ߞߊ߬ ߓߍ߲߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߛߋߓߊ߯ߦߊ ߕߊ߬ߟߌ ߛߊ߲߬ߞߎ߲߬ߓߍ߲ ߡߊ߬ ߕߎߟߊߝߌ߲ ߕߟߋ߬ ߅ ߡߊ߬߸ ߊ߬ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߓߌ߬߸ ߞߵߊ߬ ߡߙߌߦߊ ߦߌ߬ߘߊ߫ ߖߡߊ߬ ߘߋ߲ ߠߎ߬ ߟߊ߫.

ߊ߬ ߟߊ߫ ߟߊ߬ߛߋ߬ߟߌ ߢߌ߲߬ ߠߊߖߍ߲ߛߍ߲߫ ߘߴߊ߬ ߟߊ߫ ߝߍߛߑߓߏߞ ߖߊ߬ߕߋ߬ߘߊ ߟߋ߬ ߟߊ߫߸ ߞߊ߬ߝߏ߬ ߞߎ߲ߕߌ߮ ߞߵߊ߬ ߦߌ߬ߘߊ߫ ߏ߬ ߡߍ߲ ߘߐ߫߸ ߞߏ߫ ߡߍ߲ ߠߎ߬ ߞߊ߬ ߛߊ߬ߦߊ ߡߊߛߐ߬ߘߐ߲߬ ߂߀߂߁ ߕߎߟߊߝߌ߲ ߕߟߋ߬ ߅ ߞߊ߬ߝߏ߬ ߖߊߛߏ߲ ߖߏ߲߬ߖߊ߲ ߝߍ߬߸ ߞߏ߫ ߊ߬ ߦߋ߫ ߘߎߓߊ߫ ߟߴߏ߬ ߟߎ߬ ߦߋ߫߸ ߞߵߊ߬ ߡߙߌ ߟߊߛߴߊ߬ߟߎ߫ ߡߊ߬ ߝߣߊ߫.

ߊ߬ ߞߊ߲߫ ߞߏ߫: <<ߕߎߟߊߝߌ߲ ߕߟߋ߬ ߅ ߕߍ߫ ߟߊ߬ߥߛߊ ߟߏ߲߫ ߘߌ߫، ߊ߬ ߦߋ߫ ߛߎ߬ߣߎ߲ ߟߏ߲ ߠߋ߬ ߘߌ߫߸ ߢߐ߲߯ߡߛߊߡߊ߲ ߟߏ߲ ߠߋ߬߸ ߡߙߌ ߟߏ߲ ߠߋ߬.>> ߊ߬ ߞߵߏ߬ ߟߋ ߝߐ߫.

ߊ߬ ߞߊ߲߫ ߞߏ߫ ߊ߬ ߡߙߌߦߊ ߖߌ߰ߣߍ߲߫ ߡߐ߰ ߝߟߐߝߟߐ ߡߍ߲ ߞߐ߫߸  ߏ߬ ߕߍ߫ ߡߐ߰ ߟߎ߬ ߘߌ߫߸ ߡߍ߲ ߠߎ߬ ߞߵߊ߬ߟߎ߫ ߖߍ߬ߘߍ߫ ߘߏ߲߬ ߣߌ߲߬ ߞߏ ߘߊ ߟߊ߫ ߞߊ߬ߦߌ߯، ߓߊ߬ߙߌ߬߸ ߒ ߡߙߌ ߦߋ߫ ߡߐ߰ ߟߎ߫ ߟߋ߬ ߞߐ߫߸ ߡߍ߲ ߠߎ߬ ߕߴߊ߲ ߝߍ߬ ߜߍ ߘߐ߫ ߦߊ߲߬ ߓߌ߬.

ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߲߫ ߞߏ߫ ߊ߬ ߓߘߴߊ߬ ߡߙߌ߫ ߞߵߊ߬ ߛߌߡߊ߫ ߡߐ߰ ߟߎ߫ ߡߊ߬߸ <<ߖߡߊ߬ߣߊ ߘߋ߲ ߡߍ߲ ߠߋ߬ ߓߋ߬ ߘߊ߫ ߣߌ߲߬ ߟߏ߲߸ ߖߡߊ߬ߣߊ ߓߊ߯ߙߊ ߛߌߟߊ ߞߊ߲߬.>> ߊ߬ ߞߵߊ߬ ߞߊ߲ߠߊߘߌ߫ ߖߌ߬ߣߍ߬ߞߊ ߟߎ߫ ߡߊ߬ ߝߣߊ߫߸ ߞߏ߫ ߊ߬ߟߎ߬ ߦߋ߫ ߕߎ߬ߡߊ߫ ߕߊ߬߸ ߞߵߏ߬ ߞߍ߫ ߛߎ߬ߣߎ߲ ߡߊ߬ߞߎ߲ ߘߌ߫ ߛߊ߬ߓߊ߰ߕߐ ߢߌ߲߬ ߠߎ߬ ߦߋ߫.

ߊ߬ ߞߊ߲߫ ߞߏ߫ ߣߴߌ ߞߊ߬ ߛߊ߬ߓߊ߰ߕߐ ߏ߬ ߟߎ߫ ߕߊ߬߸ ߛߎ߬ߣߎ߲ ߡߍ߲ ߦߴߊ߬ߟߎ߬ ߟߊ߫ ߡߐ߱ ߟߎ߫ ߞߊ߲߬ ߕߋ߲߬߸ ߝߏߦߌ߬ ߕߴߏ߬ ߣߐ߬ߘߐߓߌ߬ߟߊ߬.

ߊ߬ ߟߊ߫ ߗߋߛߓߍ ߢߌ߲߬ ߘߐ߫߸ ߞߊ߲ߕߌ߮ ߞߵߊ߬ ߝߐ߫ ߞߏ߫ ߛߊ߲߬ ߟߏ߯ߟߎ ߣߌ߲߬ ߞߣߐ߫߸ ߖߌ߬ߣߍ߬ ߓߘߊ߫ ߛߌߦߊߡߊ߲߫ ߞߍ߫ ߛߌߦߟߊߝߛߊ ߞߍ߬ߟߍ ߘߐ߫، <<ߊ߲ ߓߘߊ߫ ߛߌߦߊߟߊߝߛߊ ߡߊߛߍ߬ߟߍ߲߬ߓߍ߬.>> ߊ߬ ߞߵߏ߬ ߝߐ߫ ߞߵߊ߬ ߟߴߊ߬ ߞߊ߲߬ ߞߏ߫ ߛߌߦߊߟߊߝߛߊ ߦߋ߫ <<ߓߊ߱>> ߡߍ߲ ߘߌ߫߸ ߏ߬ <<ߟߐ߬ߦߙߐ߫ ߕߍ߫>> ߖߡߊ߬ߣߊ ߞߣߐ߫ ߡߎ߬ߕߎ߲߬ ߝߛߊߦߌ߫.

ߛߊ߲߬ ߟߏ߯ߟߎ ߣߌ߲߬ ߞߣߐ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߵߊ߬ ߝߐ߫ ߛߊ߲߬ߞߎ߲߬ߓߍ߲ ߢߌ߲߬ ߝߍ߬߸ ߞߏ߫ ߊ߬ ߘߴߊ߬ ߞߐߛߊ߬ߦߌ߲߫ ߊ߬ ߞߎߡߊ߫ ߞߊ߲ ߡߊ߬߸ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߓߕߐ߫ ߟߵߊ߬ ߛߌߟߊ ߝߍ߬ ߞߐߚߐ߫، ߛߌߡߊ߲ߘߎ߯ ߞߏ ߡߊ߫ ߟߊߥߌ߬ߟߌ߫ ߡߐ߰ ߞߋߟߋ߲߫ ߡߊߘߍ߬ߡߍ߲߬ ߞߊ߲ߡߊ߬ ߘߋ߬߸ ߊ߬ ߟߊߥߟߌ߬ߣߍ߲߫ ߖߌ߬ߣߍ߫߫ ߡߎ߰ߡߍ ߟߋ߬ ߦߋ߫߸ ߛߊ߫ ߓߐ߲ߛߐ߲߫ ߣߊ߬ߕߐ ߟߎ߬ ߘߌ߫ ߖߡߊ߬ߣߊ ߛߐ߬ߘߐ߲߬ ߤߙߍ ߣߌ߫ ߓߎ߲ߘߍ ߘߐ߫. ߏ߬ ߓߟߏ ߡߊ߬߸ ߊ߬ ߞߊ߬ ߟߊ߬ߤߘߌ ߕߊ߬ ߞߏ߫ <<ߒ ߧߴߏ߬ ߟߊ߬ߤߘߌ ߕߊ߬ ߟߴߊߟߎ߫ ߦߋ߫߸ ߣߌ߫ ߛߌߞߊ߫ ߣߌ߫ ߕߎ߲߬ߞߎ߬ߙߎ߲߬ ߕߍ߫.>>

ߞߊ߲ߕߌ߮ ߟߊ߫ ߞߎߡߊ ߞߎ߲߬ߝߊ߮ ߞߍ߫ ߘߊ߫ ߖߡߊ߬ߣߊ ߗߍ߬ߘߋ߲ ߠߎ߫ ߟߋ߬ ߝߏ߭ ߘߌ߫߸ ߏ߬ ߟߎ߬ ߡߍ߲ ߠߎ߬ ߟߐ߬ߣߍ߲߫ ߖߡߊ߬ߣߊ ߢߍ߫.