ߕߐ߲ߓߟߏߡߊ ߟߎ߬ ߟߊ߫ ߘߎ߰ߞߎߟߎ߲ ߣߌ߫ ߥߛߎ߫ ߞߣߐߜߍ߲ߠߊ ߟߎ߬ ߟߊ߫ ߘߎ߰ߞߎߟߎ߲ ߠߋ߬ ߣߐ߬ ߊ߬ ߛߌ߰ ߟߊ߫ ߢߐ߲߮ ߞߎ߲߬ ߞߊ߬ ߡߐ߰ ߁߄ ߓߐ߬ߣߐ߫ ߊ߬ ߣߌ ߘߐ߫ ߣߊߡߓߌ߫ ߥߙߏ߬ߘߎ߮ ߘߐ߫، ߕߐ߲ߓߟߏߡߊ ߟߎ߬ ߦߋ߫ ߛߎ߬ߣߎ߲ ߘߐ߫ ߞߏߛߓߍ߫.
ߓߌ߬ߟߊ߬ߒ߬ߘߐ߬ߖߎ߰ߓߊ߫ ߟߋ߬ ߣߐ߬ ߣߊߡߓߌ߫ ߓߌ߬ߟߊ߬ ߟߊ߫ ߛߎ߬ߣߎ߲ ߘߐ߫ ߞߎߣߎ߲߬ ߞߍ߲ߘߍߟߏ߲ ߘߓߊ߬ߓߌߟߊ ߕߟߋ߬ ߃߀ ߡߊ߬، ߡߐ߰ ߕߊ߲ ߣߌ߫ ߣߊ߯ߣߌ߲߫ ߠߋ߬ ߛߊ߬ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߘߐ߫߸ ߕߊ߲ ߣߌ߫ ߞߋߟߋ߲ ߦߋ߫ ߥߛߎ߫ ߞߣߐߜߍ߲ߠߊ ߟߎ߫ ߟߋ߬ ߘߌ߫߸ ߊ߬ ߣߌ߫ ߕߐ߲ߓߟߏߡߊ߫ ߞߋߟߋ߲߫ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߟߊ߫ ߘߎ߰ߞߎߟߎ߲ ߠߎ߬ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬ ߥߙߊߞߘߊ߫ ߓߋ߫ ߍ߲ ߞߊ߲߬߸ ߡߊߙߌߦߊ߲ߕߊߟ ߡߊߛߎ߬ߘߎ߲߬ߧߊ ߘߐ߫ ߤߊߙߑߘߊߔ ߕߌ߲߬ߞߎߘߎ߲ ߘߐ߫߸ ߞߎߘߍ߫ ߂߇߀ ߦߋ߫ ߦߋ߲߬ ߡߍ߲ ߣߌ߫ ߖߡߊ߬ߣߊ ߞߎߓߋߘߊ ߕߍ߫ ߥߌ߲ߘߏߥߍߞ.
ߣߊߡߓߌ߫ ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߕߐ߲ߓߟߏߡߊ߫ ߡߐ߰ ߟߏ߯ߟߎ߫ ߣߌ߫ ߣߊ߲߬ߒ߬ߕߊ߲߬ ߞߋߟߋ߲߫ ߠߋ߬ ߕߘߍ߬ ߕߐ߲ߓߟߏߡߊ ߟߎ߬ ߟߊ߫ ߘߎ߰ߞߎߟߎ߲ ߞߣߐ߫߸ ߡߐ߰ ߕߊ߲ ߣߌ߫ ߛߊ߬ߓߊ߫ ߕߘߍ߬ ߥߛߎ߫ ߞߣߐߜߍ߲ߠߊ ߟߎ߬ ߟߊ߫ ߘߎ߰ߞߎߟߎ߲ ߞߣߐ߫، ߡߐ߰ ߛߓߊ߬ ߓߍ߫߸ ߏ߬ ߟߎ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߖߎ߯ߦߊ߫ ߘߊ߫ ߓߊߟߋ߬߸ ߏ߬ ߟߎ߬ ߓߘߊ߫ ߕߊ߬ ߖߡߊ߬ߣߊ ߓߟߏ߫ ߞߊ߬ ߟߐ߬ ߞߍ߫ ߊ߬ߟߎ߬ ߘߊ߲ߘߊ ߟߊ߫.
ߊ߬ߟߎ߬ ߟߊ߫ ߖߡߊ߬ߣߊ ߞߊ߲ߕߌ߮ ߣߋߕߎ߲ߓߏ ߣߊ߲ߘߌ ߒߘߊߦߌߕߑߥߊ߫ ߡߊ߫ ߕߏ߫ ߡߊ߬ߞߎ߲߬ ߘߐ߫߸ ߏ߬ ߞߵߊ߬ ߡߙߌߦߊ ߦߌ߬ߘߊ߫ ߡߊ߬ߛߎߓߊ ߣߌ߲߬ ߞߐ ߘߐ߫، ߊ߬ ߞߵߊ߬ ߟߊߛߋ߫ ߞߏ߫ ߛߎ߬ߣߎ߲ ߦߴߊ߬ ߣߌ߫ ߛߊ߬ߓߊ߰ߕߐ ߟߎ߫ ߟߊ߫ ߡߐ߱ ߟߎ߬ ߓߍ߯ ߟߋ߬ ߘߍ߭ ߘߌ߫߸ ߊ߬ ߘߏ߲߬ ߦߋ߫ ߕߌ߲ߞߌ߫ ߟߴߊ߬ߟߎ߬ ߦߋ߫߸ ߊߟߊߓߍ߫ ߊߟߊ߫ ߤߌߣߊ߫ ߘߴߊ߬ߟߎ߬ ߟߊ߫، <<ߡߍ߲ ߠߎ߬ ߛߊ߬ߣߍ߲߫ ߕߐ߲ߓߟߏߡߊ߫ ߘߐ߫߸ ߥߛߎ߫ ߞߣߐߜߍ߲ߠߊ߫ ߘߐ߫߸ ߗߍ߬ ߘߐ߫ ߡߛߏ߬ ߘߐ߫߸ ߒ ߠߊ߫ ߘߎ߬ߥߊ߬ߥߎ߬ ߛߊߣߌ߲ ߠߋ߬ ߥߴߏ߬ ߟߎ߬ ߦߋ߫، ߒ ߧߴߊ߬ߟߎ߬ ߟߊ߫ ߡߐ߱ ߟߎ߫ ߡߊ߬ߤߌ߬ߣߊ߬ ߟߊߡߌ߬ߘߊ߬ ߟߊ߫، ߒ ߧߋ߫ ߞߊ߬ߛߌ߬ ߟߊ߫ ߕߐ߲ߓߟߏߡߊ߫ ߟߎ߫ ߝߍ߬ ߣߊߡߓߌ߫ ߞߣߐ߫ ߓߌ߬߸ ߡߍ߲ ߠߎ߬ ߦߋ߫ ߢߊߖߌ ߦߋ߫ ߓߐ ߞߊ߲߬ ߊ߬ߟߎ߫ ߘߍ߬ߢߐ߲߮߮ ߠߎ߬ ߟߊ߫ ߛߊ߬ߦߊ ߘߐ߫، ߞߎߡߊ߫ ߛߌ߫ ߕߴߦߋ߲߬ ߓߌ߬߸ ߡߍ߲ ߘߌ߫ ߛߋ߫ ߛߎ߬ߣߎ߲ ߣߌ߲߬ ߘߊ߲߭ ߝߐ߫ ߟߊ߫߸ ߥߟߊ߫ ߡߍ߲ ߘߌ߫ ߛߴߊ߬ ߡߊ߬ߞߓߊ ߝߐ߫ ߟߊ߫.>> ߞߊ߲ߕߌ߮ ߟߋ߬ ߞߊ߲߫ ߕߋ߲߬.
ߘߐ߬ߛߏ߰ߙߋ߬ߟߌ ߓߘߊ߫ ߛߌ߰ ߛߋ߲߬ߠߊ߫߸ ߞߵߊ߬ ߞߍߢߊ߫ ߖߐ߲ߖߐ߲ ߟߐ߲߫، ߖߡߊ߬ߣߊ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߞߏ߬ߣߌ߲ ߝߏߣߍ߲߫ ߡߐ߰ ߛߌߦߊߡߊ߲߫ ߠߋ߬ ߟߊ߫ ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
