ߘߌ߯ߣߊ߫ ߢߍߡߐ߯ ߟߎ߬ ߣߐ߬ ߜߊ߬ߙߊ ߘߏ߫ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߞߎ߬ߙߣߊ߬ ߞߊߙߊ߲ ߞߍ߫߸ ߖߌ߬ߣߍ߫ ߟߊ߫ ߖߘߍ߬ߕߌ߰ߦߊ ߛߊ߲߬ ߆߈߲ ߢߊ߰ߢߊ߮ ߞߏߛߐ߲߬، ߓߌ߬ ߂߀߂߆ ߞߏ߲ߓߌߕߌ߯ ߕߟߋ߬ ߁ ߣߌ߲߬ ߡߊ߬߸ ߘߌ߯ߣߊ߫ ߢߍߡߐ߮ ߟߎ߬ ߣߐ߬ ߞߎ߬ߙߣߊ߬ ߞߊߙߊ߲ ߠߋ߬ ߛߌ߰ ߟߊ߫ ߛߋ߲߬ ߠߊ߫ ߞߊ߲ߞߊ߲߫ ߞߊ߬ߝߏ߬ߙߋ߲ ߠߊ߫߸ ߞߊ߬ ߘߎ߬ߥߊ߬ߥߎ߫ ߞߙߍߞߙߍߣߍ߲߫ ߞߍ߫߸ ߞߊ߬ ߕߌ߲ߞߌ߫ ߖߡߊ߬ߣߊ ߦߋ߫߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߦߋ߫߸ ߞߎ߲߬ߠߊ߬ߛߌ߮ ߟߎ߬ ߦߋ߫߸ ߖߡߊ߬ߣߊ߬ߘߋ߲ ߠߎ߬ ߦߋ߫߸ ߤߙߍ߫ ߛߐߘߐ߲ ߠߊ߫߸ ߟߊ߬ߟߌ߬ߟߌ߬ߞߊ߲߬ߠߊ ߘߏ߫ ߝߣߊ߫ ߘߌߣߍ߲߫ ߢߍߓߊ߮ ߟߎ߬ ߡߊ߬ ߜߊ߬ߙߊ ߢߌ߲߬ ߛߋ߲߭ߝߍ߬߸ ߕߍ߲ߓߍ߲ ߣߌ߫ ߞߊ߲ߓߍ߲ ߘߌ߫ ߘߏ߲߬ ߢߊ߫ ߡߍ߲ ߡߊ߬ ߖߡߊ߬ߣߊ ߞߣߐ߫.
ߡߎߛߊ߫ ߓߊߙߌߡ ߞߡߊ߬ߙߊ߬ ߟߊ߫ ߞߎߡߊ߫ ߘߐ߫߸ ߊ߬ߟߋ ߡߍ߲ ߦߋ߫ ߞߊ߲ߞߊ߲߫ ߡߙߊ߬ߘߊ߬ߓߊ ߛߌ߬ߟߡߊ߬ߦߊ ߞߏߘߐߛߘߌߘߊ ߝߘߏ߬ߓߊ߬ ߞߟߊ߬ߕߌ߮ ߘߌ߫߸ ߊ߬ ߞߊ߲߫ ߞߏ߫ <<ߡߙߊ߬ߘߊ߬ߙߋ߲߬ ߁߅ ߡߍ߲ ߦߋ߫ ߞߊ߲ߞߊ߲߫ ߓߟߏ߫߸ ߊ߲ ߞߊ߬ ߏ߬ ߝߣߊ߫ ߟߌߞ ߛߎߔߙߋߝߍ߫ ߕߏߙߊߟ ߓߍ߯ ߞߟߌ߫ ߏ߬ ߟߋ߬ ߘߐ߫߸ ߞߊ߬ ߟߊ߬ߟߌ߬ߟߌ߬ߞߊ߲߬ߠߊ߫ ߞߋߟߋ߲߫ ߏ߬ ߟߊ߫ ߊ߬ߟߎ߬ ߝߣߊ߫ ߕߟߏ ߞߊ߲߬߸ ߓߍ߯ ߦߴߊ߬ ߛߊ߲߬ߓߊ߫ ߊ߬ ߞߐߡߐ߮ ߡߊ߬>> ߊ߬ ߞߵߏ߬ ߟߋ߬ ߝߐ߫߸ ߊ߬ߟߋ ߞߵߊ߬ ߟߊ߫ ߞߎߡߊ ߞߎ߲߬ߘߏ߲ ߞߍ߫ ߘߎ߬ߥߊ߬ߎ ߟߋ߬ ߘߌ߫߸ ߖߐ ߣߌ߫ ߖߛߎ߬ߛߎߡߊ ߘߌ߫ ߟߊߘߏ߲߬ ߢߊ ߡߍ߲ ߖߡߊ߬ߣߊ ߞߣߐ߫߸ ߊ߬ ߣߌ߫ ߝߐ߰ߓߍ߬ߦߊ߬ߟߊ ߟߎ߬ ߝߣߊ߫ ߟߊ߫ ߓߊ߯ߙߊ ߛߓߊ߬ߕߌ ߞߊ߲߬، ߟߊ߱ߖߌ߬ ߊ߬ߙߊ߬ߝߊ߲߫ ߞߊ߬ߓߊ߸ ߊ߬ߟߋ ߡߍ߲ ߦߋ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߢߍߓߊ߮ ߘߏ߫ ߘߌ߫.
ߊ߬ߟߋ ߞߊ߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߡߊ߬ߞߎ߲ ߠߊ߫ ߓߊ߯ߙߊ߫ ߞߍߣߍ߲ ߠߎ߬ ߟߋ߬ ߕߊ߲߬ߘߏ߫߸ ߊ߬ ߞߊ߬ ߡߎ߲߬ ߝߐ߫߸ ߊ߬ ߞߊ߲߫ ߞߏ߫ <<ߊ߲ ߧߋ߫ ߘߎ߬ߥߊ߬ߎ ߞߊ߲߬ ߊ߬ ߦߋ߫ ߛߎ ߣߌ߫ ߕߋ߬ߟߋ߸ ߞߵߊ߬ ߡߊߛߐ߬ߘߐ߲߬ ߊ߲ ߖߍ߬ߘߍ ߓߘߊ߫ ߛ߭ߊ߲ߖ߭ߋߡߊ߲ ߦߋ߫߸ ߊ߲ ߓߘߊ߫ ߞߏ߫ ߛߌߦߊߡߊ߲߫ ߦߋ߫߸ ߊ߬ ߕߍ߫ ߞߎߡߊ߫ ߟߊ߫ ߝߙߍߝߙߍ߬ߣߍ߲ߛߌ߫߸ ߊ߬ ߦߴߊ߬ ߞߊ߲߬ ߞߊ߬ ߓߊ߯ߙߊ ߞߍ߫>> ߊ߬ ߞߵߏ߬ ߟߋ߬ ߝߐ߫߸ ߊ߬ߟߋ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߘߐ߫߸ ߞߏ߫ ߊ߬ ߓߍ߲߬ ߘߴߊ߲ ߠߊ߫ ߞߊ߲ߕߌ߯ ߝߟߐ ߓߟߏ߫ ߢߊ߫ ߡߍ߲ ߡߊ߬߸ ߣߴߊ߬ ߦߋ߫ ߊߤߑߡߍߘ ߛߋߞߎ߬ ߕߎ߬ߙߋ߫ ߘߌ߫߸ ߊ߬ߟߎ߬ ߦߴߊߟߊ߫ ߕߙߊ߫߸ ߊߟߊ߫ ߦߴߊ߬ ߓߍ߲߬ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߣߊ߫ ߓߟߏ߫ ߕߋ߲߬߸ ߞߊ߬ ߓߍ߲߬ ߖߌ߬ߣߍ߬ ߟߊ߫ ߖߘߍ߬ߕߌ߰ߦߊ ߛߊ߲߬ ߦߟߍߡߊ߲ ߡߊ߬߸ ߊ߬ ߓߍ߯ ߞߊߣߊ߬ ߘߍ߲߫ ߕߏߟߏ߲ ߣߌ߫ ߢߊ߰ߢߊ߮ ߟߊ߫ ߢߊ߫ ߡߍ߲߸ ߏ߬ ߟߋ߬ ߣߐ߬ ߘߌߣߊ߫ ߢߍߡߐ߮ ߟߎ߬ ߟߐ߬ ߟߊ߫ ߜߊ߬ߙߊ ߣߌ߲߬ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߣߛߌ߬ ߞߋߟߋ߲߫ ߖߋ߬ߟߌ ߟߊߓߐ߲߬߸ ߞߊ߬ ߘߎ߬ߥߊ߬ߥߎ ߞߍ߫ ߖߡߊ߬ߣߊ ߞߊ߲ߕߌ߮ ߣߌ߫ ߖߡߊ߬ߣߊ ߦߋ߫߸ ߤߙߍ߫ ߛߐߘߐ߲ ߠߊ߫.
