣߊ߫ ߟߐ߲ߣߍ߲߫ ߕߍ߫ ߡߎߣߎ߲߬߸ ߏ߬ ߢߌߣߌ߲ ߦߴߌߘߐ߫، ߖߌ߰ߦߊ߬ߓߏ߲ ߞߏ߬ߣߌ߲ ߘߊ ߓߘߊ߫ ߕߎ߲߯ ߡߎߣߎ߲߬߸ ߤߊ߲߯ ߢߊߢߌߣߌ߲ߠߌ߲ ߦߋ߫ ߓߊ߲߫.
ߓߘߍ߬ߓߘߍ߬ߟߌߡߐ߰ ߥߐ߯ߙߐ߫ ߟߋ߬ ߓߟߏ߫ ߘߐ߫ ߕߋ߲߬߸ ߞߟߍ߬ߕߌ߰ ߞߋߟߋ߲߫ ߦߴߊ߬ ߘߐ߫، ߓߌ߬ߟߊ߬ ߞߍߣߍ߲߫ ߏ߬ ߟߎ߫ ߟߋ߬ ߞߐ߫߸ ߞߏ߫ ߊ߬ߟߎ߫ ߞߵߊ߬ߟߎ߬ ߛߎߡߊ߲߫ ߞߊ߬ߝߏ߬ ߖߊߛߏ߲ ߞߍ߫ ߞߏ ߘߐ߫ ߞߊ߲ߕߌ߯ ߓߏ߬ߟߊ߫ ߕߌ߬ߣߓߎ߬ ߟߊ߫ ߂߀߂߅ ߟߊ߫. ߒ߬ߓߊ߬߸ ߏ߬ ߟߎ߫ ߟߋ߬ ߓߘߊ߫ ߛߋ߫ ߛߊ߬ߙߌ߬ߦߊ߬ ߢߊߞߘߐ߫ ߕߋ߲߬߸ ߊ߬ߟߎ߬ ߞߕߌ߫ ߞߊ߲ߡߊ߬، ߓߊߏ߬߸ ߊ߬ߟߎ߬ ߟߊ߫ ߣߊߡߙߊ߫ ߟߊߥߟߌ ߢߌ߲߬ ߣߌ߫ ߞߊ߲ߕߌ߯ ߢߣߊߕߊߟߌ ߟߋ߬ ߛߎ߬ߘߎ߲߬ߧߊ߬ߣߍ߲߬ ߢߐ߲߮ ߘߐ߫߸ ߏ߬ ߡߍ߲ ߦߋ߫ ߂߀߂߇ ߣߊ߬ߕߐ ߢߌ߲߬ ߘߌ߫.
ߟߊ߬ߞߊ߲߬ߘߊ߬ߟߌߗߊߘߌ߬ ߓߘߊ߫ ߣߊ߲߬ߕߌ߮ ߘߏ߫ ߟߎ߫ ߟߊߕߊ߯ ߡߊߦߕߌ߫ ߘߍ߬ߡߍ߲߬ ߞߊ߲ߡߊ߬ ߡߐ߰ߖߎ߮ ߟߎ߫ ߞߍ߬ߟߍ ߟߊ߫، ߗߊߘߌ߬ ߞߏ߬ߣߌ߲ ߣߐ߬ ߥߊ߬ߞߊߟߌ ߖߍ߬ߘߍߖߍ߬ߘߍ ߟߋ߬ ߞߍ߫ ߟߊ߫߸ ߓߊߏ߬ ߝߊ߲߬ߞߊ߬ߓߊ߫ ߟߋ߬ ߡߐ߰ߖߎ߮ ߢߌ߲߬ ߠߎ߬ ߟߊ߫ ߤߊߦߕߌ߫ ߖߡߊߣߊ ߞߣߐ߫.
ߓߘߍ߬ߓߘߍ߬ߟߌߞߏߟߌ߲ߞߏߟߌ߲ ߕߟߋ߬ ߇ ߞߊ߬ߝߏ߬ ߖߊߛߏ߲߫ ߝߘߏ߬ߣߍ߲ ߞߐߝߍ߬ ߓߋߣߍ߲߫ ߞߣߐ߫߸ ߊ߬ߟߎ߬ ߓߘߊ߫ ߣߘߐ߬ߓߌ߬ߟߊ߬ߟߌ ߘߏ߫ ߞߍ߫، ߞߊ߬ߕߎ߲߯߸ ߔߊߛߑߞߊߟ ߕߌߜ߭ߙߌ߬ ߡߍ߲ ߣߴߊ߬ ߘߍ߬ߢߐ߲߮ ߠߎ߫ ߞߵߊ߬ߟߎ߬ ߛߎߡߊ߲߫ ߞߊ߬ߝߏ߬ ߖߊ߬ߛߏ߲߬ ߞߏ ߘߐ߫߸ ߏ߬ ߓߘߊ߫ ߣߐ߬ߘߐߓߌ߬ߟߊ߬، ߊ߬ߟߎ߬ ߢߌߣߌ߲ ߦߴߌߘߐ߫ ߕߋ߲߬ ߞߏߛߓߍ߫.
ߜߘߍ ߟߎ߬ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߣߐ߬ ߕߌߢߍߟߌ߫ ߜߘߍ߫ ߟߋ߬ ߟߊߛߐ߬ߘߐ߲߬ ߠߊ߫ ߌߞߐ߫߸ ߕߊ ߟߋ߬ ߓߐߣߍ߲߫ ߟߎ ߘߏ߫ ߞߣߐ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߞߊ߬ߛߙߊ߬، ߡߐ߰ ߡߊ߫ ߕߏ߫ ߊ߬ ߘߐ߫ ߛߊ߫߸ ߓߊ߬ߙߌ߬ ߞߐߙߍ ߓߘߊ߫ ߓߌ߬ߟߊ߬ ߥߏߦߌߞߏ߲߬ߓߊ ߘߐ߫.
ߡߊ߲߬ߕߏ߲߬ߕߍ߬ߟߊ߬ߞߊߡߐ߰ ߥߐߙߐ߲ߝߌ߬ߟߊ߫ ߟߋ߬ ߝߊ߰ߣߍ߲߫ ߕߟߋ߬ ߞߋߟߋ߲ ߞߣߐ߫ ߛߎ߰ߘߎ߬ߟߊ߫ ߖߡߊ߬ߣߊ ߞߊ߲߬ ߞߊ߬ ߓߍ߲߬ ߓߌ߲߬ߘߌ߬ߓߊ߲߬ߘߊ߲߬ ߞߏ ߡߊ߬، ߖߊ߬ߕߋ߬ߓߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߛߎ߰ߘߎ߬ߟߊ߬ ߦߋ߫ ߓߌ߲߬ߘߌ߲߬ߓߊ߲߬ߘߊ߲ ߞߏ ߞߍ߬ߟߍ ߟߋ߬ ߞߊ߲߬ ߕߋ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬...ߊ߬ߟߎ߬ ߟߊ߫ ߝߊ߰ߟߌ ߓߌ߲߬ߓߊߥߏ ߕߊ߬ ߢߊ ߟߋ߬ ߞߎߡߊ ߞߊ߫ ߛߌߦߊ߫ ߕߎ߬ߡߊ ߘߏ߫ ߟߎ߫ ߟߊ߫، ߓߊߏ߬߸ ߞߕߌߕߍ߯ߟߊ ߦߋ߫ ߓߌ߬ߟߊ߬ ߟߴߊ߬ ߛߊ߬ߥߏ߬ ߘߐ߫ ߟߋ߬ ߊ߬ ߘߏ߫ ߟߎ߫ ߘߐ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߜߘߍ ߟߎ߬ߊߟߎ߫ ߦߋ߫ ߣߊ߲߬ߕߌ߰ߗߍ ߟߊ߫ ߞߟߋ߬ߦߊ߫ ߘߊ߲߬ߠߊߕߊ߬ߡߌ߲߬ߣߍ߲ ߞߐߝߟߌ ߞߊ߬ߙߊ߲߬ ߘߍ߫߸ ߡߍ߲ ߞߍ߫ ߊߘ߫ ߝߊ߬ߘߊ߫ ߘߎ߱ ߞߣߐ߫ ߓߙߎߞߌߣߊ߫ ߝߊ߬ߛߏ߫ ߖߡߊ߬ߣߊ ߞߣߐ߫، ߞߵߊ߬ ߖߋ߬ߕߌ߰ߡߛߏ߫ ߝߊ߰߸ ߏ߬ ߣߴߊ߬ ߟߊ߫ ߞߊ߲ߡߋߙߋ߲ ߡߍ߲ ߛߌ߰ߣߍ߲߫ ߕߘߍ߬߸ ߞߵߏ߬ ߝߣߊ߫ ߓߏ߲߫߸ ߞߊ߬ ߓߊ߲߫ ߞߵߊ߬ ߖߘߍ߬ ߓߏ߲߫.
ߟߊ߬ߞߊ߲߬ߘߊ߬ߟߌߡߐ߰ ߃߀߀ ߢߐ߲߰ ߠߋ߬ ߟߊ߫ ߞߕߌ ߟߊߣߍ߲߫ ߖߋ߬ߟߌ߬ߓߊ߬ߟߊ߫ ߖߣߊ߬ߡߊ ߞߣߐ߫ ߞߵߊ߬ߟߎ߫ ߖߊ߲߬ߞߌ߫ ߕߟߋ߬ ߣߊ߯ߣߌ߲߫ ߞߕߌ ߞߐߝߍ߬، ߖߋ߬ߟߌ߬ߓߊ߬ߟߊ߫ ߓߘߊ߫ ߞߏߓߊ ߟߊߡߊ߰ ߓߊ߬ߓߊ߰ߟߌ ߞߟߍ߬ ߞߊ߲ߡߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߏ߬ ߡߍ߲ ߕߎ߬ߡߊ߬ ߖߊ߲ ߦߋ߫ ߥߊ߬ߥߎߟߋ ߕߍߡߊ߬ ߕߋ߲߬ ߞߊ߬ߣߌ߲߬.
ߟߊ߬ߞߊ߲߬ߘߊ߬ߟߌߖߌ߬ߣߍ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߓߘߊ߫ ߛߙߊ߬ߟߏ߲߫ ߣߊ߲߬ߕߌ߰ ߁߆ ߡߌ߬ߣߊ߬ ߞߏ ߟߊߛߋ߫߸ ߊ߬ߟߎ߫ ߘߏ߲߭ ߞߏߛߐ߲߬ ߖߡߊ߬ߣߊ ߘߎ߰ߞߣߍ ߞߊ߲߬ ߣߌ߫ ߖߡߊ߬ߙߌ߬ ߕߍ߫، ߓߌ߬ߟߊ߬ߒ߬ߘߐ ߣߌ߲߬ ߞߍ߫ ߘߊ߫ ߂߀߂߆ ߞߏ߲ߞߏߜߍ ߕߋ߬ߟߋ߫ ߂߂ ߟߋ߬ ߡߊ߬߸ ߞߎߘߦߊ߫ ߣߐ߬ߘߎ߮ ߘߐ߫߸ ߝߙߊߣߊ߫ ߡߙߊ߬ߓߊ߰ߘߊ ߞߣߐ߫.
ߟߊ߬ߞߊ߲߬ߘߊ߬ߟߌߘߌ߲ߜ߭ߌߙߊߦߌ߫ ߝߊ߬ߛߏ ߖߌ߬ߦߊ߬ߞߊ߲߬ߛߏ ߣߴߊ߬ ߞߎߡߊߛߏ ߕߊ߬ߣߍ߲ ߞߵߊ߬ ߟߊ߫ ߞߏ߲ߞߏߘߐߕߊ ߥߎߢߊ߲ߖߍ߲ߛߍ߲ ߞߊ߲߬߸ ߏ߬ ߟߎ߬ ߖߐ߯ߙߊ߲ ߠߎ߬ ߦߋ߫ ߟߊߛߎߡߊ߫ ߟߊ߫ ߓߊ߲ߘߦߊߟߊ߲ ߡߍ߲ ߠߊ߫߸ ߏ߬ ߟߋ ߣߌߘߐ ߛߏ߲߬ߧߊ߬ߣߍ߲߫ ߡߐ߰ ߞߏߙߏ߲ ߠߎ߬ ߓߟߏ߫ ߦߋ߲߬، ߛߋߒߞߏߟߊ߫ ߡߊ߬ߡߊ߬ߘߎ ߛߥߊ߬ߣߍ߬ ߞߊ߲߫ ߞߏ߫ ߸ ߊ߬ ߓߊ߲߫ ߘߊ߫ ߞߵߊ߬ ߞߊ߲ߠߊߘߌ߫ ߝߊ߰ߡߊ ߟߎ߬ ߣߌ߫ ߓߊ߯ߙߟߊ ߟߎ߬ ߡߊ߬، ߊ߬ߟߎ߬ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫.
ߡߊ߲߬ߕߏ߲߬ߕߍ߬ߟߊ߬ߞߊߤߌ߲ߘߌ߬ ߞߣߐ߫߸ ߛߋ߲߬ߓߊ߫ ߞߋ߬ߟߋ߲߬ߠߊ߬ߓߌߟߊ ߘߏ߫ ߟߋ߬ ߞߍߣߍ߲߫ ߡߐ߰ ߂߂ ߛߕߊ ߘߌ߫ ߖߊߙߑߞߊ߲ߘ ߞߊ߬ߝߏ ߞߣߐ߫߸ ߝߏ߫ ߝߊ߰ߡߊ ߟߎ߬ ߓߘߴߊ߬ ߢߌߣߌ߲߫ ߞߏ ߛߌ߰ ߛߋ߲߬ߠߊ߫߸ ߛߴߊ߬ ߘߌ߫ ߡߌ߬ߣߊ߬.
ߓߘߍ߬ߓߘߍ߬ߟߌߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊߛߌ߱ ߡߊ߬ߛߎߘߎ߲ߧߊ ߣߌ߲߬ ߘߐ߫߸ ߣߴߊ߬ ߟߐ߯ߟߊߣߍ߲߫ ߞߵߊ߬ ߕߏ߫ ߓߌ߲ߠߊߥߎߟߋ߲ ߕߟߋ߬ ߁߇ ߟߊ߫ ߞߐߣߊߞߙߌ߫߸ ߖߌ߬ߣߍ߫ ߝߊ߰ߡߊ ߟߎ߬ ߦߋ߫ ߓߟߏߘߐߓߍ߲ ߖߍ߬ߘߍߖߍ߬ߘߍ ߟߋ߬ ߞߊ߲߬ ߕߋ߲߬߸ ߛߊ߫ ߖߊ߲߬ߖߏ߲ ߏ߬ ߘߌ߫ ߕߊ߬ߡߌ߲߫ ߊ߬ ߢߌ߬ߡߊ ߟߊ߫ ߢߊ ߡߍ߲ ߡߊ߬ ߞߐߣߊߞߙߌ߫ ߞߣߐ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߙߌ߬ߦߏ߫ ߕߌ߲߬ߕߏ߬ ߓߘߴߊ߬ ߦߌ߬ߘߊ߬ ߞߏ߫ ߝߊ߰ߟߌ߬ߞߏ ߡߍ߲ ߠߊߛߋ߫ ߘߊ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߘߊ߬ߡߊ߲߬ߘߊ ߘߏ߫ ߟߊ߫߸ ߊ߬ߟߎ߫ ߣߍ߬ ߛߌ߫ ߕߴߏ߬ ߘߐ߫߸ ߊ߬ߟߎ߬ ߓߌߣߍ߲߫ ߟߊ߬ߞߊ߲߬ߘߊ߬ߟߌ ߓߊ߲ߓߊ߲ ߠߊ߫߸ ߊ߬ ߣߌ߫ ߞߏߟߊߘߍߢߐ߲߯ߦߊ߫ ߞߏߢߌߡߊ ߟߊ߫ ߓߊ߯ߙߊߢߐ߲߮ ߠߎ߬ ߝߍ߬.
ߡߊ߲߬ߕߏ߲߬ߕߍ߬ߟߊ߬ߞߊߝߐߛߑߕߍ߲ ߊߙߑߛ߭ߊ߲ߖ߭ ߕߎߥߊߘߋߙߊ߫ ߓߘߊ߫ ߞߍ߫ ߛߎߘߊ߲ߓߊ߮ ߘߌ߫ ߢߣߊߕߊߟߌ ߘߐ߫ ߝߘߊ߬ߝߌ߲߬ߠߊ߬ ߕߊ߲ߓߊ߲ ߖߡߊ߬ߣߊ ߞߣߐ߫ ߞߊ߲ߧߊ߫ %߇߆ ߟߊ߫߸ ߢߣߊߕߊߟߌ ߏ߬ ߡߍ߲ ߓߐ߬ߘߍ߬ߓߐ߬ ߘߊ߫ ߝߊ߲߬ߞߊߛߌ߬ߣߊ ߛߌߦߊߡߊ߲߫ ߓߟߏ߫߸ ߘߏ߫ ߟߎ߫ ߖߍ߬ߘߍ ߝߣߊ߫ ߡߊ߫ ߓߍ߲߬ ߞߐߝߟߌ߫ ߟߊߓߐߣߍ߲ ߡߊ߬. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߞߍߞߎߘߊߞߏߟߌ߲ߞߏߟߌ߲ ߕߟߋ߬ ߆ ߣߴߊ߬ ߇ ߞߊ߬ߝߏ߬ ߖߊ߬ߛߏ߲߬ ߡߊߝߘߏ߬ߣߍ߲ ߘߎ߰ߛߊ߬ߜߍ ߡߊ߬߸ ߕߍ߮ ߞߍ߫ ߘߊ߫ ߞߊ߲ߕߌ߯ ߞߘߐ߫ ߓߏ߬ߣߌ߫ ߦߊ߬ߦߌ߬ ߘߋ߲ߞߍ߫ ߘߐ߫ ߓߍ߲߬ߓߍ߲߬ߓߍ߲ ߕߐ߲߬ߕߍ߬ ߞߏ ߘߐ߫ ߖߡߊ߬ߣߊ ߞߊ߲ߡߊ߬߸ ߏ߬ ߓߘߊ߫ ߣߊ߬ ߞߎߡߊ߫ ߛߌߦߊߡߊ߲ ߘߌ߫ ߓߋߣߌ߲߫ ߓߘߍ߬ߓߘߍ߬ߟߌ߬ ߞߏ ߘߐ߫. ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߬ ߖߏߣߊ߫ ߞߵߊ߬ ߕߐ߭ ߞߊ߬ߙߊ߲߬ 👇🏿
ߓߘߍ߬ߓߘߍ߬ߟߌߞߊ߲ߕߌ߯ ߕߊߟߐ߲߫ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊ߫ ߡߙߎߕߟߌ߫ ߞߏ ߘߐߛߊ߬߸ ߊ߬ ߣߴߊ߬ ߓߘߊ߫ ߓߋߣߍ߲ߞߊ ߟߎ߬ ߞߟߌ߫ ߡߊ߬ߝߊ ߡߊ߬߸ ߞߏ߫ ߓߍ߯ ߦߴߊ߬ ߟߊ߫ ߓߊ߯ߙߊ߫ ߘߊߡߌ߬ߣߊ߬ ߛߎ ߣߌ߲߬ ߘߐ߫ ߦߏ߫ ߊ߬ߟߎ߬ ߦߴߊ߬ ߞߍ߫ ߟߊ߫ ߢߊ ߡߍ߲ ߞߘߐ߬ߡߊ߲߬.
ߟߊ߬ߞߊ߲߬ߘߊ߬ߟߌߡߙߊ߬ߒ߬ߡߊ߬ߟߌ ߘߏ߫ ߓߘߊ߫ ߞߍ߫ ߡߊߦߘߌߜ߭ߎߙߌ߫ ߢߐ߲߬ߞߌ߲߬ߘߊ ߘߏ߫ ߟߊ߫߸ ߞߊ߬ ߡߐ߰ ߝߌ߬ߟߊ߫ ߓߐ߬ߣߐ߫ ߊ߬ ߣߌ ߘߐ߫ ߖߋ߬ߟߌ߬ߓߊ߬ߟߊ߫ ߖߡߊ߬ߣߊ ߞߣߐ߫߸ ߏ߬ ߓߘߊ߫ ߕߊ߬ߡߌ߲߫ ߊ߬ߟߎ߬ ߞߣߐ ߡߐ߬ ߟߊ߫ ߝߣߊ߫ ߞߵߊ߬ ߓߍ߲߬ ߊߡߙߌߞߌ߬ ߟߊ߫ ߡߊ߬ߛߌ߬ߟߊ߲߬ߠߌ߲ ߡߊ߬.
ߘߍ߭ߡߊ߬ߟߌ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߓߘߊ߫ ߝߊ߬ߙߊ߲߬ߛߌ߫ ߞߌ߬ߓߊ߬ߙߏ߬ߘߊ ߘߏ߫ ߟߎ߫ ߘߊߣߍ߰ ߞߏ ߖߊ߬ߡߊߙߌߌ ߘߌ߫߸ ߞߏ߫ ߊ߬ߟߎ߬ ߓߘߊ߫ ߘߊ߲ߕߌߢߍߟߌ߫ ߞߎߡߊ ߘߏ߫ ߟߎ߫ ߣߌ߫ ߕߊߛߎ߫ ߞߎߡߊ ߘߏ߫ ߟߎ߫ ߟߊߛߋ߫ ߊ߬ߟߎ߬ ߟߊ߫ ߞߌ߬ߓߊ߬ߙߏ߬ߘߊ ߞߊ߲߬߸ ߡߍ߲ ߠߊߕߐ߲ߣߍ߲߫ ߡߊ߬ߟߌ ߛߊ߬ߙߌ߬ߦߊ ߓߟߏ߫.
ߟߊ߬ߞߊ߲߬ߘߊ߬ߟߌߊߓߘߎߟߊߦߌ߫ ߖߐߔ ߓߘߊ߫ ߞߎ߲߬ߘߐ߬ߕߌ߰ ߞߎߡߊ ߓߍ߯ ߞߐ ߞߊߘߎ߫߸ ߞߵߊ߬ ߓߍ߲߬ ߓߡߊ߬ߞߐ߫ ߡߌ߬ߘߊ߬ ߞߏ ߡߊ߬ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫، ߊ߬ ߓߘߊ߫ ߡߊ߬ߝߌ߲߬ߠߌ߲ ߞߍ߫ ߞߏ߫ ߞߣߐߘߐߛߏߙߏ߲ߞߏ߫ ߞߟߍ ߟߋ߬ ߦߴߌߘߐ߫ ߡߊ߬ߟߌ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߌ߫ ߖߋ߬ߟߌ߬ߓߊ߬ߟߊ߫ ߓߘߴߊ߬ߟߎ߬ ߟߊ߫ ߕߍߓߊ߯ߦߊ ߖߎ߬ߟߎ ߘߐߞߙߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߞߊߡߊ߲ ߞߣߐ߫߸ ߓߊߡߍߞߛ ߂߀߂߅ ߜߙߊ߬ߓߊ ߝߍ߬߸ ߛߴߊ߬ߟߎ߬ ߘߌ߫ ߛߋ߫ ߘߍ߬ ߟߊ߫ ߞߊ߬ ߟߊߞߊ߲ߘߊ ߖߐ߬ߘߐ ߟߎ߬ ߜߍ߲߫ ߞߌ߬ߢߍ߬ߞߏ߲ߞߏ߫ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߊ߫ ߥߊ߬ߟߏ߲߬ߠߌ߲ ߘߏ߫ ߛߌ߰ ߛߋ߲߬ߠߊ߫ ߛߏ߬ߙߌ߬ߓߜ߭ߎ߫ (ߞߌ߬ߕߊ߬)߸ ߞߊ߬ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߊ߯ߡߊߞߍ ߘߏ߫ ߥߦߊ߬ ߞߵߊ߬ߟߎ߬ ߓߟߏߝߋ߲߫ ߛߌߦߊߡߊ߲߫ ߕߊ߬.
ߟߊ߬ߞߊ߲߬ߘߊ߬ߟߌߘߏߣߊߟ ߕߑߙߐ߲ߔ ߟߊ߫ ߖߊ߬ߡߊߙߌ ߞߣߐߡߊ߬߸ ߊߝߙߌߞߐߡ ߓߘߴߊ߬ ߥߊ߫ ߢߊ ߝߊ߲߬ߝߘߊ ߟߊߕߊ߯ ߔߍ߲ߕߊߜ߭ߐߣ ߡߊ߬߸ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߫ ߖߌ߰ߕߐ߫ ߖߋ߬ߟߌ߬ߓߟߊ߬ ߞߣߐ߫ ߢߊ ߡߍ߲ ߡߊ߬ ߞߊ߬ߣߌ߲߬، ߟߋߜ߭ߐߛ ߣߌ߫ ߔߋߞߍ߲߫ ߓߘߴߊ߬ ߦߌ߬ߘߊ߬ ߞߏ߫ ߖߋ߬ߟߌ߬ߓߊ߬ߟߊ߫ ߦߋ߫ ߖߡߊ߬ߣߊ߫ ߖߘߍ߬ߕߌ߮ ߟߋ߬ ߘߌ߫߸ ߡߐ߰ ߕߴߛߋ߫ ߞߏߟߊ߲ߘߌߦߊ߫ ߟߐ߬ ߟߊ߫ ߡߍ߲ ߡߊ߬.
ߕߍߓߊ߯ߦߊߡߊ߬ߟߌ ߓߘߊ߫ ߕߊ߬ߡߌ߲߬ߛߓߍ߬ ߢߎߡߍߙߋ߲ߡߊ߫ ߞߎߘߊ ߘߏ߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߣߌ߫ ߛߌ߯ߣߌ߲ߞߊ ߟߎ߬ ߟߊ߫ ߞߏߟߊߘߍߢߐ߲߯ߦߊ ߞߣߐߡߊ߬، ߊ߬ ߖߊ߲߬ߖߏ߲ ߞߍ߫ ߘߊ߫ ߞߎߣߎ߲߬ ߞߐ߬ߓߊ߬ߟߏ߲ ߠߋ߬ ߡߊ߬߸ ߏ߬ ߡߍ߲ ߠߊߓߊ߯ߙߊߕߐ߫ ߞߞߢ ߖߡߊ߬ߣߊ ߟߎ߬ ߓߟߏ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߊ߫ ߡߊ߬ߙߊ߫ ߓߊ߰ߓߊ߰ߟߌ߬ ߞߙߎ ߘߏ߫ ߟߎ߫ ߡߊ߬߸ ߏ߬ ߟߎ߬ ߡߍ߲ ߠߎ߬ ߕߍ߬ߘߴߊ߬ ߝߍ߬ ߞߵߊ߬ߟߎ߬ ߞߍ߫ ߖߋ߬ߣߌ߲߬ߕߊ߬ ߡߊ߬ߘߏ߬ߣߌ߲߬ ߕߐ߲ߕߐ߲ ߘߏ߫ ߞߊ߲߬ ߞߐ߬ߟߐ߲߬ߖߍ߬ߓߊ߫، ߊ߬ߟߎ߬ ߓߘߊ߫ ߟߊ߬ߤߘߌ ߕߊ߬߸ ߞߏ߫ ߊ߬ߟߎ߬ ߘߴߊ߬ߟߎ߬ ߞߊߘߊ߲߫߸ ߖߋ߬ߣߌ߲߬ߕߊ߬ ߞߏ ߘߌ߫ ߟߊߛߊ߲߬ߦߌ߲߫ ߊ߬ ߢߊ ߡߊ߬ ߞߵߊ߬ ߖߐ߬ߘߐ ߓߊ߲߫.
ߟߊ߬ߞߊ߲߬ߘߊ߬ߟߌߣߊ߲߬ߕߌ߮ ߟߎ߬ ߓߐߣߍ߲߫ ߖߡߊ߬ߣߊ߫ ߞߐ߬ߣߐ߲߬ߘߐ߫ ߟߋ߬ ߞߣߐ߫ ߞߵߊ߬ߟߎ߬ ߛߌ߲߫ ߓߙߎߞߌߣߊ߫ ߟߊ߫ ߟߊ߬ߞߐ߰ߟߌ߬ ߓߟߋߓߟߋ ߘߏ߫ ߞߊ߲ߡߊ߬߸ ߏ߬ ߟߊ߬ߞߐ߰ߟߌ ߓߘߊ߫ ߞߎ߲߭ߘߏ߲߬. ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬
ߞߓߊߞߏ ߟߎ߬ߞߓߊߞߏ ߣߌ߲߬ ߞߎߣߎ߲߫ ߒߛߙߍߜߘߍ߬ ߥߛߎߖߌ߲ߓߊ ߟߋ߬ ߟߊ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬߸ ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߓߘߍ߬ߓߘߍ߬ߟߌߞߊ߲ߕߌ߯ ߕߌ߬ߣߓߎ߬ ߓߘߊ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߡߊߝߊ߬ߟߋ߲߫ ߖߋ߬ߟߌ߬ߓߟߊ߬ ߞߣߐ߫߸ ߞߊ߬ߝߏ߬ ߖߊ߬ߛߏ߲߬ ߞߏ߬ ߞߎߡߊ ߘߏ߫ ߞߐ ߘߐ߫ ߞߎ߲߬ߢߐ߲߰ ߘߊ߲ߘߐ߫ ߢߐ߲߰ ߠߊ߫، ߞߐߜߍ߫ ߞߎߘߊ߫ ߘߊ ߓߘߊ߫ ߟߊߞߊ߬ ߖߋ߬ߟߌ߬ߓߊ߬ߟߊ߫ ߣߊ߲߬ߕߌ߰ߦߊ ߞߣߐ߫ ߕߋ߲߬.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߡߊ߬ߟߌ ߣߊ߲߬ߕߌ߮ ߘߏ߫ ߓߘߊ߫ ߡߙߎߕߌ߫ ߞߵߊ߬ ߓߏ߬ߙߌ߫ ߞߊ߬ ߓߐ߫ ߖߡߊ߬ߣߊ ߣߊ߲߬ߕߌ߮ ߟߎ߫ ߞߊ߲߬߸ ߞߊ߬ ߥߊ߫ ߝߙߊ߬ ߊߖ߭ߥߊߘ ߞߟߍ߬ߞߍ߬ߟߊ ߟߎ߬ ߟߊ߫ ߞߙߎ ߞߊ߲߬، ߊ߬ ߥߊߕߐߟߊ ߥߊ߫ ߘߊ߫ ߜߋ߬ߕߋߜߋ߭ ߘߏ߫ ߘߴߊ߬ ߓߟߏ߫߸ ߡߍ߲ ߣߌ߫ ߞߌ߬ߛߍ߬ߝߙߎ߬ߟߊ߲ ߦߋ߫ ߝߛߊߦߌ߫.
ߟߊ߬ߞߊ߲߬ߘߊ߬ߟߌߞߊ߬ ߕߟߋ߬ ߞߋߟߋ߲߫ ߕߏ߫ ߞߊ߲ߘߟߌ ߟߊ߫ ߡߎ߬ߕߎ߲߬߸ ߖߌ߬ߣߍ߫ ߞߎ߲߬ߠߊ߬ߛߌ߮ ߓߘߊ߫ ߟߊ߬ߞߊ߲߬ߘߊ߬ߟߌ ߦߙߍߞߍߟߌ߫ ߕߊ߲ߓߊ߲ ߘߏ߫ ߛߌ߰ ߛߋ߲߬ߠߊ߫߸ ߖߡߊ߬ߣߊ ߥߛߊ߬ߘߊ߬ߕߌ߯ ߡߐ߰ ߄߀ ߀߀߀ ߢߐ߲߰ ߓߘߊ߫ ߘߐߓߍ߲߬ ߞߊ߲ߘߟߌ ߟߊ߬ߞߊ߲߬ߘߊ߬ߟߌ ߞߊ߲ߡߊ߬.
ߘߍ߭ߞߊ߲ߞߊ߲߫ ߞߣߐ߫߸ ߘߋ߲ߡߌߛߍ߲ ߠߎ߬߸ ߝߊ߰ߡߊ ߟߎ߬߸ ߞߵߏ߬ ߟߊ߫ ߖߡߊ߬ߣߊ ߟߊߞߊ߲ߘߊߓߊ߮ ߟߎ߫ ߞߊ߲߬߸ ߏ߬ ߟߎ߬ ߛߌߦߊߡߊ߲߫ ߠߋ߬ ߓߐ߫ ߘߊ߫ ߓߌ߬ ߞߊ߬ ߛߐ߬ߘߐ߲߬ ߛߌ߰ߞߊ߲ ߢߊߝߐ߫ ߟߊߘߍ ߘߏ߫ ߘߐ߫ ߝߊ߬ߛߏ߬ ߞߊ߲ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߟߊ߫ ߞߙߎߝߊ ߣߌ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߓߟߏ߫
ߟߊ߬ߞߊ߲߬ߘߊ߬ߟߌߕߐ߲ߓߟߏߡߊ ߟߎ߬ ߞߊ߲߫ ߞߏ߫: ߸ ߓߊߏ߬ ߊ߬ߟߎ߬ ߓߘߊ߫ ߛߙߊ ߞߌߘߊ߫ ߁߀߀ ߣߌ߫ ߞߐ߫ ߡߌ߬ߘߊ߬߸ ߞߊ߬ ߡߐ߰ ߂߈ ߝߣߊ߫ ߡߌ߬ߘߊ߬ ߔߊ߬ߡߋ߬ߟߊߔߎ߬ ߣߌ߫ ߛߏ߲߬ߝߏ߬ߣߌ߬ߦߊ߬ ߟߎ߬ ߘߐ߫.
ߟߊ߬ߞߊ߲߬ߘߊ߬ߟߌߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߓߘߊ߫ ߝߊ߰ ߜ߭ߊ߬ߥߏ߬ ߣߌ߫ ߘߎߥߋ߲ߕߑߖߊ߫ ߞߣߐ߫ ߣߊ߲߬ߕߌ߮ ߟߎ߬ ߟߊ߫ ߕߊߢߐ߲߯ߓߐ ߘߏ߫ ߛߋ߲߭ߝߍ߬، ߓߊߏ߬߸ ߓߊ߰ߓߊ߰ߟߌ߬ߟߊ ߟߎ߫ ߓߋ߬ ߘߊ߫ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߘߏ߫ ߟߋ߬ ߞߊ߲߬ ߥߓߊߙߌߦߊ߫߸ ߏ߬ ߟߋ ߡߐߣߍߦߊ ߣߐ߬ ߣߊ߲߬ߕߌ߮ ߟߎ߫ ߟߐ߬ ߟߊ߫ ߜߊ߬ߟߏ ߟߊ߫ ߟߴߊ߬ߟߎ߫ ߞߊ߲߬ ߣߌ߲߬ ߢߊ߸ ߝߏ߫ ߊ߬ߟߎ߬ ߓߘߴߊ߬ߟߎ߬ ߞߐߟߊ߫ ߓߏ߬ߙߌ ߘߌ߫.
ߞߓߊߞߏ ߟߎ߬ߛߏ߲߭ ߘߏ߫ ߟߋ߬ ߥߊߣߍ߲߫ ߛߏ߲߬ߧߊ߬ߟߌ߬ ߞߊ߲ߡߊ߬ ߕߌ߲ߘߌߓߌ߲ߘߊ ߘߏ߫ ߞߣߐ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߘߓߊ߬ߓߌߟߊ ߕߋ߬ߟߋ߫ ߂߸ ߊ߬ ߣߌ߫ ߦߋ߲߬ ߞߣߐ߬ߜߍ߲߬ߠߊ ߞߵߊ߬ߟߎ߬ ߞߍ߫ ߢߐ߲߮ ߞߊ߲߬߸ ߊ߬ ߝߣߊ߫ ߞߵߏ߬ ߟߊߛߎߡߊ߫ ߘߏߦߌ߲߫، ߕߍ߮ ߞߏ߬ߣߌ߲ ߓߘߊ߫ ߞߍ߫ ߊ߬ ߘߐ߫ ߡߎߣߎ߲߬߸ ߊ߬ ߞߏ ߡߊ߲߬ߞߊ߲ ߓߘߊ߫ ߥߙߊ߬ ߞߏߛߓߍ߫.
ߟߊ߬ߞߊ߲߬ߘߊ߬ߟߌߕߋ߰ߙߋ ߟߎ߬ ߕߊ߯ ߘߊ߫ ߡߐ߰ ߅߆ ߟߋ߬ ߡߌ߬ߘߊ߬ ߓߊ߲ߜ߭ߊ߫ ߘߎ߰ߣߍ߲ ߞߣߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߞߋ߲߬ߥߟߎ߬ ߞߋߟߋ߲ߞߋߟߋ߲߫ ߛߙߊ߬ ߓߍ߯ ߞߎ߲߬ߞߊ ߘߌ߫، ߏ߬ ߟߋ ߥߊߘߌ ߟߊߘߍ߬ߣߍ߲߫߸ ߣߊߦߌߙߊ ߞߋ߲߬ߥߟߎ߬ ߅߀ ߢߐ߲߰ ߞߵߏ߬ ߘߌ߫ ߕߋ߰ߙߋ ߟߎ߫ ߡߊ߬߸ ߊ߬ߟߎ߫ ߞߊ߬ ߡߐ߰ ߃߈ ߝߊ߰ ߡߐ߰ ߅߆ ߏ߬ ߟߎ߬ ߘߐ߫߸ ߞߵߊ߬ߟߎ߬ ߓߟߏߓߐ߫ ߊ߬ ߕߐ߭ ߘߐ߫، ߏ߬ ߞߍߣߍ߲߫ ߖߊߡߑߝߙߊ߫ ߞߊ߬ߝߏ ߟߋ߬ ߞߣߐ߫، ߊ߬ߟߎ߫ ߘߏ߲߬ ߣߐ߬ ߡߍ߲ ߠߎ߬ ߓߌ߬ߟߊ߬ ߟߊ߫߸ ߏ߬ ߟߎ߬ ߜߊ߬ߛߌ߬ߣߍ߲߫ ߠߵߊ߬ߟߎ߬ ߓߟߏ߫ ߞߏߛߓߍ߫ ߞߵߊ߬ߟߎ߬ ߘߐߕߌ߲߬ߓߊ߲߬߸ ߞߵߊ߬ߟߎ߫ ߞߎ߲߬ߡߊߦߟߍ߬ߡߊ߲߬.
ߟߊ߬ߞߊ߲߬ߘߊ߬ߟߌߖߋ߬ߟߌ߬ߓߊ߬ߟߊ߫ ߞߣߐ߫߸ ߡߐ߱ ߘߏ߫ ߟߎ߫ ߟߋ߬ ߕߊ߯ߣߍ߲߫ ߓߋ߬ ߟߊ߫ ߖߋߓߎ߫ ߙߊߤߐߛߌߞߊ ߟߎ߬ ߞߊ߲߬ ߔߑߟߊ߬ߕߏ ߞߊ߬ߝߏ ߞߣߐ߫، ߣߊ߲߬ߒ߬ߕߊ߲߫ ߡߐ߰ ߂߇ ߟߋ߬ ߣߌ ߕߏߣߴߊ߬ ߘߐ߫߸ ߛߣߍ߬ߞߍ߬ߟߊ ߟߎ߬ ߣߌ߫ ߓߌߦߊ߲ߜߍ߲ߠߊ ߟߎ߬ ߟߊ߫ ߝߐߢߐ߲߯ߞߐ ߞߏߛߐ߲߬.
ߕߍߓߊ߯ߦߊߝߘߊ߬ߝߌ߲߬ߠߊ߬ ߞߊ߲ߕߌ߯ ߟߏ߯ߟߎ߫ ߓߘߊ߫ ߡߊߞߟߌ߫ ߥߊ߲ߛ߭ߌ߲ߕߐ߲߫ ߟߊ߬ߘߍ߬ߣߍ߲ ߘߏ߫ ߞߊ߲ߡߊ߬ ߊ߬ߟߎ߬ ߣߌ߫ ߘߏߣߊߟ ߕߑߙߐ߲ߔ ߕߍ߫߸ ߡߍ߲ ߞߎߡߊ ߟߎ߬ ߓߎ߲ߓߎ߲ߣߍ߲߫ ߛߐ߬ߘߐ߲ ߞߏߢߊ ߟߎ߬ ߣߌ߫ ߟߊ߬ߞߊ߲߬ߘߊ߬ߟߌ ߡߊ߬، ߞߵߊ߬ ߛߐ߬ߘߐ߲߬ ߖߊ߬ߕߋ߬ߘߐ߬ߛߌ߮ ߘߏ߫ ߦߋ߫ ߊߡߙߌߞߌ߬ ߓߟߏ߫ ߕߋ߲߬߸ ߡߍ߲ ߦߋ߫ ߝߘߊ߬ߝߌ߲߬ ߖߡߊ߬ߣߊ߬ ߛߌߦߊߡߊ߲߫ ߛߋ߲߬ߠߊߛߘߌ߬ ߟߴߊ߬ߟߎ߬ ߓߘߊ߫ ߕߊ߯ ߞߏ ߘߐ߫߸ ߏ߬ ߘߏ߫ ߟߎ߫ ߖߍ߬ߘߍ ߥߊߕߐ߫ ߟߋ߬ ߢߐ߲߯ߦߋ ߣߌ߲߬ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߊ߫ ߓߊ߰ߓߊ߰ߟߌ߬ߟߊ߫ ߡߐ߰ ߈߀ ߝߊ߰ ߦߙߍߞߍߟߌ ߘߏ߫ ߘߐ߫ ߡߊ߬ߟߌ ߞߐ߬ߘߎ߮ ߘߐ߫، ߡߙߊ߬ߒ߬ߡߊ߬ߝߋ߲ ߠߎ߬ ߣߌ߫ ߘߎ߰ߞߎ߬ߟߎ߲߬ ߛߌߦߊߡߊ߲߫ ߠߋ߬ ߝߣߊ߫ ߡߌ߬ߣߊ߬ߣߴߊ߬ߟߎ߬ ߓߟߏ߫، ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߌߣߍ߲߫ ߖߡߊ߬ߣߊ ߟߊߞߊ߲ߘߊ ߟߊ߫ ߕߎ߬ߡߊ߬ ߓߍ߯߸ ߛߊ߫ ߓߊߛߌ߮ ߘߌ߫ ߘߏ߲߬.
ߟߊ߬ߞߊ߲߬ߘߊ߬ߟߌߡߙߊ߬ߒ߬ߡߊ߬ߝߋ߲߬ߕߌ߮ ߟߎ߫ ߣߐ߬ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߞߍ߫ ߟߊ߫ ߞߊ߬ߦߋ߬ ߣߌ߫ ߢߐ߯ߙߐ߫ ߞߣߐ߫߸ ߡߊ߬ߟߌ ߖߡߊ߬ߣߊ ߞߊ߲߬ ߓߌ߬ ߞߊ߬ߙߌ߬ߝߐ ߕߟߋ߬ ߁߭ ߣߌ߲߬ ߡߊ߬، ߡߊ߬ߟߌ ߣߊ߲߬ߕߌ߰ ߝߊ߲ߞߊ ߛߋ߫ ߘߴߊ߬ߟߎ߫ ߕߎ߲߬ߕߎ߲߬ ߠߊ߫ ߕߎ߲߬ߕߎ߲߬ߠߌ߲߬ ߤߏߞߌ ߟߊ߫߸ ߞߊ߬ ߛߌߦߊߡߊ߲߫ ߝߊ߰ ߊ߬ߟߎ߬ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߓߐ߫ ߘߊ߫ ߞߵߊ߬ߟߎ߬ ߟߊ߫ ߛߍߥߊ ߦߌ߬ߘߊ߫ ߣߊ߲߬ߕߌ߮ ߟߎ߬ ߟߊ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߣߐ߬ ߞߌ߬ߢߍ߬ߞߏ߲ߞߏ߫ ߓߊ߰ߓߊ߰ߟߌ߬ ߞߙߎ ߞߎ߲߬ߕߌ߮ ߘߏ߫ ߟߋ߬ ߝߊ߰ ߟߊ߫߸ ߡߍ߲ ߦߋ߫ ߞߐߞߊ߲߫ ߡߐ߮ ߘߏ߫ ߘߌ߫، ߏ߬ ߞߍ߫ ߘߊ߫ ߦߙߍߞߍߟߌ ߘߏ߫ ߟߋ߬ ߛߋ߲߭ߝߍ߬ ߛ߭ߡߊߣߋ߫߸ ߡߋߣߞߊ߫ ߘߊߝߍ߬.
ߟߊ߬ߞߊ߲߬ߘߊ߬ߟߌߔߏߟߌߖ߭ߊߙߌߏ ߟߎ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߊ߬ߒ߬ߡߊ߬ߟߌ ߘߏ߫ ߞߍ߫ ߌߙߊ߲߫ ߠߊ߫ ߞߟߍ߬ߡߎߙߊ߲ ߠߊ߫ ߋߛߊߡߙߊ߫ ߞߊ߲ߡߊ߬߸ ߡߍ߲ ߓߘߊ߫ ߞߍ߫ ߛߊߓߎ߫ ߘߌ߫ ߞߊ߬ ߛߌߞߊ߫ ߞߍ߫ ߊߟߌߖ߭ߋߙߌ߫ ߞߎ߲߬ߠߊ߬ߛߌ߮ ߟߎ߫ ߡߊ߬ ߓߊ߰ߓߊ߰ߟߌ߬ߟߊ ߟߎ߬ ߞߐߡߊߓߌ߲ߓߌ߲߫ ߞߏ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ߟߎ߬ ߘߊ ߞߍ ߘߌ߫ ߝߎ߬ߟߋ߬ ߞߋߟߋ߲߫ ߠߊ߫، ߡߙߌߞߌ߬ ߘߏ߲߬ ߦߋ߫ ߞߙߎ ߏ߬ ߖߊ߬ߕߋ߬ ߟߊ߫ ߓߊ߰ߓߊ߰ߟߌ߬ ߞߙߎ ߟߋ߬ ߘߌ߫߸ ߊ߬ߟߎ߬ ߦߴߏ߬ ߡߍ߲ ߞߏ ߟߎ߬ ߞߊ߲߬ ߕߋ߲߬ ߞߵߊ߬ ߛߌ߰ ߛߋ߲߬ߠߊ߫ ߛߓߍ ߟߎ߬ ߞߣߐ߫ ߞߊ߬ߣߌ߲߬.
ߞߍߞߎߘߊLa victoire du Paris Saint-Germain en Ligue des champions a été ternie par des violences à Paris et en France. Malgré les appels au calme, des affrontements avec les forces de l’ordre ont entraîné 559 interpellations, vandalismes, deux morts, près de 200 blessés, et des inquiétudes sur la possibilité de célébrations pacifiques.
