ߕߋ߰ߙߋ ߟߎ߫ ߣߐ߬ ߓߋ߬ߒ߬ߞߊ߲߬ߠߌ߲߫ ߠߋ߬ ߞߍ߫ ߟߊ߫߸ ߊ߬ߟߎ߫ ߓߋ߬ߣߍ߲߫ ߘߎ߰ߞߎߟߎ߲ ߠߋ߬ ߞߊ߲߬߸ ߡߐ߱ ߟߎ߫ ߕߘߍ߬ ߡߍ߲ ߞߣߐ߫ ߞߊ߬ ߥߊ߫ ߝߌ߬ߢߊ ߺ ߟߊ߫، ߊ߬ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߏ߬ ߟߋ ߞߍߣߍ߲߫ ߛߊߓߎ߫ ߘߌ߫ ߞߊ߬ ߡߊ߱ߘߎ߬ ߛߘߌ߬ߓߋ߫ ߓߐ߬ߣߐ߫ ߊ߬ ߣߌ ߘߐ߫߸ ߏ߬ ߦߋ߫ ߛߣߍ߬ߞߍ߬ߟߊ߫ ߛߊ߲߭ ߂߈ ߠߋ߬ ߘߌ߫߸ ߞߊ߬ ߓߙߋߡߊ߬ ߖߊ߬ߞߌ߬ߕߋ߬ ߝߣߊ߫ ߖߐߞߌ߫߸ ߏ߬ ߛߊ߲߬ ߆߃ ߟߋ߬ ߕߋ߲߬، ߏ߬ ߟߋ ߞߐߝߍ߬߸ ߊ߬ߟߋ߬ ߓߋ߬ߒ߬ߞߊ߲߬ߠߌ߲߬ ߜߘߍ߫ ߝߣߊ߫ ߞߍ߫ ߘߊ߫ ߡߙߎ߬ߓߊ ߟߊ߫ ߓߎߞߊߙߌ߫߸ ߞߊ߬ ߡߐ߰ ߞߋߟߋ߲߫ ߡߊߘߌߡߌ߲߫ ߦߋ߲߬، ߞߏ߲߬ߓߏ ߊߓߋ߬ߛߋ ߡߍ߲ ߦߋ߫ ߓߟߏߡߊߘߍߡߍ߲ߠߊ߫ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߘߐ߬ߓߛߏ߬ߟߌ߬ ߘߊ߲ߘߊߟߌ ߘߌ߲߬ߞߌߙߊ ߘߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߕߋ߰ߙߋ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߢߌ߲߬ ߓߍ߯ ߞߍ߫ ߘߊ߫ ߛߎ ߟߋ߬ ߘߐ߫.

 ߞߊ߬ߕߎ߲߯߸ ߘߊ߲ߘߊߟߌߟߊ ߟߎ߬ ߟߊ߫ ߟߌ߬ߤߟߊ߬ ߢߊߝߐߣߍ߲ ߘߐ߫߸ ߞߐ߲߬ߛߏ ߢߌ߲߬ ߞߣߐ߫ ߡߐ߮ ߟߎ߬ ߓߕߐ߫ ߕߘߍ߬ ߛߌ߯ߙߌ߲߫ ߠߋ߬߸ ߡߐ߰ ߣߊ߯ߣߌ߲߫ ߥߊ߫ ߘߊ߫ ߛߌߟߊ ߕߍ߰ ߘߎ߰ߞߎߟߎ߲ ߘߏ߫ ߢߍ߫ ߓߍ߲߬ߕߍ ߘߐ߫ ߦߋ߲߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߟߐ߬.

ߘߊ߲ߘߊߟߌߟߊ ߞߵߊ߬ ߦߌ߬ߘߊ߬ ߞߏ߫: <<ߞߎߡߊ߫ ߓߟߏ ߡߊ߬߸ ߡߐ߰ ߛߊ߬ߓߊ ߕߍ߬ߘߍ߫ ߛߏ߬ߙߊ߬ߛߌ߬ ߝߊ߯ߣߌ߲ ߠߋ߬ ߘߐ߫߸ ߛߊ߬ߓߊ ߕߎ߲߬ ߦߋ߫ ߡߊ߬ߙߌ߬ߝߊ߬ ߕߌ߮ ߟߋ߬ ߘߌ߫߸ ߞߋߟߋ߲ ߠߋ߬ ߕߘߍ߬ ߣߊ߲߬ߒ߬ߕߊ߲߬ ߝߊ߯ߣߌ߲ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߌߞߏߡߌ߲߬ ߕߋ߰ߙߋ ߟߎ߫ ߞߵߊ߬ ߝߐ߫ ߞߏ߫ ߟߊ߬ߓߏ߬ߙߟߌ߬ߟߊ ߦߴߊ߬ ߟߐ߬߸ ߊ߬ ߡߊ߫ ߛߐ߲߬، ߕߋ߰ߙߋ ߟߎ߬ ߞߍߢߊ ߟߵߏ߬ ߘߌ߫ ߞߊ߬ ߡߎ߮ ߟߊߥߟߌ߬߸ ߝߏ߫ ߟߊ߬ߓߏ߬ߙߟߌ߬ߟߊ ߞߵߊ߬ ߓߏ߬ߙߌ߬߸ ߞߊ߬ ߘߎ߰ߞߎߟߎ߲ ߕߏ߫ ߊ߬ ߞߐ߫.

ߓߋ߬ߒ߬ߞߊ߲߬ߠߌ߲ ߝߌ߬ߟߊ ߟߋ߬ ߞߍ߫ ߘߊ߫ ߢߐ߲߯ ߞߐ߫ ߞߎߣߎ߲߬ ߞߐ߬ߓߏ߲ ߂߀߂߆ ߞߏ߲ߓߌߕߌ߯ ߕߟߋ߬ ߁߃، ߡߊ߬ ߛߌ߯ߙߌ߲߫ ߡߙߊ ߘߐ߫߸ ߓߋ߬ߒ߬ߞߊ߲߬ߠߌ߲߬ߠߊ߫ ߡߐ߰ ߣߊ߯ߣߌ߲߫߸ ߛߊ߬ߓߊ߫ ߕߘߍ߬ ߦߋ߫ ߣߊ߲߬ߕߌ߮ ߟߎ߬ ߟߊ߫ ߕߏ߲ߕߊߟߊ߲ ߘߐ߫߸ ߊ߬ ߕߐ߬ ߞߋߟߋ߲߫ ߕߘߍ߬ ߦߋ߫ ߣߊ߬ߒ߬ߕߊ߲߬ ߝߊ߯ߣߌ߲ ߘߐ߫߸ ߡߍ߲ ߠߎ߬ ߕߍ߬ߘߍ߫ ߦߋ߫ ߣߊ߲߬ߕߌ߰ ߝߊ߯ߣߌ߲ ߘߐ߫ ߏ߬ߘߌ߫߸ ߊ߬ ߞߍߣߍ߲߫ ߦߏ߫ ߡߊ߬ߙߌ߬ߝߊ߬ ߕߌ߮ ߟߋ߬ ߏ߬ ߟߎ߬ ߘߌ߫، ߞߋߟߋ߲ ߡߊ߬ߙߌ߬ߝߊ ߕߘߍ߬ ߕߍ߫ ߏ߬ ߓߟߏ߫߸ ߏ߬ ߟߋ߬ ߕߘߍ߬ ߦߋ߫ ߡߐ߱ ߟߎ߬ ߟߊ߫ ߝߋ߲ ߠߎ߬ ߖߎ߯ߖߎ߯ ߟߊ߫، ߊ߬ ߝߐߣߍ߲߫ ߠߋ߬ ߞߏ߫ ߊ߬ߟߎ߬ ߦߴߊ߬ߟߎ߫ ߟߐ߬߸ ߌߞߏߡߌ߲߬ ߟߊ߬ߓߏ߬ߙߌ߬ߟߊ ߡߊ߫ ߛߐ߲߬ ߊ߬ ߟߐ߬ ߟߊ߫߸ ߏ߬ ߟߋ߬ ߞߍ߫ ߘߊ߫ ߡߎ߯ ߕߋ ߘߌ߫ ߊ߬ߟߎ߫ ߓߟߏ߫ ߞߐ߲߬ߛߏ ߟߊ߫، ߟߊ߬ߓߏ߬ߙߌ߬ߟߊ ߝߣߊ߫ ߞߊ߬ ߏ߬ ߟߋ߬ ߞߍ߫ ߞߐ߲߬ߛߏ ߟߊߟߐ߬ ߢߊ ߘߌ߫߸ ߞߊ߬ ߓߐ߫ ߘߊ߫ ߜߘߍ߫ ߝߍ߬߸ ߡߎ߯ߕߋ ߏ߬ ߞߏߛߐ߲߬߸ ߡߐ߰ ߝߌߟߊ ߟߋ߬ ߣߐ߬ ߡߊ߲߬ߕߙߐ ߡߊߛߐ߬ߘߐ߲߬ ߠߊ߫߸ ߓߊߏ߬߸ ߞߌ߬ߛߍ ߛߋ߫ ߘߊ߫ ߟߋ߬ ߏ߬ ߟߎ߫ ߡߊ߬߸ ߏ߬ ߡߐ߰ ߝߟߐ ߦߋ߫ ߡߊ߱ߘߎ߬ ߛߘߌ߬ߓߋ߫ ߘߌ߫߸ ߏ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߂߈ ߖߊ߬ߕߋ߫ ߟߋ߬ ߘߐ߫߸ ߡߏ߬ߛߏ߫ ߝߌ߬ߟߊ߫ ߟߋ߬ ߕߘߍ߬ ߦߵߊ߬ ߞߎ߲߬߸ ߘߋ߲߫ ߇، ߡߍ߲ ߕߍ߬ߘߍ߫ ߊ߬ ߓߟߏ߫߸ ߊ߬ߟߋ ߖߐߞߌ߫ ߞߏߖߎ߯ߦߊ ߡߊ߬߸ ߊ߬ ߡߊ߫ ߛߴߊ߬ ߟߊ߫ ߖߐߞߟߌߘߊ ߟߊߥߟߌ߬ ߟߊ߫߸ ߊ߬ ߛߊ߬ ߘߊ߫ ߟߋ߬ ߓߋ߬ߒ߬ߞߊ߲߬ߠߌ߲߬ ߘߊߞߎ߲ ߘߐ߫ ߦߋ߲߬ ߌߞߘߐ߫߸ ߞߊ߬ߕߎ߲߯߸ ߞߌ߬ߛߍ ߣߐ߬ ߊ߬ߟߋ ߡߌ߬ߣߊ߬ ߟߊ߫ ߊ߬ ߛߌߛߌ ߝߊ߲߭ ߠߋ߬ ߝߍ߬، ߊ߬ ߡߐ߰ ߝߌߟߊߣߊ߲ ߞߍ߫ ߘߊ߫ ߓߙߋߡߊ߬ ߖߊ߬ߞߌ߬ߕߋ߫ ߟߋ߬ ߘߌ߫߸ ߏ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߆߃ ߖߊ߬ߕߋ߫ ߘߐ߫، ߡߏ߬ߛߏ߫ ߝߌ߬ߟߊ߫ ߟߋ߬ ߕߍ߬ߘߍ߫ ߏ߬ ߝߣߊ߫ ߞߎ߲߬߸ ߘߋ߲߫ ߁߀، ߏ߬ ߕߘߍ߬ ߦߴߊ߬ ߓߟߏ߫߸ ߞߌ߬ߛߍ ߣߐ߬ ߊ߬ߟߋ ߝߣߊ߫ ߡߌ߬ߣߊ߬ ߟߴߊ߬ ߛߌߛߌ ߟߋ߬ ߘߐ߫ ߞߵߊ߬ ߟߊߓߐ߫ ߊ߬ ߞߐ ߘߐ߫، ߊ߬ߟߋ ߕߊ߬ ߘߊ߫ ߟߋ߬ ߞߊߟߌߦߊ߫ ߓߟߏߡߊ߬ ߞߊ߬ ߛߌ߯ߙߌ߲߫ ߘߊ߲ߘߊߛߏߓߊ ߡߊߜߍ߲߫، ߞߏ߫ ߞߏ߬ߣߌ߲ ߕߍ߫ ߊ߬ߟߋ ߟߊ߫ ߥߊ߯ߕߌ߫ ߢߌ߲߬ ߠߊ߫߸ ߊ߬ ߦߋ߫ ߘߊ߲ߘߊߟߌ ߘߊߞߘߐ߫ ߦߋ߲߬، ߓߋ߬ߒ߬ߞߊ߲߬ߠߌ߲ ߞߎ߲߬ߝߟߐ ߣߌ߲߬ ߞߍ߫ ߘߊ߫ ߝߌ߲߬ߢߊ-ߟߊ߫ ߟߋ߬߸ ߊ߲ ߠߊ߫ ߟߌ߬ߤߟߊ ߛߐ߬ߘߐ߲߬ߣߍ߲߫ ߠߎ߬ ߘߐ߫߸ ߊ߬ߟߎ߫ ߕߘߍ߬ ߦߋ߫ ߞߐ߲߬ߛߏ ߟߋ߬ ߞߣߐ߫߸ ߊ߬ߟߎ߬ ߛߋ߫ ߥߊ߯ߕߌ ߊ߬ߟߎ߬ ߟߊ߫ ߛߏ ߟߊ߫ ߛߊ߫߸ ߣߴߌ ߓߐ߫ ߘߊ߫ ߞߌ߲߬ߕߌ߲߬ߢߊ߫߸ ߞߵߊ߬ ߝߐ߫ ߞߏ߫ ߌ ߥߊߕߐ߫ ߝߊߙߊ߲ߥߊߟߋߦߊ߫ ߡߊ߬߸ ߞߊߙߌߝߙߎߓߊ ߡߍ߲ ߦߋ߫ ߏ߬ߘߌ߫߸ ߓߋ߬ߒ߬ߞߊ߲߬ߠߌ߲ ߣߌ߲߬ ߞߍ߫ ߘߊ߫ ߏ߬ ߡߊߛߎ߬ߘߎ߲߬ߧߊ ߟߋ߬ ߘߐ߫.


ߓߋ߬ߒ߬ߞߊ߲߬ߠߌ߲ ߝߌߟߊߣߊ߲ ߞߍ߫ ߘߊ߫ ߀ ߕߎߡߊ ߣߌ߫ ߁ ߕߎߡߊ ߕߍߟߊ ߟߋ߬ ߘߐ߫߸ ߏ߬ ߝߣߊ߫ ߞߍ߫ ߘߊ߫ ߓߎߞߊߙߌߦߊ߫ ߟߋ߬߸ ߡߐ߱ ߘߏ߫ ߟߋ߬ ߓߕߐߟߊ ߕߘߍ߬ ߦߋ߫ ߛߎ߫ ߘߐ߫ ߓߊ߯ߙߊ߫ ߦߙߐ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߴߊ߬ߟߎ߫ ߘߍ߬ߢߐ߲߮ ߘߏ߫ ߟߎ߫ ߡߊߞߐ߬ߣߐ߲ ߞߊ߲߬ ߛߌߟߊ ߟߊ߫߸ ߊ߬ߟߎ߫ ߞߊ߬ ߡߎ߲߬ ߠߋ߬ ߦߋ߫߸ ߊ߬ߟߎ߫ ߞߵߊ߬ ߦߋ߫ ߡߐ߱ ߘߏ߫ ߟߎ߫ ߓߘߊ߫ ߣߵߊ߬ߟߎ߫ ߛߐ߬ߘߐ߲߬߸ ߡߍ߲ ߠߎ߬ ߣߌ߫ ߡߙߎ߬ߓߊ ߦߴߊ߬ ߘߌ߫߸ ߡߊ߬ߙߌ߬ߝߊ ߞߏ߬ߣߌ߲ ߕߘߍ߬ ߕߴߊ߬ߟߎ߬ ߓߟߏ߫، ߊ߬ߟߎ߬ ߢߊ ߡߊߕߎ߲߯ߣߍ߲ ߠߋ߬ ߕߘߍ߬ ߦߋ߫߸ ߊߟߎ߫ ߞߊ߬ ߡߙߎ߬ߓߊ ߕߊ߭ ߟߋ߬ ߞߵߊ߬ ߝߐ߫ ߏ߬ ߟߎ߫ ߢߣߊ߫߸ ߞߏ߫ <<ߊߟߎ߫ ߦߋ߫ ߡߕߏ ߓߌ߬ߟߊ߬>> ߟߐ߬ߓߊ߰ߕߐ ߘߏ߫ ߜߊߘߊ߲ߣߍ߲ ߠߋ߬ ߕߏ߫ ߘߴߊ߬ ߣߐ߭ ߘߐ߫߸ ߊ߬ ߡߊ߫ ߛߴߊ߬ ߖߘߍ߬ ߢߌߣߌ߲߫ ߠߊ߫߸ ߡߙߎ߬ߓߊ ߟߊߦߍ߬ߟߍ ߞߏ߫ ߊ߬ ߦߴߊ߬ ߟߊߖߌ߰ ߟߴߊ߬ ߘߐ߫߸ ߏ߬ ߟߋ߬ ߞߍ߫ ߘߴߊ߬ߟߋ ߓߟߏ ߟߐ߬ ߢߊ ߘߌ߫ ߡߎ߬ߙߎ ߢߍ߫߸ ߡߙߎ߬ߓߊ ߣߴߊ߬ ߘߊ߫ ߖߌ߰ ߊ߬ ߓߟߏ ߘߐ߫، ߏ߬ ߟߋ߬ ߞߍ߫ ߘߴߊ߬ߟߋ ߓߋ߬ ߢߊ ߘߌ߫߸ ߊ߬ ߞߵߊ߬ ߦߋ߫ ߖߋ߬ߟߌ ߦߋ߫ ߓߐ߫ ߟߴߊ߬ ߡߊ߬، ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߞߵߊ߬ ߟߊ߫ ߡߕߏ ߕߊ߬ ߞߊ߬ ߥߴߊ߬ ߘߌ߫߸ ߡߙߎ߬ߓߊ ߣߐ߬ ߡߍ߲ ߓߟߏ ߘߐߕߍ߰ߕߍ߰ ߟߊ߫߸ ߊ߬ߟߋ ߕߐ߯ ߦߋ߫ ߛߌߘߌ߬ ߝߏߝߣߊ߫ ߘߌ߫߸ ߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߄߁ ߖߊ߬ߕߋ߫ ߘߐ߫، ߡߏ߬ߛߏ߫ ߞߋߟߋ߲߫ ߦߴߊ߬ ߓߟߏ߫߸ ߘߋ߲ ߛߓߊ߬ ߝߣߊ߫߸ ߡߍ߲ ߦߴߊ߬ ߓߟߏ߫، ߊ߬ߟߋ ߝߣߊ߫ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫ ߘߊ߲ߘߊߟߌ ߞߎ߲߬ߝߟߐ ߟߎ߬ ߞߍ߫ ߞߊ߲ߡߊ߬߸ ߊ߬ ߓߘߊ߫ ߕߊ߯ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫ ߥߊ߯ߕߌ߫ ߢߌ߲߬ ߠߊ߫߸ ߡߍ߲ ߠߎ߬ ߦߋ߫ ߞߟߏߞߏ ߞߎ߲߬ߠߊ߫ ߦߋ߲߬߸ ߊ߬ ߟߊߥߊ߫ ߘߊ߫ ߏ߬ ߟߎ߫ ߡߊ߬