ߓߌߟߏ߲ ߢߌ߲߬ ߡߊ߬߸ ߂߀߂߆ ߕߎߟߊߝߌ߲ ߕߟߋ߬ ߁߀ ߡߊ߬߸ ߜߞߋߘߎ߯ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߫ ߞߵߊ߬ߟߎ߬ ߟߊ߫ ߘߋ߬ߙߌ߬ߣߊ߲߬ ߟߊߘߍ ߝߟߐߝߟߐ ߞߍ߫߸ ߞߵߊ߬ ߕߊ߬ ߊ߬ߟߎ߫ ߛߌ߰ߘߊ߫ ߤߊ߲߯ ߕߋ߲߬߸ ߊ߬ ߛߋ߲߬ߢߊ߬ ߝߟߐ ߟߋ߬ ߕߋ߲߬، ߒ߬ߓߊ߬߸ ߟߊ߬ߘߍ ߣߌ߲߬ ߞߐߣߐ߲ߞߌߛߍ ߟߎ߬ ߘߐ߫߸ ߡߍ߲ ߘߐߢߌߡߌ߲߫ ߘߴߊ߬ߟߎ߬ ߓߟߏ߫߸ ߊ߬ ߓߎ߲ߓߎ߲ߣߍ߲߫ ߕߍ߬ߘߍ߫ ߓߊ߯ߙߊ ߣߌ߫ ߥߙߎߞߌ ߟߋ߬ ߡߊ߬ ߜߞߋߘߎ߯ ߛߏ ߞߣߐ߫߸ ߏ߬ ߡߍ߲ ߟߊ߬ߘߍ ߞߍ߫ ߘߴߊ߬ߟߎ߬ ߓߟߏ߫ ߞߊ߬ߝߏ߬ߙߋ߲ ߘߐ߬ߞߘߌ߬ߟߌ߬ ߝߏ߮ ߞߣߐ߫.
ߟߊ߬ߘߍ ߣߌ߲߬ ߘߐ߫߸ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬߸ ߘߎ߰ߘߋ߲߬ߧߊ߬ ߛߓߍߘߐ ߘߏ߲߬ߞߏ ߟߎ߬߸ ߞߊ߬ߝߏ߬ߙߋ߲ ߠߊߞߊ߲ߘߊ ߗߋߕߌ߯ߘߊ߸ ߞߵߏ߬ ߟߊ߫ ߘߌ߲߬ߞߌߙߊ ߟߎ߬ ߡߊߛߊ߲߬ߛߊ߲ ߥߛߊ߬ߘߊ߬ߕߌ߰ ߛߋߒߞߏߟߊ ߟߎ߬ ߣߌ߫ ߝߐ߰ߓߍ߬ߦߊ߬ߟߊ ߟߎ߫ ߞߊ߲߬߸ ߏ߬ ߟߎ߬ ߓߍ߯ ߟߋ߬ ߕߘߍ߬ ߞߣߍ ߞߊ߲߬.
ߟߊ߬ߘߍ ߞߣߐߟߊ ߘߐ߫߸ ߞߎߡߊ߫ ߘߊߞߎ߲߫ ߛߌߦߊߡߊ߲߫ ߠߋ߬ ߘߐߢߌߡߌ߲߫ ߘߊ߫، ߊ߬ߟߎ߬ ߞߎߡߊ߫ ߘߊ߫ ߞߣߐߟߊ ߞߎ߬ߙߎ߲߬ߘߎ ߟߊߘߏ߲߬ ߞߏ ߞߊ߲߬ ߞߊ߬ ߓߍ߲߬ ߞߊ߬ߝߏ߬ߙߋ߲ ߟߊߕߊ߯ߡߊ߫ ߢߊ ߡߊ߬߸ ߦߏ߫ ߘߌ߲߬ߞߌߙߊ ߟߎ߫ ߛߊ߬ߙߌ߬ߦߊ߬ߛߎ߲ ߞߵߊ߬ ߝߐ߫ ߢߊ ߡߍ߲ ߡߊ߬، ߞߎߡߊ߫ ߞߍ߫ ߘߊ߫ ߥߛߊ߬ߓߊ߰ߦߊ߬ ߓߐߣߍ߲߫ ߢߐ߲߰ ߡߊ ߘߏ߫ ߟߎ߫ ߛߌ߰ ߞߏ ߡߊ߬ ߛߋ߲߬ߠߊ߫.
ߊ߬ߟߎ߬ ߞߎߡߊ߫ ߘߊ߫ ߜߞߋߘߎ߯ ߞߏߞߏ ߓߊ߯ߙߊ ߟߊߓߊ߲߫ ߞߏ ߞߊ߲߬߸ ߦߊ߬ߣߌ߫ ߖߘߍ߬ߕߌ߰ߦߊ߬ ߢߊ߯ߢߊ߮ ߦߋ߫ ߛߋ߫߸ ߏ߬ ߡߍ߲ ߞߍߕߐ߫ ߞߏ߲ߓߏߕߌ߮ ߕߋ߬ߟߋ߫ ߂ ߡߊ߬، ߏ߬ ߡߍ߲ ߠߊߥߟߌ߬ߣߍ߲߫ ߡߐ߱ ߟߎ߬ ߟߊߛߣߍ߫ ߞߏߢߌߡߊ ߡߊ߬߸ ߊ߬ ߣߴߊ߬ߟߎ߬ ߟߊ߫ ߓߊ߯ߙߊ ߟߊߓߘߍ߬ߦߊ߬ ߞߏ.
ߟߊ߬ߘߍ ߓߊ߲ ߡߍ߲ ߞߍ߫ ߘߊ߫߸ ߛߟߊߕߌ߯ ߌߖ߭ߊߞ ߟߋ߬ߟߊ߬ߣߏ߫ ߡߍ߲ ߦߋ߫ ߜߞߋߘߎ߯ ߞߊ߬ߝߏ߬ߙߋ߲߬ߕߌ߮ ߘߌ߫߸ ߏ߬ ߞߵߊ߬ ߞߊ߲ߠߊߘߌ߫ ߥߛߊ߬ߓߊ߰ߦߊ߬ ߟߊߘߊ߲ߣߍ߲ ߠߎ߬ ߡߊ߬߸ ߞߏ߫ ߓߍ߲߬ ߞߍߣߍ߲߫ ߡߙߌߦߊ ߡߍ߲ ߠߎ߬ ߡߊ߬߸ ߊ߬ߟߎ߬ ߦߴߊ߬ߟߎ߬ ߞߊߘߊ߲߫ ߞߵߏ߬ ߟߎ߬ ߓߐ߫ ߊ߬ ߛߌߟߊ ߝߍ߬، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߓߊ߯ߙߊ ߡߍ߲ ߠߎ߬ ߓߊ߯ ߘߊߡߌ߬ߣߊ߬߸ ߡߙߌߦߊ ߡߍ߲ ߠߎ߬ ߓߊ߯ ߕߊ߬߸ ߝߏ߫ ߞߊ߬ ߢߊ ߕߏ߫ ߊ߬ ߝߍ߬ ߟߋ߬.
ߟߊ߬ߘߍ߬ ߝߟߐ ߣߌ߲߬ ߞߍ߫ ߘߊ߫ ߜߞߋߘߎ߯ ߞߊ߬ߝߏ߬ߙߋ߲ ߓߟߏ߫ ߞߎߡߊ߫ ߕߣߐ߬ߡߊ߬ ߛߌߦߊߡߊ߲߫ ߠߋ߬ ߞߊ߲߬߸ ߞߵߊ߬ߟߎ߬ ߟߊ߫ ߛߏ ߡߊ߬ߙߊ ߞߍߢߊ ߟߎ߬ ߢߊߝߐ߫߸ ߞߊ߬ ߓߍ߲߬ ߜߞߋߘߎ߯ߞߊ ߤߊߡߌߣߊ߲ ߠߎ߬ ߓߐ ߡߊ߬ ߜߍߟߊ߫.
