ߕߊ ߟߋ߬ ߓߐߣߍ߲߫ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߝߎ߲ߞߎ߲ ߞߣߐ߫߸ ߞߊ߬ ߓߐ߬ߣߐ ߟߊߛߴߊ߬ ߡߊ߬߸ ߓߌ߬ ߞߎߣߎ߲ߟߏ߲ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߃، ߕߊ ߟߋ߬ ߥߟߌ߬ ߘߊ߫ ߝߎ߲ߞߎ߲ ߢߌ߲߬ ߠߊ߫߸ ߞߊ߬ ߝߎ߲ߞߎ߲߫ ߞߣߐߝߋ߲ ߝߊ߲߬ߞߋߟߋ߲ ߖߋ߬ߣߌ߲߫߸ ߕߊߓߐ ߣߌ߲߬ ߞߎ߲߭ ߞߍߣߍ߲߫ ߛߌ߬ߞߙߍ߬ߕߌ߫ ߟߊߡߍߣߍ߲ ߠߋ߬ ߘߌ߫߸ ߊ߲ ߛߋ߫ ߘߊ߫ ߞߏߕߐ ߘߊߘߐߢߌ߬ߣߌ߲߬ߞߊ߬ ߟߊ߫ ߞߏ ߕߊ߬ߡߌ߲߬ߢߊ ߡߊ߬߸ ߊ߬ ߟߊ߫ ߞߎߡߊ߫ ߘߐ߫߸ ߊ߬ ߞߊ߲߫ ߞߏ߫ <<ߗߍ߬ߓߊ߬ߟߋ߲߬ߣߍ߲߫ ߘߏ߫ ߟߋ߬ ߦߋ߫ ߟߊߛߌ߰ ߟߊ߫ ߒ ߞߐ߫ ߝߎ߲ߞߎ߲ ߠߊ߫߸ ߞߊ߲ߓߋߙߋ߲߫ ߞߘߐ ߘߏ߫ ߟߋ߬ ߦߋ߫ ߥߊ߫ ߟߊ߫ ߦߋ߲߬߸ ߊ߬ ߛߌ߭ ߓߘߊ߫ ߛߊ߲߬ ߂߆ ߓߐ߫߸ ߊ߬ ߕߍ߫ ߘߎߢߊߘߐߕߍ߮ ߓߊ߯ߙߊ߫ ߝߏߦߌ߬ ߟߊ߫ (...) ߊ߬ ߥߊߣߍ߲߫ ߛߌ߬ߞߙߍ߬ߕߌ ߟߋ߬ ߘߌ߫ ߟߊ߫ ߏ߬ ߡߊ߬߸ ߞߵߊ߬ ߦߴߊ߬ ߟߊߡߍߣߍ߲߫߸ ߏ߬ ߛߊ߲߬ ߇ ߟߋ߬ ߕߋ߲߬، ߏ߬ ߥߊߣߍ߲ ߛߌ߬ߞߙߍ߬ߕߌ ߟߊߡߍߣߍ߲߫ ߠߊ߫ ߓߏ߲ ߞߣߐ߫ ߦߋ߲߬߸ ߞߊ߬ ߕߊ ߓߐ߫ ߊ߬ ߓߟߏ߫߸ ߓߊߏ߬߸ ߕߊߞߟߊ ߦߋ߫ ߕߋ߬ߓߊߟ ߞߊ߲߬ ߦߋ߲߬>>.
ߊ߬ ߞߵߏ߬ ߟߋ߬ ߝߐ߫߸ ߗߍ߭ ߟߊ߫ ߞߎߡߊ߫ ߘߐ߫ ߊ߲ ߧߋ߫߸ ߡߣߊߡߊ߫ ߝߋ߲ ߡߍ߲ ߠߎ߬ ߕߍ߬ߘߍ߫ ߦߋ߲߬߸ ߏ߬ ߟߎ߫ ߖߋ߬ߣߌ߲߬ ߘߊ߫ ߟߋ߬߸ ߕߊ ߞߏ߬ߣߌ߲ ߡߊ߫ ߓߐ߫ ߊ߬ߟߋ ߢߣߊ߫ ߦߋ߲߬߸ ߛߌ߰ߢߐ߲߮ ߠߎ߬ ߟߋ߬ ߣߐ߬ ߊ߬ߟߋ ߞߟߌ߫ ߟߊ߫ ߞߵߊ߬ ߟߊߓߐ߫ ߕߌߢߍߟߌ ߞߊ߬ߟߊߡߊ߬߸ ߞߏ߫ <<ߕߊ ߓߘߊ߫ ߓߐ߫ ߊ߬ ߟߊ߫ ߝߎ߲ߞߎ߲ ߞߣߐ߫>> ߒ߬ߓߊ߬߸ ߏ߬ ߟߋ߬ ߞߍߣߍ߲߫ ߊ߬ߟߋ ߣߊ߬ߢߊ ߘߌ߫߸ ߛߌ߰ߢߐ߲߮ ߠߎ߬ ߞߏ߬ߣߌ߲ ߞߊ߬ ߕߊ ߟߊߛߊ߬ ߟߋ߬ ߦߊ߬ߣߌ߫ ߊ߬ߟߋ ߦߋ߫ ߛߋ߫ ߦߋ߲߬߸ ߕߊ ߣߌ߲߬ ߞߏ߬ߣߌ߲ ߞߊ߬ ߕߊߟߛߊ ߘߏ߫ ߓߟߏ ߡߊߓߙߏ߬ߓߙߏ߫ ߟߋ߬، ߊ߬ ߣߌ߫ ߘߋ߲ߣߍ߲ ߡߍ߲ ߥߊߣߍ߲߫ ߕߘߍ߬ ߦߋ߫ ߛߌ߬ߞߙߍ߬ߕߌ ߟߊߡߍߣߍ߲߫ ߞߊ߲ߡߊ߬߸ ߊ߬ ߞߊ߬ ߏ߬ ߝߣߊ߫ ߓߟߏ ߡߊߓߙߏ߬ߓߙߏ߫߸ ߡߐ߰ ߞߏ߬ߣߌ߲߬ ߡߊ߫ ߕߏ߫ ߊ߬ ߘߐ߫.
