ߖߌ߬ߣߍ߫ ߖߡߊ߬ߣߊ ߞߊ߲߬߸ ߓߏ߬ߞߋ߫ ߕߌ߲߬ߞߎߘߎ߲ ߘߐ߫߸ ߞߎ߲߬ߝߍ߬ ߕߊ߯ߡߟߊ ߟߎ߬ ߟߊߕߊ߬ߡߌ߲߬ߓߊ߮ ߟߎ߬ ߓߘߊ߫ ߘߊ߮ ߘߏ߫ ߟߊߘߊ߲߫ ߞߊߡߑߛߊߙ ߘߎ߱ ߟߊ߫، ߞߎߘߍ߫ ߃߀߀ ߢߐ߲߰ ߦߋ߫ ߏ߬ ߡߍ߲ ߣߌ߫ ߞߐ߰ߖߌ߬ߘߊ ߞߎߓߋ ߕߍ߫߸ ߞߊߙߏ߫ ߛߊ߬ߓߊ߫ ߞߣߐ߫ ߕߐ߲ߓߟߏߡߊ ߟߎ߬ ߞߊ߬ ߞߎߟߎ߲߫ ߛߊ߬ߓߊ߫ ߟߋ߬ ߟߊߟߐ߬، ߞߎߟߎ߲߫ ߞߋߟߋ߲߫ ߟߊ߬ߓߏ߬ߙߟߌ߬ߟߊ ߡߌ߬ߣߊ߬ ߘߊ߫ ߞߊߡߑߛߊߙ ߞߐ߰ߖߌ ߞߟߍ߬ߡߐ߮ ߟߎ߬ ߓߟߏ߫߸ ߊ߬ ߘߏ߲߬ ߊ߬ ߞߎ߲߬ߝߍ߬ ߕߊ߯ߡߟߊ ߟߎ߬ ߛߌߦߊߡߊ߲߫ ߕߊ߬ߡߌ߲߬ ߛߌߟߊ ߟߋ߬ ߦߋ߲߬ ߘߌ߫ ߕߋ߲߬߸ ߕߎ߬ߡߊ߬ߣߊ ߡߍ߲ ߠߊ߫ ߛߣߍ߬ߜ߭ߊߟߌ߫ ߣߌ߫ ߡߏߙߌߕߊߣߌ߲߫ ߦߋ߫ ߓߊ߯ߙߊ ߟߎ߬ ߝߊ߲߬ߞߊߘߏ߲߬ ߞߊ߲߬ ߊ߬ߟߎ߬ ߟߊ߫ ߓߐߕߏ߲ ߠߎ߬ ߟߊ߫ ߡߍ߲ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߞߎ߲߬ߝߍ߬ ߕߊ߯ߡߟߊ ߟߎ߫ ߞߟߍ߬.
ߞߊߙߏ߫ ߛߊ߬ߓߊ߫ ߞߎ߲߬ߕߊ߰ ߞߣߐ߫߸ ߞߊߡߑߛߊߙ ߞߐ߰ߖߌ ߞߍ߫ ߘߊ߫ ߞߎ߲߬ߝߍ߬ ߕߊ߯ߡߟߊ ߟߎ߬ ߟߊ߫ ߛߌߟߊ ߟߋ߬ ߘߌ߫، ߞߊߡߑߛߊߙ ߘߎ߱ ߦߋ߫ ߓߏߞߋ߫ ߡߙߊ ߟߋ߬ ߘߐ߫߸ ߊ߬ ߘߏ߲߬ ߘߊ߬ߡߊ߲߬ ߓߊ߯ߙߊ ߟߋ߬ ߞߊ߫ ߛߌߦߊ߫ ߦߋ߲߬ ߝߣߊ߫، ߞߊߙߏ߫ ߛߊ߬ߓߊ߫ ߣߌ߲߬ ߞߣߐ߫ ߖߌ߬ߣߍ߫ ߕߐ߲ߓߟߏߡߊ ߟߎ߫ ߞߊ߬ ߕߎ߲ߞߊ߲ߠߊߕߊ߯ ߟߊ߫ ߞߎߟߎ߲߫ ߛߊ߬ߓߊ߫ ߟߋ߬ ߡߌ߬ߣߊ߬߸ ߡߌ߬ߣߊ߬ߟߌ߬ ߟߊߓߊ߲ ߞߍ߫ ߘߊ߫ ߛߌ߬ߣߌ߲߬ߟߏ߲ ߠߋ߬ ߡߊ߬ ߞߊ߬ߙߌ߬ߝߐ ߕߟߋ߬ ߣߊ߯ߣߌ߲ ߛߎ ߘߐ߫ ߞߊߡߑߛߊߙ ߞߐ߰ߖߌ ߞߟߍ߬ߡߐ߮ ߟߎ߬ ߓߟߏ߫، ߝߣߴߊ߬ߟߎ߫ ߞߵߊ߬ߟߋ߬ ߕߎ߲ߞߊ߲ߠߊߕߊ߯ ߟߊ߫ ߡߐ߰ ߁߃߈ ߠߋ߬ ߡߌ߬ߣߊ߬߸ ߊ߬ ߘߏ߲߬ ߖߡߊ߬ߣߊ ߜߘߍ߫ ߡߐ߰ ߜߘߍ߬ ߦߋ߫ ߏ߬ ߟߎ߬ ߘߐ߫.
ߦߏ߫ ߛߣߍ߬ߜ߭ߊ߬ߟߌ߬ߞߊ ߘߏ߫ ߟߎ߫ ߡߊ߬ߟߌ ߣߌ߫ ߜ߭ߊ߲ߓߌ߫ ߊ߬ ߣߌ߫ ߜ߭ߊߣߊ߬ ߓߏߞߋ߫ ߞߕߌߕߍ߯ߟߊ ߊߡߊߘߎ߫ ߎ߳ߙߌ߬ ߖߊߟߏ߫ ߟߊ߫ ߝߐߟߌ߫ ߘߐ߫، ߊ߬ ߟߊ߫ ߞߎߡߊ߫ ߘߐ߫ ߝߣߊ߫ ߞߊ߬ߙߌ߬ߝߐ ߕߟߋ߬ ߣߊ߯ߣߌ߲ ߠߊ߫߸ ߞߎߟߎ߲߫ ߓߏߙߌߟߊ ߘߏ߫ ߡߌ߬ߣߊ߬ ߘߊ߫ ߟߋ߬ ߞߵߊ߬ ߟߊߕߊ߯ ߓߏ߬ߞߋ߫ ߥߛߎߓߏ߲ ߠߊ߫، ߞߎߟߎ߲߫ ߛߊ߬ߓߊ߫ ߢߌ߲߬ ߓߍ߯ ߞߎ߲߬ߛߌߣߍ߲߫ ߕߘߍ߬ ߦߋ߫ ߍߛߑߔߊ߲ߢߌ߲߫ ߖߡߊߣߊ ߟߋ߬ ߟߊ߫߸ ߊ߬ ߞߏ߬ߣߌ߲ ߞߎ߲߬ߝߍ߬ ߕߊ߯ߡߟߊ ߟߎ߬ ߟߊߕߊ߬ߡߌ߲߬ߓߊ߮ ߟߎ߬ ߞߏ߫ ߝߏ߫ ߞߊ߬ ߝߍ߬ߙߍ߫ ߟߋ߬ ߞߍ߫ ߞߊ߬ ߋߙߐߔߎ߬ ߡߊߛߐ߬ߘߐ߲߬ ߛߌߟߊ߫ ߞߎߘߊ ߘߏ߫ ߟߊߦߟߍ߬.
