ߊ߬ ߓߘߊ߫ ߞߍ߫ ߞߏ߫ ߟߊߕߍ߰ߣߍ߲ ߘߌ߫ ߛߍߣߍ߲߬ ߝߛߊߦߌ߫، ߖߌ߬ߣߍ߫ ߖߡߊ߬ߣߊ ߝߣߊ߫ ߓߘߊ߫ ߣߊ߲߬ߕߌ߮ ߟߎ߬ ߟߊ߫ ߞߊ߬ߙߊ߲߬ߕߊ ߛߐ߬ߘߐ߲߬߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߖߌ߬ߣߍ߫ ߞߟߍ߬ ߞߊߙߊ߲ߕߊ (ߖߞߞ)، ߏ߬ ߦߋ߫ ߣߊ߲߬ߕߌ߰ߦߊ ߟߞߊ߬ߙߊ߲߬ߠߌ߲߬ ߛߊ߲ߘߐߕߊ߫ ߞߎߘߊ߫ ߟߋ߬ ߘߌ߫߸ ߡߍ߲ ߠߊߘߊ߲ߣߍ߲߫ ߞߊ߲ߓߍ߲ ߞߊ߲ߕߌ߯ ߡߊ߬ߓߏ߲߬ߧߊ߬ߕߊ߫ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߟߊ߬ߕߍ߰ߦߊ ߟߊ߫߸ ߣߴߊ߬ ߞߊ߬ߙߊ߲߬ ߘߊ߫ ߂߀߂߆ ߕߎߟߊߝߌ߲ ߕߟߋ߬ ߃߀ ߡߊ߬.

ߟߊ߬ߕߍ߰ߦߊ ߣߌ߲߬ ߕߐ߲ߛߋ߲߫ ߝߟߐߡߊ ߘߐ߫߸ ߊ߬ ߝߐߣߍ߲߫ ߦߋ߲߬ ߞߏ߫: <<ߖߌ߬ߣߍ߬ ߞߊ߲ߓߍ߲ ߖߡߊ߬ߣߊ ߞߣߐ߫ ߡߎ߬ߕߎ߲߬߸ ߣߊ߲߬ߕߌ߰ߦߊ ߟߞߊ߬ߙߊ߲߬ߠߌ߲߬ ߛߊ߲ߘߐߕߊ ߞߊߓߋ߫ ߝߌߟߊߣߊ߲ ߞߊ߬ߙߊ߲߬ߕߊ ߓߘߊ߫ ߟߊߘߊ߲߫߸ ߞߵߊ߬ ߞߍ߫ ߣߊ߲߬ߕߌ߰ߣߌ߬ߢߐ߲߰ߕߍ ߘߌ߫߸ ߊ߬ ߕߐ߯ ߞߏ߫ ߖߌ߬ߣߍ߫ ߞߟߍ߬ ߞߊߙߊ߲ߕߊ (ߖߞߞ).>>

ߣߊ߲߬ߕߌ߰ߣߌ߬ߢߐ߲߰ߕߍ ߏ߬ ߞߘߐ ߟߋ߬߸ ߞߏ߫ ߣߊ߲߬ߕߌ߮ ߓߏߟߏ߲ߝߘߊ ߓߍ߯ ߟߋ߬ ߟߊ߫ ߞߊ߬ߙߊ߲ ߞߍߕߐ߫ ߦߋ߲߬، ߊ߬ ߞߍ߫ ߘߊ߫ ߘߎ߰ߡߊ߬ ߣߊ߲ߕߌ߯ ߘߌ߫ ߓߊ߬߸ ߥߟߊ߫ ߛߊ߲ߡߊ߫ ߣߊ߲ߕߌ߯ ߣߌ߫ ߖߌߞߊ߲߫ ߣߊ߲ߕߌ߯߸ ߖߡߊ߬ߣߊ ߣߊ߲߬ߕߌ߰ ߘߊߞߎ߲ ߓߍ߯ ߟߊ߫ ߞߊ߬ߙߊ߲ ߓߏߟߏ߲ߝߘߊ ߘߌ߫ ߞߊ߬ߙߊ߲߫ ߦߋ߲߬. ߏ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߞߎ߲ߕߌ߮ ߛߌߦߊߡߊ߲߫ ߠߋ߬ ߞߊ߬ߙߊ߲߬ߕߐ߫ ߦߋ߲߬.

ߣߴߌ ߞߊ߬ ߝߘߊ߬ߝߌ߲߬ߠߊ߬ ߡߊߝߟߍ߫߸ ߞߟߍ߬ ߞߊߙߊ߲ߕߊ ߢߌ߲߬ ߡߊ߲߫ ߛߌߦߊߡߊ߫، ߖߊ߬ߕߋ߬ߛߎ߬ߓߐ ߘߏ߫ ߟߊߖߍ߲ߛߍ߲߫ ߘߊ߫ ߂߀߂߂ ߟߊ߫߸ ߊ߬ ߦߋ߫ ߘߊ߫ ߞߏ߫ ߖߡߊ߬ߣߊ߬ ߁߈ ߠߋ߬ ߝߘߊ߬ߝߌ߲߬ߠߊ߫ ߞߣߐ߫߸ ߞߟߍ߬ ߞߊߙߊ߲ߕߊ ߦߋ߫ ߡߍ߲ ߠߎ߬ ߓߟߏ߫߸ ߥߟߊ߫ ߡߊ߬ߞߊ߬ߞߊ߲߬ߠߌ߲ ߞߊ߬ߙߊ߲߬ߘߊ، ߜ߭ߊ߯ߣߊ߬ ߟߋ߬ ߞߍ߫ ߘߊ߫ ߖߡߊ߬ߣߊ߬ ߝߟߐ߫ ߘߌ߫߸ ߡߍ߲ ߞߊ߬ ߞߊ߬ߙߊ߲߬ߕߊ ߢߌ߲߬ ߛߌ߰  ߛߋ߲߬ߠߊ߫ ߞߊ߬ߦߌ߯ ߁߉߆߃ߟߊ߫߸ ߏ߬ ߟߎ߬ ߕߊ ߏ߬ ߕߍߘߍ߫ ߞߍ߬ߟߍ ߞߊ߬ߙߊ߲ߘߊ ߟߋ߬ ߘߌ߫، ߒ߬ߓߊ߬߸ ߖߌ߬ߣߍ߬ ߝߣߊ߫ ߓߘߊ߫ ߝߊ߬ߙߊ߫ ߖߡߊ߬ߣߊ߬ ߟߎ߫ ߞߊ߲߬߸ ߡߍ߲ ߠߎ߬ ߦߴߊ߬ ߝߍ߬ ߞߵߊ߬ߟߎ߬ ߟߊ߫ ߖߡߊ߬ߣߊ ߣߊ߲߬ߕߌ߮ ߟߎ߬ ߟߊߞߐ߯ ߜߊߟߌߜߊߟߌ ߞߍ߫ ߊ߬ߟߎ߬ ߓߘߊ.

ߞߟߍ߬ ߞߊߙߊ߲ߕߊ ߦߋ߫ ߟߊߘߊ߲߫ ߠߊ߫ ߡߎ߲߬ ߞߊ߲ߡߊ߬؟ ߞߊ߬ ߖߡߊ߬ߣߊ ߣߊ߲߬ߕߌ߰ ߛߊ߲ߘߐ ߟߎ߬ ߘߐߓߍ߲߬߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߖߡߊ߬ߣߊ ߣߊ߲߬ߕߌ߮ ߟߎ߬ ߟߊ߫ ߞߏ ߟߎ߬ ߟߊߕߊ߯ߡߊ߫߸ ߡߊ߬ߡߙߊ߬ߟߌ߸ ߣߊ߲߬ߕߌ߰ߦߊ ߝߊ߲߬ߝߘߊ߬ߦߊ߬ߟߌ߸ ߊ߬ ߣߌ߫ ߞߟߍ߬ߦߊ ߘߐ߬ߡߙߌ߬ߟߌ ߟߎ߬، ߊ߬ ߦߋ߫ ߞߍ߫ ߟߊ߫ ߕߙߎ߬ ߘߌ߫߸ ߞߊ߬ ߛߋ߫ ߣߊ߲߬ߕߌ߰ߦߊ ߓߏߟߏ߲ߝߘߊ߫ ߛߌߦߊߡߊ߲߫ ߘߏ߲߬ߖߟߎ߬ߡߊ߬ ߟߊ߫.

ߟߊ߬ߕߍ߰ߦߊ ߡߍ߲ ߦߋ߫ ߣߌ߲߬߸ ߊ߬ ߝߐߣߴߊ߬ ߞߣߐ߫ ߝߣߊ߫ ߞߏ߫: <<ߖߌ߬ߣߍ߫ ߞߟߍ߬ ߞߊߙߊ߲ߕߊ (ߖߞߞ) ߛߌ߲߬ߝߏ߲߬ߧߊ߬ ߢߊ߸ ߊ߬ ߟߊ߫ ߗߋߦߊߟߌ߸ ߊ߬ ߞߏߟߊߕߊ߯ߡߊ߫ ߢߊ ߟߎ߬߸ ߏ߬ ߓߍ߯ ߢߊߝߕߐ߫ ߝߊ߲ߞߊ߲ ߘߏ߫ ߟߋ߬ ߘߐ߫ ߞߊ߲ߕߌ߯ߘߊ ߞߏߕߌ߯ ߗߋߦߊߣߍ߲߫ ߓߟߏ߫߸ ߡߍ߲ ߘߐ߱ߘߏ߲߬ߣߍ߲߫ ߝߊ߬ߛߏ ߡߊ߬ߞߊ߲߬ߞߊ߬ߠߌ߲ ߠߊ߫.>>

ߟߊ߬ߘߊ߲߬ߠߌ߲ ߏ߬ ߟߋ ߞߐ ߘߐ߫߸ ߊ߬ߟߎ߫ ߞߊ߬ ߖߌ߬ߣߍ߫ ߞߟߍ߬ ߞߊߙߊ߲ߕߊ ߢߌ߲߬ ߗߋߕߌ߮ ߞߙߍߞߙߍ߫߸ ߞߵߏ߬ ߞߍ߫ ߞߊߓߋ߫ ߝߌߟߊߣߊ߲ ߞߟߍ߬ߕߌ߰ ߊߡߊ߬ߘߎ߫ ߞߊ߬ߓߊ ߘߌ߫.

ߊ߬ߟߋ ߛߙߍߞߍ ߦߋ߫ ߝߊߙߌ߲߫ ߗ߭ߏߍߟ ߟߡߊ߫ ߟߋ߬ ߘߌ߫߸ ߏ߬ ߟߋ ߞߍ߫ ߘߊ߫ ߞߊ߬ߙߊ߲߬ߕߊ߬ ߞߎߘߊ ߣߌ߲߬ ߗߋߕߌ߯ ߛߙߍߞߍ ߘߌ߫، ߞߊ߬ ߞߐ߲߰ ߏ߬ ߢߍ߫߸ ߗ߭ߏߍߟ ߟߡߊ߫ ߢߌ߲߬ ߕߎ߲߬ ߦߋ߫ ߝߊߙߌ߲ ߘߊ߯ߕߌ߮ ߟߋ߬ ߘߌ߫߸ ߊ߬ ߞߍ߫ ߘߊ߫ ߝߊߙߌ߲ ߘߌ߫ ߟߊ߬ߕߍ߰ߦߊ߬ ߞߋߟߋ߲ ߢߌ߲߬ ߠߋ߬ ߝߣߊ߫ ߟߊ߫.