ߛߌߟߓߊ߫ ߞߊ߲ ߓߌߟߊߒߘߐߖߎ߮ ߟߋ߬ ߞߍ߫ ߘߊ߫ ߞߐߕߑߝ߭ߊߙߌ߬ ߞߊ߬ ߡߐ߰ ߁߆ ߓߣߐ߬ ߊ߬ ߣߌ ߘߐ߫ ߊ߬ ߣߌ߫ ߞߊ߬ ߡߐ߰ ߅߁ ߖߐߞߌ߫߸ ߓߏ߬ߙߌ߬ߡߊ߬ߝߋ߲߬ߞߏ ߞߏߕߌ߮ ߟߋ߬ ߞߊ߬ ߟߊ߬ߥߊ߲߬ߞߊ߲߬ߠߌ߲ ߣߌ߲߬ ߞߍ߫ ߘߊ߲߬ߕߍ߰ߟߌ߬ ߛߓߍ ߘߏ߫ ߘߐ߫ ߞߎߣߎ߲߬߸ ߖߌ߬ߖߊ ߣߌ߫ ߞߊ߲ߓߋ߲ ߠߋ߬ ߥߊ߫ ߘߴߊ߬ ߖߌ߰ ߢߐ߲߮ ߞߎ߲߬ ߞߊߕߌߦߏߟߊ߫ ߣߌ߫ ߣߌߦߊߞߙߊ߫ ߛߌߟߊ ߞߊ߲߬، ߓߏ߬ߙߌ߬ߡߊ߬ߝߋ߲߬ߞߏ ߟߎ߬ ߞߏߕߌ߮ ߟߊ߫ ߝߐߟߌ߫ ߘߐ߫ ߊ߬ ߟߊ߫ ߘߊ߲߬ߕߍ߰ߟߌ߬ ߛߓߍ ߞߣߐ߫߸ ߓߌ߬ߟߊ߬ߒ߬ߘߐ߬ߖߎ߮ ߣߌ߲߬ ߞߍ߫ ߘߊ߫ ߞߎߣߎ߲߬ ߞߊ߯ߙߌ ߛߐ߰ߡߘߊ߬ ߖߏߣߊ ߟߋ߬ ߟߊ߫ ߆ ߙߋ߲ ߝߊ߲߭ ߝߍ߬، ߊ߬ ߟߊ߫ ߝߐߟߌ߫ ߘߐ߫ ߝߣߊ߫ ߞߊ߲ߓߋ߲ ߣߌ߲߬ ߦߋ߫ ߓߏ߬ߙߌ߬ ߟߊ߫ ߛߊ߲ߔߋߘߙߏ߫ ߛߌߟߊ ߟߋ߬ ߞߊ߲߬.
ߢߊߢߌߣߌ߲ߠߌ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬߸ ߞߏ߫ ߡߐ߰ ߁߆ ߟߋ߬ ߝߊ߰ ߘߴߊ߬ ߣߌ߫ ߞߊ߬ ߡߐ߰ ߅߁ ߖߐߞߌ߫ ߞߏߖߎ߯ߦߊ ߞߍ߫߸ ߊ߬ ߞߵߊ߬ ߦߌ߬ߘߊߞߊ߬ ߝߣߊ߫ ߞߏ߫ ߖߐߞߌߓߊ߯ߕߐ ߟߎ߬ ߟߊߕߊ߯ ߘߊ߫ ߟߋ߬ ߞߊߕߌߦߏߟߊ߫ ߘߊ߲ߘߊߛߏ ߟߊ߫ ߖߏߣߊߡߦߊ ߓߟߏߡߊ߬߸ ߛߌߟߓߊ߫ ߞߊ߲߫ ߓߌߟߊߒߘߐߖߎ߮ ߞߏ߬ߣߌ߲ ߦߴߊ߬ ߞߊ߲߬ ߞߊ߬ ߛߌߦߊߦߊ߫ ߞߐߕߑߝ߭ߊߙߌ߬ ߖߡߊ߬ߣߊ ߞߣߐ߫ ߕߋ߲߬ ߞߏߛߓߍ߫، ߊ߬ ߘߏ߫ ߟߎ߫ ߛߊߓߎ ߦߋ߫ ߓߏ߬ߙߌ߬ߡߊ߬ߝߋ߲ ߠߎ߬ ߟߊ߫ ߕߌߢߍߟߌ ߣߌ߫ ߟߊ߬ߓߏ߬ߙߟߌ߬ߟߊ ߟߎ߬ ߟߊ߫ ߛߊ߬ߙߌ߬ߦߊ߬ ߡߝߊ߬ߓߊߟߌߦߊ ߟߋ߬ ߘߌ߫ ߛߌߟߊ ߞߊ߲߬.
ߊ߬ ߘߏ߲߬ ߞߊ߬ߛߙߊ߬ ߛߎ߮ ߣߌ߲߬ ߓߘߊ߫ ߛߌߦߊߦߊ߫ ߟߋ߬ ߕߋ߲߬ ߥߊ߯ߕߌ߫ ߟߊߓߊ߲ ߡߍ߲߬ ߠߎ߬ ߟߊ߫߸ ߘߓߊ߬ߕߊ ߟߊߓߊ߲ ߠߋ߬ ߟߊ߫߸ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߞߍ߫ ߘߊ߫ ߦߏߔߏߜ߭ߐ߲߫߸ ߞߊ߲ߓߋ߲ ߘߏ߫ ߟߋ߬ ߣߌ߫ ߛߏߝߍߞߎߟߎ߲ ߘߏ߫ ߛߋ߫ ߘߊ߫ ߢߐ߲߮ ߡߊ߬߸ ߞߊ߬ ߏ߬ ߞߣߐߡߐ߮ ߓߍ߯ ߖߋ߬ߣߌ߲߬ ߞߐߙߍ߫، ߏ߬ ߞߊ߬ߛߙߊ ߟߋ߬ ߛߋ߲߭ߝߍ߬߸ ߓߌ߲ߠߊߥߎߟߋ߲ ߠߊ߫ ߡߐ߰ ߁߇ ߓߣߐ߬ ߘߴߊ߬ ߣߌ ߘߐ߫ ߊ߬ ߣߌ߫ ߞߊ߬ ߡߐ߰ ߂߃ ߖߐߞߌ߫߸ ߏ߬ ߞߍ߫ ߘߊ߫ ߞߊ߲ߓߋ߲ ߣߌ߫ ߛߏߝߍߞߎߟߎ߲ ߠߋ߬ ߟߊ߫ ߓߌ߬ߟߊ߬ߒ߬ߘߐ߬ߖߎ߮ ߛߋ߲߭ߝߍ߬، ߓߏ߬ߙߌ߬ߡߊ߬ߝߋ߲߬ߞߏ ߞߏߕߌ߮ ߟߊ߫ ߖߊ߬ߕߋ߬ ߟߊߓߊ߲ ߠߎ߬ ߘߐ߫ ߞߵߊ߬ ߕߊ߬ ߡߐ߰ ߁ ߀߀߀ ߡߊ߬ ߞߵߊ߬ ߛߌ߰ ߡߐ߰ ߁߅߀߀ ߡߊ߬ ߸ ߏ߬ ߢߐ߲߰ ߠߊ߫ ߟߋ߬ ߦߋ߫ ߛߊ߬ߦߊ ߡߊߛߐ߬ߘߐ߲߬ ߠߊ߫ ߛߊ߲߬-ߊ߲߫-ߛߊ߲߬، ߞߵߊ߬ ߕߎ߬ߙߎ ߞߍ߫ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߌ߫؛ ߞߐߕߑߝ߭ߊߙߌ߬ ߖߡߊ߬ߣߊ ߞߊ߲߬.
