ߓߌ߬ ߞߊ߯ߙߌ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߆߸ ߛߌ߯ߙߌ߲߫ ߠߊ߫ ߢߍߕߊ߮ ߘߋ߲ߡߌߛߍ߲ ߠߎ߬ ߟߊ߫ ߘߍ߬ߞߙߎ ߣߌ߫ ߒ ߝߊ߬ ߓߘߊ ߕߍ߫ ߘߐߕߌߢߍ߫ ߟߊ߫ ߣߌ߫ ߎ߳ߜ߭ߊߝ ߘߍ߬ߞߙߎ ߟߎ߫ ߞߊ߬ ߣߌ߬ߛߌ߫ ߛߊ߬ߓߊ߫ ߟߋ߬ ߞߊ߲ߠߊߕߍ߰߸ ߞߵߏ߬ ߞߍ߫ ߊߟߊ߫ ߞߏߢߌߡߊߟߐ߲ ߘߌ߫ ߛߊߣߌ߲߫ ߢߌߣߌ߲߫ ߘߌߦߊ ߓߐ߰ߝߍ ߟߎ߬ ߘߐߣߐ߮ ߞߍ߬ߟߍ ߘߐ߫ ߔߏߑߞߟߍ߲ ߠߎ߬ ߟߊ߫. ߡߐ߰ ߛߌߦߊߡߊ߲߫ ߠߋ߬ ߕߘߍ߬ ߛߘߊߞߊߓߐ ߣߌ߲߬ ߞߣߍ ߞߊ߲߬߸ ߞߊ߬ߝߏ߬ߙߋ߲߬ ߞߎ߲ߘߊ߫߸ ߞߌ߬ߣߊ߬ ߞߎ߲߬ߘߊ߫߸ ߡߊ߲߬ߘߋ߲߫ ߘߍ߭ ߡߐ߱ ߟߎ߬߸ ߡߊ߲߰ߖߊ߲߬ߠߊ߫ ߘߋ߲ߡߌߛߍ߲ ߠߎ߬ ߞߐߦߌߘߊߓߊ߮ ߣߌ߫ ߘߌ߲ߜ߭ߌߙߊߦߌ߫ ߊ߬ ߣߌ߫ ߡߙߊ߬ߘߊ߬ߓߊ ߗߋߕߌ߯ߘߊ ߘߋ߲ߡߌߛߍ߲ ߠߎ߬߸ ߡߊ߱ߘߎ߬ ߝߌ߬ߣߊ߫ ߞߊ߬ߡߙߊ߫ ߞߊ߬ ߛߙߊ߬ߣߎ߲ ߕߊ߬߸ ߏ߬ ߡߍ߲ ߦߋ߫ ߛߌ߯ߙߌ߲߫ ߘߋ߲ߡߌߛߍ߲ ߠߎ߬ ߠߊ߫ ߢߍߕߊ߮ ߓߋߟߋ߲ߕߌ߮ ߘߏ߫ ߘߌ߫߸ ߞߵߊ߬ߟߎ߬ ߟߊߘߍ߬ ߞߎ߲ ߝߐ߫:
<< ߊ߲ ߘߴߊߟߊ߫ ߝߏ߬ ߊ߬ ߟߊ߫ ߢߊ߬ߒߡߊ ߟߊ߫߸ ߊ߬ ߞߍ߫ ߘߐ߫ ߞߊ߬ ߘߊ߲߭ߛߌ߰ ߊ߲ ߠߊ߫ ߛߊߣߌ߲߫ ߓߊ߯ߙߊ߫ ߘߌߦߊ ߟߎ߬ ߕߣߐ߬ߓߐ߫ ߢߊ߫ ߖߎ߮ ߟߊ߫ ߔߏߑߞߟߍ߲ ߠߊ߫، ߊߟߊ߫ ߣߌ߫ ߡߐ߰ߓߊ ߟߎ߬ ߟߊ߫ ߛߘߊߞߊߓߐ߸ ߊ߲ ߧߋ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲߬ߓߎߦߊ߬ ߝߏ߬ ߟߊ߫߸ ߊ߬ ߞߍ߫ ߘߐ߫ ߞߵߊ߲ ߠߊߡߍ߲߫߸ ߞߊ߬ ߔߏߑߞߟߍ߲ ߠߊߟߐ߬߸ ߏ߬ ߘߌߦߊߣߍ߲߫ ߊ߲ ߧߋ߫ ߟߋ߬ ߝߐ߫ ߞߊ߬ ߕߊ߬ߡߌ߲߬߸ ߏ߬ ߥߊߟߌߢߌ߲ߡߊߟߐ߲ ߠߋ߬ ߞߵߊ߲ ߟߐ߬ ߛߘߊߞߊߓߐ ߣߌ߲߬ ߞߍ߫ ߟߊ߫ ߞߵߊߟߊ߫ ߓߊߙߌߞߊ߫ ߓߌߟߊ>> ߊ߬ ߞߵߏ߬ ߦߌ߬ߘߊ߫.
ߟߊ߱ߖߌ߬ ߘߙߊ߬ߡߊߣ ߡߊ߰ߛߎߓߊ߫ ߝߣߊ߫ ߞߊ߬ ߘߋ߲ߡߌߛߍ߲ ߠߎ߬ ߝߏ߬߸ ߡߍ߲ ߠߎ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߓߊ߯ߙߊ ߣߌ߲߬ ߠߊߟߐ߬<< ߊ߲ ߘߴߊߟߊ߫ ߝߏ߬߸ ߏ߬ ߡߍ߲ ߞߵߊ߲ ߞߊ߲ߘߊ߫ ߛߍ߬ߘߏ߲ ߣߌ߲߬ ߘߐ߫،ߓߊߏ߬߸ ߊ߲ ߖߌ߱ ߕߘߍ߬ ߡߐ߰ ߛߌ߫ ߞߊ߲߬ ߣߌ߲߬ ߞߏ ߞߍ߬ߟߍ ߘߐ߫߸ ߏ߬ ߟߎ߬ ߓߍ߯ ߕߘߍ߬ ߊ߲ ߡߊ߬ ߖߊ߲߬ߝߊ ߘߐ߫߸ ߊ߲ ߧߋ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲߬ߓߎߦߊ߬ ߝߏ߬ ߟߴߏ߬ ߘߐ߫߸ ߊ߬ ߞߍ߫ ߘߐ߫ ߞߵߊ߲ ߞߊ߲ߠߊߓߌ߬ߟߊ߬߸ ߊ߲ ߧߴߊ߬ ߡߊߘߌߦߊ߫ ߟߊ߫ ߝߣߊ߫߸ ߊ߬ ߦߴߊ߲ ߓߐ߰ߝߍ߬ ߘߐ߬ߖߊ߬ߛߌ߬ߣߍ߲ ߠߎ߬ ߘߊߘߐߓߍ߲߬ ߊ߲ ߧߋ߫،ߓߊ߸ ߡߐ߰ ߝߊ߰ߟߊ ߢߌ߲߬ ߠߎ߫ ߕߘߍ߬ ߊ߬ ߝߍ߬ ߞߵߊ߲ ߓߘߊ ߘߐߕߌߢߍ߫ ߟߋ߬ ߦߏ߫ ߓߊ߬ߣߊ߲߬ߞߘߐ߫ ߞߍ߫ ߘߊ߫ ߢߊ ߡߍ߲ >> ߊ߬ ߞߊ߬ ߦߙߐ ߏ߬ ߟߊߜߍ߫.
ߛߌ߯ߙߌ߲߫ ߞߊ߬ߝߏ߬ߙߋ߲߬ߕߌ߰ ߛߙߍߞߍ ߃߲ ߡߟߊ߬ߡߌߣ ߕߙߊߥߟߋ߫ ߝߣߊ߫ ߞߊ߬ ߘߋ߲ߡߌߛߍ߲ ߠߎ߬ ߝߏ߬ ߊ߬ߟߎ߬ ߟߊ߫ ߕߍߛߘߌ ߟߊ߫<< ߊ߲ ߧߋ߫ ߘߋ߲ߡߌߛߍ߲ ߠߎ߬ ߝߏ߬ ߟߴߊ߬ߟߎ߬ ߟߊ߫ ߘߐ߬ߖߊ ߟߊ߫߸ ߊ߬ߟߎ߬ ߞߍ߫ ߘߐ߫ ߞߵߊ߬ߟߎ߫ ߖߘߍ߬ ߛߘߊߞߊ߫ ߞߍ߬ߟߍ ߣߌ߲߬ ߘߐ߫߸ ߞߊ߬ ߛߐ߲߬ ߞߍ߬ߟߍ ߣߌ߫ ߓߋ߬ߒ߬ߞߊ߲߬ߠߌ߲ ߣߌ߫ ߣߊ߬ߣߌ߲߬ߠߌ߲ ߣߌ߫ ߛߊ߬ߦߊ ߓߍ߯ ߡߊ߬ ߛߌ߯ߙߌ߲߫ ߡߞߊߘߊ߲ ߞߏߛߐ߲߬،ߣߴߏ߬ ߕߍ߫߸ ߞߏ ߓߍ߯ ߞߍ߫ ߘߊ߫ ߘߏ߲߬ߘߐ߫ ߞߏ߫ ߊ߬ߟߎ߬ ߦߋ߫ ߊ߬ ߞߏ ߟߊߟߐ߬߸ ߊ߬ߟߎ߬ ߡߊ߫ ߛߐ߲߬߸ ߞߍ߬ߟߍ ߏ߬ ߟߋ ߓߘߊ߫ ߞߎ߲߭ߘߏ߲߬ ߓߌ߬߸ ߊ߲ ߘߌ߫ ߛߋ߫ ߡߍ߲ ߠߊ߫ ߘߐߙߐ߲߫ ߏ߬ ߟߴߊ߬ߟߎ߫ ߝߏ߬ ߘߌ߫߸ ߊ߬ ߣߌ߫ ߞߵߊ߬ ߦߌ߬ߘߴߊ߬ߟߎ߬ ߟߊ߫ ߞߏ߫ ߞߊ߬ߝߏ߬ߙߋ߲ ߦߴߊ߬ߟߎ߬ ߞߐߝߍ߬ ߛߎ ߕߋ߬ߟߋ ߛߌߟߊ߫ ߢߌߡߊ ߞߊ߲߬>> ߊ߬ ߞߵߏ߬ ߦߌ߬ߘߊ߫.
