ߥߛߎ߫ ߞߏ ߟߎ߫ ߡߊ߬ߡߙߊ߬ߟߌ߬ߘߊ߫ ߝߊ߬ߛߏ߬ߟߊ߬ߞߊ ߗߋߕߌ߯ߘߊ ߣߐ߬ ߟߊ߬ߛߋ߬ߟߌ߫ ߟߋ߬ ߞߍ߫ ߟߊ߫ ߞߊ߯ߙߌ ߢߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߛߊ߬ߙߌ߬ߦߊ߬ߓߊ߰ߙߟߊ߬ ߞߘߐ߫ ߊߟߑߜ߭ߊߛߌߡߎ߬ ߖߊߟߏ߫ ߓߘߊ߫ ߟߊߕߊ߯ ߊ߬ߟߎ߬ ߓߟߏ߫ ߡߊ߬ߛߊ߲߬ߕߊ߬ ߥߛߎߖߌ߲ ߠߊ߫߸ ߊ߬ߟߋ ߡߍ߲ ߕߍ߬ߘߍ߫ ߟߊ߬ߡߙߊ ߘߐ߫ ߞߐ߰ߦߊ߬ ߥߛߎߖߌ߲ߓߊ ߟߊ߫ ߞߊ߬ߣߌ߲߬، ߞߊ߬ߕߎ߲߯߸ ߊ߬ߟߎ߫ ߣߐ߬ ߞߎ߲߭ ߡߍ߲ ߝߐ߫ ߟߊ߫ ߟߊ߬ߦߟߍ߬ߡߊ߲߬ߠߌ߲ ߢߌ߲߬ ߠߊ߫߸ ߏ߬ ߟߋ ߞߏ߫ <<ߥߛߎ ߟߎ߫ ߡߊ߬ߡߙߊ߬ߟߌ ߞߍߢߊ>> ߟߋ߬ ߣߐ߬ ߊ߬ ߟߊߕߊ߯ ߟߊ߫ ߦߋ߲߬.

ߞߊ߯ߙߌ ߢߌ߲߬ ߡߊ߬߸ ߟߊ߬ߛߋ߬ߟߌ߫ ߟߋ߬ ߞߍߣߍ߲߫߸ ߊ߬ ߦߌ߬ߘߊ߬ߣߍ߲߬ ߡߍ߲ ߘߐ߫ ߖߡߊ߬ߣߊ ߥߛߎ ߡߊ߬ߡߙߊ߬ߟߌ ߗߋߕߌ߮ ߡߊߡߊߘߎ߫ ߜ߲߭ߘߏ߬ ߓߊ ߓߟߏ߫߸ ߞߏ߫ ߊߟߑߜ߭ߊߛߌߡߎ߬ ߖߊߟߏ߫ ߡߍ߲ ߦߋ߫ ߕߋ߲߬߸ <<ߊ߬ ߡߊߝߌ߲߬ ߘߊ߫ ߞߵߊ߬ ߓߌ߬ߟߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫ ߘߓߊ߬ߓߌߟߊ ߕߋ߬ߟߋ߫ ߂߇ ߟߋ߬ ߡߊ߬ ߂߀߂߆ ߢߌ߲߬ ߠߊ߫.>> ߓߌ߬ߟߊ߫ ߘߏ߲߬ ߞߍߣߴߊ߬ ߞߐ߫ ߞߏ߫ ߟߋ߬ ߘߐ߫߸ ߣߊߟߌ߬ߡߎ߲߫ <<ߞߏߘߐߝߘߊ ߝߍ߬ߙߍߕߍ߱ ߘߌ߫߸ ߞߟߌߟߌ ߖߎ߯ߦߊ ߡߊ߬ ߥߟߊ߫ ߕߌߢߍߟߌ ߡߊ߬߸ ߊ߬ ߣߌ߫ ߞߏߢߣߊߕߐߡߐ߲ ߣߌ߫ ߡߐ߰ ߞߏ߬ߙߏ߲߬ ߘߍ.>> ߘߌ߫.

ߊ߬ ߦߌ߬ߘߊ߬ߣߍ߲߫ ߛߓߍ ߢߌ߲߬ ߞߣߐ߫߸ ߞߏ߫ ߊ߬ ߕߘߍ߬ ߥߛߎ ߟߊ߫ ߞߕߌߖߌ߲ ߛߊ߲ߘߐߕߊ ߞߏߟߊߕߐ߲ ߓߏ߲ߘߋ߲ ߞߊ߲ߕߌ߮ ߟߊ߫ ߖߊ߬ߡߊߙߌ ߟߋ߬ ߞߣߐߡߊ߬ ߞߕߌ߫ ߡߊߞߐߣߐ߲߫ ߥߛߎ ߟߊ߫، ߞߊ߬ߕߎ߲߯߸ ߊ߬ ߕߘߍ߬ ߥߛߎ ߡߍ߲ ߠߊ߫߸ ߏ߬ ߟߋ <<ߞߐ߰ߦߊ߫ ߡߌ߬ߣߊ߬ߟߌ ߣߌ߫ ߖߏ߯ߘߏ߲ ߥߛߎߖߌ߲ ߘߌ߫.>>

ߏ߬ ߘߐ߫߸ ߞߏ߫ ߞߊ߬ ߓߍ߲߬ ߊ߬ߟߎ߬ ߟߊ߫ ߓߊ߯ߙߊ ߕߊ߯ߓߟߏ ߡߊ߬ ߛߊ߫߸ ߡߊ߬ߡߙߊ߬ߟߌ ߞߍߢߊ ߡߊ߬߸ <<ߊ߬ ߟߊߕߊ߯ ߘߊ߫ ߡߊ߬ߛߊ߲߬ߕߊ߲߫ ߡߌ߬ߣߊ߬ߟߌ ߣߌ߫ ߖߏ߯ߘߏ߲ ߥߛߎߖߌ߲ ߠߊ߫ ߂߀߂߆ ߕߎߟߊߝߌ߲ ߕߟߋ߬ ߅>> ߏ߬ ߝߐ߫ ߘߊ߫ ߘߐ߬ߛߙߋ ߢߌ߲߬ ߞߣߐ߫.

ߊ߬ߟߎ߫ ߞߵߊ߬ ߔߘߋߔߘߋߟߊߕߍ߰ ߞߎߡߊ߫ ߟߊߓߊ߲߫ ߘߐ߫ ߛߊ߫߸ ߞߏ߫ ߡߐ߰ ߘߴߊ߬ ߞߙߐ߬ߛߌ߬ ߕߏ߫ ߡߍ߲ ߘߐ߫߸ ߏ߬ ߟߋ ߞߏ߫ ߊߟߑߜ߭ߊߛߌߡߎ߬ ߖߊߟߏ߫ ߦߴߊ߬ ߟߊ߫ <<ߞߕߌ߫ ߡߊߞߐߣߐ߲߫ ߥߛߎ ߟߋ߬ ߞߊ߲߬>> ߦߏ߫ ߓߌ߬ߟߊ߬ ߞߍߣߴߊ߬ ߞߐ߫ ߢߊ ߡߍ߲ ߡߊ߬.

ߛߓߍ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߗߋߕߌ߯ ߝߊ߬ߛߏ߬ߟߊ߬ߞߊ ߟߋ߬ ߓߟߏ߫߸ ߡߊߡߊߘߎ߫ ߜ߭ߊ߲ߘߏ߬ ߓߊ߸ ߂߀߂߆ ߕߎߟߊߝߌ߲ ߕߟߋ߬ ߆ ߢߌ߲߬ ߡߊ߬.