ߞߎߣߎ߲ߟߏ߲ ߕߊ߬ߡߌ߲߬ߣߍ߲ ߡߊ߬ ߡߐ߰ ߝߌ߬ߟߊ߫ ߟߋ߬ ߣߌ ߕߏ߫ ߘߴߊ߬ ߘߐ߫ ߛߊ߲ߖߌߓߊ ߣߊ ߘߏ߫ ߞߏߛߐ߲߬ ߞߐ߰ߖߌ߬ߘߊ ߟߊ߫߸ ߡߍ߲ ߞߵߊ߬ ߕߊ߬ ߣߊ߬ߟߌ ߟߊ߫ ߤߊ߲߯ ߕߎ߬ߡߊ߬ߙߋ߲߬ ߇߂ ߞߣߐ߫، ߞߵߊ߬ ߕߊ߬ ߞߊ߬ߙߌ߬ߝߐ ߕߋ߬ߟߋ߫ ߝߌ߬ߟߊ߫ ߡߊ߬߸ ߏ߬ ߢߍ߲ ߓߍ߲߬ ߘߊ߫ ߞߎߣߎ߲ߟߏ߲ ߡߊ߬، ߞߵߊ߬ ߛߌ߰ ߊ߬ ߕߋ߬ߟߋ߫ ߛߊ߬ߓߊ߫ ߟߊ߫߸ ߛߊ߲ߖߌ ߦߴߊ߬ ߞߊ߲߬ ߞߊ߬ ߣߊ߬، ߕߌߢߍߟߌ߫ ߛߌߦߊߡߊ߲߫ ߠߋ߬ ߛߋ߫ ߘߊ߫ ߓߟߏߝߋ߲ ߘߏ߫ ߟߎ߫ ߡߊ߬߸ ߞߐ߬ߦߊ߫ ߣߌ߫ ߘߎߓߙߋߞߊ߫، ߓߊ߬ߙߌ߬߸ ߡߐ߰ ߞߏ߬ߣߌ߲ ߡߊ߫ ߝߊ߰ ߦߋ߲߬، ߡߐ߰ ߝߌߟߊ߫ ߡߍ߲ ߠߎ߬ ߝߣߊ߫ ߝߊ߰ߣߍ߲߫ ߕߋ߲߬߸ ߞߋߟߋ߲ ߦߋ߫ ߥߊߟߌߥߊߟߌ߫ ߓߏߙߌߟߊ ߟߋ߬ ߘߌ߫߸ ߏ߬ ߛߎ߭ ߥߊߣߍ߲߫ ߦߋ߫ ߟߊ߫ ߞߐߣߊߞߙߌ߫ ߞߌ߬ߛߐߛߐ߬ ߞߌ߲߬ߘߊ ߟߋ߬ ߟߊ߫، ߞߵߊ߬ ߕߐ߬ ߞߋߟߋ߲ ߝߣߊ߫ ߛߎ߭ ߦߋ߫ ߞߐ߲ߞߊߖ߭ߍߙ، ߛߊ߲ߖߌߣߊ ߞߐ ߘߐ߫.
ߡߊ߬ߞߊ߬ߘߊ߲߬ߠߌ߲ ߞߏߕߌ߯ߘߊ ߢߍߡߐ߮ ߞߵߊ߬ ߦߌ߬ߘߊ߬ ߝߐ߰ߓߍ߬ߘߊ ߘߏ߫ ߟߎ߫ ߟߊ߫߸ ߞߏ߫ ߊ߬ߟߎ߫ ߞߊ߬ ߡߐ߰ ߃߀ ߟߋ߬ ߡߞߊߘߊ߲߫ ߛߊ߲ߖߌߓߊ߫ ߣߌ߲߬ ߠߊ߫ ߣߊ߬ߟߌ ߞߐ ߘߐ߫߸ ߞߊ߬ ߕߴߊ߬ߟߎ߬ ߘߌ߫ ߘߊ߲ߘߊߛߏ ߟߊ߫، ߊ߬ ߞߊ߬ ߕߌߢߍߟߌ ߟߊߛߋ߫ ߟߋ߬ ߘߎ߬ߓߙߋߦߑߞߊ߬ ߕߌ߲߬ߞߎߘߎ߲ ߝߣߊ߫ ߘߐ߫߸ ߛߊߙߏ߲߬ ߛߊ߬ߡߊ ߞߊ߬ ߕߙߐߦߊ߫ ߓߊ-ߟߋ߬ ߟߊߛߋ߫ ߡߐ߱ ߟߎ߬ ߡߊ߬ ߝߣߊ߫߸ ߊ߬ ߜߋ߲ߜߋ߲߫ ߞߐ߰ߖߌ߬ߘߊ ߟߊ߫߸ ߊ߬ ߣߌ߫… ߓߊߏ߬߸ ߡߐ߰ ߛߌߦߊߡߊ߲߫ ߠߋ߬ ߓߣߐ߬ ߘߴߊ߬ߟߎ߬ ߣߌ ߘߐ߫߸ ߊ߬ ߣߌ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߝߣߊ߫ ߥߊ߫ ߖߌߥߦߏ ߟߊ߫، ߊ߬ ߘߏ߲߬ ߢߌ߬ߣߊ߲߬ ߕߊ ߣߌ߲߬ ߘߊߡߌ߬ߣߊ ߓߘߊ߫ ߛߋ߫ ߡߐ߰ ߟߎ߬ ߞߣߐ߬ߘߐ߬ߝߟߌ߬ ߦߙߐ ߟߋ߬ ߘߐ߫ ߕߋ߲߬߸ ߞߊ߬ ߓߍ߲߬ ߊ߬ ߟߊ߫ ߕߌߢߍߟߌ ߞߛߊߞߊ ߟߎ߫ ߡߊ߬.
