ߛߌ߯ߙߌ߲߫ ߣߌ߫ ߞߐߣߊߞߙߌ߫ ߟߋ߬ ߞߊ߬ ߢߐ߲߯ߓߍ߲߬ ߟߌߞߑߘߋ ߘߐ߫ ߣߴߊ߬ ߦߋ߫ ߛߊ߲ߓߌߦߐ߲ߠߊ ߘߌ߫߸ ߏ߬ ߞߍ߫ ߘߊ߫ ߜߏ߬ߙߏ߲߬ߜߊߙߊ߲ ߠߋ߬ ߘߌ߫ ߞߊ߬ ߛߴߊ߬ ߘߊ߲߭ ߠߊ߫߸ ߓߌ߬ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߀ ߢߌ߲߬ ߡߊ߬߸ ߛߌ߯ߙߌ߲߫ ߞߍߙߍ߲ߘߊ ߡߍ߲ ߕߐ߯ ߞߏ߫ ߊ-ߍߛ ߞߐ߬ߟߐ߲߬ߓߊ߬ߘߊ߸ ߏ߬ ߣߌ߫ ߞߐߣߊߞߙߌߞߊ ߟߎ߬ ߟߊ߫ ߞߍߙߍ߲ߘߊ ߡߍ߲ ߕߐ߯ ߞߏ߫ ߍߝ-ߛߋ ߛߋߜ߭ߊ߲ߛ߸ ߏ߬ ߟߎ߫ ߟߋ߬ ߞߊ߬ ߢߐ߲߮ ߓߍ߲߬ ߞߊ߲ߞߊ߲߫ ߞߣߍߓߊ ߞߊ߲߬ ߓߌ߬߸ ߣߌ߲߬ ߞߍ߫ ߘߊ߫ ߜߏ߬ߙߏ߲߬ߜߊߙߊ߲ ߠߋ߬ ߘߌ߫߸ ߞߊ߬ߕߎ߲߯߸ ߕߏ߬ߟߊ߲ ߜߊ߬ ߘߊ߫ ߟߋ߬، ߓߊߏ߬߸ ߞߐߣߊߞߙߌ߫ ߛߋ߫ ߘߊ߫ ߞߊ߬ ߕߎ߬ ߄ ߠߋ߬ ߘߏ߲߬ ߛߌ߯ߙߌ߲߫ ߠߊ߫߸ ߞߐߣߊߞߙߌ߫ ߊ߬ߟߋ ߟߋ߬ ߝߟߐ߫ ߞߊ߬ ߖߐ߭ ߟߞߊߘߌ߫߸ ߏ߬ ߞߍ߫ ߘߊ߫ ߕߏ߬ߟߊ߲ ߘߊߡߌߣߊ ߟߋ߬ ߟߊ߫߸ ߊ߬ߟߎ߬ ߟߊ߫ ߝߙߍߕߍ߫ ߇، ߏ߬ ߟߋ߬ ߞߊ߬ ߛߌ߯ߙߌ߲ߞߊ ߟߎ߬ ߟߊ߫ ߖߐ߭ ߟߞߊߘߌ߫.
ߊ߬ ߕߐ߬ ߕߎ߬ ߃، ߏ߬ ߘߏ߲߬ ߘߊ߫ ߢߐ߲ߢߐ߲ߠߌ߲ ߞߐ ߟߋ߬ ߘߐ߫ ߊ߬ߟߎ߬ ߓߟߏ߫߸ ߒ߬ߓߊ߬߸ ߊ-ߍߛ ߞߐ߬ߟߐ߲߬ߓߊ߬ߘߊ ߞߵߊ߬ ߥߊߛߊ߲߫ ߘߊߡߌ߬ߣߊ߫ ߏ߬ ߟߋ߬ ߘߐ߫߸ ߓߊ߬ߙߌ߫߸ ߊ߬ ߡߊ߫ ߓߍ߲߬߸ ߝߏ߫ ߕߏ߬ߟߊ߲ ߞߎ߲߭ߝߊ߰ ߕߎߡߊ ߟߋ߬ ߟߊ߫߸ ߊ߬ߟߎ߬ ߛߋ߫ ߘߊ߫ ߍߝ-ߛߋ߫ ߛߋߜ߭ߊ߲ߛ ߟߊ߫ ߖߐ߭ ߟߞߊߘߌ߫ ߟߊ߫߸ ߏ߬ ߡߊ߫ ߡߍ߲߫ ߊ߬ߟߎ߬ ߕߊ߯ ߘߊ߫ ߝߌߟߊߣߊ߲ ߝߣߊ߫ ߘߏ߲߬߸ ߊ߲ ߛߋ߫ ߘߊ߫ ߊ-ߍߛ ߞߐ߬ߟߐ߲߬ߓߊ߬ߘߊ ߘߙߋߕߍߙ ߛߌߔߐߙ ߕߌߝ ߡߊߛߐ߬ߘߐ߲߬ ߠߊ߫߸ ߖߐ߲߰ߛߴߊ߬ߟߋ ߘߌ߫ ߛߋ߫ ߘߏ߫ ߝߐ߫ ߟߴߊ߲ ߧߋ߫ ߕߏ߬ߟߊ߲ ߕߊ߬ߡߌ߲߬ߢߊ ߞߊ߲߬߸ ߣߴߊ߬ ߦߋ߫ ߗߍ߬ߡߐ߮ ߞߐ߲ߘߍ߫ ߘߌ߫߸ ߊ߬ߟߋ ߞߵߊ߬ ߦߌ߬ߘߊ߬ ߞߏ߫.
<<ߕߏ߬ߟߊ߲ ߜߟߍ߬ߦߊ߬ ߘߊ߫߸ ߘߋ߲ߣߍ߲ ߠߎ߬ ߞߵߊ߬ ߘߊߡߌ߬ߣߊ߬ ߞߏߢߊ߬߸ ߕߏߟߏ߲ ߛߋ߫ ߘߴߊ߬ ߕߍߡߊ߬߸ ߊ߬ ߘߌߦߊ߫ ߘߴߊ߬ߟߎ߬ ߓߟߏ߫߸ ߊ߬ߟߎ߫ ߞߊ߬ ߕߎ߬ ߄ ߕߊ߬߸ ߏ߬ ߞߐ߫߸ ߊ߬ߟߎ߫ ߞߊ߬ ߝߌ߬ߟߊ߬ ߓߐ߫ ߊ߬ ߟߊ߫߸ ߊ߲ ߞߏ߬ߣߌ߲ ߟߊߣߍ߲߫ ߘߋ߲ߣߍ߲ ߠߎ߬ ߟߊ߫߸ ߊ߬ ߛߌߦߊߡߊ߲ ߘߐ߫߸ ߡߍ߲ ߠߎ߬ ߕߌߢߍߣߍ߲߫߸ ߊ߲ ߘߌ߫ ߏ߬ ߟߎ߬ ߘߊߘߐߓߍ߲߬߸ ߣߴߊߟߊ߫ ߛߐ߲߬ ߘߊ߫߸ ߊ߲ ߘߌߣߊ߬ ߛߋ߲߬ߧߊ߫ ߜߘߍ߫ ߝߊ߲߬ߞߊ ߟߊ߫>> ߊ߬ ߞߵߏ߬ ߦߌߘߊߞߊ߬߸ ߊ߬ߟߎ ߞߏ߬ߣߌ߲ ߠߊ߫ ߝߙߍߕߍ߫ ߁߁ ߠߋ߬ ߞߍ߫ ߘߊ߫ ߕߎ߬ߙߎ߫ ߘߌ߫ ߞߵߊ߬ߟߎ߬ ߡߊߘߍ߬ߡߍ߲߫ ߕߏ߬ߟߊ߲ ߓߊ߲ߕߐߟߊ ߏ߬ ߡߍ߲ ߟߊߘߏ߲߬ ߘߴߊ߬ߟߎ߬ ߓߟߏ߫ ߞߐߟߊ߬ ߞߊ߬ߣߌ߲߬߸ ߞߊ߬ߕߎ߲߯߸ ߏ߬ ߘߏ߲߭ ߞߐ ߟߋ߬ ߘߐ߫߸ ߊ߬ߟߎ߬ ߛߋ߫ ߘߊ߫ ߕߎ߬ ߞߋߟߋ߲߫ ߡߊߛߐ߬ߘߐ߲߬ ߠߊ߫߸ ߕߍߟߊ߫ ߛߌߦߊߡߊ߲߫ ߡߊ߫ ߘߏ߲߬ ߏ߬ ߟߎ߬ ߣߌ߫ ߢߐ߲߯ ߕߍ߫.
ߝߙߍߕߍ߫ ߁߁ ߏ߬ ߣߊ߬ ߘߊ߫ ߝߌߟߊߣߊ߲ ߘߏ߲߬߸ ߊ߬ ߞߵߊ߬ ߦߌ߬ߘߊ߬ ߏ߬ ߘߐ߫߸ ߞߏ߫ <<ߊ߲ߕߙߏߣߍߙ ߣߌ߫ ߡߙߐߘߐ߫ ߡߍ߲ ߦߋ߫ ߣߊ߬ ߟߊ߫߸ ߏ߬ ߛߌߦߊߡߊ߲ ߕߍ߫ ߟߊߓߊ߲߫ ߠߊ߫߸ ߒ߬ߓߊ߬߸ ߌ ߓߴߊ߬ ߦߋ߫ ߡߊߛ-ߔߙߋߔߙߊߛߌߦߐ߲ ߘߐ߫߸ ߌ ߟߊߣߍ߲߫ ߡߍ߲ ߠߊ߫߸ ߦߴߏ߬ ߟߋ߬ ߝߟߐ߫ ߟߊߕߏߟߏ߲߫ ߟߊ߫߸ ߕߏߟߏ߲ߠߊ ߞߊ߫ ߛߌߦߊ߫߸ ߃߀ ߣߌ߫ ߞߐ߫ ߟߋ߬߸ ߊ߬ ߕߍ߫ ߦߴߏ߬ ߓߍ߯ ߕߍ߫ ߝߋ߲߫ ߘߌ߫߸ ߊ߬ ߓߊ߯ ߜߊ߬ ߢߊ߫ ߛߌ߫ ߡߊ߬߸ ߝߏ߫ ߌ ߦߋ߫ ߁߈ ߠߋ߬ ߕߊ߬߸ ߣߌ߫ ߁߈ ߕߊ߬ ߘߊ߫߸ ߌ ߦߋ߫ ߁߁ ߠߋ߬ ߕߊ߬ ߟߊ߫߸ ߁߁ ߏ߬ ߘߐ߫߸ ߌ ߟߊߣߍ߲߫ ߡߍ߲ ߠߊ߫ ߦߴߏ߬ ߟߋ߬ ߟߊߕߏߟߏ߲߫ ߠߊ߫، ߏ߬ ߘߐ߫߸ ߘߏ߫ ߟߎ߫ ߘߌ߫ ߝߏ߫ ߊ߬ߟߎ߫ ߟߐ߬ߦߙߐ ߟߊ߫߸ ߝߏ߫ ߘߏ߫ ߟߎ߫ ߖߍ߬ߘߍ ߘߌ߫߸ ߊ߬ߟߎ߫ ߟߐ߬ߦߙߐ ߞߊ߲ߠߊߓߌ߬ߟߊ߬>> ߊ߬ ߞߵߏ߬ ߟߋ߬ ߝߐ߫߸ ߏ߬ ߘߐ߫ ߕߏ߬ߟߊ߲ ߣߌ߲߬ ߟߊߓߊ߲߫ ߘߊ߫ ߡߍ߲ ߡߊ߬߸ ߏ߬ ߟߋ߬ ߞߍ߫ ߘߊ߫ ߞߐߣߊߞߙߌߞߊ ߟߎ߬ ߍߝ-ߛߋ߫ ߛߋߜ߭ߊ߲ߛ ߛߎߘߊ߲߫ ߘߌ߫ ߕߎ߬ ߄/߂ ߞߊ߲߬߸ ߊ-ߍߛ ߞߐ߬ߟߐ߲߬ߓߊ߬ߘߊ ߟߊ߫.
