ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߸ ߕߊߓߐ ߣߌ߲߬ ߛߓߊߓߎ ߓߍ߯ ߦߋ߫ ߢߎߡߍ ߟߊ߫ ߖߌ߰ߣߌ߬ߞߊ߬ߦߟߍ ߟߋ߬ ߘߌ߫ ߸ ߛߋߞߎ߫ ߛߊ߬ߡߎߙߊ߬ ߡߍ߲ ߦߋ߫ ߞߏߕߐ ߘߌ߫ ߏ߬ ߞߵߊ߬ ߞߏ ߟߊ߫ ߊߟߊ߫ ߟߊ߫ ߟߊ߬ߕߍ߮ ߟߋ߬ ߞߎ߲߬.
ߛߋߞߎ߬ ߛߊ߬ߡߎߙߊ߬ ߞߵߊ߬ ߦߌ߬ߘߊ߬<< ߞߏ߫ ߒ ߓߐ߫ ߘߊ߫ ߛߐ߰ߡߊ߬ߘߊ ߉ߙߋ߲߬ ߠߋ߬ ߟߊ߫ ߞߏ߫ ߒ ߥߊߕߐ߫ ߓߎ߬ߙߋ߬ ߓߎߞߊߙߌߦߊ߫ ߊ߬ߟߎ߬ ߞߊ߬ ߒ ߥߟߋ߫ ߞߏ߫ ߕߊ ߓߘߊ߫ ߓߐ߫ ߟߎ ߡߊ߬ ߸ ߌ ߣߴߊ߬ ߝߐ߫ ߊߟߎ߫ ߢߊ߫ ߦߴߊ߬ ߟߊ߫ ߖߌ߬ߦߊ߬ߓߍ ߘߐ߫ ߢߊ ߡߍ߲ ߡߊ߬ ߣߌ߲߬، ߒ ߝߊ߲߭ ߕߍ߫ ߛߋ߫ ߊ߬ ߕߌߢߍߟߌ߫ ߣߐ ߖߊ߬ߕߋ߬ߓߐ߫ ߟߊ߫ ߸ߓߏ߲ ߣߌ߲߬ ߣߴߊ߬ ߞߣߐ߫ ߝߋ߲ ߓߍ߯ ߟߋ߬ ߖߋ߬ߣߌ߲߬ߣߍ߲߫، ߓߟߏߝߋ߲߫ ߛߌ߫ ߞߏ߬ߣߌ߲߫ ߖߋ߬ߣߌ߲߬ߣߍ߲߫ ߕߊߓߐ ߣߌ߲߬ ߘߐ߫߸ ߊߟߊ߫ ߟߋ ߞߵߏ߬ ߓߍ߯ ߘߌ߫ ߒ ߡߊ߬>> ߛߋߞߎ߬ ߛߊ߬ߡߎߙߊ߬ ߟߋ߬ ߞߊ߲߫ ߕߋ߲߬.
ߟߎߕߌ߮ ߓߊ߲߫ ߘߊ߫ ߞߊ߬ ߛߌ߰ߢߐ߲߮ ߟߎ߬ ߝߏ߬ ߊ߬ߟߎ߬ ߟߊ߫ ߘߍ߬ߡߍ߲߬ߠߌ߲ ߠߊ߫߸ ߊ߬ ߣߌ߫ ߡߐ߰ ߛߌ߫ ߢߊ ߕߎ߲߬ ߦߋ߫ ߞߣߍ ߞߊ߲߬ ߕߊߓߐ ߣߌ߲߬ ߥߊ߯ߕߌ ߟߊ߫߸ ߓߊߏ߬ ߛߋߞߕߎߙߋߦߊ߫ ߘߐߙߐ߲߫ ߡߊ߫ ߘߍ߬ߡߍ߲߬ߠߌ߲ ߞߍ߫ ߕߊ߫ ߟߛߊ ߘߐ߫ ߘߋ߬ ߸ ߕߌ߲߬ߕߌߢߊ߬ ߡߎ߰ߡߍ ߟߋ߬ ߞߵߊ߬ ߛߋߞߏ ߞߍ߫ ߕߊ ߣߌ߲߬ ߠߊߛߊ߭. ߊ߬ ߓߊ߲߫ ߘߊ߫ ߞߵߊ߬ ߟߊߛߋ߫: ߞߏ߫ ߞߎߡߊ߫ ߜߘߍ߫ ߕߍ߫ ߒ ߓߟߏ߫ ߡߎ߬ߕߎ߲߬ ߓߊߙߌߞߊߓߌߟߊ ߞߐ߫ ߸ߒ ߘߌ߫ ߒ ߝߊ߬ ߟߎ߬ ߝߏ߬ ߞߊ߬ ߛߌ߰ߢߐ߲߲߲߮ ߠߎ߬ ߓߍ߯ ߝߏ߬ ߊ߬ߟߎ߬ ߞߎߟߎ߲ߖߋ߫ ߊ߬ߟߎ߬ ߟߊ߫ ߘߍ߬ߡߍ߲ ߠߊ߫، ߊߟߊߡߴߊ߬ߟߎ߫ ߓߍ߯ ߛߙߊ߬ ߘߊ߫ ߤߙߍ߫ ߟߊ߫ >>ߊ߬ ߞߵߏ߬ ߟߋ߬ ߟߴߊ߬ ߞߊ߲߬.
ߓߊߙߊ߲ߕߏ߲߫ ߥߎߟߋ߲ ߡߐ߱ ߟߎ߬ ߣߌ߫ ߕߊߟߛߊߟߊ ߟߎ߬ ߦߋ߫ ߣߊ߬ ߟߊ߫ ߕߎ߬ߡߊ ߡߍ߲ ߠߊ߫߸ ߏ߬ ߞߵߊ߬ ߛߐ߬ߘߐ߲߬ ߠߋ߬ ߕߊ ߓߘߊ߫ ߓߊ߲߫ ߟߊߛߊ߬ ߟߊ߫ ߡߐ߱ ߟߎ߬ ߓߟߏ߫، ߊ߬ߟߎ߫ ߞߏ߬ߣߌ߲ ߣߊ߬ ߘߊ߫ ߞߣߍ ߞߊ߲߬ ߝߛߊߦߌ߫.
ߖߌ߬ߓߙߌ߬ߟߊ߲ ߡߊ߲߬ߘߋ߲߫ ߡߟߍ߬ߞߊ ߞߐ߲ߘߍ߫
