ߕߋߟߋ߲ߓߊ߯ߦߊ ߞߏߕߌ߮ ߡߍ߲ ߦߋ߫ ߡߐ߰ߦߊ ߤߊߞߍ߫ ߞߏ ߣߌ߫ ߓߊ߬ߘߌ߬ߕߊ ߟߎ߬ ߟߊߕߊ߲߬ߞߊ߬ ߞߏ ߞߎ߲߬ߠߊ߫߸ ߣߴߊ߬ ߕߐ߯ ߞߏ߫ ߌߓߙߊߤߌߡߊ߫ ߛߏߙߌ߬ ߂߲ ߕߎ߲߬ߞߙߊ߫߸ ߊ߬ߟߋ ߦߴߊ߬ ߝߍ߬ ߞߊ߬ ߘߊ߲߭ߛߌ߰ ߖߌ߬ߣߍ߫ ߛߊ߬ߙߌ߬ߦߊ߬ ߓߊ߯ߙߊ߫ ߘߊߞߎ߲ ߠߎ߬ ߟߊ߫ ߥߊߘߌ߫ ߟߊߡߌߣߊ߫ ߝߎ߮ ߟߊ߫ ߛߓߍ߫ ߞߏ ߘߊߞߎ߲ ߘߐ߫، ߞߊ߬ߕߎ߲߯߸ ߛߌ߬ߣߌ߲߬ߟߏ߲ ߣߌ߲߬ ߡߊ߬ ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߉߸ ߊ߬ ߣߌ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߟߊ߫ ߢߐ߲߯ߦߋ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߛߓߍ ߡߍ߲ ߠߎ߬ ߦߋ߫ ߓߐ߫ ߟߊ߫ ߞߕߌߘߊ ߟߊ߫ ߦߋ߲߬߸ ߝߏ߫ ߞߵߏ߬ ߟߎ߫ ߛߐ߲߬ߞߐ ߟߎ߬ ߘߎ߲߫ ߠߋ߬ ߜߍ ߘߐ߫ ߥߛߊߞߙߊ߫.

ߊߟߎ߫ ߦߴߊ߬ ߟߐ߲߫߸ ߞߏߕߌ߮ ߣߌ߲߬ ߦߋ߫ ߕߊ߯ߡߊ ߟߋ߬ ߞߊ߲߬ ߞߊ߲ߞߊ߲߫ ߕߌ߲߬ߞߎߘߎ߲ ߘߐ߫ ߕߟߋ߬ ߘߊ߲ߘߐ ߣߌ߲߬ ߞߣߐ߫ ߕߋ߲߬߸ ߊ߬ ߓߘߊ߫ ߛߌ߯ߙߌ߲߫ ߞߍ߫߸ ߞߊ߬ ߡߊ߲߬ߖߊ߲߬ߠߊ߫ ߞߍ߫، ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߞߊߖ߭ߌߦߋ߫ ߖ߭ߎ߳ߘߛߌߦߍߙ ߡߍ߲ ߦߋ߫ ߟߊߘߊ߲߫ ߠߊ߫ ߓߊ߬߸ ߝߊ߬ߛߏ߬ߦߊ߬ ߛߓߍ ߓߊ߬߸ ߊ߬ ߣߌ߫ ߛߐ߬ߘߐ߲߬ ߛߓߍ ߡߍ߲ ߦߋ߫ ߟߊߘߊ߲߫ ߠߊ߫ ߦߋ߲߬ ߣߴߊ߬ ߘߌ߫ ߝߐ߫ ߊ߬ ߡߊ߬ ߞߏ߫ ߞߕߌ ߓߌ߬ߟߊ߬ߒ߬ߠߊ߬ߕߊ߸ ߞߵߏ߬ ߟߊ߫ ߡߙߌߘߐ߫ ߛߓߍߣߍ߲ ߟߊ߬ߕߊ߰ߟߌ߬ ߘߐߛߙߋ߸ ߊ߬ ߞߎߡߊ߫ ߘߴߏ߬ ߟߎ߫ ߛߐ߲߬ߞߐ߬ ߞߏ ߞߊ߲߬.

<<ߛߐ߲߬ߞߐ ߏ߬ ߟߎ߬ ߟߊߕߍ߰ߣߍ߲߫ ߕߋߟߋ߲ߓߊ߯ߦߊ ߞߏߕߌ߮ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߮ ߘߍ߬ߡߊ߬ ߟߊߕߍ߯ߦߊ ߟߋ߬ ߟߊ߫، ߏ߬ ߘߐ߫߸ ߝߏ߫ ߞߵߏ߬ ߞߣߐߞߏ ߡߊߓߏ߲߬ߧߊ߫ ߟߋ߬.>> ߊ߬ ߞߵߏ߬ ߦߌ߬ߘߊ߬.

ߞߵߊ߬ ߟߊߥߟߌ߬ ߛߌߞߊ ߓߐ ߡߊ߬ ߘߐ߬ߛߙߋ ߢߌ߲߬ ߠߎ߫ ߛߐ߲߬ߞߐ ߘߐ߫߸ߕߋߟߋ߲ߓߊ߯ߦߊ ߞߏߕߌ߮ ߞߊ߬ ߖߊ߬ߡߊߙߌ ߘߌ߫ ߞߕߌߘߊ ߞߏߟߊߕߍ߮ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߛߐ߲߬ߞߐ߬ ߝߐߣߍ߲ ߏ߬ ߟߎ߬ ߟߊ߫ ߖߊ߬ߡߊ ߥߟߍ߫ ߞߊ߲߬، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߞߏ߫ ߊ߬ߟߋ߫ ߖߍ߬ߘߍ ߡߊ߫ ߛߐ߲߬ߞߐ ߏ߬ ߟߎ߬ ߝߐ߫ ߞߵߊ߬ ߟߊߕߍ߰߸ ߊ߬ ߞߏ߬ߣߌ߲ ߞߊ߬ ߖߊ߬ߡߊߙߌ ߘߌ߫ ߞߏ߫ ߞߵߊ߬ߟߎ߬ ߘߎ߲߫ ߞߵߊ߬ߟߎ߫ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫.

<<ߊߟߎ߫ ߦߴߊ߬ ߝߐ߫ ߞߕߌ߫ ߛߓߍߟߊ߫ ߞߎ߲ߕߌ߮ ߦߋ߫߸ ߞߏ߫ ߞߵߊ߬ߟߎ߬ ߘߎ߲߫ ߦߙߐ߫ ߛߌߦߊߡߊ߲߫ ߘߐ߫ ߦߊ߲߬߸ ߘߏ߲߬ߘߊ ߟߊ߫߸ ߞߏ߲ ߞߊ߲߬߸ ߊ߬ ߣߌ߫ ߦߙߐ߫ ߛߌ߫ ߣߴߊ߬ ߘߌ߫ ߦߋ߫ ߞߕߌߘߊ ߟߊ߫ ߦߊ߲߬ ߥߛߊߞߙߊ߫.>> ߊ߬ ߞߵߏ߬ ߖߊ߬ߡߊߙߌ ߘߌ߫.

ߞߏߕߌ߮ ߞߵߊ߬ ߦߌ߬ߘߊ߬ ߞߏ߫ ߓߌ߬ߟߊ߬ ߞߊ߬ ߛߎߡߊ߫ ߘߏ߲߬ ߕߴߊ߬ ߟߊ߫ ߞߎߡߊ ߣߌ߲߬ ߘߌ߫ ߘߋ߬߸ ߞߏ߫ ߝߏ߫ ߞߵߊ߬ ߞߍ߫ ߟߋ߬ ߌߞߘߐߣߌ߲߬߸ ߖߐ߲߰ߛߊ߫ ߏ߬ ߘߌ߫ ߞߍ߫ ߕߙߎ߬ ߘߌ߫߸ ߖߡߊ߬ߣߊ߬ߘߋ߲ ߠߎ߬ ߦߋ߫ ߛߋ߫ ߛߓߍ߫ ߟߊߘߊ߲ߕߊ ߟߎ߫ ߛߐ߲߬ߞߐ ߟߐ߲߫ ߠߊ߫߸ ߊ߬ ߣߌ߫ ߞߕߌ ߘߐߞߏ߫ ߛߌߦߊߡߊ߲߫.

<<ߖߊ߬ߡߊߙߌ ߟߋ߬ ߘߌߣߍ߲߫ ߣߌ߲߬، ߝߏ߫ ߞߵߊ߬ ߞߍ߫ ߟߋ߬ ߌߞߘߐߣߌ߲߬߸ ߓߌ߬ ߡߎ߰ߡߍ ߖߍ߬ߘߍ ߘߐ߫.>> ߊ߬ ߞߵߏ߬ ߝߐ߫.

ߌߓߙߊߤߌߡߊ߫ ߛߏߙߌ߬ ߂߲ ߕߎ߲߬ߞߙߊ߫ ߞߵߊ߬ ߘߊߣߐ ߕߏ߫ ߥߙߏ߬ ߛߐ߲߬ߞߐ߬ ߢߌ߬ߣߌ߲߬ߠߊ ߟߎ߬ ߟߊ߫ ߞߏ ߡߊ߬ ߛߓߍ߫ ߟߊߘߊ߲ ߠߎ߬ ߘߐ߫ ߛߐ߲߬߸ ߊ߬ ߣߌ߫ ߞߕߌ߫ ߓߊ߯ߙߊ ߟߎ߬ ߘߐ߫، ߓߊߏ߬߸ ߘߏ߫ ߟߎ߫ ߘߌ߫ ߛߴߊ߬ߟߎ߫ ߛߌ߰ ߟߊ߫ ߞߕߌߘߊ ߟߊ߫߸ ߞߊ߬ ߡߐ߱ ߟߎ߬ ߡߊߞߐ߬ߣߐ߲߬߸ ߡߍ߲ ߓߴߊ߬ ߣߊ߬ ߡߊ߬ߞߏ߬ ߟߊ߫߸ ߞߵߊ߬ ߖߘߍ߬ ߞߍ߫ ߏ߬ ߢߊߓߐߟߊ߫ ߘߌ߫߸ ߝߏ߫ ߊ߬ ߘߌ߫ ߥߊߘߌߓߐ߫ ߜߘߋ ߟߊ߫ ߡߐ߱ ߟߎ߫ ߞߎ߲߬ ߞߏ߫ ߘߐ߫߸ ߡߍ߲ ߡߊ߫ ߛߴߏ߬ ߘߐ߫.

ߞߏߕߌ߮ ߞߵߊ߬ ߝߐ߫ ߏ߬ ߟߋ ߘߐ߫߸ ߞߏ߫: <<ߘߙߐߡߍ߫ ߞߋߟߋ߲ ߘߏ߲߬ ߓߊ߯ ߦߍ߬ߟߍ߫ ߛߐ߲߬ߞߐ߬ ߟߊߕߍ߰ߣߍ߲ ߞߊ߲߬߸ ߊ߬ ߓߘߊ߫ ߜߊߣߊ߲ߧߊ ߘߌ߫.>> ߓߊߏ߬߸ ߛߐ߲߬ߞߐ ߡߍ߲ ߦߋ߫ ߝߐ߫ ߟߊ߫߸ ߏ߬ ߦߟߍ߬ߣߍ߲߫ ߠߋ߬ ߛߐ߲߬ߞߐ߬ ߟߊߕߍ߰ߣߍ߲ ߛߊ߲ߘߐ߫.

ߞߏߕߌ߮ ߟߊ߫ ߝߐߟߌ߫ ߘߐ߫߸ ߣߴߏ߬ ߞߏ߫ ߛߎ߮ ߞߍ߫ ߘߊ߫߸ ߏ߬ ߘߏ߬ߣߌ߲ ߕߍ߫ ߟߊ߫ ߟߊ߫ ߖߋߘߌ߫ ߣߌ߫ ߡߐ߬ߙߐ߫ ߞߎ߲߬߸ ߊ߰ ߟߊ߫ ߟߊ߫ ߞߕߌߘߊ ߞߏߟߊߕߍ߮ ߟߎ߫ ߟߋ߬ ߞߎ߲߬.

<<ߊ߬ ߟߊߕߐ߫ ߊߟߎ ߟߋ߬ ߞߎ߲߬ ߝߛߊߦߌ߫، ߓߊߏ߬߸ ߦߊ߲߬ ߞߏߟߊߕߍ߯ߦߊ ߦߴߊߟߎ ߟߋ߬ ߓߟߏ߫، ߝߏ߫ ߊߟߴߊߟߎ߫ ߢߊ ߕߏ߫ ߊ߬ ߝߍ߬ ߟߋ߬ ߏ߬ ߘߐ߫ ߘߋ߬.>> ߊ߬ ߞߵߏ߬ ߖߊ߬ߛߙߋ߬ߡߊ߬ߟߊ ߞߍ߫

ߖߊ߬ߡߊߙߌ ߢߌ߲߬ ߘߌߣߍ߲߫ ߕߋߟߋ߲ߓߊ߯ߦߊ ߞߏߕߌ߮ ߓߟߏ߫ ߥߊ߯ߕߌ߫ ߟߋ߬ ߟߊ߫ ߣߌ߲߬߸ ߊ߬ ߣߕߊ߬ߣߍ߲߫ ߞߏ ߟߎ߬ ߟߊߜߍ ߣߌ߫ ߕߋߟߋ߲ ߞߐ߫ ߥߊ߯ߕߌ ߡߍ߲ ߠߊ߫، ߖߐ߲߰ߛߊ߫ ߓߍ߯ ߘߌ߫ ߝߙߍ߫ ߞߕߌߘߊ ߟߎ߬ ߟߊ߫߸ ߡߊ߬ߞߏ߬ ߢߊ߬ߓߐ ߟߎ߬ ߘߐ߫.